Marɨko 9
9
1Yesʉ mwashʉba negena athɨ: «Kwenene enyɨbabwɨra nyɨthɨ: bagʉma mo bandʉ bo balɨ hano bathɨndafwe bathetsi balola ko Bwamɨ bwa Gongo bʉlɨ obuhika n'amaka.»
Yesʉ ahɨndʉlwa bʉsʉ
(Mat 17:1-13; Luk 9:28-36)
2Honyuma wa bɨro ndathʉ, Yesʉ mwatsɨmba Petero, na Yakobo na Yoani, na mwathwalabo ɨbo bene ko kɨthwa kɨre. N'eyo obʉsʉ bwa Yesʉ mobwahɨndʉka embere sabo. 3Esongɨmba sɨwe mosahɨndʉka mʉshohe kʉtsɨbʉ n'ɨnyenyetha. Naho mo kɨhʉgo hathalɨ mwengenge yo wangakotsya ɨnyenyethya athyo#9:3 Soma 2Petero 1:16-18.. 4Aho n'aho abɨga bashathʉ abo mobashʉnga Elia bana Mʉsa nɨabasɨmola na Yesʉ. 5Aho Petero mwabwɨra Yesʉ athɨ: «Mʉkangɨrɨtsya, bikwirire kw'ithwe ibya hano. Thuhimbe hema ishathu, ngʉma yɨwawe, na ngʉma ya Mʉsa na yɨndɨ ya Elia.» 6Petero mwathamɨnya ekyo anganegena kʉshangwa ɨye na balikyabo mobʉbaha. 7Aho ekɨfʉ mokyahʉlʉka n'ɨshwɨkabo. N'omo kɨfʉ ekyo momwonvwɨka mʉlenge nɨanegena athɨ: «Ono nɨ Mʉgala aye mʉtsɨɨrwa. Mʉmʉhʉlɨkɨrɨtsye!» 8Aho n'aho abɨga mobakeba-keba ko mbande sabo soshi, mobathashʉnga ʉndɨ mʉndʉ hagʉma nabo, athalɨ Yesʉ yowene. 9Babere balɨ abandagala ɨthoka ko kɨthwa, Yesʉ mwahamʉlabo athɨ: «Mʉthaganʉlɨraga mʉndʉ y'ebyo mʉthashʉnga ihika ko kɨro Mʉgala w'oMʉndʉ andalubuka.»
10Abɨga mobashikya ekɨnwa ekyo, hewethuwe mobathanga ibutsania bathɨ: «Erilubuka eri, linegenire lithi ki?» 11Honyuma kw'aho mobabʉtsya Yesʉ bathɨ: «Bʉshana na ki aBakangɨrɨtsya b'oMʉgomba abananegena bathɨ lɨtholere Elia#9:11 Elia abyaga mʉmɨnyeretsɨ wa kera mo kɨhʉgo ky'aBayuta. Abayuta babyaga nibalindirire ko Elia bʉshana abwɨre abandʉ athɨ bayithegekanie kw'ihika ly'omushabuli wabo. Elia oyo Yesʉ ahʉla hano nɨ Yoani mubatisya. Soma Malaki 3:23. nɨathanga ɨshʉbʉla?»
12Yesʉ mwashʉbɨtsyabo athɨ: «Kwenene, Elia atholere nɨathanga ɨshʉbʉla n'ɨthondeka ebɨndʉ byoshi. Hewethuwe bʉshana na ki aMashako Abuyirire anegenire athɨ oMʉgala w'oMʉndʉ andagalwa kʉtsɨbʉ n'ɨsʉnzʉgʉrwa#9:12 Soma Isaya 53:3; Saburi 22:1-18.? 13Hewethuwe enyɨbabwɨra ko Elia amalire ihika, n'abandʉ mobamʉkolera ebyoshi babyaga bashashire, ɨkwamana n'ebishakirwe kw'ɨye mo Mashako Abuyirire#9:13 Yoani mubatisya alinganibwe na Elia. Soma Luk 1:16-17..»
Yesʉ alamya mwana yo ʉlɨko mʉtsɨmʉ mʉbɨ
(Mat 17:14-21; Luk 9:37-43)
14Yesʉ n'abɨga bashathʉ abo babere bahika eyɨrɨ abandɨ abɨga, mobashʉnga muhindano w'abandʉ bangɨ niathimbire kʉbo, balɨ abakubisania n'abakangɨrɨtsya b'oMʉgomba. 15Aho n'aho, abandʉ babere bashʉnga Yesʉ, mobashweka kʉtsɨbʉ, mobathɨbɨtha mw'ɨya mʉketsya. 16Yesʉ mwabʉtsya abɨga bʉwe athɨ: «Ni ki kyo kɨreka nɨ mwakubisania nabo?» 17N'aho, mʉndʉ mʉgʉma mo kathi k'omuhindano mwamʉshʉbɨtsya athɨ: «Mʉkangɨrɨtsya, nyamakʉlethera mʉgala aye, kʉshangwa alɨko mɨtsɨmʉ mɨbɨ. Emɨtsɨmʉ eyo yamalire ɨmʉyɨramo karumbu. 18Ko bʉlɨ ndambi omʉtsɨmʉ oyo anabya amʉtsɨmba, anamuhuma ahishi, n'omwana anathokya ɨfʉlo mo bʉnʉ n'ishya ameno, n'omʉbɨrɨ ʉwe anʉma. Monyashabire abɨga bawe babɨnge omʉtsɨmʉ oyo, hewethuwe mobalemirwe.» 19Yesʉ mwabwɨrabo athɨ: «Mbe imwe bandʉ b'olʉgero lʉthɨkɨrɨtsye Gongo! Nyandabya hagʉma nemwe kandɨ ihika ndambi ehɨ? Nyandabalɨndɨrɨra kandɨ ihika ku ndambi ehɨ? Mʉnyɨrethere omwana yo hano.» 20Aho mobamʉlethera omwana oyo. Na aho n'aho omʉtsɨmʉ mʉbɨ oyo abere ashʉnga Yesʉ, mwathithimania omwana oyo ko kagala ihika ko kɨka mwawa ahishi, na mwagala-gala ahishi n'ithokya erɨfʉlo mo bʉnʉ. 21Yesʉ mwabʉtsya ishe w'omwana athɨ: «Omwana oyu anabya athyo ɨthanga kʉ mʉgʉlʉ ohɨ?» Ishe ʉwe mwamʉshʉbɨtsya athɨ: «Nɨ ɨthanga mo bwana bʉwe. 22Na ngendo nyɨngɨ omʉtsɨmʉ mʉbɨ oyu anamʉgʉsha mo mʉtsanwa na mo metsi, bʉshana amwithe. Hewethuwe wamabya wanganakotsya ɨkola kɨndʉ, ʉthʉshashɨre n'ithuwathikya.» 23Yesʉ mwamʉbwɨra athɨ: «Bʉshana na ki ʉnegena ʉthɨ nga nyanganakotsya? Ʉmɨnye kʉbʉya kw'ebyoshi bɨthokekene kw'oyo wɨkɨrɨtsye.» 24Aho n'aho ishe w'omwana mwahambala kʉtsɨbʉ athɨ: «Nyɨkɨrɨtsye! Hewethuwe unyiwathikye kʉshangwa olwɨkɨrɨtsyo lwaye nɨ lʉke!»
25Yesʉ abere ashʉnga abandʉ bangɨ ko bongereka tsʉba-tsʉba, mwakemera omʉtsɨmʉ oyo n'ɨmʉbwɨra athɨ: «Ɨwe mʉtsɨmʉ mʉbɨ w'oʉyɨra abandʉ mo thurumbu na batsɨha, enyɨkʉhamʉla ʉthoke ko mwana oyu na ʉthandashʉba mʉshʉbako!» 26Omʉtsɨmʉ oyo mwahambala, n'ithithimania omwana yo kʉtsɨbʉ n'ɨmʉthokako. Omwana mwashʉngɨka nga amafwa, n'abandʉ bangɨ mobathanga ɨnegena bathɨ: «Amamala ɨfwa.» 27Hewethuwe Yesʉ mwamʉtsɨmba ko kʉboko, n'imwimania#9:27 Imwimania: Awandɨ mashako anegenire athɨ: Mwamubukya., naye mwimana. 28Yesʉ abere amɨngɨra mo nyʉmba#9:28 Mo nyʉmba, Soma 2:1, n'ebishakirwe., abɨga bʉwe mobamʉbʉtsya nɨbahera ɨbo bene hagʉma naye bathɨ: «Bʉshana na ki ithwe mothwalemirwe ɨbɨnga omʉtsɨmʉ oyo?» 29Yesʉ mwashʉbɨtsyabo athɨ: «Emɨtsɨmʉ y'omʉhanda oyu ɨnabɨngwa mo mɨshabe kuroshi.»
Yesʉ amɨnyɨsa kandɨ omwatsɨ w'olʉholo n'erilubuka lɨwe
(Mat 17:22-23; Luk 9:43-45)
30Yesʉ n'abɨga bʉwe mobathoka eyo n'ɨtsʉka mo kɨhʉgo ky'iNgalilaya. Yesʉ mwathashasha abandʉ bamɨnye aho babyaga, 31kʉshangwa abyaga nɨakangɨrɨtsya abɨga bʉwe, n'ɨbwɨrabo athɨ: «oMʉgala w'oMʉndʉ ahirwa mo minwe y'abandʉ, nabo bandamwitha, n'oko kɨro ky'akashathʉ honyuma w'olʉholo lʉwe, andalubuka.» 32Hewethuwe abɨga mobathamɨnya amakangɨrɨtsya ayo ng'anegenire athɨ ki. Mobʉbaha ɨmʉbʉtsya kɨnwa.
Nɨ ndɨ yo mʉkʉlʉ mo Bwamɨ bwa Gongo?
(Mat 18:1-5; Luk 9:46-48)
33Honyuma kw'aho, Yesʉ n'abɨga bʉwe mobahika ɨKaperenaʉmʉ. Babere bamɨngɨra mo nyʉmba, Yesʉ mwabʉtsya abɨga bʉwe athɨ: «Ni ki kyo mʉthagenda omukubisaniako mo nzɨra?» 34Hewethuwe mobatsɨra, kʉshangwa babyaga niabakubisania mo nzɨra bathɨ nɨ ndɨ yo mʉkʉlʉ mo kathi kabo. 35Aho Yesʉ mwikala, mwabɨrɨkɨra abɨga bʉwe ikumi n'ababɨrɨ n'ɨbwɨrabo athɨ: «Omʉndʉ yo ushondya ibya mʉmbere atholere nɨayɨyɨramo munyuma-nyuma kʉlenga aboshi n'ibya mukoli w'aboshi.» 36Honyuma kw'aho, mwatsɨmba mwana mʉlere, mwamuhira mo kathi k'abo n'ɨmʉfʉmbatha. Aho mwabwɨrabo athɨ: 37«Omʉndʉ yo ukokya omwana mʉlere ng'ono bʉshana nangye, niamanyikokya. N'oyo wamanyikokya, nɨathalɨ ingye amakokya, hewethuwe niamakokya kuthyo oyo wanyɨthʉmaga.»
Yo ʉthalɨ nzigu ethʉ nɨ w'ekɨkembe kyethʉ
(Luk 9:49-50)
38Yoani mwabwɨra Yesʉ athɨ: «Mʉkangɨrɨtsya, mothʉshʉnga mʉndʉ mʉgʉma nɨabɨnga mʉtsɨmʉ kw'ɨtsɨna lyawe. Aho, ithwe mothʉmʉhangɨra kʉshangwa ɨye athalɨ w'omo kɨkembe kyethʉ.» 39Hewethuwe Yesʉ mwashubya athɨ: «Mʉthamʉhangɨraga, kʉshangwa hathalɨ mʉndʉ yo ʉkola bɨthɨko-thɨko kw'ɨtsɨna lyaye, oyo athangakotsya ɨshʉba negena kʉbɨ kw'ingye honyuma hake kw'aho. 40Kʉshangwa yo uthathubayire nɨ alɨ ko lʉhande lwethʉ. 41N'omʉndʉ woshi-woshi yo wandabaha lwatha lwa metsi bʉshana nangye, kʉshangwa imwe mʉlɨ bandʉ ba Kirisito, kwenene enyɨbabwɨra, omʉndʉ oyo athɨndabʉshe ɨhabwa lʉhembo lʉwe.»
Ɨyɨhɨgʉla ko bɨtsɨbʉ
(Mat 18:6-9; Luk 17:1-2)
42«Omʉndʉ woshi-woshi yo wandaleka mʉgʉma w'oko balere abo banyɨkɨrɨtsye aba nɨakola kɨtsɨbʉ, byangabere bɨbʉya kw'ɨye amɨnɨrweko lushyo#9:42 Lushyo: Soma Mat 18:6. lʉnene mw'igosi n'ɨgʉshwa mo ngetsɨ.» 43N'okʉboko kwawe kwamaleka nɨ wakola kɨtsɨbʉ, ʉtseko! Bikwirire kw'ɨwe ɨngɨra mo bʉyɨngo bw'ekwenene n'okʉboko kʉgʉma, kʉlenga ɨya kw'ɨrʉnga mo mʉtsanwa owathɨndatsɨme n'amaboko abɨrɨ. 44[Omo mʉlɨ bɨhʉka bɨthafwa, na mʉtsanwa owathatsɨma#9:45 Amashako ano athalɨ mʉ wandɨ mashako mangɨ wa kera..] 45N'okʉgʉlʉ kwawe nako kwamaleka nɨ wakola kɨtsɨbʉ, ʉtseko. Bikwirire kw'ɨwe ɨngɨra mo bʉyɨngo bw'ekwenene na kʉgʉlʉ kʉgʉma, kʉlenga kw'ɨgʉshwa mo mʉtsanwa owo kw'ɨrʉnga na magʉlʉ abɨrɨ. 46[Omo mʉlɨ bɨhʉka bɨthafwa, na mʉtsanwa owathatsɨma#9:45 Amashako ano athalɨ mʉ wandɨ mashako mangɨ wa kera..] 47N'elisho lyawe nalyo lwamaleka nɨ wakola kɨtsɨbʉ, ʉkʉlelyo. Bikwirire kw'ɨwe ɨngɨra mo Bwamɨ bwa Gongo n'elisho lɨgʉma, kʉlenga kw'ɨgʉshwa kw'ɨrʉnga na mesho abɨrɨ. 48Omo mʉlɨ bɨhʉka bɨthafwa, na mʉtsanwa owathatsɨma#9:48 Soma Isaya 66:24.. 49Kʉshangwa obʉlɨ mʉndʉ andetsɨbwa mw'itsukibwa mo mʉtsanwa, nga ko lʉhembo lw'esonyama s'erɨhembwa Gongo nga ko esɨnetsɨbwa mw'ihirwamo munyu#9:49 Abayuta abanagenda abahemba Gongo yo lʉhembo lwa kalyo, bagenda abetsya akalyo ako mw'ihira mʉko mo munyu. Soma Balawi 2:13. .
50«Omunyu nɨ kɨndʉ kikwirire. Hewethuwe omunyu amahetsya obʉshɨ bwawo, angahirwamo ki nɨmo ashʉba loka? Mubye munyu, na mwikale hagʉma mʉ bʉholo.»
Currently Selected:
Marɨko 9: ver
Highlight
Share
Copy
Want to have your highlights saved across all your devices? Sign up or sign in
2025 Group of Associations for the Promotion of Languages, Cultures for Integral Development
