ܡܓܰܠܝܘܢ ܕܠܘܩܐ 17
17
ܘܳܝܳܐ ܠܡܰܢ ܕܒܺܐܝܕ̥ܶܗ ܓܕܳܐܬ̥݄ܢ ܦܠܺܝܓ̥ܽܘܬ̥ܳܐ ܘܛܳܪܒܳܠܳܐ
ܡܬܝ 18:6‐7؛ 18:21‐22؛ ܡܪܩܘܣ 9:42
1ܘܐܡ݄ܪ ܠܶܗ ܝܶܫܽܘܥ ܠܰܬّܰܠܡܺܝܕ̥̈ܰܝܕ̥ܶܗ: ”ܠ݄ܐ ܟܳܗ̄ܘܶܐ ܕܠܳܐ ܐܬ̥݄ܢ ܛܶܪ̈ܒܰܠܝܳܬ̥ܳܐ، ܐܶܠܳܐ ܘܳܝܳܐ ܠܰܗ̄ܘܳܐ ܕܳܐܬ̥݄ܢ ܥܰܠ ܐܺܝܕ̥̈ܳܬ̥ܶܗ. 2ܛܰܒ̥ ܗ̄ܘܰܐ ܐܶܠܶܗ ܕܡܺܝܬܰܚ݄ܬ ܪܰܚܝܳܐ ܕܽܗ̄ܘ ܚܡܳܪܳܐ ܒ݄ܩܕ̥ܳܠܶܗ ܘܡܺܝܚܰܠ݄ܩ ܒܽܗ̄ܘ ܝܰܡܳܐ ܡܶܢ̱ ܕܳܗ̄ܘܶܐ ܛܶܪܒܰܠܬܳܐ ܠܚܰܕ̱ ܡܰܢ̱ ܙܥܽܘܪ̈ܰܢܺܝ. 3ܗܘܰܝܽܘ ܡܳܪܳܐ ܠܢܰܦܫܰܝܟ̥ܽܘ: ܕܚܳܛܶܐ ܐܰܚܽܘܢܳܟ̥ ܡܥܰܝ݄ܛ ܐܰܥܠܶܗ، ܘ݄ܕܬܳܝ݄ܒ ܫܒܰܩ ܠܶܗ. 4ܘܶܐܢ ܫܒ̥ܰܥ ܟܳܪ̈ܶܐ ܒܚܰܕ̱ ܝܰܘܡܳܐ ܚܰܛܺܝ ܠܳܟ̥، ܘ݄ܫܒ̥ܰܥ ܟܳܪ̈ܶܐ ܒܽܗ̄ܘ ܝܰܘܡܳܐ ܕܳܥ݄ܪ ܠܣܺܝܕܳܟ̥ ܘܳܐܡ݄ܪ: ܟܬܳܝܰܒ ܐ̱ܢܳܐ، ܫܒܰܩ ܠܶܗ.“
ܡܳܘ̇ܙ݄ܕ ܠܰܢ ܗܰܝܡܳܢܽܘܬ̥ܳܐ
5ܘܰܫܠܺܝܚ̈ܶܐ ܐܡ݄ܪّܶܗ ܠܡܳܪܰܢ: ܡܰܙ݄ܕ ܠܰܢ ܗܰܝܡܳܢܽܘܬ̥ܳܐ. 6ܐܡ݄ܪ ܠܰܗ ܠّܶܗ: ”ܕܳܗ̄ܘܶܐ ܗ̄ܘܰܐ ܠܟ̥ܽܘ ܗܰܝܡܳܢܽܘܬ̥ܳܐ ܐܟ̥ ܕ݄ܦܪܶܕܳܐ ܕܽܗ̄ܘ ܚܰܪܕܠܳܐ، ܐ݄ܡّܺܪ̱ܝܬܽܘ ܗ̄ܘܰܘ̱ ܠܽܗ̄ܘ ܐܺܝܠܳܢܳܐ ܕܺܗ̄ܝ ܬܽܘܬ̥ܳܐ: ܡ݄ܫܠ݄ܚ ܘܡ݄ܙܪ݄ܥ ܒܽܗ̄ܘ ܝܰܡܳܐ، ܘܫܳܡܰܥ ܗ̄ܘܰܐ ܐܰܠܟ̥ܽܘ.“
ܗ̄ܺܝ ܬܶܫܡܶܫܬܳܐ ܕܠ݄ܙܡܳܐ
7”ܘܡܰܢ ܡ݄ܢܟ̥ܽܘ ܕܟ݄ܬ ܠܶܗ ܓܪܶܝܥܳܐ ܕܕܳܒ̥݄ܪ ܒܺܗ̄ܝ ܦܰܕܳܢܳܐ ܐܰܘ ܕܡܰܪܥܶܐ ܥ̈ܘܳܢܶܐ، ܘܶܐܢ ܕܳܐܬ̥ܶܐ ܡܺܗ̄ܝ ܚܰܩܠܳܐ ܡܶܚܕ̥ܳܐ ܐܳܡܰܪ ܠܶܗ: ܥܒܰܪ ܝܺܬܰܒ̥ ܐܰܟ̥ܽܘܠ. 8ܐܶܠܳܐ ܓܕܳܐܡܰܪ ܠܶܗ: ܣܘ̇ܡ ܠܺܝ ܡܶܕܶܐ ܕܡܰܚܫܰܡ ܐ̱ܢܳܐ، ܘܡܰܐܣ݄ܪ ܚܰܨܳܟ̥ ܘ݄ܡܫܰܡ݄ܫ ܠܺܝ ܗܳܠ ܕܳܐܟ̥ܰܠ ܐ̱ܢܳܐ ܘܫܳܬܶܐ ܐ̱ܢܳܐ، ܘܒ݄ܬ̥݄ܪܟܶܐ ܗܰܬ ܣܬܶܝ ܓܕ݄ܐܟ̥ܠܰܬ ܘܫܳܬ݄ܬ. 9ܩܰܝ ܓܕܳܐܡ݄ܪ ܬܰܘܕܺܝ ܠܽܗ̄ܘ ܓܪܶܝܥܳܐ ܥܰܠ ܕܣ݄ܡ ܠܶܗ ܗ̄ܽܘ ܦܽܘܩܕܳܢܰܝܕ̥ܶܗ؟ ܟܳܐܡܰܪ ܐ̱ܢܳܐ ܠܳܐ. 10ܘܗܰܬܽܘ ܣܬܶܝ ܗܰܘܟ̥ܰܐ، ܡ݄ܐ ܕܣ݄ܡܟ̥ܽܘ ܟܽܘܠّܶܗ ܗ̄ܰܦّܽܘܩܕ̈ܳܢܶܐ ܕܐܡܺܝܪܺܝ ܐܰܠܟ̥ܽܘ، ܐܡܰܪܽܘ: ܓܪ̈ܶܝܥܶܐ ܒܰܛܺܝ̈ܠܶܐ ܢܰܐ، ܗ̄ܽܘ ܡܶܕܶܐ ܕܟ݄ܬ ܗ̄ܘܰܐ ܐܰܥܠܰܢ ܕܣܰܝܡܺܝܢܰܐ ܣ݄ܡ ܠܰܢ.“
ܝܶܫܽܘܥ ܟܡܰܢ݄ܚ (ܡܕܰܟܶܐ) ܥܰܣܪܳܐ ܓܰܪ̈ܒ̥ܳܢܶܐ
11ܘܗܰܘܺܝ، ܘܗܺܝّܶܗ ܝܶܫܽܘܥ ܐܰܙܳܠܳܐ ܠܽܐܘܪܶܫܠܶܡ، ܥܰܒ݄ܪ ܗ̄ܘܰܐ ܒܽܗ̄ܘ ܐܰܬ̥ܪܳܐ ܕܰܫّܳܡܪ̈ܳܝܶܐ ܠܽܗ̄ܘ ܓܠܺܝܠܳܐ. 12ܘܺܗ̄ܝ ܢܰܩܠܐ ܕ݄ܡܩܰܪܰܒ̥ ܠܶܗ ܕܥܳܒ݄ܪ ܠ݄ܚܕ̥ܳܐ ܩܪܺܝܬ̥ܳܐ، ܢܰܦܺܝܩܺܝ ܩܰܕ̱ܡܽܘܬ̥ܶܗ ܥܰܣܪܳܐ ܓܰܒܪ̈ܶܐ ܓܰܪ̈ܒ̥ܳܢܶܐ، ܘܟܰܠ݄ܢ ܡܶܢ̱ ܪܽܘܚܩܳܐ، 13ܘܡܰܥܠܰܠّܶܗ ܩܳܠܰܝّܶܗ ܘܐܡ݄ܪّܶܗ: ”ܡܰܠܦܳܢܳܐ، ܝܶܫܽܘܥ، ܡܰܪܚ݄ܡ ܐܰܥܠܰܢ.“ 14ܘܺܗ̄ܝ ܢܰܩܠܐ ܕ݄ܚܙܰܠّܶܗ ܐܡ݄ܪ ܠܰܗ ܠّܶܗ: ”ܙܳܟ̥ܽܘ ܡܰܚܘܰܝܽܘ ܪ̈ܽܘܚܰܝܟ̥ܽܘ ܠܰܟّܳܗ̈ܢܶܐ.“ ܘܗ݄ܢّܶܝ ܐܰܙ̈ܳܠܶܐ ܐܰܙّܶܗ ܗ̄ܽܘ ܓܰܪܒ̥ܳܐ ܡ݄ܢّܶܗ (ܘܢܰܝ݄ܚّܶܗ). 15ܘܚܰܕ̱ ܡ݄ܢّܶܗ، ܗ̄ܺܝ ܢܰܩܠܐ ܕ݄ܚܙܶܐ ܠܶܗ ܪܽܘܚܶܗ ܕܰܐܙّܶܗ ܡܶܢܶܗ ܗ̄ܽܘ ܓܰܪܒ̥ܳܐ (ܘܢܰܝ݄ܚ ܠܶܗ)، ܕܰܥ݄ܪ، ܘ݄ܒܩܳܠܳܐ ܥܶܠܳܝܳܐ ܡܫܰܒܰܚ ܗ̄ܘܰܐ ܠܰܐܠܳܗܳܐ. 16ܘܢܰܦ݄ܠ ܥܰܠ ܦܳܬ̥ܶܗ ܩ݄ܕ̱ܡ ܪ̈ܰܓ̥ܠܳܬܶܗ ܕܝܶܫܽܘܥ، ܘܗܺܝّܶܗ ܟܡܰܘܕܶܐ ܠܶܗ. ܘܗܺܝّܶܗ ܗܰܢܳܐ ܫܳܡܪܳܝܳܐ ܗ̄ܘܰܐ. 17ܘܡܰܕܥܰܪ ܠܶܗ ܝܶܫܽܘܥ ܘܐܡ݄ܪ ܠܶܗ: ”ܠܳܐ ܥܰܣܪܳܐ ܗ̄ܘܰܝܢܶܝ ܗܰܢܺܝ ܕܢܰܝ݄ܚّܶܗ، ܐܰܝܟܳܐ ܢܶܝ ܗ̄ܰܬّ݄ܫܥܳܐ؟“ 18ܠܰܐ ܐܕ̥ܺܝܥܺܝ ܕܳܐܬ̥݄ܢ ܘܳܗ̄ܒ݄ܢ ܬܶܫܒܽܘܚܬܳܐ ܠܰܐܠܳܗܳܐ؟ ܐܶܠܳܐ ܗܰܢܳܐ ܕܟ݄ܬ ܝܳܐ ܡܽܗ̄ܘ ܥܰܡܳܐ ܢܽܘܟ̥ܪܳܝܳܐ؟ 19ܘܐܡ݄ܪ ܠܶܗ ܠܶܗ: ”ܩܘܿܡ ܙܳܟ̥! ܗ̄ܺܝ ܗܰܝܡܳܢܽܘܬ̥ܰܝܕ̥ܳܟ̥ ܗܽܒ̥ ܠܰܗ ܠܳܟ̥ ܚܰܝ̈ܶܐ.“
ܐܶܡܰܐ ܓܕܳܐܬ̥ܝܳܐ ܗ̄ܺܝ ܡܰܠܟܽܘܬ̥ܳܐ ܕܰܐܠܳܗܳܐ؟
ܡܬܝ 24:23‐28؛ 24:37‐41
20ܘܺܗ̄ܝ ܢܰܩܠܐ ܕܰܦܪ̈ܺܝܫܶܐ ܡܫܰܐܰܠّܶܗ ܠܝܶܫܽܘܥ ܐܶܡܰܐ ܓܕ݄ܐܬ̥ܝܳܐ ܗ̄ܺܝ ܡܰܠܟܽܘܬ̥ܳܐ ܕܰܐܠܳܗܳܐ، ܡܰܕܥܰܪ ܠܶܗ ܘܐܡ݄ܪ ܠܰܗ ܠّܶܗ: ”ܠ݄ܐ ܟ݄ܐܬ̥ܝܳܐ ܗ̄ܺܝ ܡܰܠܟܽܘܬ̥ܳܐ ܕܰܐܠܳܗܳܐ ܒܽܗ̄ܘ ܢܛܳܪܳܐ. 21ܘܠ݄ܐ ܟ݄ܐܡّܺܪ̱ܝ: ܟܰܐܠܰܗ ܗܰܪܟܶܐ ܝܳܐ، ܐܰܘ ܟܰܐܠܰܗ ܬܰܡܳܐ ܝܳܐ، ܥܰܠ ܕܺܗ̄ܝ ܡܰܠܟܽܘܬ̥ܳܐ ܕܰܐܠܳܗܳܐ ܟܰܐܠܰܗ ܠܰܘܓ̥݄ܠ ܡ݄ܢܟ̥ܽܘ ܝܳܐ.“
ܗ̄ܽܘ ܝܰܘܡܳܐ ܕܰܐܒܪܶܗ ܕܢܳܫܳܐ
22ܘܐܡ݄ܪ ܠܶܗ ܠܰܬّܰܠܡܺܝܕ̥̈ܰܝܕ̥ܶܗ: ”ܓܕܳܐܬ̥݄ܢ ܝܰܘܡ̈ܶܐ ܓܪܰܝܓܺܝܬܽܘ ܕܚܳܙܺܝܬܽܘ ܚܰܕ̱ ܝܰܘܡܳܐ ܡܰܢ̱ ܝّܰܘܡ̈ܶܐ ܕܰܐܒܪܶܗ ܕܢܳܫܳܐ ܘܠܳܐ ܓܚܳܙܺܝܬܽܘ. 23ܘܶܐܢ ܕ݄ܐܡّ݄ܪ̱ܢܟ̥ܽܘ: ܟܰܐܠܶܗ ܗܰܪܟܶܐ ܝܳܐ، ܐܰܘ ܟܰܐܠܶܗ ܬܰܡܳܐ ܝܳܐ، ܠ݄ܐ ܐܙّܳܟ̥ܽܘ. 24ܡܺܐܝܕ̥ܶܗ ܕܰܐܝܕܰܪܒܳܐ ܗ̄ܽܘ ܒܰܪܩܳܐ ܟܒܳܪ݄ܩ ܒܺܗ̄ܝ ܫܡܰܝܳܐ، ܘܟܽܘܠܶܗ ܠܰܠܬܰܚ ܡܺܗ̄ܝ ܫܡܰܝܳܐ ܟܡܰܢܗ݄ܪ، ܗܰܘܟ̥ܰܐ ܓܕܳܗ̄ܘܶܐ ܐܰܒܪܶܗ ܕܢܳܫܳܐ ܒܽܗ̄ܘ ܝܰܘܡܰܝܕ̥ܶܗ. 25ܐܶܠܳܐ ܒܺܗ̄ܝ ܩܰܕ̱ܡܰܝܬܳܐ ܓܛܳܥ݄ܢ ܚܰܫܳܐ ܪܰܒܳܐ، ܘܠ݄ܐ ܓܡܺܝܬܰܩܒ݄ܠ ܡܽܗ̄ܘ ܕܳܪܰܢܳܐ. 26ܘܒܶܗ ܐܰܝܕܰܪܒܳܐ ܗܰܘܺܝ ܒܰܝّܰܘܡ̈ܳܬ̥ܳܐ ܕܢܽܘܚ، ܗܰܘܟ̥ܰܐ ܓܕܳܗ̄ܘܶܐ ܒܰܝّܰܘܡ̈ܶܐ ܕܰܐܒܪܶܗ ܕܢܳܫܳܐ. 27ܐ݄ܟ̥ܠܺܝ ܗ̄ܘܰܘ̱ ܘܫܳܬ݄ܢ ܗ̄ܘܰܘ̱، ܘܓܳܒ̥ܪܺܝ ܗ̄ܘܰܘ̱ ܗܳܠ ܠܽܗ̄ܘ ܝܰܘܡܳܐ ܕܥܰܒ݄ܪ ܢܽܘܚ ܠܺܗ̄ܝ ܣܦܺܝܢ̱ܬܳܐ. ܘܰܐܬ̥ܺܝ ܗ̄ܽܘ ܛܰܘܦܳܢܳܐ ܘ݄ܡܣܰܟܰܪ ܠܶܗ ܠܟܽܘܠ ܢܳܫܳܐ. 28ܘܰܐܝܕܰܪܒܳܐ ܗܰܘܺܝ ܒܰܝّܰܘܡ̈ܳܬ̥ܳܐ ܕܠܽܘܛ ܣܬܶܝ، ܕܰܗ̄ܢ ܢܳܫ̈ܶܐ ܐ݄ܟ̥ܠܺܝ ܗ̄ܘܰܘ̱ ܘܫܳܬ݄ܢ ܗ̄ܘܰܘ̱، ܘܙܳܒ̥ܢܺܝ ܗ̄ܘܰܘ̱ ܘ݄ܡܙܰܒܢܺܝ ܗ̄ܘܰܘ̱، ܘܙܳܪܥܺܝ ܗ̄ܘܰܘ̱ ܘܒܳܢ݄ܢ ܗ̄ܘܰܘ̱، 29ܘܒܽܗ̄ܘ ܝܰܘܡܳܐ ܕܢܰܦ݄ܩ ܠܽܘܛ ܡܶܢ̱ ܣܕ̥ܽܘܡ، ܡܳܪܝܳܐ ܡܰܢܚܰܬ ܠܶܗ ܢܽܘܪܳܐ ܘܟܰܒܪܺܝܬܳܐ ܡܺܗ̄ܝ ܫܡܰܝܳܐ ܐܟ̥ ܕܽܗ̄ܘ ܡܰܛܪܳܐ، ܘ݄ܡܣܰܟܰܪ ܠܶܗ ܠܟܘ̇ܠّܶܗ، 30ܗܰܘܟ̥ܰܐ ܓܕܳܗ̄ܘܶܐ ܒܽܗ̄ܘ ܝܰܘܡܳܐ ܕܡ݄ܓܠܶܐ ܐܰܒܪܶܗ ܕܢܳܫܳܐ. 31ܒܽܗ̄ܘ ܝܰܘܡܰܘܳܐ، ܡܰܢ ܕܟ݄ܬ ܝܳܐ ܥܰܠ ܗ̄ܺܝ ܓܳܪܳܐ ܘܰܡّܶܕ̈ܳܢܰܝܕ̥ܶܗ ܒܽܗ̄ܘ ܒܰܝܬܳܐ، ܛܪܳܐ ܠ݄ܐ ܢܳܚ݄ܬ ܕܡܳܝܰܕّܶܗ. ܘܡܰܢ ܕܟ݄ܬ ܝܳܐ ܒܺܗ̄ܝ ܚܰܩܠܳܐ، ܛܪܳܐ ܠ݄ܐ ܕܳܥ݄ܪ (ܚܳܝ݄ܪ) ܒ݄ܬ̥ܪܶܗ. 32ܡܰܕ̥ܟܶܪܽܘ ܠܺܗ̄ܝ ܐܰܢ̱ܬ̥ܬܳܐ ܕܠܽܘܛ. 33ܡܰܢ ܕܳܐܒ݄ܥ ܕܡܰܚܶܐ ܠܢܰܦܫܶܗ ܓ݄ܡܣܰܟܰܪ ܠܰܗ، ܘܡܰܢ ܕ݄ܡܣܰܟ݄ܪ ܢܰܦܫܶܗ ܓܡܰܚܶܐ ܠܰܗ. 34ܟܳܐܡܰܪ ܐ̱ܢܳܐ ܠܟ̥ܽܘ: ܒܽܗ̄ܘ ܠܰܠܝܰܘܳܐ، ܬܪܶܝ ܓܕܳܗ̄ܘ݄ܢ ܒܚܰܕ̱ ܥܰܪܣܳܐ، ܚܰܕ̱ ܓܡܺܝܬܰܘܒ݄ܠ ܘ݄ܚܪܶܢܳܐ ܓܡ݄ܛܪܶܐ. 35ܘܬܰܪܬܶܝ ܢܶܫ̈ܶܐ ܟܛܳܚܢܺܝ ܥܰܡ ܚܕ̥ܳܕ̥̈ܶܐ، ܚܕ̥ܳܐ ܓܡܺܝܬܰܘܒܠܳܐ ܘ݄ܚܪܶܬܳܐ ܓܡ݄ܛܪܳܝܳܐ. 36ܬܪܶܝ ܟܕܳܗ̄ܘ݄ܢ ܒܺܗ̄ܝ ܚܰܩܠܳܐ، ܚܰܕ̱ ܓܡܺܝܬܰܘܒ݄ܠ ܘ݄ܚܪܶܢܳܐ ܟܡ݄ܛܪܶܐ.“ 37ܡܰܕܥܰܪّܶܗ ܘܐܡ݄ܪّܰܗ ܠܶܗ: ”ܠܰܐܝܟܳܐ، ܡܳܪܰܢ؟“ ܐܡ݄ܪ ܠܰܗ ܠّܶܗ: ”ܒܶܗ ܐܰܝܟܳܐ ܝܳܐ ܗ̄ܺܝ ܫܠܰܕܳܐ، ܬܰܡܳܐ ܟܠ݄ܬܡܺܝ ܗ̄ܰܢ ܢܶܫܪ̈ܶܐ.“
Currently Selected:
ܡܓܰܠܝܘܢ ܕܠܘܩܐ 17: ܟܬܒܐ
Highlight
Share
Copy
Want to have your highlights saved across all your devices? Sign up or sign in
Suryoyo Bible © 2024 Aramaic Bible Translation
ܡܓܰܠܝܘܢ ܕܠܘܩܐ 17
17
ܘܳܝܳܐ ܠܡܰܢ ܕܒܺܐܝܕ̥ܶܗ ܓܕܳܐܬ̥݄ܢ ܦܠܺܝܓ̥ܽܘܬ̥ܳܐ ܘܛܳܪܒܳܠܳܐ
ܡܬܝ 18:6‐7؛ 18:21‐22؛ ܡܪܩܘܣ 9:42
1ܘܐܡ݄ܪ ܠܶܗ ܝܶܫܽܘܥ ܠܰܬّܰܠܡܺܝܕ̥̈ܰܝܕ̥ܶܗ: ”ܠ݄ܐ ܟܳܗ̄ܘܶܐ ܕܠܳܐ ܐܬ̥݄ܢ ܛܶܪ̈ܒܰܠܝܳܬ̥ܳܐ، ܐܶܠܳܐ ܘܳܝܳܐ ܠܰܗ̄ܘܳܐ ܕܳܐܬ̥݄ܢ ܥܰܠ ܐܺܝܕ̥̈ܳܬ̥ܶܗ. 2ܛܰܒ̥ ܗ̄ܘܰܐ ܐܶܠܶܗ ܕܡܺܝܬܰܚ݄ܬ ܪܰܚܝܳܐ ܕܽܗ̄ܘ ܚܡܳܪܳܐ ܒ݄ܩܕ̥ܳܠܶܗ ܘܡܺܝܚܰܠ݄ܩ ܒܽܗ̄ܘ ܝܰܡܳܐ ܡܶܢ̱ ܕܳܗ̄ܘܶܐ ܛܶܪܒܰܠܬܳܐ ܠܚܰܕ̱ ܡܰܢ̱ ܙܥܽܘܪ̈ܰܢܺܝ. 3ܗܘܰܝܽܘ ܡܳܪܳܐ ܠܢܰܦܫܰܝܟ̥ܽܘ: ܕܚܳܛܶܐ ܐܰܚܽܘܢܳܟ̥ ܡܥܰܝ݄ܛ ܐܰܥܠܶܗ، ܘ݄ܕܬܳܝ݄ܒ ܫܒܰܩ ܠܶܗ. 4ܘܶܐܢ ܫܒ̥ܰܥ ܟܳܪ̈ܶܐ ܒܚܰܕ̱ ܝܰܘܡܳܐ ܚܰܛܺܝ ܠܳܟ̥، ܘ݄ܫܒ̥ܰܥ ܟܳܪ̈ܶܐ ܒܽܗ̄ܘ ܝܰܘܡܳܐ ܕܳܥ݄ܪ ܠܣܺܝܕܳܟ̥ ܘܳܐܡ݄ܪ: ܟܬܳܝܰܒ ܐ̱ܢܳܐ، ܫܒܰܩ ܠܶܗ.“
ܡܳܘ̇ܙ݄ܕ ܠܰܢ ܗܰܝܡܳܢܽܘܬ̥ܳܐ
5ܘܰܫܠܺܝܚ̈ܶܐ ܐܡ݄ܪّܶܗ ܠܡܳܪܰܢ: ܡܰܙ݄ܕ ܠܰܢ ܗܰܝܡܳܢܽܘܬ̥ܳܐ. 6ܐܡ݄ܪ ܠܰܗ ܠّܶܗ: ”ܕܳܗ̄ܘܶܐ ܗ̄ܘܰܐ ܠܟ̥ܽܘ ܗܰܝܡܳܢܽܘܬ̥ܳܐ ܐܟ̥ ܕ݄ܦܪܶܕܳܐ ܕܽܗ̄ܘ ܚܰܪܕܠܳܐ، ܐ݄ܡّܺܪ̱ܝܬܽܘ ܗ̄ܘܰܘ̱ ܠܽܗ̄ܘ ܐܺܝܠܳܢܳܐ ܕܺܗ̄ܝ ܬܽܘܬ̥ܳܐ: ܡ݄ܫܠ݄ܚ ܘܡ݄ܙܪ݄ܥ ܒܽܗ̄ܘ ܝܰܡܳܐ، ܘܫܳܡܰܥ ܗ̄ܘܰܐ ܐܰܠܟ̥ܽܘ.“
ܗ̄ܺܝ ܬܶܫܡܶܫܬܳܐ ܕܠ݄ܙܡܳܐ
7”ܘܡܰܢ ܡ݄ܢܟ̥ܽܘ ܕܟ݄ܬ ܠܶܗ ܓܪܶܝܥܳܐ ܕܕܳܒ̥݄ܪ ܒܺܗ̄ܝ ܦܰܕܳܢܳܐ ܐܰܘ ܕܡܰܪܥܶܐ ܥ̈ܘܳܢܶܐ، ܘܶܐܢ ܕܳܐܬ̥ܶܐ ܡܺܗ̄ܝ ܚܰܩܠܳܐ ܡܶܚܕ̥ܳܐ ܐܳܡܰܪ ܠܶܗ: ܥܒܰܪ ܝܺܬܰܒ̥ ܐܰܟ̥ܽܘܠ. 8ܐܶܠܳܐ ܓܕܳܐܡܰܪ ܠܶܗ: ܣܘ̇ܡ ܠܺܝ ܡܶܕܶܐ ܕܡܰܚܫܰܡ ܐ̱ܢܳܐ، ܘܡܰܐܣ݄ܪ ܚܰܨܳܟ̥ ܘ݄ܡܫܰܡ݄ܫ ܠܺܝ ܗܳܠ ܕܳܐܟ̥ܰܠ ܐ̱ܢܳܐ ܘܫܳܬܶܐ ܐ̱ܢܳܐ، ܘܒ݄ܬ̥݄ܪܟܶܐ ܗܰܬ ܣܬܶܝ ܓܕ݄ܐܟ̥ܠܰܬ ܘܫܳܬ݄ܬ. 9ܩܰܝ ܓܕܳܐܡ݄ܪ ܬܰܘܕܺܝ ܠܽܗ̄ܘ ܓܪܶܝܥܳܐ ܥܰܠ ܕܣ݄ܡ ܠܶܗ ܗ̄ܽܘ ܦܽܘܩܕܳܢܰܝܕ̥ܶܗ؟ ܟܳܐܡܰܪ ܐ̱ܢܳܐ ܠܳܐ. 10ܘܗܰܬܽܘ ܣܬܶܝ ܗܰܘܟ̥ܰܐ، ܡ݄ܐ ܕܣ݄ܡܟ̥ܽܘ ܟܽܘܠّܶܗ ܗ̄ܰܦّܽܘܩܕ̈ܳܢܶܐ ܕܐܡܺܝܪܺܝ ܐܰܠܟ̥ܽܘ، ܐܡܰܪܽܘ: ܓܪ̈ܶܝܥܶܐ ܒܰܛܺܝ̈ܠܶܐ ܢܰܐ، ܗ̄ܽܘ ܡܶܕܶܐ ܕܟ݄ܬ ܗ̄ܘܰܐ ܐܰܥܠܰܢ ܕܣܰܝܡܺܝܢܰܐ ܣ݄ܡ ܠܰܢ.“
ܝܶܫܽܘܥ ܟܡܰܢ݄ܚ (ܡܕܰܟܶܐ) ܥܰܣܪܳܐ ܓܰܪ̈ܒ̥ܳܢܶܐ
11ܘܗܰܘܺܝ، ܘܗܺܝّܶܗ ܝܶܫܽܘܥ ܐܰܙܳܠܳܐ ܠܽܐܘܪܶܫܠܶܡ، ܥܰܒ݄ܪ ܗ̄ܘܰܐ ܒܽܗ̄ܘ ܐܰܬ̥ܪܳܐ ܕܰܫّܳܡܪ̈ܳܝܶܐ ܠܽܗ̄ܘ ܓܠܺܝܠܳܐ. 12ܘܺܗ̄ܝ ܢܰܩܠܐ ܕ݄ܡܩܰܪܰܒ̥ ܠܶܗ ܕܥܳܒ݄ܪ ܠ݄ܚܕ̥ܳܐ ܩܪܺܝܬ̥ܳܐ، ܢܰܦܺܝܩܺܝ ܩܰܕ̱ܡܽܘܬ̥ܶܗ ܥܰܣܪܳܐ ܓܰܒܪ̈ܶܐ ܓܰܪ̈ܒ̥ܳܢܶܐ، ܘܟܰܠ݄ܢ ܡܶܢ̱ ܪܽܘܚܩܳܐ، 13ܘܡܰܥܠܰܠّܶܗ ܩܳܠܰܝّܶܗ ܘܐܡ݄ܪّܶܗ: ”ܡܰܠܦܳܢܳܐ، ܝܶܫܽܘܥ، ܡܰܪܚ݄ܡ ܐܰܥܠܰܢ.“ 14ܘܺܗ̄ܝ ܢܰܩܠܐ ܕ݄ܚܙܰܠّܶܗ ܐܡ݄ܪ ܠܰܗ ܠّܶܗ: ”ܙܳܟ̥ܽܘ ܡܰܚܘܰܝܽܘ ܪ̈ܽܘܚܰܝܟ̥ܽܘ ܠܰܟّܳܗ̈ܢܶܐ.“ ܘܗ݄ܢّܶܝ ܐܰܙ̈ܳܠܶܐ ܐܰܙّܶܗ ܗ̄ܽܘ ܓܰܪܒ̥ܳܐ ܡ݄ܢّܶܗ (ܘܢܰܝ݄ܚّܶܗ). 15ܘܚܰܕ̱ ܡ݄ܢّܶܗ، ܗ̄ܺܝ ܢܰܩܠܐ ܕ݄ܚܙܶܐ ܠܶܗ ܪܽܘܚܶܗ ܕܰܐܙّܶܗ ܡܶܢܶܗ ܗ̄ܽܘ ܓܰܪܒ̥ܳܐ (ܘܢܰܝ݄ܚ ܠܶܗ)، ܕܰܥ݄ܪ، ܘ݄ܒܩܳܠܳܐ ܥܶܠܳܝܳܐ ܡܫܰܒܰܚ ܗ̄ܘܰܐ ܠܰܐܠܳܗܳܐ. 16ܘܢܰܦ݄ܠ ܥܰܠ ܦܳܬ̥ܶܗ ܩ݄ܕ̱ܡ ܪ̈ܰܓ̥ܠܳܬܶܗ ܕܝܶܫܽܘܥ، ܘܗܺܝّܶܗ ܟܡܰܘܕܶܐ ܠܶܗ. ܘܗܺܝّܶܗ ܗܰܢܳܐ ܫܳܡܪܳܝܳܐ ܗ̄ܘܰܐ. 17ܘܡܰܕܥܰܪ ܠܶܗ ܝܶܫܽܘܥ ܘܐܡ݄ܪ ܠܶܗ: ”ܠܳܐ ܥܰܣܪܳܐ ܗ̄ܘܰܝܢܶܝ ܗܰܢܺܝ ܕܢܰܝ݄ܚّܶܗ، ܐܰܝܟܳܐ ܢܶܝ ܗ̄ܰܬّ݄ܫܥܳܐ؟“ 18ܠܰܐ ܐܕ̥ܺܝܥܺܝ ܕܳܐܬ̥݄ܢ ܘܳܗ̄ܒ݄ܢ ܬܶܫܒܽܘܚܬܳܐ ܠܰܐܠܳܗܳܐ؟ ܐܶܠܳܐ ܗܰܢܳܐ ܕܟ݄ܬ ܝܳܐ ܡܽܗ̄ܘ ܥܰܡܳܐ ܢܽܘܟ̥ܪܳܝܳܐ؟ 19ܘܐܡ݄ܪ ܠܶܗ ܠܶܗ: ”ܩܘܿܡ ܙܳܟ̥! ܗ̄ܺܝ ܗܰܝܡܳܢܽܘܬ̥ܰܝܕ̥ܳܟ̥ ܗܽܒ̥ ܠܰܗ ܠܳܟ̥ ܚܰܝ̈ܶܐ.“
ܐܶܡܰܐ ܓܕܳܐܬ̥ܝܳܐ ܗ̄ܺܝ ܡܰܠܟܽܘܬ̥ܳܐ ܕܰܐܠܳܗܳܐ؟
ܡܬܝ 24:23‐28؛ 24:37‐41
20ܘܺܗ̄ܝ ܢܰܩܠܐ ܕܰܦܪ̈ܺܝܫܶܐ ܡܫܰܐܰܠّܶܗ ܠܝܶܫܽܘܥ ܐܶܡܰܐ ܓܕ݄ܐܬ̥ܝܳܐ ܗ̄ܺܝ ܡܰܠܟܽܘܬ̥ܳܐ ܕܰܐܠܳܗܳܐ، ܡܰܕܥܰܪ ܠܶܗ ܘܐܡ݄ܪ ܠܰܗ ܠّܶܗ: ”ܠ݄ܐ ܟ݄ܐܬ̥ܝܳܐ ܗ̄ܺܝ ܡܰܠܟܽܘܬ̥ܳܐ ܕܰܐܠܳܗܳܐ ܒܽܗ̄ܘ ܢܛܳܪܳܐ. 21ܘܠ݄ܐ ܟ݄ܐܡّܺܪ̱ܝ: ܟܰܐܠܰܗ ܗܰܪܟܶܐ ܝܳܐ، ܐܰܘ ܟܰܐܠܰܗ ܬܰܡܳܐ ܝܳܐ، ܥܰܠ ܕܺܗ̄ܝ ܡܰܠܟܽܘܬ̥ܳܐ ܕܰܐܠܳܗܳܐ ܟܰܐܠܰܗ ܠܰܘܓ̥݄ܠ ܡ݄ܢܟ̥ܽܘ ܝܳܐ.“
ܗ̄ܽܘ ܝܰܘܡܳܐ ܕܰܐܒܪܶܗ ܕܢܳܫܳܐ
22ܘܐܡ݄ܪ ܠܶܗ ܠܰܬّܰܠܡܺܝܕ̥̈ܰܝܕ̥ܶܗ: ”ܓܕܳܐܬ̥݄ܢ ܝܰܘܡ̈ܶܐ ܓܪܰܝܓܺܝܬܽܘ ܕܚܳܙܺܝܬܽܘ ܚܰܕ̱ ܝܰܘܡܳܐ ܡܰܢ̱ ܝّܰܘܡ̈ܶܐ ܕܰܐܒܪܶܗ ܕܢܳܫܳܐ ܘܠܳܐ ܓܚܳܙܺܝܬܽܘ. 23ܘܶܐܢ ܕ݄ܐܡّ݄ܪ̱ܢܟ̥ܽܘ: ܟܰܐܠܶܗ ܗܰܪܟܶܐ ܝܳܐ، ܐܰܘ ܟܰܐܠܶܗ ܬܰܡܳܐ ܝܳܐ، ܠ݄ܐ ܐܙّܳܟ̥ܽܘ. 24ܡܺܐܝܕ̥ܶܗ ܕܰܐܝܕܰܪܒܳܐ ܗ̄ܽܘ ܒܰܪܩܳܐ ܟܒܳܪ݄ܩ ܒܺܗ̄ܝ ܫܡܰܝܳܐ، ܘܟܽܘܠܶܗ ܠܰܠܬܰܚ ܡܺܗ̄ܝ ܫܡܰܝܳܐ ܟܡܰܢܗ݄ܪ، ܗܰܘܟ̥ܰܐ ܓܕܳܗ̄ܘܶܐ ܐܰܒܪܶܗ ܕܢܳܫܳܐ ܒܽܗ̄ܘ ܝܰܘܡܰܝܕ̥ܶܗ. 25ܐܶܠܳܐ ܒܺܗ̄ܝ ܩܰܕ̱ܡܰܝܬܳܐ ܓܛܳܥ݄ܢ ܚܰܫܳܐ ܪܰܒܳܐ، ܘܠ݄ܐ ܓܡܺܝܬܰܩܒ݄ܠ ܡܽܗ̄ܘ ܕܳܪܰܢܳܐ. 26ܘܒܶܗ ܐܰܝܕܰܪܒܳܐ ܗܰܘܺܝ ܒܰܝّܰܘܡ̈ܳܬ̥ܳܐ ܕܢܽܘܚ، ܗܰܘܟ̥ܰܐ ܓܕܳܗ̄ܘܶܐ ܒܰܝّܰܘܡ̈ܶܐ ܕܰܐܒܪܶܗ ܕܢܳܫܳܐ. 27ܐ݄ܟ̥ܠܺܝ ܗ̄ܘܰܘ̱ ܘܫܳܬ݄ܢ ܗ̄ܘܰܘ̱، ܘܓܳܒ̥ܪܺܝ ܗ̄ܘܰܘ̱ ܗܳܠ ܠܽܗ̄ܘ ܝܰܘܡܳܐ ܕܥܰܒ݄ܪ ܢܽܘܚ ܠܺܗ̄ܝ ܣܦܺܝܢ̱ܬܳܐ. ܘܰܐܬ̥ܺܝ ܗ̄ܽܘ ܛܰܘܦܳܢܳܐ ܘ݄ܡܣܰܟܰܪ ܠܶܗ ܠܟܽܘܠ ܢܳܫܳܐ. 28ܘܰܐܝܕܰܪܒܳܐ ܗܰܘܺܝ ܒܰܝّܰܘܡ̈ܳܬ̥ܳܐ ܕܠܽܘܛ ܣܬܶܝ، ܕܰܗ̄ܢ ܢܳܫ̈ܶܐ ܐ݄ܟ̥ܠܺܝ ܗ̄ܘܰܘ̱ ܘܫܳܬ݄ܢ ܗ̄ܘܰܘ̱، ܘܙܳܒ̥ܢܺܝ ܗ̄ܘܰܘ̱ ܘ݄ܡܙܰܒܢܺܝ ܗ̄ܘܰܘ̱، ܘܙܳܪܥܺܝ ܗ̄ܘܰܘ̱ ܘܒܳܢ݄ܢ ܗ̄ܘܰܘ̱، 29ܘܒܽܗ̄ܘ ܝܰܘܡܳܐ ܕܢܰܦ݄ܩ ܠܽܘܛ ܡܶܢ̱ ܣܕ̥ܽܘܡ، ܡܳܪܝܳܐ ܡܰܢܚܰܬ ܠܶܗ ܢܽܘܪܳܐ ܘܟܰܒܪܺܝܬܳܐ ܡܺܗ̄ܝ ܫܡܰܝܳܐ ܐܟ̥ ܕܽܗ̄ܘ ܡܰܛܪܳܐ، ܘ݄ܡܣܰܟܰܪ ܠܶܗ ܠܟܘ̇ܠّܶܗ، 30ܗܰܘܟ̥ܰܐ ܓܕܳܗ̄ܘܶܐ ܒܽܗ̄ܘ ܝܰܘܡܳܐ ܕܡ݄ܓܠܶܐ ܐܰܒܪܶܗ ܕܢܳܫܳܐ. 31ܒܽܗ̄ܘ ܝܰܘܡܰܘܳܐ، ܡܰܢ ܕܟ݄ܬ ܝܳܐ ܥܰܠ ܗ̄ܺܝ ܓܳܪܳܐ ܘܰܡّܶܕ̈ܳܢܰܝܕ̥ܶܗ ܒܽܗ̄ܘ ܒܰܝܬܳܐ، ܛܪܳܐ ܠ݄ܐ ܢܳܚ݄ܬ ܕܡܳܝܰܕّܶܗ. ܘܡܰܢ ܕܟ݄ܬ ܝܳܐ ܒܺܗ̄ܝ ܚܰܩܠܳܐ، ܛܪܳܐ ܠ݄ܐ ܕܳܥ݄ܪ (ܚܳܝ݄ܪ) ܒ݄ܬ̥ܪܶܗ. 32ܡܰܕ̥ܟܶܪܽܘ ܠܺܗ̄ܝ ܐܰܢ̱ܬ̥ܬܳܐ ܕܠܽܘܛ. 33ܡܰܢ ܕܳܐܒ݄ܥ ܕܡܰܚܶܐ ܠܢܰܦܫܶܗ ܓ݄ܡܣܰܟܰܪ ܠܰܗ، ܘܡܰܢ ܕ݄ܡܣܰܟ݄ܪ ܢܰܦܫܶܗ ܓܡܰܚܶܐ ܠܰܗ. 34ܟܳܐܡܰܪ ܐ̱ܢܳܐ ܠܟ̥ܽܘ: ܒܽܗ̄ܘ ܠܰܠܝܰܘܳܐ، ܬܪܶܝ ܓܕܳܗ̄ܘ݄ܢ ܒܚܰܕ̱ ܥܰܪܣܳܐ، ܚܰܕ̱ ܓܡܺܝܬܰܘܒ݄ܠ ܘ݄ܚܪܶܢܳܐ ܓܡ݄ܛܪܶܐ. 35ܘܬܰܪܬܶܝ ܢܶܫ̈ܶܐ ܟܛܳܚܢܺܝ ܥܰܡ ܚܕ̥ܳܕ̥̈ܶܐ، ܚܕ̥ܳܐ ܓܡܺܝܬܰܘܒܠܳܐ ܘ݄ܚܪܶܬܳܐ ܓܡ݄ܛܪܳܝܳܐ. 36ܬܪܶܝ ܟܕܳܗ̄ܘ݄ܢ ܒܺܗ̄ܝ ܚܰܩܠܳܐ، ܚܰܕ̱ ܓܡܺܝܬܰܘܒ݄ܠ ܘ݄ܚܪܶܢܳܐ ܟܡ݄ܛܪܶܐ.“ 37ܡܰܕܥܰܪّܶܗ ܘܐܡ݄ܪّܰܗ ܠܶܗ: ”ܠܰܐܝܟܳܐ، ܡܳܪܰܢ؟“ ܐܡ݄ܪ ܠܰܗ ܠّܶܗ: ”ܒܶܗ ܐܰܝܟܳܐ ܝܳܐ ܗ̄ܺܝ ܫܠܰܕܳܐ، ܬܰܡܳܐ ܟܠ݄ܬܡܺܝ ܗ̄ܰܢ ܢܶܫܪ̈ܶܐ.“
Currently Selected:
:
Highlight
Share
Copy
Want to have your highlights saved across all your devices? Sign up or sign in
Suryoyo Bible © 2024 Aramaic Bible Translation