Matiɔ 4
4
Djablo trâ lɔsu Jezu lə ngbûndû
(Markə 1.12-13; Luki 4.1-13)
1Bale, Âgbɔ̂ Yîrə̂ nâ də Jezu mâ lə ngbûndû ndə kə pa djablo tra lɔsu ye. 2Mandânə ə̂në tshə rû tshelə ye tə̂ rəgo pəle ora lə aəlo zazü bishi kɔ, əgo mî ətshə. 3Djablo, awofrɔ azü nâ trö də ətshə ə pâ kə ətshə ə pa: «Kədə bə sə tə Ɨrɨ Ndjapä, zä ama kə abadja səye ndə kə pa əndje do tə̂ əndje tə rəgo.» 4Jezu kîrə əpʉ ə pa: «Əpʉ Ndjapä pâ: “Ə də̂ kʉ mbrə rəgo də̂ əzü ə sə tə sorô ne, bale, əzü sə tə sorô tə̂ äwä aəpʉ ama Ndjapä nɔ̂.”»#4.4 Wu Əpʉ 8.3.
5Mandânə, djablo nə nâ də Jezu mâ Jeruzalamə, gala ə̂në ə sə kpî mbrə Ndjapä kɔ, ə zâ ətshə tɔ mâ tə̂ kumu Anda Ndjapä, 6ə pâ kə ətshə ə pa: «Kədə bə sə tə Ɨrɨ Ndjapä, äfɔ kotəye ə të mâ tə̂ ashɔ-e, mbrə ə̂në Fraka nə̂ Ndjapä pâ:
“Ndjapä sə kə za ama kə atrawaya nə̂ ye də əpʉ zə,
əndje sə kə za əbə gâ lə kəna əndje
kanika bə za ə̈nü zə za da badja ne.”»#4.6 Wu Ətsh 91.11-12.
7Jezu pâ kə ətshə ə pa: «Fraka nə̂ Ndjapä pâ ndje ə pa: “Trä lɔsu Əyïlingû tə Ndjapä nə̂ zə trä ne.”»#4.7 Wu Əpʉ 6.16.
8Djablo kwatə̂ye ə ô də ətshə mâ tə̂ kumu ə̈bə̈ ə̈ngrʉ̈ kaga, ə yîsə̂ aəgɔ tshepashɔ nɔ̂ də aərə tshelə nə kə ətshə 9ə pâ kə ətshə ə pa: «Kədə bə gbəte gâ tshekudu əmə â vrɔ əmə, mə sə kə ko aərə sə̂ nɔ̂ kə əbə.» 10Jezu pâ kə ətshə ə pa: «Gï tə̂ zə gashe tə̂ əmə, Sataa#4.10 Sataa sə tə djatra əɨrɨ djablo. Wu lə Bakale.! Mbrə ə̂në Fraka nə̂ Ndjapä pâ: “Vrɔ̈ Əyïlingû tə Ndjapä nə̂ zə ə mbrə̈ kʉ kə ətshə bale.”»#4.10 Wu Əpʉ 6.13. 11Bale, djablo kâtə̂ Jezu nə â atrawaya nə̂ Ndjapä nâ gâ ngotə̂ ye ə mâ kə ətshə.
Jezu vɔ̂tə̂ kə mʉ Ə̂rɔ̂ Əpʉ lə əgɔ Galile
(Markə 1.14-15; Luki 4.14-15)
12Alɔ ə̂në Jezu djî ə pa əndje kânga Zââ gâ ye kɔ, tshə gbə̂tɔ tə̂ ye ə sə̂ mâ lə ashɔ əgɔ Galile. 13Tshə kâtə̂ əgɔ Nazaratə ə nâ ə sə̂ mâ Kaprənayɔmə ə̂në ə sə̂ tə̂ ama dala ə̂ngû əgɔ Galile, lə ashɔ əgɔ Zabulɔ də əgɔ Nefətali kɔ. 14Tshə mbrə̂ rə ndə kə pa ndəma əpʉ ə̂në awopandəma Ndjapä Ezayi pâ kɔ mbrə. Tshə pâ:
15«Azü ashɔ əgɔ Zabulɔ də azü ashɔ əgɔ Nefətali,
ashɔ əgɔ ə̂në ə sə trö də ə̂ngû əngbrʉ kɔ, djoko ətshi Jurda kɔ,
də ashɔ əgɔ Galile nə̂ azü ə̂në əndje wusə̂ Ndjapä wu ne kɔ!
16Azü əgɔ ə̂në əndje sə lə əbutshe kɔ,
əndje wû ə̈bə̈ əgerə ə̂yîəwo.
Ətshe krâ
gâ pâ azü ə̂në əndje sə lə əbutshe
mâ lə əgɔ nə̂ akuzu kɔ gâ ye.»#4.16 Wu Eza 8.23–9.1.
17Kʉ pə tə̂ alɔ nə səkɔ, Jezu vɔ̂tə̂ kə yisə̂ Ə̂rɔ̂ Əpʉ. Tshə pâ: «E tshï äwä angbrɔ kə ma aərə nə̂ e tʉ mbrə ə̂në Əgɔngerə tshelafɔ ndô trö gâ ye!»
Jezu ê aangbʉlî atrawaya
(Markə 1.16-20; Luki 5.1-11)
18Ə̂në Jezu sə kə na tə̂ ama dala ə̂ngû əgɔ Galile kɔ, tshə wû alaye azü bishi, Shemɔ ə̂në əndje e ətshə ə pa Piarə də aye nə də Andre. Əndje sə kə wli gbânda la ə̂ngû nə mbrə ə̂në əndje sə tə aawopra agiangû. 19Tshə pâ kə əndje ə pa: «E zä äwä əmə, mə sə kə mbrə e tə aawopra azü.» 20Kʉ pə kôto səkɔ, əndje tshî agbânda nə̂ əndje nə tʉ ə zâ äwä ye.
21Jezu kwatə̂ye ə rô ngrʉ̂ teashe ə wû alabə̈ aata alaye azü bishi, Zake də Zââ ə̂në əndje sə tə aləvu Zebede kɔ. Əndje sə̂ gâ lə ə̈bə̈ əgerə âgbâ də abä əndje də Zebede nə, əndje sə kə gamba agbânda nə̂ əndje. Tshə ê əndje. 22Kʉ pə kôto səkɔ, əndje kâtə̂ əgerə âgbâ nə̂ əndje gâ ndə abä əndje nə tʉ ə zâ äwä ye.
Jezu yîsə̂ əpʉ ə grɔ̂ arəka tə̂ azü
23Jezu nâ lə əgɔ Galile nɔ̂, ə yîsə̂ əpʉ lə aanda aangbɔ. Tshə mʉ̂ Ə̂rɔ̂ Əpʉ gâ pâ Əgɔngerə tshelafɔ ə grɔ̂ arəka nɔ̂ tə̂ azü əgɔ nə. Tshə mâ â aərə tshekotə̂ azü nɔ̂ ə̂në ə ndɨ̂ gâ ye kɔ, ə gâmba tə̂ əndje gâ mandânə. 24Əpʉ Jezu zâ ətshe lə əgɔ Siri nɔ̂. Əndje nâ də azü ə̂në adongo arəka sə tə̂ əndje wala ə ka əndje ə ka kɔ, də azü ə̂në əndje sə də aafrɔ yîrə̂ lə əndje, də alayïäkɔ̈ gâ ndə azü ə̂në alabə̈ aərə tshekotə̂ əndje ndɨ̂ gâ ye kɔ nɔ̂ kə ətshə â tshə grɔ̂ arəka nə tə̂ əndje. 25Ə̈bə̈ əgerə ə̂kpû azü zâ äwä ye. Azü nə âfɔ lə ashɔ əgɔ Galile, lə Əgɔ-agala morofo, alabə̈ əndje âfɔ mâ Jeruzalamə, lə ashɔ əgɔ Jude də əgɔ ə̂në ə sə djoko ətshi ə̂ngû Jurda â nâ kɔ.
Currently Selected:
Matiɔ 4: liy
Highlight
Share
Copy
Want to have your highlights saved across all your devices? Sign up or sign in
2025 Association Centrafricaine pour la Traduction de la Bible et l'Alphabétisation
Matiɔ 4
4
Djablo trâ lɔsu Jezu lə ngbûndû
(Markə 1.12-13; Luki 4.1-13)
1Bale, Âgbɔ̂ Yîrə̂ nâ də Jezu mâ lə ngbûndû ndə kə pa djablo tra lɔsu ye. 2Mandânə ə̂në tshə rû tshelə ye tə̂ rəgo pəle ora lə aəlo zazü bishi kɔ, əgo mî ətshə. 3Djablo, awofrɔ azü nâ trö də ətshə ə pâ kə ətshə ə pa: «Kədə bə sə tə Ɨrɨ Ndjapä, zä ama kə abadja səye ndə kə pa əndje do tə̂ əndje tə rəgo.» 4Jezu kîrə əpʉ ə pa: «Əpʉ Ndjapä pâ: “Ə də̂ kʉ mbrə rəgo də̂ əzü ə sə tə sorô ne, bale, əzü sə tə sorô tə̂ äwä aəpʉ ama Ndjapä nɔ̂.”»#4.4 Wu Əpʉ 8.3.
5Mandânə, djablo nə nâ də Jezu mâ Jeruzalamə, gala ə̂në ə sə kpî mbrə Ndjapä kɔ, ə zâ ətshə tɔ mâ tə̂ kumu Anda Ndjapä, 6ə pâ kə ətshə ə pa: «Kədə bə sə tə Ɨrɨ Ndjapä, äfɔ kotəye ə të mâ tə̂ ashɔ-e, mbrə ə̂në Fraka nə̂ Ndjapä pâ:
“Ndjapä sə kə za ama kə atrawaya nə̂ ye də əpʉ zə,
əndje sə kə za əbə gâ lə kəna əndje
kanika bə za ə̈nü zə za da badja ne.”»#4.6 Wu Ətsh 91.11-12.
7Jezu pâ kə ətshə ə pa: «Fraka nə̂ Ndjapä pâ ndje ə pa: “Trä lɔsu Əyïlingû tə Ndjapä nə̂ zə trä ne.”»#4.7 Wu Əpʉ 6.16.
8Djablo kwatə̂ye ə ô də ətshə mâ tə̂ kumu ə̈bə̈ ə̈ngrʉ̈ kaga, ə yîsə̂ aəgɔ tshepashɔ nɔ̂ də aərə tshelə nə kə ətshə 9ə pâ kə ətshə ə pa: «Kədə bə gbəte gâ tshekudu əmə â vrɔ əmə, mə sə kə ko aərə sə̂ nɔ̂ kə əbə.» 10Jezu pâ kə ətshə ə pa: «Gï tə̂ zə gashe tə̂ əmə, Sataa#4.10 Sataa sə tə djatra əɨrɨ djablo. Wu lə Bakale.! Mbrə ə̂në Fraka nə̂ Ndjapä pâ: “Vrɔ̈ Əyïlingû tə Ndjapä nə̂ zə ə mbrə̈ kʉ kə ətshə bale.”»#4.10 Wu Əpʉ 6.13. 11Bale, djablo kâtə̂ Jezu nə â atrawaya nə̂ Ndjapä nâ gâ ngotə̂ ye ə mâ kə ətshə.
Jezu vɔ̂tə̂ kə mʉ Ə̂rɔ̂ Əpʉ lə əgɔ Galile
(Markə 1.14-15; Luki 4.14-15)
12Alɔ ə̂në Jezu djî ə pa əndje kânga Zââ gâ ye kɔ, tshə gbə̂tɔ tə̂ ye ə sə̂ mâ lə ashɔ əgɔ Galile. 13Tshə kâtə̂ əgɔ Nazaratə ə nâ ə sə̂ mâ Kaprənayɔmə ə̂në ə sə̂ tə̂ ama dala ə̂ngû əgɔ Galile, lə ashɔ əgɔ Zabulɔ də əgɔ Nefətali kɔ. 14Tshə mbrə̂ rə ndə kə pa ndəma əpʉ ə̂në awopandəma Ndjapä Ezayi pâ kɔ mbrə. Tshə pâ:
15«Azü ashɔ əgɔ Zabulɔ də azü ashɔ əgɔ Nefətali,
ashɔ əgɔ ə̂në ə sə trö də ə̂ngû əngbrʉ kɔ, djoko ətshi Jurda kɔ,
də ashɔ əgɔ Galile nə̂ azü ə̂në əndje wusə̂ Ndjapä wu ne kɔ!
16Azü əgɔ ə̂në əndje sə lə əbutshe kɔ,
əndje wû ə̈bə̈ əgerə ə̂yîəwo.
Ətshe krâ
gâ pâ azü ə̂në əndje sə lə əbutshe
mâ lə əgɔ nə̂ akuzu kɔ gâ ye.»#4.16 Wu Eza 8.23–9.1.
17Kʉ pə tə̂ alɔ nə səkɔ, Jezu vɔ̂tə̂ kə yisə̂ Ə̂rɔ̂ Əpʉ. Tshə pâ: «E tshï äwä angbrɔ kə ma aərə nə̂ e tʉ mbrə ə̂në Əgɔngerə tshelafɔ ndô trö gâ ye!»
Jezu ê aangbʉlî atrawaya
(Markə 1.16-20; Luki 5.1-11)
18Ə̂në Jezu sə kə na tə̂ ama dala ə̂ngû əgɔ Galile kɔ, tshə wû alaye azü bishi, Shemɔ ə̂në əndje e ətshə ə pa Piarə də aye nə də Andre. Əndje sə kə wli gbânda la ə̂ngû nə mbrə ə̂në əndje sə tə aawopra agiangû. 19Tshə pâ kə əndje ə pa: «E zä äwä əmə, mə sə kə mbrə e tə aawopra azü.» 20Kʉ pə kôto səkɔ, əndje tshî agbânda nə̂ əndje nə tʉ ə zâ äwä ye.
21Jezu kwatə̂ye ə rô ngrʉ̂ teashe ə wû alabə̈ aata alaye azü bishi, Zake də Zââ ə̂në əndje sə tə aləvu Zebede kɔ. Əndje sə̂ gâ lə ə̈bə̈ əgerə âgbâ də abä əndje də Zebede nə, əndje sə kə gamba agbânda nə̂ əndje. Tshə ê əndje. 22Kʉ pə kôto səkɔ, əndje kâtə̂ əgerə âgbâ nə̂ əndje gâ ndə abä əndje nə tʉ ə zâ äwä ye.
Jezu yîsə̂ əpʉ ə grɔ̂ arəka tə̂ azü
23Jezu nâ lə əgɔ Galile nɔ̂, ə yîsə̂ əpʉ lə aanda aangbɔ. Tshə mʉ̂ Ə̂rɔ̂ Əpʉ gâ pâ Əgɔngerə tshelafɔ ə grɔ̂ arəka nɔ̂ tə̂ azü əgɔ nə. Tshə mâ â aərə tshekotə̂ azü nɔ̂ ə̂në ə ndɨ̂ gâ ye kɔ, ə gâmba tə̂ əndje gâ mandânə. 24Əpʉ Jezu zâ ətshe lə əgɔ Siri nɔ̂. Əndje nâ də azü ə̂në adongo arəka sə tə̂ əndje wala ə ka əndje ə ka kɔ, də azü ə̂në əndje sə də aafrɔ yîrə̂ lə əndje, də alayïäkɔ̈ gâ ndə azü ə̂në alabə̈ aərə tshekotə̂ əndje ndɨ̂ gâ ye kɔ nɔ̂ kə ətshə â tshə grɔ̂ arəka nə tə̂ əndje. 25Ə̈bə̈ əgerə ə̂kpû azü zâ äwä ye. Azü nə âfɔ lə ashɔ əgɔ Galile, lə Əgɔ-agala morofo, alabə̈ əndje âfɔ mâ Jeruzalamə, lə ashɔ əgɔ Jude də əgɔ ə̂në ə sə djoko ətshi ə̂ngû Jurda â nâ kɔ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
2025 Association Centrafricaine pour la Traduction de la Bible et l'Alphabétisation