ܐܶܓܰܪܬ̥ܳܐ ܠܰܪّܽܘܡܳܝ̈ܶܐ 14
14
ܠܳܐ ܕܰܝܢܰܬ ܐܰܚܽܘܢܳܟ̥
1ܠܰܐܝܢܰܐ ܕܟ݄ܬ ܝܳܐ ܪܰܦܝܳܐ ܒܺܗ̄ܝ ܗܰܝܡܳܢܽܘܬ̥ܳܐ ܗܰܒ̥ܽܘ ܠܶܗ ܐܺܝܕ̥ܳܐ (ܘ݄ܡܥܰܕܶܪܽܘ ܠܶܗ). ܘܠܳܐ ܗ̄ܘܺܝܬܽܘ ܦܠܺܝܓ̥̈ܶܐ ܥܰܠ ܚܕ̥ܳܕ̥̈ܶܐ ܒܰܪّܶܢܝ̈ܰܬ̥ܟ̥ܽܘ: 2ܡܺܐܝܕ̥ܶܗ ܕܟܺܝܬ ܕܟ݄ܡܗܰܝܡ݄ܢ ܕܟܽܘܠ ܡܶܕܶܐ (ܟܳܗ̄ܘܶܐ) ܕܳܐܟ̥݄ܠ، ܘ݄ܕܟ݄ܬ ܝܳܐ ܪܰܦܝܳܐ ܝܰܪܽܘܩܽܘܬ̥ܳܐ ܟܳܐܟ̥݄ܠ. 3ܐܶܠܳܐ ܗܰܘܳܐ ܕܟܳܐܟ̥݄ܠ ܛܪܳܐ ܠܳܐ ܡܚܰܩ݄ܪ ܠܰܗ̄ܘܳܐ ܕܠ݄ܐ ܟܳܐܟ̥݄ܠ. ܘܗܰܘܳܐ ܕܠ݄ܐ ܟܳܐܟ̥݄ܠ ܛܪܳܐ ܠܳܐ ܕܳܝ݄ܢ ܠܰܗ̄ܘܳܐ ܕܟܳܐܟ̥݄ܠ، ܥܰܠ ܕܟ݄ܬ ܝܳܐ ܡܰܩܒܠܳܐ ܡܰܢ̱ ܐܠܳܗܳܐ. 4ܗܰܬ ܡܰܢ ܗܰܬ ܕܕܰܝܢܰܬ ܠܽܗ̄ܘ ܓܪܶܝܥܳܐ ܕܠܰܝ̱ܬ ܝܳܐ ܕܺܝܕ̥ܳܟ̥؟ ܕܩܳܝ݄ܡ ܠܽܗ̄ܘ ܡܳܪܰܝܕ̥ܶܗ ܟܩܳܝ݄ܡ، ܘ݄ܕܢܳܦ݄ܠ ܠܽܗ̄ܘ ܡܳܪܰܝܕ̥ܶܗ ܟܢܳܦ݄ܠ. ܘܒ݄ܫܪܳܪܳܐ ܩܝܳܡܳܐ ܓ݄ܕܩܳܝ݄ܡ ܥܰܠ ܕ݄ܟܡܳܛܝܳܐ ܒܺܐܝܕ̥ܶܗ ܕܽܗ̄ܘ ܡܳܪܰܝܕ̥ܶܗ ܕܡܰܩ݄ܡ ܠܶܗ. 5ܟܺܝܬ ܢܳܫܳܐ ܕܟ݄ܡܝܰܩ݄ܪ ܝܰܘܡܳܐ ܙ݄ܕ ܡܶܢ̱ ܝܰܘܡܳܐ. ܘܟܺܝܬ ܕܟ݄ܡܝܰܩ݄ܪ ܗ̄ܰܝّܰܘܡ̈ܶܐ ܟܽܘܠّܶܗ. ܘܟܽܘܠ ܚܰܕ̱ ܒܗܰܘܢܶܗ ܛܪܳܐ ܚܳܙܶܐ ܗ̄ܽܘ ܫܪܳܪܳܐ. 6ܘܡܰܢ ܕ݄ܡܝܰܩ݄ܪ ܝܰܘܡܳܐ ܙ݄ܕ ܡܶܢ̱ ܝܰܘܡܳܐ، ܠܰܫܰܢ ܗ̄ܽܘ ܡܳܪܰܝܕ̥ܶܗ ܟ݄ܡܝܰܩ݄ܪ. ܘܟܽܘܠ ܕܠܳܐ ܡܝܰܩ݄ܪ ܝܰܘܡܳܐ ܙ݄ܕ ܡܶܢ̱ ܝܰܘܡܳܐ، ܠܰܫܰܢ ܗ̄ܽܘ ܡܳܪܰܝܕ̥ܶܗ ܠ݄ܐ ܟ݄ܡܝܰܩ݄ܪ. ܘ݄ܕܟܳܐܟ̥݄ܠ ܠܰܫܰܢ ܗ̄ܽܘ ܡܳܪܰܝܕ̥ܶܗ ܟܳܐܟ̥݄ܠ ܘ݄ܟܡܰܘܕܶܐ ܠܰܐܠܳܗܳܐ. ܘ݄ܕܠ݄ܐ ܟܳܐܟ̥݄ܠ، ܠܰܫܰܢ ܗ̄ܽܘ ܡܳܪܰܝܕ̥ܶܗ ܠ݄ܐ ܟܳܐܟ̥݄ܠ ܘ݄ܟܡܰܘܕܶܐ ܠܰܐܠܳܗܳܐ. 7ܡܺܐܝܕ̥ܶܗ ܕܠܰܝܬ ܢܳܫܳܐ ܡܶܢܰܢ ܕܚܳܝܶܐ ܠܢܰܦܫܶܗ، ܘܠܰܝܬ ܕܡܳܝ݄ܬ̥ ܠܢܰܦܫܶܗ. 8ܐܶܢ ܕܚܳܝܺܝܢܰܐ ܠܡܳܪܰܢ ܟܚܳܝܺܝܢܰܐ، ܘܶܐܢ ܕܡܰܝܬ̥ܺܝܢܰܐ ܠܡܳܪܰܢ ܟܡܰܝܬ̥ܺܝܢܰܐ. ܗܰܢ ܢܰܩܠܐ ܐܶܢ ܚܰܝ̈ܶܐ ܢܰܐ ܐܰܘ ܡܺܝ̈ܬ̥ܶܐ ܢܰܐ ܠܡܳܪܰܢ ܐܰܚܢܰܐ. 9ܠܰܫܰܢ ܗܰܬ̥ܶܐ ܡܫܺܝܚܳܐ ܣܬܶܝ ܡܰܝ݄ܬ̥ ܘܚܰܝܺܝ، ܘܩܰܝ݄ܡ ܕܳܗ̄ܘܶܐ ܡܳܪܝܳܐ ܠܰܚّܰܝ̈ܶܐ ܘܠܰܡّܺܝ̈ܬ̥ܶܐ. 10ܘܗܰܬ ܡ݄ܢܝܳܐ ܕ݄ܟܕܰܝܢܰܬ ܠܰܐܚܽܘܢܳܟ̥؟ ܐܰܘ ܩܰܝ ܟ݄ܡܚܰܩܪܰܬ ܠܰܐܚܽܘܢܳܟ̥؟ ܡܺܐܝܕ̥ܶܗ ܕܟܽܘܠܰܢ ܓ݄ܕܩܰܝܡܺܝܢܰܐ ܒܽܗ̄ܘ ܕܺܝܢܳܐ ܩܽܘܕ̱ܡܶܗ ܕܽܗ̄ܘ ܟܽܘܪܣܝܳܐ ܕ݄ܡܫܺܝܚܳܐ. 11ܐܟ̥ ܕ݄ܟܬ̥ܺܝܒ̥: ”ܚܰܝܳܐ ܐ̱ܢܳܐ، ܟܳܐܡ݄ܪ ܡܳܪܝܳܐ، ܐܶܠܺܝ ܓܟܰܝܦܳܐ ܟܽܘܠ ܒܰܪܟܳܐ، ܘܶܐܠܺܝ ܓܡܰܘܕܶܐ ܟܽܘܠ ܠܶܫܳܢܳܐ.“
12ܗܰܢ ܢܰܩܠܐ ܟܽܘܠ ܚܰܕ̱ ܡܶܢܰܢ ܡܶܢ̱ ܚܠܳܦ ܪܽܘܚܶܗ ܓܕܳܗ̄ܒܶܐ ܚܫܳܒ̥ܳܐ ܠܰܐܠܳܗܳܐ. 13ܗ̄ܺܝ ܢܰܩܠܝܳܐ ܠܳܐ ܕܰܝܢܺܝܢܰܐ ܠ݄ܚܕ̥ܳܕ̥̈ܶܐ. ܐܶܠܳܐ ܗܰܬ̥ܶܐ ܒܽܗ̄ܘ ܙܳܝܽܘܕܳܐ ܕܽܘܢܽܘ: ܠܳܐ ܡܰܚܬܰܬ ܛܶܪܒܰܠܬܳܐ ܠܰܐܚܽܘܢܳܟ̥. 14ܡܺܐܝܕ̥ܶܗ ܕܟܳܐܕ̥ܰܥ ܐ̱ܢܳܐ ܘܡܰܫ݄ܪ ܐ̱ܢܳܐ ܒܡܳܪܝܳܐ ܝܶܫܽܘܥ، ܕܡܶܕܶܐ ܡܥܰܝܢܳܐ ܕܟ݄ܬ ܝܳܐ ܡܚܰܪܡܳܐ ܠܰܝܬ. ܐܶܠܳܐ ܐܰܝܢܰܐ ܕ݄ܟܚܳܫܽܒ̥ ܡܶܕܶܐ ܡܚܰܪܡܳܐ، ܠܰܗ̄ܢܳܐ ܒܶܠܚܽܘܕ̥ܶܗ ܡܚܰܪܡܳܐ ܝܳܐ. 15ܘܶܐܢ ܠܰܫܰܢ ܗ̄ܽܘ ܡܽܐܘܟܠܳܐ ܟܡܰܥܺܝܩܰܬ ܠܰܐܚܽܘܢܳܟ̥، ܠܳܐ ܒܺܗ̄ܝ ܚܽܘܒܳܐ ܟ݄ܡܗܰܠܟ̥݄ܬ. ܠܰܫܰܢ ܗ̄ܽܘ ܡܽܐܘܟܠܰܝܕ̥ܳܟ̥ ܠܳܐ ܡܣܰܟܪܰܬ ܐܰܚܽܘܢܳܟ̥، ܕܠܰܫܰܢܶܗ ܡܰܝ݄ܬ̥ ܡܫܺܝܚܳܐ. 16ܘ݄ܛܪܳܐ ܠܳܐ ܐܬ̥ܶܐ ܡܰܐܡܪܳܐ ܒܺܝܫܳܐ ܥܰܠ ܗ̄ܺܝ ܛܳܒ̥ܽܘܬ̥ܰܝܕ̥ܰܢ. 17ܥܰܠ ܕܺܗ̄ܝ ܡܰܠܟܽܘܬ̥ܳܐ ܕܰܐܠܳܗܳܐ ܠܰܝ̱ܬ ܝܳܐ ܡܽܐܘܟܠܳܐ ܘܡܰܫ݄ܬܝܳܐ، ܐܶܠܳܐ ܟܺܐܢܽܘܬ̥ܳܐ ܘ݄ܫܠܳܡܳܐ ܘ݄ܦܨܺܝܚܽܘܬ̥ܳܐ ܒܪܽܘܚܳܐ ܕܩܽܘܕܫܳܐ. 18ܡܰܢ ܕ݄ܡܫܰܡ݄ܫ ܠ݄ܡܫܺܝܚܳܐ ܒܽܗ̄ܘ ܕܰܪܒܰܢܳܐ، ܟܡܰܦܨ݄ܚ ܠܰܐܠܳܗܳܐ، ܘܟܳܗ̄ܘܶܐ ܡܝܰܩܪܳܐ ܡܰܗ̄ܢ ܢܳܫ̈ܶܐ. 19ܘܳܐܥܕܳܐ ܛܪܳܐ ܒܽܗ̄ܘ ܕܰܪܒܳܐ ܕܽܗ̄ܘ ܫܠܳܡܳܐ ܪ݄ܗܛܺܝܢܰܐ، ܘܠܽܗ̄ܘ ܒܶܢܝܳܢܳܐ ܕ݄ܚܕ̥ܳܕ̥̈ܶܐ ܣܰܝܡܺܝܢܰܐ. 20ܘܠܳܐ ܠܰܫܰܢ ܗ̄ܽܘ ܡܽܐܘܟܠܳܐ ܡܰܚܪܒ̥ܺܝܢܰܐ ܗ̄ܰܥܒܳܕ̥̈ܶܐ ܕܰܐܠܳܗܳܐ. ܟܽܘܠ ܡܽܐܘܟܠܳܐ ܕܰܟ̥ܝܳܐ (ܛܳܒ̥ܳܐ) ܝܳܐ، ܐܶܠܳܐ ܒܺܝܫܳܐ ܝܳܐ ܕܢܳܫܳܐ ܐܳܟ̥ܶܠ ܠܶܗ ܒܛܶܪܒܰܠܬܳܐ. 21ܫܰܦܺܝܪܳܐ ܝܳܐ ܕܠ݄ܐ ܐܟ̥ܠܺܝܢܰܐ ܒܰܣܪܳܐ ܘܠܳܐ ܫܳܬܺܝܢܰܐ ܚܰܡܪܳܐ، ܘܠܳܐ ܡܶܕܶܐ ܕܡܺܝܛܰܪܒ݄ܠ ܐܶܒܶܗ ܐܰܚܽܘܢܰܝܕ̥ܰܢ. 22ܘܗܰܬ، ܗ̄ܺܝ ܗܰܝܡܳܢܽܘܬ̥ܰܝܕ̥ܳܟ̥ (ܠܰܫܰܢ ܗ̄ܽܘ ܡܽܐܘܟܠܳܐ) ܛܪܰܝܰܗ ܒܰܝܢܳܟ̥ ܘܒܰܝܢ ܐܰܠܳܗܳܐ. ܘܛܽܘܒܳܐ ܠܰܗ̄ܘܳܐ ܕܠܳܐ ܣ݄ܡ ܠܶܗ ܕܺܝܢܳܐ ܥܰܠ ܪܽܘܚܶܗ ܒܽܗ̄ܘ ܡܶܕܶܐ ܕ݄ܦܪ݄ܫ ܠܶܗ (ܡܰܢ̱ ܡّ݄ܐܟܠܳܢ̈ܶܐ). 23ܡܺܐܝܕ̥ܶܗ ܕܐܰܝܢܰܐ ܕܳܐܟ̥݄ܠ ܡܶܕܶܐ ܘܚܳܫܰܒ̥ ܠܶܗ ܚܛܺܝܬ̥ܳܐ، ܚܛܺܝܬ̥ܳܐ ܗܰܘܺܝ ܐܰܥܠܶܗ، ܥܰܠ ܕܠܳܐ ܒܗܰܝܡܳܢܽܘܬ̥ܳܐ (ܐܰܟ̥ܺܝܠ ܠܶܗ): ܡܺܐܝܕ̥ܶܗ ܕܟܽܘܠ ܡܶܕܶܐ ܕܠܳܐ ܗ̄ܘܶܐ ܡܺܗ̄ܝ ܗܰܝܡܳܢܽܘܬ̥ܳܐ ܚܛܺܝܬ̥ܳܐ ܝܳܐ.
Currently Selected:
ܐܶܓܰܪܬ̥ܳܐ ܠܰܪّܽܘܡܳܝ̈ܶܐ 14: ܟܬܒܐ
Highlight
Share
Copy
Want to have your highlights saved across all your devices? Sign up or sign in
Suryoyo Bible © 2024 Aramaic Bible Translation
ܐܶܓܰܪܬ̥ܳܐ ܠܰܪّܽܘܡܳܝ̈ܶܐ 14
14
ܠܳܐ ܕܰܝܢܰܬ ܐܰܚܽܘܢܳܟ̥
1ܠܰܐܝܢܰܐ ܕܟ݄ܬ ܝܳܐ ܪܰܦܝܳܐ ܒܺܗ̄ܝ ܗܰܝܡܳܢܽܘܬ̥ܳܐ ܗܰܒ̥ܽܘ ܠܶܗ ܐܺܝܕ̥ܳܐ (ܘ݄ܡܥܰܕܶܪܽܘ ܠܶܗ). ܘܠܳܐ ܗ̄ܘܺܝܬܽܘ ܦܠܺܝܓ̥̈ܶܐ ܥܰܠ ܚܕ̥ܳܕ̥̈ܶܐ ܒܰܪّܶܢܝ̈ܰܬ̥ܟ̥ܽܘ: 2ܡܺܐܝܕ̥ܶܗ ܕܟܺܝܬ ܕܟ݄ܡܗܰܝܡ݄ܢ ܕܟܽܘܠ ܡܶܕܶܐ (ܟܳܗ̄ܘܶܐ) ܕܳܐܟ̥݄ܠ، ܘ݄ܕܟ݄ܬ ܝܳܐ ܪܰܦܝܳܐ ܝܰܪܽܘܩܽܘܬ̥ܳܐ ܟܳܐܟ̥݄ܠ. 3ܐܶܠܳܐ ܗܰܘܳܐ ܕܟܳܐܟ̥݄ܠ ܛܪܳܐ ܠܳܐ ܡܚܰܩ݄ܪ ܠܰܗ̄ܘܳܐ ܕܠ݄ܐ ܟܳܐܟ̥݄ܠ. ܘܗܰܘܳܐ ܕܠ݄ܐ ܟܳܐܟ̥݄ܠ ܛܪܳܐ ܠܳܐ ܕܳܝ݄ܢ ܠܰܗ̄ܘܳܐ ܕܟܳܐܟ̥݄ܠ، ܥܰܠ ܕܟ݄ܬ ܝܳܐ ܡܰܩܒܠܳܐ ܡܰܢ̱ ܐܠܳܗܳܐ. 4ܗܰܬ ܡܰܢ ܗܰܬ ܕܕܰܝܢܰܬ ܠܽܗ̄ܘ ܓܪܶܝܥܳܐ ܕܠܰܝ̱ܬ ܝܳܐ ܕܺܝܕ̥ܳܟ̥؟ ܕܩܳܝ݄ܡ ܠܽܗ̄ܘ ܡܳܪܰܝܕ̥ܶܗ ܟܩܳܝ݄ܡ، ܘ݄ܕܢܳܦ݄ܠ ܠܽܗ̄ܘ ܡܳܪܰܝܕ̥ܶܗ ܟܢܳܦ݄ܠ. ܘܒ݄ܫܪܳܪܳܐ ܩܝܳܡܳܐ ܓ݄ܕܩܳܝ݄ܡ ܥܰܠ ܕ݄ܟܡܳܛܝܳܐ ܒܺܐܝܕ̥ܶܗ ܕܽܗ̄ܘ ܡܳܪܰܝܕ̥ܶܗ ܕܡܰܩ݄ܡ ܠܶܗ. 5ܟܺܝܬ ܢܳܫܳܐ ܕܟ݄ܡܝܰܩ݄ܪ ܝܰܘܡܳܐ ܙ݄ܕ ܡܶܢ̱ ܝܰܘܡܳܐ. ܘܟܺܝܬ ܕܟ݄ܡܝܰܩ݄ܪ ܗ̄ܰܝّܰܘܡ̈ܶܐ ܟܽܘܠّܶܗ. ܘܟܽܘܠ ܚܰܕ̱ ܒܗܰܘܢܶܗ ܛܪܳܐ ܚܳܙܶܐ ܗ̄ܽܘ ܫܪܳܪܳܐ. 6ܘܡܰܢ ܕ݄ܡܝܰܩ݄ܪ ܝܰܘܡܳܐ ܙ݄ܕ ܡܶܢ̱ ܝܰܘܡܳܐ، ܠܰܫܰܢ ܗ̄ܽܘ ܡܳܪܰܝܕ̥ܶܗ ܟ݄ܡܝܰܩ݄ܪ. ܘܟܽܘܠ ܕܠܳܐ ܡܝܰܩ݄ܪ ܝܰܘܡܳܐ ܙ݄ܕ ܡܶܢ̱ ܝܰܘܡܳܐ، ܠܰܫܰܢ ܗ̄ܽܘ ܡܳܪܰܝܕ̥ܶܗ ܠ݄ܐ ܟ݄ܡܝܰܩ݄ܪ. ܘ݄ܕܟܳܐܟ̥݄ܠ ܠܰܫܰܢ ܗ̄ܽܘ ܡܳܪܰܝܕ̥ܶܗ ܟܳܐܟ̥݄ܠ ܘ݄ܟܡܰܘܕܶܐ ܠܰܐܠܳܗܳܐ. ܘ݄ܕܠ݄ܐ ܟܳܐܟ̥݄ܠ، ܠܰܫܰܢ ܗ̄ܽܘ ܡܳܪܰܝܕ̥ܶܗ ܠ݄ܐ ܟܳܐܟ̥݄ܠ ܘ݄ܟܡܰܘܕܶܐ ܠܰܐܠܳܗܳܐ. 7ܡܺܐܝܕ̥ܶܗ ܕܠܰܝܬ ܢܳܫܳܐ ܡܶܢܰܢ ܕܚܳܝܶܐ ܠܢܰܦܫܶܗ، ܘܠܰܝܬ ܕܡܳܝ݄ܬ̥ ܠܢܰܦܫܶܗ. 8ܐܶܢ ܕܚܳܝܺܝܢܰܐ ܠܡܳܪܰܢ ܟܚܳܝܺܝܢܰܐ، ܘܶܐܢ ܕܡܰܝܬ̥ܺܝܢܰܐ ܠܡܳܪܰܢ ܟܡܰܝܬ̥ܺܝܢܰܐ. ܗܰܢ ܢܰܩܠܐ ܐܶܢ ܚܰܝ̈ܶܐ ܢܰܐ ܐܰܘ ܡܺܝ̈ܬ̥ܶܐ ܢܰܐ ܠܡܳܪܰܢ ܐܰܚܢܰܐ. 9ܠܰܫܰܢ ܗܰܬ̥ܶܐ ܡܫܺܝܚܳܐ ܣܬܶܝ ܡܰܝ݄ܬ̥ ܘܚܰܝܺܝ، ܘܩܰܝ݄ܡ ܕܳܗ̄ܘܶܐ ܡܳܪܝܳܐ ܠܰܚّܰܝ̈ܶܐ ܘܠܰܡّܺܝ̈ܬ̥ܶܐ. 10ܘܗܰܬ ܡ݄ܢܝܳܐ ܕ݄ܟܕܰܝܢܰܬ ܠܰܐܚܽܘܢܳܟ̥؟ ܐܰܘ ܩܰܝ ܟ݄ܡܚܰܩܪܰܬ ܠܰܐܚܽܘܢܳܟ̥؟ ܡܺܐܝܕ̥ܶܗ ܕܟܽܘܠܰܢ ܓ݄ܕܩܰܝܡܺܝܢܰܐ ܒܽܗ̄ܘ ܕܺܝܢܳܐ ܩܽܘܕ̱ܡܶܗ ܕܽܗ̄ܘ ܟܽܘܪܣܝܳܐ ܕ݄ܡܫܺܝܚܳܐ. 11ܐܟ̥ ܕ݄ܟܬ̥ܺܝܒ̥: ”ܚܰܝܳܐ ܐ̱ܢܳܐ، ܟܳܐܡ݄ܪ ܡܳܪܝܳܐ، ܐܶܠܺܝ ܓܟܰܝܦܳܐ ܟܽܘܠ ܒܰܪܟܳܐ، ܘܶܐܠܺܝ ܓܡܰܘܕܶܐ ܟܽܘܠ ܠܶܫܳܢܳܐ.“
12ܗܰܢ ܢܰܩܠܐ ܟܽܘܠ ܚܰܕ̱ ܡܶܢܰܢ ܡܶܢ̱ ܚܠܳܦ ܪܽܘܚܶܗ ܓܕܳܗ̄ܒܶܐ ܚܫܳܒ̥ܳܐ ܠܰܐܠܳܗܳܐ. 13ܗ̄ܺܝ ܢܰܩܠܝܳܐ ܠܳܐ ܕܰܝܢܺܝܢܰܐ ܠ݄ܚܕ̥ܳܕ̥̈ܶܐ. ܐܶܠܳܐ ܗܰܬ̥ܶܐ ܒܽܗ̄ܘ ܙܳܝܽܘܕܳܐ ܕܽܘܢܽܘ: ܠܳܐ ܡܰܚܬܰܬ ܛܶܪܒܰܠܬܳܐ ܠܰܐܚܽܘܢܳܟ̥. 14ܡܺܐܝܕ̥ܶܗ ܕܟܳܐܕ̥ܰܥ ܐ̱ܢܳܐ ܘܡܰܫ݄ܪ ܐ̱ܢܳܐ ܒܡܳܪܝܳܐ ܝܶܫܽܘܥ، ܕܡܶܕܶܐ ܡܥܰܝܢܳܐ ܕܟ݄ܬ ܝܳܐ ܡܚܰܪܡܳܐ ܠܰܝܬ. ܐܶܠܳܐ ܐܰܝܢܰܐ ܕ݄ܟܚܳܫܽܒ̥ ܡܶܕܶܐ ܡܚܰܪܡܳܐ، ܠܰܗ̄ܢܳܐ ܒܶܠܚܽܘܕ̥ܶܗ ܡܚܰܪܡܳܐ ܝܳܐ. 15ܘܶܐܢ ܠܰܫܰܢ ܗ̄ܽܘ ܡܽܐܘܟܠܳܐ ܟܡܰܥܺܝܩܰܬ ܠܰܐܚܽܘܢܳܟ̥، ܠܳܐ ܒܺܗ̄ܝ ܚܽܘܒܳܐ ܟ݄ܡܗܰܠܟ̥݄ܬ. ܠܰܫܰܢ ܗ̄ܽܘ ܡܽܐܘܟܠܰܝܕ̥ܳܟ̥ ܠܳܐ ܡܣܰܟܪܰܬ ܐܰܚܽܘܢܳܟ̥، ܕܠܰܫܰܢܶܗ ܡܰܝ݄ܬ̥ ܡܫܺܝܚܳܐ. 16ܘ݄ܛܪܳܐ ܠܳܐ ܐܬ̥ܶܐ ܡܰܐܡܪܳܐ ܒܺܝܫܳܐ ܥܰܠ ܗ̄ܺܝ ܛܳܒ̥ܽܘܬ̥ܰܝܕ̥ܰܢ. 17ܥܰܠ ܕܺܗ̄ܝ ܡܰܠܟܽܘܬ̥ܳܐ ܕܰܐܠܳܗܳܐ ܠܰܝ̱ܬ ܝܳܐ ܡܽܐܘܟܠܳܐ ܘܡܰܫ݄ܬܝܳܐ، ܐܶܠܳܐ ܟܺܐܢܽܘܬ̥ܳܐ ܘ݄ܫܠܳܡܳܐ ܘ݄ܦܨܺܝܚܽܘܬ̥ܳܐ ܒܪܽܘܚܳܐ ܕܩܽܘܕܫܳܐ. 18ܡܰܢ ܕ݄ܡܫܰܡ݄ܫ ܠ݄ܡܫܺܝܚܳܐ ܒܽܗ̄ܘ ܕܰܪܒܰܢܳܐ، ܟܡܰܦܨ݄ܚ ܠܰܐܠܳܗܳܐ، ܘܟܳܗ̄ܘܶܐ ܡܝܰܩܪܳܐ ܡܰܗ̄ܢ ܢܳܫ̈ܶܐ. 19ܘܳܐܥܕܳܐ ܛܪܳܐ ܒܽܗ̄ܘ ܕܰܪܒܳܐ ܕܽܗ̄ܘ ܫܠܳܡܳܐ ܪ݄ܗܛܺܝܢܰܐ، ܘܠܽܗ̄ܘ ܒܶܢܝܳܢܳܐ ܕ݄ܚܕ̥ܳܕ̥̈ܶܐ ܣܰܝܡܺܝܢܰܐ. 20ܘܠܳܐ ܠܰܫܰܢ ܗ̄ܽܘ ܡܽܐܘܟܠܳܐ ܡܰܚܪܒ̥ܺܝܢܰܐ ܗ̄ܰܥܒܳܕ̥̈ܶܐ ܕܰܐܠܳܗܳܐ. ܟܽܘܠ ܡܽܐܘܟܠܳܐ ܕܰܟ̥ܝܳܐ (ܛܳܒ̥ܳܐ) ܝܳܐ، ܐܶܠܳܐ ܒܺܝܫܳܐ ܝܳܐ ܕܢܳܫܳܐ ܐܳܟ̥ܶܠ ܠܶܗ ܒܛܶܪܒܰܠܬܳܐ. 21ܫܰܦܺܝܪܳܐ ܝܳܐ ܕܠ݄ܐ ܐܟ̥ܠܺܝܢܰܐ ܒܰܣܪܳܐ ܘܠܳܐ ܫܳܬܺܝܢܰܐ ܚܰܡܪܳܐ، ܘܠܳܐ ܡܶܕܶܐ ܕܡܺܝܛܰܪܒ݄ܠ ܐܶܒܶܗ ܐܰܚܽܘܢܰܝܕ̥ܰܢ. 22ܘܗܰܬ، ܗ̄ܺܝ ܗܰܝܡܳܢܽܘܬ̥ܰܝܕ̥ܳܟ̥ (ܠܰܫܰܢ ܗ̄ܽܘ ܡܽܐܘܟܠܳܐ) ܛܪܰܝܰܗ ܒܰܝܢܳܟ̥ ܘܒܰܝܢ ܐܰܠܳܗܳܐ. ܘܛܽܘܒܳܐ ܠܰܗ̄ܘܳܐ ܕܠܳܐ ܣ݄ܡ ܠܶܗ ܕܺܝܢܳܐ ܥܰܠ ܪܽܘܚܶܗ ܒܽܗ̄ܘ ܡܶܕܶܐ ܕ݄ܦܪ݄ܫ ܠܶܗ (ܡܰܢ̱ ܡّ݄ܐܟܠܳܢ̈ܶܐ). 23ܡܺܐܝܕ̥ܶܗ ܕܐܰܝܢܰܐ ܕܳܐܟ̥݄ܠ ܡܶܕܶܐ ܘܚܳܫܰܒ̥ ܠܶܗ ܚܛܺܝܬ̥ܳܐ، ܚܛܺܝܬ̥ܳܐ ܗܰܘܺܝ ܐܰܥܠܶܗ، ܥܰܠ ܕܠܳܐ ܒܗܰܝܡܳܢܽܘܬ̥ܳܐ (ܐܰܟ̥ܺܝܠ ܠܶܗ): ܡܺܐܝܕ̥ܶܗ ܕܟܽܘܠ ܡܶܕܶܐ ܕܠܳܐ ܗ̄ܘܶܐ ܡܺܗ̄ܝ ܗܰܝܡܳܢܽܘܬ̥ܳܐ ܚܛܺܝܬ̥ܳܐ ܝܳܐ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Suryoyo Bible © 2024 Aramaic Bible Translation