Matio 20
20
Dããteere Weɛ Tontonema Yɛlɛ
1 #
Mat 21:33
“A tenvelaa naaloŋ waa seŋ ŋa weɛ soba kaŋ naŋ yi bagu-pipi ka o te de tontonema gaa ne o weɛ poɔ. 2O ne ba naŋ da wa sage lɛ tontonema naŋ maŋ toŋ kyɛ de, o da taa ba la gaa ne a o weɛ poɔ. 3O naŋ da wa leɛ yi gbelli awae saŋ, o da te nyɛ la ba mine ka ba are a daa poɔ weɛlɛ, 4ka o yeli ko ba, ‘Yɛ meŋ gaa te toŋ a n weɛ poɔ, n na yɔɔ yɛ la bon naŋ seŋ ka n yɔɔ yɛ.’ Lɛ la ka ba gaa. 5O naŋ da la yi ŋmentantuo saŋ, ane gbelli ata saŋ, o da e la a lɛ ne o zu. 6Kyɛ aŋa zimaane gbelli anuu saŋ, o da yi te nyɛ la ba mine ka ba are; ka o soore ba, ‘Bonso ka yɛ are a kyɛ a zenɛ zaa weɛlɛ?’ 7Ka ba yeli ko o, ‘Neɛzaa ba de te ka o ko te toma.’ Ka o yeli ko ba, ‘Yɛ meŋ gaa a n dããteere weɛ.’ 8Zie naŋ da wa maa, a weɛ soba da yeli ko la a o weɛ kaara, ‘Boɔle a tontonema, a ko ba ba san-yɔɔ. Daŋ yɔɔ a puori deme a te tɔ a danwẽɛ deme.’ 9A banaŋ naŋ da gaa a weɛ aŋa a zimaane gbelli anuu saŋ, ba kanzaa da de la bebi-gbuli san-yɔɔ. 10A danwẽɛ deme naŋ da wa, ba da teɛre ka ba na de gaŋ la lɛ, kyɛ ba kanzaa meŋ da de la a bebi-gbuli san-yɔɔ. 11Ba naŋ de a lɛ, ba da ŋmoonɔ la yɛlɛ ne a weɛ daana, 12a yele, ‘A puori deme bama toŋ la gogo yeni yoŋ, kyɛ ka fo yɔɔ te zaa seŋ taa, tenee naŋ woŋ tuo a bebi-gbuli zaa, ka ŋmenaa tɔ te yaga.’ 13Ka a weɛ soba leɛ soore ba kaŋ, ‘N ba, N ba erɛ fo saanaa zaa wɛ. Maa ne fo naane laŋ yeli biŋ ka fo na de la bebi-gbuli san-yɔɔ kyɛ ka n taa fo gaa ne a n weɛ poɔ be? 14De a fo san-yɔɔ gɛrɛ ne; maa la boɔrɔ ka n yɔɔ a puori deme bama a seŋ fo. 15#Rom 9:16; 9:21 N ba taa sori ka N e lɛ n naŋ boɔrɔ ne n boma be? Bee fo erɛ la nyuuri ne N naŋ erɛ velaa zuiŋ?’ 16#Mat 19:30; 22:14 Azuiŋ a puori deme na de la weɛ, kyɛ ka a danwẽɛ deme meŋ leɛ be puori.”
Yeezu Naŋ Yeli O Kũũ Ane O Leɛ-iruu Yɛlɛ A Gbɛre Bota Soba
(Mak 10:32-34; Luk 18:31-34)
17A Yeezu naŋ da wa duoro gɛrɛ Gyeruzɛlɛm, O da taa la a O potuuribo pie ne bayi gyɛŋ yi ne ba yoŋ zie, a te yeli ko ba a sori poɔ: 18#Mat 16:21; 17:22-23 “Yɛ nyɛ, te duoro gɛrɛ la Gyeruzɛlɛm, ka ba na te de a Nensaala Bie eŋ a Naaŋmen bagmaalkare ane a Naaŋmen bege wulwulibo nuuriŋ, ka ba di O sɛrɛɛ a yeli ka O seŋ ne la kũũ, 19kyɛ pãã de O ko a Nemboore-yobo ka ba e O la, a feɛ O, kyɛ kpa O dagaraa zu. Kyɛ a beri ata daare ba na e la ka O leɛ-iri a kũũ poɔ.”
Gyems Ane Gyɔɔn Ma Sɔroo Yɛlɛ
(Mak 10:35-45)
20 #
Mat 10:2
Lɛ la ka a Zɛbɛdii biiri ma da wa a Yeezu zie ane o bidɔbɔ, a wa gbi dumo O niŋeŋ kyɛ sɔre yelboɔraa kaŋ O zie. 21#Mat 19:28 Ka a Yeezu soore o, “Boŋ la ka fo boɔrɔ?” Ka o yeli ko O, “Sage ka N biiri bama bayi kaŋ zeŋ fo nudoloŋ seŋ ka kaŋ meŋ zeŋ fo nugɔɔ seŋ a fo naaloŋ poɔ.” 22#Mat 26:39; Gyn 18:11; Luk 12:50 Ka a Yeezu yelsɔge, “Yɛ ba baŋ bonna yɛ naŋ sɔrɔ. Yɛ na toɔ̃ nyu la a zuŋmanekoɔ̃ ŋa N naŋ waana ka N nyu?” Ka ba yeli ko O, “Te na toɔ̃ la.” 23Ka O yeli ko ba, “Yɛ sereŋ na nyu la a N zuŋmanekoɔ̃, kyɛ maa naane so ka N iri a banaŋ naŋ na zeŋ N doloŋ seŋ bee N gɔɔ seŋ. A e la a banaŋ zuiŋ N Saa naŋ nare a ziiri ama bare soobo.”
24 #
Luk 22:24-26
A potuuribo pie na naŋ da wa woŋ a lɛ, ba suuri da iri ne la a yɔɔmine bayi na. 25Kyɛ a Yeezu da boɔle la ba zaa lantaa a yeli ko ba, “Yɛ baŋ ka a Nemboore-yobo nembɛrɛ maŋ dire la kponnuŋ a ba noba zu, kyɛ ka ba zubɛrɛ dire kpeɛ̃õ ba noba meŋ zu. 26#Mat 23:11 Kyɛ a ba seŋ ka a waa lɛ yɛ zie; ka yɛ kanzaa wa boɔrɔ ka o leɛ neŋkpoŋ yɛ poɔ, see ka o leɛ yɛ zaa tontonɔ, 27#Mak 9:35 kyɛ soba na zaa meŋ naŋ boɔrɔ ka o de weɛ̃ yɛ poɔ, seŋ ka o e yɛ poɔ gbaŋgbaa; 28#Luk 22:27; Fil 2:7; 1 Tim 2:6 a ŋa lɛ a Nensaala Bie naŋ ba wa ka noba toŋ ko O, kyɛ O waɛ la ka O toŋ ko noba; a kyɛ de O nyɔvore yɔɔ de ne nen-yaga.”
Yeezu Naŋ Saŋ Zɔnne Mine Bayi
(Mak 10:46-52; Luk 18:35-43)
29Ba naŋ da wa yire Gyeriko poɔ, nembeɛoŋ da tuuro O la. 30Zɔnne mine bayi da zeŋ la a sori noɔreŋ. Ba naŋ da wa woŋ ka Yeezu la wa tɔlɔ, ba da ŋmɛ la kpɛlle a yele, “Daana, Devid Bidɔɔ, zo te nembaaloŋ!” 31Ka a noba da tanne ba ka ba pɔge ba nɔɛ a bare gɔmɔ. Kyɛ lɛ eŋ ka ba pãã da la maaleŋ kyeerɛ yaga zaa a yele, “Zo te nembaaloŋ, Daana, Devid Bidɔɔ!” 32Ka a Yeezu leɛ are zomm kyɛ boɔle ba, a yele, “Boŋ ka yɛ boɔrɔ ka N e ko yɛ?” 33Ka ba yeli ko O, “Daana, e ka te nimie yuori.” 34Ba nembaaloŋ naŋ da kpɛ a Yeezu zuiŋ, O da de la O nu te seene ne a ba nimie. A daadaalɛ ka ba deɛ nyɛrɛ a tuuro a Yeezu gɛrɛ.
Currently Selected:
Matio 20: DGA
Highlight
Copy
Compare
Share
Want to have your highlights saved across all your devices? Sign up or sign in
Dagaare First Bible © The Bible Society of Ghana, 2025.