Toma 4
4
Piita Ane Gyɔɔn Naŋ Are A Sɛrediribe Niŋesogɔ
1 #
Luk 22:4; 22:52 A Piita ane a Gyɔɔn naŋ da naŋ yele a yɛlɛ korɔ a noba, a Naaŋmen bagmaalba ane a Naaŋmen die guguuribo neŋkpoŋ ane a Sadusiimine da wa la ba zie. 2#Tom 23:8 Ba suuri da iree la yaga ane ba naŋ da kanna a noba kyɛ moɔlɔ ka a Yeezu zie la ka kuuni leɛ-iruu be. 3Azuiŋ, ba da nyɔge ba la te pɔge ka zie te nyaa bonso, zie deɛ da maaɛ la. 4#Tom 2:47 Kyɛ a noba yaga naŋ da woŋ a yelbiri da sage deɛ la. Ba da ta ŋa noba turaanuu.
5A nyaazie daare, a ba namine ane a ba nembɛrɛ ane a Naaŋmen begɛ wulwulibo da laŋ la taa a Gyeruzɛlɛm poɔ, 6ba ne Annas a Naaŋmen bagmaalkare neŋkpoŋ ane Kayefa ane Gyɔɔn ane Alɛzanda ane a banaŋ zaa naŋ da yi a Naaŋmen bagmaalkare neŋkpoŋ boorɔ poɔ. 7#Mat 21:23 Ba naŋ da e ka a nempɔgre wa are ba sogɔŋ, ba da soore ba la, “Boŋ kpeɛ̃õ bee aŋ yuori eŋɛ la ka yɛ da e a yeli ŋa?” 8#Mat 10:19-20 Lɛ la ka Piita naŋ da paale ne a Vooroŋ Soŋ da yeli ko ba, “Yɛnee, a noba namine ane ba nembɛrɛ, 9ka tenee are a kyɛ a zenɛ bebiri, ka yɛ soorɔ te a kyaare ne a yelvelaa te naŋ e ko neɛ kaŋ naŋ da beɛrɛ, ka o nyɛ laafeɛ, 10#Tom 3:6; 3:13-16 a ferɛɛ la ka yɛ zaa baŋ, a laŋ ne a Izerayɛl noba zaa ka a Yeezu Kirista, a Naazɛrɛ Bie na yɛ naŋ da kpa a dagaraa zu, ka Naaŋmen e ka O leɛ-iri a kuuni poɔ, yuori eŋɛ la ka a dɔɔ ŋa nyɛ laafeɛ a are dendeŋ yɛ niŋesogɔ. 11#Mat 21:42; Yiel 118:22 A Yeezu ŋa la:
‘a kuuri na yɛnee, a mɛmeɛrebɛ naŋ da zagre bare;
Ona la leɛ a yiri pare kuuri.’
12 #
Mat 1:21
Faabo ba la kye neɛ kanzaa zie, bonso, yuori zaa ba kye a teŋɛzu kyɛ Naaŋmen naŋ tere a nensaalba poɔ ka te na tu a nyɛ faabo.”
13Ba naŋ da wa nyɛ lɛ a Piita ane Gyɔɔn naŋ da yele a yɛlɛ a ba zoro dabeɛ̃ kyɛ ka ba da baŋ ka ba da ba e noba naŋ zanne gane, ba nɔɛ da maaɛ la. Kyɛ ba da baŋ ka ba da waa la a Yeezu potuuribo. 14#Tom 3:8-9 Kyɛ ba naŋ da nyɛ a dɔɔ na naŋ da nyɛ a sammo ka o are kɔge ba, ba da ba la taa nɔkpeɛne zaa na ŋmɛ a yeli ŋa poɔ. 15Azuiŋ, ba da tere la noɔre ka ba taa ba yi ne a sɛrediribe zie, kyɛ ka ba nyɛ taa ne a yɛlɛ. 16#Gyn 11:47 Ba da soore la taa, “Boŋ ka te na e ne a noba bama? A e la weliweli ko banaŋ zaa naŋ be a Gyeruzɛlɛm poɔ ka ba e la yelwulaa; te kontoɔ̃ yeli ka a ba waa lɛ. 17#Tom 5:28 Ka tenee boɔrɔ ka a yɛlɛ ŋa ta gaa tɔɔre a noba poɔ, yɛ e ka te kpãã ba ka ba ta daŋ la porɔ a Yeezu yuori neɛzaa zie.” 18Lɛ la ka ba da boɔle ba a ko ba noɔre ka ba ta daŋ wa yele bee a wullo noba a Yeezu yuori eŋɛŋ zaa. 19#Tom 5:29 Kyɛ a Piita ane Gyɔɔn da leɛ yelsɔge ba la, “Yɛ teɛre nyɛ, a buo soba la seŋ ne eebo a Naaŋmen niŋesogɔ, te naŋ na sage a yɛ noɔre bee a Naaŋmen noɔre? 20Tenee eŋ kontoɔ̃ bare bonna te naŋ nyɛ bee a woŋ yeluu.” 21Ba da leɛ fugi ba la kyɛ bare ba ka ba gɛrɛ, ba naŋ da ba baŋ lɛnɛɛ zaa ba naŋ na dɔgre ba a noba zuiŋ, bonso a noba zaa da puuro la Naaŋmen ane bonna naŋ e. 22A dɔɔ gbɛre na ba naŋ da saŋ da nyɛ la yuomo lezaayi kyɛ dɔgle.
A Yelderebɛ Naŋ Puori Sɔre Ka Naaŋmen Ko Ba Faŋ
23Ba naŋ da wa bare a Piita ane Gyɔɔn baare, ba da gaa la a ba bamine zie a te manne bon a Naaŋmen bagmaalkare ane a nembɛrɛ naŋ da yeli ko ba. 24Ba naŋ da wa woŋ a yɛlɛ, ba da laŋ la taa a zɛge ba kɔkɔɛ a puori Naaŋmen a yeli, “Boma Zaa Daana, fõõ la da iri a sazu ane a teŋɛ ane a mane ane boma zaa naŋ be a poɔ. 25#Yiel 2:1-2 Fõõ la da vɛŋ ka a Vooroŋ Soŋ da tu a te sããkoma Devid, a fo tontonɔ zie, a yeli:
‘Bonso ka a Nemboore-yobo#4:25 Nemboore-yobo: Noba na zaa naŋ da ba waa Gyuumine la a Nemboore-yobo. suuri kpaara lɛ,
kyɛ ka a noba teɛre teɛroŋ weere?
26A teŋɛzu namine yi la tammo,
ka a zukaareba lantaa,
a zɔɔrɔ ne a Daana ane a O Neŋkaa-iraa.’#4:26 Neŋkaa-iraa: A Neŋkaa-iraa la neɛ ba naŋ sɔ kããsoŋ bee a Kirista.
27 #
Luk 23:12
Bonso, Hɛrɔd ane Ponsi Pilato ane a Nemboore-yobo ane a Izerayɛl noba da laŋ la taa a teŋkpoŋ ŋa poɔ a zɔɔ ne a Yeezu a fo tontonsoŋ, a onaŋ fo naŋ da sɔ kããsoŋ, 28#Tom 2:23 ka ka O e a bonna a fo nu ane a fo poteɛrɛ naŋ nare biŋ ka fo e. 29#Efe 6:19 Pampana ŋa, Daana, kaa nyɛ a ba fugibu kyɛ soŋ a fo tontonema ka ba moɔle a fo yelbiri kyɛ ta zoro dabeɛ̃, 30kyɛ ka fo teɛ fo nu a saŋ na baaloŋ, a erɛ yelwulii ane toŋkpeɛne a fo tontonsoŋ Yeezu yuori eŋɛ.” 31Ba naŋ da wa puori baare, a zie na ba naŋ da lantaa da gbigree la kyɛ ka ba da paale ne a Vooroŋ Soŋ a da moɔlɔ a Naaŋmen yelbiri ane ba faŋ zaa.
A Yelderebɛ Da Laŋ La Boma
32 #
Tom 2:44
A noba banaŋ zaa naŋ da sage de a yɛlɛ da taa la teɛroŋ yeni ane sukyiri yeni, ka ba kanzaa da ba yeli ka a bon o naŋ da taa waa la o yoŋ soobo; ba zaa da laŋ la boma. 33#Tom 2:47 A apostoliimine da di la danseɛ kpeɛŋaa zaa a kyaare ne a Daana Yeezu kuuni poɔ leɛ-iruu, kyɛ ka Naaŋmen garaase-kpoŋ da be ba zaa zie. 34#Tom 2:45 Neɛzaa da ba be ba poɔ a dire bonzaa naŋ bonso, banaŋ zaa naŋ da taa wɛre bee yie da koɔre a la, a da taa a libie 35a wa eŋ a apostoliimine nuuriŋ, ka ba de poŋ ba zaa a seŋ a naŋ wono ba yeni yeni zaa lɛ. 36#Tom 11:22; 11:24 Gyosɛf naŋ yi Sapuru kyɛ da waa Levi bale neɛ ka a apostoliimine da pore o yuori ka Banabas (a yuori tɛgɛ la, “neɛ naŋ maŋ yeli yɛlɛ dii o tɔ sukyiri.”). 37O da koɔre la o weɛ a da taa a libie a wa eŋ a apostoliimine nuuriŋ.
Currently Selected:
Toma 4: DGA
Highlight
Copy
Compare
Share
Want to have your highlights saved across all your devices? Sign up or sign in
Dagaare First Bible © The Bible Society of Ghana, 2025.