Matio 7
7
Taaba Sɛrɛɛdiibu Yɛlɛ
(Luk 6:37-38, 41-42)
1 #
Rom 2:1; 1 Kor 4:5 “Ta di fo tɔ sɛrɛɛ, ka ba ta wa di fo meŋ sɛrɛɛ. 2#Mak 4:24 A lɛ fo naŋ di fo tɔ sɛrɛɛ, lɛ ka ba na di fo meŋ sɛrɛɛ. Bonna fo naŋ manne ne ko fo tɔsoba, a bonna ne o zu ka ba na manne ne ko fo meŋ. 3Bonso ka fo nyɛ muri naŋ be fo tɔsoba nimiri poɔ, kyɛ ba nyɛ a wɛge naŋ be fo meŋɛ nimiri poɔ? 4Bee wola ka fo na toɔ̃ yeli ko fo tɔsoba, ‘Vɛŋ ka N iri muri bare fo nimiri poɔ,’ kyɛ ka wɛge be fo meŋɛ nimiri poɔ? 5Fõõ bampuori-kombampoɔ ŋa, daŋ iri a wɛge naŋ be fo meŋɛ nimiri poɔ bare, lɛ ka fo na nyɛrɛ velaa a pãã toɔ̃ iri a muri bare fo tɔsoba nimiri poɔ.
Ta Dɛge Bon Naŋ E Soŋ
6 #
Mat 10:11
“Ta de bonsoŋ eŋ baare, bee a de fo boma naŋ taa yuori lɔɔ eŋ dobaare. A na neɛ a la sãã bare, kyɛ nyɔge fo meŋ tage kyore.
Yɛ Sɔre, A Bɔ, A Kpaare
(Luk 11:9-13)
7 #
Mat 11:24; Luk 11:5-13; Gyɛ 29:13-14 “Yɛ sɔre, ba na ko yɛ la; yɛ bɔ, yɛ na nyɛ la, yɛ kpaare a pane, ba na yuo ko yɛ la ka yɛ kpɛ. 8Bonso, neɛzaa naŋ maŋ sɔre ba maŋ ko o la, neɛzaa meŋ naŋ maŋ bɔ o maŋ nyɛ la, ka a pane maŋ yuo ko neɛzaa meŋ naŋ kpaare. 9Nembuo la be yɛ poɔ kyɛ, ka o bie na sɔre boroboro ka o de kuuri ko o? 10Bee ka o bie na sɔre zommo, ka o de waabo ko o? 11#Gye 1:17 Ka yɛnee gba naŋ waa nenfaare baŋ ka yɛ de bonsoŋ ko yɛ bibiiri, wola ka yɛ Saa naŋ be tenvelaa poɔ koŋ ko banaŋ zaa naŋ maŋ sɔre bonveɛle O zie gaŋ lɛ! 12#Mat 22:39-40; Rom 13:8-10 Yelzaa poɔ, yɛ maŋ erɛ korɔ yɛ taaba a seŋ lɛ yɛ naŋ boɔrɔ ka ba erɛ korɔ yɛ; bonso, a begɛ ane a Ŋmen-yelmanneba wuluu tɛgɛ la a lɛ.
A Dendɔ-fogloo Yɛlɛ
(Luk 13:24)
13 #
Luk 13:24
“Tu a dendɔre na naŋ e fogloo kpɛ, bonso, a dendɔre na naŋ gɛrɛ weɛbo poɔ e la yɛloŋ ka o sori tuubu e mɔlɔ, ka noba yaga tuuro o. 14#Mat 19:24; Tom 14:22 Kyɛ a nyɔvore dendɔre waa la fogloo, ka o tuubu waa tuo, ka noba fẽẽ tuuro o.
Teɛ Ane O Wɔmɔ Yɛlɛ
(Luk 6:43-44)
15 #
Mat 24:4-5; 24:24; Tom 20:29 “Yɛ baŋna ne a kaŋwaa ŋmen-yelmanneba yɛlɛ. Ba maŋ pilli la pegama a wa yɛ zie kyɛ ka ba pooreŋ ka ba waa gboŋgboe. 16#Gal 5:19-22; Gye 3:12 Ba yel-erre la na wuli noba na ba naŋ waa. Ba mɔɔ maŋ pɔre la zemberemɛ gɔteere zu bee a pɔre kaŋkanne gɔzaŋaa teɛ zu? 17#Mat 12:33 A lɛ ne o zu, teɛ zaa naŋ waa velaa maŋ wɔŋ la wɔŋ veɛle; ka teɛ naŋ waa faa meŋ wɔŋ wɔŋ faare. 18Teɛ naŋ waa velaa kontoɔ̃ wɔŋ wɔŋ faare, bee ka teɛ naŋ waa faa wɔŋ wɔŋ veɛle. 19#Mat 3:10; Gyn 15:2; 15:6 Teɛ na zaa naŋ ba wɔnɔ wɔŋ veɛle, ba na kyɛ o la a lɔɔ eŋ vũũ poɔ. 20Azuiŋ yɛ na baŋ ba la a yi ba yel-erre zie.
Meŋɛ Bɛlloo Yɛlɛ
(Luk 13:25-27)
21 #
Rom 2:13; Gye 1:22; 1:25; 2:14 “A ba e ka neɛzaa naŋ boɔlɔ ma ‘Daana, Daana,’ la na kpɛ a tenvelaa naaloŋ. Kyɛ soba na yoŋ naŋ erɛ a N Saa naŋ be tenvelaa poɔ poboɔbo yɛlɛ la na kpɛ a tenvelaa 22#Luk 13:25-27; 1 Kor 13:1-2 A bebiri na daare, noba yaga na yeli ko ma la, ‘Daana, Daana, te mɔɔ naane da moɔlɔ a Naaŋmen yelbiri a fo yuori eŋɛ, a da digre sefaare fo yuoriŋ, a kyɛ da tonɔ toŋkpeɛne yaga a fo yuori eŋɛŋ?’ 23#Mat 25:41; 2 Tim 2:19 Kyɛ N pãã na leɛ yeli ko ba la, ‘Maa ba baŋ yɛ togitogi; yɛ tage yi be N zie, yɛnee yelfa-erebɛ ŋa.’
A Piiri Zu Yiri Ane A Biiree Zu Yiri Yɛlɛ
(Luk 6:47-49)
24 #
Mat 7:21
“Neɛ na zaa naŋ woŋ a N yelbie ama, a erɛ seŋ lɛ a naŋ wuli, na waa seŋ ŋa dɔɔ yɛmbaŋna kaŋ naŋ mɛ o yiri piiri zu. 25Ka saa mi, ka kɔmpiiri ŋmɛ, ka saseɛ fu dɔ̃ɔ̃ a yiri kyɛ ka o ba le, bonso, piiri zu la ka o biŋ a yiri pare. 26Neɛ na zaa meŋ naŋ woŋ a N yelbie ama, kyɛ ba erɛ seŋ lɛ a naŋ wuli, na waa seŋ ŋa dɔɔ damboli kaŋ naŋ mɛ o yiri biiree zu. 27#Ezɛk 13:10-11 Ka saa mi, ka kɔmpiiri ŋmɛ, ka saseɛ fu dɔ̃ɔ̃ a yiri ka o zaa le vɔgle teŋɛ muro muro. A leebu da sereŋ waa la kpoŋ yaga!”
28 #
Mak 1:22; Luk 4:32 A Yeezu naŋ da wa yeli a yɛlɛ ama zaa baare, a nembeɛoŋ nɔɛ da maaɛ la ne a O wuluu, 29#Gyn 7:46 bonso, O da kanne ba la aŋa neɛ naŋ taa kpeɛ̃õ. O ne a Naaŋmen bege wulwulibo kannoo da ba yi taa.
Currently Selected:
Matio 7: DGA
Highlight
Copy
Compare
Share
Want to have your highlights saved across all your devices? Sign up or sign in
Dagaare First Bible © The Bible Society of Ghana, 2025.