San Marcos 13
13
Ri Jesús xub'ij che kiwlujsax na ri nimlaj rchoch Dios
(Mt 24:1-2; Lc 21:5-6)
1Echi' xel loq Jesús chpam nimlaj rchoch Dios, o jun chke nk'aj udiscípulo xub'ij che:
—Ajtojnel, chiwlampe la nk'aj nmaq taq ab'aj kjom che nimlaj rchoch Dios, mas utz ka'yik 'nom che, —xche che.
2Ri Jesús xutzlij ub'ixik che, xub'ij:
—Utz ka'yik kawil nimlaj rchoch Dios le', per kurqan jun ij kiwlujsax na, otchich jun ab'aj kkanaj pujlom jun chik ab'aj, runjel kiwlujsax na, ktzaqik, —xche che.
Ri Jesús xub'ij chke su k'utb'al kuya Dios echi' ya mer ksachtaj uwuch uwuchlew
(Mt 24:3-24; Lc 21:7-33)
3Tik'ri xib'e pujlom jun jyub' Olivos che o chjuch nimlaj rchoch Dios. Echi' ku'l Jesús chla', kjeb' (4) udiscípulo xiqib' pan ruk'; jare u Lu' rich'il u Santiago rich'il u Wan, soq rich'il u Trix. Ke kitkel xikta che Jesús, xikb'ij:
4—Jare kqaj qo'j che kb'ij la chqe, ¿jumpa kuriqo che k'antjik su kb'ij la? ¿Chinchke jun k'utb'al k'alnik echi' ko'pan ij ti k'antaj le'? —xiche che.
5Ni Jesús xutzlij ub'ixik chke, xub'ij:
—China kwent iwib' rech jala' ot chin jun kixusub'u, 6mal kipin k'i nk'aj chik che kikkoj nb'i', kikb'ij: “In ri' ri Cristo, xchay rmal Dios”, kiche chiwe. Ik'i mnaq kiyiksub'u. 7Echi' kita rson che xaq paja k'wi nimlaj ch'oj, we chnaj, soq we nqaj, xaq msach ik'u'x, mal nmister che jawa k'antaj na, per jare taj k'isb'al taq ij. 8Nk'aj mnaq iy'o chpam jun tinmit kik'an na ch'oj kuk' mnaq iy'o chpam jun chik tinmit; soq nk'aj atb'altzij itk'al pujlom nk'aj tinmit kik'an na ch'oj chikuch. Kpi na kab'rqan chpam k'ilaj taq tinmit, kpi na wijal soq rich'il ch'oj; per xa jeqb'al uxe' k'ax, kpi na mas.
9»China kwent iwib' ti kiwilo che jala kmajtaj u'anik, mal kixkjach na ri mnaq pik'ab' nk'aj atb'altzij, soq kixkch'ay na chpam nk'aj rchoch Dios. Wmal in, kixk'am nub'i chikuch nk'aj mnaq che nim atb'altzij o pik'ab', peche nk'aj gobernador rich'il nk'aj rey, rech kixkunik kib'ij utzlaj taq rson chke chwij in. 10Echi' mja ko'pan k'isb'al taq ij, nmister che kb'ix na utzlaj taq rson chwij in chpam runjel tinmit chuchlew. 11Echi' kixkchapo rech kixkk'am b'i chjuch jun atb'altzij, xa mix'ej iwib', xa mib'soj su kib'ij chke. Jare kib'ij tzij che kuya Dios chiwe chpam un hora le', rmal mel ix taj kich'ob' tzij che kib'ij, jare Uxlab'xel Dios kub'ij chiwe.
12»Iy'o mnaq kikjach na kachlal pkamsxik; soq iy'o achjab' kikjach na kalk'al pkamsxik. Iy'o ak'lab' kikmaj ch'oj kuk' kqaw kchuch, kikjach pkamsxik. 13Wmal in, kunjel mnaq xa k'ax kixkkilo; per chin jun kuch'ij na ast retal echi' kk'is na runjel, jare re kto'taj na, rech kuriq uk'asnmal ruk' Dios.
14»Najb'il utzij Dios, che Daniel#Dn 9:27; 11:31; 12:11. ub'i', utz'ib'am kan chrij jun k'ax che kpi na; jawa xub'ij: kpi jun itzel laj cosa, jwert xib'al'ib' rilik. Echi' kiwilo che kikje chla' jachi tqal taj che kikje wi (chin jun kusk'ij uwuch nk'aj tziji', chukjo retal), tik'ri nmister che anim kixanmjik; chin iy'o pukwent Judea, utz kib'e puwi taq jyub' rmal k'ax kpitik. 15Chpam un ije', chin elnaq b'i pujlom rchoch y chin iy'o chuja, xaq miyok chub'i pja rech kikkesaj loq ub'itaqke. 16Chin iy'o pchak, xa miyitzlij lo chikchoch che uk'amik kitz'yaq. 17T'ob' kwuch nk'aj ixqib' che iyab' kuk' ak'lab' rich'il nk'aj che kiktub'saj kal chpam taq ije' ti kuriqo. 18Chita che Dios che kpi taj un nimlaj k'axi' chpam 'laj, 19rmal mel, chpam taq ije', kriqtaj na nimlaj k'ax. Un k'axi', ot jun b'welt iwlom uwuch jumpa la ujer taq tzij echi' ti xutik uwuchlew Dios. Mowni kpi chna jun b'welt chik k'ax peche le'. 20Wet mitji kk'is un k'ax, ot jun mnaq kik'se' na chuchlew. Per Qajaw Dios, mas kel uk'u'x chke mnaq che iyuchom, che rech Re. Xa rmal, ku'atij uwuch un k'ax, rech knajtar t mas.
21»Echi' jala kitjinik, we o jun kub'ij chiwe, “Chiwlampe', ural k'wi ri Cristo,#13:21 Cristo kel kub'ij jun chaytajnaq rmal Dios. Un tzij Mesías xaq jnam kilwi. xchay rmal Dios”, kche chiwe, xa mikojo. Soq, we o jun chik kub'ij chiwe, “Chiwla', chla' k'wi ri Cristo”, kche chiwe, xa mikoj utzij. 22Mal kipin mnaq che kikkoj kib' che Cristo. Kipi nk'aj chik kikkoj kib' che ijare ke iyajb'il utzij Dios; y kiyok che u'anik nimlaj k'utb'al rich'il milagro chikuch mnaq; xa kkaj ke che kiyikun che ksub'ik mnaq che iyuchom Dios. 23China kwent iwib', ya nb'im chik chiwe runjel su k'antaj na, —xche Jesús chke.
Ri Jesús xub'ij su mow kitzlij na ri uK'jol Dios chuchlew
(Mt 24:29-35,42-44; Lc 21:25-36)
24Xub'ij chik Jesús chke:
—Chpam un tiempo le', echi' axnaq chik un nimlaj k'ax, jala k'antaj na peche tz'ib'tal kan ujer che kub'ij:
“Kqu'mar ij o chkaj;
soq jala ik', kitluw t chik.
25Nk'aj ch'mil kitzaq nuloq chkaj;
runjel su o chkaj che o uchu'ab' kikya saq, kislib'sax na”, kcha'.#Is 13:10; 34:4.
26»Tik'ri kikkil nwuch mnaq, in nAchi nuK'jol Dios; kikkilo che kimpi na chpam sutz' ruk' nimlaj nchu'ab'; nim n'ij kimpitik. 27Chanim kintaq b'i nk'aj n'ángel rech kikmol kunjel jumpa mnaq ichaytajnaq chik rmal Dios; paja ik'wi kikmolo; we chla' jachi kel loq ij, soq we chla' jachi kqaj wi; soq we chla' putlok'. Kikmol chpam runjel kaj ulew.
28»Kikoj retal chrij un k'amb'al n'oj chrij un che' rech higo. Echi' kpo' nk'aj k'ak' uxaq rich'il nk'aj utux, jare k'utb'alre chiwuch che ya mer kpi 'laj. 29Jala peche le', echi' kiwil ix che jala k'antjik peche nb'im chiwe, chiwit'amaj jare k'utb'alre chiwuch che ya ko'pan k'isb'al uwuchlew y kintzlij chuloq. 30Ruk' saqlaj tzij kimb'ij chiwe, runjel su nb'im kan chiwe, nab'e k'antaj na, tik'ri kikam mnaq che iy'o chi' chu'ij saq. 31Ri kaj rich'il uwuchlew che kiwil chanim, ksachtaj na uwuch, per ni ntzij in ksachtaj t uwuch, k'antaj na su nb'im chiwe.
32»Ot jun mnaq rit'am chinchke ij mowni rit'am chinchke hora k'antjik su kimb'ij chiwe. Kit'am taj nk'aj ángel iy'o chla' chkaj, mowni wit'am in nuK'jol Dios jumpa k'antjik; xaq xaw qaQaw Dios rit'am. 33China kwent iwib'. Kixk'ask'atoq, kixch'aw ruk' Dios, rmal mel iwit'am taj jumpa kuriq ij che jala k'antjik.
34»Ri npitik jala peche ku'on jun achi che k'e che jun ub'yaje chnaj. Echi' mja kel chuja, kuya kan kchak nk'aj umoso chikjunjnal. Soq kub'ij che najchjil ja che kk'ask'atik, kuchjij runjel. 35Jala china ix, chik'suj iwib' chiwuch, mal iwit'am taj chinchke ij kintzlij loq; jala peche un rjaw ja ri' che kit'am taj nk'aj umoso we kpi qaj'ij, we kpi ptaq nk'aj a'ab', we kpitik echi' kiyo' nab'e ak', o we kpitik echi' kisqarik. 36Jala', rech we xaq t'et kimpitik, kixinrqa' ixk'aslik, ixwarnaq taj. 37Su kimb'ij chiwi'x chanim, soq kimb'ij chke kunjel jumpa mnaq: ¡Chik'suj iwib', rech ixk'aslik ti kuriq ij che kimpitik! —xche Jesús chke nk'aj udiscípulo.
Currently Selected:
San Marcos 13: qucSAS
Highlight
Share
Copy
Want to have your highlights saved across all your devices? Sign up or sign in
El Nuevo Testamento
en K'iche' de San Andrés Sajcabajá
© 2024 Asociación Educativa y Cultural Maya (AECM)
en colaboración con SIL Global
San Marcos 13
13
Ri Jesús xub'ij che kiwlujsax na ri nimlaj rchoch Dios
(Mt 24:1-2; Lc 21:5-6)
1Echi' xel loq Jesús chpam nimlaj rchoch Dios, o jun chke nk'aj udiscípulo xub'ij che:
—Ajtojnel, chiwlampe la nk'aj nmaq taq ab'aj kjom che nimlaj rchoch Dios, mas utz ka'yik 'nom che, —xche che.
2Ri Jesús xutzlij ub'ixik che, xub'ij:
—Utz ka'yik kawil nimlaj rchoch Dios le', per kurqan jun ij kiwlujsax na, otchich jun ab'aj kkanaj pujlom jun chik ab'aj, runjel kiwlujsax na, ktzaqik, —xche che.
Ri Jesús xub'ij chke su k'utb'al kuya Dios echi' ya mer ksachtaj uwuch uwuchlew
(Mt 24:3-24; Lc 21:7-33)
3Tik'ri xib'e pujlom jun jyub' Olivos che o chjuch nimlaj rchoch Dios. Echi' ku'l Jesús chla', kjeb' (4) udiscípulo xiqib' pan ruk'; jare u Lu' rich'il u Santiago rich'il u Wan, soq rich'il u Trix. Ke kitkel xikta che Jesús, xikb'ij:
4—Jare kqaj qo'j che kb'ij la chqe, ¿jumpa kuriqo che k'antjik su kb'ij la? ¿Chinchke jun k'utb'al k'alnik echi' ko'pan ij ti k'antaj le'? —xiche che.
5Ni Jesús xutzlij ub'ixik chke, xub'ij:
—China kwent iwib' rech jala' ot chin jun kixusub'u, 6mal kipin k'i nk'aj chik che kikkoj nb'i', kikb'ij: “In ri' ri Cristo, xchay rmal Dios”, kiche chiwe. Ik'i mnaq kiyiksub'u. 7Echi' kita rson che xaq paja k'wi nimlaj ch'oj, we chnaj, soq we nqaj, xaq msach ik'u'x, mal nmister che jawa k'antaj na, per jare taj k'isb'al taq ij. 8Nk'aj mnaq iy'o chpam jun tinmit kik'an na ch'oj kuk' mnaq iy'o chpam jun chik tinmit; soq nk'aj atb'altzij itk'al pujlom nk'aj tinmit kik'an na ch'oj chikuch. Kpi na kab'rqan chpam k'ilaj taq tinmit, kpi na wijal soq rich'il ch'oj; per xa jeqb'al uxe' k'ax, kpi na mas.
9»China kwent iwib' ti kiwilo che jala kmajtaj u'anik, mal kixkjach na ri mnaq pik'ab' nk'aj atb'altzij, soq kixkch'ay na chpam nk'aj rchoch Dios. Wmal in, kixk'am nub'i chikuch nk'aj mnaq che nim atb'altzij o pik'ab', peche nk'aj gobernador rich'il nk'aj rey, rech kixkunik kib'ij utzlaj taq rson chke chwij in. 10Echi' mja ko'pan k'isb'al taq ij, nmister che kb'ix na utzlaj taq rson chwij in chpam runjel tinmit chuchlew. 11Echi' kixkchapo rech kixkk'am b'i chjuch jun atb'altzij, xa mix'ej iwib', xa mib'soj su kib'ij chke. Jare kib'ij tzij che kuya Dios chiwe chpam un hora le', rmal mel ix taj kich'ob' tzij che kib'ij, jare Uxlab'xel Dios kub'ij chiwe.
12»Iy'o mnaq kikjach na kachlal pkamsxik; soq iy'o achjab' kikjach na kalk'al pkamsxik. Iy'o ak'lab' kikmaj ch'oj kuk' kqaw kchuch, kikjach pkamsxik. 13Wmal in, kunjel mnaq xa k'ax kixkkilo; per chin jun kuch'ij na ast retal echi' kk'is na runjel, jare re kto'taj na, rech kuriq uk'asnmal ruk' Dios.
14»Najb'il utzij Dios, che Daniel#Dn 9:27; 11:31; 12:11. ub'i', utz'ib'am kan chrij jun k'ax che kpi na; jawa xub'ij: kpi jun itzel laj cosa, jwert xib'al'ib' rilik. Echi' kiwilo che kikje chla' jachi tqal taj che kikje wi (chin jun kusk'ij uwuch nk'aj tziji', chukjo retal), tik'ri nmister che anim kixanmjik; chin iy'o pukwent Judea, utz kib'e puwi taq jyub' rmal k'ax kpitik. 15Chpam un ije', chin elnaq b'i pujlom rchoch y chin iy'o chuja, xaq miyok chub'i pja rech kikkesaj loq ub'itaqke. 16Chin iy'o pchak, xa miyitzlij lo chikchoch che uk'amik kitz'yaq. 17T'ob' kwuch nk'aj ixqib' che iyab' kuk' ak'lab' rich'il nk'aj che kiktub'saj kal chpam taq ije' ti kuriqo. 18Chita che Dios che kpi taj un nimlaj k'axi' chpam 'laj, 19rmal mel, chpam taq ije', kriqtaj na nimlaj k'ax. Un k'axi', ot jun b'welt iwlom uwuch jumpa la ujer taq tzij echi' ti xutik uwuchlew Dios. Mowni kpi chna jun b'welt chik k'ax peche le'. 20Wet mitji kk'is un k'ax, ot jun mnaq kik'se' na chuchlew. Per Qajaw Dios, mas kel uk'u'x chke mnaq che iyuchom, che rech Re. Xa rmal, ku'atij uwuch un k'ax, rech knajtar t mas.
21»Echi' jala kitjinik, we o jun kub'ij chiwe, “Chiwlampe', ural k'wi ri Cristo,#13:21 Cristo kel kub'ij jun chaytajnaq rmal Dios. Un tzij Mesías xaq jnam kilwi. xchay rmal Dios”, kche chiwe, xa mikojo. Soq, we o jun chik kub'ij chiwe, “Chiwla', chla' k'wi ri Cristo”, kche chiwe, xa mikoj utzij. 22Mal kipin mnaq che kikkoj kib' che Cristo. Kipi nk'aj chik kikkoj kib' che ijare ke iyajb'il utzij Dios; y kiyok che u'anik nimlaj k'utb'al rich'il milagro chikuch mnaq; xa kkaj ke che kiyikun che ksub'ik mnaq che iyuchom Dios. 23China kwent iwib', ya nb'im chik chiwe runjel su k'antaj na, —xche Jesús chke.
Ri Jesús xub'ij su mow kitzlij na ri uK'jol Dios chuchlew
(Mt 24:29-35,42-44; Lc 21:25-36)
24Xub'ij chik Jesús chke:
—Chpam un tiempo le', echi' axnaq chik un nimlaj k'ax, jala k'antaj na peche tz'ib'tal kan ujer che kub'ij:
“Kqu'mar ij o chkaj;
soq jala ik', kitluw t chik.
25Nk'aj ch'mil kitzaq nuloq chkaj;
runjel su o chkaj che o uchu'ab' kikya saq, kislib'sax na”, kcha'.#Is 13:10; 34:4.
26»Tik'ri kikkil nwuch mnaq, in nAchi nuK'jol Dios; kikkilo che kimpi na chpam sutz' ruk' nimlaj nchu'ab'; nim n'ij kimpitik. 27Chanim kintaq b'i nk'aj n'ángel rech kikmol kunjel jumpa mnaq ichaytajnaq chik rmal Dios; paja ik'wi kikmolo; we chla' jachi kel loq ij, soq we chla' jachi kqaj wi; soq we chla' putlok'. Kikmol chpam runjel kaj ulew.
28»Kikoj retal chrij un k'amb'al n'oj chrij un che' rech higo. Echi' kpo' nk'aj k'ak' uxaq rich'il nk'aj utux, jare k'utb'alre chiwuch che ya mer kpi 'laj. 29Jala peche le', echi' kiwil ix che jala k'antjik peche nb'im chiwe, chiwit'amaj jare k'utb'alre chiwuch che ya ko'pan k'isb'al uwuchlew y kintzlij chuloq. 30Ruk' saqlaj tzij kimb'ij chiwe, runjel su nb'im kan chiwe, nab'e k'antaj na, tik'ri kikam mnaq che iy'o chi' chu'ij saq. 31Ri kaj rich'il uwuchlew che kiwil chanim, ksachtaj na uwuch, per ni ntzij in ksachtaj t uwuch, k'antaj na su nb'im chiwe.
32»Ot jun mnaq rit'am chinchke ij mowni rit'am chinchke hora k'antjik su kimb'ij chiwe. Kit'am taj nk'aj ángel iy'o chla' chkaj, mowni wit'am in nuK'jol Dios jumpa k'antjik; xaq xaw qaQaw Dios rit'am. 33China kwent iwib'. Kixk'ask'atoq, kixch'aw ruk' Dios, rmal mel iwit'am taj jumpa kuriq ij che jala k'antjik.
34»Ri npitik jala peche ku'on jun achi che k'e che jun ub'yaje chnaj. Echi' mja kel chuja, kuya kan kchak nk'aj umoso chikjunjnal. Soq kub'ij che najchjil ja che kk'ask'atik, kuchjij runjel. 35Jala china ix, chik'suj iwib' chiwuch, mal iwit'am taj chinchke ij kintzlij loq; jala peche un rjaw ja ri' che kit'am taj nk'aj umoso we kpi qaj'ij, we kpi ptaq nk'aj a'ab', we kpitik echi' kiyo' nab'e ak', o we kpitik echi' kisqarik. 36Jala', rech we xaq t'et kimpitik, kixinrqa' ixk'aslik, ixwarnaq taj. 37Su kimb'ij chiwi'x chanim, soq kimb'ij chke kunjel jumpa mnaq: ¡Chik'suj iwib', rech ixk'aslik ti kuriq ij che kimpitik! —xche Jesús chke nk'aj udiscípulo.
Currently Selected:
:
Highlight
Share
Copy
Want to have your highlights saved across all your devices? Sign up or sign in
El Nuevo Testamento
en K'iche' de San Andrés Sajcabajá
© 2024 Asociación Educativa y Cultural Maya (AECM)
en colaboración con SIL Global