Matayo 9
9
Yesu waramya wabume uma rumbosa
(Mar 2.1-12; Ruk 5.17-26)
1Kuruma nampo, Yesu wataya mu mutumbu. Wakianga wamasoka muo mwiri n'enyansa, weya murubungu ndu rwoshukenga muwe#9.1 Mu kitabo cha Mariko 2.1, ku Kaperenaumu nge koshukenga Yesu na nge kwabikirwa hotu mbu ubungu rwa Yesu. Soma Mat 4.13.. 2Nanko, bea bima bamurishie mwea wasamba rumbosa. Emwea ngo wabesenga wikinde mu kipoi. Yesu wakianga wamasunga erisimira rabo, were emukoni w'erumbonsa ngo mbu: «Emwanani, isumye! Esansambi sabe samasasirwa!»
3Nampo, bima mu bahani b'emyomba babucha kwiebesha mbu: «Emwea uno wamakamba Ongo#9.3 Soma Bar 24.16.!» 4Yesu wabesenga wamasiba rero emyanikiri yabo. Washisha bo mbu: «Bushwa nki banu mwanikirange binwa byema mbo mu mitima yinu? 5Kini kinwa nge chatamba murieba n'emwea mbu: ‹Esansambi sabe samasasirwa›, abe imwire mbu: ‹Simana, enda?› 6Nihunange musibe mbu ani eMwana w'eMwea niri na bukwakare bwerisasira esansambi mu chuo!» Nampo, were emukoni w'erumbonsa ngo mbu: «Simana, tinge ekipoi chabe na kuruka ku kwabe!» 7Emwea ngo wasimana n'ienda ku kwae.
8Ebikembe by'ebea bakianga bamasunga mbo, basubaha. Nampo babucha itata Ongo ngu waninka ebea bukwakare bwasusa mbo.
Yesu wabikira Matayo
(Mar 2.13-17; Ruk 5.27-32)
9Yesu watuka mpo. Wakianga wetange, wasunga mukongori uma wa horo erina rae nge Matayo. Matayo ngo wabesenga warika mu numba y'erikongore mo ehoro. Yesu wamwire mbu: «Nimise!» Nampo, wasimana n'imumisa.
10Kuruma nampo, Yesu wenda karisa bio mwa Matayo. Mu numba njo mwakime bakongori bingi ba horo na bampe bea bingi ba nsambi. Ebati mbo barika n'irisa hima na Yesu n'ebanafunsi bae.
11eBafarisayo barekia bamasunga mbo, bashisha ebanafunsi bae mbu: «Bushwa nki emuhani winu urisange bio hima n'ebakongori b'ehoro na bampe bea ba nsambi?» 12Yesu wakianga wamarukira mbo, were bo mbu: «Ebea bankangwe ntibarae mu munganga, ina ebakoni nge bamurae mo. 13Kai, mwendi kifunsa mbu bweba eMitiro Yashurukara ino: ‹Ani ntinashima mbu mwendi munirishie bisabo, ina nashima mbu mwendi banu murukiranengi bonso#9.13 Ose 6.6..› Bushwa mbu ntíneyanga kabikira ebea baombokara mu makako a Ongo, ina ebea b'ensambi.»
Yesu ushishiwange bushwa n'erironja emafungo
(Mar 2.18-22; Ruk 5.33-39)
14Kuruma nampo, ebanafunsi ba Yohana beyere Yesu. Bamushisha mbu: «Bate n'eBafarisayo turonjanga mafungo. Mbeni bushwa nki ebanafunsi babe ibo bataronjanga mbo?» 15Yesu wasako bo mbu: «Mbeni ebea bakubikirwa ekubuheruki bamurisha bonso kuba emuheruchi ukiri hima nabo? Karankuso! Ina kuseya matu ngi asekia emuheruchi watunjiwa munkati nabo, nampo ke nge baseronja mafungo.
16«Kusira mwea wamuranda kiraka kishasha mu nchangi yamanaa. Kuba waronja mbo, ekiraka ncho kisebenga enchangi nji yamanaa. Nampo enchangi njo isebenguka ketu nguru.
17«Ngebumbo hotu, ebea batarianga ndifai nchasha mu inku s'ohu#9.17 Inku s'ohu: sabesenga inku satunganyiwa n'ohu rwa nyama. eBayuta babesenga bushienga ndifai mu nku s'ohu sishasha bushwa mbu ito sitakoche ibereka entambi endifai ibukange. Babesenga baronjanga mbo bushwa mbu esanku s'erohu insi samanaa satamba-tamba na samubereka tete. Hano hebange mbu ebinwa mbi byabesenga bihanange Yesu byabesenga bishasha na nti bitamusonyana n'emwenjo wema wa karekare. samanaa. Kuba baronja mbo, endifai njo isekia yahwa, isebenga to n'ikubuka ekwansi. Ina endifai nchasha ibikwanga mu inku s'ohu sishasha kongo ebiti byarangwa shu.»
Yesu waramya mumina n'ifura kitasa
(Mar 5.21-43; Ruk 8.40-56)
18Yesu wakianga ukiri werengi ebea ebinwa mbyo, hiha-hiha, mukwakare uma wa Bayuta weya n'ikome emaru mu makako a Yesu. Emukwakare ngo wamwire mbu: «Mwisyani wamatusia enompena. Nakiro mbo, iya katereka emine yabe hiyo nae kongo wabese tu munkangwe.» 19Bushwa nancho, Yesu wasimana hima n'ebanafunsi bae n'ienda kamisa emukwakare ngo.
20Hima nancho, mumina uma ngu wabesenga wamaronja myaka ikumi na ibi n'ebukoni bwerituka nchama, wasaire Yesu kuruma. Emumina ngo watinge mu mupindo w'enchangi ya Yesu. 21Bushwa mbu wabesenga wiebeshange mbu: «Kuba natinge ho mu nchangi yae, naserama.» 22Yesu wakianga wikebera, wamusunga n'imwire mbu: «Emwisyani, isumye! Erisimira rabe ramakuramya.» Hiha-hiha, emumina ngo warama.
23Yesu wakime mu numba y'emukwakare ngo. Wasunga mpo ebea nti bari mu mukindo, na bampe nti bombange tunsambi n'isimba ndumbo sa kiro. 24Nampo were bo mbu: «Mutuke hano, bushwa mbu ekitasa kino ntíchakwa, ina chikinde.» Ebea mbo bamucharika. 25Bakianga bamasaishiwa habutara, Yesu wakime mu numba. Watinge ekitasa ncho mu mine. Hiha-hiha ekitasa ncho chasimana.
26Emwasi ngo wansansabana mu chuo kiti ncho.
Yesu waramya bihumihumi bibí
27Yesu wakianga utukange mpo, bihumihumi bibí byamumisa. Ebihumihumi mbyo byabesenga bikuange mbu: «eMwana wa Ndauti, tukwiri bonso!»
28Yesu wakianga wamakime mu numba, ebihumihumi mbyo byamweyere. Nae washisha byo mbu: «Ebinihemange banu, mbeni musimira mbu namuronja byo?» Nabo bamusako mbu: «Nanki, Nyere Kuritu!» 29Yesu waturana mu meso abo n'ieba mbu: «Ekinwa ncho kibesi mbu bwamasimira banu cho.» 30Nampo, emeso abo oboka. Yesu wakurura bo emate mbu: «Mukohyanga, mwereri iture mwea uti-uti emwasi uno!» 31Ina ibo, bakianga bamasaa mu numba, benda na nti baturange emwasi wa Yesu mu chuo kiti ncho.
Yesu waramya karumbu
32Ebihumihumi mbyo byakianga byamenda, ebea barishie Yesu mwea uma ngu watingirwanga na kifwasi. Ekifwasi ncho charonjanga emwea ngo ibese karumbu. 33Hiha-hiha, ekifwasi ncho, Yesu wahambura cho, n'ekarumbu kabucha ieba. Ebikembe by'ebea bashishara n'ieba mbu: «Mu chuo kino cha ku Isiraeri, tutangasunganga binwa biri buno!»
34Ina eBafarisayo ibo beba mbu: «Mu maa emukwakare w'ebifwasi nge muhamburange we ebifwasi!»
Emukene mwingi ina ebakori bakeke
35Yesu wabesenga wetange mu sambungu nkiri-nkiri siti n'eseke-seke nt'uhanange ebea mu masinangoki abo. Mu masinangoki ngo, wabesenga uhubiringi eMwasi Wakonda w'eBwami bwa mu mbingu n'iramya emakoni ati na kinsi burema. 36Wakianga wamasunga ebikembe by'ebea, wakwire bo bonso nguru, bushwa mbu babesenga bamaruhwa n'itetera nguru buri mburi nsi sisira musumba. 37Ngerikia ke were ebanafunsi bae mbu: «Emukene mwingi, ina ebakauri bao nge bakeke. 38Kai muheme mine emukene watume bampe bakori kakao emukene wae.»
Currently Selected:
Matayo 9: nyj
Highlight
Copy
Compare
Share
Want to have your highlights saved across all your devices? Sign up or sign in
2025 GAPLCDI, Group of Associations for the Promotion of Languages, Cultures for Integral Development
Matayo 9
9
Yesu waramya wabume uma rumbosa
(Mar 2.1-12; Ruk 5.17-26)
1Kuruma nampo, Yesu wataya mu mutumbu. Wakianga wamasoka muo mwiri n'enyansa, weya murubungu ndu rwoshukenga muwe#9.1 Mu kitabo cha Mariko 2.1, ku Kaperenaumu nge koshukenga Yesu na nge kwabikirwa hotu mbu ubungu rwa Yesu. Soma Mat 4.13.. 2Nanko, bea bima bamurishie mwea wasamba rumbosa. Emwea ngo wabesenga wikinde mu kipoi. Yesu wakianga wamasunga erisimira rabo, were emukoni w'erumbonsa ngo mbu: «Emwanani, isumye! Esansambi sabe samasasirwa!»
3Nampo, bima mu bahani b'emyomba babucha kwiebesha mbu: «Emwea uno wamakamba Ongo#9.3 Soma Bar 24.16.!» 4Yesu wabesenga wamasiba rero emyanikiri yabo. Washisha bo mbu: «Bushwa nki banu mwanikirange binwa byema mbo mu mitima yinu? 5Kini kinwa nge chatamba murieba n'emwea mbu: ‹Esansambi sabe samasasirwa›, abe imwire mbu: ‹Simana, enda?› 6Nihunange musibe mbu ani eMwana w'eMwea niri na bukwakare bwerisasira esansambi mu chuo!» Nampo, were emukoni w'erumbonsa ngo mbu: «Simana, tinge ekipoi chabe na kuruka ku kwabe!» 7Emwea ngo wasimana n'ienda ku kwae.
8Ebikembe by'ebea bakianga bamasunga mbo, basubaha. Nampo babucha itata Ongo ngu waninka ebea bukwakare bwasusa mbo.
Yesu wabikira Matayo
(Mar 2.13-17; Ruk 5.27-32)
9Yesu watuka mpo. Wakianga wetange, wasunga mukongori uma wa horo erina rae nge Matayo. Matayo ngo wabesenga warika mu numba y'erikongore mo ehoro. Yesu wamwire mbu: «Nimise!» Nampo, wasimana n'imumisa.
10Kuruma nampo, Yesu wenda karisa bio mwa Matayo. Mu numba njo mwakime bakongori bingi ba horo na bampe bea bingi ba nsambi. Ebati mbo barika n'irisa hima na Yesu n'ebanafunsi bae.
11eBafarisayo barekia bamasunga mbo, bashisha ebanafunsi bae mbu: «Bushwa nki emuhani winu urisange bio hima n'ebakongori b'ehoro na bampe bea ba nsambi?» 12Yesu wakianga wamarukira mbo, were bo mbu: «Ebea bankangwe ntibarae mu munganga, ina ebakoni nge bamurae mo. 13Kai, mwendi kifunsa mbu bweba eMitiro Yashurukara ino: ‹Ani ntinashima mbu mwendi munirishie bisabo, ina nashima mbu mwendi banu murukiranengi bonso#9.13 Ose 6.6..› Bushwa mbu ntíneyanga kabikira ebea baombokara mu makako a Ongo, ina ebea b'ensambi.»
Yesu ushishiwange bushwa n'erironja emafungo
(Mar 2.18-22; Ruk 5.33-39)
14Kuruma nampo, ebanafunsi ba Yohana beyere Yesu. Bamushisha mbu: «Bate n'eBafarisayo turonjanga mafungo. Mbeni bushwa nki ebanafunsi babe ibo bataronjanga mbo?» 15Yesu wasako bo mbu: «Mbeni ebea bakubikirwa ekubuheruki bamurisha bonso kuba emuheruchi ukiri hima nabo? Karankuso! Ina kuseya matu ngi asekia emuheruchi watunjiwa munkati nabo, nampo ke nge baseronja mafungo.
16«Kusira mwea wamuranda kiraka kishasha mu nchangi yamanaa. Kuba waronja mbo, ekiraka ncho kisebenga enchangi nji yamanaa. Nampo enchangi njo isebenguka ketu nguru.
17«Ngebumbo hotu, ebea batarianga ndifai nchasha mu inku s'ohu#9.17 Inku s'ohu: sabesenga inku satunganyiwa n'ohu rwa nyama. eBayuta babesenga bushienga ndifai mu nku s'ohu sishasha bushwa mbu ito sitakoche ibereka entambi endifai ibukange. Babesenga baronjanga mbo bushwa mbu esanku s'erohu insi samanaa satamba-tamba na samubereka tete. Hano hebange mbu ebinwa mbi byabesenga bihanange Yesu byabesenga bishasha na nti bitamusonyana n'emwenjo wema wa karekare. samanaa. Kuba baronja mbo, endifai njo isekia yahwa, isebenga to n'ikubuka ekwansi. Ina endifai nchasha ibikwanga mu inku s'ohu sishasha kongo ebiti byarangwa shu.»
Yesu waramya mumina n'ifura kitasa
(Mar 5.21-43; Ruk 8.40-56)
18Yesu wakianga ukiri werengi ebea ebinwa mbyo, hiha-hiha, mukwakare uma wa Bayuta weya n'ikome emaru mu makako a Yesu. Emukwakare ngo wamwire mbu: «Mwisyani wamatusia enompena. Nakiro mbo, iya katereka emine yabe hiyo nae kongo wabese tu munkangwe.» 19Bushwa nancho, Yesu wasimana hima n'ebanafunsi bae n'ienda kamisa emukwakare ngo.
20Hima nancho, mumina uma ngu wabesenga wamaronja myaka ikumi na ibi n'ebukoni bwerituka nchama, wasaire Yesu kuruma. Emumina ngo watinge mu mupindo w'enchangi ya Yesu. 21Bushwa mbu wabesenga wiebeshange mbu: «Kuba natinge ho mu nchangi yae, naserama.» 22Yesu wakianga wikebera, wamusunga n'imwire mbu: «Emwisyani, isumye! Erisimira rabe ramakuramya.» Hiha-hiha, emumina ngo warama.
23Yesu wakime mu numba y'emukwakare ngo. Wasunga mpo ebea nti bari mu mukindo, na bampe nti bombange tunsambi n'isimba ndumbo sa kiro. 24Nampo were bo mbu: «Mutuke hano, bushwa mbu ekitasa kino ntíchakwa, ina chikinde.» Ebea mbo bamucharika. 25Bakianga bamasaishiwa habutara, Yesu wakime mu numba. Watinge ekitasa ncho mu mine. Hiha-hiha ekitasa ncho chasimana.
26Emwasi ngo wansansabana mu chuo kiti ncho.
Yesu waramya bihumihumi bibí
27Yesu wakianga utukange mpo, bihumihumi bibí byamumisa. Ebihumihumi mbyo byabesenga bikuange mbu: «eMwana wa Ndauti, tukwiri bonso!»
28Yesu wakianga wamakime mu numba, ebihumihumi mbyo byamweyere. Nae washisha byo mbu: «Ebinihemange banu, mbeni musimira mbu namuronja byo?» Nabo bamusako mbu: «Nanki, Nyere Kuritu!» 29Yesu waturana mu meso abo n'ieba mbu: «Ekinwa ncho kibesi mbu bwamasimira banu cho.» 30Nampo, emeso abo oboka. Yesu wakurura bo emate mbu: «Mukohyanga, mwereri iture mwea uti-uti emwasi uno!» 31Ina ibo, bakianga bamasaa mu numba, benda na nti baturange emwasi wa Yesu mu chuo kiti ncho.
Yesu waramya karumbu
32Ebihumihumi mbyo byakianga byamenda, ebea barishie Yesu mwea uma ngu watingirwanga na kifwasi. Ekifwasi ncho charonjanga emwea ngo ibese karumbu. 33Hiha-hiha, ekifwasi ncho, Yesu wahambura cho, n'ekarumbu kabucha ieba. Ebikembe by'ebea bashishara n'ieba mbu: «Mu chuo kino cha ku Isiraeri, tutangasunganga binwa biri buno!»
34Ina eBafarisayo ibo beba mbu: «Mu maa emukwakare w'ebifwasi nge muhamburange we ebifwasi!»
Emukene mwingi ina ebakori bakeke
35Yesu wabesenga wetange mu sambungu nkiri-nkiri siti n'eseke-seke nt'uhanange ebea mu masinangoki abo. Mu masinangoki ngo, wabesenga uhubiringi eMwasi Wakonda w'eBwami bwa mu mbingu n'iramya emakoni ati na kinsi burema. 36Wakianga wamasunga ebikembe by'ebea, wakwire bo bonso nguru, bushwa mbu babesenga bamaruhwa n'itetera nguru buri mburi nsi sisira musumba. 37Ngerikia ke were ebanafunsi bae mbu: «Emukene mwingi, ina ebakauri bao nge bakeke. 38Kai muheme mine emukene watume bampe bakori kakao emukene wae.»
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
2025 GAPLCDI, Group of Associations for the Promotion of Languages, Cultures for Integral Development