Matio 10
10
Apostoliimine Pie Ne Bayi Yɛlɛ
(Mak 3:13-19; Luk 6:12-16)
1Lɛ la ka a Yeezu da boɔle O potuuribo pie ne bayi lantaa, a ko ba kpeɛ̃õ sefaare zu, ka ba digre a bara, kyɛ saŋna baaloŋ boorɔ zaa. 2A apostoliimine pie ne bayi na yoe la ama: a dɛndɛŋ soba la Saamon, ka o yuori kaŋ di Piita ane o yɔɔ Anduru, Gyems ane o yɔɔ Gyɔɔn, a Zɛbɛdii bidɔbɔ; 3Filip ane Batolomio, Tɔmaas ane Matio naŋ da waa zuyɔɔ-derɛ, Gyems a Alfeo bidɔɔ ane Tadiyos; 4Saamon naŋ da poɔ Zɛlɔt laŋne noba poɔ ane Gyudas Ezekarɔt, a soba na naŋ da yi a Yeezu puori.
A Potuuribo Pie Ne Bayi Tonnoɔre
(Mak 6:7-13; Luk 9:1-6)
5Yeezu da toŋ la a pie ne bayi bama a ko ba noɔre ŋa, “Yɛ ta wa gɛrɛ a Nemboore-yobo tenne. Yɛ ta gaa a Samaareya noba meŋ teŋɛ kanzaa, 6#Mat 15:24; Tom 13:46 kyɛ yɛ gaa a Izerayɛl peere naŋ bɔre na zie. 7#Mat 4:17; Luk 10:9 Ka yɛnee wa gɛrɛ, yɛ manna a Ŋmen-yelnoore a yele, ‘A tenvelaa naaloŋ peɛlɛɛ la.’ 8#Tom 20:23 Yɛ saŋna baalba, a sennɛ kuuni, a saŋna kɔnkɔnne kyɛ digre sefaare bara. N ko yɛ la a kpeɛ̃õ ŋa weɛlɛ, yɛ meŋ de saŋna ne noba weɛlɛ. 9Yɛ ta de salema, salem-pelaa, bee kur-pelaa warbie eŋnɛ yɛ ganlɔgre poɔ. 10#Luk 10:4; 1 Tim 5:18; Sɔr 18:31 Yɛ ta de woore, bee kparre ayi, bee nɔɔteɛ, bee dabɔle na gu ne yɛmenne; bonso, a seŋɛɛ la ka tontonɔ zaa nyɛ o noɔre bondiraa. 11Ka yɛnee wa kpɛ teŋkpoŋ bee tembile zaa poɔ, yɛ maŋ daŋ bɔ neɛ naŋ na baŋ de yɛ saanoŋ, ka yɛ kpeɛrɛ a be a te ta saŋ na yɛ naŋ na yi a teŋɛ poɔ. 12#Luk 10:5-6 Ka yɛnee wa kpɛ yiri zaa poɔ, yɛ maŋ puori a yideme. 13Ka a yideme wa sage de yɛ saanoŋ, yɛ vɛŋ ka yɛ maaroŋ be ba zie. Kyɛ ka ba naŋ ba wa de yɛ saanoŋ, yɛ leɛ ne a yɛ maaroŋ. 14#Luk 10:10-12; Tom 13:51; 18:6 Ka neɛzaa ba wa de yɛ saanoŋ bee a sage ka o kyɛlle woŋ a yɛ yelbie, ka yɛnee wa yire a yiri bee a teŋɛ na poɔ, yɛ piŋ piŋ yɛ gbɛɛ uuruŋ bare a be. 15#Mat 11:24; Luk 20:47 Yelmeŋɛ zaa ka N yele korɔ yɛ, a sɛrɛɛdiibu daare, Naaŋmen na zo la Sodom ane Gomora tenne nembaaloŋ a gaŋ a teŋɛ na poɔ ba naŋ zagre yɛ bare.”
Dɔgroŋ Naŋ Waana Yɛlɛ
(Mak 13:9-13; Luk 21:12-17)
16 #
Luk 10:3; Rom 16:19; Efe 5:15 Yɛ nyɛ, N tonɔ yɛ la aŋa peere a eŋnɛ gboŋgboe poɔ, azuiŋ yɛ taa yɛŋ aŋa weere, kyɛ e baaloŋ aŋa ŋmama. 17#Mat 24:9 Yɛ baŋ ne ba yɛlɛ, ba na taa yɛ la gaa ne sɛrediribe zie, a feɛ yɛ a ba puoruuderi pooreŋ; 18#Mat 24:14; Tom 25:23; 27:24 ba na taa yɛ la gaa ne a gɔbena mine ane namine zie N zuiŋ, ka a e danseɛ ko ba ane a Nemboore-yobo. 19#Luk 12:11-12 Ka ba naŋ wa taa yɛ gaa ne sɛrediribe zie, yɛ ta wa miine lɛ yɛ naŋ na yeli, bonso, ka a saŋ wa ta, ba na wuli yɛ la lɛ yɛ naŋ na yeli; 20#1 Kor 2:4 a ba e ka yɛnee la na yeli a yɛlɛ, kyɛ a yɛ Saa Naaŋmen Vooroŋ la na tu a yɛ zie a yeli a yɛlɛ. 21#Mat 10:35 Neɛ na maŋ de la o yɔɔ tere ka ba ko. Ka saa de o bie tere ka ba ko, ka bibiiri iri zɔɔrɔ ne ba dɔgrebɔ, a e ka ba ko ba; 22#Mat 24:9; 24:13 kyɛ ka a noba zaa kyiiri yɛ a N yuori zuiŋ. Kyɛ soba na naŋ di kannyiri te ta a baaraa saŋ na nyɛ la faabo. 23#Mat 16:28 Ka ba naŋ wa dɔgrɔ yɛ teŋɛ kaŋ poɔ, yɛ zo gaa ten-yuo. Yelmeŋɛ ka N yele korɔ yɛ, yɛ koŋ baŋ kyɔle a Izerayɛl tenne zaa sɛre kyɛ ka a Nensaala Bie leɛ wa.
24 #
Luk 6:40; Gyn 13:16; 15:20 “Zanzanna ba ganna o wulwullo, bee ka gbaŋgbaa ganna soba naŋ so o. 25#Mat 12:24 A seŋɛɛ la ka zanzanna boɔrɔ ka o zanne te ta o wulwullo, ka gbaŋgbaa meŋ boɔrɔ ka o waa ŋa o daana. Ka ba naŋ pãã boɔle a yidaandɔɔ Bɛlzɛbul,#10:25 Bɛlzɛbul: A Bɛlzɛbul waa la a sefaare zaa naa ba koŋ boɔle a yideme yofaare gaŋ a lɛ bee!”
Neɛ A Naŋ Seŋ Ka Te Zoro O Dabeɛ̃
(Luk 12:2-7)
26 #
Mak 4:22; Luk 8:17 “Azuiŋ yɛ ta zoro ba dabeɛ̃; bonso, bonzaa ba kyebe a sɔgle ka ba koŋ yuo ka o sãã. Yelsɔglaa zaa meŋ kyebe ka ba koŋ yeli ka noba baŋ. 27A yɛlɛ na zaa N naŋ yele korɔ yɛ lige poɔ, yɛ yeli a kyaane poɔ. Yɛlɛ na zaa meŋ yɛ naŋ woŋ ka N waale yeli, yɛ do peere zu a te moɔle a gboligboli. 28#Gye 4:12 Yɛ ta zoro banaŋ naŋ na toɔ̃ iri a nensaala nyɔvore kyɛ kontoɔ̃ ko o seɛ. Kyɛ yɛ zoro onaŋ naŋ na toɔ̃ iri a nensaala nyɔvore kyɛ naŋ toɔ̃ de o seɛ meŋ eŋ dazugovũũ poɔ. 29Ba ba maŋ koɔre daviime ayi pɛsewa yenaa be? Kyɛ a kanzaa koŋ baŋ kpi ka a yɛ Saa ba baŋnea. 30Haali gba a yɛ zukɔɔloŋ zaa noɔre ka O baŋ. 31Azuiŋ yɛ ta zoro dabeɛ̃. Yɛ taa la tɔnɔ yaga zaa a gaŋ a daviime.”
32“Soba na zaa naŋ sage ka o baŋ ma la nen-yaga poɔ, N meŋ na sage ka N baŋ o la N Saa naŋ be tenvelaa poɔ niŋeŋ; 33#Luk 9:26 kyɛ onaŋ soba zaa naŋ na zagre ma nen-yaga poɔ, N meŋ na zagre la o soba N Saa naŋ be tenvelaa poɔ niŋeŋ.”
N Ba Wa Ne Emmaaroŋ, Zɔɔre La Ka N Wa Ne
(Luk 12:51-53; 14:26-27)
34Yɛ ta wa teɛrɛ ka N wa ne la maaroŋ a teŋɛzu; N ba wa ka N tere maaroŋ, kyɛ zɔɔre la ka N wa ne.
35N waɛ la ka N tɔ zɔɔre eŋ bie ane o saa,
a tɔ zɔɔre eŋ pɔgeyaa ane o ma,
a tɔ zɔɔre eŋ naapɔge#10:35 Naapɔge: A Dagaaba mine maŋ yeli ka Bie pɔg ane o serɛ ma;
36 #
Mae 7:6
ka neɛ dɔndɔnne na waa o meŋɛ yideme.
37 #
Begɛ 33:9; Luk 14:26-27 Soba na zaa naŋ nɔŋ o saa bee o ma yaga a gaŋ ma, ba seŋ ne N tuubu. Soba na zaa meŋ naŋ nɔŋ o bidɔɔ bee o pɔgeyaa yaga a gaŋ ma ba seŋ ne N tuubu; 38#Mat 16:24 ka soba na zaa naŋ ba de o dagaraa tuo tuuro ne ma, meŋ ba seŋ ne N tuubu. 39#Luk 17:33; Gyn 12:25 Banaŋ zaa naŋ boɔrɔ bamenne nyɔvoɛ, na kɔŋ la ba nyɔvoɛ, kyɛ banaŋ zaa meŋ naŋ kɔŋ ba nyɔvoɛ N zuiŋ, na leɛ nyɛ la ba nyɔvoɛ.
San-yɔɔ Yɛlɛ
(Mak 9:41)
40 #
Mat 18:5; Luk 10:16; Gyn 13:20 “Soba na zaa naŋ de yɛ saanoŋ, de ma la saanoŋ, ka soba na zaa meŋ naŋ de ma saanoŋ, de a soba na naŋ toŋ ma saanoŋ. 41Soba na zaa naŋ de Ŋmen-yelmanna saanoŋ o naŋ e Ŋmen-yelmanna zuiŋ, na nyɛ la Ŋmen-yelmanna san-yɔɔ. Soba na zaa meŋ naŋ de nemmeŋɛ saanoŋ o naŋ e nemmeŋɛ zuiŋ, na nyɛ la nemmeŋɛ san-yɔɔ. 42#Mat 25:40; Mak 9:41 Yelmeŋɛ ka N yele korɔ yɛ; soba na zaa naŋ na ko a bibile ŋa kanzaa kɔmmaaroŋ ka o nyu, o naŋ waa N potuuro zuiŋ, na nyɛ la o san-yɔɔ.”
Currently Selected:
Matio 10: DGA
Highlight
Copy
Compare
Share
Want to have your highlights saved across all your devices? Sign up or sign in
Dagaare First Bible © The Bible Society of Ghana, 2025.