Isaya 10
10
1Woowe khubeenabo abalakanga amalako amashiamu,
nende khubahandiichi abahandiikanga obukhalachi obwobumiini;
2abashiukhasinjia abatakha baranyoole obukhalachi bwatoto ta,
nokhunuula abamanani mubandu banje bienebio ebibakhoyeele;
mbu abakhasi abalekhwa babe ebiyaayo biabwe,
khandi mbu bakhole abaana ababisandu ebioluyiitsi biabwe!
3Inywe mulakhola murie khunyanga yokhukuumwa,
khandi mubwonooneshi obularula ehale?
Mulamwilushila wina amuhabine?
Khandi mulalekha heena obuyinda bweenywe?
4Elitong'ile bulaano nokhwinama butswa hasi mubahambe,
nokhukwa hasi mubeerwa.
Khulwako kosi oburimabwe shibuhutsuluushe tawe,
nebutswa omukhonokwe ashikukoloole ario.
Shinga OMWAMI olwa yeekhoonyela Ashuru
5Bayaye, iwe omuAshuru, indabushi yoburima bwanje,
owa olusaala oluli mumukhonokwo nilwo obusinyishi bwanje!
6Emuruma okhuyinga lihanga liabandu abarariitsanga Nyasaye ta,
khandi emulaka okhuyinga abandu aba ndatiililwa oburima,
okhuyaaya emiandu, nokhuhamba ebioluyiitsi,
nokhubatubanjila shinga amatoyi akokhunjila.
7Habula ye shialolanga ario ta,
kata omwoyokwe shikuyililisinjia kurio tawe;
ne akali mumwoyokwe nokhumulula nende okhutibia amahanga, amahanga amanji, amatuutu ta.
8Okhuba aboola ari nanwa, mbu Abakhulundu banje shibali abaruchi bosi pe?
9Kalano shilili shinga Karakhemishi?
Hamadi shilili shinga Arapadi?
Samaria shilili shinga Damasiko?
10Olwa omukhono kwanje kwayoolile khubwami bwebiabutswa ebio ebiinamilwa,
ebia ebifwanani biabio ebibaatse bishila ebili ebiaYerusalemu nende Samaria,
11kho shinga olwa ndakholeele Samaria nende ebiabutswa bialio, shindalakholela endi nanwa Yerusalemu nende ebifwannni bialio noho?
12Olwa Omwami alaba namalile emilimochie chiosi khushikulu shiaSayuni khandi khuYerusalemu, alakuuma ebiamo biomwoyo omwikhulumamii kwomuruchi waAshuru, nende ing'oono yobwichinjimisiibwe. 13Okhuba yaboolile mbu
Mungufu tsiomukhono kwanje ndalikholile, khandi mubuchesi bwanje;
shichila endi omurechelefu;
khandi ndarusiyeho tsinzakho tsiamahanga,
niyaaya ebia bali nibabiishile,
nimbakwisia abeekhala khubifumbi bioburuchi shinga isurusi olwa yikholanga;
14omukhono kwanje nakwo kwanyoolile obuyinda bwamahanga shinga eshitsu;
khandi shinga omundu olwa akhung'aasia amabuyu akaleshilwe,
nolwa ndakhung'aasiye eshialo shiosi pei kata yahumileho oupapasiye olubaha,
kata okhwasama omunwa, kata okhwibootsa ta.
15Ihaywa yinyala okhwilayila omwenoyo ouchiremelanga?
Omusumeeno kunyala okhwikhulumamilia omwenoyo oukukhwesa?
Mbula, kali shinga olwa indabushi yibareesia abayichinga,
kata shinga olwa olusaala lumuchinga oyo ourali omusaala ta.
16Niko akachila Omwami, OMWAMI omwene mahe,
alaruma mubanefube obung'ahu;
nomumubilikwe okhwakha khulahambibwa,
shinga okhwakha khwomulilo.
17Nobulafu bwaIsiraeli buleekhola omulilo.
Omutakatifu naye aleekhola olumemu lwomulilo;
nakwo kulasamba nikumulula ebisisiabie nende tsisasaaritsie khunyanga ndala.
18Naye alamala oluyali lwomutsurukwe, nende olwomukundakwe omunulu,
omwoyo nende omubili kwosi;
ne kalaba shinga olwa omulwale ahweelelelanga.
19Nomusikalo kwemisaala echiomumutsurukwe kulaba omutuutu,
mbu omwana yakhanyala okhuchihandiika.
Omusikalo kwaIsiraeli
20Ne khunyanga eyo omusikalo kwaIsiraeli, nende abo abeehonokooshe khubomunzu yaYakobo, shibaleesetamia khandi khumwenoyo owabakhupa ta; ne baleesetamia khuMWAMI, Omutakatifu waIsiraeli, mubwatoto. 21Omusikalo kulakalukha, nikwo omusikalo kwaYakobo; kulakalushila Nyasaye owamaani. 22Okhuba kata abandubo, e Isiraeli, olwa bali shinga omuyeshe okwomunyanza, nomusikalo mubo kwonyene abalakalukha; eshihesi shimalile okhureebwaho, eshiitsuulemwo obulunjishi tu. 23Okhuba Omwami, OMWAMI omwene mahe, alakhola eshihesi hakari webialo biosi pe, nashio neshiareebwaho khale.
24Niko akachila Omwami, OMWAMI omwene mahe, aboola mbu O, inywe abandu banje, abamenyile muSayuni, murariitsanga abaAshuru ta, kata olwa bakhuupa nende indabushi, nibakhuchinguulila olusaala lwabwe shinga eMisiri. 25Okhuba shishili eshise eshituutu, mana obusinyishi bulaba nibuhelile, noburima bwanje bulabatibia. 26Ne OMWAMI omwene mahe alababuusilia olukhoba, shinga olwa yakhupa Midiani, khulwanda lwaOrebu; indabushiye yilaba hekulu weinyanza naye alayichinguula shinga eMisiri.
27Khandi khunyanga eyo,
omusiikokwe kularula khwibekalio,
nende likokololie okhurula mwikosilio, nilifinikha.
Okhutsiililila khwabaAshuru
28Amalile okhuula eAyati; abirile muMigironi;
abiishile emisiikochie eMikamashi;
29babirile mumbaka.
Balakona eGeba.
AbaRama barenga;
abaGibea waSaulo beeluushe.
30Khupa tsimbungu, iwe omukhaana omuGalimu!
Reka amarwi, iwe Laisha!
Iwe Anatsotsi, fuchila!
31Madamena nomwilushi;
abamenyanga eGebimu beeluushe.
32Leelo luno alasinjila eNobu;
asiomesia olwala khushikulu shiomukhaana waSayuni,
nishio eshikulu shiaYerusalemu.
33Lole, Omwami, OMWAMI omwene mahe,
alatsosole amasaka nende amaani akariisia;
nachio emirambi mushimo shiachio chilaremwa,
emichinguukhu chilamululwa.
34Alaremaka ebitsakha biomutsuru nende ihaywa,
ne Lebanoni yilakwisibwa nomutsuru kwayo kwoluyali.
Currently Selected:
Isaya 10: OUV
Highlight
Copy
Compare
Share
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975
Isaya 10
10
1Woowe khubeenabo abalakanga amalako amashiamu,
nende khubahandiichi abahandiikanga obukhalachi obwobumiini;
2abashiukhasinjia abatakha baranyoole obukhalachi bwatoto ta,
nokhunuula abamanani mubandu banje bienebio ebibakhoyeele;
mbu abakhasi abalekhwa babe ebiyaayo biabwe,
khandi mbu bakhole abaana ababisandu ebioluyiitsi biabwe!
3Inywe mulakhola murie khunyanga yokhukuumwa,
khandi mubwonooneshi obularula ehale?
Mulamwilushila wina amuhabine?
Khandi mulalekha heena obuyinda bweenywe?
4Elitong'ile bulaano nokhwinama butswa hasi mubahambe,
nokhukwa hasi mubeerwa.
Khulwako kosi oburimabwe shibuhutsuluushe tawe,
nebutswa omukhonokwe ashikukoloole ario.
Shinga OMWAMI olwa yeekhoonyela Ashuru
5Bayaye, iwe omuAshuru, indabushi yoburima bwanje,
owa olusaala oluli mumukhonokwo nilwo obusinyishi bwanje!
6Emuruma okhuyinga lihanga liabandu abarariitsanga Nyasaye ta,
khandi emulaka okhuyinga abandu aba ndatiililwa oburima,
okhuyaaya emiandu, nokhuhamba ebioluyiitsi,
nokhubatubanjila shinga amatoyi akokhunjila.
7Habula ye shialolanga ario ta,
kata omwoyokwe shikuyililisinjia kurio tawe;
ne akali mumwoyokwe nokhumulula nende okhutibia amahanga, amahanga amanji, amatuutu ta.
8Okhuba aboola ari nanwa, mbu Abakhulundu banje shibali abaruchi bosi pe?
9Kalano shilili shinga Karakhemishi?
Hamadi shilili shinga Arapadi?
Samaria shilili shinga Damasiko?
10Olwa omukhono kwanje kwayoolile khubwami bwebiabutswa ebio ebiinamilwa,
ebia ebifwanani biabio ebibaatse bishila ebili ebiaYerusalemu nende Samaria,
11kho shinga olwa ndakholeele Samaria nende ebiabutswa bialio, shindalakholela endi nanwa Yerusalemu nende ebifwannni bialio noho?
12Olwa Omwami alaba namalile emilimochie chiosi khushikulu shiaSayuni khandi khuYerusalemu, alakuuma ebiamo biomwoyo omwikhulumamii kwomuruchi waAshuru, nende ing'oono yobwichinjimisiibwe. 13Okhuba yaboolile mbu
Mungufu tsiomukhono kwanje ndalikholile, khandi mubuchesi bwanje;
shichila endi omurechelefu;
khandi ndarusiyeho tsinzakho tsiamahanga,
niyaaya ebia bali nibabiishile,
nimbakwisia abeekhala khubifumbi bioburuchi shinga isurusi olwa yikholanga;
14omukhono kwanje nakwo kwanyoolile obuyinda bwamahanga shinga eshitsu;
khandi shinga omundu olwa akhung'aasia amabuyu akaleshilwe,
nolwa ndakhung'aasiye eshialo shiosi pei kata yahumileho oupapasiye olubaha,
kata okhwasama omunwa, kata okhwibootsa ta.
15Ihaywa yinyala okhwilayila omwenoyo ouchiremelanga?
Omusumeeno kunyala okhwikhulumamilia omwenoyo oukukhwesa?
Mbula, kali shinga olwa indabushi yibareesia abayichinga,
kata shinga olwa olusaala lumuchinga oyo ourali omusaala ta.
16Niko akachila Omwami, OMWAMI omwene mahe,
alaruma mubanefube obung'ahu;
nomumubilikwe okhwakha khulahambibwa,
shinga okhwakha khwomulilo.
17Nobulafu bwaIsiraeli buleekhola omulilo.
Omutakatifu naye aleekhola olumemu lwomulilo;
nakwo kulasamba nikumulula ebisisiabie nende tsisasaaritsie khunyanga ndala.
18Naye alamala oluyali lwomutsurukwe, nende olwomukundakwe omunulu,
omwoyo nende omubili kwosi;
ne kalaba shinga olwa omulwale ahweelelelanga.
19Nomusikalo kwemisaala echiomumutsurukwe kulaba omutuutu,
mbu omwana yakhanyala okhuchihandiika.
Omusikalo kwaIsiraeli
20Ne khunyanga eyo omusikalo kwaIsiraeli, nende abo abeehonokooshe khubomunzu yaYakobo, shibaleesetamia khandi khumwenoyo owabakhupa ta; ne baleesetamia khuMWAMI, Omutakatifu waIsiraeli, mubwatoto. 21Omusikalo kulakalukha, nikwo omusikalo kwaYakobo; kulakalushila Nyasaye owamaani. 22Okhuba kata abandubo, e Isiraeli, olwa bali shinga omuyeshe okwomunyanza, nomusikalo mubo kwonyene abalakalukha; eshihesi shimalile okhureebwaho, eshiitsuulemwo obulunjishi tu. 23Okhuba Omwami, OMWAMI omwene mahe, alakhola eshihesi hakari webialo biosi pe, nashio neshiareebwaho khale.
24Niko akachila Omwami, OMWAMI omwene mahe, aboola mbu O, inywe abandu banje, abamenyile muSayuni, murariitsanga abaAshuru ta, kata olwa bakhuupa nende indabushi, nibakhuchinguulila olusaala lwabwe shinga eMisiri. 25Okhuba shishili eshise eshituutu, mana obusinyishi bulaba nibuhelile, noburima bwanje bulabatibia. 26Ne OMWAMI omwene mahe alababuusilia olukhoba, shinga olwa yakhupa Midiani, khulwanda lwaOrebu; indabushiye yilaba hekulu weinyanza naye alayichinguula shinga eMisiri.
27Khandi khunyanga eyo,
omusiikokwe kularula khwibekalio,
nende likokololie okhurula mwikosilio, nilifinikha.
Okhutsiililila khwabaAshuru
28Amalile okhuula eAyati; abirile muMigironi;
abiishile emisiikochie eMikamashi;
29babirile mumbaka.
Balakona eGeba.
AbaRama barenga;
abaGibea waSaulo beeluushe.
30Khupa tsimbungu, iwe omukhaana omuGalimu!
Reka amarwi, iwe Laisha!
Iwe Anatsotsi, fuchila!
31Madamena nomwilushi;
abamenyanga eGebimu beeluushe.
32Leelo luno alasinjila eNobu;
asiomesia olwala khushikulu shiomukhaana waSayuni,
nishio eshikulu shiaYerusalemu.
33Lole, Omwami, OMWAMI omwene mahe,
alatsosole amasaka nende amaani akariisia;
nachio emirambi mushimo shiachio chilaremwa,
emichinguukhu chilamululwa.
34Alaremaka ebitsakha biomutsuru nende ihaywa,
ne Lebanoni yilakwisibwa nomutsuru kwayo kwoluyali.
Oluluyia Union Version © Bible Society of Kenya 1975