Matio 16
16
Noba Naŋ Boɔrɔ Ka Yeezu Toŋ Toŋkpeɛne Ka Ba Nyɛ
(Mak 8:11-13; Luk 12:54-56)
1 #
Mat 12:38
A Faraziimine ane a Sadusiimine da wa la a Yeezu zie, ba naŋ da boɔrɔ ka ba e o nyɛ la so ka ba da yeli ka O e yelmannaa naŋ yi tenvelaa wuli ba. 2#Luk 12:54-56 Ka O yelsɔge ba, “Zimaane saŋ, yɛ maŋ yeli la, ‘A zie na soma la, bonso, a saluoni moɔɛ la.’ 3#Mat 11:4-5 Ka baguo saŋ meŋ, ka yɛ yeli, ‘Sakpoŋ na wa la, bonso, a saluoni mɔrɔ la.’ Yɛ baŋ la lɛ yɛ naŋ maŋ toɔ̃ kaa a saluoni a baŋ bon naŋ na e, kyɛ pãã kontoɔ̃ kaa a baŋ a bebie ŋa yelwulii. 4#Mat 12:39-40 A zenɛ noba yelbe-erebɛ ane noba naŋ ba zoro Naaŋmen la boɔrɔ yelmannaa ka ba nyɛ, kyɛ ba koŋ nyɛ yelmannaa zaa, ka a Gyona yelmannaa naane.” Lɛ la ka O da bare ba kyɛ gaa.
A Faraziimine Ane A Sadusiimine Wulfaare Yɛlɛ
(Mak 8:14-21)
5A potuuribo naŋ da wa ta a mane konkoori na kaŋ, ba da innee la ka ba de boroboro. 6#Luk 12:1 Yeezu da yeli ko ba la, “Yɛ gu yɛmenne velaa a baŋnea Faraziimine ane a Sadusiimine gagarre yɛlɛ.” 7Ka a potuuribo da leɛ yeli ko taa, “Te naŋ ba taa boroboro la so ka o yeli a ŋaa.” 8#Mat 6:30 Kyɛ a Yeezu naŋ da baŋ bonna ba naŋ yele la ka O yeli, “Yɛnee yelde-fẽẽ deme, bonso ka yɛ yele yɛ naŋ ba taa boroboro yɛlɛ? 9#Mat 14:17-21 Yɛ naŋ ba baŋ a tɛgɛ be? Yɛ ba teɛre a boroboro anuu N naŋ da de ko a noba turi anuu, ane pɛre awola yɛ naŋ da wuo a boŋkpaa ka a pa? 10#Mat 15:34-38 Bee a boroboro ayopoĩ N naŋ da de ko noba turi anaare, pɛre awola la ka yɛ da wuo? 11Bonso ka yɛ ba toɔ̃ baŋ ka boroboro yɛlɛ naane ka N yele? Yɛ gu yɛmenne a Faraziimine ane a Sadusiimine gagarre yɛlɛ!” 12Lɛ la ka ba pãã da baŋ ka a Yeezu da ba yeli ko ba ka ba baŋnea boroboro dããbelɛ yɛlɛ, kyɛ ba guuro bamenne velaa a yi a Faraziimine ane a Sadusiimine wuluu.
Piita Naŋ Yeli Kyaare Ne Neɛ Yeezu Naŋ Waa
(Mak 8:27-30; Luk 9:18-21)
13A Yeezu naŋ da wa te kpɛ Sezaareya Filipae teŋɛ paaloŋ, O da soore la a O potuuribo, “A noba yeli ka nembuo la a Nensaala Bie?” 14#Mat 14:2; 17:10 Ka ba yeli, “Ba mine yeli ka Gyɔɔn Babtis la, ka ba mine ka fo waa la Elaagya, ka ba mine meŋ naŋ yeli ka fo waa la Gyɛremaaya, bee a Ŋmen-yelmanneba na kaŋ.” 15Ka a Yeezu leɛ soore ba, “Kyɛ yɛ meŋ yeli ka nembuo la ma?” 16#Gyn 6:69 Ka Saamon Piita yelsɔge, “Fõõ la a Kirista, a Naaŋmen-vore Bidɔɔ.” 17#Gal 1:15-16 Ka Yeezu yeli ko o, “Zunoɔ soba la fo, Saamon, Gyona bidɔɔ! Bonso, eŋgane ane zẽẽ naane wuli fo a yeli ŋa tɛgɛ, kyɛ N Saa naŋ be tenvelaa poɔ la wuli fo. 18#Gyn 1:43; Efe 2:20 Maa yele korɔ fo, fõõ la Piita,#16:18 Piita: A Piita yuori tɛgɛ la, Piiri kyɛ a piiri ŋa zu la ka N na mɛ a N puoruu laŋne, ka Dazugovũũ kpeɛ̃õ zaa kontoɔ̃ o. 19#Mat 18:18 N na ko fo la a tenvelaa naaloŋ safobie, bonna zaa fo naŋ na leŋ a teŋɛzu kyɛ, ba na leŋ o la a tenvelaa poɔ, bonzaa meŋ fo naŋ na lori a teŋɛzu kyɛ ba na lori o la a tenvelaa poɔ.” 20#Mat 17:9 A Yeezu pãã da kpãã la a potuuribo ka ba ta wa yele korɔ neɛzaa ka Ona la a Kirista.
Yeezu Naŋ Yeli O Kũũ Ane O Leɛ-iruu Yɛlɛ
(Mak 8:31—9:1; Luk 9:22-27)
21 #
Mat 12:40; 20:18; Gyn 2:19 A yi a lɛ saŋ gɛrɛ, Yeezu da piili yele la weliweli korɔ a O potuuribo, ka feroo la ka O gaa Gyeruzɛlɛm, a te nyɛ dɔgɛɛ yaga a nembɛrɛ ane a Naaŋmen bagmaalkare ane a Naaŋmen bege wulwulibo nuuri poɔ, ka ba ko O, kyɛ a beri ata daare ka O leɛ-iri yi a kũũ poɔ. 22Lɛ la ka Piita boɔle a Yeezu tage yi ne a noba poɔ a te nyare O zu a yele, “Daana! Naaŋmen ta sage ka a e a lɛ. Ka a yeli ŋa daŋ ta pɔge fo zaa.” 23Ka a Yeezu leɛ yeli ko a Piita, “Tage yi be N zie, Setaana! Fo waa la begraa N zie, bonso, fo ba de fo teɛroŋ eŋ Naaŋmen boma eŋɛ, kyɛ fo de eŋ la nensaala boma eŋɛ.”
A Dagaraa Ne Meŋɛ Zagroo Yɛlɛ
24 #
Mat 10:38-39
Lɛ la ka a Yeezu da yeli ko a O potuuribo, “Ka neɛzaa wa boɔrɔ ka o tuuro ma, o daŋ zagre o meŋɛ yɛlɛ bare, kyɛ de o dagaraa tuo tuuro ne ma. 25Bonso, banaŋ zaa naŋ boɔrɔ ka ba faa ba nyɔvoɛ na wɛ la. Kyɛ banaŋ zaa meŋ naŋ sage ka ba kɔŋ ba nyɔvoɛ N zuiŋ, ba na nyɛ la ba nyɔvoɛ. 26Boŋ tɔnɔ ka ba na nyɛ ka ba naŋ so a tendaa zaa kyɛ ba taa nyɔvore? Bee boŋ ka ba na toɔ̃ de tɛgɛ ne ba nyɔvoɛ?”
27 #
Rom 2:6
“A Nensaala Bie ne O malekere na wa la a O Saa veɛloŋ poɔ. A pãã wa ko neɛzaa san-yɔɔ a seŋ lɛ o naŋ toŋ. 28#Mat 10:23 Yelmeŋɛ ka N yele korɔ yɛ, yɛ mine be la kyɛ a naŋ koŋ kpi sɛre, kyɛ nyɛ a Nensaala Bie ka O waana ne O naaloŋ.”
Currently Selected:
Matio 16: DGA
Highlight
Copy
Compare
Share
Want to have your highlights saved across all your devices? Sign up or sign in
Dagaare First Bible © The Bible Society of Ghana, 2025.