ܡܓܰܠܝܘܢ ܕܠܘܩܐ 11
11
ܐܰܝܕܰܪܒܳܐ ܓ݄ܡܨܰܠܺܝܢܰܐ ܗ̄ܺܝ ܨܠܽܘܬ̥ܳܐ ܕܡܳܪܰܢ
ܡܬܝ 6:9‐15؛ 7:7‐11
1ܘܗܰܘܺܝ، ܘܗܺܝّܶܗ ܟ݄ܡܨܰܠܶܐ ܒܕܽܘܟܬ̥ܳܐ ܚܕ̥ܳܐ، ܗ̄ܺܝ ܢܰܩܠܐ ܕ݄ܡܫܰܠܰܡ ܠܶܗ، ܐܡ݄ܪ ܠܶܗ ܠܶܗ ܚܰܕ̱ ܡܰܢ̱ ܬّܰܠܡܺܝܕ̥̈ܰܝܕ̥ܶܗ: ”ܡܳܪܰܢ، ܡܰܘܠ݄ܦ ܠܰܢ ܕ݄ܡܨܰܠܺܝܢܰܐ، ܐܟ̥ ܕܡܰܘܠܰܦ ܠܶܗ ܝܽܘܚܰܢܳܢ ܠܰܬّܰܠܡܺܝܕ̥̈ܰܝܕ̥ܶܗ.“ 2ܐܡ݄ܪ ܠܰܗ ܠّܶܗ ܝܶܫܽܘܥ: ”ܐܶܡܰܐ ܕ݄ܡܨܰܠܺܝܬܽܘ ܗܰܘܟ̥ܰܐ ܐܡܰܪܽܘ: ܐܰܒܘܿܢ ܕܒܺܗ̄ܝ ܫܡܰܝܳܐ، ܡܺܝܩܰܕ݄ܫ ܐ݄ܫܡܳܟ̥، ܐ݄ܬ̥ܝܳܐ ܗ̄ܺܝ ܡܰܠܟܽܘܬ̥ܰܝܕ̥ܳܟ̥، ܗܳܘܶܐ ܗ̄ܽܘ ܨܶܒܝܳܢܰܝܕ̥ܳܟ̥ ܐܟ̥ ܕܟ݄ܬ ܝܳܐ ܒܺܗ̄ܝ ܫܡܰܝܳܐ، ܗܰܘܟ̥ܰܐ ܣܬܶܝ ܒܺܗ̄ܝ ܐܰܪܥܳܐ. 3ܗܰܒ̥ ܠܰܢ ܗ̄ܽܘ ܠܰܚܡܳܐ ܕܺܗ̄ܝ ܣܢܺܝܩܽܘܬ̥ܰܝܕ̥ܰܢ ܟܽܘܠ ܝܰܘܡܳܐ، 4ܘ݄ܫܒܰܩ ܠܰܢ ܗ̄ܰܚ̈ܛܳܗܰܝܕ̥ܰܢ، ܕܰܐܚܢܰܐ ܣܬܶܝ ܫܒ݄ܩ ܠܰܢ ܠܟܽܘܠ ܕܚܳܛ݄ܢ ܠܰܐܦ ܐܶܠܰܢ. ܘܠܳܐ ܡܰܥܒܪܰܬ ܠܰܢ ܠܢܶܣܝܽܘܢܳܐ، ܐܶܠܳܐ ܦܪܰܩ ܠܰܢ ܡܽܗ̄ܘ ܒܺܝܫܳܐ.“
ܗ̄ܽܘ ܡܰܬ̥ܠܳܐ ܕܽܗ̄ܘ ܪܳܚܡܳܐ ܕܺܗ̄ܝ ܦܳܬ̥ܳܐ ܩܘܺܝܬ̥ܳܐ
5ܘܐܡ݄ܪ ܠܰܗ ܠّܶܗ: ”ܡܰܢܝܳܐ ܕܡ݄ܢܟ̥ܽܘ ܕܟ݄ܬ ܠܶܗ ܪܳܚܡܳܐ ܘܟ݄ܐܙّܶܗ ܠܓܰܒܶܗ ܒܦܰܠܓܶܗ ܕܠܰܠܝܳܐ ܘܳܐܡܰܪ ܠܶܗ: ܪܳܚܡܳܐ، ܗܰܒ̥ ܠܺܝ ܕܰܝܢܳܐ ܬܠ݄ܬ̥ ܛܰܠܡ̈ܶܐ ܕܠܰܚܡܳܐ، 6ܥܰܠ ܕܰܐܬ̥ܺܝ ܠܓܰܒܺܝ ܪܳܚܡܳܐ ܡܽܗ̄ܘ ܕܰܪܒܳܐ، ܘܠܰܝ̱ܬ ܠܺܝ ܡܶܕܶܐ ܕܡܰܚ݄ܬ ܐ̱ܢܳܐ ܩܽܘܕ̱ܡܶܗ. 7ܘܽܗ̄ܘ ܪܳܚܡܰܝܕ̥ܶܗ ܡܶܢ̱ ܠܰܘܓ̥݄ܠ ܓܡܰܕܥ݄ܪ ܘܟܳܐܡ݄ܪ: ܠܳܐ ܡܰܥܺܝܩܰܬ ܠܺܝ، ܟܰܐܠܶܗ ܗ̄ܽܘ ܬܰܪܥܳܐ ܣܟ̥ܺܝܪܳܐ ܝܳܐ، ܘܰܙܥܽܘܪ̈ܰܝܕ̥ܺܝ ܐܰܥܡܺܝ ܒ̈ܰܓّܰܠܶܐ، ܠܰܝܒܺܝ ܩܳܝܰܡ ܐ̱ܢܳܐ ܘܳܗ̄ܒܶܐ ܐ̱ܢܳܐ ܠܳܟ̥. 8ܟܳܐܡܰܪ ܐ̱ܢܳܐ ܠܟ̥ܽܘ: ܐܶܢ ܠܰܫܰܢ ܗ̄ܺܝ ܪܳܚܡܽܘܬ̥ܳܐ ܠܳܐ ܗ̄ܒܶܐ ܠܶܗ، ܓ݄ܕܩܳܝ݄ܡ ܘܳܗ̄ܒܶܐ ܠܶܗ ܥܰܠ ܕܦܰܝ݄ܫ ܒ݄ܬ̥ܪܶܗ ܡ݄ܩܰܐ ܕܳܐܒ݄ܥ ܡܶܢܶܗ. 9ܘܳܐܢܳܐ ܣܬܶܝ ܟܳܐܡܰܪ ܐ̱ܢܳܐ ܠܟ̥ܽܘ: ܝܺܒܰܥܽܘ ܓܡܺܝܬܰܗܒ̥ܰܠܟ̥ܽܘ، ܟܪܰܟ̥ܽܘ ܓ݄ܕܚܳܙܺܝܬܽܘ، ܕܽܘܩܽܘ ܓܡ݄ܦܬ݄ܚ ܐܰܠܟ̥ܽܘ. 10ܡܺܐܝܕ̥ܶܗ ܕܟܽܘܠ ܕܳܐܒ݄ܥ ܟܡܳܝ݄ܕ، ܘ݄ܕܟܳܪ݄ܟ̥ ܟܚܳܙܶܐ، ܘ݄ܕܕܳܝ݄ܩ ܟܡ݄ܦܬ݄ܚ ܐܶܠܶܗ. 11ܘܰܐܝܢܰܐ ܒܰܒܳܐ ܡ݄ܢܟ̥ܽܘ ܕܽܗ̄ܘ ܐܰܒܪܳܐ ܐܳܒ݄ܥ ܡܶܢܶܗ ܠܰܚܡܳܐ، ܩܰܝ ܟܶܐܦܳܐ ܓܕܳܗ̄ܒܶܐ ܠܶܗ؟ ܘܶܐܢ ܢܽܘܢܳܐ ܐܳܒ݄ܥ ܡܶܢܶܗ، ܩܰܝ ܟܽܘܪܦܳܐ ܓܕܳܗ̄ܒܶܐ ܠܶܗ ܡܶܢ̱ ܚܠܳܦ ܗ̄ܺܝ ܢܽܘܢܳܐ؟ 12ܘܶܐܢ ܒ݄ܥܬܳܐ ܐܳܒ݄ܥ ܡܶܢܶܗ، ܩܰܝ ܥܺܩܰܪܒ̥ܳܐ ܓܕܳܗ̄ܒܶܐ ܠܶܗ؟ 13ܘܶܐܢ ܗܰܬܽܘ ܕܟ݄ܬ ܗ̄ܰܬܽܘ ܒܺܝܫ̈ܶܐ ܟ݄ܐܕ̥ܥܺܝܬܽܘ ܗ̄ܳܒܺܝܬܽܘ ܡܰܘܗ̈ܒܳܬ̥ܳܐ ܛܳܒ̥̈ܶܐ ܠܰܗ̄ܢ ܐܰܒܢ̈ܰܬ̥ܟ̥ܽܘ، ܡ݄ܩܰܐ ܒܽܗ̄ܘ ܙܳܝܽܘܕܳܐ ܗ̄ܽܘ ܒܰܒܰܬ̥ܟ̥ܽܘ ܓܕܳܗ̄ܒܶܐ ܡܺܗ̄ܝ ܫܡܰܝܳܐ ܪܽܘܚܳܐ ܕܩܽܘܕܫܳܐ ܠܰܐܝܢܰܐ ܕܳܐܒܥܺܝ ܡܶܢܶܗ؟“
ܝܶܫܽܘܥ ܘ݄ܒܥܶܠܙܒܽܘܒ
ܡܬܝ 12:22‐30؛ ܡܪܩܘܣ 3:20‐27
14ܘܡܰܘܦܰܩ ܗ̄ܘܰܐ ܫܺܐܕܳܐ ܕܟ݄ܬ ܝܳܐ ܚܰܪܫܳܐ، ܘܺܗ̄ܝ ܢܰܩܠܐ ܕܢܰܦ݄ܩ ܗ̄ܽܘ ܫܺܐܕܰܘܳܐ، ܫܓ̥ܺܝܠ ܗ̄ܽܘ ܚܰܪܫܰܘܳܐ، ܘ݄ܡܕܰܘܡܪܺܝ ܗ̄ܰܢ ܢܳܫ̈ܶܐ. 15ܘܢܳܫ̈ܶܐ ܡ݄ܢّܶܗ ܐܡ݄ܪّܶܗ: ”ܒ݄ܒܥܶܠܙܒܽܘܒ ܪܺܝܫܳܐ ܕܰܫّܺܐܕ̈ܶܐ، ܗܰܢܳܐ ܟܡܰܘܦ݄ܩ ܫܺܐܕ̈ܶܐ.“ 16ܘ݄ܚܪ̈ܶܢܶܐ ܠܰܫܰܢ ܕ݄ܡܢܰܣ݄ܢ ܠܶܗ، ܐܳܬ̥ܳܐ ܡܺܗ̄ܝ ܫܡܰܝܳܐ ܐ݄ܒܥܺܝ ܗ̄ܘܰܘ̱ ܡܶܢܶܗ. 17ܘܝܶܫܽܘܥ ܕܳܐܕ̥ܰܥ ܗ̄ܘܰܐ ܡ݄ܢ ܟܚܳܫܒ̥ܺܝ ܒܠܶܒܰܝّܶܗ، ܐܡ݄ܪ ܠܰܗ ܠّܶܗ: ”ܟܽܘܠ ܡܰܡܠܰܟ̥ܬܳܐ ܕܡ݄ܦܠܳܓ̥ܳܐ ܥܰܠ ܪܽܘܚܰܗ ܟܚ݄ܪܒ̥ܳܐ، ܘܒܰܝܬܳܐ ܕܡ݄ܦܠ݄ܓ̥ ܥܰܠ ܪܽܘܚܶܗ ܟܢܳܦ݄ܠ. 18ܘܶܐܢ ܣܳܛܳܢܳܐ ܟܡ݄ܦܠ݄ܓ̥ ܥܰܠ ܪܽܘܚܶܗ، ܐܰܝܕܰܪܒܳܐ ܓܩܰܝܡܳܐ ܗ̄ܺܝ ܡܰܡܠܰܟ̥ܬ̥ܰܝܕ̥ܶܗ؟ (ܗܰܬܽܘ) ܕܟ݄ܐܡّܺܪ̱ܝܬܽܘ ܕܒ݄ܒܥܶܠܙܒܽܘܒ ܟܡܰܘܦܰܩ ܐ̱ܢܳܐ ܫܺܐܕ̈ܶܐ. 19ܘܶܐܢ ܐܳܢܳܐ ܒ݄ܒܥܶܠܙܒܽܘܒ ܟܡܰܘܦܰܩ ܐ̱ܢܳܐ ܫܺܐܕ̈ܶܐ، ܗ̄ܰܢ ܐܰܒܢ̈ܰܬ̥ܟ̥ܽܘ ܒܡ݄ܢ ܟܡܰܘܦܩ݄ܢّܶܗ؟ ܡܰܗ̄ܘܟ̥ܰܐ، ܗ݄ܢّܶܝ ܓܕܳܗ̄ܘ݄ܢܟ̥ܽܘ ܕ̈ܰܝܳܢܶܐ. 20ܘܶܐܢ ܒܺܗ̄ܝ ܨܰܒ̥ܥܳܐ ܕܰܐܠܳܗܳܐ ܟܡܰܘܦܰܩ ܐ̱ܢܳܐ ܫܺܐܕ̈ܶܐ، ܡܩܰܪܰܒ̥ ܠܰܗ ܐܰܥܠܰܝܟ̥ܽܘ ܗ̄ܺܝ ܡܰܠܟܽܘܬ̥ܳܐ ܕܰܐܠܳܗܳܐ. 21ܘܶܐܡܰܐ ܕܽܗ̄ܘ ܚܺܝܨܳܐ ܟܳܗ̄ܘܶܐ ܡܙܰܝܢܳܐ (ܡܛܰܝܒܳܐ) ܟܢܳܛ݄ܪ ܗ̄ܽܘ ܒܰܝܬܰܝܕ̥ܶܗ، ܒܫܰܝܢܳܐ ܟܳܗ̄ܘܶܐ ܗ̄ܽܘ ܡܳܠܰܝܕ̥ܶܗ. 22ܘܶܐܢ ܐܰܬ̥ܺܝ ܠܶܗ ܚܰܕ̱ ܙ݄ܕ ܒܚܰܝܠܳܐ ܡܶܢܶܗ ܓܬܳܒ̥ܰܪ ܠܶܗ، ܓܫܳܩ݄ܠ ܟܽܘܠܶܗ ܗ̄ܽܘ ܙܰܝܢܰܝܕ̥ܶܗ ܕܟ݄ܬ ܗ̄ܘܰܐ ܬܟ̥ܺܝܠܳܝܳܐ ܐܰܥܠܶܗ، ܘܓ݄ܡܦܰܠ݄ܓ̥ ܗ̄ܽܘ ܡܶܕܶܐ ܕ݄ܓܢܽܒ̥ ܠܶܗ.
ܗ̄ܽܘ ܕܥܳܪܳܐ ܕܺܗ̄ܝ ܪܽܘܚܳܐ ܒܺܝܫܬܳܐ
ܡܬܝ 12:43‐45
23”ܡܰܢ ܕܠܰܝ̱ܬ ܝܳܐ ܐܰܥܡܺܝ ܡܩܰܒ݄ܠ ܕܺܝܕ̥ܺܝ ܝܳܐ، ܘܡܰܢ ܕܠ݄ܐ ܟܡܰܠ݄ܡ ܐܰܥܡܺܝ ܒܽܘܪܒܳܙܳܐ ܟ݄ܡܒܰܪܒ݄ܙ. 24ܗ̄ܺܝ ܪܽܘܚܳܐ ܒܺܝܫܬܳܐ ܡ݄ܐ ܕܢܰܦܺܝܩܳܐ ܡܶܢ̱ ܢܳܫܳܐ، ܟ݄ܐܙّܰܗ ܟ݄ܪܟ̥ܳܐ ܒܕܽܘ̈ܟܳܬ̥ܳܐ ܕܠܰܝܬ ܐܰܒّܶܗ ܡܰܝ̈ܶܐ ܠܰܫܰܢ ܕܡ݄ܬ̥ܢܳܚܳܐ، ܘܺܗ̄ܝ ܢܰܩܠܐ ܕܠ݄ܐ ܟܚ݄ܙܝܳܐ ܟ݄ܐܡّܳܪ̱ܐ: ܓܕ݄ܥܪܳܐ ܐ̱ܢܳܐ ܠܽܗ̄ܘ ܒܰܝܬܰܝܕ̥ܺܝ ܕܢܰܦܺܝܩܳܐ ܐ̱ܢܳܐ ܡܶܢܶܗ. 25ܘܶܐܢ ܐܰܬ̥ܝܳܐ ܟܚ݄ܙܝܳܐ ܠܶܗ ܟܢܺܝܫܳܐ ܘܫܰܦܺܝܪܳܐ (ܡܨܰܒܬ̥ܳܐ). 26ܗ̄ܺܝ ܢܰܩܠܝܳܐ، ܟ݄ܐܙّܰܗ ܟܡܰܘܒܠܳܐ ܐܰܥܡܰܗ ܫܒ̥ܰܥ ܪ̈ܽܘܚܶܐ ܚܪ̈ܶܢܶܐ ܒܺܝܫ ܡܶܢܰܗ، ܘܥ݄ܒܪܺܝ ܘܥ݄ܡܪܺܝ ܐܶܒܶܗ، ܘܟܳܗ̄ܘܝܳܐ ܗ̄ܺܝ ܚܰܪܰܝܬܳܐ ܕܽܗ̄ܘ ܢܳܫܰܘܳܐ ܒܺܝܫ ܡܶܢ̱ ܩܰܕ̱ܡܰܝܬܰܝܕ̥ܶܗ.“
ܛܽܘܒܳܐ ܠܰܗ̄ܢܺܝ ܕ݄ܟܫܳܡܥܺܝ ܘ݄ܟܣܰܝܡܺܝ
27ܘܗܺܝّܶܗ ܡ݄ܫܓ̥ܰܠ ܗ̄ܘܰܐ ܗܰܢܺܝ، ܚܕ̥ܳܐ ܐܰܢ̱ܬ̥ܬܳܐ ܡܰܗ̄ܢ ܢܳܫ̈ܶܐ ܡܰܥܠܶܐ ܠܰܗ ܩܳܠܰܗ ܘܐܡ݄ܪ ܠܰܗ ܠܶܗ: ”ܛܽܘܒܳܐ ܠܺܗ̄ܝ ܟܰܪܣܳܐ ܕ݄ܛܥ݄ܢ ܠܰܗ ܠܳܟ̥، ܘܠܽܗ̄ܘ ܨܰܕܪܳܐ ܕܡܰܝܢܰܩ ܠܶܗ ܠܳܟ̥.“ 28ܗܺܝّܶܗ ܐܡ݄ܪ ܠܶܗ ܠܰܗ: ”{ܐܶܠܳܐ} ܛܽܘܒܳܐ ܠܰܗ̄ܢܺܝ ܕܫܰܡܺܝܥܺܝ ܗ̄ܺܝ ܡܶܠܬ̥ܳܐ ܕܰܐܠܳܗܳܐ ܘܟܳܢܳܛܪܺܝ ܠܰܗ.“
ܗ̄ܰܢ ܢܳܫ̈ܶܐ ܟ݄ܐܒܥܺܝ ܐܳܬ̥ܳܐ
ܡܬܝ 12:38‐42؛ ܡܪܩܘܣ 8:12
29ܘܗܶܫ ܗ̄ܰܢ ܢܳܫ̈ܶܐ ܠ݄ܬܡܺܝ ܗ̄ܘܰܘ̱، ܡܫܰܪܶܐ ܠܶܗ ܕܳܐܡ݄ܪ: ”ܗ̄ܽܘ ܕܳܪܰܢܳܐ ܗ̄ܽܘ ܒܺܝܫܳܐ ܐܳܬ̥ܳܐ ܟܳܐܒ݄ܥ، ܘܳܐܬ̥ܳܐ ܠ݄ܐ ܓܡܺܝܬܰܗܒ̥ܶܐ ܠܶܗ ܐܶܠܳܐ ܗ̄ܺܝ ܐܳܬ̥ܳܐ ܕܝܰܘܢܳܢ ܗ̄ܽܘ ܢܒܺܝܳܐ: 30ܘܒܶܗ ܐܰܝܕܰܪܒܳܐ ܗܰܘܺܝ ܝܰܘܢܳܢ ܐܳܬ̥ܳܐ ܠܰܗ̄ܢ ܢܺܝ̈ܢܘܳܝܶܐ، ܗܰܘܟ̥ܰܐ ܣܬܶܝ ܓܕܳܗ̄ܘܶܐ ܐܰܒܪܶܗ ܕܢܳܫܳܐ (ܐܳܬ̥ܳܐ) ܠܽܗ̄ܘ ܕܳܪܰܢܳܐ. 31ܗ̄ܺܝ ܡܰܠ݄ܟܬ̥ܳܐ ܕܽܗ̄ܘ ܬܰܝܡܢܳܐ ܓܩܰܝܡܳܐ ܒܽܗ̄ܘ ܕܺܝܢܳܐ ܥܰܡ ܗ̄ܰܢ ܢܳܫ̈ܶܐ ܕܽܗ̄ܘ ܕܳܪܰܢܳܐ، ܘܕܰܝܢܳܐ ܠܶܗ، ܥܰܠ ܕܰܐܬ̥ܝܳܐ ܡܶܢ̱ ܚܰܪܰܝܬܳܐ ܕܺܗ̄ܝ ܐܰܪܥܳܐ ܕܫܳܡܥܳܐ ܗ̄ܺܝ ܚܶܟ̥ܡܬ̥ܳܐ ܕ݄ܫܠܶܝܡܳܘܢ، ܘܟܰܐܠܶܗ ܗܰܪܟܶܐ ܪܰܒ ܡܶܢ̱ ܫܠܶܝܡܳܘܢ. 32ܗ̄ܰܓّܰܒ̥ܪ̈ܶܐ ܕܢܺܝܢܘܶܐ ܓܩܰܝܡܺܝ ܒܽܗ̄ܘ ܕܺܝܢܳܐ ܥܰܡ ܗ̄ܽܘ ܕܳܪܰܢܳܐ ܘ݄ܓܕܰܝܢܺܝ ܠܶܗ، ܥܰܠ ܕܬܰܝܒܺܝ ܒܺܗ̄ܝ ܟܳܪܽܘܙܽܘܬ̥ܳܐ ܕܝܰܘܢܳܢ، ܘܟܰܐܠܶܗ ܗܰܪܟܶܐ ܕܪܰܒ ܡܶܢ̱ ܝܰܘܢܳܢ.“
ܗ̄ܽܘ ܢܽܘܗܪܳܐ ܕܽܗ̄ܘ ܦܰܓ̥ܪܳܐ
ܡܬܝ 5:15؛ 6:22‐23
33”ܠܳܐ ܢܳܫܳܐ ܟܡܰܢܗ݄ܪ ܫܪܳܓ̥ܳܐ ܘܡܰܚ݄ܬ ܠܰܗ ܒܕܽܘܟܬ̥ܳܐ ܬܠܺܝܬ̥ܳܐ ܐܰܘ ܬܰܚܬ ܗ̄ܽܘ ܣܶܦܳܩܳܐ، ܐܶܠܳܐ ܥܰܠ ܗ̄ܺܝ ܡܢܳܪܬܳܐ ܕܚܳܙ݄ܢ ܗܰܢܺܝ ܕܥܳܒܪܺܝ ܗ̄ܽܘ ܢܽܘܗܪܰܝܕ̥ܶܗ. 34ܗ̄ܺܝ ܫܪܳܓ̥ܳܐ ܕܽܗ̄ܘ ܦܰܓ̥ܪܰܝܕ̥ܳܟ̥ ܗ̄ܺܝ ܥܰܝܢܳܐ ܝܳܐ. ܗܰܢ ܢܰܩܠܐ ܐܶܡܰܐ ܕܥܰܝܢܳܟ̥ ܟܳܗ̄ܘܝܳܐ ܢܰܝ݄ܚܬܳܐ (ܛܰܒ̥ܬܳܐ)، ܗ̄ܽܘ ܦܰܓ̥ܪܰܝܕ̥ܳܟ̥ ܟܽܘܠܶܗ ܒܢܽܘܗܪܳܐ ܟܳܗ̄ܘܶܐ، ܘܶܐܢ ܟܳܗ̄ܘܝܳܐ ܒܺܝܫܬܳܐ (ܚܰܪܒܬܳܐ)، ܗ̄ܽܘ ܦܰܓ̥ܪܰܝܕ̥ܳܟ̥ ܣܬܶܝ ܒܥܰܡܛܳܢܳܐ ܟܳܗ̄ܘܶܐ. 35ܗܰܢ ܢܰܩܠܐ ܡܰܒ݄ܗ، ܕܠ݄ܐ ܐܙّܶܗ ܗܳܘܶܐ ܗ̄ܽܘ ܢܽܘܗܪܳܐ ܕܶܐܒܳܟ̥ ܥܰܡܛܳܢܳܐ. 36ܘܶܐܢ ܕܳܗ̄ܘܶܐ ܗ̄ܽܘ ܦܰܓ̥ܪܰܝܕ̥ܳܟ̥ ܟܽܘܠܶܗ ܒܢܽܘܗܪܳܐ، ܘܠܰܝܒܶܗ ܘܠܳܐ ܗܰܕܳܡܳܐ ܥܰܡܛܳܢܳܐ، ܓܕܳܗ̄ܘܶܐ ܟܽܘܠܶܗ ܡܰܢܗܪܳܐ ܐܟ̥ ܕܺܗ̄ܝ ܫܪܳܓ̥ܳܐ ܒܽܗ̄ܘ ܕܠܳܩܰܝܕ̥ܰܗ ܟܡܰܢ݄ܗܪܳܐ ܠܳܟ̥.“
ܘܳܝ̈ܶܐ ܥܰܠ ܗ̄ܰܣّܳܦܪ̈ܶܐ ܘܰܦܪ̈ܺܝܫܶܐ
ܡܬܝ 23:1‐36؛ ܡܪܩܘܣ 12:38‐40؛ ܠܘܩܐ 20:45‐47
37ܘܗܺܝّܶܗ ܟܡ݄ܫܓ̥݄ܠ، ܚܰܕ̱ ܦܪܺܝܫܳܐ ܐܰܒ݄ܥ ܡܶܢܶܗ ܕܳܐܬ̥ܶܐ ܡܰܥܪܶܐ ܓܰܒܶܗ، ܘܥܰܒ݄ܪ ܘ݄ܣܡܺܝܟ̥. 38ܘܽܗ̄ܘ ܦܪܺܝܫܰܘܳܐ ܡܕܰܘܡ݄ܪ ܗ̄ܺܝ ܢܰܩܠܐ ܕ݄ܚܙܶܐ ܠܶܗ ܕܠܳܐ ܒܺܗ̄ܝ ܩܰܕ̱ܡܰܝܬܳܐ ܡܰܫ݄ܓ̥ ܠܶܗ ܡܶܩ݄ܕ̱ܡ ܡܺܗ̄ܝ ܥܪܰܝܬܳܐ. 39ܘܝܶܫܽܘܥ ܐܡ݄ܪ ܠܶܗ ܠܶܗ: ”ܐܳܥܕܳܐ ܗܰܬܽܘ ܗ̄ܰܦܪ̈ܺܝܫܶܐ ܟ݄ܡܕܰܟܺܝܬܽܘ (ܘܡܰܫܺܝܓ̥ܺܝܬܽܘ) ܗ̄ܽܘ ܟܳܣܳܐ ܘܽܗ̄ܘ ܣܶܦܳܩܳܐ ܡܶܢ̱ ܠܰܪܒ̥ܰܠ، ܐܶܠܳܐ ܠܰܘܓ̥݄ܠ ܕ݄ܬ̥ܟ̥ܽܘ ܚܰܪܒܽܘܬ̥ܳܐ ܘܒܺܝܫܽܘܬ̥ܳܐ ܡܰܠܝܳܐ. 40ܝܰܐ ܢܳܩ݄ܨ ܗܰܘܢܳܐ، ܩܰܝ ܠܳܐ ܗܰܢܳܐ ܕܣ݄ܡ ܠܶܗ ܕܠܰܪܒ̥ܰܠ ܣ݄ܡ ܠܶܗ ܣܬܶܝ ܕܠܰܘܓ̥݄ܠ؟ 41ܐܶܠܳܐ ܗ̄ܽܘ ܡܶܕܶܐ ܕܟܺܝܬ {ܠܰܘܓ̥݄ܠ} ܗܰܒ̥ܽܘ ܠܶܗ ܙܶܕܰܩܬܳܐ، ܘܟܰܐܠܶܗ ܟܽܘܠ ܡܶܕܶܐ ܕܰܟ̥ܝܳܐ ܝܳܐ ܐܰܠܟ̥ܽܘ. 42ܐܶܠܳܐ ܘܳܝܳܐ ܐܰܠܟ̥ܽܘ ܝܰܐ ܦܪ̈ܺܝܫܶܐ ܕܟܳܗ̄ܒܺܝܬܽܘ ܡܰܢ̱ ܥܰܣܪܳܐ ܚܰܕ̱ ܡܽܗ̄ܘ ܢܳܢܥܳܐ ܘܦܺܝܓܰܢܳܐ ܘܟܽܘܠ ܓܶܠܳܢ̈ܶܐ، ܘܬܳܒ̥ܪܺܝܬܽܘ ܗ̄ܽܘ ܕܺܝܢܳܐ ܘܺܗ̄ܝ ܚܽܘܒܳܐ ܕܰܐܠܳܗܳܐ. ܠܰܗ̄ܢܺܝ ܐܳܒܰܥ ܗ̄ܘܰܐ ܕܣܰܝܡܺܝܬܽܘ ܘܠܰܗ̄ܢ݄ܟ ܠܳܐ ܛܳܪܺܝܬܽܘ. 43ܘܳܝܳܐ ܐܰܠܟ̥ܽܘ ܝܰܐ ܦܪ̈ܺܝܫܶܐ ܕܪܳܚܡܺܝܬܽܘ ܗ̄ܺܝ ܝܬܰܒ̥ܬܳܐ ܒܽܗ̄ܘ ܪܺܝܫܳܐ ܒܰܟܢܽܘܫ̈ܳܬ̥ܳܐ، ܘ݄ܫܠܳܡܳܐ ܒܰܫّܽܘܩ̈ܶܐ. 44ܘܳܝܳܐ ܐܰܠܟ̥ܽܘ ܝܰܐ ܣܳܦܪ̈ܶܐ ܘܰܦܪ̈ܺܝܫܶܐ، ܕܰܬّܰܪܬܶܝ ܦ̈ܳܬ̥ܳܬ̥ܳܐ، ܕܟ݄ܬ ܗ̄ܰܬܽܘ ܐܟ̥ ܕܩܰܒ̥ܪ̈ܶܐ ܠܳܐ ܝܕ̥̈ܺܝܥܶܐ، ܘܰܗ̄ܢ ܢܳܫ̈ܶܐ ܟ݄ܡܗܰܠܟ̥ܺܝ ܐܰܥܠܰܝّܶܗ ܘܠ݄ܐ ܟ݄ܐܕ̥ܥܺܝ.“ 45ܘܡܰܕܥܰܪ ܠܶܗ ܚܰܕ̱ ܡܰܢ̱ ܣّܳܦܪ̈ܶܐ ܘܐܡ݄ܪ ܠܶܗ ܠܶܗ: ”ܡܰܠܦܳܢܳܐ، ܗ̄ܺܝ ܢܰܩܠܐ ܕܗܰܢܺܝ ܟ݄ܐܡّܰܪ̱ܬ، ܐܶܠܰܢ ܣܬܶܝ ܟ݄ܡܨܰܥܪܰܬ.“ 46ܘܗܺܝّܶܗ (ܝܶܫܽܘܥ) ܐܡ݄ܪ ܠܶܗ: ”ܘܰܐܠܟ̥ܽܘ ܣܬܶܝ ܝܰܐ ܣܳܦܪ̈ܶܐ، ܘܳܝܳܐ ܥܰܠ ܕ݄ܟܡܰܛܥܢܺܝܬܽܘ ܠܰܗ̄ܢ ܢܳܫ̈ܶܐ ܛܰܥܢ̈ܶܐ ܝܰܩܽܘܪ̈ܶܐ، ܘܗܰܬܽܘ ܒ݄ܚܕ̥ܳܐ ܡܰܢ̱ ܨّܰܒ̥ܥ̈ܳܬ̥ܰܬ̥ܟ̥ܽܘ ܠ݄ܐ ܟܓܰܝܫܺܝܬܽܘ ܒܰܛّܰܥܢ̈ܶܐ. 47ܘܳܝܳܐ ܐܰܠܟ̥ܽܘ ܕܟܳܒܳܢܺܝܬܽܘ ܗ̄ܰܩّܰܒ̥ܪ̈ܶܐ ܕܰܗ̄ܢ ܢܒܺܝ̈ܶܐ ܕܰܒّܰܒܳܢ̈ܰܬ̥ܟ̥ܽܘ ܩܛܺܝܠ݄ܢّܶܗ. 48ܘܗܰܘܟ̥ܰܐ ܟܳܣܳܗܕܺܝܬܽܘ ܘܟܳܡܰܩܒܠܺܝܬܽܘ ܗ̄ܰܥܒܳܕ̥̈ܶܐ ܕܰܒّܰܒܳܢ̈ܰܬ̥ܟ̥ܽܘ، ܕܗ݄ܢّܶܝ ܩܛܺܝܠ݄ܢّܶܗ، ܘܗܰܬܽܘ ܟܳܒܳܢܺܝܬܽܘ ܗ̄ܰܩّܰܒ̥ܪ̈ܰܬّ̥ܶܗ. 49ܡܰܗ̄ܘܟ̥ܰܐ، ܗ̄ܺܝ ܚܶܟ̥ܡܬ̥ܳܐ ܕܰܐܠܳܗܳܐ ܣܬܶܝ ܐܡ݄ܪ ܠܰܗ: ’ܟܰܐܠܺܝ ܟܳܡܫܰܕܪܳܐ ܐ̱ܢܳܐ ܠّܶܗ ܢܒܺܝ̈ܶܐ ܘ݄ܫܠܺܝܚ̈ܶܐ، ܠܗ݄ܢ ܡ݄ܢّܶܗ ܓܪܳܕ̥ܦܺܝ ܘ݄ܠܗ݄ܢ ܓܩܳܛܠܺܝ،‘ 50ܠܰܫܰܢ ܕܡ݄ܛܠ݄ܒ ܗ̄ܽܘ ܐܰܕܡܳܐ ܕܟܽܘܠّܶܗ ܗ̄ܰܢܒܺܝ̈ܶܐ ܕܒܺܝܙ ܡܽܗ̄ܘ ܕܳܪܰܢܳܐ ܡܽܗ̄ܘ ܝܰܘܡܳܐ ܕܗܰܘܺܝ ܗ̄ܽܘ ܥܳܠܡܳܐ. 51ܡܽܗ̄ܘ ܐܰܕܡܳܐ ܕܗܳܒܶܝܠ ܗܳܠ ܠܽܗ̄ܘ ܐܰܕܡܳܐ ܕ݄ܙܟ̥ܰܪܝܳܐ، ܗܰܘܳܐ ܕ݄ܩܛܺܝܠ ܒܰܝܢ ܗ̄ܽܘ ܗܰܝܟܠܳܐ ܘܠܽܗ̄ܘ ܡܰܕ̥ܒܚܳܐ. ܐܺܝܢ ܟܳܐܡܰܪ ܐ̱ܢܳܐ ܠܟ̥ܽܘ: ܓ݄ܕܡ݄ܛܠ݄ܒ ܡܽܗ̄ܘ ܕܳܪܰܢܳܐ. 52ܘܳܝܳܐ ܐܰܠܟ̥ܽܘ ܝܰܐ ܣܳܦܪ̈ܶܐ ܕ݄ܫܩ݄ܠܟ̥ܽܘ ܗ̄ܰܩܠܺܝܕ̥̈ܶܐ ܕܺܗ̄ܝ ܝܕ̥ܰܥܬܳܐ، ܠܳܐ ܗܰܬܽܘ ܥܰܒܺܝܪܺܝܬܽܘ، ܘܠܰܐܝܢܰܐ ܕܥܳܒܪܺܝ ܡܰܟܠܰܠܟ̥ܽܘ.“ 53ܘܺܗ̄ܝ ܢܰܩܠܐ ܕܗܰܢܺܝ ܐܡ݄ܪ ܠܰܗ ܠّܶܗ، ܥܰܝ݄ܩّܶܗ ܠܰܣّܳܦܪ̈ܶܐ ܘܠܰܦܪ̈ܺܝܫܶܐ، ܘܪܰܓ̥ܺܝܙܺܝ، ܘ݄ܡܚܰܩܪܺܝ ܗ̄ܘܰܘ̱ ܠܰܡّܰܐܡܪ̈ܰܝܕ̥ܶܗ. 54ܘܢܶܟ̥ܠܳܐ ܣܰܝܡܺܝ ܗ̄ܘܰܝ ܠܶܗ ܒܓ̥ܰܠܰܒܶܐ ܡܶܕ̈ܳܢܶܐ ܘ݄ܐܒܥܺܝ ܗ̄ܘܰܘ̱ ܕܨܰܝܕܺܝ ܠܶܗ ܒܡܶܠܬ̥ܳܐ ܡܶܕܶܐ ܠܰܫܰܢ ܕܩܳܕܪܺܝ ܡܰܫܟ݄ܢ ܐܰܥܠܶܗ.
Currently Selected:
ܡܓܰܠܝܘܢ ܕܠܘܩܐ 11: ܟܬܒܐ
Highlight
Share
Copy
Want to have your highlights saved across all your devices? Sign up or sign in
Suryoyo Bible © 2024 Aramaic Bible Translation
ܡܓܰܠܝܘܢ ܕܠܘܩܐ 11
11
ܐܰܝܕܰܪܒܳܐ ܓ݄ܡܨܰܠܺܝܢܰܐ ܗ̄ܺܝ ܨܠܽܘܬ̥ܳܐ ܕܡܳܪܰܢ
ܡܬܝ 6:9‐15؛ 7:7‐11
1ܘܗܰܘܺܝ، ܘܗܺܝّܶܗ ܟ݄ܡܨܰܠܶܐ ܒܕܽܘܟܬ̥ܳܐ ܚܕ̥ܳܐ، ܗ̄ܺܝ ܢܰܩܠܐ ܕ݄ܡܫܰܠܰܡ ܠܶܗ، ܐܡ݄ܪ ܠܶܗ ܠܶܗ ܚܰܕ̱ ܡܰܢ̱ ܬّܰܠܡܺܝܕ̥̈ܰܝܕ̥ܶܗ: ”ܡܳܪܰܢ، ܡܰܘܠ݄ܦ ܠܰܢ ܕ݄ܡܨܰܠܺܝܢܰܐ، ܐܟ̥ ܕܡܰܘܠܰܦ ܠܶܗ ܝܽܘܚܰܢܳܢ ܠܰܬّܰܠܡܺܝܕ̥̈ܰܝܕ̥ܶܗ.“ 2ܐܡ݄ܪ ܠܰܗ ܠّܶܗ ܝܶܫܽܘܥ: ”ܐܶܡܰܐ ܕ݄ܡܨܰܠܺܝܬܽܘ ܗܰܘܟ̥ܰܐ ܐܡܰܪܽܘ: ܐܰܒܘܿܢ ܕܒܺܗ̄ܝ ܫܡܰܝܳܐ، ܡܺܝܩܰܕ݄ܫ ܐ݄ܫܡܳܟ̥، ܐ݄ܬ̥ܝܳܐ ܗ̄ܺܝ ܡܰܠܟܽܘܬ̥ܰܝܕ̥ܳܟ̥، ܗܳܘܶܐ ܗ̄ܽܘ ܨܶܒܝܳܢܰܝܕ̥ܳܟ̥ ܐܟ̥ ܕܟ݄ܬ ܝܳܐ ܒܺܗ̄ܝ ܫܡܰܝܳܐ، ܗܰܘܟ̥ܰܐ ܣܬܶܝ ܒܺܗ̄ܝ ܐܰܪܥܳܐ. 3ܗܰܒ̥ ܠܰܢ ܗ̄ܽܘ ܠܰܚܡܳܐ ܕܺܗ̄ܝ ܣܢܺܝܩܽܘܬ̥ܰܝܕ̥ܰܢ ܟܽܘܠ ܝܰܘܡܳܐ، 4ܘ݄ܫܒܰܩ ܠܰܢ ܗ̄ܰܚ̈ܛܳܗܰܝܕ̥ܰܢ، ܕܰܐܚܢܰܐ ܣܬܶܝ ܫܒ݄ܩ ܠܰܢ ܠܟܽܘܠ ܕܚܳܛ݄ܢ ܠܰܐܦ ܐܶܠܰܢ. ܘܠܳܐ ܡܰܥܒܪܰܬ ܠܰܢ ܠܢܶܣܝܽܘܢܳܐ، ܐܶܠܳܐ ܦܪܰܩ ܠܰܢ ܡܽܗ̄ܘ ܒܺܝܫܳܐ.“
ܗ̄ܽܘ ܡܰܬ̥ܠܳܐ ܕܽܗ̄ܘ ܪܳܚܡܳܐ ܕܺܗ̄ܝ ܦܳܬ̥ܳܐ ܩܘܺܝܬ̥ܳܐ
5ܘܐܡ݄ܪ ܠܰܗ ܠّܶܗ: ”ܡܰܢܝܳܐ ܕܡ݄ܢܟ̥ܽܘ ܕܟ݄ܬ ܠܶܗ ܪܳܚܡܳܐ ܘܟ݄ܐܙّܶܗ ܠܓܰܒܶܗ ܒܦܰܠܓܶܗ ܕܠܰܠܝܳܐ ܘܳܐܡܰܪ ܠܶܗ: ܪܳܚܡܳܐ، ܗܰܒ̥ ܠܺܝ ܕܰܝܢܳܐ ܬܠ݄ܬ̥ ܛܰܠܡ̈ܶܐ ܕܠܰܚܡܳܐ، 6ܥܰܠ ܕܰܐܬ̥ܺܝ ܠܓܰܒܺܝ ܪܳܚܡܳܐ ܡܽܗ̄ܘ ܕܰܪܒܳܐ، ܘܠܰܝ̱ܬ ܠܺܝ ܡܶܕܶܐ ܕܡܰܚ݄ܬ ܐ̱ܢܳܐ ܩܽܘܕ̱ܡܶܗ. 7ܘܽܗ̄ܘ ܪܳܚܡܰܝܕ̥ܶܗ ܡܶܢ̱ ܠܰܘܓ̥݄ܠ ܓܡܰܕܥ݄ܪ ܘܟܳܐܡ݄ܪ: ܠܳܐ ܡܰܥܺܝܩܰܬ ܠܺܝ، ܟܰܐܠܶܗ ܗ̄ܽܘ ܬܰܪܥܳܐ ܣܟ̥ܺܝܪܳܐ ܝܳܐ، ܘܰܙܥܽܘܪ̈ܰܝܕ̥ܺܝ ܐܰܥܡܺܝ ܒ̈ܰܓّܰܠܶܐ، ܠܰܝܒܺܝ ܩܳܝܰܡ ܐ̱ܢܳܐ ܘܳܗ̄ܒܶܐ ܐ̱ܢܳܐ ܠܳܟ̥. 8ܟܳܐܡܰܪ ܐ̱ܢܳܐ ܠܟ̥ܽܘ: ܐܶܢ ܠܰܫܰܢ ܗ̄ܺܝ ܪܳܚܡܽܘܬ̥ܳܐ ܠܳܐ ܗ̄ܒܶܐ ܠܶܗ، ܓ݄ܕܩܳܝ݄ܡ ܘܳܗ̄ܒܶܐ ܠܶܗ ܥܰܠ ܕܦܰܝ݄ܫ ܒ݄ܬ̥ܪܶܗ ܡ݄ܩܰܐ ܕܳܐܒ݄ܥ ܡܶܢܶܗ. 9ܘܳܐܢܳܐ ܣܬܶܝ ܟܳܐܡܰܪ ܐ̱ܢܳܐ ܠܟ̥ܽܘ: ܝܺܒܰܥܽܘ ܓܡܺܝܬܰܗܒ̥ܰܠܟ̥ܽܘ، ܟܪܰܟ̥ܽܘ ܓ݄ܕܚܳܙܺܝܬܽܘ، ܕܽܘܩܽܘ ܓܡ݄ܦܬ݄ܚ ܐܰܠܟ̥ܽܘ. 10ܡܺܐܝܕ̥ܶܗ ܕܟܽܘܠ ܕܳܐܒ݄ܥ ܟܡܳܝ݄ܕ، ܘ݄ܕܟܳܪ݄ܟ̥ ܟܚܳܙܶܐ، ܘ݄ܕܕܳܝ݄ܩ ܟܡ݄ܦܬ݄ܚ ܐܶܠܶܗ. 11ܘܰܐܝܢܰܐ ܒܰܒܳܐ ܡ݄ܢܟ̥ܽܘ ܕܽܗ̄ܘ ܐܰܒܪܳܐ ܐܳܒ݄ܥ ܡܶܢܶܗ ܠܰܚܡܳܐ، ܩܰܝ ܟܶܐܦܳܐ ܓܕܳܗ̄ܒܶܐ ܠܶܗ؟ ܘܶܐܢ ܢܽܘܢܳܐ ܐܳܒ݄ܥ ܡܶܢܶܗ، ܩܰܝ ܟܽܘܪܦܳܐ ܓܕܳܗ̄ܒܶܐ ܠܶܗ ܡܶܢ̱ ܚܠܳܦ ܗ̄ܺܝ ܢܽܘܢܳܐ؟ 12ܘܶܐܢ ܒ݄ܥܬܳܐ ܐܳܒ݄ܥ ܡܶܢܶܗ، ܩܰܝ ܥܺܩܰܪܒ̥ܳܐ ܓܕܳܗ̄ܒܶܐ ܠܶܗ؟ 13ܘܶܐܢ ܗܰܬܽܘ ܕܟ݄ܬ ܗ̄ܰܬܽܘ ܒܺܝܫ̈ܶܐ ܟ݄ܐܕ̥ܥܺܝܬܽܘ ܗ̄ܳܒܺܝܬܽܘ ܡܰܘܗ̈ܒܳܬ̥ܳܐ ܛܳܒ̥̈ܶܐ ܠܰܗ̄ܢ ܐܰܒܢ̈ܰܬ̥ܟ̥ܽܘ، ܡ݄ܩܰܐ ܒܽܗ̄ܘ ܙܳܝܽܘܕܳܐ ܗ̄ܽܘ ܒܰܒܰܬ̥ܟ̥ܽܘ ܓܕܳܗ̄ܒܶܐ ܡܺܗ̄ܝ ܫܡܰܝܳܐ ܪܽܘܚܳܐ ܕܩܽܘܕܫܳܐ ܠܰܐܝܢܰܐ ܕܳܐܒܥܺܝ ܡܶܢܶܗ؟“
ܝܶܫܽܘܥ ܘ݄ܒܥܶܠܙܒܽܘܒ
ܡܬܝ 12:22‐30؛ ܡܪܩܘܣ 3:20‐27
14ܘܡܰܘܦܰܩ ܗ̄ܘܰܐ ܫܺܐܕܳܐ ܕܟ݄ܬ ܝܳܐ ܚܰܪܫܳܐ، ܘܺܗ̄ܝ ܢܰܩܠܐ ܕܢܰܦ݄ܩ ܗ̄ܽܘ ܫܺܐܕܰܘܳܐ، ܫܓ̥ܺܝܠ ܗ̄ܽܘ ܚܰܪܫܰܘܳܐ، ܘ݄ܡܕܰܘܡܪܺܝ ܗ̄ܰܢ ܢܳܫ̈ܶܐ. 15ܘܢܳܫ̈ܶܐ ܡ݄ܢّܶܗ ܐܡ݄ܪّܶܗ: ”ܒ݄ܒܥܶܠܙܒܽܘܒ ܪܺܝܫܳܐ ܕܰܫّܺܐܕ̈ܶܐ، ܗܰܢܳܐ ܟܡܰܘܦ݄ܩ ܫܺܐܕ̈ܶܐ.“ 16ܘ݄ܚܪ̈ܶܢܶܐ ܠܰܫܰܢ ܕ݄ܡܢܰܣ݄ܢ ܠܶܗ، ܐܳܬ̥ܳܐ ܡܺܗ̄ܝ ܫܡܰܝܳܐ ܐ݄ܒܥܺܝ ܗ̄ܘܰܘ̱ ܡܶܢܶܗ. 17ܘܝܶܫܽܘܥ ܕܳܐܕ̥ܰܥ ܗ̄ܘܰܐ ܡ݄ܢ ܟܚܳܫܒ̥ܺܝ ܒܠܶܒܰܝّܶܗ، ܐܡ݄ܪ ܠܰܗ ܠّܶܗ: ”ܟܽܘܠ ܡܰܡܠܰܟ̥ܬܳܐ ܕܡ݄ܦܠܳܓ̥ܳܐ ܥܰܠ ܪܽܘܚܰܗ ܟܚ݄ܪܒ̥ܳܐ، ܘܒܰܝܬܳܐ ܕܡ݄ܦܠ݄ܓ̥ ܥܰܠ ܪܽܘܚܶܗ ܟܢܳܦ݄ܠ. 18ܘܶܐܢ ܣܳܛܳܢܳܐ ܟܡ݄ܦܠ݄ܓ̥ ܥܰܠ ܪܽܘܚܶܗ، ܐܰܝܕܰܪܒܳܐ ܓܩܰܝܡܳܐ ܗ̄ܺܝ ܡܰܡܠܰܟ̥ܬ̥ܰܝܕ̥ܶܗ؟ (ܗܰܬܽܘ) ܕܟ݄ܐܡّܺܪ̱ܝܬܽܘ ܕܒ݄ܒܥܶܠܙܒܽܘܒ ܟܡܰܘܦܰܩ ܐ̱ܢܳܐ ܫܺܐܕ̈ܶܐ. 19ܘܶܐܢ ܐܳܢܳܐ ܒ݄ܒܥܶܠܙܒܽܘܒ ܟܡܰܘܦܰܩ ܐ̱ܢܳܐ ܫܺܐܕ̈ܶܐ، ܗ̄ܰܢ ܐܰܒܢ̈ܰܬ̥ܟ̥ܽܘ ܒܡ݄ܢ ܟܡܰܘܦܩ݄ܢّܶܗ؟ ܡܰܗ̄ܘܟ̥ܰܐ، ܗ݄ܢّܶܝ ܓܕܳܗ̄ܘ݄ܢܟ̥ܽܘ ܕ̈ܰܝܳܢܶܐ. 20ܘܶܐܢ ܒܺܗ̄ܝ ܨܰܒ̥ܥܳܐ ܕܰܐܠܳܗܳܐ ܟܡܰܘܦܰܩ ܐ̱ܢܳܐ ܫܺܐܕ̈ܶܐ، ܡܩܰܪܰܒ̥ ܠܰܗ ܐܰܥܠܰܝܟ̥ܽܘ ܗ̄ܺܝ ܡܰܠܟܽܘܬ̥ܳܐ ܕܰܐܠܳܗܳܐ. 21ܘܶܐܡܰܐ ܕܽܗ̄ܘ ܚܺܝܨܳܐ ܟܳܗ̄ܘܶܐ ܡܙܰܝܢܳܐ (ܡܛܰܝܒܳܐ) ܟܢܳܛ݄ܪ ܗ̄ܽܘ ܒܰܝܬܰܝܕ̥ܶܗ، ܒܫܰܝܢܳܐ ܟܳܗ̄ܘܶܐ ܗ̄ܽܘ ܡܳܠܰܝܕ̥ܶܗ. 22ܘܶܐܢ ܐܰܬ̥ܺܝ ܠܶܗ ܚܰܕ̱ ܙ݄ܕ ܒܚܰܝܠܳܐ ܡܶܢܶܗ ܓܬܳܒ̥ܰܪ ܠܶܗ، ܓܫܳܩ݄ܠ ܟܽܘܠܶܗ ܗ̄ܽܘ ܙܰܝܢܰܝܕ̥ܶܗ ܕܟ݄ܬ ܗ̄ܘܰܐ ܬܟ̥ܺܝܠܳܝܳܐ ܐܰܥܠܶܗ، ܘܓ݄ܡܦܰܠ݄ܓ̥ ܗ̄ܽܘ ܡܶܕܶܐ ܕ݄ܓܢܽܒ̥ ܠܶܗ.
ܗ̄ܽܘ ܕܥܳܪܳܐ ܕܺܗ̄ܝ ܪܽܘܚܳܐ ܒܺܝܫܬܳܐ
ܡܬܝ 12:43‐45
23”ܡܰܢ ܕܠܰܝ̱ܬ ܝܳܐ ܐܰܥܡܺܝ ܡܩܰܒ݄ܠ ܕܺܝܕ̥ܺܝ ܝܳܐ، ܘܡܰܢ ܕܠ݄ܐ ܟܡܰܠ݄ܡ ܐܰܥܡܺܝ ܒܽܘܪܒܳܙܳܐ ܟ݄ܡܒܰܪܒ݄ܙ. 24ܗ̄ܺܝ ܪܽܘܚܳܐ ܒܺܝܫܬܳܐ ܡ݄ܐ ܕܢܰܦܺܝܩܳܐ ܡܶܢ̱ ܢܳܫܳܐ، ܟ݄ܐܙّܰܗ ܟ݄ܪܟ̥ܳܐ ܒܕܽܘ̈ܟܳܬ̥ܳܐ ܕܠܰܝܬ ܐܰܒّܶܗ ܡܰܝ̈ܶܐ ܠܰܫܰܢ ܕܡ݄ܬ̥ܢܳܚܳܐ، ܘܺܗ̄ܝ ܢܰܩܠܐ ܕܠ݄ܐ ܟܚ݄ܙܝܳܐ ܟ݄ܐܡّܳܪ̱ܐ: ܓܕ݄ܥܪܳܐ ܐ̱ܢܳܐ ܠܽܗ̄ܘ ܒܰܝܬܰܝܕ̥ܺܝ ܕܢܰܦܺܝܩܳܐ ܐ̱ܢܳܐ ܡܶܢܶܗ. 25ܘܶܐܢ ܐܰܬ̥ܝܳܐ ܟܚ݄ܙܝܳܐ ܠܶܗ ܟܢܺܝܫܳܐ ܘܫܰܦܺܝܪܳܐ (ܡܨܰܒܬ̥ܳܐ). 26ܗ̄ܺܝ ܢܰܩܠܝܳܐ، ܟ݄ܐܙّܰܗ ܟܡܰܘܒܠܳܐ ܐܰܥܡܰܗ ܫܒ̥ܰܥ ܪ̈ܽܘܚܶܐ ܚܪ̈ܶܢܶܐ ܒܺܝܫ ܡܶܢܰܗ، ܘܥ݄ܒܪܺܝ ܘܥ݄ܡܪܺܝ ܐܶܒܶܗ، ܘܟܳܗ̄ܘܝܳܐ ܗ̄ܺܝ ܚܰܪܰܝܬܳܐ ܕܽܗ̄ܘ ܢܳܫܰܘܳܐ ܒܺܝܫ ܡܶܢ̱ ܩܰܕ̱ܡܰܝܬܰܝܕ̥ܶܗ.“
ܛܽܘܒܳܐ ܠܰܗ̄ܢܺܝ ܕ݄ܟܫܳܡܥܺܝ ܘ݄ܟܣܰܝܡܺܝ
27ܘܗܺܝّܶܗ ܡ݄ܫܓ̥ܰܠ ܗ̄ܘܰܐ ܗܰܢܺܝ، ܚܕ̥ܳܐ ܐܰܢ̱ܬ̥ܬܳܐ ܡܰܗ̄ܢ ܢܳܫ̈ܶܐ ܡܰܥܠܶܐ ܠܰܗ ܩܳܠܰܗ ܘܐܡ݄ܪ ܠܰܗ ܠܶܗ: ”ܛܽܘܒܳܐ ܠܺܗ̄ܝ ܟܰܪܣܳܐ ܕ݄ܛܥ݄ܢ ܠܰܗ ܠܳܟ̥، ܘܠܽܗ̄ܘ ܨܰܕܪܳܐ ܕܡܰܝܢܰܩ ܠܶܗ ܠܳܟ̥.“ 28ܗܺܝّܶܗ ܐܡ݄ܪ ܠܶܗ ܠܰܗ: ”{ܐܶܠܳܐ} ܛܽܘܒܳܐ ܠܰܗ̄ܢܺܝ ܕܫܰܡܺܝܥܺܝ ܗ̄ܺܝ ܡܶܠܬ̥ܳܐ ܕܰܐܠܳܗܳܐ ܘܟܳܢܳܛܪܺܝ ܠܰܗ.“
ܗ̄ܰܢ ܢܳܫ̈ܶܐ ܟ݄ܐܒܥܺܝ ܐܳܬ̥ܳܐ
ܡܬܝ 12:38‐42؛ ܡܪܩܘܣ 8:12
29ܘܗܶܫ ܗ̄ܰܢ ܢܳܫ̈ܶܐ ܠ݄ܬܡܺܝ ܗ̄ܘܰܘ̱، ܡܫܰܪܶܐ ܠܶܗ ܕܳܐܡ݄ܪ: ”ܗ̄ܽܘ ܕܳܪܰܢܳܐ ܗ̄ܽܘ ܒܺܝܫܳܐ ܐܳܬ̥ܳܐ ܟܳܐܒ݄ܥ، ܘܳܐܬ̥ܳܐ ܠ݄ܐ ܓܡܺܝܬܰܗܒ̥ܶܐ ܠܶܗ ܐܶܠܳܐ ܗ̄ܺܝ ܐܳܬ̥ܳܐ ܕܝܰܘܢܳܢ ܗ̄ܽܘ ܢܒܺܝܳܐ: 30ܘܒܶܗ ܐܰܝܕܰܪܒܳܐ ܗܰܘܺܝ ܝܰܘܢܳܢ ܐܳܬ̥ܳܐ ܠܰܗ̄ܢ ܢܺܝ̈ܢܘܳܝܶܐ، ܗܰܘܟ̥ܰܐ ܣܬܶܝ ܓܕܳܗ̄ܘܶܐ ܐܰܒܪܶܗ ܕܢܳܫܳܐ (ܐܳܬ̥ܳܐ) ܠܽܗ̄ܘ ܕܳܪܰܢܳܐ. 31ܗ̄ܺܝ ܡܰܠ݄ܟܬ̥ܳܐ ܕܽܗ̄ܘ ܬܰܝܡܢܳܐ ܓܩܰܝܡܳܐ ܒܽܗ̄ܘ ܕܺܝܢܳܐ ܥܰܡ ܗ̄ܰܢ ܢܳܫ̈ܶܐ ܕܽܗ̄ܘ ܕܳܪܰܢܳܐ، ܘܕܰܝܢܳܐ ܠܶܗ، ܥܰܠ ܕܰܐܬ̥ܝܳܐ ܡܶܢ̱ ܚܰܪܰܝܬܳܐ ܕܺܗ̄ܝ ܐܰܪܥܳܐ ܕܫܳܡܥܳܐ ܗ̄ܺܝ ܚܶܟ̥ܡܬ̥ܳܐ ܕ݄ܫܠܶܝܡܳܘܢ، ܘܟܰܐܠܶܗ ܗܰܪܟܶܐ ܪܰܒ ܡܶܢ̱ ܫܠܶܝܡܳܘܢ. 32ܗ̄ܰܓّܰܒ̥ܪ̈ܶܐ ܕܢܺܝܢܘܶܐ ܓܩܰܝܡܺܝ ܒܽܗ̄ܘ ܕܺܝܢܳܐ ܥܰܡ ܗ̄ܽܘ ܕܳܪܰܢܳܐ ܘ݄ܓܕܰܝܢܺܝ ܠܶܗ، ܥܰܠ ܕܬܰܝܒܺܝ ܒܺܗ̄ܝ ܟܳܪܽܘܙܽܘܬ̥ܳܐ ܕܝܰܘܢܳܢ، ܘܟܰܐܠܶܗ ܗܰܪܟܶܐ ܕܪܰܒ ܡܶܢ̱ ܝܰܘܢܳܢ.“
ܗ̄ܽܘ ܢܽܘܗܪܳܐ ܕܽܗ̄ܘ ܦܰܓ̥ܪܳܐ
ܡܬܝ 5:15؛ 6:22‐23
33”ܠܳܐ ܢܳܫܳܐ ܟܡܰܢܗ݄ܪ ܫܪܳܓ̥ܳܐ ܘܡܰܚ݄ܬ ܠܰܗ ܒܕܽܘܟܬ̥ܳܐ ܬܠܺܝܬ̥ܳܐ ܐܰܘ ܬܰܚܬ ܗ̄ܽܘ ܣܶܦܳܩܳܐ، ܐܶܠܳܐ ܥܰܠ ܗ̄ܺܝ ܡܢܳܪܬܳܐ ܕܚܳܙ݄ܢ ܗܰܢܺܝ ܕܥܳܒܪܺܝ ܗ̄ܽܘ ܢܽܘܗܪܰܝܕ̥ܶܗ. 34ܗ̄ܺܝ ܫܪܳܓ̥ܳܐ ܕܽܗ̄ܘ ܦܰܓ̥ܪܰܝܕ̥ܳܟ̥ ܗ̄ܺܝ ܥܰܝܢܳܐ ܝܳܐ. ܗܰܢ ܢܰܩܠܐ ܐܶܡܰܐ ܕܥܰܝܢܳܟ̥ ܟܳܗ̄ܘܝܳܐ ܢܰܝ݄ܚܬܳܐ (ܛܰܒ̥ܬܳܐ)، ܗ̄ܽܘ ܦܰܓ̥ܪܰܝܕ̥ܳܟ̥ ܟܽܘܠܶܗ ܒܢܽܘܗܪܳܐ ܟܳܗ̄ܘܶܐ، ܘܶܐܢ ܟܳܗ̄ܘܝܳܐ ܒܺܝܫܬܳܐ (ܚܰܪܒܬܳܐ)، ܗ̄ܽܘ ܦܰܓ̥ܪܰܝܕ̥ܳܟ̥ ܣܬܶܝ ܒܥܰܡܛܳܢܳܐ ܟܳܗ̄ܘܶܐ. 35ܗܰܢ ܢܰܩܠܐ ܡܰܒ݄ܗ، ܕܠ݄ܐ ܐܙّܶܗ ܗܳܘܶܐ ܗ̄ܽܘ ܢܽܘܗܪܳܐ ܕܶܐܒܳܟ̥ ܥܰܡܛܳܢܳܐ. 36ܘܶܐܢ ܕܳܗ̄ܘܶܐ ܗ̄ܽܘ ܦܰܓ̥ܪܰܝܕ̥ܳܟ̥ ܟܽܘܠܶܗ ܒܢܽܘܗܪܳܐ، ܘܠܰܝܒܶܗ ܘܠܳܐ ܗܰܕܳܡܳܐ ܥܰܡܛܳܢܳܐ، ܓܕܳܗ̄ܘܶܐ ܟܽܘܠܶܗ ܡܰܢܗܪܳܐ ܐܟ̥ ܕܺܗ̄ܝ ܫܪܳܓ̥ܳܐ ܒܽܗ̄ܘ ܕܠܳܩܰܝܕ̥ܰܗ ܟܡܰܢ݄ܗܪܳܐ ܠܳܟ̥.“
ܘܳܝ̈ܶܐ ܥܰܠ ܗ̄ܰܣّܳܦܪ̈ܶܐ ܘܰܦܪ̈ܺܝܫܶܐ
ܡܬܝ 23:1‐36؛ ܡܪܩܘܣ 12:38‐40؛ ܠܘܩܐ 20:45‐47
37ܘܗܺܝّܶܗ ܟܡ݄ܫܓ̥݄ܠ، ܚܰܕ̱ ܦܪܺܝܫܳܐ ܐܰܒ݄ܥ ܡܶܢܶܗ ܕܳܐܬ̥ܶܐ ܡܰܥܪܶܐ ܓܰܒܶܗ، ܘܥܰܒ݄ܪ ܘ݄ܣܡܺܝܟ̥. 38ܘܽܗ̄ܘ ܦܪܺܝܫܰܘܳܐ ܡܕܰܘܡ݄ܪ ܗ̄ܺܝ ܢܰܩܠܐ ܕ݄ܚܙܶܐ ܠܶܗ ܕܠܳܐ ܒܺܗ̄ܝ ܩܰܕ̱ܡܰܝܬܳܐ ܡܰܫ݄ܓ̥ ܠܶܗ ܡܶܩ݄ܕ̱ܡ ܡܺܗ̄ܝ ܥܪܰܝܬܳܐ. 39ܘܝܶܫܽܘܥ ܐܡ݄ܪ ܠܶܗ ܠܶܗ: ”ܐܳܥܕܳܐ ܗܰܬܽܘ ܗ̄ܰܦܪ̈ܺܝܫܶܐ ܟ݄ܡܕܰܟܺܝܬܽܘ (ܘܡܰܫܺܝܓ̥ܺܝܬܽܘ) ܗ̄ܽܘ ܟܳܣܳܐ ܘܽܗ̄ܘ ܣܶܦܳܩܳܐ ܡܶܢ̱ ܠܰܪܒ̥ܰܠ، ܐܶܠܳܐ ܠܰܘܓ̥݄ܠ ܕ݄ܬ̥ܟ̥ܽܘ ܚܰܪܒܽܘܬ̥ܳܐ ܘܒܺܝܫܽܘܬ̥ܳܐ ܡܰܠܝܳܐ. 40ܝܰܐ ܢܳܩ݄ܨ ܗܰܘܢܳܐ، ܩܰܝ ܠܳܐ ܗܰܢܳܐ ܕܣ݄ܡ ܠܶܗ ܕܠܰܪܒ̥ܰܠ ܣ݄ܡ ܠܶܗ ܣܬܶܝ ܕܠܰܘܓ̥݄ܠ؟ 41ܐܶܠܳܐ ܗ̄ܽܘ ܡܶܕܶܐ ܕܟܺܝܬ {ܠܰܘܓ̥݄ܠ} ܗܰܒ̥ܽܘ ܠܶܗ ܙܶܕܰܩܬܳܐ، ܘܟܰܐܠܶܗ ܟܽܘܠ ܡܶܕܶܐ ܕܰܟ̥ܝܳܐ ܝܳܐ ܐܰܠܟ̥ܽܘ. 42ܐܶܠܳܐ ܘܳܝܳܐ ܐܰܠܟ̥ܽܘ ܝܰܐ ܦܪ̈ܺܝܫܶܐ ܕܟܳܗ̄ܒܺܝܬܽܘ ܡܰܢ̱ ܥܰܣܪܳܐ ܚܰܕ̱ ܡܽܗ̄ܘ ܢܳܢܥܳܐ ܘܦܺܝܓܰܢܳܐ ܘܟܽܘܠ ܓܶܠܳܢ̈ܶܐ، ܘܬܳܒ̥ܪܺܝܬܽܘ ܗ̄ܽܘ ܕܺܝܢܳܐ ܘܺܗ̄ܝ ܚܽܘܒܳܐ ܕܰܐܠܳܗܳܐ. ܠܰܗ̄ܢܺܝ ܐܳܒܰܥ ܗ̄ܘܰܐ ܕܣܰܝܡܺܝܬܽܘ ܘܠܰܗ̄ܢ݄ܟ ܠܳܐ ܛܳܪܺܝܬܽܘ. 43ܘܳܝܳܐ ܐܰܠܟ̥ܽܘ ܝܰܐ ܦܪ̈ܺܝܫܶܐ ܕܪܳܚܡܺܝܬܽܘ ܗ̄ܺܝ ܝܬܰܒ̥ܬܳܐ ܒܽܗ̄ܘ ܪܺܝܫܳܐ ܒܰܟܢܽܘܫ̈ܳܬ̥ܳܐ، ܘ݄ܫܠܳܡܳܐ ܒܰܫّܽܘܩ̈ܶܐ. 44ܘܳܝܳܐ ܐܰܠܟ̥ܽܘ ܝܰܐ ܣܳܦܪ̈ܶܐ ܘܰܦܪ̈ܺܝܫܶܐ، ܕܰܬّܰܪܬܶܝ ܦ̈ܳܬ̥ܳܬ̥ܳܐ، ܕܟ݄ܬ ܗ̄ܰܬܽܘ ܐܟ̥ ܕܩܰܒ̥ܪ̈ܶܐ ܠܳܐ ܝܕ̥̈ܺܝܥܶܐ، ܘܰܗ̄ܢ ܢܳܫ̈ܶܐ ܟ݄ܡܗܰܠܟ̥ܺܝ ܐܰܥܠܰܝّܶܗ ܘܠ݄ܐ ܟ݄ܐܕ̥ܥܺܝ.“ 45ܘܡܰܕܥܰܪ ܠܶܗ ܚܰܕ̱ ܡܰܢ̱ ܣّܳܦܪ̈ܶܐ ܘܐܡ݄ܪ ܠܶܗ ܠܶܗ: ”ܡܰܠܦܳܢܳܐ، ܗ̄ܺܝ ܢܰܩܠܐ ܕܗܰܢܺܝ ܟ݄ܐܡّܰܪ̱ܬ، ܐܶܠܰܢ ܣܬܶܝ ܟ݄ܡܨܰܥܪܰܬ.“ 46ܘܗܺܝّܶܗ (ܝܶܫܽܘܥ) ܐܡ݄ܪ ܠܶܗ: ”ܘܰܐܠܟ̥ܽܘ ܣܬܶܝ ܝܰܐ ܣܳܦܪ̈ܶܐ، ܘܳܝܳܐ ܥܰܠ ܕ݄ܟܡܰܛܥܢܺܝܬܽܘ ܠܰܗ̄ܢ ܢܳܫ̈ܶܐ ܛܰܥܢ̈ܶܐ ܝܰܩܽܘܪ̈ܶܐ، ܘܗܰܬܽܘ ܒ݄ܚܕ̥ܳܐ ܡܰܢ̱ ܨّܰܒ̥ܥ̈ܳܬ̥ܰܬ̥ܟ̥ܽܘ ܠ݄ܐ ܟܓܰܝܫܺܝܬܽܘ ܒܰܛّܰܥܢ̈ܶܐ. 47ܘܳܝܳܐ ܐܰܠܟ̥ܽܘ ܕܟܳܒܳܢܺܝܬܽܘ ܗ̄ܰܩّܰܒ̥ܪ̈ܶܐ ܕܰܗ̄ܢ ܢܒܺܝ̈ܶܐ ܕܰܒّܰܒܳܢ̈ܰܬ̥ܟ̥ܽܘ ܩܛܺܝܠ݄ܢّܶܗ. 48ܘܗܰܘܟ̥ܰܐ ܟܳܣܳܗܕܺܝܬܽܘ ܘܟܳܡܰܩܒܠܺܝܬܽܘ ܗ̄ܰܥܒܳܕ̥̈ܶܐ ܕܰܒّܰܒܳܢ̈ܰܬ̥ܟ̥ܽܘ، ܕܗ݄ܢّܶܝ ܩܛܺܝܠ݄ܢّܶܗ، ܘܗܰܬܽܘ ܟܳܒܳܢܺܝܬܽܘ ܗ̄ܰܩّܰܒ̥ܪ̈ܰܬّ̥ܶܗ. 49ܡܰܗ̄ܘܟ̥ܰܐ، ܗ̄ܺܝ ܚܶܟ̥ܡܬ̥ܳܐ ܕܰܐܠܳܗܳܐ ܣܬܶܝ ܐܡ݄ܪ ܠܰܗ: ’ܟܰܐܠܺܝ ܟܳܡܫܰܕܪܳܐ ܐ̱ܢܳܐ ܠّܶܗ ܢܒܺܝ̈ܶܐ ܘ݄ܫܠܺܝܚ̈ܶܐ، ܠܗ݄ܢ ܡ݄ܢّܶܗ ܓܪܳܕ̥ܦܺܝ ܘ݄ܠܗ݄ܢ ܓܩܳܛܠܺܝ،‘ 50ܠܰܫܰܢ ܕܡ݄ܛܠ݄ܒ ܗ̄ܽܘ ܐܰܕܡܳܐ ܕܟܽܘܠّܶܗ ܗ̄ܰܢܒܺܝ̈ܶܐ ܕܒܺܝܙ ܡܽܗ̄ܘ ܕܳܪܰܢܳܐ ܡܽܗ̄ܘ ܝܰܘܡܳܐ ܕܗܰܘܺܝ ܗ̄ܽܘ ܥܳܠܡܳܐ. 51ܡܽܗ̄ܘ ܐܰܕܡܳܐ ܕܗܳܒܶܝܠ ܗܳܠ ܠܽܗ̄ܘ ܐܰܕܡܳܐ ܕ݄ܙܟ̥ܰܪܝܳܐ، ܗܰܘܳܐ ܕ݄ܩܛܺܝܠ ܒܰܝܢ ܗ̄ܽܘ ܗܰܝܟܠܳܐ ܘܠܽܗ̄ܘ ܡܰܕ̥ܒܚܳܐ. ܐܺܝܢ ܟܳܐܡܰܪ ܐ̱ܢܳܐ ܠܟ̥ܽܘ: ܓ݄ܕܡ݄ܛܠ݄ܒ ܡܽܗ̄ܘ ܕܳܪܰܢܳܐ. 52ܘܳܝܳܐ ܐܰܠܟ̥ܽܘ ܝܰܐ ܣܳܦܪ̈ܶܐ ܕ݄ܫܩ݄ܠܟ̥ܽܘ ܗ̄ܰܩܠܺܝܕ̥̈ܶܐ ܕܺܗ̄ܝ ܝܕ̥ܰܥܬܳܐ، ܠܳܐ ܗܰܬܽܘ ܥܰܒܺܝܪܺܝܬܽܘ، ܘܠܰܐܝܢܰܐ ܕܥܳܒܪܺܝ ܡܰܟܠܰܠܟ̥ܽܘ.“ 53ܘܺܗ̄ܝ ܢܰܩܠܐ ܕܗܰܢܺܝ ܐܡ݄ܪ ܠܰܗ ܠّܶܗ، ܥܰܝ݄ܩّܶܗ ܠܰܣّܳܦܪ̈ܶܐ ܘܠܰܦܪ̈ܺܝܫܶܐ، ܘܪܰܓ̥ܺܝܙܺܝ، ܘ݄ܡܚܰܩܪܺܝ ܗ̄ܘܰܘ̱ ܠܰܡّܰܐܡܪ̈ܰܝܕ̥ܶܗ. 54ܘܢܶܟ̥ܠܳܐ ܣܰܝܡܺܝ ܗ̄ܘܰܝ ܠܶܗ ܒܓ̥ܰܠܰܒܶܐ ܡܶܕ̈ܳܢܶܐ ܘ݄ܐܒܥܺܝ ܗ̄ܘܰܘ̱ ܕܨܰܝܕܺܝ ܠܶܗ ܒܡܶܠܬ̥ܳܐ ܡܶܕܶܐ ܠܰܫܰܢ ܕܩܳܕܪܺܝ ܡܰܫܟ݄ܢ ܐܰܥܠܶܗ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Suryoyo Bible © 2024 Aramaic Bible Translation