Abaheburania 7
7
Obukuhani bwaMelekisedeki
1Melekisedeki oyo, omuruchi waSalemu, omukuhani waNyasaye Ouli Ikulu Muno, yabukaana nende Aburahamu nachelelanga narula okhubeera abaruchi balia, namusabila ikhabi; 2Aburahamu namukabila eshitonye shielikhumi mubiosi. Akeliiralie, olwambeli eshisina shialio ni Omuruchi wobulunjishi; khandi niye Omuruchi waSalemu, eshisina mbu Omuruchi womulembe. 3Yabula samwana, yabula nyina, yabula aketsinzibulo; tsindaalotsie tsiabula obusimikhwi, obulamubwe bwabula eshiakamo. Ne olwa yakholwa okhufwana shinga Omwana waNyasaye ario, abeetsangaho omukuhani obushia nobushia.
4Kho bulaano khuyililisie khubukhongo bwomundu uno, owa Aburahamu, kuuka weefwe omukhulundu, yaheelesia eshitonye shielikhumi eshiomubiyaayo, ebishila obulayi. 5Toto mwene, abo abokhubeetsukhulu baLawi abanyoola obukuhani balakwa okhuroosinjia ebitonye bielikhumi mubandu, amalako shinga olwa kalaka, eshisina mbu mubaluyia babwe, kata nibali abarula munda yaAburahamu. 6Nebutswa oyo owa tsinzibulotsie tsirarula mubo ta yamuroosia Aburahamu ebitonye bielikhumi, namusabila ikhabi oyo ouli omwene obusuubisie. 7Ne kamanyiishe obulayi mbu omutuutu niye ousabilwa ikhabi noyo oumushila. 8Khandi mbu hano abandu abafwitsanga nibo ababukula ebitonye bielikhumi; habula yaho ni oyo owa karumbulwa mbu ali mwoyo. 9Kata khwakhanyala okhuboola mbu muAburahamu, kata Lawi oubukuIanga ebitonye bielikhumi, omwene warunga ebitonye bielikhumi; 10okhuba yali nashili munda yakuukanyene olwo Melekisedeki yabukaana ninaye.
11Haho obulamba nibuba nibwanyooleshela mubukuhani bweshiLawi, okhuba nibwo obwa abandu baheebwa amalako khulwabwo, khane buli heena obutambi obwachila omukuhani undi lukano okhubuukha, oweimela yaMelekisedeki ourabalwa mbu noweimela yaHaruni ta? 12Shichila obukuhani olwa bukalukhana, amalako nako kokhoyile mbu kakalukhane. 13Okhuba oyo owa amakhuwa ako kasungwakhwo yarula muluyia lundi, omwa arashiarulamwo omundu yesi oukhalabana hashimalilo shiemisango ta. 14Shichila kamanyikha bulayi shinga Omwami weefwe olwa yarula muYuda; ne Musa shiyaboola likhuwa liosi liosi khuluyia olwo halubeka lwabakuhani ta.
15Kata kakhumanyishila bulayi okhushila omukuhani undi naba nabuukha oufwanana nende Melekisedeki, 16ourali omukuhani khulwa olwanzilo lwamalako komubili ta, habula khulwa obunyali bwobulamu oburatibikha tawe.
17Okhuba oburumbusi mbwobuno, mbu
Niwe omukuhani obushia nobushia okhulonda khumela yaMelekisedeki.
18Lilako liambeli liarusiibweho shichila liabula amaani kata inganga; 19okhuba amalako shikakhola eshindu shiosi okhuba eshilamba ta; khandi linaayo elilishila obulayi liayeenjisiibwe, elichilanga nikhusita ahambi khuNyasaye.
20Ne kano shikeekhola aharali eshiitsubo ta. 21Nitoto, mbu abo bakholwa abakuhani aharali e eshiitsubo shiosi ta; ne ye yakholwa ario neshiitsubo, khulwoyo owamusunjila ari
Omwami yeetsuba, kata shialeekalukhasia ta,
mbu niwe omukuhani obushia nobushia.
22Kho Yesu yesi ario yeekhola omusinji weindakano eyili indayi okhushila. 23Nitoto, mbu abo bakholwa abakuhani abanji obukhumi bwabwe, okhuba okhufwa khwabayinjilanga oburatsiililila ta; 24habula ye ali nobukuhani oburakalukhana ta, shichila abeetsangaho obushia nobushia. 25Khandi niko akachilanga nanyala okhubahonilia elala abo abasitanga ahambi khuNyasaye khululwe; okhuba abeetsangaho mwoyo obushia nobushia okhubasaayila.
26Obutambi bweefwe bwakhoya omukuhani omukhulundu oufwana ario; mbu omutakatifu, oubula obukaatii, oubula eshikha, owaahukhaane naboonooni, niyeemekhwa ikulu okhushila likulu liene. 27Ye abula eshichila amalenje emisango khatsotselo, shinga abakuhani abakhulundu balia, olwambeli khulwa ebionoono bibie omwene noIunyuma khulwa ebionoono biabandu, tawe; shichila elo yalimala okhukhola lulala lwonyene, olwa yeehaana omwene. 28Amalako kareetsangaho abandu nabandu, abateshele, okhuba abakuhani abakhulundu; habula amakhuwa keshiitsubo eshio eshialonda khumalako kamuraho Omwana, owamala okhukholwa omulamba okhuula khubisoni nebisoni.
Currently Selected:
Abaheburania 7: OUV
Highlight
Copy
Compare
Share
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975
Abaheburania 7
7
Obukuhani bwaMelekisedeki
1Melekisedeki oyo, omuruchi waSalemu, omukuhani waNyasaye Ouli Ikulu Muno, yabukaana nende Aburahamu nachelelanga narula okhubeera abaruchi balia, namusabila ikhabi; 2Aburahamu namukabila eshitonye shielikhumi mubiosi. Akeliiralie, olwambeli eshisina shialio ni Omuruchi wobulunjishi; khandi niye Omuruchi waSalemu, eshisina mbu Omuruchi womulembe. 3Yabula samwana, yabula nyina, yabula aketsinzibulo; tsindaalotsie tsiabula obusimikhwi, obulamubwe bwabula eshiakamo. Ne olwa yakholwa okhufwana shinga Omwana waNyasaye ario, abeetsangaho omukuhani obushia nobushia.
4Kho bulaano khuyililisie khubukhongo bwomundu uno, owa Aburahamu, kuuka weefwe omukhulundu, yaheelesia eshitonye shielikhumi eshiomubiyaayo, ebishila obulayi. 5Toto mwene, abo abokhubeetsukhulu baLawi abanyoola obukuhani balakwa okhuroosinjia ebitonye bielikhumi mubandu, amalako shinga olwa kalaka, eshisina mbu mubaluyia babwe, kata nibali abarula munda yaAburahamu. 6Nebutswa oyo owa tsinzibulotsie tsirarula mubo ta yamuroosia Aburahamu ebitonye bielikhumi, namusabila ikhabi oyo ouli omwene obusuubisie. 7Ne kamanyiishe obulayi mbu omutuutu niye ousabilwa ikhabi noyo oumushila. 8Khandi mbu hano abandu abafwitsanga nibo ababukula ebitonye bielikhumi; habula yaho ni oyo owa karumbulwa mbu ali mwoyo. 9Kata khwakhanyala okhuboola mbu muAburahamu, kata Lawi oubukuIanga ebitonye bielikhumi, omwene warunga ebitonye bielikhumi; 10okhuba yali nashili munda yakuukanyene olwo Melekisedeki yabukaana ninaye.
11Haho obulamba nibuba nibwanyooleshela mubukuhani bweshiLawi, okhuba nibwo obwa abandu baheebwa amalako khulwabwo, khane buli heena obutambi obwachila omukuhani undi lukano okhubuukha, oweimela yaMelekisedeki ourabalwa mbu noweimela yaHaruni ta? 12Shichila obukuhani olwa bukalukhana, amalako nako kokhoyile mbu kakalukhane. 13Okhuba oyo owa amakhuwa ako kasungwakhwo yarula muluyia lundi, omwa arashiarulamwo omundu yesi oukhalabana hashimalilo shiemisango ta. 14Shichila kamanyikha bulayi shinga Omwami weefwe olwa yarula muYuda; ne Musa shiyaboola likhuwa liosi liosi khuluyia olwo halubeka lwabakuhani ta.
15Kata kakhumanyishila bulayi okhushila omukuhani undi naba nabuukha oufwanana nende Melekisedeki, 16ourali omukuhani khulwa olwanzilo lwamalako komubili ta, habula khulwa obunyali bwobulamu oburatibikha tawe.
17Okhuba oburumbusi mbwobuno, mbu
Niwe omukuhani obushia nobushia okhulonda khumela yaMelekisedeki.
18Lilako liambeli liarusiibweho shichila liabula amaani kata inganga; 19okhuba amalako shikakhola eshindu shiosi okhuba eshilamba ta; khandi linaayo elilishila obulayi liayeenjisiibwe, elichilanga nikhusita ahambi khuNyasaye.
20Ne kano shikeekhola aharali eshiitsubo ta. 21Nitoto, mbu abo bakholwa abakuhani aharali e eshiitsubo shiosi ta; ne ye yakholwa ario neshiitsubo, khulwoyo owamusunjila ari
Omwami yeetsuba, kata shialeekalukhasia ta,
mbu niwe omukuhani obushia nobushia.
22Kho Yesu yesi ario yeekhola omusinji weindakano eyili indayi okhushila. 23Nitoto, mbu abo bakholwa abakuhani abanji obukhumi bwabwe, okhuba okhufwa khwabayinjilanga oburatsiililila ta; 24habula ye ali nobukuhani oburakalukhana ta, shichila abeetsangaho obushia nobushia. 25Khandi niko akachilanga nanyala okhubahonilia elala abo abasitanga ahambi khuNyasaye khululwe; okhuba abeetsangaho mwoyo obushia nobushia okhubasaayila.
26Obutambi bweefwe bwakhoya omukuhani omukhulundu oufwana ario; mbu omutakatifu, oubula obukaatii, oubula eshikha, owaahukhaane naboonooni, niyeemekhwa ikulu okhushila likulu liene. 27Ye abula eshichila amalenje emisango khatsotselo, shinga abakuhani abakhulundu balia, olwambeli khulwa ebionoono bibie omwene noIunyuma khulwa ebionoono biabandu, tawe; shichila elo yalimala okhukhola lulala lwonyene, olwa yeehaana omwene. 28Amalako kareetsangaho abandu nabandu, abateshele, okhuba abakuhani abakhulundu; habula amakhuwa keshiitsubo eshio eshialonda khumalako kamuraho Omwana, owamala okhukholwa omulamba okhuula khubisoni nebisoni.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975