Ezekieli 1
1
Omunabii yafwimbuliwa ing'oono yoluyali lwaNyasaye
1Mumuyika kwamakhumi kataru, mumwesi kwakhane nikuli kharaano, olwa ndali nindi mubandu abaarwa hamwalo kwaKhebari, likulu lieekukha, nasi nindola amabisulo kaNyasaye. 2Khunyanga yakharaano eyomumwesi okwo, mumuyika kwakharaano kwobwarwi bwomuruchi Yehoyakhini, 3likhuwa liOMWAMI lianzitsila isie, Ezekieli omukuhani, omwana waBuzi, mushialo shiabaKalidayo, hamwalo kwaKhebari; ebweneyo niyo ewa omukhono kwOMWAMI kwabeela khwisie.
4Olwa ndahenga, lola, omuyeka kweimbumbuyeka ngwokwo, nikurula enotsi, nelileesi likhongo, nomulilo okulabukhanga, nokhwakha tsimbeka tsiosi; nokhurula hakari mukwo, okhwengana okhung'inang'ina khwomukasa okhurula hakari mumulilo. 5Mana okhurula hakari mukwo nimurulamwo okhufwana khwebili-mwoyo bine. Okhulolekha khwabio khwali khuri nanwa, mbu biali khwikondo liomundu. 6Buli shilala shiali nende mumoni mwashio eshikhane, khandi buli shilala shiali netsimbaha tsine. 7Ebilenje biabio biali ebikololofu; lilaaro lieene lieshilenje lieengana lilaaro lieshilenje shieshimoosi; nibing'inang'ina shinga omukasa okwaruutwa muno. 8Hasi wetsimbaha tsiabio, tsimbeka tsiabio tsiosi tsine, biali namakhono shinga akomundu; ebio bine biali nende mumoni mwabio netsimbaha tsiabio biri nanwa; 9mbu tsimbaha tsiabio tsioongana, olundi khulundi; shibiashiukhana nibitsia ta; nebutswa buli shilala shiachooma imbeli eshilunji. 10Mumoni mwabio mwafwana shinga omwomundu imbeli; ebio bine biali nende mumoni mweitalanyi khulubeka Iwomukhono musaatsa; ebio bine biali nende mumoni mweing'ombe khumukhono mukhasi; khandi ebio bine biali nende mumoni mweinditsu emukongo. 11Nolwa biali mumoni; tsimbaha tsiabio natsio tsiali nitsibambuushe ikulu; tsimbaha tsibili etsia buli shilala tsioongana, netsindi tsibili tsiafuunikha emibili chiabio. 12Biali nibitsiitsanga imbeli, buli shilala shilunji; ewa roho yenya okhutsia, biatsia birio; kata shibiashiukhanakhwo nibitsia ta. 13Ne hakari webilimwoyo tsana, shialiho eshialolekha shinga amaanda komulilo akaang'alaale, shinga okhulolekha khwebitseso; nishitsia eyi nende eyi hakari webilimwoyo tsana; nakwo omulilo nikwakha muno; nokhurula mumulilo mwarulamwo tsimbenu. 14Nabio ebili-mwoyo bieelukhanga nibikalukha shinga oluhenu niluhenukha.
15Ne olwa ndali nihenga ebili-mwoyo tsana, ndalola omukurutumu mulala khushialo ahambi nende ebili-mwoyo, mbu mulala khulwa buli shilala. 16Okhulolekha khwemikurutumu nokhukasibwa khwachio, chiafwana shinga okhung'inang'ina khweitarashishi; echio chine chiali nokhufwana khulala; okhulolekha khwachio okhukasibwa khwachio khwafwana shinga omukurutumu hakari mumukurutumu kundi. 17Olwa chiatsia, chiatsiitsanga khulubeka olwomumbeka tsiachio tsine; ne chiashiukhana nichitsia ta. 18Echio chine chiali netsirimu tsiachio; ninzihenga, nindola mbu tsirimu etsio tsieetsula tsimoni tsimbeka tsiosi. 19Olwa ebilimwoyo ebio biatsia, emikurutumu nachio nichitsia halala ninabio; kata olwa ebilimwoyo biachinguulwa okhurula khwiloba, emikurutumu nachio chiachinguulwa. 20Ewa roho yenya okhutsia, nabio nibitsianachio emikurutumu niehichinguulwa elubeka lwabio; shichila roho yebili-mwoyo tsana yali mumikurutumu. 21Olwa bilia biatsia, chilia nachio nichitsia; olwa bilia bieema, chilia nachio nichiema; olwa bilia biachinguulwa okhurula khwiloba, emikurutumu nachio nichichinguulwa elubeka lwabio; shichila roho yebilimwoyo tsana yali mumikurutumu.
22Ikulu wemirwe chiebilimwoyo khwaliho okhufwana khweshilama eshibambukhu muno, shinga obukondo obung'inang'inu bweibarafu, eshiamariisia, eshibambulwa khumirwe chiabio ikulu. 23Hasi weshilama tsana tsimbaha tsiabio tsiakololosibwa, olundi niluchooma khulundi; buli shiala shiali netsimbaha tsibili etsiafuunikha omubili. 24Olwa biatsia, ndahulila amayoosi ketsimbaha tsiabio, shinga amayoosi kamatsi amanji, shinga okhukukuma khwa Oyo Ounyala Biosi, amayoosi keindiri shinga amayoosi kelihe; ne olwa bieema, bieesia tsimbahatsiabio. 25Omwoyo kundi nikurula ikulu weshilama tsana eshiali ikulu wemirwe chiabio; ne olwa bieema, bieesia tsimbaha tsiabio.
26Ne hekulu weshialo eshiali ikulu wemirwe chiabio, khwaliho okhufwana khweshifumbi, shinga okhulolekha khwelichina lieisapiri; ne khukhufwana khweshifumbi tsana khwalikhwo eshilolekha shinga okhufwana khwomundu, hekulu. 27Nindola okhurula khushialolekha shinga eshishienjeshie nokhutsia ikulu, okhufwana khwokhung'inang'ina khwomukasa, nokhulolekha khwomulilo mukari netsimbeka tsiosi; khandi okhurula khushialolekha shinga eshishienjeshie nokhutsia hasi, nindola eshifwana shinga okhu-lolekha khwomulilo; ne khwaliho okhwakha tsimbeka tsiosi. 28Shinga okhulolekha khwolulindi oluba mulucheka khunyanga yeifula, nindio okhulolekha khwokhwakha okhwo khwali tsimbeka tsiosi.
Okhwo nikhwo okhulolekha okhweing'oono yoluyali lwOMWAMI. Nasi olwa ndalola, ndeekhupa hasi mafumama; nimbulila omwoyo kwomundu owali naboola.
Currently Selected:
Ezekieli 1: OUV
Highlight
Copy
Compare
Share
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975
Ezekieli 1
1
Omunabii yafwimbuliwa ing'oono yoluyali lwaNyasaye
1Mumuyika kwamakhumi kataru, mumwesi kwakhane nikuli kharaano, olwa ndali nindi mubandu abaarwa hamwalo kwaKhebari, likulu lieekukha, nasi nindola amabisulo kaNyasaye. 2Khunyanga yakharaano eyomumwesi okwo, mumuyika kwakharaano kwobwarwi bwomuruchi Yehoyakhini, 3likhuwa liOMWAMI lianzitsila isie, Ezekieli omukuhani, omwana waBuzi, mushialo shiabaKalidayo, hamwalo kwaKhebari; ebweneyo niyo ewa omukhono kwOMWAMI kwabeela khwisie.
4Olwa ndahenga, lola, omuyeka kweimbumbuyeka ngwokwo, nikurula enotsi, nelileesi likhongo, nomulilo okulabukhanga, nokhwakha tsimbeka tsiosi; nokhurula hakari mukwo, okhwengana okhung'inang'ina khwomukasa okhurula hakari mumulilo. 5Mana okhurula hakari mukwo nimurulamwo okhufwana khwebili-mwoyo bine. Okhulolekha khwabio khwali khuri nanwa, mbu biali khwikondo liomundu. 6Buli shilala shiali nende mumoni mwashio eshikhane, khandi buli shilala shiali netsimbaha tsine. 7Ebilenje biabio biali ebikololofu; lilaaro lieene lieshilenje lieengana lilaaro lieshilenje shieshimoosi; nibing'inang'ina shinga omukasa okwaruutwa muno. 8Hasi wetsimbaha tsiabio, tsimbeka tsiabio tsiosi tsine, biali namakhono shinga akomundu; ebio bine biali nende mumoni mwabio netsimbaha tsiabio biri nanwa; 9mbu tsimbaha tsiabio tsioongana, olundi khulundi; shibiashiukhana nibitsia ta; nebutswa buli shilala shiachooma imbeli eshilunji. 10Mumoni mwabio mwafwana shinga omwomundu imbeli; ebio bine biali nende mumoni mweitalanyi khulubeka Iwomukhono musaatsa; ebio bine biali nende mumoni mweing'ombe khumukhono mukhasi; khandi ebio bine biali nende mumoni mweinditsu emukongo. 11Nolwa biali mumoni; tsimbaha tsiabio natsio tsiali nitsibambuushe ikulu; tsimbaha tsibili etsia buli shilala tsioongana, netsindi tsibili tsiafuunikha emibili chiabio. 12Biali nibitsiitsanga imbeli, buli shilala shilunji; ewa roho yenya okhutsia, biatsia birio; kata shibiashiukhanakhwo nibitsia ta. 13Ne hakari webilimwoyo tsana, shialiho eshialolekha shinga amaanda komulilo akaang'alaale, shinga okhulolekha khwebitseso; nishitsia eyi nende eyi hakari webilimwoyo tsana; nakwo omulilo nikwakha muno; nokhurula mumulilo mwarulamwo tsimbenu. 14Nabio ebili-mwoyo bieelukhanga nibikalukha shinga oluhenu niluhenukha.
15Ne olwa ndali nihenga ebili-mwoyo tsana, ndalola omukurutumu mulala khushialo ahambi nende ebili-mwoyo, mbu mulala khulwa buli shilala. 16Okhulolekha khwemikurutumu nokhukasibwa khwachio, chiafwana shinga okhung'inang'ina khweitarashishi; echio chine chiali nokhufwana khulala; okhulolekha khwachio okhukasibwa khwachio khwafwana shinga omukurutumu hakari mumukurutumu kundi. 17Olwa chiatsia, chiatsiitsanga khulubeka olwomumbeka tsiachio tsine; ne chiashiukhana nichitsia ta. 18Echio chine chiali netsirimu tsiachio; ninzihenga, nindola mbu tsirimu etsio tsieetsula tsimoni tsimbeka tsiosi. 19Olwa ebilimwoyo ebio biatsia, emikurutumu nachio nichitsia halala ninabio; kata olwa ebilimwoyo biachinguulwa okhurula khwiloba, emikurutumu nachio chiachinguulwa. 20Ewa roho yenya okhutsia, nabio nibitsianachio emikurutumu niehichinguulwa elubeka lwabio; shichila roho yebili-mwoyo tsana yali mumikurutumu. 21Olwa bilia biatsia, chilia nachio nichitsia; olwa bilia bieema, chilia nachio nichiema; olwa bilia biachinguulwa okhurula khwiloba, emikurutumu nachio nichichinguulwa elubeka lwabio; shichila roho yebilimwoyo tsana yali mumikurutumu.
22Ikulu wemirwe chiebilimwoyo khwaliho okhufwana khweshilama eshibambukhu muno, shinga obukondo obung'inang'inu bweibarafu, eshiamariisia, eshibambulwa khumirwe chiabio ikulu. 23Hasi weshilama tsana tsimbaha tsiabio tsiakololosibwa, olundi niluchooma khulundi; buli shiala shiali netsimbaha tsibili etsiafuunikha omubili. 24Olwa biatsia, ndahulila amayoosi ketsimbaha tsiabio, shinga amayoosi kamatsi amanji, shinga okhukukuma khwa Oyo Ounyala Biosi, amayoosi keindiri shinga amayoosi kelihe; ne olwa bieema, bieesia tsimbahatsiabio. 25Omwoyo kundi nikurula ikulu weshilama tsana eshiali ikulu wemirwe chiabio; ne olwa bieema, bieesia tsimbaha tsiabio.
26Ne hekulu weshialo eshiali ikulu wemirwe chiabio, khwaliho okhufwana khweshifumbi, shinga okhulolekha khwelichina lieisapiri; ne khukhufwana khweshifumbi tsana khwalikhwo eshilolekha shinga okhufwana khwomundu, hekulu. 27Nindola okhurula khushialolekha shinga eshishienjeshie nokhutsia ikulu, okhufwana khwokhung'inang'ina khwomukasa, nokhulolekha khwomulilo mukari netsimbeka tsiosi; khandi okhurula khushialolekha shinga eshishienjeshie nokhutsia hasi, nindola eshifwana shinga okhu-lolekha khwomulilo; ne khwaliho okhwakha tsimbeka tsiosi. 28Shinga okhulolekha khwolulindi oluba mulucheka khunyanga yeifula, nindio okhulolekha khwokhwakha okhwo khwali tsimbeka tsiosi.
Okhwo nikhwo okhulolekha okhweing'oono yoluyali lwOMWAMI. Nasi olwa ndalola, ndeekhupa hasi mafumama; nimbulila omwoyo kwomundu owali naboola.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975