ܡܓܰܠܝܘܢ ܕܝܘܚܢܢ 9
9
ܝܶܫܽܘܥ ܟܦܳܬ݄ܚ ܥܰܝܢ̈ܶܐ ܕܚܰܕ̱ ܣܰܡܝܳܐ ܡܶܢ̱ ܟܰܪܣܰܗ ܕܺܗ̄ܝ ܐܶܡܳܐ
1ܘܗܺܝّܶܗ ܐܰܙܳܠܳܐ، ܚܙܶܐ ܠܶܗ ܚܰܕ̱ ܓܰܒ̥ܪܳܐ ܣܰܡܝܳܐ ܡܺܗ̄ܝ ܟܰܪܣܳܐ ܕܺܗ̄ܝ ܐܶܡܳܐ. 2ܘ݄ܡܫܰܐܰܠّܶܗ ܗ̄ܰܬّܰܠܡܺܝܕ̥̈ܰܝܕ̥ܶܗ ܘܐܡ݄ܪّܶܗ: ”ܡܰܠܦܳܢܳܐ، ܡܰܢ ܚܰܛܺܝ؟ ܗܰܢܳܐ ܚܰܛܺܝ؟ ܐܰܘ ܗ̄ܽܘ ܒܰܒܳܐ ܐܰܘ ܗ̄ܺܝ ܐܶܡܳܐ ܥܰܠ ܕܗܰܘܺܝ ܣܰܡܝܳܐ؟“ 3ܝܶܫܽܘܥ ܐܡ݄ܪ ܠܰܗ ܠّܶܗ: ”ܠܳܐ ܗܰܢܳܐ ܚܰܛܺܝ ܘܠܳܐ ܗ̄ܽܘ ܒܰܒܳܐ ܘܠܳܐ ܗ̄ܺܝ ܐܶܡܳܐ، ܐܶܠܳܐ ܕܡܰܚܘ݄ܢ ܐܶܒܶܗ ܗ̄ܰܥܒܳܕ̥̈ܶܐ ܕܰܐܠܳܗܳܐ. 4ܘܳܐܢܳܐ، ܟܳܐܒܰܥ ܕܥܳܒ̥ܰܕ ܐ̱ܢܳܐ ܗ̄ܰܥܒܳܕ̥̈ܶܐ ܕܡܰܢ ܕ݄ܡܫܰܕܰܪ ܠܶܗ ܠܺܝ ܗܳܠ ܡ݄ܩܰܐ ܕܟ݄ܬ ܝܳܐ ܐܺܝܡܳܡܳܐ. ܘܡ݄ܐ ܕܗܰܘܺܝ ܠܰܠܝܳܐ، ܢܳܫܳܐ ܠܰܝܒܶܗ ܥܳܒ̥݄ܕ ܡܶܕܶܐ. 5ܡ݄ܩܰܐ ܕܟ݄ܬ ܐ̱ܢܳܐ ܒܽܗ̄ܘ ܥܳܠܡܳܐ، ܐܳܢܳܐ ܐ̱ܢܳܐ ܗ̄ܽܘ ܢܽܘܗܪܳܐ ܕܽܗ̄ܘ ܥܳܠܡܳܐ.“ 6ܘܺܗ̄ܝ ܢܰܩܠܐ ܕܐܡ݄ܪ ܠܶܗ ܗܰܢܺܝ، ܪ݄ܩ ܠܶܗ ܥܰܠ ܗ̄ܺܝ ܐܰܪܥܳܐ، ܘ݄ܓܒ̥ܺܝܠ ܠܶܗ ܛܺܝܢܳܐ ܡܰܢ̱ ܪّܽܘ̈ܩܶܐ ܘܛ݄ܫ ܠܶܗ ܥܰܠ ܗ̄ܰܥّܰܝܢ̈ܳܬ̥ܳܐ ܕܽܗ̄ܘ ܣܰܡܝܳܐ، 7ܘܐܡ݄ܪ ܠܶܗ ܠܶܗ: ”ܙܳܟ̥ ܡܰܫ݄ܓ̥ ܒܺܗ̄ܝ ܪܰܘܡܳܐ ܕܫܺܝܠܽܘܚܳܐ.“ ܘܰܐܙّܶܗ ܡܰܫ݄ܓ̥ ܠܶܗ، ܘܰܐܬ̥ܺܝ ܟܚܳܙܶܐ. 8ܘܰܫܒܳܒ̈ܰܝܕ̥ܶܗ ܘܗܰܢܺܝ ܕܳܐܕ̥ܥܺܝ ܗ̄ܘܰܝ ܠܶܗ ܓܰܒ̥ܳܝܳܐ ܘܟܰܪܳܟ̥ܳܐ ܡܶܢ̱ ܡܶܩ݄ܕ̱ܡ ܐܡ݄ܪّܶܗ: ”ܠܰܝ̱ܬ ܝܳܐ ܗܰܢܳܐ ܕܝܳܬܰܒ̥ ܗ̄ܘܰܐ ܘܓܳܒ̥ܶܐ؟“ 9ܘܗ݄ܢ ܡ݄ܢّܶܗ ܐ݄ܡّܺܪ̱ܝ ܗ̄ܘܰܘ̱: ”ܗܰܢܳܐ ܝܳܐ!“ ܘܗ݄ܢ ܐ݄ܡّܺܪ̱ܝ ܗ̄ܘܰܘ̱: ”ܠܳܐ، ܐܶܠܳܐ ܟܕܳܡܶܐ ܠܶܗ.“ ܘܗܺܝّܶܗ ܐܳܡܰܪ ܗ̄ܘܰܐ: ”ܐܳܢܳܐ ܐ̱ܢܳܐ!“ 10ܘܐܡ݄ܪّܰܗ ܠܶܗ: ”ܐܰܝܕܰܪܒܳܐ ܦܬܺܝܚܺܝ ܥܰܝ̈ܢܳܬ̥ܳܟ̥؟“ 11ܡܰܕܥܰܪ ܠܶܗ ܘܐܡ݄ܪ ܠܰܗ ܠّܶܗ: ”ܓܰܒ̥ܪܳܐ ܕܟ݄ܬ ܝܳܐ ܐ݄ܫܡܶܗ ܝܶܫܽܘܥ ܣ݄ܡ ܠܶܗ ܛܺܝܢܳܐ ܘܛ݄ܫ ܠܶܗ ܥܰܠ ܥܰܝ̈ܢܳܬ̥ܺܝ ܘܐܡ݄ܪ ܠܶܗ ܠܺܝ: ܙܳܟ̥ ܡܰܫ݄ܓ̥ ܒܰܡّܰܝ̈ܶܐ ܕܫܺܝܠܽܘܚܳܐ. ܘܰܐܙّܺܝ ܡܰܫ݄ܓ̥ ܠܺܝ، ܘܦܰܝ݄ܫ ܟܚܳܙܶܐ ܐ̱ܢܳܐ.“ 12ܘܐܡ݄ܪّܰܗ ܠܶܗ: ”ܐܰܝܟܳܐ ܝܳܐ؟“ ܐܡ݄ܪ ܠܰܗ ܠّܶܗ: ”ܠ݄ܐ ܟܳܐܕ̥ܰܥ ܐ̱ܢܳܐ.“
ܗ̄ܰܦܪ̈ܺܝܫܶܐ ܟ݄ܐܒܥܺܝ ܕܳܐܕ̥ܥܺܝ ܕܰܐܝܕܰܪܒܳܐ ܟܚܳܙܶܐ ܗ̄ܽܘ ܣܰܡܝܳܐ
13ܘܡܰܝܬܰܠّܶܗ ܠܰܗ̄ܘܳܐ ܕܟ݄ܬ ܗ̄ܘܰܐ ܡܶܢ̱ ܡܶܩ݄ܕ̱ܡ ܣܰܡܝܳܐ ܠܓܰܒ ܗ̄ܰܦܪ̈ܺܝܫܶܐ، 14ܘܫܰܒܬ̥ܳܐ ܗ̄ܘܰܐ ܗ̄ܽܘ ܝܰܘܡܳܐ ܕܣ݄ܡ ܠܶܗ ܝܶܫܽܘܥ ܗ̄ܽܘ ܛܺܝܢܳܐ ܘ݄ܦܬ݄ܚ ܠܶܗ ܥܰܝܢ̈ܳܬ̥ܶܗ. 15ܘܢܰܩܠܐ ܚܪܶܬܳܐ ܗ̄ܰܦܪ̈ܺܝܫܶܐ ܡܫܰܐܶܠّܰܗ ܠܶܗ: ”ܐܰܝܕܰܪܒܳܐ ܦܰܝ݄ܫ ܟܚܳܙܰܬ؟“ ܘܗܺܝّܶܗ ܐܡ݄ܪ ܠܰܗ ܠّܶܗ: ”ܛܺܝܢܳܐ ܡܰܚܰܬ ܠܶܗ ܥܰܠ ܥܰܝ̈ܢܳܬ̥ܺܝ، ܘܡܰܫ݄ܓ̥ ܠܺܝ ܘܦܰܝ݄ܫ ܟܚܳܙܶܐ ܐ̱ܢܳܐ.“ 16ܘܗ݄ܢ ܡܰܢ̱ ܦܪ̈ܺܝܫܶܐ ܐܡ݄ܪّܶܗ: ”ܗ̄ܽܘ ܓܰܒ̥ܪܰܢܳܐ ܠܰܝ̱ܬ ܝܳܐ ܡܰܢ̱ ܐܠܳܗܳܐ ܥܰܠ ܕܠ݄ܐ ܟܢܳܛ݄ܪ ܗ̄ܺܝ ܫܰܒܬ̥ܳܐ.“ ܘܗ݄ܢ ܐ݄ܡّܺܪ̱ܝ ܗ̄ܘܰܘ̱: ”ܐܰܝܕܰܪܒܳܐ ܚܰܕ̱ ܓܰܒ̥ܪܳܐ ܚܰܛܳܝܳܐ ܟܺܝܒܶܗ ܣܳܝ݄ܡ ܗ̄ܰܢ ܐܳܬ̥ܘ̈ܳܬ̥ܰܢܺܝ؟“ ܘܗܰܘܺܝ ܦܠܺܝܓ̥ܽܘܬ̥ܳܐ ܒܰܝܢܳܬ̥ܰܝّܶܗ. 17ܘܢܰܩܠܐ ܚܪܶܬܳܐ ܐܡ݄ܪّܶܗ ܠܽܗ̄ܘ ܣܰܡܝܰܘܳܐ: ”ܗܰܬ، ܡ݄ܢ ܟ݄ܐܡّܰܪ̱ܬ ܐܰܥܠܶܗ، ܥܰܠ ܗܰܘܳܐ ܕ݄ܦܬ݄ܚ ܠܶܗ ܥܰܝ̈ܢܳܬ̥ܳܟ̥؟“ ܐܡ݄ܪ ܠܶܗ: ”ܐܳܢܳܐ ܟܳܐܡܰܪ ܐ̱ܢܳܐ: ܢܒܺܝܳܐ ܝܳܐ!“ 18ܘܠܳܐ ܡܰܫ݄ܪّܶܗ ܗ̄ܰܝّܽܘܕ̥̈ܳܝܶܐ ܕܟ݄ܬ ܗ̄ܘܰܐ ܣܰܡܝܳܐ ܘ݄ܚܙܶܐ ܠܶܗ، ܗܳܠ ܕ݄ܩܪܰܠّܶܗ ܠܽܗ̄ܘ ܒܰܒܳܐ ܘܠܺܗ̄ܝ ܐܶܡܳܐ ܕܗܰܘܳܐ ܕ݄ܚܙܶܐ ܠܶܗ. 19ܘ݄ܡܫܰܐܺܝܠܢّܶܗ: ”ܗܰܢܳܐ ܝܳܐ ܗ̄ܽܘ ܐܰܒܪܰܬ̥ܟ̥ܽܘ ܕܟ݄ܐܡّܺܪ̱ܝܬܽܘ ܐܰܥܠܶܗ ܕܡܰܘܠ݄ܕ̥ (ܕ݄ܡܬܰܘܠ݄ܕ̥) ܣܰܡܝܳܐ، ܐܰܝܕܰܪܒܳܐ ܐܳܥܕܳܐ ܟܚܳܙܶܐ؟“ 20ܗ̄ܰܒّܰܒܳܢ̈ܰܝܕ̥ܶܗ ܡܰܕܥܰܪّܶܗ ܘܐܡ݄ܪّܶܗ: ”ܟ݄ܐܕ̥ܥܺܝܢܰܐ ܕܰܗ̄ܢܳܐ ܝܳܐ ܗ̄ܽܘ ܐܰܒܪܰܝܕ̥ܰܢ، ܘܡܺܗ̄ܝ ܢܰܩܠܐ ܕܗܰܘܺܝ ܣܰܡܝܳܐ ܗ̄ܘܰܐ. 21ܐܶܠܳܐ ܐܳܥܕܳܐ ܐܰܝܕܰܪܒܳܐ ܟܚܳܙܶܐ، ܐܰܘ ܡܰܢܝܳܐ ܕ݄ܦܬ݄ܚ ܠܶܗ ܥܰܝܢ̈ܳܬ̥ܶܗ، ܠ݄ܐ ܟ݄ܐܕ̥ܥܺܝܢܰܐ. ܟܰܐܠܶܗ ܪܰܒܳܐ ܝܳܐ، ܡܫܰܐܶܠܽܘ ܠܶܗ، ܘܗܺܝّܶܗ، ܡܶܢ̱ ܚܠܳܦ ܪܽܘܚܶܗ ܓܡ݄ܫܓ̥݄ܠ.“ 22ܗ̄ܰܒّܰܒܳܢ̈ܰܝܕ̥ܶܗ ܗܰܘܟ̥ܰܐ ܐܡ݄ܪّܶܗ ܡܺܐܝܕ̥ܶܗ ܕܙܰܝܥܺܝ ܗ̄ܘܰܘ̱ ܡܰܢ̱ ܝّܽܘܕ̥̈ܳܝܶܐ. ܘܰܝّܽܘܕ̥̈ܳܝܶܐ ܡܰܚ݄ܬّܶܗ ܒܗܰܘܢܰܝّܶܗ ܕܡܰܘܦܩܺܝ ܡܺܗ̄ܝ ܟ̥ܢܽܘܫܬܳܐ ܟܽܘܠ ܚܰܕ̱ ܕܡܰܘܕܶܐ ܐܶܒܶܗ ܕܟ݄ܬ ܝܳܐ ܡܫܺܝܚܳܐ. 23ܡܰܗ̄ܘܟ̥ܰܐ ܗ̄ܰܒّܰܒܳܢ̈ܰܝܕ̥ܶܗ ܐܡ݄ܪّܶܗ: ”ܟܰܐܠܶܗ ܪܰܒܳܐ ܝܳܐ، ܐܶܠܶܗ ܡܫܰܐܶܠܽܘ.“
24ܘܠܺܗ̄ܝ ܢܰܩܠܐ ܕܰܬّܰܪܬܶܝ ܩܪܰܠّܶܗ ܠܽܗ̄ܘ ܓܰܒ̥ܪܳܐ ܕܟ݄ܬ ܗ̄ܘܰܐ ܣܰܡܝܳܐ ܘܐܡ݄ܪّܰܗ ܠܶܗ: ”ܡܫܰܒ݄ܚ ܠܰܐܠܳܗܳܐ! ܐܰܚܢܰܐ ܟ݄ܐܕ̥ܥܺܝܢܰܐ ܕܽܗ̄ܘ ܓܰܒ̥ܪܰܢܳܐ ܚܰܛܳܝܳܐ ܝܳܐ.“ 25ܘܗܺܝّܶܗ ܡܰܕܥܰܪ ܠܶܗ ܘܐܡ݄ܪ ܠܰܗ ܠّܶܗ: ”ܐܶܢ ܚܰܛܳܝܳܐ ܝܳܐ ܠ݄ܐ ܟܳܐܕ̥ܰܥ ܐ̱ܢܳܐ، ܚܰܕ̱ ܡܶܕܶܐ ܟܳܐܕ̥ܰܥ ܐ̱ܢܳܐ: ܣܰܡܝܳܐ ܗ̄ܘܰܝ ܐ̱ܢܳܐ ܘܳܐܥܕܳܐ ܟܰܐܠܺܝ ܟܚܳܙܶܐ ܐ̱ܢܳܐ.“ 26ܘܕܰܥܺܝܪܺܝ ܐܡ݄ܪّܰܗ ܠܶܗ: ”ܡ݄ܢ ܣ݄ܡ ܠܶܗ ܠܳܟ̥؟ ܐܰܝܕܰܪܒܳܐ ܦܬ݄ܚ ܠܶܗ ܥܰܝ̈ܢܳܬ̥ܳܟ̥؟“ 27ܐܡ݄ܪ ܠܰܗ ܠّܶܗ: ”ܐܡ݄ܪ ܠܺܝ ܠܟ̥ܽܘ ܘܠܳܐ ܫܰܡܺܝܥܺܝܬܽܘ، ܠܡ݄ܢ ܢܰܩܠܐ ܚܪܶܬܳܐ ܟ݄ܐܒܥܺܝܬܽܘ ܕܫܳܡܥܺܝܬܽܘ؟ ܩܰܝ ܗܰܬܽܘ ܣܬܶܝ ܟ݄ܐܒܥܺܝܬܽܘ ܕܳܗ̄ܘܺܝܬܽܘ ܠܶܗ ܬܰܠܡܺܝܕ̥̈ܶܐ؟“ 28ܘܗ݄ܢّܶܝ ܡܨܰܥܰܪّܰܗ ܠܶܗ ܘܐܡ݄ܪّܰܗ ܠܶܗ: ”ܗܰܬ ܗ̄ܰܬ ܗ̄ܽܘ ܬܰܠܡܺܝܕ̥ܳܐ ܕܰܗ̄ܘܳܐ. ܐܶܠܳܐ ܐܰܚܢܰܐ ܗ̄ܰܬّܰܠܡܺܝܕ̥̈ܶܐ ܕܡܽܘܫܶܐ ܐܰܚܢܰܐ! 29ܘܟ݄ܐܕ̥ܥܺܝܢܰܐ ܕܥܰܡ ܡܽܘܫܶܐ ܐܰܠܳܗܳܐ ܫܓ̥ܺܝܠ، ܐܶܠܳܐ ܠܰܗ̄ܢܳܐ ܠ݄ܐ ܟ݄ܐܕ̥ܥܺܝܢܰܐ ܡܰܐܝܟܳܐ ܝܳܐ.“ 30ܡܰܕܥܰܪ ܠܶܗ ܗ̄ܽܘ ܓܰܒ̥ܪܰܘܳܐ ܘܐܡ݄ܪ ܠܰܗ ܠّܶܗ: ”ܒܰܗ̄ܬ̥ܶܐ ܝܳܐ ܕܡܺܝܕܰܘܡܰܪ ܐ̱ܢܳܐ، ܕܗܰܬܽܘ ܠ݄ܐ ܟ݄ܐܕ̥ܥܺܝܬܽܘ ܡܰܐܝܟܳܐ ܝܳܐ، ܘܗܺܝّܶܗ ܥܰܝ̈ܢܳܬ̥ܺܝ ܦܬ݄ܚ ܠܶܗ. 31ܘܟ݄ܐܕ̥ܥܺܝܢܰܐ ܕܰܐܠܳܗܳܐ ܠ݄ܐ ܟܫܳܡ݄ܥ ܩܳܠܶܗ ܕܰܚّܰܛܳܝ̈ܶܐ، ܐܶܠܳܐ ܠܡܰܢ ܕܙܳܝ݄ܥ ܡܶܢܶܗ ܘܣܳܝ݄ܡ ܗ̄ܽܘ ܨܶܒܝܳܢܰܝܕ̥ܶܗ، ܠܰܗ̄ܘܳܐ ܟܫܳܡ݄ܥ. 32ܡܽܗ̄ܘ ܝܰܘܡܳܐ ܕܗܰܘܝܳܐ ܒܪܺܝܬ̥ܳܐ، ܠܳܐ ܫܡܺܝܥ ܕܚܰܕ̱ ܦܬ݄ܚ ܠܶܗ ܥܰܝܢ̈ܶܐ ܕܚܰܕ̱ ܣܰܡܝܳܐ ܡܽܗ̄ܘ ܝܰܘܡܳܐ ܕܡܰܘܠ݄ܕ̥ (ܕ݄ܡܬܰܘܠ݄ܕ̥). 33ܘ݄ܕܠܳܐ ܗ̄ܘܶܐ ܗ̄ܘܰܐ ܡܰܢ̱ ܐܠܳܗܳܐ، ܗܰܬ̥ܶܐ ܠܰܝܒܶܗ ܣܳܝܰܡ ܗ̄ܘܰܐ.“ 34ܡܰܕܥܰܪّܶܗ ܘܐܡ݄ܪّܰܗ ܠܶܗ: ”ܗܰܬ ܟܽܘܠܳܟ̥ ܒܰܚܛܳܗ̈ܶܐ ܗܰܘܰܬ، ܘܗܰܬ ܟܡܰܘܠܦܰܬ ܠܰܢ!“ ܘܡܰܘܦܰܩّܶܗ ܠܰܪܒ̥ܰܠ.
ܗ̄ܺܝ ܣܰܡܝܽܘܬ̥ܳܐ ܕܺܗ̄ܝ ܪܽܘܚܳܐ
35ܘܫܰܡ݄ܥ ܝܶܫܽܘܥ ܕܡܰܘܦܰܩّܶܗ ܠܰܪܒ̥ܰܠ، ܘ݄ܚܙܶܐ ܠܶܗ ܘܐܡ݄ܪ ܠܶܗ ܠܶܗ: ”ܗܰܬ ܟ݄ܡܗܰܝܡܢܰܬ ܒܽܗ̄ܘ ܐܰܒܪܳܐ ܕܰܐܠܳܗܳܐ؟“ 36ܡܰܕܥܰܪ ܠܶܗ ܗܰܘܳܐ ܕܢܰܝ݄ܚ ܠܶܗ ܘܐܡ݄ܪ ܠܶܗ: ”ܡܰܢܝܳܐ، ܡܳܪܝ، ܕ݄ܡܗܰܝܡܰܢ ܐ̱ܢܳܐ ܐܶܒܶܗ.“ 37ܝܶܫܽܘܥ ܐܡ݄ܪ ܠܶܗ ܠܶܗ: ”ܚܙܶܐ ܠܳܟ̥ ܠܶܗ، ܘܗܺܝّܶܗ ܝܳܐ ܕܟܳܡ݄ܫܓ̥݄ܠ ܐܰܥܡܳܟ̥.“ 38ܘܗܺܝّܶܗ ܐܡ݄ܪ ܠܶܗ: ”ܡܗܰܝܡܰܢ ܐ̱ܢܳܐ، ܡܳܪܝ!“ ܘܢܰܦ݄ܠ ܣܓ̥݄ܕ ܠܶܗ ܠܶܗ. 39ܘܐܡ݄ܪ ܠܶܗ ܝܶܫܽܘܥ: ”ܠܽܗ̄ܘ ܕܺܝܢܳܐ ܕܽܗ̄ܘ ܥܳܠܡܰܢܳܐ ܐܰܬ̥ܺܝ ܐ̱ܢܳܐ، ܠܰܫܰܢ ܐܰܝܢܰܐ ܕܠ݄ܐ ܚܳܙ݄ܢ ܓ݄ܕܚܳܙ݄ܢ، ܘܗܰܢܺܝ ܕܚܳܙ݄ܢ ܓ݄ܕܣܳܡ݄ܢ.“ 40ܘܗ݄ܢ ܡܰܢ̱ ܦܪ̈ܺܝܫܶܐ ܕܟ݄ܬ ܗ̄ܘܰܝܢܶܝ ܐܰܥܡܶܗ ܫܰܡܺܝܥܺܝ ܘܐܡ݄ܪّܰܗ ܠܶܗ: ”ܩܰܝ ܐܰܚܢܰܐ ܣܬܶܝ ܣܰܡܝ̈ܶܐ ܢܰܐ؟“ 41ܝܶܫܽܘܥ ܐܡ݄ܪ ܠܰܗ ܠّܶܗ: ”ܕܳܗ̄ܘܺܝܬܽܘ ܗ̄ܘܰܘ̱ ܣܰܡܝ̈ܶܐ، ܠܳܐ ܗ̄ܘܶܐ ܗ̄ܘܰܐ ܠܟ̥ܽܘ ܚܛܺܝܬ̥ܳܐ، ܐܶܠܳܐ ܐܳܥܕܳܐ ܕܟ݄ܐܡّܺܪ̱ܝܬܽܘ ܟܚܳܙܺܝܢܰܐ، ܡܰܗ̄ܘܟ̥ܰܐ ܗ̄ܺܝ ܚܛܺܝܬ̥ܰܬ̥ܟ̥ܽܘ ܓܦܰܝܫܳܐ ܒ݄ܩܕ̥ܳܠܰܝܟ̥ܽܘ.“
Currently Selected:
ܡܓܰܠܝܘܢ ܕܝܘܚܢܢ 9: ܟܬܒܐ
Highlight
Share
Copy
Want to have your highlights saved across all your devices? Sign up or sign in
Suryoyo Bible © 2024 Aramaic Bible Translation
ܡܓܰܠܝܘܢ ܕܝܘܚܢܢ 9
9
ܝܶܫܽܘܥ ܟܦܳܬ݄ܚ ܥܰܝܢ̈ܶܐ ܕܚܰܕ̱ ܣܰܡܝܳܐ ܡܶܢ̱ ܟܰܪܣܰܗ ܕܺܗ̄ܝ ܐܶܡܳܐ
1ܘܗܺܝّܶܗ ܐܰܙܳܠܳܐ، ܚܙܶܐ ܠܶܗ ܚܰܕ̱ ܓܰܒ̥ܪܳܐ ܣܰܡܝܳܐ ܡܺܗ̄ܝ ܟܰܪܣܳܐ ܕܺܗ̄ܝ ܐܶܡܳܐ. 2ܘ݄ܡܫܰܐܰܠّܶܗ ܗ̄ܰܬّܰܠܡܺܝܕ̥̈ܰܝܕ̥ܶܗ ܘܐܡ݄ܪّܶܗ: ”ܡܰܠܦܳܢܳܐ، ܡܰܢ ܚܰܛܺܝ؟ ܗܰܢܳܐ ܚܰܛܺܝ؟ ܐܰܘ ܗ̄ܽܘ ܒܰܒܳܐ ܐܰܘ ܗ̄ܺܝ ܐܶܡܳܐ ܥܰܠ ܕܗܰܘܺܝ ܣܰܡܝܳܐ؟“ 3ܝܶܫܽܘܥ ܐܡ݄ܪ ܠܰܗ ܠّܶܗ: ”ܠܳܐ ܗܰܢܳܐ ܚܰܛܺܝ ܘܠܳܐ ܗ̄ܽܘ ܒܰܒܳܐ ܘܠܳܐ ܗ̄ܺܝ ܐܶܡܳܐ، ܐܶܠܳܐ ܕܡܰܚܘ݄ܢ ܐܶܒܶܗ ܗ̄ܰܥܒܳܕ̥̈ܶܐ ܕܰܐܠܳܗܳܐ. 4ܘܳܐܢܳܐ، ܟܳܐܒܰܥ ܕܥܳܒ̥ܰܕ ܐ̱ܢܳܐ ܗ̄ܰܥܒܳܕ̥̈ܶܐ ܕܡܰܢ ܕ݄ܡܫܰܕܰܪ ܠܶܗ ܠܺܝ ܗܳܠ ܡ݄ܩܰܐ ܕܟ݄ܬ ܝܳܐ ܐܺܝܡܳܡܳܐ. ܘܡ݄ܐ ܕܗܰܘܺܝ ܠܰܠܝܳܐ، ܢܳܫܳܐ ܠܰܝܒܶܗ ܥܳܒ̥݄ܕ ܡܶܕܶܐ. 5ܡ݄ܩܰܐ ܕܟ݄ܬ ܐ̱ܢܳܐ ܒܽܗ̄ܘ ܥܳܠܡܳܐ، ܐܳܢܳܐ ܐ̱ܢܳܐ ܗ̄ܽܘ ܢܽܘܗܪܳܐ ܕܽܗ̄ܘ ܥܳܠܡܳܐ.“ 6ܘܺܗ̄ܝ ܢܰܩܠܐ ܕܐܡ݄ܪ ܠܶܗ ܗܰܢܺܝ، ܪ݄ܩ ܠܶܗ ܥܰܠ ܗ̄ܺܝ ܐܰܪܥܳܐ، ܘ݄ܓܒ̥ܺܝܠ ܠܶܗ ܛܺܝܢܳܐ ܡܰܢ̱ ܪّܽܘ̈ܩܶܐ ܘܛ݄ܫ ܠܶܗ ܥܰܠ ܗ̄ܰܥّܰܝܢ̈ܳܬ̥ܳܐ ܕܽܗ̄ܘ ܣܰܡܝܳܐ، 7ܘܐܡ݄ܪ ܠܶܗ ܠܶܗ: ”ܙܳܟ̥ ܡܰܫ݄ܓ̥ ܒܺܗ̄ܝ ܪܰܘܡܳܐ ܕܫܺܝܠܽܘܚܳܐ.“ ܘܰܐܙّܶܗ ܡܰܫ݄ܓ̥ ܠܶܗ، ܘܰܐܬ̥ܺܝ ܟܚܳܙܶܐ. 8ܘܰܫܒܳܒ̈ܰܝܕ̥ܶܗ ܘܗܰܢܺܝ ܕܳܐܕ̥ܥܺܝ ܗ̄ܘܰܝ ܠܶܗ ܓܰܒ̥ܳܝܳܐ ܘܟܰܪܳܟ̥ܳܐ ܡܶܢ̱ ܡܶܩ݄ܕ̱ܡ ܐܡ݄ܪّܶܗ: ”ܠܰܝ̱ܬ ܝܳܐ ܗܰܢܳܐ ܕܝܳܬܰܒ̥ ܗ̄ܘܰܐ ܘܓܳܒ̥ܶܐ؟“ 9ܘܗ݄ܢ ܡ݄ܢّܶܗ ܐ݄ܡّܺܪ̱ܝ ܗ̄ܘܰܘ̱: ”ܗܰܢܳܐ ܝܳܐ!“ ܘܗ݄ܢ ܐ݄ܡّܺܪ̱ܝ ܗ̄ܘܰܘ̱: ”ܠܳܐ، ܐܶܠܳܐ ܟܕܳܡܶܐ ܠܶܗ.“ ܘܗܺܝّܶܗ ܐܳܡܰܪ ܗ̄ܘܰܐ: ”ܐܳܢܳܐ ܐ̱ܢܳܐ!“ 10ܘܐܡ݄ܪّܰܗ ܠܶܗ: ”ܐܰܝܕܰܪܒܳܐ ܦܬܺܝܚܺܝ ܥܰܝ̈ܢܳܬ̥ܳܟ̥؟“ 11ܡܰܕܥܰܪ ܠܶܗ ܘܐܡ݄ܪ ܠܰܗ ܠّܶܗ: ”ܓܰܒ̥ܪܳܐ ܕܟ݄ܬ ܝܳܐ ܐ݄ܫܡܶܗ ܝܶܫܽܘܥ ܣ݄ܡ ܠܶܗ ܛܺܝܢܳܐ ܘܛ݄ܫ ܠܶܗ ܥܰܠ ܥܰܝ̈ܢܳܬ̥ܺܝ ܘܐܡ݄ܪ ܠܶܗ ܠܺܝ: ܙܳܟ̥ ܡܰܫ݄ܓ̥ ܒܰܡّܰܝ̈ܶܐ ܕܫܺܝܠܽܘܚܳܐ. ܘܰܐܙّܺܝ ܡܰܫ݄ܓ̥ ܠܺܝ، ܘܦܰܝ݄ܫ ܟܚܳܙܶܐ ܐ̱ܢܳܐ.“ 12ܘܐܡ݄ܪّܰܗ ܠܶܗ: ”ܐܰܝܟܳܐ ܝܳܐ؟“ ܐܡ݄ܪ ܠܰܗ ܠّܶܗ: ”ܠ݄ܐ ܟܳܐܕ̥ܰܥ ܐ̱ܢܳܐ.“
ܗ̄ܰܦܪ̈ܺܝܫܶܐ ܟ݄ܐܒܥܺܝ ܕܳܐܕ̥ܥܺܝ ܕܰܐܝܕܰܪܒܳܐ ܟܚܳܙܶܐ ܗ̄ܽܘ ܣܰܡܝܳܐ
13ܘܡܰܝܬܰܠّܶܗ ܠܰܗ̄ܘܳܐ ܕܟ݄ܬ ܗ̄ܘܰܐ ܡܶܢ̱ ܡܶܩ݄ܕ̱ܡ ܣܰܡܝܳܐ ܠܓܰܒ ܗ̄ܰܦܪ̈ܺܝܫܶܐ، 14ܘܫܰܒܬ̥ܳܐ ܗ̄ܘܰܐ ܗ̄ܽܘ ܝܰܘܡܳܐ ܕܣ݄ܡ ܠܶܗ ܝܶܫܽܘܥ ܗ̄ܽܘ ܛܺܝܢܳܐ ܘ݄ܦܬ݄ܚ ܠܶܗ ܥܰܝܢ̈ܳܬ̥ܶܗ. 15ܘܢܰܩܠܐ ܚܪܶܬܳܐ ܗ̄ܰܦܪ̈ܺܝܫܶܐ ܡܫܰܐܶܠّܰܗ ܠܶܗ: ”ܐܰܝܕܰܪܒܳܐ ܦܰܝ݄ܫ ܟܚܳܙܰܬ؟“ ܘܗܺܝّܶܗ ܐܡ݄ܪ ܠܰܗ ܠّܶܗ: ”ܛܺܝܢܳܐ ܡܰܚܰܬ ܠܶܗ ܥܰܠ ܥܰܝ̈ܢܳܬ̥ܺܝ، ܘܡܰܫ݄ܓ̥ ܠܺܝ ܘܦܰܝ݄ܫ ܟܚܳܙܶܐ ܐ̱ܢܳܐ.“ 16ܘܗ݄ܢ ܡܰܢ̱ ܦܪ̈ܺܝܫܶܐ ܐܡ݄ܪّܶܗ: ”ܗ̄ܽܘ ܓܰܒ̥ܪܰܢܳܐ ܠܰܝ̱ܬ ܝܳܐ ܡܰܢ̱ ܐܠܳܗܳܐ ܥܰܠ ܕܠ݄ܐ ܟܢܳܛ݄ܪ ܗ̄ܺܝ ܫܰܒܬ̥ܳܐ.“ ܘܗ݄ܢ ܐ݄ܡّܺܪ̱ܝ ܗ̄ܘܰܘ̱: ”ܐܰܝܕܰܪܒܳܐ ܚܰܕ̱ ܓܰܒ̥ܪܳܐ ܚܰܛܳܝܳܐ ܟܺܝܒܶܗ ܣܳܝ݄ܡ ܗ̄ܰܢ ܐܳܬ̥ܘ̈ܳܬ̥ܰܢܺܝ؟“ ܘܗܰܘܺܝ ܦܠܺܝܓ̥ܽܘܬ̥ܳܐ ܒܰܝܢܳܬ̥ܰܝّܶܗ. 17ܘܢܰܩܠܐ ܚܪܶܬܳܐ ܐܡ݄ܪّܶܗ ܠܽܗ̄ܘ ܣܰܡܝܰܘܳܐ: ”ܗܰܬ، ܡ݄ܢ ܟ݄ܐܡّܰܪ̱ܬ ܐܰܥܠܶܗ، ܥܰܠ ܗܰܘܳܐ ܕ݄ܦܬ݄ܚ ܠܶܗ ܥܰܝ̈ܢܳܬ̥ܳܟ̥؟“ ܐܡ݄ܪ ܠܶܗ: ”ܐܳܢܳܐ ܟܳܐܡܰܪ ܐ̱ܢܳܐ: ܢܒܺܝܳܐ ܝܳܐ!“ 18ܘܠܳܐ ܡܰܫ݄ܪّܶܗ ܗ̄ܰܝّܽܘܕ̥̈ܳܝܶܐ ܕܟ݄ܬ ܗ̄ܘܰܐ ܣܰܡܝܳܐ ܘ݄ܚܙܶܐ ܠܶܗ، ܗܳܠ ܕ݄ܩܪܰܠّܶܗ ܠܽܗ̄ܘ ܒܰܒܳܐ ܘܠܺܗ̄ܝ ܐܶܡܳܐ ܕܗܰܘܳܐ ܕ݄ܚܙܶܐ ܠܶܗ. 19ܘ݄ܡܫܰܐܺܝܠܢّܶܗ: ”ܗܰܢܳܐ ܝܳܐ ܗ̄ܽܘ ܐܰܒܪܰܬ̥ܟ̥ܽܘ ܕܟ݄ܐܡّܺܪ̱ܝܬܽܘ ܐܰܥܠܶܗ ܕܡܰܘܠ݄ܕ̥ (ܕ݄ܡܬܰܘܠ݄ܕ̥) ܣܰܡܝܳܐ، ܐܰܝܕܰܪܒܳܐ ܐܳܥܕܳܐ ܟܚܳܙܶܐ؟“ 20ܗ̄ܰܒّܰܒܳܢ̈ܰܝܕ̥ܶܗ ܡܰܕܥܰܪّܶܗ ܘܐܡ݄ܪّܶܗ: ”ܟ݄ܐܕ̥ܥܺܝܢܰܐ ܕܰܗ̄ܢܳܐ ܝܳܐ ܗ̄ܽܘ ܐܰܒܪܰܝܕ̥ܰܢ، ܘܡܺܗ̄ܝ ܢܰܩܠܐ ܕܗܰܘܺܝ ܣܰܡܝܳܐ ܗ̄ܘܰܐ. 21ܐܶܠܳܐ ܐܳܥܕܳܐ ܐܰܝܕܰܪܒܳܐ ܟܚܳܙܶܐ، ܐܰܘ ܡܰܢܝܳܐ ܕ݄ܦܬ݄ܚ ܠܶܗ ܥܰܝܢ̈ܳܬ̥ܶܗ، ܠ݄ܐ ܟ݄ܐܕ̥ܥܺܝܢܰܐ. ܟܰܐܠܶܗ ܪܰܒܳܐ ܝܳܐ، ܡܫܰܐܶܠܽܘ ܠܶܗ، ܘܗܺܝّܶܗ، ܡܶܢ̱ ܚܠܳܦ ܪܽܘܚܶܗ ܓܡ݄ܫܓ̥݄ܠ.“ 22ܗ̄ܰܒّܰܒܳܢ̈ܰܝܕ̥ܶܗ ܗܰܘܟ̥ܰܐ ܐܡ݄ܪّܶܗ ܡܺܐܝܕ̥ܶܗ ܕܙܰܝܥܺܝ ܗ̄ܘܰܘ̱ ܡܰܢ̱ ܝّܽܘܕ̥̈ܳܝܶܐ. ܘܰܝّܽܘܕ̥̈ܳܝܶܐ ܡܰܚ݄ܬّܶܗ ܒܗܰܘܢܰܝّܶܗ ܕܡܰܘܦܩܺܝ ܡܺܗ̄ܝ ܟ̥ܢܽܘܫܬܳܐ ܟܽܘܠ ܚܰܕ̱ ܕܡܰܘܕܶܐ ܐܶܒܶܗ ܕܟ݄ܬ ܝܳܐ ܡܫܺܝܚܳܐ. 23ܡܰܗ̄ܘܟ̥ܰܐ ܗ̄ܰܒّܰܒܳܢ̈ܰܝܕ̥ܶܗ ܐܡ݄ܪّܶܗ: ”ܟܰܐܠܶܗ ܪܰܒܳܐ ܝܳܐ، ܐܶܠܶܗ ܡܫܰܐܶܠܽܘ.“
24ܘܠܺܗ̄ܝ ܢܰܩܠܐ ܕܰܬّܰܪܬܶܝ ܩܪܰܠّܶܗ ܠܽܗ̄ܘ ܓܰܒ̥ܪܳܐ ܕܟ݄ܬ ܗ̄ܘܰܐ ܣܰܡܝܳܐ ܘܐܡ݄ܪّܰܗ ܠܶܗ: ”ܡܫܰܒ݄ܚ ܠܰܐܠܳܗܳܐ! ܐܰܚܢܰܐ ܟ݄ܐܕ̥ܥܺܝܢܰܐ ܕܽܗ̄ܘ ܓܰܒ̥ܪܰܢܳܐ ܚܰܛܳܝܳܐ ܝܳܐ.“ 25ܘܗܺܝّܶܗ ܡܰܕܥܰܪ ܠܶܗ ܘܐܡ݄ܪ ܠܰܗ ܠّܶܗ: ”ܐܶܢ ܚܰܛܳܝܳܐ ܝܳܐ ܠ݄ܐ ܟܳܐܕ̥ܰܥ ܐ̱ܢܳܐ، ܚܰܕ̱ ܡܶܕܶܐ ܟܳܐܕ̥ܰܥ ܐ̱ܢܳܐ: ܣܰܡܝܳܐ ܗ̄ܘܰܝ ܐ̱ܢܳܐ ܘܳܐܥܕܳܐ ܟܰܐܠܺܝ ܟܚܳܙܶܐ ܐ̱ܢܳܐ.“ 26ܘܕܰܥܺܝܪܺܝ ܐܡ݄ܪّܰܗ ܠܶܗ: ”ܡ݄ܢ ܣ݄ܡ ܠܶܗ ܠܳܟ̥؟ ܐܰܝܕܰܪܒܳܐ ܦܬ݄ܚ ܠܶܗ ܥܰܝ̈ܢܳܬ̥ܳܟ̥؟“ 27ܐܡ݄ܪ ܠܰܗ ܠّܶܗ: ”ܐܡ݄ܪ ܠܺܝ ܠܟ̥ܽܘ ܘܠܳܐ ܫܰܡܺܝܥܺܝܬܽܘ، ܠܡ݄ܢ ܢܰܩܠܐ ܚܪܶܬܳܐ ܟ݄ܐܒܥܺܝܬܽܘ ܕܫܳܡܥܺܝܬܽܘ؟ ܩܰܝ ܗܰܬܽܘ ܣܬܶܝ ܟ݄ܐܒܥܺܝܬܽܘ ܕܳܗ̄ܘܺܝܬܽܘ ܠܶܗ ܬܰܠܡܺܝܕ̥̈ܶܐ؟“ 28ܘܗ݄ܢّܶܝ ܡܨܰܥܰܪّܰܗ ܠܶܗ ܘܐܡ݄ܪّܰܗ ܠܶܗ: ”ܗܰܬ ܗ̄ܰܬ ܗ̄ܽܘ ܬܰܠܡܺܝܕ̥ܳܐ ܕܰܗ̄ܘܳܐ. ܐܶܠܳܐ ܐܰܚܢܰܐ ܗ̄ܰܬّܰܠܡܺܝܕ̥̈ܶܐ ܕܡܽܘܫܶܐ ܐܰܚܢܰܐ! 29ܘܟ݄ܐܕ̥ܥܺܝܢܰܐ ܕܥܰܡ ܡܽܘܫܶܐ ܐܰܠܳܗܳܐ ܫܓ̥ܺܝܠ، ܐܶܠܳܐ ܠܰܗ̄ܢܳܐ ܠ݄ܐ ܟ݄ܐܕ̥ܥܺܝܢܰܐ ܡܰܐܝܟܳܐ ܝܳܐ.“ 30ܡܰܕܥܰܪ ܠܶܗ ܗ̄ܽܘ ܓܰܒ̥ܪܰܘܳܐ ܘܐܡ݄ܪ ܠܰܗ ܠّܶܗ: ”ܒܰܗ̄ܬ̥ܶܐ ܝܳܐ ܕܡܺܝܕܰܘܡܰܪ ܐ̱ܢܳܐ، ܕܗܰܬܽܘ ܠ݄ܐ ܟ݄ܐܕ̥ܥܺܝܬܽܘ ܡܰܐܝܟܳܐ ܝܳܐ، ܘܗܺܝّܶܗ ܥܰܝ̈ܢܳܬ̥ܺܝ ܦܬ݄ܚ ܠܶܗ. 31ܘܟ݄ܐܕ̥ܥܺܝܢܰܐ ܕܰܐܠܳܗܳܐ ܠ݄ܐ ܟܫܳܡ݄ܥ ܩܳܠܶܗ ܕܰܚّܰܛܳܝ̈ܶܐ، ܐܶܠܳܐ ܠܡܰܢ ܕܙܳܝ݄ܥ ܡܶܢܶܗ ܘܣܳܝ݄ܡ ܗ̄ܽܘ ܨܶܒܝܳܢܰܝܕ̥ܶܗ، ܠܰܗ̄ܘܳܐ ܟܫܳܡ݄ܥ. 32ܡܽܗ̄ܘ ܝܰܘܡܳܐ ܕܗܰܘܝܳܐ ܒܪܺܝܬ̥ܳܐ، ܠܳܐ ܫܡܺܝܥ ܕܚܰܕ̱ ܦܬ݄ܚ ܠܶܗ ܥܰܝܢ̈ܶܐ ܕܚܰܕ̱ ܣܰܡܝܳܐ ܡܽܗ̄ܘ ܝܰܘܡܳܐ ܕܡܰܘܠ݄ܕ̥ (ܕ݄ܡܬܰܘܠ݄ܕ̥). 33ܘ݄ܕܠܳܐ ܗ̄ܘܶܐ ܗ̄ܘܰܐ ܡܰܢ̱ ܐܠܳܗܳܐ، ܗܰܬ̥ܶܐ ܠܰܝܒܶܗ ܣܳܝܰܡ ܗ̄ܘܰܐ.“ 34ܡܰܕܥܰܪّܶܗ ܘܐܡ݄ܪّܰܗ ܠܶܗ: ”ܗܰܬ ܟܽܘܠܳܟ̥ ܒܰܚܛܳܗ̈ܶܐ ܗܰܘܰܬ، ܘܗܰܬ ܟܡܰܘܠܦܰܬ ܠܰܢ!“ ܘܡܰܘܦܰܩّܶܗ ܠܰܪܒ̥ܰܠ.
ܗ̄ܺܝ ܣܰܡܝܽܘܬ̥ܳܐ ܕܺܗ̄ܝ ܪܽܘܚܳܐ
35ܘܫܰܡ݄ܥ ܝܶܫܽܘܥ ܕܡܰܘܦܰܩّܶܗ ܠܰܪܒ̥ܰܠ، ܘ݄ܚܙܶܐ ܠܶܗ ܘܐܡ݄ܪ ܠܶܗ ܠܶܗ: ”ܗܰܬ ܟ݄ܡܗܰܝܡܢܰܬ ܒܽܗ̄ܘ ܐܰܒܪܳܐ ܕܰܐܠܳܗܳܐ؟“ 36ܡܰܕܥܰܪ ܠܶܗ ܗܰܘܳܐ ܕܢܰܝ݄ܚ ܠܶܗ ܘܐܡ݄ܪ ܠܶܗ: ”ܡܰܢܝܳܐ، ܡܳܪܝ، ܕ݄ܡܗܰܝܡܰܢ ܐ̱ܢܳܐ ܐܶܒܶܗ.“ 37ܝܶܫܽܘܥ ܐܡ݄ܪ ܠܶܗ ܠܶܗ: ”ܚܙܶܐ ܠܳܟ̥ ܠܶܗ، ܘܗܺܝّܶܗ ܝܳܐ ܕܟܳܡ݄ܫܓ̥݄ܠ ܐܰܥܡܳܟ̥.“ 38ܘܗܺܝّܶܗ ܐܡ݄ܪ ܠܶܗ: ”ܡܗܰܝܡܰܢ ܐ̱ܢܳܐ، ܡܳܪܝ!“ ܘܢܰܦ݄ܠ ܣܓ̥݄ܕ ܠܶܗ ܠܶܗ. 39ܘܐܡ݄ܪ ܠܶܗ ܝܶܫܽܘܥ: ”ܠܽܗ̄ܘ ܕܺܝܢܳܐ ܕܽܗ̄ܘ ܥܳܠܡܰܢܳܐ ܐܰܬ̥ܺܝ ܐ̱ܢܳܐ، ܠܰܫܰܢ ܐܰܝܢܰܐ ܕܠ݄ܐ ܚܳܙ݄ܢ ܓ݄ܕܚܳܙ݄ܢ، ܘܗܰܢܺܝ ܕܚܳܙ݄ܢ ܓ݄ܕܣܳܡ݄ܢ.“ 40ܘܗ݄ܢ ܡܰܢ̱ ܦܪ̈ܺܝܫܶܐ ܕܟ݄ܬ ܗ̄ܘܰܝܢܶܝ ܐܰܥܡܶܗ ܫܰܡܺܝܥܺܝ ܘܐܡ݄ܪّܰܗ ܠܶܗ: ”ܩܰܝ ܐܰܚܢܰܐ ܣܬܶܝ ܣܰܡܝ̈ܶܐ ܢܰܐ؟“ 41ܝܶܫܽܘܥ ܐܡ݄ܪ ܠܰܗ ܠّܶܗ: ”ܕܳܗ̄ܘܺܝܬܽܘ ܗ̄ܘܰܘ̱ ܣܰܡܝ̈ܶܐ، ܠܳܐ ܗ̄ܘܶܐ ܗ̄ܘܰܐ ܠܟ̥ܽܘ ܚܛܺܝܬ̥ܳܐ، ܐܶܠܳܐ ܐܳܥܕܳܐ ܕܟ݄ܐܡّܺܪ̱ܝܬܽܘ ܟܚܳܙܺܝܢܰܐ، ܡܰܗ̄ܘܟ̥ܰܐ ܗ̄ܺܝ ܚܛܺܝܬ̥ܰܬ̥ܟ̥ܽܘ ܓܦܰܝܫܳܐ ܒ݄ܩܕ̥ܳܠܰܝܟ̥ܽܘ.“
Currently Selected:
:
Highlight
Share
Copy
Want to have your highlights saved across all your devices? Sign up or sign in
Suryoyo Bible © 2024 Aramaic Bible Translation