Isaya 14
14
Obukhoomoli khumuruchi waBabeli
1Okhuba OMWAMI abeela Yakobo tsimbabasi; alalobola Isiraeli khandi, nabara Inushialo shiabwe abeene; nabarende baleeyunga khubo nibaliimaana khunzu yaYakobo. 2Natsio tsimbia tsiabandu tsilababukula nitsibakooba ewabwe; nabeinzu yaIsiraeli balabaruka mushibala shiOMWAMI, babe abakholi abeshisaatsa nende abeshikhasi; khandi balabahamba abeenabo abalinji nibabahamba; nibaruka abasandii babwe.
3Khandi khunyanga eya OMWAMI alakhuhuluusia mubusaalilibwo, nende mumasilako, nende mubukholi obutinyu obwa wakhosibwa, 4olamukhoomolela omuruchi waBabeli nende olwimbo luno, nosunga mbu
Khane omusandii yaakaame!
Khane oburima obwobulechelesi bwakaame!
5OMWAMI yafunaache indabushi yabamayaanu,
omutunga kwobwami ksva abo abarukanga;
6okwakhupa tsimbia tsiabandu noburima,
nende amakhupache akaraakama ta;
okwaruka amahanga nobululu,
nende obusandii oburakayilwa tawe.
7Eshialo eshilamba shihuluushile, shiholeelile,
barundukhanga okhwimba.
8Yee, emisaala chiemitaraakwe chikhwikhoyelanga,
nemisiita chieLebanoni, chiri Okhurula olwa wakonibwa hasi iwe,
abulaho omuremi yesi oukhwitsiile.
9Makombe emwalo yiyakuulwe,
okhukhubukaanila khukhwitsakhwo;
yikhubuusilinjia ebiiniini biabaafwa,
kata bosi abalinji abakhulundu beshialo;
yibabuusiye barule khubifumbi biabwe abaruchi bosi bamahanga.
10Abo bosi balakalusia nibakhuboolela bari kho wesi watorile shinga ifwe noho?
Wakwile okhufwana shinga ifwe?
11Oluyalilwo Iweisunga Iwisiibwe eMakombe,
nende obuyoka bwamatunguko;
tsinyende tsiaalilwe hasiwo,
khandi tsinyende tsikhufwimbanga.
12Mako, khane waakuushe okhurula mwikulu,
Eyasulwe, omwana womutsuli!
Mako, khane waremilwe hasi,
owakwisinjia amahanga hasi!
13Wasunga mumwoyokwo ori Nengulushe mwikulu,
nenjinje eshifumbi shianje hekulu wetsinyininyini tsiaNyasaye;
nenzikhale khushikulu shiomukhung'aano,
khushihesi shielubeka Iwenotsi;
14nengulushe nimbira khubutenje bwamaleesi;
nefwanane nende Oyo Ouli Ikulu Muno.
15Khane okwisiibwe hasi eMakombe,
khushiakamo shiObuko.
16Abakhulola balakhurangaala butinyu,
balakhuyililisiakhwo nibaboola bari Uno yakhaba niye omundu watsana owareesia eshialo,
owatechesia oburuchi bwosi?
17Iiho niye owakalukhasia eshialo eshitsiimi, nakwisia amatookho kashio;
ouraboholola ababohebe mbu batsie ewabwe ta; noho?
18Abaruchi bosi bamahanga, bosi pe, bakonela muluyali,
buli mundu munzuye omwene.
19Nawe osukuunwe elwanyi chale nende eshilindwashio,
shinga omurombo kweshisinyo,
nofwalwakhwo abeerwa,
abo abafumirwa nolukanga,
abeeshelanga mumachina kobuko shinga omulambo okuseenwa nebilenje.
20Shiolaliimaasibwa ninabo mukhuyabilwa ta,
shichila wamuluule eshialoshio.
Wayeerile abandubo;
olwibulo Iwomukholi wetsimbii shibalirumbulwakhwo khandi ta.
21Kasilia abaanabe eshisinzilo khulwa obwonooni bwabasaabwe;
mbu baleshe okhubuukha okhulia eshialo nokhwitsusia eshialo namatookho.
22OMWAMI omwene mahe aboola mbu Nasi ndalabarulilakhwo nikhalachila Babeli eliira nende omusikalo, nende omwana nende omwitsukhulu; nolwa OMWAMI aboola. 23Khandi ndalashikhola eshimenyo shianamungulu, nende amatiba kamatsi; khandi ndalashieya nende ameeyo kobutibii; nolwa OMWAMI omwene mahe aboola.
Ashuru okhumululwa
24OMWAMI omwene mahe yeetsubile, ari
Toto mwene, shinga olwa ndapaarile, nolwa kaleekhola kario;
khandi shinga olwa ndakasiye,
nolwa kalasinjila kario;
25mbu ndalafunaka omuAshuru mushibala shianje,
nimuseenela hasi khubikulu bianje;
kho mana likokololie lilabarulakhwo,
omusiikokwe nakwo nikurula khumabeka kabwe.
26Tsino nitsio tsiyemi etsiakasiibwe khubialo biosi;
khandi kuno nikwo omukhono okukololosiibwe khumahanga kosi.
27Okhuba OMWAMI omwene mahe yakasiye, ne niwina owanokasasie?
Khandi omukhonokwe kukololosiibwe, ne niwina owanokufumbe?
Amakhuwa amasiro khuFilisiti
28Amakhuwa amasiro kano kaliho mumuyika okwa omuruchi Ahazi yafwilamwo.
29Oreekhoya tawe, iwe Filisiti, wesi pe,
mbu olusaala olwakhukhupa lwafiniishe;
okhuba okhurula mushisina shieinzokha shilarulamwo eshiyilikoma,
nebiamo biashio bilaba inzokha eyipulukhanga.
30Nabo abamananiyiile elala balaliitsanga,
abatakha nabo balakona shisale;
nasi ndaleera eshisinashio nende inzala,
ninzira omusikalokwo.
31Khupa tsimbungu, e iwe eshilibwa;
yikhuula, e iwe Filisiti, osaluluushe, wesi pe;
okhuba omwosi kurulanga enotsi abulaho oung'afukha mumukanda kwelihelie.
32Kho abarume belihanga elo, olabakalusiamwo orie?
Mbu OMWAMI yaralisiye Sayuni,
khandi mbu abasandibwa abomubandube balanyoolela obwilushilo mulio.
Currently Selected:
Isaya 14: OUV
Highlight
Copy
Compare
Share
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975
Isaya 14
14
Obukhoomoli khumuruchi waBabeli
1Okhuba OMWAMI abeela Yakobo tsimbabasi; alalobola Isiraeli khandi, nabara Inushialo shiabwe abeene; nabarende baleeyunga khubo nibaliimaana khunzu yaYakobo. 2Natsio tsimbia tsiabandu tsilababukula nitsibakooba ewabwe; nabeinzu yaIsiraeli balabaruka mushibala shiOMWAMI, babe abakholi abeshisaatsa nende abeshikhasi; khandi balabahamba abeenabo abalinji nibabahamba; nibaruka abasandii babwe.
3Khandi khunyanga eya OMWAMI alakhuhuluusia mubusaalilibwo, nende mumasilako, nende mubukholi obutinyu obwa wakhosibwa, 4olamukhoomolela omuruchi waBabeli nende olwimbo luno, nosunga mbu
Khane omusandii yaakaame!
Khane oburima obwobulechelesi bwakaame!
5OMWAMI yafunaache indabushi yabamayaanu,
omutunga kwobwami ksva abo abarukanga;
6okwakhupa tsimbia tsiabandu noburima,
nende amakhupache akaraakama ta;
okwaruka amahanga nobululu,
nende obusandii oburakayilwa tawe.
7Eshialo eshilamba shihuluushile, shiholeelile,
barundukhanga okhwimba.
8Yee, emisaala chiemitaraakwe chikhwikhoyelanga,
nemisiita chieLebanoni, chiri Okhurula olwa wakonibwa hasi iwe,
abulaho omuremi yesi oukhwitsiile.
9Makombe emwalo yiyakuulwe,
okhukhubukaanila khukhwitsakhwo;
yikhubuusilinjia ebiiniini biabaafwa,
kata bosi abalinji abakhulundu beshialo;
yibabuusiye barule khubifumbi biabwe abaruchi bosi bamahanga.
10Abo bosi balakalusia nibakhuboolela bari kho wesi watorile shinga ifwe noho?
Wakwile okhufwana shinga ifwe?
11Oluyalilwo Iweisunga Iwisiibwe eMakombe,
nende obuyoka bwamatunguko;
tsinyende tsiaalilwe hasiwo,
khandi tsinyende tsikhufwimbanga.
12Mako, khane waakuushe okhurula mwikulu,
Eyasulwe, omwana womutsuli!
Mako, khane waremilwe hasi,
owakwisinjia amahanga hasi!
13Wasunga mumwoyokwo ori Nengulushe mwikulu,
nenjinje eshifumbi shianje hekulu wetsinyininyini tsiaNyasaye;
nenzikhale khushikulu shiomukhung'aano,
khushihesi shielubeka Iwenotsi;
14nengulushe nimbira khubutenje bwamaleesi;
nefwanane nende Oyo Ouli Ikulu Muno.
15Khane okwisiibwe hasi eMakombe,
khushiakamo shiObuko.
16Abakhulola balakhurangaala butinyu,
balakhuyililisiakhwo nibaboola bari Uno yakhaba niye omundu watsana owareesia eshialo,
owatechesia oburuchi bwosi?
17Iiho niye owakalukhasia eshialo eshitsiimi, nakwisia amatookho kashio;
ouraboholola ababohebe mbu batsie ewabwe ta; noho?
18Abaruchi bosi bamahanga, bosi pe, bakonela muluyali,
buli mundu munzuye omwene.
19Nawe osukuunwe elwanyi chale nende eshilindwashio,
shinga omurombo kweshisinyo,
nofwalwakhwo abeerwa,
abo abafumirwa nolukanga,
abeeshelanga mumachina kobuko shinga omulambo okuseenwa nebilenje.
20Shiolaliimaasibwa ninabo mukhuyabilwa ta,
shichila wamuluule eshialoshio.
Wayeerile abandubo;
olwibulo Iwomukholi wetsimbii shibalirumbulwakhwo khandi ta.
21Kasilia abaanabe eshisinzilo khulwa obwonooni bwabasaabwe;
mbu baleshe okhubuukha okhulia eshialo nokhwitsusia eshialo namatookho.
22OMWAMI omwene mahe aboola mbu Nasi ndalabarulilakhwo nikhalachila Babeli eliira nende omusikalo, nende omwana nende omwitsukhulu; nolwa OMWAMI aboola. 23Khandi ndalashikhola eshimenyo shianamungulu, nende amatiba kamatsi; khandi ndalashieya nende ameeyo kobutibii; nolwa OMWAMI omwene mahe aboola.
Ashuru okhumululwa
24OMWAMI omwene mahe yeetsubile, ari
Toto mwene, shinga olwa ndapaarile, nolwa kaleekhola kario;
khandi shinga olwa ndakasiye,
nolwa kalasinjila kario;
25mbu ndalafunaka omuAshuru mushibala shianje,
nimuseenela hasi khubikulu bianje;
kho mana likokololie lilabarulakhwo,
omusiikokwe nakwo nikurula khumabeka kabwe.
26Tsino nitsio tsiyemi etsiakasiibwe khubialo biosi;
khandi kuno nikwo omukhono okukololosiibwe khumahanga kosi.
27Okhuba OMWAMI omwene mahe yakasiye, ne niwina owanokasasie?
Khandi omukhonokwe kukololosiibwe, ne niwina owanokufumbe?
Amakhuwa amasiro khuFilisiti
28Amakhuwa amasiro kano kaliho mumuyika okwa omuruchi Ahazi yafwilamwo.
29Oreekhoya tawe, iwe Filisiti, wesi pe,
mbu olusaala olwakhukhupa lwafiniishe;
okhuba okhurula mushisina shieinzokha shilarulamwo eshiyilikoma,
nebiamo biashio bilaba inzokha eyipulukhanga.
30Nabo abamananiyiile elala balaliitsanga,
abatakha nabo balakona shisale;
nasi ndaleera eshisinashio nende inzala,
ninzira omusikalokwo.
31Khupa tsimbungu, e iwe eshilibwa;
yikhuula, e iwe Filisiti, osaluluushe, wesi pe;
okhuba omwosi kurulanga enotsi abulaho oung'afukha mumukanda kwelihelie.
32Kho abarume belihanga elo, olabakalusiamwo orie?
Mbu OMWAMI yaralisiye Sayuni,
khandi mbu abasandibwa abomubandube balanyoolela obwilushilo mulio.
Oluluyia Union Version © Bible Society of Kenya 1975