Rom-noba 5
5
Yɛlɛ Sonnoŋ Naŋ Maŋ Wa Ne
1 #
Rom 3:24; 3:28; 4:24; Aza 53:5 Azuiŋ, te naŋ leɛ nensonne a te yeldeebo zuiŋ, te taa la emmaaroŋ ne Naaŋmen a yi te Daana Yeezu Kirista eŋɛ. 2#Efe 3:12 A Yeezu Kirista zie la ka te tu a nyɛ garaaseɛ ŋa te naŋ taa; kyɛ ka te erɛ pɔloo a te teɛretɔroo te naŋ taa ka te ne Naaŋmen na laŋ la puubu. 3#Gye 1:2-3 Kyɛ a lɛ yoŋ naane, te erɛ la pɔloo meŋ a te dɔgɛɛ diibu poɔ, a baŋ ka dɔgɛɛ diibu maŋ waana ne la kannyiri, 4ka kannyiri diibu waana ne gyogo naŋ soma, ka gyogo naŋ soma waana ne teɛretɔroo, 5#Hib 6:18-19 kyɛ a teɛretɔroo maŋ ko te la bambaare, bonso, Naaŋmen tu la a Vooroŋ Soŋ O naŋ ko te zie kyɛ paale te sukyie ne O nɔmmo.
6Bonso, te naŋ da naŋ be bambaaloŋ poɔ, kyɛ a saŋ meŋɛ naŋ da wa ta, a Kirista da kpi la a yelfa-erebɛ zuiŋ. 7Serɛzaa, a na waa la tuo ka neɛ kpi ko nemmeŋɛ. Kyɛ amine kaŋ neɛ na baŋ sage la ka o kpi ko nensoŋ. 8#Gyn 3:16; 1 Gyn 4:10 Kyɛ Naaŋmen wuli la O nɔmmo ko te, bonso, te naŋ da naŋ waa yelbe-erebɛ, a Kirista da kpi la te zuiŋ. 9#Rom 1:18; 2:5; 2:8 A gaŋ a zaa, pampana ŋa Naaŋmen naŋ e ka te leɛ nemmenne a Kirista zẽẽ zuiŋ, te pãã na tu la O zie a nyɛ faabo yi a Naaŋmen supuriyaaraa poɔ. 10#Rom 8:7 Ka teneŋ da naŋ waa dɔndɔnne kyɛ ka te ne Naaŋmen da leɛ maale taa yi a O Bidɔɔ kũũ eŋɛ, serɛzaa, te naŋ leɛ maale taa, te na nyɛ la faabo a O Bidɔɔ nyɔvore zuiŋ. 11Kyɛ a gaŋ a lɛ, te erɛ la pɔloo Naaŋmen eŋɛ, a te Daana Yeezu Kirista zuiŋ. A O zuiŋ la ka te ne Naaŋmen leɛ maale taa.
Adama Ane Kirista
12 #
Piil 2:17; 3:19; Rom 6:23 Azuiŋ, aŋa yelbieri naŋ tu nen-yeni zie kyɛ wa a teŋɛzu, ka kũũ meŋ tu yelbieri zie a wa, a lɛ meŋ la ka kũũ yaare te ta nensaalba zaa, bonso, nensaalba zaa da e la yelbieri; 13#Rom 4:15 yelbieri sereŋ da daŋ kpɛ la a teŋɛzu sɛre kyɛ ka a bege wa bebe. Kyɛ yelbieri ba duoro neɛ benee a bege naŋ ba kye. 14#1 Kor 15:21-22; 15:45; 15:55 Kyɛ anealɛzaa, kũũ da di la naaloŋ a yi Adama te tɔ Mooziz, a laŋ ne banaŋ meŋ zaa naŋ da ba e a Adama yelbieri na tɔ. A Adama waa ŋa a soba na naŋ na wa.
15Kyɛ a Naaŋmen kyɔɔtaa na O naŋ tere weɛlɛ ba waa ŋa a Adama saanaa. Ka nen-yaga da kpi nen-yeni naŋ e yelbieri zuiŋ, bonnoo zaa ba kyebe ka Naaŋmen garaaseɛ ane a nen-yeni, a Yeezu Kirista, kyɔɔtaa naŋ e weɛlɛ be a garaaseɛ poɔ, gorɛɛ la ko nen-yaga. 16Kyɛ a kyɔɔtaa ŋa naŋ e weɛlɛ ba waa ŋa a nen-yeni yelbieri. Bonso, a sɛrɛɛdiibu naŋ tuuro a nen-yeni saanaa wa ne la sɛrɛɛ poɔ leebu, kyɛ a kyɔɔtaa naŋ waa weɛlɛ a tuuro yelbebe yaga puori waana ne la sonnoŋ. 17Ka a naŋ e ka nen-yeni yelbieri eebo zuiŋ la ka kũũ tu be di naaloŋ, a banaŋ naŋ de a garaase-kpoŋ ane a mennoŋ kyɔɔtaa naŋ e weɛlɛ na di la naaloŋ gaŋ a lɛ a yi a nen-yeni meŋ zie, a Yeezu Kirista.
18 #
1 Kor 15:22
Azuiŋ, a ŋa lɛ nen-yeni yelbieri eebo naŋ taa nensaalba zaa kpɛ ne weɛbo poɔ, lɛ meŋ ka nen-yeni mennoŋ eebo na taa noba zaa kpɛ ne mennoŋ ane nyɔvore poɔ. 19#Aza 53:11 Bonso, a ŋa lɛ nen-yeni noɔre zagroo naŋ e ka noba yaga leɛ yelbe-erebɛ, lɛ meŋ ka nen-yeni noɔre sagoo e ka nen-yaga nyɛ mennoŋ. 20#Rom 4:15; 7:8; Gal 3:19 Kyɛ a bege da waɛ la, ka o wa e ka yelbebe eebo maaleŋ do zu yaga. Benee yelbebe eebo naŋ do zu, garaaseɛ meŋ maŋ do la zu a gaŋ a lɛ, 21#Rom 6:23 ka aŋa lɛ yelbieri naŋ dire naaloŋ kũũ zu, a lɛ ka garaaseɛ meŋ na di naaloŋ mennoŋ zu, a waana ne nyɔvore naŋ ba taa baaraa a yi a Yeezu Kirista, te Daana zie.
Currently Selected:
Rom-noba 5: DGA
Highlight
Copy
Compare
Share
Want to have your highlights saved across all your devices? Sign up or sign in
Dagaare First Bible © The Bible Society of Ghana, 2025.