Okhukalushila 26
26
Emilukha chiebirongole, neshitonye shielikhumi
1Ne olwa olaba niwinjiile mushialo eshia OMWAMI Nyasayewo akhuheelesia shibe obulaame, nishili eshishio, nomenyangamwo, 2olabukula ebiokhubirongole biebiamo biosi bielilobalio ebia olarusia mumukundakwo okwa OMWAMI Nyasayewo akhuheelesia, nobira mushimwelo, notsia habundu tsana aha OMWAMI Nyasayewo alalobola okhumenyiayo eliiralie. 3Mana oloola ewomukuhani oulabaho mundaalo etsio, nomusunjila mbu Erumbula inyanga yino imbeli wOMWAMI Nyasayewo mbu emalile okhwinjila mushialo eshia OMWAMI yeetsubila abakuuka beefwe okhukhuheelesia. 4Mana omukuhani alabukula eshimwelo tsana mumukhonokwo, nashirenjekha hasi imbeli weshimalilo shiemisango shiOMWAMI Nyasayewo.
5Nawe olakalusia nosunga imbeli wOMWAMI Nyasayewo, ori Papa yali omuAramu, natiimatiimanga mushialo; ne yakholomokha natsia eMisiri, namenyakhwoyo, nibarali abanji ta; ne ebweneyo yeekhola lihanga likhongo, liamaani, eliabandu abanji. 6Nabo abaMisiri bakhukhupia khushibii, nibakhumiina, nibakhutuukha amanyakhano amatinyu; 7neefu nikhuhaabila OMWAMI, Nyasaye wabakuuka beefwe; OMWAMI nahulila omwoyo kweefwe, nalola okhumiinwa khweefwe, nokhunyakhana khweefwe, nokhusandibwa khweefwe; 8OMWAMI nakhurusia muMisiri nomukhono kwamaani, nomukhono okunyiililwe, noburisii obukhongo, nebilolelo, nende akamangaliimwa; 9ne yakhwinjisiye habundu hano, nakhuheelesia eshialo shino, eshialo eshiitsuulemwo amabeele nende obuushi. 10Ne bulaano, lola, ekhuleereele ebirongole biebiamo bieliloba elia iwe, OMWAMI, wambeelesiye. Mana olabirenjekha hasi imbeli wOMWAMI Nyasayewo, nomwinamila OMWAMI Nyasayewo, 11niwikhoyela amalayi kosi aka OMWAMI Nyasayewo yakhuheele iwe nabeinzuyo; iwe omwene, nomuLawi oyo, nomurende oulaba nali mwinywe.
12Olwa olaba nomalile okhwahula eshitonye shielikhumi shiosi shiamameetoko mumuyika kwakhataru, nikwo omuyika kweshitonye shielikhumi, kho oshikabile abaLawi, nabarende, na'eabisandu, nende abakhasi abalekhwa, mbu balie mwitaalalio nibeekura. 13Mana osunjile OMWAMI Nyasayewo mbu Erusiye ebindu ebitakatifu munzu yanje, khandi embibakabiile abaLawi, nabarende, nababisandu, nabakhasi abalekhwa, lilakolio liosi elia wandaka shinga olwa lili; shisiilile kata elala khumalakoko kata okhukeebilila ta. 14Shimbiliilekhwo nindi mumasika, kata shimbirusiyeho nindi mwibilu, kata okhubihaanila abafwa ta; embuliile amakhuwa kOMWAMI Nyasaye wanje, nikhola kosi aka wandaka. 15Okhurula ewa oli mushimenyoshio eshitakatifu, mwikulu, ohenje hasi, noheelesia oluyialwo Isiraeli ikhabi, nende liloba elia wakhuheelesiye, shinga olwa weetsubila abakuuka beefwe, mbu eshialo eshiitsuulemwo amabeele nende ebuushi.
Oluyia olutakatifu lwOMWAMI
16Leelo luno OMWAMI Nyasayewo akhulaka okhukhola akalachilisibwa kano nakobukhalachi kano; kho okalinde nokakhola nomwoyokwo kwosi, khandi neshiimoshio shiosi. 17Orumbuule leelo luno shinga OMWAMI olwa ali ye Nyasayewo, khandi iwe omwene shinga olwa okhoyile okhuchendanga khunjilatsie, nokhulinda aka alachilisia, namalakoke, nobukhalachibwe, nende okhuhulila aka aboola. 18Naye OMWAMI arumbuule leelo luno khukoko, mbu oli oluyialwe olutakatifu, shinga olwa yakhusuubisia, khandi mbu okhoyile okhulindanga amalakoke kosi; 19khandi mbu alakhura ikulu wamahanga kosi aka yakhola, mubwitsoomibwi, khandi mufuma, khandi muluyali; khandi mbu obe oluyia olutakatifu lwOMWAMI Nyasayewo, shinga olwa yaboola.
Currently Selected:
Okhukalushila 26: OUV
Highlight
Copy
Compare
Share
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975
Okhukalushila 26
26
Emilukha chiebirongole, neshitonye shielikhumi
1Ne olwa olaba niwinjiile mushialo eshia OMWAMI Nyasayewo akhuheelesia shibe obulaame, nishili eshishio, nomenyangamwo, 2olabukula ebiokhubirongole biebiamo biosi bielilobalio ebia olarusia mumukundakwo okwa OMWAMI Nyasayewo akhuheelesia, nobira mushimwelo, notsia habundu tsana aha OMWAMI Nyasayewo alalobola okhumenyiayo eliiralie. 3Mana oloola ewomukuhani oulabaho mundaalo etsio, nomusunjila mbu Erumbula inyanga yino imbeli wOMWAMI Nyasayewo mbu emalile okhwinjila mushialo eshia OMWAMI yeetsubila abakuuka beefwe okhukhuheelesia. 4Mana omukuhani alabukula eshimwelo tsana mumukhonokwo, nashirenjekha hasi imbeli weshimalilo shiemisango shiOMWAMI Nyasayewo.
5Nawe olakalusia nosunga imbeli wOMWAMI Nyasayewo, ori Papa yali omuAramu, natiimatiimanga mushialo; ne yakholomokha natsia eMisiri, namenyakhwoyo, nibarali abanji ta; ne ebweneyo yeekhola lihanga likhongo, liamaani, eliabandu abanji. 6Nabo abaMisiri bakhukhupia khushibii, nibakhumiina, nibakhutuukha amanyakhano amatinyu; 7neefu nikhuhaabila OMWAMI, Nyasaye wabakuuka beefwe; OMWAMI nahulila omwoyo kweefwe, nalola okhumiinwa khweefwe, nokhunyakhana khweefwe, nokhusandibwa khweefwe; 8OMWAMI nakhurusia muMisiri nomukhono kwamaani, nomukhono okunyiililwe, noburisii obukhongo, nebilolelo, nende akamangaliimwa; 9ne yakhwinjisiye habundu hano, nakhuheelesia eshialo shino, eshialo eshiitsuulemwo amabeele nende obuushi. 10Ne bulaano, lola, ekhuleereele ebirongole biebiamo bieliloba elia iwe, OMWAMI, wambeelesiye. Mana olabirenjekha hasi imbeli wOMWAMI Nyasayewo, nomwinamila OMWAMI Nyasayewo, 11niwikhoyela amalayi kosi aka OMWAMI Nyasayewo yakhuheele iwe nabeinzuyo; iwe omwene, nomuLawi oyo, nomurende oulaba nali mwinywe.
12Olwa olaba nomalile okhwahula eshitonye shielikhumi shiosi shiamameetoko mumuyika kwakhataru, nikwo omuyika kweshitonye shielikhumi, kho oshikabile abaLawi, nabarende, na'eabisandu, nende abakhasi abalekhwa, mbu balie mwitaalalio nibeekura. 13Mana osunjile OMWAMI Nyasayewo mbu Erusiye ebindu ebitakatifu munzu yanje, khandi embibakabiile abaLawi, nabarende, nababisandu, nabakhasi abalekhwa, lilakolio liosi elia wandaka shinga olwa lili; shisiilile kata elala khumalakoko kata okhukeebilila ta. 14Shimbiliilekhwo nindi mumasika, kata shimbirusiyeho nindi mwibilu, kata okhubihaanila abafwa ta; embuliile amakhuwa kOMWAMI Nyasaye wanje, nikhola kosi aka wandaka. 15Okhurula ewa oli mushimenyoshio eshitakatifu, mwikulu, ohenje hasi, noheelesia oluyialwo Isiraeli ikhabi, nende liloba elia wakhuheelesiye, shinga olwa weetsubila abakuuka beefwe, mbu eshialo eshiitsuulemwo amabeele nende ebuushi.
Oluyia olutakatifu lwOMWAMI
16Leelo luno OMWAMI Nyasayewo akhulaka okhukhola akalachilisibwa kano nakobukhalachi kano; kho okalinde nokakhola nomwoyokwo kwosi, khandi neshiimoshio shiosi. 17Orumbuule leelo luno shinga OMWAMI olwa ali ye Nyasayewo, khandi iwe omwene shinga olwa okhoyile okhuchendanga khunjilatsie, nokhulinda aka alachilisia, namalakoke, nobukhalachibwe, nende okhuhulila aka aboola. 18Naye OMWAMI arumbuule leelo luno khukoko, mbu oli oluyialwe olutakatifu, shinga olwa yakhusuubisia, khandi mbu okhoyile okhulindanga amalakoke kosi; 19khandi mbu alakhura ikulu wamahanga kosi aka yakhola, mubwitsoomibwi, khandi mufuma, khandi muluyali; khandi mbu obe oluyia olutakatifu lwOMWAMI Nyasayewo, shinga olwa yaboola.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975