ܐܶܓܰܪܬ̥ܳܐ ܠܰܪّܽܘܡܳܝ̈ܶܐ 3
3
ܐܰܠܳܗܳܐ ܝܳܐ ܗ̄ܽܘ ܫܰܪܺܝܪܳܐ ܕܟܽܘܠّܶܗ
1ܗܰܢ ܢܰܩܠܐ ܡ݄ܢܝܳܐ ܗ̄ܽܘ ܙܳܝܽܘܕܳܐ ܒܽܗ̄ܘ ܝܽܘܕ̥ܳܝܳܐ؟ ܘܡ݄ܢܝܳܐ ܗ̄ܽܘ ܝܽܘܬ̥ܪܳܢܳܐ ܕܺܗ̄ܝ ܓܙܽܘܪܬܳܐ؟ 2ܓ̥ܰܠܰܒܶܐ ܝܳܐ ܒܟܽܘܠ ܡܶܕܶܐ. ܒܺܗ̄ܝ ܩܰܕ̱ܡܰܝܬܳܐ، ܥܰܠ (ܕܰܝّܽܘܕ̥̈ܳܝܶܐ) ܕܗܰܘ݄ܢ ܡܗܰܝܡܢ̈ܶܐ ܥܰܠ ܗ̄ܰܡّܰܐܡܪ̈ܶܐ ܕܰܐܠܳܗܳܐ. 3ܘܶܐܢ ܕܗ݄ܢ ܡ݄ܢّܶܗ ܠܳܐ ܡܗܰܝܡܰܢّܶܗ، ܩܰܝ ܕܥܰܠ ܕܠܳܐ ܡܗܰܝܡܰܢّܶܗ، ܗ̄ܺܝ ܗܰܝܡܳܢܽܘܬ̥ܳܐ ܕܰܐܠܳܗܳܐ ܡܒܰܛܰܠّܶܗ؟ 4ܠܳܐ، ܚܳܣ! ܡܺܐܝܕ̥ܶܗ ܕܰܐܠܳܗܳܐ ܫܰܪܺܝܪܳܐ ܝܳܐ، ܘܟܽܘܠ ܢܳܫܳܐ ܡܕܰܓܠܳܢܳܐ ܝܳܐ، ܐܟ̥ ܕ݄ܟܬ̥ܺܝܒ̥: ”ܓܕܳܗ̄ܘܰܬ ܟܺܐܢܳܐ ܒܰܡّܰܐܡܪ̈ܰܝܕ̥ܳܟ̥، ܘܙܰܟܳܝܳܐ ܗ̄ܺܝ ܢܰܩܠܐ ܕܕܰܝܢܺܝ ܠܳܟ̥.“
5ܘܶܐܢ ܗ̄ܺܝ ܚܛܺܝܬ̥ܰܝܕ̥ܰܢ ܟܡܰܩܺܝܡܳܐ ܗ̄ܺܝ ܟܺܐܢܽܘܬ̥ܳܐ ܕܰܐܠܳܗܳܐ، ܡ݄ܢ ܐ݄ܡّܺܪ̱ܝܢܰܐ: ܩܰܝ ܐܰܠܳܗܳܐ ܚܰܛܳܝܳܐ ܝܳܐ ܕܡܰܝܬܶܐ ܗ̄ܽܘ ܪܽܘܓ̥ܙܰܝܕ̥ܶܗ؟ ܐܟ̥ ܕܢܳܫܳܐ ܟܡ݄ܫܓ̥ܰܠ ܐ̱ܢܳܐ. 6ܠܳܐ، ܚܳܣ! ܘܶܐܢ ܠܳܐ، ܐܰܝܕܰܪܒܳܐ ܐܰܠܳܗܳܐ ܓܕܳܝ݄ܢ ܗ̄ܽܘ ܥܳܠܡܳܐ؟ 7ܘܶܐܢ ܗ̄ܽܘ ܫܪܳܪܳܐ ܕܰܐܠܳܗܳܐ ܒܺܗ̄ܝ ܕܽܘܓܠܰܝܕ̥ܺܝ ܙܰܝ݄ܕ ܗ̄ܽܘ ܫܽܘܒܚܰܝܕ̥ܶܗ، ܩܰܝ ܐܟ̥ ܕܚܰܛܳܝܳܐ ܟܳܡܺܝܕܰܢ ܐ̱ܢܳܐ؟ 8ܐܰܘ ܕܠ݄ܐ ܐܙّܶܗ ܐܟ̥ ܕܟ݄ܡܓܰܕܦܺܝ ܐܰܥܠܰܢ ܘܟ݄ܐܡّܺܪ̱ܝ ܕܰܐܚܢܰܐ ܟ݄ܐܡّܺܪ̱ܝܢܰܐ: ”ܟܣܰܝܡܺܝܢܰܐ ܒܺܝܫ̈ܳܬ̥ܳܐ ܠܰܫܰܢ ܕܳܐܬ̥݄ܢ ܛܳܒ̥̈ܳܬ̥ܳܐ؟“ ܗ̄ܽܘ ܕܺܝܢܳܐ ܕܗܰܢ݄ܟ ܢܛܺܝܪܳܐ ܝܳܐ ܠܺܗ̄ܝ ܟܺܐܢܽܘܬ̥ܳܐ.
ܠܰܝܬ ܟܺܐܢܳܐ ܘܠܳܐ ܚܰܕ̱
9ܗܰܢ ܢܰܩܠܐ ܐܰܚܢܰܐ ܡ݄ܢ ܙܳܝܽܘܕܳܐ ܟ݄ܬ ܠܰܢ؟ ܡܺܐܝܕ̥ܶܗ ܕܳܐܥܕܳܐ ܩܛ݄ܥ ܠܰܢ ܘܐܡ݄ܪ ܠܰܢ ܕܰܝّܽܘܕ̥̈ܳܝܶܐ ܘܰܗ̄ܢ ܐܰܪ̈ܡܳܝܶܐ ܕܬܰܚܬ ܗ̄ܺܝ ܚܛܺܝܬ̥ܳܐ ܢܶܝ ܟܽܘܠّܶܗ. 10ܐܟ̥ ܕ݄ܟܬ̥ܺܝܒ̥: ”ܠܰܝܬ ܟܺܐܢܳܐ، ܘܠܳܐ ܚܰܕ̱، 11ܘܠܳܐ ܕ݄ܟܦܳܗ݄ܡ، ܘܠܳܐ ܕܟܳܐܒ݄ܥ ܠܰܐܠܳܗܳܐ. 12ܟܽܘܠّܶܗ ܢܰܦܺܝܩܺܝ ܡܽܗ̄ܘ ܕܰܪܒܳܐ ܥܰܡ ܚܕܳܕ̈ܶܐ ܘܚܰܪܺܝܒ̥ܺܝ، ܘܠܰܝܬ ܢܳܫܳܐ ܕܣܳܝ݄ܡ ܛܰܒ̥ܬܳܐ ܘܠܳܐ ܚܰܕ̱. 13ܗ̄ܰܓّܰܓܪ̈ܳܬ̥ܰܬّ̥ܶܗ (ܙܰܢܓܰܠܠܳܪ̈ܶܐ) ܩܰܒ̥ܪ̈ܶܐ ܦܬܺܝܚ̈ܶܐ ܢܶܝ، ܘܠܶܫܳܢ̈ܰܝّܶܗ ܡܰܠܝ̈ܶܐ ܢܟ̥ܺܝܠܽܘܬ̥ܳܐ، ܘܣܰܡܳܐ ܕܺܗ̄ܝ ܟܽܘܪܦܳܐ ܬܰܚܬܶܗ ܣܰܦ̊̈ܘܳܬ̥ܰܝّܶܗ. 14ܦܶܡܰܝّܶܗ ܡܰܠܝܳܐ ܚܰܪܡܳܐ ܘܡܰܪ̱ܺܝܪܽܘܬ̥ܳܐ، 15ܘܪ̈ܰܓ̥ܠܳܬ̥ܰܝّܶܗ ܡܰܠܺܝ̈ܙܶܐ ܢܶܝ ܠܽܗ̄ܘ ܒܝܳܙܳܐ ܕܽܗ̄ܘ ܐܰܕܡܳܐ. 16ܟܰܪܝܽܘܬ̥ܳܐ ܘܥܺܝܩܽܘܬ̥ܳܐ ܝܳܐ ܒܕܰܪ̈ܒܳܢܰܬّ̥ܶܗ، 17ܘܽܗ̄ܘ ܕܰܪܒܳܐ ܕܽܗ̄ܘ ܫܠܳܡܳܐ ܠܰܐ ܐܕ̥ܺܝܥܺܝ، 18ܘܩ݄ܕ̱ܡ ܥܰܝܢ̈ܳܬ̥ܰܝّܶܗ ܠܰܝܬ ܙܽܘܥܬ̥ܳܐ ܡܰܢ̱ ܐܠܳܗܳܐ.“ 19ܘܟ݄ܐܕ̥ܥܺܝܢܰܐ ܕܽܗ̄ܘ ܡܶܕܶܐ ܕܐܡ݄ܪ ܠܶܗ ܗ̄ܽܘ ܢܳܡܽܘܣܳܐ، ܐܡ݄ܪ ܠܶܗ ܠܰܐܝܢܰܐ ܕܟ݄ܬܢܶܝ ܒܽܗ̄ܘ ܢܳܡܽܘܣܳܐ: ܟܽܘܠ ܦܶܡܳܐ ܓܡ݄ܣܟ̥݄ܪ، ܘܽܗ̄ܘ ܥܳܠܡܳܐ ܟܽܘܠܶܗ ܓܢܳܦ݄ܠ ܬܰܚܬ ܗ̄ܽܘ ܕܺܝܢܳܐ ܕܰܐܠܳܗܳܐ. 20ܥܰܠ ܕܽܗ̄ܘ ܥܒ̥ܳܕ̥ܳܐ ܒܽܗ̄ܘ ܢܳܡܽܘܣܳܐ ܠ݄ܐ ܟܣܳܝ݄ܡ ܢܳܫܳܐ ܙܰܕܺܝܩܳܐ ܩܽܘܕ̱ܡܶܗ (ܕܰܐܠܳܗܳܐ)، ܡܺܐܝܕ̥ܶܗ ܕܡܽܗ̄ܘ ܢܳܡܽܘܣܳܐ ܝܕ̥ܺܝܥܳܐ ܗ̄ܺܝ ܚܛܺܝܬ̥ܳܐ.
ܒܺܗ̄ܝ ܗܰܝܡܳܢܽܘܬ̥ܳܐ ܟܡܺܝܙܰܕ݄ܩ ܗ̄ܽܘ ܢܳܫܳܐ
21ܘܳܐܥܕܳܐ ܗ̄ܺܝ ܟܺܐܢܽܘܬ̥ܳܐ ܕܰܐܠܳܗܳܐ ܓܰܠܝܳܐ ܠܳܐ ܒܽܗ̄ܘ ܕܰܪܒܳܐ ܕܽܗ̄ܘ ܢܳܡܽܘܣܳܐ، ܘ݄ܟܣܳܗܕܺܝ ܐܰܥܠܰܗ ܗ̄ܽܘ ܢܳܡܽܘܣܳܐ ܘܰܗ̄ܢ ܢܒܺܝ̈ܶܐ. 22ܘܺܗ̄ܝ ܟܺܐܢܽܘܬ̥ܳܐ ܕܰܐܠܳܗܳܐ ܥܰܠ ܗ̄ܽܘ ܕܰܪܒܳܐ ܕܺܗ̄ܝ ܗܰܝܡܳܢܽܘܬ̥ܳܐ ܕܝܶܫܽܘܥ ܡܫܺܝܚܳܐ ܝܳܐ، ܠܟܘ̇ܠّܶܗ ܗ̄ܰܢ ܢܳܫ̈ܶܐ، ܠܟܽܘܠ ܚܰܕ̱ ܕ݄ܡܗܰܝܡ݄ܢ ܐܶܒܶܗ، ܕܠܳܐ ܦܽܘܪܫܳܢܳܐ (ܡܰܢ ܕܳܗ̄ܘܶܐ ܛܪܳܐ ܗܳܘܶܐ). 23ܥܰܠ ܕܟܽܘܠّܶܗ ܗ̄ܰܢ ܢܳܫ̈ܶܐ ܚܰܛ݄ܢ، ܘ݄ܚܪܺܝܡܺܝ ܡܽܗ̄ܘ ܫܽܘܒܚܳܐ ܕܰܐܠܳܗܳܐ. 24ܐܶܠܳܐ ܒܺܗ̄ܝ ܛܰܝܒܽܘܬ̥ܳܐ ܟܳܗ̄ܘ݄ܢ ܙܰܕ̈ܺܝܩܶܐ، ܡܰܓܳܢ (ܕܠܳܐ ܙܽܘܙ̈ܶܐ)، ܘܒܽܗ̄ܘ ܦܽܘܪܩܳܢܳܐ ܕܟ݄ܬ ܝܳܐ ܒܝܶܫܽܘܥ ܡܫܺܝܚܳܐ. 25ܗܰܢܳܐ ܝܳܐ ܕܰܐܠܳܗܳܐ ܡܥܰܝܰܢ ܠܶܗ ܡܽܗ̄ܘ ܪܺܝܫܳܐ ܕܳܗ̄ܘܶܐ ܚܽܘܣܳܝܳܐ ܒܽܗ̄ܘ ܐܰܕܡܰܝܕ̥ܶܗ ܠܟܽܘܠ ܚܰܕ̱ ܕ݄ܡܗܰܝܡ݄ܢ ܐܶܒܶܗ، ܠܰܫܰܢ (ܕܡܺܝܚܰܣ݄ܢ) ܗ̄ܰܚ̈ܛܳܗܰܝܕ̥ܰܢ ܕܣ݄ܡ ܠܰܢ ܡܶܢ̱ ܡܶܩ݄ܕ̱ܡ. 26ܒܽܗ̄ܘ ܦܽܘܪܣܳܐ ܕܗܽܒ̥ ܠܶܗ ܠܰܢ ܐܰܠܳܗܳܐ ܒܠܶܒܶܗ ܗ̄ܽܘ ܪܘܺܝܚܳܐ، ܒܽܗ̄ܘ ܬܶܘܪܺܝܟ̥ܳܐ ܕܡܰܘܪܰܟ̥ ܠܶܗ ܒܳܠܶܗ، ܕܡܰܚܘܶܐ ܗ̄ܺܝ ܟܺܐܢܽܘܬ̥ܰܝܕ̥ܶܗ ܒܽܗ̄ܘ ܙܰܒܢܰܢܳܐ، ܕܗܺܝّܶܗ ܗܳܘܶܐ ܗ̄ܽܘ ܟܺܐܢܳܐ، ܘܒܺܗ̄ܝ ܟܺܐܢܽܘܬ̥ܰܝܕ̥ܶܗ ܟܣܳܝ݄ܡ ܙܰܕܺܝܩܳܐ ܠܟܽܘܠ ܡܰܢ ܕ݄ܡܗܰܝܡ݄ܢ ܒܡܳܪܰܢ ܝܶܫܽܘܥ ܡܫܺܝܚܳܐ. 27ܗܰܢ ܢܰܩܠܐ ܐܰܝܟܳܐ ܝܳܐ ܗ̄ܽܘ ܫܽܘܒܗܳܪܳܐ؟ ܒܰܛ݄ܠ. ܒܰܐܝܢܰܐ ܢܳܡܽܘܣܳܐ؟ ܕܰܥܒܳܕ̥̈ܶܐ؟ ܠܳܐ. ܐܶܠܳܐ ܒܽܗ̄ܘ ܢܳܡܽܘܣܳܐ ܕܺܗ̄ܝ ܗܰܝܡܳܢܽܘܬ̥ܳܐ. 28ܗܰܢ ܢܰܩܠܐ ܟܡܰܫܪܺܝܢܰܐ: ܕܽܗ̄ܘ ܢܳܫܳܐ ܒܺܗ̄ܝ ܗܰܝܡܳܢܽܘܬ̥ܳܐ ܟܳܗ̄ܘܶܐ ܙܰܕܺܝܩܳܐ ܘܠܳܐ ܒܰܥܒܳܕ̥̈ܶܐ ܕܽܗ̄ܘ ܢܳܡܽܘܣܳܐ. 29ܩܰܝ ܐܰܠܳܗܳܐ ܕܰܝّܽܘܕ̥̈ܳܝܶܐ ܒܶܠܚܽܘܕ̥ܶܗ ܝܳܐ ܘܠܰܝ̱ܬ ܝܳܐ ܕܰܥّܰܡ̈ܶܐ؟ ܒ݄ܫܪܳܪܳܐ ܕܰܥّܰܡ̈ܶܐ ܝܳܐ ܣܬܶܝ. 30ܡܺܐܝܕ̥ܶܗ ܕܰܐܠܳܗܳܐ ܚܰܕ̱ ܝܳܐ ܕܟ݄ܡܙܰܕ݄ܩ ܗ̄ܺܝ ܓܙܽܘܪܬܳܐ ܒܺܗ̄ܝ ܗܰܝܡܳܢܽܘܬ̥ܳܐ، ܒܥܰܝܢ ܗ̄ܺܝ ܗܰܝܡܳܢܽܘܬ̥ܳܐ ܗ̄ܺܝ ܠܳܐ ܓܙܽܘܪܬܳܐ ܣܬܶܝ. 31ܗܰܢ ܢܰܩܠܐ ܩܰܝ ܟ݄ܡܒܰܛܠܺܝܢܰܐ ܗ̄ܽܘ ܢܳܡܽܘܣܳܐ ܒܺܗ̄ܝ ܗܰܝܡܳܢܽܘܬ̥ܳܐ؟ ܠܳܐ، ܚܳܣ! ܐܶܠܳܐ ܗ̄ܽܘ ܢܳܡܽܘܣܳܐ ܟܡܰܩܺܝܡܺܝܢܰܐ.
Currently Selected:
ܐܶܓܰܪܬ̥ܳܐ ܠܰܪّܽܘܡܳܝ̈ܶܐ 3: ܟܬܒܐ
Highlight
Share
Copy
Want to have your highlights saved across all your devices? Sign up or sign in
Suryoyo Bible © 2024 Aramaic Bible Translation
ܐܶܓܰܪܬ̥ܳܐ ܠܰܪّܽܘܡܳܝ̈ܶܐ 3
3
ܐܰܠܳܗܳܐ ܝܳܐ ܗ̄ܽܘ ܫܰܪܺܝܪܳܐ ܕܟܽܘܠّܶܗ
1ܗܰܢ ܢܰܩܠܐ ܡ݄ܢܝܳܐ ܗ̄ܽܘ ܙܳܝܽܘܕܳܐ ܒܽܗ̄ܘ ܝܽܘܕ̥ܳܝܳܐ؟ ܘܡ݄ܢܝܳܐ ܗ̄ܽܘ ܝܽܘܬ̥ܪܳܢܳܐ ܕܺܗ̄ܝ ܓܙܽܘܪܬܳܐ؟ 2ܓ̥ܰܠܰܒܶܐ ܝܳܐ ܒܟܽܘܠ ܡܶܕܶܐ. ܒܺܗ̄ܝ ܩܰܕ̱ܡܰܝܬܳܐ، ܥܰܠ (ܕܰܝّܽܘܕ̥̈ܳܝܶܐ) ܕܗܰܘ݄ܢ ܡܗܰܝܡܢ̈ܶܐ ܥܰܠ ܗ̄ܰܡّܰܐܡܪ̈ܶܐ ܕܰܐܠܳܗܳܐ. 3ܘܶܐܢ ܕܗ݄ܢ ܡ݄ܢّܶܗ ܠܳܐ ܡܗܰܝܡܰܢّܶܗ، ܩܰܝ ܕܥܰܠ ܕܠܳܐ ܡܗܰܝܡܰܢّܶܗ، ܗ̄ܺܝ ܗܰܝܡܳܢܽܘܬ̥ܳܐ ܕܰܐܠܳܗܳܐ ܡܒܰܛܰܠّܶܗ؟ 4ܠܳܐ، ܚܳܣ! ܡܺܐܝܕ̥ܶܗ ܕܰܐܠܳܗܳܐ ܫܰܪܺܝܪܳܐ ܝܳܐ، ܘܟܽܘܠ ܢܳܫܳܐ ܡܕܰܓܠܳܢܳܐ ܝܳܐ، ܐܟ̥ ܕ݄ܟܬ̥ܺܝܒ̥: ”ܓܕܳܗ̄ܘܰܬ ܟܺܐܢܳܐ ܒܰܡّܰܐܡܪ̈ܰܝܕ̥ܳܟ̥، ܘܙܰܟܳܝܳܐ ܗ̄ܺܝ ܢܰܩܠܐ ܕܕܰܝܢܺܝ ܠܳܟ̥.“
5ܘܶܐܢ ܗ̄ܺܝ ܚܛܺܝܬ̥ܰܝܕ̥ܰܢ ܟܡܰܩܺܝܡܳܐ ܗ̄ܺܝ ܟܺܐܢܽܘܬ̥ܳܐ ܕܰܐܠܳܗܳܐ، ܡ݄ܢ ܐ݄ܡّܺܪ̱ܝܢܰܐ: ܩܰܝ ܐܰܠܳܗܳܐ ܚܰܛܳܝܳܐ ܝܳܐ ܕܡܰܝܬܶܐ ܗ̄ܽܘ ܪܽܘܓ̥ܙܰܝܕ̥ܶܗ؟ ܐܟ̥ ܕܢܳܫܳܐ ܟܡ݄ܫܓ̥ܰܠ ܐ̱ܢܳܐ. 6ܠܳܐ، ܚܳܣ! ܘܶܐܢ ܠܳܐ، ܐܰܝܕܰܪܒܳܐ ܐܰܠܳܗܳܐ ܓܕܳܝ݄ܢ ܗ̄ܽܘ ܥܳܠܡܳܐ؟ 7ܘܶܐܢ ܗ̄ܽܘ ܫܪܳܪܳܐ ܕܰܐܠܳܗܳܐ ܒܺܗ̄ܝ ܕܽܘܓܠܰܝܕ̥ܺܝ ܙܰܝ݄ܕ ܗ̄ܽܘ ܫܽܘܒܚܰܝܕ̥ܶܗ، ܩܰܝ ܐܟ̥ ܕܚܰܛܳܝܳܐ ܟܳܡܺܝܕܰܢ ܐ̱ܢܳܐ؟ 8ܐܰܘ ܕܠ݄ܐ ܐܙّܶܗ ܐܟ̥ ܕܟ݄ܡܓܰܕܦܺܝ ܐܰܥܠܰܢ ܘܟ݄ܐܡّܺܪ̱ܝ ܕܰܐܚܢܰܐ ܟ݄ܐܡّܺܪ̱ܝܢܰܐ: ”ܟܣܰܝܡܺܝܢܰܐ ܒܺܝܫ̈ܳܬ̥ܳܐ ܠܰܫܰܢ ܕܳܐܬ̥݄ܢ ܛܳܒ̥̈ܳܬ̥ܳܐ؟“ ܗ̄ܽܘ ܕܺܝܢܳܐ ܕܗܰܢ݄ܟ ܢܛܺܝܪܳܐ ܝܳܐ ܠܺܗ̄ܝ ܟܺܐܢܽܘܬ̥ܳܐ.
ܠܰܝܬ ܟܺܐܢܳܐ ܘܠܳܐ ܚܰܕ̱
9ܗܰܢ ܢܰܩܠܐ ܐܰܚܢܰܐ ܡ݄ܢ ܙܳܝܽܘܕܳܐ ܟ݄ܬ ܠܰܢ؟ ܡܺܐܝܕ̥ܶܗ ܕܳܐܥܕܳܐ ܩܛ݄ܥ ܠܰܢ ܘܐܡ݄ܪ ܠܰܢ ܕܰܝّܽܘܕ̥̈ܳܝܶܐ ܘܰܗ̄ܢ ܐܰܪ̈ܡܳܝܶܐ ܕܬܰܚܬ ܗ̄ܺܝ ܚܛܺܝܬ̥ܳܐ ܢܶܝ ܟܽܘܠّܶܗ. 10ܐܟ̥ ܕ݄ܟܬ̥ܺܝܒ̥: ”ܠܰܝܬ ܟܺܐܢܳܐ، ܘܠܳܐ ܚܰܕ̱، 11ܘܠܳܐ ܕ݄ܟܦܳܗ݄ܡ، ܘܠܳܐ ܕܟܳܐܒ݄ܥ ܠܰܐܠܳܗܳܐ. 12ܟܽܘܠّܶܗ ܢܰܦܺܝܩܺܝ ܡܽܗ̄ܘ ܕܰܪܒܳܐ ܥܰܡ ܚܕܳܕ̈ܶܐ ܘܚܰܪܺܝܒ̥ܺܝ، ܘܠܰܝܬ ܢܳܫܳܐ ܕܣܳܝ݄ܡ ܛܰܒ̥ܬܳܐ ܘܠܳܐ ܚܰܕ̱. 13ܗ̄ܰܓّܰܓܪ̈ܳܬ̥ܰܬّ̥ܶܗ (ܙܰܢܓܰܠܠܳܪ̈ܶܐ) ܩܰܒ̥ܪ̈ܶܐ ܦܬܺܝܚ̈ܶܐ ܢܶܝ، ܘܠܶܫܳܢ̈ܰܝّܶܗ ܡܰܠܝ̈ܶܐ ܢܟ̥ܺܝܠܽܘܬ̥ܳܐ، ܘܣܰܡܳܐ ܕܺܗ̄ܝ ܟܽܘܪܦܳܐ ܬܰܚܬܶܗ ܣܰܦ̊̈ܘܳܬ̥ܰܝّܶܗ. 14ܦܶܡܰܝّܶܗ ܡܰܠܝܳܐ ܚܰܪܡܳܐ ܘܡܰܪ̱ܺܝܪܽܘܬ̥ܳܐ، 15ܘܪ̈ܰܓ̥ܠܳܬ̥ܰܝّܶܗ ܡܰܠܺܝ̈ܙܶܐ ܢܶܝ ܠܽܗ̄ܘ ܒܝܳܙܳܐ ܕܽܗ̄ܘ ܐܰܕܡܳܐ. 16ܟܰܪܝܽܘܬ̥ܳܐ ܘܥܺܝܩܽܘܬ̥ܳܐ ܝܳܐ ܒܕܰܪ̈ܒܳܢܰܬّ̥ܶܗ، 17ܘܽܗ̄ܘ ܕܰܪܒܳܐ ܕܽܗ̄ܘ ܫܠܳܡܳܐ ܠܰܐ ܐܕ̥ܺܝܥܺܝ، 18ܘܩ݄ܕ̱ܡ ܥܰܝܢ̈ܳܬ̥ܰܝّܶܗ ܠܰܝܬ ܙܽܘܥܬ̥ܳܐ ܡܰܢ̱ ܐܠܳܗܳܐ.“ 19ܘܟ݄ܐܕ̥ܥܺܝܢܰܐ ܕܽܗ̄ܘ ܡܶܕܶܐ ܕܐܡ݄ܪ ܠܶܗ ܗ̄ܽܘ ܢܳܡܽܘܣܳܐ، ܐܡ݄ܪ ܠܶܗ ܠܰܐܝܢܰܐ ܕܟ݄ܬܢܶܝ ܒܽܗ̄ܘ ܢܳܡܽܘܣܳܐ: ܟܽܘܠ ܦܶܡܳܐ ܓܡ݄ܣܟ̥݄ܪ، ܘܽܗ̄ܘ ܥܳܠܡܳܐ ܟܽܘܠܶܗ ܓܢܳܦ݄ܠ ܬܰܚܬ ܗ̄ܽܘ ܕܺܝܢܳܐ ܕܰܐܠܳܗܳܐ. 20ܥܰܠ ܕܽܗ̄ܘ ܥܒ̥ܳܕ̥ܳܐ ܒܽܗ̄ܘ ܢܳܡܽܘܣܳܐ ܠ݄ܐ ܟܣܳܝ݄ܡ ܢܳܫܳܐ ܙܰܕܺܝܩܳܐ ܩܽܘܕ̱ܡܶܗ (ܕܰܐܠܳܗܳܐ)، ܡܺܐܝܕ̥ܶܗ ܕܡܽܗ̄ܘ ܢܳܡܽܘܣܳܐ ܝܕ̥ܺܝܥܳܐ ܗ̄ܺܝ ܚܛܺܝܬ̥ܳܐ.
ܒܺܗ̄ܝ ܗܰܝܡܳܢܽܘܬ̥ܳܐ ܟܡܺܝܙܰܕ݄ܩ ܗ̄ܽܘ ܢܳܫܳܐ
21ܘܳܐܥܕܳܐ ܗ̄ܺܝ ܟܺܐܢܽܘܬ̥ܳܐ ܕܰܐܠܳܗܳܐ ܓܰܠܝܳܐ ܠܳܐ ܒܽܗ̄ܘ ܕܰܪܒܳܐ ܕܽܗ̄ܘ ܢܳܡܽܘܣܳܐ، ܘ݄ܟܣܳܗܕܺܝ ܐܰܥܠܰܗ ܗ̄ܽܘ ܢܳܡܽܘܣܳܐ ܘܰܗ̄ܢ ܢܒܺܝ̈ܶܐ. 22ܘܺܗ̄ܝ ܟܺܐܢܽܘܬ̥ܳܐ ܕܰܐܠܳܗܳܐ ܥܰܠ ܗ̄ܽܘ ܕܰܪܒܳܐ ܕܺܗ̄ܝ ܗܰܝܡܳܢܽܘܬ̥ܳܐ ܕܝܶܫܽܘܥ ܡܫܺܝܚܳܐ ܝܳܐ، ܠܟܘ̇ܠّܶܗ ܗ̄ܰܢ ܢܳܫ̈ܶܐ، ܠܟܽܘܠ ܚܰܕ̱ ܕ݄ܡܗܰܝܡ݄ܢ ܐܶܒܶܗ، ܕܠܳܐ ܦܽܘܪܫܳܢܳܐ (ܡܰܢ ܕܳܗ̄ܘܶܐ ܛܪܳܐ ܗܳܘܶܐ). 23ܥܰܠ ܕܟܽܘܠّܶܗ ܗ̄ܰܢ ܢܳܫ̈ܶܐ ܚܰܛ݄ܢ، ܘ݄ܚܪܺܝܡܺܝ ܡܽܗ̄ܘ ܫܽܘܒܚܳܐ ܕܰܐܠܳܗܳܐ. 24ܐܶܠܳܐ ܒܺܗ̄ܝ ܛܰܝܒܽܘܬ̥ܳܐ ܟܳܗ̄ܘ݄ܢ ܙܰܕ̈ܺܝܩܶܐ، ܡܰܓܳܢ (ܕܠܳܐ ܙܽܘܙ̈ܶܐ)، ܘܒܽܗ̄ܘ ܦܽܘܪܩܳܢܳܐ ܕܟ݄ܬ ܝܳܐ ܒܝܶܫܽܘܥ ܡܫܺܝܚܳܐ. 25ܗܰܢܳܐ ܝܳܐ ܕܰܐܠܳܗܳܐ ܡܥܰܝܰܢ ܠܶܗ ܡܽܗ̄ܘ ܪܺܝܫܳܐ ܕܳܗ̄ܘܶܐ ܚܽܘܣܳܝܳܐ ܒܽܗ̄ܘ ܐܰܕܡܰܝܕ̥ܶܗ ܠܟܽܘܠ ܚܰܕ̱ ܕ݄ܡܗܰܝܡ݄ܢ ܐܶܒܶܗ، ܠܰܫܰܢ (ܕܡܺܝܚܰܣ݄ܢ) ܗ̄ܰܚ̈ܛܳܗܰܝܕ̥ܰܢ ܕܣ݄ܡ ܠܰܢ ܡܶܢ̱ ܡܶܩ݄ܕ̱ܡ. 26ܒܽܗ̄ܘ ܦܽܘܪܣܳܐ ܕܗܽܒ̥ ܠܶܗ ܠܰܢ ܐܰܠܳܗܳܐ ܒܠܶܒܶܗ ܗ̄ܽܘ ܪܘܺܝܚܳܐ، ܒܽܗ̄ܘ ܬܶܘܪܺܝܟ̥ܳܐ ܕܡܰܘܪܰܟ̥ ܠܶܗ ܒܳܠܶܗ، ܕܡܰܚܘܶܐ ܗ̄ܺܝ ܟܺܐܢܽܘܬ̥ܰܝܕ̥ܶܗ ܒܽܗ̄ܘ ܙܰܒܢܰܢܳܐ، ܕܗܺܝّܶܗ ܗܳܘܶܐ ܗ̄ܽܘ ܟܺܐܢܳܐ، ܘܒܺܗ̄ܝ ܟܺܐܢܽܘܬ̥ܰܝܕ̥ܶܗ ܟܣܳܝ݄ܡ ܙܰܕܺܝܩܳܐ ܠܟܽܘܠ ܡܰܢ ܕ݄ܡܗܰܝܡ݄ܢ ܒܡܳܪܰܢ ܝܶܫܽܘܥ ܡܫܺܝܚܳܐ. 27ܗܰܢ ܢܰܩܠܐ ܐܰܝܟܳܐ ܝܳܐ ܗ̄ܽܘ ܫܽܘܒܗܳܪܳܐ؟ ܒܰܛ݄ܠ. ܒܰܐܝܢܰܐ ܢܳܡܽܘܣܳܐ؟ ܕܰܥܒܳܕ̥̈ܶܐ؟ ܠܳܐ. ܐܶܠܳܐ ܒܽܗ̄ܘ ܢܳܡܽܘܣܳܐ ܕܺܗ̄ܝ ܗܰܝܡܳܢܽܘܬ̥ܳܐ. 28ܗܰܢ ܢܰܩܠܐ ܟܡܰܫܪܺܝܢܰܐ: ܕܽܗ̄ܘ ܢܳܫܳܐ ܒܺܗ̄ܝ ܗܰܝܡܳܢܽܘܬ̥ܳܐ ܟܳܗ̄ܘܶܐ ܙܰܕܺܝܩܳܐ ܘܠܳܐ ܒܰܥܒܳܕ̥̈ܶܐ ܕܽܗ̄ܘ ܢܳܡܽܘܣܳܐ. 29ܩܰܝ ܐܰܠܳܗܳܐ ܕܰܝّܽܘܕ̥̈ܳܝܶܐ ܒܶܠܚܽܘܕ̥ܶܗ ܝܳܐ ܘܠܰܝ̱ܬ ܝܳܐ ܕܰܥّܰܡ̈ܶܐ؟ ܒ݄ܫܪܳܪܳܐ ܕܰܥّܰܡ̈ܶܐ ܝܳܐ ܣܬܶܝ. 30ܡܺܐܝܕ̥ܶܗ ܕܰܐܠܳܗܳܐ ܚܰܕ̱ ܝܳܐ ܕܟ݄ܡܙܰܕ݄ܩ ܗ̄ܺܝ ܓܙܽܘܪܬܳܐ ܒܺܗ̄ܝ ܗܰܝܡܳܢܽܘܬ̥ܳܐ، ܒܥܰܝܢ ܗ̄ܺܝ ܗܰܝܡܳܢܽܘܬ̥ܳܐ ܗ̄ܺܝ ܠܳܐ ܓܙܽܘܪܬܳܐ ܣܬܶܝ. 31ܗܰܢ ܢܰܩܠܐ ܩܰܝ ܟ݄ܡܒܰܛܠܺܝܢܰܐ ܗ̄ܽܘ ܢܳܡܽܘܣܳܐ ܒܺܗ̄ܝ ܗܰܝܡܳܢܽܘܬ̥ܳܐ؟ ܠܳܐ، ܚܳܣ! ܐܶܠܳܐ ܗ̄ܽܘ ܢܳܡܽܘܣܳܐ ܟܡܰܩܺܝܡܺܝܢܰܐ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Suryoyo Bible © 2024 Aramaic Bible Translation