Rom-noba 14
14
Ta Di Fo Tɔsoba Sɛrɛɛ
1 #
Rom 15:1; 1 Kor 8:9 Yɛ tuori de banaŋ naŋ ba taa faŋ ba yeldeebo poɔ, kyɛ ka a ta waa ka yɛ boɔrɔ la ka yɛ ŋmɛ nɔkpeɛne ne ba kyaare ne lɛ ba naŋ teɛrɛ. 2#Piil 1:29; 9:3 A noba mine naŋ taa faŋ ba yeldeebo poɔ sagɛɛ la ka ba na baŋ di la bonzaa, kyɛ ka banaŋ naŋ ba taa faŋ ba yeldeebo poɔ dire zɛvaare yoŋ. 3#Kol 2:16 A banaŋ naŋ dire ta maŋ erɛ a banaŋ naŋ ba dire nimikpɛ-yɛlɛ, ka banaŋ meŋ naŋ ba dire ta di banaŋ naŋ dire sɛrɛɛ, bonso, Naaŋmen tuori de ba la. 4#Mat 7:1; Gye 4:11-12 Fõõ la aŋ a na di fo tɔsoba kaŋ tontonɔ sɛrɛɛ? A ba meŋɛ daana yoŋ la na baŋ yeli ka ba ba taa saanaa bee ba taa la saanaa. Ba deme na bebe la bonso, a Daana taa la kpeɛ̃õ a na e ka ba are.
5 #
Gal 4:10
A noba mine maŋ de la a bebiri kaŋ ka o seɛ kaŋ, kyɛ ka ba mine de a bebie zaa ka a waa yeni. Yɛ kanzaa ta vɛŋ ka bonnoo be o teɛroŋ poɔ. 6A banaŋ naŋ maŋ taa a bebiri kaŋ yɛlɛ, maŋ erɛ la lɛ a Daana emmo zuiŋ. A lɛ meŋ la ka banaŋ naŋ maŋ dire bonzaa, maŋ dire a Daana emmo zuiŋ, ba naŋ maŋ puori Naaŋmen bareka kyɛ di zuiŋ. Lɛ la ka banaŋ naŋ ba maŋ dire a boma zaa, ba maŋ di a Daana emmo zuiŋ, kyɛ maŋ puoro Naaŋmen bareka.
7Te ba so temenne nyɔvoɛ, te ba kpi ko temenne meŋ. 8#Gal 2:20; 1 Tɛs 5:10 Ka tenee voorɔ, te voorɔ la a Daana eŋɛ, ka tenee kpi te kpi la a Daana eŋɛ. Azuiŋ ka te pãã voorɔ la bee ka te kpie la, a Daana la so te. 9Bonso, a ŋaa zuiŋ la ka a Kirista da kpi kyɛ leɛ-iri voorɔ, ka ka O na e a kuuni ane a voba Daana.
10 #
Tom 17:31; Mat 25:31-32; 2 Kor 5:10 Bonso ka fo dire fo yɔɔ bee fo yɔɔpuulee sɛrɛɛ? Bee fõõ, bonso ka fo erɛ fo yɔɔ bee fo yɔɔpuulee nimikpɛ-yɛlɛ? Bonso, te zaa na are la a Naaŋmen sɛredi-kogi niŋesogɔ. 11#Aza 45:23; Fil 2:10-11 Bonso, ba sɛgɛɛ la:
“A Daana yelee la, N naŋ voorɔ, dumo zaa na gbi la N niŋesogɔ,
kyɛ ka zele zaa na danna Naaŋmen.”
12 #
Gal 6:5
A lɛ zuiŋ, te kanzaa na manne la o meŋɛ yɛlɛ ko Naaŋmen.
Ta Wa Erɛ Ka Fo Tɔsoba Ŋmeɛrɛ Gbɛre Lere
13A lɛ zuiŋ yɛ vɛŋ ka te ta la dire taa sɛrɛɛ, kyɛ yɛ leɛ yɛ eebo a daŋ ta la de gbɛŋmɛ-le bon biŋ yɛ taaba sobie zu bee a pigi ba sobie. 14#Mat 15:11; Tom 10:15; Tit 1:15 N baŋɛɛ la kyɛ sage de ka a Daana Yeezu meŋ are ko ma la ka bonzaa ba e dɛgre o meŋɛŋ; kyɛ o maŋ e la bondɛgre a ko banaŋ naŋ teɛrɛ ka o e la bondɛgre. 15#1 Kor 8:11-13 Ka bon fo naŋ dire wa vɛŋ ka fo yɔɔ bee fo yɔɔpuulee poɔ wa sãã, ka lɛ, fo ba la kyɛnɛ nɔmmo poɔ. Ta vɛŋ ka bon fo naŋ dire e ka neɛ na zuiŋ a Kirista naŋ da kpi, wɛ. 16#Tit 2:5 A lɛ zuiŋ, ta vɛŋ ka ba yeli fo yelsonne yɛlɛ aŋa a naŋ waa yelfaare. 17#Luk 17:20 Bonso, a Naaŋmen naaloŋ ba e bondirii ane bonnyuuri yɛlɛ, kyɛ o waa la mennoŋ, emmaaroŋ ane popeɛloŋ yɛlɛ a Vooroŋ Soŋ poɔ. 18Naaŋmen poɔ maŋ pɛle ne la soba na naŋ tonɔ korɔ a Kirista, kyɛ ka nensaalba meŋ de o yɛlɛ. 19#Rom 12:18; 15:2 Yɛ pãã vɛŋ ka te boɔrɔ yɛlɛ naŋ waana ne emmaaroŋ ane te zaa baabo. 20#Rom 14:14 Yɛ ta kaa bondirii yɛlɛ a sãã a Naaŋmen toma bare. Bonzaa sereŋ soma la, kyɛ a ba veɛlɛ ka fo e ka fo taaba kpɛ saamo poɔ ne bonna fo naŋ dire. 21#1 Kor 8:13 A soma la ka fo ta ɔɔ nɛne bee a nyu tewɔmɔ dãã bee a e yelzaa naŋ na vɛŋ ka fo yɔɔ ŋmɛ gbɛre. 22A yeldeebo fo naŋ taa, taa o ne fo poɔ zaa Naaŋmen niŋesogɔ. Zunoɔdeme la banaŋ zaa naŋ ba taa yeli na yeli kyaare ne bamenne ka ba sããɛ la ne bon ba naŋ sage de zuiŋ. 23#Tit 1:15 Kyɛ banaŋ naŋ taa bonnoo bondiraa eŋɛ kyɛ di sããɛ la, ba naŋ ba e a lɛ ne yeldeebo zuiŋ. Bonso, yelzaa naŋ ba yi yeldeebo poɔ e la yelbieri.
Currently Selected:
Rom-noba 14: DGA
Highlight
Copy
Compare
Share
Want to have your highlights saved across all your devices? Sign up or sign in
Dagaare First Bible © The Bible Society of Ghana, 2025.