Abaheburania 3
3
Yesu yashila Musa
1Khulwako, baana beefwe abatakatifu, abasanjilani khumulango kwaNyasaye, yililisie khuMurume khandi Omukuhani Omukhulundu wakobusuubili aka khwiyamanga, niye Yesu. 2Yali omwisiikwa khu oyo owamuraho, shinga Musa naye olwa yali omwisiikwa munzu yosi yaNyasaye. 3Okhuba ye yabasibwa mbu akwanile oluyali olushila olwaMusa, shinga omuumbashi weinzu olwa aba noluyali olushila olweinzu yene. 4Shichila buli inzu yumbakhwa nomundu; ne omuumbashi wabiosi niNyasaye. 5Ne toto mwene, Musa yali omwisiikwa munzu yosi yaNyasaye, nali omukholi wamwo, narumbulanga akobuloli khukeenako akali nikali okhuboolwa olunyumakhwo. 6Naye Kristo yali omwisiikwa hekulu khukeinzu yaNyasaye nali omwana wamwo; ne nifwe inzuye, nikhuba nikhulabeetsanga abeikholo nyumu nikhwiyitsialilanga obunaayi bweefwe okhuula khubumaliilishi, oburatendeha ta.
Obuhuluushi obuliho khulwa abandu baNyasaye
7Khulwako, shinga Roho Omutakatifu olwa aboola
Leelo nimuba nimuhulila omwoyokwe
8muratinyia emioyo chieenywe ta,
shinga olwa mwakhola mundaalo tsieinduli eyo,
kata shinga khunyanga yobuteemwi mushitsiimi,
9Ewa abakuuka beenywe bandeemela nibanjela,
kata olwa bali nibalolanga ebikhole bianje emiyika amakhumi kane.
10Khulwako ndasinyishila abolwibulo olwo nisunga mbu Tsindaalo tsiosi bashiamanga mumioyo,
kata shibafuchiilila okhumanya tsinjila tsianje ta.
11Niye shiachila ninditsuba muburima bwanje,
mbu Shibaleenjila mubuhuluushi bwanje ta.
12Mubeetsenje meeso, baana beefwe, aleshe okhubamwo mwinywe omundu kata mulala owomwoyo omubii okubula obusuubili okuchila nahunzukha okhurula khuNyasaye oubeetsangaho mwoyo. 13Nebutswa muchesihaninjie obushia olwa yishilangwa mbu "Leelo", mbu omundu yesi mwinywe aleshe okhutinyibwa khulwa obukaatii bwobwonooni. 14Shichila nikhuba nikhulabeetsanga abobwisiichi okhuula khubumaliilishi shinga olwa khwali khukhuchaaka, oburatendeha ta, khuba abeshisango shilala nende Kristo.
15Olwa kaboolwa mbu
Leelo nimuba nimuhulila omwoyokwe muratinyia emioyo chieenywe ta,
shinga olwa mwakhola mundaalo tsieinduli eyo.
16Emureeba mbu nibanga wina abahulila nibakhola induli? Shibali abo bosi abarula muMisiri nibeemililwa nende Musa? 17Kata nibanga wina aba yasinyishila emiyika amakhumi kane? Shibali abo aboonoona, aba emilambo chiabwe chiakwa mushitsiimi? 18Kata khandi nibanga wina aba yeetsubila mbu shibakheenjila mubuhuluushibwe ta, nibarali abo abamukhaya? 19Kho khuluutsi mbu oburasuubila bwabwe bwachila nibaranyala okhwinjilamwo ta.
Currently Selected:
Abaheburania 3: OUV
Highlight
Copy
Compare
Share
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975
Abaheburania 3
3
Yesu yashila Musa
1Khulwako, baana beefwe abatakatifu, abasanjilani khumulango kwaNyasaye, yililisie khuMurume khandi Omukuhani Omukhulundu wakobusuubili aka khwiyamanga, niye Yesu. 2Yali omwisiikwa khu oyo owamuraho, shinga Musa naye olwa yali omwisiikwa munzu yosi yaNyasaye. 3Okhuba ye yabasibwa mbu akwanile oluyali olushila olwaMusa, shinga omuumbashi weinzu olwa aba noluyali olushila olweinzu yene. 4Shichila buli inzu yumbakhwa nomundu; ne omuumbashi wabiosi niNyasaye. 5Ne toto mwene, Musa yali omwisiikwa munzu yosi yaNyasaye, nali omukholi wamwo, narumbulanga akobuloli khukeenako akali nikali okhuboolwa olunyumakhwo. 6Naye Kristo yali omwisiikwa hekulu khukeinzu yaNyasaye nali omwana wamwo; ne nifwe inzuye, nikhuba nikhulabeetsanga abeikholo nyumu nikhwiyitsialilanga obunaayi bweefwe okhuula khubumaliilishi, oburatendeha ta.
Obuhuluushi obuliho khulwa abandu baNyasaye
7Khulwako, shinga Roho Omutakatifu olwa aboola
Leelo nimuba nimuhulila omwoyokwe
8muratinyia emioyo chieenywe ta,
shinga olwa mwakhola mundaalo tsieinduli eyo,
kata shinga khunyanga yobuteemwi mushitsiimi,
9Ewa abakuuka beenywe bandeemela nibanjela,
kata olwa bali nibalolanga ebikhole bianje emiyika amakhumi kane.
10Khulwako ndasinyishila abolwibulo olwo nisunga mbu Tsindaalo tsiosi bashiamanga mumioyo,
kata shibafuchiilila okhumanya tsinjila tsianje ta.
11Niye shiachila ninditsuba muburima bwanje,
mbu Shibaleenjila mubuhuluushi bwanje ta.
12Mubeetsenje meeso, baana beefwe, aleshe okhubamwo mwinywe omundu kata mulala owomwoyo omubii okubula obusuubili okuchila nahunzukha okhurula khuNyasaye oubeetsangaho mwoyo. 13Nebutswa muchesihaninjie obushia olwa yishilangwa mbu "Leelo", mbu omundu yesi mwinywe aleshe okhutinyibwa khulwa obukaatii bwobwonooni. 14Shichila nikhuba nikhulabeetsanga abobwisiichi okhuula khubumaliilishi shinga olwa khwali khukhuchaaka, oburatendeha ta, khuba abeshisango shilala nende Kristo.
15Olwa kaboolwa mbu
Leelo nimuba nimuhulila omwoyokwe muratinyia emioyo chieenywe ta,
shinga olwa mwakhola mundaalo tsieinduli eyo.
16Emureeba mbu nibanga wina abahulila nibakhola induli? Shibali abo bosi abarula muMisiri nibeemililwa nende Musa? 17Kata nibanga wina aba yasinyishila emiyika amakhumi kane? Shibali abo aboonoona, aba emilambo chiabwe chiakwa mushitsiimi? 18Kata khandi nibanga wina aba yeetsubila mbu shibakheenjila mubuhuluushibwe ta, nibarali abo abamukhaya? 19Kho khuluutsi mbu oburasuubila bwabwe bwachila nibaranyala okhwinjilamwo ta.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975