Rom-noba 13
13
Te Feroo Toma A Teŋɛzu Wederebɛ Zie
1 #
Tit 3:1; Gyn 19:11; Sek 8:15 Yɛ vɛŋ ka neɛzaa maŋ sigre o meŋɛ korɔ a teŋɛzu wederebɛ; bonso, wederɛ zaa ba kyebe ka Naaŋmen zie naane ka o yi. A wederebɛ banaŋ naŋ bebe waa la noba Naaŋmen naŋ biŋ. 2Azuiŋ, soba na zaa naŋ zagra a wederebɛ noɔre, zagra la bonna Naaŋmen naŋ biŋ, kyɛ banaŋ naŋ zagra a ba nɔɛ na le la sɛrɛɛdiibu poɔ. 3#1 Pit 2:13-14 Bonso, banaŋ naŋ erɛ soŋ ba zoro namine, kyɛ banaŋ naŋ erɛ faa la na zoro ba. Fo boɔrɔ la ka fo ta zoro wederebɛ be? Ka lɛ erɛ yɛlɛ naŋ e soŋ, kyɛ ba na puu fo la; 4#Yiel 82:6 bonso, a wederebɛ waa la Naaŋmen tontonema naŋ bebe fo maaloo zuiŋ. Kyɛ ka fõõ wa erɛ yɛlɛ naŋ e faa, fo na zoro la dabeɛ̃, bonso, a kpeɛ̃õ a wederebɛ naŋ taa ba e weɛlɛ! Ba waa la Naaŋmen tontonema ka ba korɔ yelfa-erebɛ dɔgroŋ. 5Azuiŋ, a ferɛɛ la ka neɛzaa sagra noɔre, ka a ta e a Naaŋmen supuriyaaraa yoŋ zuiŋ, kyɛ a fo teɛroŋ meŋ zuiŋ. 6A lɛ meŋ zuiŋ la ka yɛ maŋ yɔɔrɔ a zuyɔɔ meŋ; bonso, a wederebɛ waa la Naaŋmen tontonema naŋ kaara a yɛlɛ ŋa ne a zu. 7#Mat 22:21 Yɛ yɔɔ bonna zaa naŋ seŋ ka yɛ yɔɔ ko ba. Yɛ yɔɔ a yɛ zuyɔɔ ko banaŋ zaa naŋ seŋ ka ba de a yɛ zuyɔɔ, a yɔɔrɔ a teŋɛ maaloo zuyɔɔ korɔ banaŋ a naŋ seŋ ka yɛ yɔɔ ko ba. Yɛ korɔ gyeremɛ banaŋ naŋ seŋ ka ba nyɛ gyeremɛ, kyɛ eŋnɛ banaŋ naŋ seŋ ka yɛ eŋnɛ ba.
Yɛ Nɔnɔ Taa
8 #
Gal 5:14; 1 Tim 1:5 Yɛ ta di neɛzaa sane, ka nɔmmo yɛ naŋ na nɔŋ taa naane; bonso, soba na naŋ nɔŋ o tɔsoba tu seŋ la lɛ a bege naŋ wuli. 9#Yiib 20:13-17; Bag 19:18 A Naaŋmen nɔɛ ama, “Ta toŋ moɔrɔ toma; Ta ko neɛ; Ta zuuro; Ta zɛnzɛnɛ ne fo tɔ bon”; a nɔɛ ama ane a nɔɛ na zaa naŋ kyɛre laŋ la taa a kpulli a yeluu ŋa poɔ, “Nɔŋ fo tɔsoba aŋa fo meŋɛ.” 10#Mat 22:40 Nɔmmo soba ba erɛ faa korɔ o tɔsoba; azuiŋ, ka fõõ wa nɔnɔ fo taaba wuli ka fo tu la a bege ka a ta.
Yelnimizeɛ N Naŋ Sɔrɔ
11 #
Efe 5:14; 1 Tɛs 5:6-7 A yi a yeli ŋa puoriŋ, yɛ baŋ la bonna saŋ naŋ la ŋaa, ka a saŋ taɛ la ka yɛ iri yɛ goɔŋ poɔ. Bonso, a faabo peɛle te la pampana ŋa a gaŋ saŋ na te naŋ da wa leɛ yelderebɛ. 12#1 Gyn 2:8; Efe 5:11 A zie sɔgɛɛ la gaa tɔɔre yaga, ka zinyaane peɛle. Yɛ vɛŋ ka te pãã lɔɔ a ligruŋ toma bare, kyɛ de a veɛloŋ zɔɔre boma su. 13#Luk 21:34; Efe 5:18 Yɛ vɛŋ ka te taa gyeremɛ aŋa noba naŋ be veɛloŋ poɔ, kyɛ bare yeldɛgɛ ane dããnyu-kuoli, a bare vɔlfaare ane nenfa-yɛlɛ, a bare zɔɔre ane nyuuri. 14#Gal 3:27 Kyɛ yɛ de a Daana Yeezu Kirista ka O waa yɛ zɔɔzɔɔ-bon, a ta bare vuo fẽẽ zaa ko a eŋɛ vɔlfaare ka a nyɛ a boɔbo.
Currently Selected:
Rom-noba 13: DGA
Highlight
Copy
Compare
Share
Want to have your highlights saved across all your devices? Sign up or sign in
Dagaare First Bible © The Bible Society of Ghana, 2025.