San Juan 7
7
Nk'aj rachlal Jesús xiyikjon taj che
1Tik'ri k'ut, ri Jesús kitjinik kb'in chpam nk'aj tinmit ukwent Galilea. Kraj taj kb'in pukwent Judea, xa rmal che chla' ik'wi nk'aj ajk'mal b'e chke nk'aj aj Israel che kkaj kikkamsaj. 2Xa ch'in chik kraj che ko'pan un knim'ij nk'aj aj Israel rech kb'al, tabernáculo kb'ix che.#Lv 23:34; Dt 16:13. 3Ni nk'aj rachlal Jesús xikb'ij che:
—Xa matikje chi'. Jat jala Judea rech kikkil nk'aj adiscípulo iy'o chla' jumpa nk'aj nmaq taq k'utb'al che ka'ano. 4We o jun kraj che kit'amax uwuch, kuwaj t rib' che u'anik sutaq ku'ono. Nim rilik wa' ri ka'ano, chik'tu awib' chikuch kunjel mnaq ruk' su ka'ano, —xiche che.
5Jala xikb'ij mal xiyikjon taj che Jesús, miskini' jare ke irachlal Jesús. 6Ri Jesús xub'ij chke:
—Mja na kuriq ij che kink'ut chikuch mnaq nchin in. Ni ix runjel ij jmal iwuch rech o mow ki'ano su kiwaj ki'ano. 7Ri mnaq iyaj uwuchlew, k'ax taj kixkkil ix. Ni in, k'ax knikkilo mal kimb'ij chke che xa ustaj su kiyitjin che u'anik. 8Jiwla ix un nim'ij. In kimb'e taj, mal mja na ko'pan ij rech kink'ut chikuch mnaq nchin in, —xche Jesús chke.
9Xaw jala xub'ij chke, xkanaj kan Jesús chla' Galilea. 10Echi' ib'enaq chik nk'aj rachlal, tik'ri x'e Jesús che rilik un nim'ij. Per xuk'ut t rib' chikuch nk'aj mnaq, el'al xo'pnik. 11Ni nk'aj aj Israel, xkitzkuj chla' chpam un nim'ij. Kich'aw chikuch, kikb'ij: «¿Jachi k'wi nachi chi'?» kicha'.
12Ik'ilaj taq mnaq kikch'ach'a Jesús. O nk'aj kikb'ij che jare jun utzlaj mnaq. O nk'aj chik kikb'ij che ustaj, mal xa kyusub' mnaq, kicha'.
13Miskini' kikch'ach'a Jesús, ot chin jun ku'on kwil kuresaj rson chikxo'l nk'aj mnaq, mal kkix'ej kib' chke nk'aj ajk'mal b'e chke nk'aj aj Israel.
Ri Jesús xyutjoj mnaq chpam nim'ij
14Nik'arnaq un nim'ij echi' xo'pan Jesús chla' chpam nimlaj rchoch Dios, xumaj ktojxik nk'aj mnaq chla'. 15Ni nk'aj aj Israel mas xikmiyma' echi' xikta utzij Jesús, ena xikb'ij: «¿Suche che o mas rit'am nachi ri'? Ot jachi utjom rib' chi'», xiche chikuch.
16Ni Jesús xch'awik, xub'ij chke:
—Ri sutaq kixintjoj che, wech t in. Xani jare rech Jun che xnutaq loq. 17We o jun kraj ku'ono su kub'ij Dios, kuch'ob' na we qatz qtzij rech Dios sutaq kimb'ij, soq kuch'ob' na we xaq chpam nchomnik in pitnaq wi su kimb'ij. 18Jun mnaq che kch'awik, we xaq chpam uchomnik re kel loq wi sutaq kub'ij, xa jare kutzkuj unmirsaxik u'ij re kmal mnaq. Ni jun che jare kraj kunmirsaj u'ij jun che utqom loq, xaw kub'ij saqlaj tzij. Ot jun mnaq kusub' ruk' sutaq kub'ij. 19¿Le xuya taj upxab' Dios u Moisés chiwe? ¿Suche che ot jun chiwe ku'ono su kub'ij? ¿Suche che kiwaj knikamsaj? —xche chke.
20Ni nk'aj mnaq xikb'ij che Jesús:
—Ela xa o jun itzel espíritu chawe. ¿Chinoq kraj katukamsaj? —xiche che.
21Ri Jesús xub'ij chke:
—Xa ruk' jun k'utb'al xin'an chiwuch, ni ix iwunjel xixel ch'u'j rmal.#Jn 5:1-16. 22U Moisés xub'ij chiwe che nmister koksax retal ucuerpo tza'm amb'al uchul jun laj ak'al we ala. Un retali' circuncisión kb'ix che, k'utb'alre che rech Dios jun laj ala. Jare taj u Moisés xutik loq un k'utb'ali', mal xtiktaj loq kuk' iri'jal che nab'e iy'o chik chjuch u Moisés.#Gn 17:10-12; Lv 12:3. Ni ix kikoj retal jun ak'al we ala miskini' chpam uxnb'al ij. 23We rmal u'anik upxab' Dios che utz'ib'am kan u Moisés, kikoj retal jun ak'al chpam uxnb'al ij, ¿suche kitij iwiwal chwe in che xinknaj runjel ub'qil jun achi chpam uxnb'al ij? 24O mnaq o kmak per kikk'ut taj, ni ix ot atb'altzij ki'an pkijlom, mal ot kmak kiwilo. We ki'an atb'altzij pujlom jun mnaq, sk'um china che u'anik. —Jala xub'ij Jesús chke.
Ri Jesús xub'ij jachi pitnaq wi
25O nk'aj mnaq iy'o chla' iyaj Jerusalén, kikb'ij:
—¿Jare t lo nachi ri' che kitjin utzukxik rech kkamsxik? 26Chiwlampe', kuwaj t rib' kch'awik, tik'ri ot su kikb'ij che. ¿Le xa xikch'ob' uwuch lo nk'aj atb'altzij che jare Re Cristo?#7:26 Cristo kel kub'ij jun chaytajnaq rmal Dios. Un tzij Mesías xaq jnam kilwi. 27Qit'am chinchke tinmit pitnaq nachi ri', per echi' kpi Cristo, ot chin jun rit'am jachi kpi wi. —Jala xikb'ij nk'aj mnaq.
28Ri Jesús kitjin che ktojxik nk'aj mnaq che iy'o chla' chpam nimlaj rchoch Dios, xub'ij chke:
—Ix kib'ij che iwit'am nwuch soq iwit'am jachi kimpi wi. In npitnaq taj xaq pinchomb'al in, xani o chin nutqom loq. Re jare saqlaj tzij soq kuya chiwe che kikub'a ik'u'x chrij, ni ix iwit'am t uwuch. 29Ni in wit'am uwuch, mal jala ruk' Re npitnaq wi. Jare Re xnutaq loq, —xche Jesús chke.
30Jare t xkaj ke wet xikk'am b'i pkarsa, per ot chin jun xu'on kwil xukoj u'ab' che uchapik, mal mja na kurqa ij che jala k'an che. 31Ik'i chke mnaq che iy'o chla' xiyikjon che Jesús, ena xikb'ij:
—Echi' kpi Cristo, ¿le o mas nmaq taq k'utb'al lo ku'on re chjuch jumpa ku'on nachi ri'? —xicha'.
Nk'aj fariseo xiktaq uk'amik Jesús rech ktz'apax pkarsa
32Echi' xikta nk'aj fariseo che kikch'ach'a Jesús nk'aj mnaq, ke, rich'il nk'aj achjab' che itk'al pkijlom nk'aj rajchak Dios, xiktaq b'i nk'aj ajchijnel rech nimlaj rchoch Dios che uchapik Jesús rech koksax pkarsa. 33Ri Jesús xub'ij:
—Xaq ejtal ij chik n'o iwuk', mal xa ch'in chik kraj che kintzlij chik ruk' Jun che nutqom loq. 34Ni ix knitzkuj na, per kniriq taj, mal chla' jachi kinkje wi, kixkun taj ix kixo'pan chla', —xche Jesús chke.
35Nk'aj aj Israel xich'aw chikuch, xikb'ij:
—¿Jachi lo k'e wi che we kqariq taj? ¿Le jala t lo k'e wi kuk' nk'aj qamnaq aj Israel che kitxom kib' chikxo'l mnaq iy'o pukwent Grecia, rech kyutjoj nk'aj griego? 36¿Su lo kilwi nk'aj utzij che xub'ij: “Knitzkuj na per kniriq taj, mal chla' jachi kinkje wi, kixkun taj ix kixo'pan chla'?” —Jala xikb'ij nk'aj aj Israel chikuch.
Jun nim ja' k'aslik
37Un k'isb'al ij rech un nim'ij, jare mas nim u'ij chjuch nk'aj chik ij. Chpam un ije', ri Jesús xitk'e' chikuch nk'aj mnaq, ko xch'awik, xub'ij:
—We o jun kichqij uchi', chpitoq wuk', chutja ujron. 38We kkukub'a uk'u'x chwij, kuriq wa' peche tz'ib'tal chpam Tyox Wuj che kub'ij: “Nim ja' kk'iy nuloq chpam ranma' rech kuya k'asnmal”, kcha'.#Zac 14:8. —Jala xub'ij Jesús chke mnaq.
39Ruk' nk'aj tziji', jare xub'ij Jesús che kya na ri Tyoxlaj Uxlab'xel chke, chintaq kiyikjon che Re. Ot pitnaq Tyoxlaj Uxlab'xel echi' jala xub'ij, mal mja na kinmirsax u'ij Jesús.
Nk'aj mnaq xiyok che uch'ach'axik Jesús
40O nk'aj chikxo'l nk'aj mnaq che echi' xikto su xub'ij Jesús, xikb'ij: «Qatz qtzij nachi ri', jare ajb'il utzij Dios che qi'em»,#Dt 18:15-19; Jn 1:21; 6:14. xicha'. 41O nk'aj chik xikb'ij: «Jare Re Cristo», xicha'. Per o nk'aj chik xikb'ij: «¿Le xa chla' chpam un tinmit Galilea kpi wi ri Cristo? 42Ri Tyox Wuj kub'ij che ri Cristo, kalax kuk' nk'aj ri'y umam u David, chpam tinmit Belén,#1S 17:12; Mi 5:2-4. chla' jachi xalax u David ujer, kcha'». Jala xikb'ij chikuch.
43Xa rmal Jesús, xikjach kwuch kib' mnaq, mal wa'l xub'ij jun, soq wa'l xub'ij un chik. 44O nk'aj, kkaj kikk'am b'i Jesús pkarsa, per ot jun xu'on kwil xuchap Jesús.
Nk'aj aj Israel che o atb'altzij pik'ab' xiyikjon taj che Jesús
45Nk'aj ajchijnel rech nimlaj rchoch Dios, xiyitzlij jala kuk' nk'aj fariseo rich'il nk'aj ajk'mal b'e chke nk'aj rajchak Dios. Ke kiwal xikb'ij chke:
—¿Suche che xik'am t uloq? —xiche chke.
46Ni nk'aj ajchijnel rech nimlaj rchoch Dios, xikb'ij chke:
—¡Ot jun achi qatom che jala kch'awik peche kch'aw Re! —xiche chke.
47Ni nk'aj fariseo xikb'ij chke:
—¿Le soq xixsub'taj loq ix rmal? 48¿Le o jun chke nk'aj achjab' che o atb'altzij pik'ab' kjonaq che? Otaj. ¿O lo jun fariseo kjonaq? Otaj. 49Nk'aj mnaqi', che kit'am t upxab' u Moisés, ¡chqaj loq k'ax pkijlom! —xicha'.
50Nachi che Nicodemo ub'i' che xpi ruk' Jesús cha'ab',#Jn 3:1-21. che soq jare jun chke nk'aj fariseo, xub'ij chke:
51—Qapxab' kuya taj che kqa'an atb'altzij pujlom jun mnaq we ot qatom su kub'ij, soq we qit'am taj su ku'ono, —xche chke.
52Nk'aj rich'il u Nicodemo xikb'ij che:
—¿Le soq ataj Galilea at? Chask'ij uwuch sutaq tz'ib'tal chpam upxab' Dios, rech kawilo che ot jun ajb'il utzij Dios che xa Galilea kpi wi, —xiche che.
Jun ixoq xriqtaj che u'anik mak ruk' jun achi
53Xaw jala xikb'ij, xikjach kib'. Chikjunjnal xib'e chitaq kchoch.
Currently Selected:
San Juan 7: qucSAS
Highlight
Share
Copy
Want to have your highlights saved across all your devices? Sign up or sign in
El Nuevo Testamento
en K'iche' de San Andrés Sajcabajá
© 2024 Asociación Educativa y Cultural Maya (AECM)
en colaboración con SIL Global
San Juan 7
7
Nk'aj rachlal Jesús xiyikjon taj che
1Tik'ri k'ut, ri Jesús kitjinik kb'in chpam nk'aj tinmit ukwent Galilea. Kraj taj kb'in pukwent Judea, xa rmal che chla' ik'wi nk'aj ajk'mal b'e chke nk'aj aj Israel che kkaj kikkamsaj. 2Xa ch'in chik kraj che ko'pan un knim'ij nk'aj aj Israel rech kb'al, tabernáculo kb'ix che.#Lv 23:34; Dt 16:13. 3Ni nk'aj rachlal Jesús xikb'ij che:
—Xa matikje chi'. Jat jala Judea rech kikkil nk'aj adiscípulo iy'o chla' jumpa nk'aj nmaq taq k'utb'al che ka'ano. 4We o jun kraj che kit'amax uwuch, kuwaj t rib' che u'anik sutaq ku'ono. Nim rilik wa' ri ka'ano, chik'tu awib' chikuch kunjel mnaq ruk' su ka'ano, —xiche che.
5Jala xikb'ij mal xiyikjon taj che Jesús, miskini' jare ke irachlal Jesús. 6Ri Jesús xub'ij chke:
—Mja na kuriq ij che kink'ut chikuch mnaq nchin in. Ni ix runjel ij jmal iwuch rech o mow ki'ano su kiwaj ki'ano. 7Ri mnaq iyaj uwuchlew, k'ax taj kixkkil ix. Ni in, k'ax knikkilo mal kimb'ij chke che xa ustaj su kiyitjin che u'anik. 8Jiwla ix un nim'ij. In kimb'e taj, mal mja na ko'pan ij rech kink'ut chikuch mnaq nchin in, —xche Jesús chke.
9Xaw jala xub'ij chke, xkanaj kan Jesús chla' Galilea. 10Echi' ib'enaq chik nk'aj rachlal, tik'ri x'e Jesús che rilik un nim'ij. Per xuk'ut t rib' chikuch nk'aj mnaq, el'al xo'pnik. 11Ni nk'aj aj Israel, xkitzkuj chla' chpam un nim'ij. Kich'aw chikuch, kikb'ij: «¿Jachi k'wi nachi chi'?» kicha'.
12Ik'ilaj taq mnaq kikch'ach'a Jesús. O nk'aj kikb'ij che jare jun utzlaj mnaq. O nk'aj chik kikb'ij che ustaj, mal xa kyusub' mnaq, kicha'.
13Miskini' kikch'ach'a Jesús, ot chin jun ku'on kwil kuresaj rson chikxo'l nk'aj mnaq, mal kkix'ej kib' chke nk'aj ajk'mal b'e chke nk'aj aj Israel.
Ri Jesús xyutjoj mnaq chpam nim'ij
14Nik'arnaq un nim'ij echi' xo'pan Jesús chla' chpam nimlaj rchoch Dios, xumaj ktojxik nk'aj mnaq chla'. 15Ni nk'aj aj Israel mas xikmiyma' echi' xikta utzij Jesús, ena xikb'ij: «¿Suche che o mas rit'am nachi ri'? Ot jachi utjom rib' chi'», xiche chikuch.
16Ni Jesús xch'awik, xub'ij chke:
—Ri sutaq kixintjoj che, wech t in. Xani jare rech Jun che xnutaq loq. 17We o jun kraj ku'ono su kub'ij Dios, kuch'ob' na we qatz qtzij rech Dios sutaq kimb'ij, soq kuch'ob' na we xaq chpam nchomnik in pitnaq wi su kimb'ij. 18Jun mnaq che kch'awik, we xaq chpam uchomnik re kel loq wi sutaq kub'ij, xa jare kutzkuj unmirsaxik u'ij re kmal mnaq. Ni jun che jare kraj kunmirsaj u'ij jun che utqom loq, xaw kub'ij saqlaj tzij. Ot jun mnaq kusub' ruk' sutaq kub'ij. 19¿Le xuya taj upxab' Dios u Moisés chiwe? ¿Suche che ot jun chiwe ku'ono su kub'ij? ¿Suche che kiwaj knikamsaj? —xche chke.
20Ni nk'aj mnaq xikb'ij che Jesús:
—Ela xa o jun itzel espíritu chawe. ¿Chinoq kraj katukamsaj? —xiche che.
21Ri Jesús xub'ij chke:
—Xa ruk' jun k'utb'al xin'an chiwuch, ni ix iwunjel xixel ch'u'j rmal.#Jn 5:1-16. 22U Moisés xub'ij chiwe che nmister koksax retal ucuerpo tza'm amb'al uchul jun laj ak'al we ala. Un retali' circuncisión kb'ix che, k'utb'alre che rech Dios jun laj ala. Jare taj u Moisés xutik loq un k'utb'ali', mal xtiktaj loq kuk' iri'jal che nab'e iy'o chik chjuch u Moisés.#Gn 17:10-12; Lv 12:3. Ni ix kikoj retal jun ak'al we ala miskini' chpam uxnb'al ij. 23We rmal u'anik upxab' Dios che utz'ib'am kan u Moisés, kikoj retal jun ak'al chpam uxnb'al ij, ¿suche kitij iwiwal chwe in che xinknaj runjel ub'qil jun achi chpam uxnb'al ij? 24O mnaq o kmak per kikk'ut taj, ni ix ot atb'altzij ki'an pkijlom, mal ot kmak kiwilo. We ki'an atb'altzij pujlom jun mnaq, sk'um china che u'anik. —Jala xub'ij Jesús chke.
Ri Jesús xub'ij jachi pitnaq wi
25O nk'aj mnaq iy'o chla' iyaj Jerusalén, kikb'ij:
—¿Jare t lo nachi ri' che kitjin utzukxik rech kkamsxik? 26Chiwlampe', kuwaj t rib' kch'awik, tik'ri ot su kikb'ij che. ¿Le xa xikch'ob' uwuch lo nk'aj atb'altzij che jare Re Cristo?#7:26 Cristo kel kub'ij jun chaytajnaq rmal Dios. Un tzij Mesías xaq jnam kilwi. 27Qit'am chinchke tinmit pitnaq nachi ri', per echi' kpi Cristo, ot chin jun rit'am jachi kpi wi. —Jala xikb'ij nk'aj mnaq.
28Ri Jesús kitjin che ktojxik nk'aj mnaq che iy'o chla' chpam nimlaj rchoch Dios, xub'ij chke:
—Ix kib'ij che iwit'am nwuch soq iwit'am jachi kimpi wi. In npitnaq taj xaq pinchomb'al in, xani o chin nutqom loq. Re jare saqlaj tzij soq kuya chiwe che kikub'a ik'u'x chrij, ni ix iwit'am t uwuch. 29Ni in wit'am uwuch, mal jala ruk' Re npitnaq wi. Jare Re xnutaq loq, —xche Jesús chke.
30Jare t xkaj ke wet xikk'am b'i pkarsa, per ot chin jun xu'on kwil xukoj u'ab' che uchapik, mal mja na kurqa ij che jala k'an che. 31Ik'i chke mnaq che iy'o chla' xiyikjon che Jesús, ena xikb'ij:
—Echi' kpi Cristo, ¿le o mas nmaq taq k'utb'al lo ku'on re chjuch jumpa ku'on nachi ri'? —xicha'.
Nk'aj fariseo xiktaq uk'amik Jesús rech ktz'apax pkarsa
32Echi' xikta nk'aj fariseo che kikch'ach'a Jesús nk'aj mnaq, ke, rich'il nk'aj achjab' che itk'al pkijlom nk'aj rajchak Dios, xiktaq b'i nk'aj ajchijnel rech nimlaj rchoch Dios che uchapik Jesús rech koksax pkarsa. 33Ri Jesús xub'ij:
—Xaq ejtal ij chik n'o iwuk', mal xa ch'in chik kraj che kintzlij chik ruk' Jun che nutqom loq. 34Ni ix knitzkuj na, per kniriq taj, mal chla' jachi kinkje wi, kixkun taj ix kixo'pan chla', —xche Jesús chke.
35Nk'aj aj Israel xich'aw chikuch, xikb'ij:
—¿Jachi lo k'e wi che we kqariq taj? ¿Le jala t lo k'e wi kuk' nk'aj qamnaq aj Israel che kitxom kib' chikxo'l mnaq iy'o pukwent Grecia, rech kyutjoj nk'aj griego? 36¿Su lo kilwi nk'aj utzij che xub'ij: “Knitzkuj na per kniriq taj, mal chla' jachi kinkje wi, kixkun taj ix kixo'pan chla'?” —Jala xikb'ij nk'aj aj Israel chikuch.
Jun nim ja' k'aslik
37Un k'isb'al ij rech un nim'ij, jare mas nim u'ij chjuch nk'aj chik ij. Chpam un ije', ri Jesús xitk'e' chikuch nk'aj mnaq, ko xch'awik, xub'ij:
—We o jun kichqij uchi', chpitoq wuk', chutja ujron. 38We kkukub'a uk'u'x chwij, kuriq wa' peche tz'ib'tal chpam Tyox Wuj che kub'ij: “Nim ja' kk'iy nuloq chpam ranma' rech kuya k'asnmal”, kcha'.#Zac 14:8. —Jala xub'ij Jesús chke mnaq.
39Ruk' nk'aj tziji', jare xub'ij Jesús che kya na ri Tyoxlaj Uxlab'xel chke, chintaq kiyikjon che Re. Ot pitnaq Tyoxlaj Uxlab'xel echi' jala xub'ij, mal mja na kinmirsax u'ij Jesús.
Nk'aj mnaq xiyok che uch'ach'axik Jesús
40O nk'aj chikxo'l nk'aj mnaq che echi' xikto su xub'ij Jesús, xikb'ij: «Qatz qtzij nachi ri', jare ajb'il utzij Dios che qi'em»,#Dt 18:15-19; Jn 1:21; 6:14. xicha'. 41O nk'aj chik xikb'ij: «Jare Re Cristo», xicha'. Per o nk'aj chik xikb'ij: «¿Le xa chla' chpam un tinmit Galilea kpi wi ri Cristo? 42Ri Tyox Wuj kub'ij che ri Cristo, kalax kuk' nk'aj ri'y umam u David, chpam tinmit Belén,#1S 17:12; Mi 5:2-4. chla' jachi xalax u David ujer, kcha'». Jala xikb'ij chikuch.
43Xa rmal Jesús, xikjach kwuch kib' mnaq, mal wa'l xub'ij jun, soq wa'l xub'ij un chik. 44O nk'aj, kkaj kikk'am b'i Jesús pkarsa, per ot jun xu'on kwil xuchap Jesús.
Nk'aj aj Israel che o atb'altzij pik'ab' xiyikjon taj che Jesús
45Nk'aj ajchijnel rech nimlaj rchoch Dios, xiyitzlij jala kuk' nk'aj fariseo rich'il nk'aj ajk'mal b'e chke nk'aj rajchak Dios. Ke kiwal xikb'ij chke:
—¿Suche che xik'am t uloq? —xiche chke.
46Ni nk'aj ajchijnel rech nimlaj rchoch Dios, xikb'ij chke:
—¡Ot jun achi qatom che jala kch'awik peche kch'aw Re! —xiche chke.
47Ni nk'aj fariseo xikb'ij chke:
—¿Le soq xixsub'taj loq ix rmal? 48¿Le o jun chke nk'aj achjab' che o atb'altzij pik'ab' kjonaq che? Otaj. ¿O lo jun fariseo kjonaq? Otaj. 49Nk'aj mnaqi', che kit'am t upxab' u Moisés, ¡chqaj loq k'ax pkijlom! —xicha'.
50Nachi che Nicodemo ub'i' che xpi ruk' Jesús cha'ab',#Jn 3:1-21. che soq jare jun chke nk'aj fariseo, xub'ij chke:
51—Qapxab' kuya taj che kqa'an atb'altzij pujlom jun mnaq we ot qatom su kub'ij, soq we qit'am taj su ku'ono, —xche chke.
52Nk'aj rich'il u Nicodemo xikb'ij che:
—¿Le soq ataj Galilea at? Chask'ij uwuch sutaq tz'ib'tal chpam upxab' Dios, rech kawilo che ot jun ajb'il utzij Dios che xa Galilea kpi wi, —xiche che.
Jun ixoq xriqtaj che u'anik mak ruk' jun achi
53Xaw jala xikb'ij, xikjach kib'. Chikjunjnal xib'e chitaq kchoch.
Currently Selected:
:
Highlight
Share
Copy
Want to have your highlights saved across all your devices? Sign up or sign in
El Nuevo Testamento
en K'iche' de San Andrés Sajcabajá
© 2024 Asociación Educativa y Cultural Maya (AECM)
en colaboración con SIL Global