2 Timotseo 2
2
Omusikari omulayi waKristo Yesu
1Kho iwe, mwana wanje, okufuhale khulwa obukoosia obuli muKristo Yesu. 2Ako aka wahulila nimboola mubaloli abanji akeenako okaheelesie abandu abeesiikwa okhuiinda, abanyala okhwechesia abandi nabo.
3Sanga mumatinyu, shinga omusikari omulayi waKristo Yesu. 4Omusikari nali mwihe shiyeetsoka mumakhuwa kandi keshibala ta; okhuba yeenya okhuchamisia oyo owamuhandiika okhuba omusikari. 5Kata omusaatsa oupiemana mumishino yesi ario, shiafuhwa olusimbi naba narahuliile amalako ta. 6Omulimi ounyakhana khumilimo akhoyile okhuranjilila okhulia khumele yene. 7Yililisia khukano aka emboola; okhuba Omwami alakhunyalila okhumanya eshisina shiamakhuwa kosi.
8Yitsulilanga Yesu Kristo, owalamusibwa mubafu, owolwibulo lwaDaudi, injiili yanje shinga olwa yiboola; 9ne khulwayo enyoolanga amatinyu kata okhuula khukhubohwa shinga omukhayi wamalako; nebutswa likhuwa liaNyasaye shilibohwa ta. 10Ne niko akachila nindifwila mukosi khulwa abalobole, mbu bosi banyoole obuhonia obuli muKristo Yesu, halala noluyali lwobumeli.
11Likhuwa lino neliisiikwa, mbu nikhuba nikhwafwa ninnye halala, khulaba abalamu ninaye khurio;
12nikhuba nikhwifwila, khularuka ninaye khurio;
nikhuba nikhumwiyambakhana, ye alakhwiyambakhana ario;
13nikhuba nikhubula obwisiikwa, ye abeetsanga omwisiikwa ario;
okhuba shianyala okhwikalukhana ta.
Omukholi ouchamwa
14Obeetsusinjie khukano kosi, nobakaania imbeli wOmwami mbu baleshenje okhuyinganila amakhuwa namakhuwa; shichila okhwenokhwo khubulamwo inganga, khandi khuboonooninjia abo abahulila. 15Lumililanga okhwihaana omwene khuNyasaye, noli omukholi ouchamwa, ourali neshichila nofwimbwa omurwe ta, niwilwatsanga habwene likhuwa liobwatoto. 16Wihaanye obwilakalakanii bweshinashialo, shichila ababoola bario beetsa okhutsiililila mubukafwiri; 17khandi likhuwa liabwe lilanyabulukha shinga likonzo. Ne mubeenabo Himenayo nende Fileto balimwo, 18abandu abakoreelwa elala khukobusuubili, nibaboolanga mbu obulamushi bwahweele, nibafumamia bario obusuubili bwabandi. 19Nebutswa omuse omuralilu okwa Nyasaye yakhupa kwasinjilaho, nikulikhwo lihandiiko lino, mbu Omwami yamanya abali abebe; khandi mbu Buli mundu yesi ourumbula eliira liOmwami yeehaanye arule khubumayaanu. 20Ne munzu yosi ikhongo shibilimwo ebimanulwa bieitsahaabu nebieifeetsa bionyene ta, habula nende ebiebisaala nebielitoyi biosi; ebindi biheebungwa oluyali, nebindi bibula oluyali. 21Kho omundu naba niyeesiiya khukano, aba eshimanulwa eshiheebwa oluyali, eshiahule, eshikhoyeele okhwikhoonyelwa nomwami, eshikasilibwa buli mulimo omulayi.
22Ne wihaanye obwikombi bwolusooliili, nolondachilila obulunjishi, obusuubili, obuheeli, omulembe, halala nende abo abahaabila Omwami nomwoyo omweleleshe. 23Nebutswa amareebano akobusilu nokhukorwa, okalobe, nomanyile mbu keebulanga obusoolo; 24ne omusumba wOmwami shiakhoyile okhuba owobusoolo ta, habula oweshisa khubosi owamanya okhweche-sia, omwisimilisii, 25ouchesiyinjia abamayinje nobuholo. Haundi Nyasaye alabaheelesia obwikalukhasii boole khubumanyi bwakobwatoto, 26balabe tsimoni nibeehonokokha mumubero kwaSetani, okwa yabatiililamwo, mbu bakhole aka yeenya.
Currently Selected:
2 Timotseo 2: OUV
Highlight
Copy
Compare
Share
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975
2 Timotseo 2
2
Omusikari omulayi waKristo Yesu
1Kho iwe, mwana wanje, okufuhale khulwa obukoosia obuli muKristo Yesu. 2Ako aka wahulila nimboola mubaloli abanji akeenako okaheelesie abandu abeesiikwa okhuiinda, abanyala okhwechesia abandi nabo.
3Sanga mumatinyu, shinga omusikari omulayi waKristo Yesu. 4Omusikari nali mwihe shiyeetsoka mumakhuwa kandi keshibala ta; okhuba yeenya okhuchamisia oyo owamuhandiika okhuba omusikari. 5Kata omusaatsa oupiemana mumishino yesi ario, shiafuhwa olusimbi naba narahuliile amalako ta. 6Omulimi ounyakhana khumilimo akhoyile okhuranjilila okhulia khumele yene. 7Yililisia khukano aka emboola; okhuba Omwami alakhunyalila okhumanya eshisina shiamakhuwa kosi.
8Yitsulilanga Yesu Kristo, owalamusibwa mubafu, owolwibulo lwaDaudi, injiili yanje shinga olwa yiboola; 9ne khulwayo enyoolanga amatinyu kata okhuula khukhubohwa shinga omukhayi wamalako; nebutswa likhuwa liaNyasaye shilibohwa ta. 10Ne niko akachila nindifwila mukosi khulwa abalobole, mbu bosi banyoole obuhonia obuli muKristo Yesu, halala noluyali lwobumeli.
11Likhuwa lino neliisiikwa, mbu nikhuba nikhwafwa ninnye halala, khulaba abalamu ninaye khurio;
12nikhuba nikhwifwila, khularuka ninaye khurio;
nikhuba nikhumwiyambakhana, ye alakhwiyambakhana ario;
13nikhuba nikhubula obwisiikwa, ye abeetsanga omwisiikwa ario;
okhuba shianyala okhwikalukhana ta.
Omukholi ouchamwa
14Obeetsusinjie khukano kosi, nobakaania imbeli wOmwami mbu baleshenje okhuyinganila amakhuwa namakhuwa; shichila okhwenokhwo khubulamwo inganga, khandi khuboonooninjia abo abahulila. 15Lumililanga okhwihaana omwene khuNyasaye, noli omukholi ouchamwa, ourali neshichila nofwimbwa omurwe ta, niwilwatsanga habwene likhuwa liobwatoto. 16Wihaanye obwilakalakanii bweshinashialo, shichila ababoola bario beetsa okhutsiililila mubukafwiri; 17khandi likhuwa liabwe lilanyabulukha shinga likonzo. Ne mubeenabo Himenayo nende Fileto balimwo, 18abandu abakoreelwa elala khukobusuubili, nibaboolanga mbu obulamushi bwahweele, nibafumamia bario obusuubili bwabandi. 19Nebutswa omuse omuralilu okwa Nyasaye yakhupa kwasinjilaho, nikulikhwo lihandiiko lino, mbu Omwami yamanya abali abebe; khandi mbu Buli mundu yesi ourumbula eliira liOmwami yeehaanye arule khubumayaanu. 20Ne munzu yosi ikhongo shibilimwo ebimanulwa bieitsahaabu nebieifeetsa bionyene ta, habula nende ebiebisaala nebielitoyi biosi; ebindi biheebungwa oluyali, nebindi bibula oluyali. 21Kho omundu naba niyeesiiya khukano, aba eshimanulwa eshiheebwa oluyali, eshiahule, eshikhoyeele okhwikhoonyelwa nomwami, eshikasilibwa buli mulimo omulayi.
22Ne wihaanye obwikombi bwolusooliili, nolondachilila obulunjishi, obusuubili, obuheeli, omulembe, halala nende abo abahaabila Omwami nomwoyo omweleleshe. 23Nebutswa amareebano akobusilu nokhukorwa, okalobe, nomanyile mbu keebulanga obusoolo; 24ne omusumba wOmwami shiakhoyile okhuba owobusoolo ta, habula oweshisa khubosi owamanya okhweche-sia, omwisimilisii, 25ouchesiyinjia abamayinje nobuholo. Haundi Nyasaye alabaheelesia obwikalukhasii boole khubumanyi bwakobwatoto, 26balabe tsimoni nibeehonokokha mumubero kwaSetani, okwa yabatiililamwo, mbu bakhole aka yeenya.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975