ܡܓܰܠܝܘܢ ܕܝܘܚܢܢ 5
5
ܝܶܫܽܘܥ ܟܡܰܢ݄ܚ ܓܰܒ̥ܪܳܐ ܡܫܰܪܝܳܐ (ܡܪܰܝܚܳܐ)
1ܒ݄ܬ̥݄ܪ ܡܰܗ̄ܢܺܝ، ܗܰܘܺܝ ܗ̄ܽܘ ܥܶܐܕ̥ܳܐ ܕܰܝّܽܘܕ̥̈ܳܝܶܐ، ܘܣܰܠ݄ܩ ܝܶܫܽܘܥ ܠܽܐܘܪܶܫܠܶܡ. 2ܘܟ݄ܬ ܗ̄ܘܰܐ ܬܰܡܳܐ ܒܽܐܘܪܶܫܠܶܡ ܕܽܘܟܬ̥ܳܐ ܚܕ̥ܳܐ ܕܺܗ̄ܝ ܪܰܘܡܳܐ (ܡܰܥܡܽܘܕ̥ܺܝܬ̥ܳܐ) ܕ݄ܟܡ݄ܩܪܳܝܳܐ ܒܽܗ̄ܘ ܥܶܒܪܳܝܳܐ ܒܶܝܬ̥ ܚܶܣܕܳܐ، ܘܟ݄ܬ ܗ̄ܘܰܐ ܒܺܗ̄ܝ ܕܽܘܟܬ̥ܳܐ ܚܰܡܫܳܐ ܩܛܳܪ̈ܶܐ. 3ܘܬܰܡܳܐ ܡ݄ܫܛܳܚܺܝ ܗ̄ܘܰܘ̱ ܢܳܫ̈ܶܐ ܓ̥ܰܠܰܒܶܐ ܟܰܐܺܝܒ̥̈ܶܐ ܘܣܰܡܝ̈ܶܐ ܘ݄ܚܓ̥ܺܝܪ̈ܶܐ ܘܝܰܒܺܝܫ̈ܶܐ، ܘܢܳܛܪܺܝ ܗ̄ܘܰܘ̱ ܗ̄ܽܘ ܪܡܳܫܳܐ ܕܰܡّܰܝ̈ܶܐ. 4ܡܺܐܝܕ̥ܶܗ ܕܚܰܕ̱ ܡܰܠܰܐܟ̥ܳܐ، ܡܶܢ̱ ܙܰܒܢܳܐ ܠܙܰܒܢܳܐ، ܢܳܚܰܬ ܗ̄ܘܰܐ ܠܺܗ̄ܝ ܪܰܘܡܳܐ، ܘܡܰܪܡܰܫ ܗ̄ܘܰܐ ܗ̄ܰܡّܰܝ̈ܶܐ. ܘܽܗ̄ܘ ܩܰܕ̱ܡܳܝܳܐ ܕܢܳܚܰܬ ܗ̄ܘܰܐ ܒ݄ܬ̥݄ܪ ܡܽܗ̄ܘ ܪܡܳܫܳܐ ܕܰܡّܰܝ̈ܶܐ ܟܢܳܝܰܚ ܗ̄ܘܰܝ ܠܶܗ ܡܽܗ̄ܘ ܟܶܐܒ̥ܳܐ ܕܟ݄ܬ ܗ̄ܘܰܝ ܠܶܗ.
5ܘܬܰܡܳܐ ܟ݄ܬ ܗ̄ܘܰܐ ܚܰܕ̱ ܕܗܰܘܺܝ ܗ̄ܘܰܝ ܠܶܗ ܬܡܳܢܶܐ ܘ݄ܬܠܶܬ̥ܺܝ ܐ݄ܫܢ̈ܶܐ ܒܽܗ̄ܘ ܟܶܐܒ̥ܳܐ. 6ܠܰܗ̄ܢܳܐ ܚܙܶܐ ܠܶܗ ܝܶܫܽܘܥ ܡܚܰܠܩܳܐ، ܘܰܐܕ̥݄ܥ ܕܗܰܘܺܝ ܠܶܗ ܙܰܒܢܳܐ ܝܰܪܺܝܟ̥ܳܐ. ܘܐܡ݄ܪ ܠܶܗ ܠܶܗ: ”ܟ݄ܐܒܥܰܬ ܕܢܳܝܰܚ ܠܳܟ̥؟“ 7ܡܰܕܥܰܪ ܠܶܗ ܗ̄ܽܘ ܟܰܐܺܝܒ̥ܳܐ: ”ܐܺܝܢ ܡܳܪܝ! ܐܶܠܳܐ ܠܰܝ̱ܬ ܠܺܝ ܢܳܫܳܐ ܕ݄ܡܚܰܠܰܩ ܠܺܝ ܒܺܗ̄ܝ ܪܰܘܡܳܐ ܗ̄ܺܝ ܢܰܩܠܐ ܕܪܳܡܫܺܝ ܗ̄ܰܡّܰܝ̈ܶܐ. ܘܡܶܩ݄ܕ̱ܡ ܕܳܐܬ̥ܶܐ ܐ̱ܢܳܐ (ܕܢܳܚܰܬ ܐ̱ܢܳܐ)، ܚܰܕ̱ ܚܪܶܢܳܐ ܟܢܳܚ݄ܬ ܩܽܘܕ̱ܡܺܝ.“ 8ܐܡ݄ܪ ܠܶܗ ܠܶܗ ܝܶܫܽܘܥ: ”ܩܘܿܡ ܫܩܰܠ ܗ̄ܰܓّܰܠܰܝ̈ܕ̥ܳܟ̥ ܘ݄ܡܗܰܠ݄ܟ̥.“ 9ܘܒܺܗ̄ܝ ܫܳܥܬ̥ܰܝܕ̥ܰܗ ܢܰܝ݄ܚ ܠܶܗ ܗ̄ܽܘ ܓܰܒ̥ܪܰܘܳܐ، ܘܩܰܝ݄ܡ ܫܩܺܝܠ ܠܶܗ ܗ̄ܰܓّܰܠܰܝ̈ܕ̥ܶܗ ܘ݄ܡܗܰܠܰܟ̥ ܠܶܗ. ܗ̄ܽܘ ܝܰܘܡܰܘܳܐ ܫܰܒܬ̥ܳܐ ܗ̄ܘܰܐ. 10ܗ̄ܰܝّܽܘܕ̥̈ܳܝܶܐ ܐܡ݄ܪّܶܗ ܠܰܗ̄ܘܳܐ ܕܢܰܝ݄ܚ ܠܶܗ: ”ܐܰܕܝܰܘܡܰܐ ܫܰܒܬ̥ܳܐ ܝܳܐ، ܠ݄ܐ ܟܳܗ̄ܘܶܐ ܕܫܳܩܠܰܬ ܗ̄ܰܓّܰܠܰܝ̈ܕ̥ܳܟ̥.“ 11ܘܗܺܝّܶܗ ܡܰܕܥܰܪ ܠܶܗ ܘܐܡ݄ܪ ܠܰܗ ܠّܶܗ: ”ܗܰܘܳܐ ܕܡܰܢ݄ܚ ܠܶܗ ܠܺܝ، ܐܡ݄ܪ ܠܶܗ ܠܺܝ: ’ܫܩܰܠ ܗ̄ܰܓّܰܠܰܝ̈ܕ̥ܳܟ̥ ܘ݄ܡܗܰܠ݄ܟ̥.‘“ 12ܘ݄ܡܫܰܐܰܠّܰܗ ܠܶܗ: ”ܡܰܢܝܳܐ ܗܰܢܳܐ ܕܐܡ݄ܪ ܠܶܗ ܠܳܟ̥ ܫܩܰܠ ܗ̄ܰܓّܰܠܰܝ̈ܕ̥ܳܟ̥ ܘ݄ܡܗܰܠ݄ܟ̥؟“ 13ܘܗܰܘܳܐ ܕܢܰܝ݄ܚ ܠܶܗ ܠܳܐ ܐܕ̥ܰܥ ܗ̄ܘܰܐ ܡܰܢܝܳܐ، ܡܺܐܝܕ̥ܶܗ ܕܝܶܫܽܘܥ ܠܳܐ ܡܺܝܒܰܝܰܢ ܗ̄ܘܰܐ ܡܒܰܝܢ ܗ̄ܰܢ ܢܳܫ̈ܶܐ ܓ̥ܰܠܰܒܶܐ ܕܟ݄ܬ ܗ̄ܘܰܝ ܢܶܝ ܒܺܗ̄ܝ ܕܽܘܟܬ̥ܰܝܳܐ. 14ܘܒ݄ܬ̥݄ܪ ܙܰܒܢܳܐ، ܝܶܫܽܘܥ ܚܙܶܐ ܠܶܗ ܒܽܗ̄ܘ ܗܰܝܟܠܳܐ ܘܐܡ݄ܪ ܠܶܗ ܠܶܗ: ”ܟܰܐܠܶܗ ܢܰܝ݄ܚ ܠܳܟ̥، ܠܳܐ ܕܳܥܪܰܬ ܣܰܝܡܰܬ ܚܛܺܝܬ̥ܳܐ ܕܠ݄ܐ ܐܙّܶܗ ܗܳܘܶܐ ܠܳܟ̥ ܡܶܕܶܐ ܒܺܝܫ ܡܽܗ̄ܘ ܩܰܕ̱ܡܳܝܳܐ.“ 15ܘܰܐܙّܶܗ ܗ̄ܽܘ ܓܰܒ̥ܪܳܐ ܘܐܡ݄ܪ ܠܶܗ ܠܰܝّܽܘܕ̥̈ܳܝܶܐ ܕܝܶܫܽܘܥ ܝܳܐ ܗܰܘܳܐ ܕܡܰܢ݄ܚ ܠܶܗ. 16ܘܡܰܗ̄ܘܟ̥ܰܐ ܗ̄ܰܝّܽܘܕ̥̈ܳܝܶܐ ܪܳܕ̥ܦܺܝ ܗ̄ܘܰܘ̱ (ܘܛ݄ܪܕܺܝ) ܠܝܶܫܽܘܥ ܘ݄ܐܒܥܺܝ ܗ̄ܘܰܘ̱ ܕܩܳܛܠܺܝ ܠܶܗ، ܥܰܠ ܕܣܳܝܰܡ ܗ̄ܘܰܐ ܗܰܢܺܝ ܒܝܰܘܡܶܗ ܕܫܰܒܬ̥ܳܐ. 17ܘܗܺܝّܶܗ ܝܶܫܽܘܥ ܐܡ݄ܪ ܠܰܗ ܠّܶܗ: ”ܗ̄ܽܘ ܐܰܒܰܝܕ̥ܺܝ ܗܳܠ ܐܳܥܕܳܐ ܟܥܳܒ̥݄ܕ، ܘܳܐܢܳܐ ܣܬܶܝ ܟܥܳܒ̥ܰܕ ܐ̱ܢܳܐ.“ 18ܘܡܰܗ̄ܘܟ̥ܰܐ، ܗ̄ܰܝّܽܘܕ̥̈ܳܝܶܐ ܙ݄ܕ ܐ݄ܒܥܺܝ ܗ̄ܘܰܘ̱ ܕܩܳܛܠܺܝ ܠܶܗ، ܠܳܐ ܒܶܠܚܽܘܕ̥ ܕܫܳܪܶܐ ܗ̄ܘܰܐ (ܘܬܳܒ̥ܰܪ ܗ̄ܘܰܐ) ܗ̄ܺܝ ܫܰܒܬ̥ܳܐ، ܐܶܠܳܐ ܥܰܠ ܐܰܠܳܗܳܐ ܣܬܶܝ ܐܳܡܰܪ ܗ̄ܘܰܐ ܕܽܗ̄ܘ ܒܰܒܰܝܕ̥ܶܗ ܝܳܐ، ܘܗܰܘܟ̥ܰܐ ܟܡܰܫܘܶܐ (ܟ݄ܡܣܰܘܶܐ) ܪܽܘܚܶܗ ܥܰܡ ܐܰܠܳܗܳܐ.
ܗ̄ܽܘ ܫܽܘܠܛܳܢܳܐ ܕܽܗ̄ܘ ܐܰܒܪܳܐ
19ܡܰܕܥܰܪ ܠܶܗ ܝܶܫܽܘܥ ܘܐܡ݄ܪ ܠܰܗ ܠّܶܗ: ”ܫܪܳܪܳܐ ܫܪܳܪܳܐ ܟܳܐܡܰܪ ܐ̱ܢܳܐ ܠܟ̥ܽܘ: ܗ̄ܽܘ ܐܰܒܪܳܐ ܠܰܝܒܶܗ ܣܳܝ݄ܡ ܡܶܕܶܐ ܡܶܢ̱ ܩ݄ܕ̱ܡ ܪܽܘܚܶܗ، ܐܶܠܳܐ ܗ̄ܽܘ ܡܶܕܶܐ ܕܚܳܙܶܐ ܠܽܗ̄ܘ ܐܰܒܳܐ ܕܣܳܝ݄ܡ: ܗ̄ܽܘ ܡܶܕܶܐ ܕܣܳܝܰܡّܶܗ ܗ̄ܽܘ ܐܰܒܳܐ، ܗ̄ܽܘ ܐܰܒܪܳܐ ܣܬܶܝ ܐܟ̥݄ܕܘܳܬ̥ܶܗ ܟܣܳܝ݄ܡ. 20ܘܽܗ̄ܘ ܐܰܒܳܐ ܟܪܳܚ݄ܡ ܠܽܗ̄ܘ ܐܰܒܪܳܐ، ܘ݄ܟܡܰܚܘܶܐ ܠܶܗ ܟܽܘܠ ܡܶܕܶܐ ܕܣܳܝ݄ܡ، ܘܪܰܒ ܡܰܢ̱ ܥܒܳܕ̥̈ܰܢܺܝ ܓܡܰܚܘܶܐ ܠܶܗ ܠܰܫܰܢ ܗܰܬܽܘ ܡܺܝܕܰܘܡܪܺܝܬܽܘ. 21ܘ݄ܐܟ̥ ܕܽܗ̄ܘ ܐܰܒܳܐ ܟܡܰܩ݄ܡ ܡܺܝ̈ܬ̥ܶܐ ܘܟܳܗ̄ܒܰܠّܶܗ ܚܰܝ̈ܶܐ، ܗܰܘܟ̥ܰܐ ܣܬܶܝ ܗ̄ܽܘ ܐܰܒܪܳܐ ܟܳܗ̄ܒܶܐ ܚܰܝ̈ܶܐ ܠܰܗ̄ܢܺܝ ܕܗܺܝّܶܗ ܟܳܐܒ݄ܥ. 22ܗ̄ܽܘ ܐܰܒܳܐ ܠ݄ܐ ܟܕܳܝ݄ܢ (ܚܳܟ݄ܡ ܥܰܠ) ܢܳܫܳܐ، ܥܰܠ ܕܗܽܒ̥ ܠܶܗ ܗ̄ܽܘ ܕܺܝܢܳܐ ܟܽܘܠܶܗ ܠܽܗ̄ܘ ܐܰܒܪܳܐ، 23ܠܰܫܰܢ ܕܟܽܘܠ ܚܰܕ̱ ܡܝܰܩ݄ܪ ܗ̄ܽܘ ܐܰܒܪܳܐ ܐܟ̥ ܕܟܳܡܝܰܩ݄ܪ ܗ̄ܽܘ ܐܰܒܳܐ. ܗܰܘܳܐ ܕܠ݄ܐ ܟܳܡܝܰܩ݄ܪ ܗ̄ܽܘ ܐܰܒܪܳܐ، ܠ݄ܐ ܟܳܡܝܰܩ݄ܪ ܗ̄ܽܘ ܐܰܒܳܐ ܕ݄ܡܫܰܕܰܪ ܠܶܗ.
24”ܫܪܳܪܳܐ ܫܪܳܪܳܐ ܟܳܐܡܰܪ ܐ̱ܢܳܐ ܠܟ̥ܽܘ: ܡܰܢ ܕܫܳܡ݄ܥ ܗ̄ܽܘ ܡܰܐܡܪܰܝܕ̥ܺܝ ܘ݄ܡܗܰܝܡ݄ܢ ܠܡܰܢ ܕ݄ܡܫܰܕܰܪ ܠܶܗ ܠܺܝ ܟ݄ܬ ܠܶܗ ܚܰܝ̈ܶܐ ܕ݄ܠܥܳܠܰܡ، ܘܠ݄ܐ ܟܳܐܬ̥ܶܐ ܠܽܗ̄ܘ ܕܺܝܢܳܐ، ܐܶܠܳܐ ܢܩܺܝܠ ܡܽܗ̄ܘ ܡܰܘܬܳܐ ܠܰܚّܰܝ̈ܶܐ. 25ܫܪܳܪܳܐ ܫܪܳܪܳܐ ܟܳܐܡܰܪ ܐ̱ܢܳܐ ܠܟ̥ܽܘ: ܓܕ݄ܐܬ̥ܝܳܐ ܫܳܥܬ̥ܳܐ، ܘܟܰܐܠܰܗ ܐܳܥܕܳܐ ܝܳܐ، ܐܶܡܰܐ ܕܰܡّܺܝ̈ܬ̥ܶܐ ܓܫ݄ܡܥܺܝ ܗ̄ܽܘ ܩܳܠܳܐ ܕܽܗ̄ܘ ܐܰܒܪܳܐ ܕܰܐܠܳܗܳܐ، ܘܗܰܢ݄ܟ ܕܫ݄ܡܥܺܝ ܓܕܳܗ̄ܘܰܠّܶܗ ܚܰܝ̈ܶܐ. 26ܘ݄ܐܟ̥ ܕܽܗ̄ܘ ܐܰܒܳܐ ܕܟ݄ܬ ܠܶܗ ܚܰܝ̈ܶܐ ܒܪܽܘܚܶܗ، ܗܰܘܟ̥ܰܐ ܣܬܶܝ ܗܽܒ̥ ܠܶܗ ܠܽܗ̄ܘ ܐܰܒܪܳܐ ܕܗܳܘܶܐ ܠܶܗ ܚܰܝ̈ܶܐ ܒܪܽܘܚܶܗ. 27ܘܗܽܒ̥ ܠܶܗ ܠܶܗ ܣܬܶܝ ܫܽܘܠܛܳܢܳܐ ܕܣܳܝ݄ܡ ܕܺܝܢܳܐ، 28ܥܰܠ ܕܟ݄ܬ ܝܳܐ ܐܰܒܪܶܗ ܕܢܳܫܳܐ. ܠܳܐ ܡܺܝܕܰܘܡܪܺܝܬܽܘ ܒܰܗ̄ܬ̥ܶܐ، ܥܰܠ ܓܕܳܐܬ̥ܝܳܐ ܫܳܥܬ̥ܳܐ ܐܶܡܰܐ ܕܟܽܘܠّܶܗ ܗܰܢܺܝ ܕܒܰܩّܰܒ̥ܪ̈ܶܐ ܓܫ݄ܡܥܺܝ ܩܳܠܶܗ، 29ܘܢ݄ܦܩܺܝ ܗܰܢܺܝ ܕܣ݄ܡّܶܗ ܥܒܳܕ̥̈ܶܐ ܛܳܒ̥̈ܶܐ ܠܺܗ̄ܝ ܩܝܰܡܬܳܐ ܕܰܚّܰܝ̈ܶܐ، ܘܗܰܢܺܝ ܕܣ݄ܡّܶܗ ܥܒܳܕ̥̈ܶܐ ܒܺܝܫ̈ܶܐ ܠܺܗ̄ܝ ܩܝܰܡܬܳܐ ܕܽܗ̄ܘ ܕܺܝܢܳܐ.
ܗ̄ܰܣّܳܗܕ̈ܶܐ ܫܰܪܺܝܪ̈ܶܐ ܕܝܶܫܽܘܥ
30”ܠܰܝܒܺܝ ܣܳܝܰܡ ܐ̱ܢܳܐ ܡܶܕܶܐ ܡܶܢ̱ ܩ݄ܕ̱ܡ ܪܽܘܚܺܝ، ܐܶܠܳܐ ܐܟ̥ ܕܫܳܡܰܥ ܐ̱ܢܳܐ ܟܕܳܝܰܢ ܐ̱ܢܳܐ، ܘܽܗ̄ܘ ܕܺܝܢܰܝܕ̥ܺܝ ܟܺܐܢܳܐ ܝܳܐ، ܥܰܠ ܕܠ݄ܐ ܟܟܳܪܰܟ̥ ܐ̱ܢܳܐ ܕܣܳܝܰܡ ܐ̱ܢܳܐ ܗ̄ܽܘ ܡܶܕܶܐ ܕܟܳܐܒܰܥ ܐ̱ܢܳܐ، ܐܶܠܳܐ ܗ̄ܽܘ ܡܶܕܶܐ ܕܟܳܐܒ݄ܥ ܡܰܢ ܕ݄ܡܫܰܕܰܪ ܠܶܗ ܠܺܝ. 31ܐܶܢ ܐܳܢܳܐ ܥܰܠ ܢܰܦܫܺܝ ܟܣܳܗܰܕ ܐ̱ܢܳܐ، ܗ̄ܺܝ ܣܳܗܕܽܘܬ̥ܰܝܕ̥ܺܝ ܠ݄ܐ ܟܳܗ̄ܘܝܳܐ ܫܰܪ݄ܪܬܳܐ. 32ܚܰܕ̱ ܚܪܶܢܳܐ ܝܳܐ ܗܰܘܳܐ ܕ݄ܟܣܳܗ݄ܕ ܐܰܥܠܺܝ، ܘܟܳܐܕ̥ܰܥ ܐ̱ܢܳܐ ܫܰܪ݄ܪܬܳܐ ܝܳܐ ܗ̄ܺܝ ܣܳܗܕܽܘܬ̥ܰܝܕ̥ܶܗ ܕ݄ܟܣܳܗ݄ܕ ܐܰܥܠܺܝ. 33ܗܰܬܽܘ ܡܫܰܕܰܪܟ̥ܽܘ (ܢܳܫ̈ܶܐ) ܓܰܒ ܝܽܘܚܰܢܳܢ، ܘܗܺܝّܶܗ ܣܗ݄ܕ ܠܶܗ ܥܰܠ ܗ̄ܽܘ ܫܪܳܪܳܐ. 34ܘܳܐܢܳܐ، ܡܶܢ̱ ܢܳܫܳܐ، ܠ݄ܐ ܟܡܳܝܰܕ ܐ̱ܢܳܐ ܣܳܗܕܽܘܬ̥ܳܐ، ܐܶܠܳܐ ܟܳܐܡܰܪ ܐ̱ܢܳܐ ܗܰܢܺܝ ܠܰܫܰܢ ܕܗܳܘܰܠܟ̥ܽܘ ܚܰܝ̈ܶܐ. 35ܗܰܘܳܐ (ܝܽܘܚܰܢܳܢ) ܫܪܳܓ̥ܳܐ ܗ̄ܘܰܐ ܕܕܳܠܩܳܐ ܘܡܰܢܗܪܳܢܳܐ. ܘܗܰܬܽܘ ܐܰܒܺܝܥܺܝܬܽܘ ܕܡ݄ܦܨܳܚܺܝܬܽܘ ܘܚܳܙܺܝܬܽܘ ܪܽܘܚܰܝܟ̥ܽܘ ܒܽܗ̄ܘ ܢܽܘܗܪܰܝܕ̥ܶܗ ܠܙܰܒܢܳܐ. 36ܐܶܠܳܐ ܐܳܢܳܐ ܟ݄ܬ ܠܺܝ ܣܳܗܕܽܘܬ̥ܳܐ ܪܰܒ ܡܰܗ̄ܬ̥ܶܐ ܕܝܽܘܚܰܢܳܢ: ܗ̄ܰܥܒܳܕ̥̈ܶܐ ܕܗܽܒ̥ ܠܶܗ ܠܺܝ ܗ̄ܽܘ ܐܰܒܰܝܕ̥ܺܝ ܕ݄ܡܟܰܡܰܠ ܐ̱ܢܳܐ، ܗ̄ܰܥܒܳܕ̥̈ܰܢܺܝ ܕܣܳܝܰܡ ܐ̱ܢܳܐ ܟܣܳܗܕܺܝ ܐܰܥܠܺܝ ܕܽܗ̄ܘ ܐܰܒܳܐ ܡܫܰܕܰܪ ܠܶܗ ܠܺܝ. 37ܘܽܗ̄ܘ ܐܰܒܳܐ ܕ݄ܡܫܰܕܰܪ ܠܶܗ ܠܺܝ، ܗܺܝّܶܗ ܟܣܳܗ݄ܕ ܐܰܥܠܺܝ. ܗܰܬܽܘ ܒܢܰܩܠܐ ܠܳܐ ܫܰܡܺܝܥܺܝܬܽܘ ܗ̄ܽܘ ܩܳܠܰܝܕ̥ܶܗ، ܘܠܳܐ ܚܙܰܠܟ̥ܽܘ ܗ̄ܽܘ ܚܶܙܘܰܝܕ̥ܶܗ، 38ܘܽܗ̄ܘ ܡܰܐܡܪܰܝܕ̥ܶܗ ܠ݄ܐ ܟܦܳܝ݄ܫ ܐܰܒܟ̥ܽܘ، ܥܰܠ ܕܠ݄ܐ ܟ݄ܡܗܰܝܡܢܺܝܬܽܘ ܒܰܗ̄ܘܳܐ ܕܗܺܝّܶܗ ܡܫܰܕܰܪ ܠܶܗ. 39ܟܪܰܟ̥ܽܘ ܒܰܟܬ̥ܳܒ̥̈ܶܐ ܕܰܐܒّܶܗ ܟܚ݄ܫܒ̥ܺܝܬܽܘ ܕܟ݄ܬܟ̥ܽܘ ܚܰܝ̈ܶܐ ܕ݄ܠܥܳܠܰܡ، ܘܗ݄ܢّܶܝ ܟܣܳܗܕܺܝ ܐܰܥܠܺܝ. 40ܘܗܰܬܽܘ ܠ݄ܐ ܟ݄ܐܒܥܺܝܬܽܘ ܕܳܐܬ̥ܺܝܬܽܘ ܠܓܰܒܺܝ، ܘܗܳܘܰܠܟ̥ܽܘ ܚܰܝ̈ܶܐ ܕ݄ܠܥܳܠܰܡ. 41ܫܽܘܒܚܳܐ ܡܰܗ̄ܢ ܢܳܫ̈ܶܐ ܠ݄ܐ ܟܡܳܝܰܕ ܐ̱ܢܳܐ. 42ܐܶܠܳܐ ܐܰܕ̥݄ܥ ܐ̱ܢܳܐ ܠܟ̥ܽܘ ܕܚܽܘܒܶܗ ܕܰܐܠܳܗܳܐ ܠܰܝܬ ܐܰܒܟ̥ܽܘ. 43ܐܳܢܳܐ ܐܰܬ̥ܺܝ ܐ̱ܢܳܐ ܒ݄ܐܫܡܶܗ ܕܽܗ̄ܘ ܐܰܒܰܝܕ̥ܺܝ ܘܠ݄ܐ ܟܡܰܩܒܠܺܝܬܽܘ ܠܺܝ. ܘܶܐܢ ܚܰܕ̱ ܚܪܶܢܳܐ ܐܰܬ̥ܺܝ ܒ݄ܐܫܡܶܗ ܕܪܽܘܚܶܗ ܓܡܰܩܒܠܺܝܬܽܘ ܠܶܗ. 44ܐܰܝܕܰܪܒܳܐ ܟ݄ܒܟ̥ܽܘ ܕ݄ܡܗܰܝܡܢܺܝܬܽܘ، ܗܰܬܽܘ ܕܫܽܘܒܚܳܐ ܡܶܢ̱ ܚܕ̥ܳܕ̥̈ܶܐ ܟܡܰܩܒܠܺܝܬܽܘ، ܘܽܗ̄ܘ ܫܽܘܒܚܳܐ ܕܟ݄ܬ ܝܳܐ ܡܰܢ̱ ܐܠܳܗܳܐ ܠ݄ܐ ܟ݄ܐܒܥܺܝܬܽܘ؟ 45ܩܰܝ ܟܚ݄ܫܒ̥ܺܝܬܽܘ ܕܳܐܢܳܐ ܓ݄ܕܡܰܫܟܶܐ ܐ̱ܢܳܐ ܐܰܥܠܰܝܟ̥ܽܘ ܠܽܗ̄ܘ ܐܰܒܳܐ، ܟܺܝܬ ܡܰܢ ܕܡܰܫܟܶܐ ܐܰܥܠܰܝܟ̥ܽܘ: ܡܽܘܫܶܐ ܗ̄ܘܰܐ ܕܶܐܒܶܗ ܗ̄ܽܘ ܣܰܒܪܰܬ̥ܟ̥ܽܘ. 46ܐܶܢ ܕ݄ܡܗܰܝܡܢܺܝܬܽܘ ܗ̄ܘܰܘ̱ ܒܡܽܘܫܶܐ، ܐܶܒܺܝ ܣܬܶܝ ܡܗܰܝܡܢܺܝܬܽܘ ܗ̄ܘܰܘ̱، ܥܰܠ ܕܗܺܝّܶܗ ܟܬ̥ܽܒ̥ ܠܶܗ ܐܰܥܠܺܝ. 47ܘܶܐܢ ܠܰܟܬ̥ܳܒ̥̈ܶܐ ܕܡܽܘܫܶܐ ܠ݄ܐ ܟ݄ܡܗܰܝܡܢܺܝܬܽܘ، ܐܰܝܕܰܪܒܳܐ ܓ݄ܡܗܰܝܡܢܺܝܬܽܘ ܠܰܡّܰܐܡܪ̈ܰܝܕ̥ܺܝ.“
Currently Selected:
ܡܓܰܠܝܘܢ ܕܝܘܚܢܢ 5: ܟܬܒܐ
Highlight
Share
Copy
Want to have your highlights saved across all your devices? Sign up or sign in
Suryoyo Bible © 2024 Aramaic Bible Translation
ܡܓܰܠܝܘܢ ܕܝܘܚܢܢ 5
5
ܝܶܫܽܘܥ ܟܡܰܢ݄ܚ ܓܰܒ̥ܪܳܐ ܡܫܰܪܝܳܐ (ܡܪܰܝܚܳܐ)
1ܒ݄ܬ̥݄ܪ ܡܰܗ̄ܢܺܝ، ܗܰܘܺܝ ܗ̄ܽܘ ܥܶܐܕ̥ܳܐ ܕܰܝّܽܘܕ̥̈ܳܝܶܐ، ܘܣܰܠ݄ܩ ܝܶܫܽܘܥ ܠܽܐܘܪܶܫܠܶܡ. 2ܘܟ݄ܬ ܗ̄ܘܰܐ ܬܰܡܳܐ ܒܽܐܘܪܶܫܠܶܡ ܕܽܘܟܬ̥ܳܐ ܚܕ̥ܳܐ ܕܺܗ̄ܝ ܪܰܘܡܳܐ (ܡܰܥܡܽܘܕ̥ܺܝܬ̥ܳܐ) ܕ݄ܟܡ݄ܩܪܳܝܳܐ ܒܽܗ̄ܘ ܥܶܒܪܳܝܳܐ ܒܶܝܬ̥ ܚܶܣܕܳܐ، ܘܟ݄ܬ ܗ̄ܘܰܐ ܒܺܗ̄ܝ ܕܽܘܟܬ̥ܳܐ ܚܰܡܫܳܐ ܩܛܳܪ̈ܶܐ. 3ܘܬܰܡܳܐ ܡ݄ܫܛܳܚܺܝ ܗ̄ܘܰܘ̱ ܢܳܫ̈ܶܐ ܓ̥ܰܠܰܒܶܐ ܟܰܐܺܝܒ̥̈ܶܐ ܘܣܰܡܝ̈ܶܐ ܘ݄ܚܓ̥ܺܝܪ̈ܶܐ ܘܝܰܒܺܝܫ̈ܶܐ، ܘܢܳܛܪܺܝ ܗ̄ܘܰܘ̱ ܗ̄ܽܘ ܪܡܳܫܳܐ ܕܰܡّܰܝ̈ܶܐ. 4ܡܺܐܝܕ̥ܶܗ ܕܚܰܕ̱ ܡܰܠܰܐܟ̥ܳܐ، ܡܶܢ̱ ܙܰܒܢܳܐ ܠܙܰܒܢܳܐ، ܢܳܚܰܬ ܗ̄ܘܰܐ ܠܺܗ̄ܝ ܪܰܘܡܳܐ، ܘܡܰܪܡܰܫ ܗ̄ܘܰܐ ܗ̄ܰܡّܰܝ̈ܶܐ. ܘܽܗ̄ܘ ܩܰܕ̱ܡܳܝܳܐ ܕܢܳܚܰܬ ܗ̄ܘܰܐ ܒ݄ܬ̥݄ܪ ܡܽܗ̄ܘ ܪܡܳܫܳܐ ܕܰܡّܰܝ̈ܶܐ ܟܢܳܝܰܚ ܗ̄ܘܰܝ ܠܶܗ ܡܽܗ̄ܘ ܟܶܐܒ̥ܳܐ ܕܟ݄ܬ ܗ̄ܘܰܝ ܠܶܗ.
5ܘܬܰܡܳܐ ܟ݄ܬ ܗ̄ܘܰܐ ܚܰܕ̱ ܕܗܰܘܺܝ ܗ̄ܘܰܝ ܠܶܗ ܬܡܳܢܶܐ ܘ݄ܬܠܶܬ̥ܺܝ ܐ݄ܫܢ̈ܶܐ ܒܽܗ̄ܘ ܟܶܐܒ̥ܳܐ. 6ܠܰܗ̄ܢܳܐ ܚܙܶܐ ܠܶܗ ܝܶܫܽܘܥ ܡܚܰܠܩܳܐ، ܘܰܐܕ̥݄ܥ ܕܗܰܘܺܝ ܠܶܗ ܙܰܒܢܳܐ ܝܰܪܺܝܟ̥ܳܐ. ܘܐܡ݄ܪ ܠܶܗ ܠܶܗ: ”ܟ݄ܐܒܥܰܬ ܕܢܳܝܰܚ ܠܳܟ̥؟“ 7ܡܰܕܥܰܪ ܠܶܗ ܗ̄ܽܘ ܟܰܐܺܝܒ̥ܳܐ: ”ܐܺܝܢ ܡܳܪܝ! ܐܶܠܳܐ ܠܰܝ̱ܬ ܠܺܝ ܢܳܫܳܐ ܕ݄ܡܚܰܠܰܩ ܠܺܝ ܒܺܗ̄ܝ ܪܰܘܡܳܐ ܗ̄ܺܝ ܢܰܩܠܐ ܕܪܳܡܫܺܝ ܗ̄ܰܡّܰܝ̈ܶܐ. ܘܡܶܩ݄ܕ̱ܡ ܕܳܐܬ̥ܶܐ ܐ̱ܢܳܐ (ܕܢܳܚܰܬ ܐ̱ܢܳܐ)، ܚܰܕ̱ ܚܪܶܢܳܐ ܟܢܳܚ݄ܬ ܩܽܘܕ̱ܡܺܝ.“ 8ܐܡ݄ܪ ܠܶܗ ܠܶܗ ܝܶܫܽܘܥ: ”ܩܘܿܡ ܫܩܰܠ ܗ̄ܰܓّܰܠܰܝ̈ܕ̥ܳܟ̥ ܘ݄ܡܗܰܠ݄ܟ̥.“ 9ܘܒܺܗ̄ܝ ܫܳܥܬ̥ܰܝܕ̥ܰܗ ܢܰܝ݄ܚ ܠܶܗ ܗ̄ܽܘ ܓܰܒ̥ܪܰܘܳܐ، ܘܩܰܝ݄ܡ ܫܩܺܝܠ ܠܶܗ ܗ̄ܰܓّܰܠܰܝ̈ܕ̥ܶܗ ܘ݄ܡܗܰܠܰܟ̥ ܠܶܗ. ܗ̄ܽܘ ܝܰܘܡܰܘܳܐ ܫܰܒܬ̥ܳܐ ܗ̄ܘܰܐ. 10ܗ̄ܰܝّܽܘܕ̥̈ܳܝܶܐ ܐܡ݄ܪّܶܗ ܠܰܗ̄ܘܳܐ ܕܢܰܝ݄ܚ ܠܶܗ: ”ܐܰܕܝܰܘܡܰܐ ܫܰܒܬ̥ܳܐ ܝܳܐ، ܠ݄ܐ ܟܳܗ̄ܘܶܐ ܕܫܳܩܠܰܬ ܗ̄ܰܓّܰܠܰܝ̈ܕ̥ܳܟ̥.“ 11ܘܗܺܝّܶܗ ܡܰܕܥܰܪ ܠܶܗ ܘܐܡ݄ܪ ܠܰܗ ܠّܶܗ: ”ܗܰܘܳܐ ܕܡܰܢ݄ܚ ܠܶܗ ܠܺܝ، ܐܡ݄ܪ ܠܶܗ ܠܺܝ: ’ܫܩܰܠ ܗ̄ܰܓّܰܠܰܝ̈ܕ̥ܳܟ̥ ܘ݄ܡܗܰܠ݄ܟ̥.‘“ 12ܘ݄ܡܫܰܐܰܠّܰܗ ܠܶܗ: ”ܡܰܢܝܳܐ ܗܰܢܳܐ ܕܐܡ݄ܪ ܠܶܗ ܠܳܟ̥ ܫܩܰܠ ܗ̄ܰܓّܰܠܰܝ̈ܕ̥ܳܟ̥ ܘ݄ܡܗܰܠ݄ܟ̥؟“ 13ܘܗܰܘܳܐ ܕܢܰܝ݄ܚ ܠܶܗ ܠܳܐ ܐܕ̥ܰܥ ܗ̄ܘܰܐ ܡܰܢܝܳܐ، ܡܺܐܝܕ̥ܶܗ ܕܝܶܫܽܘܥ ܠܳܐ ܡܺܝܒܰܝܰܢ ܗ̄ܘܰܐ ܡܒܰܝܢ ܗ̄ܰܢ ܢܳܫ̈ܶܐ ܓ̥ܰܠܰܒܶܐ ܕܟ݄ܬ ܗ̄ܘܰܝ ܢܶܝ ܒܺܗ̄ܝ ܕܽܘܟܬ̥ܰܝܳܐ. 14ܘܒ݄ܬ̥݄ܪ ܙܰܒܢܳܐ، ܝܶܫܽܘܥ ܚܙܶܐ ܠܶܗ ܒܽܗ̄ܘ ܗܰܝܟܠܳܐ ܘܐܡ݄ܪ ܠܶܗ ܠܶܗ: ”ܟܰܐܠܶܗ ܢܰܝ݄ܚ ܠܳܟ̥، ܠܳܐ ܕܳܥܪܰܬ ܣܰܝܡܰܬ ܚܛܺܝܬ̥ܳܐ ܕܠ݄ܐ ܐܙّܶܗ ܗܳܘܶܐ ܠܳܟ̥ ܡܶܕܶܐ ܒܺܝܫ ܡܽܗ̄ܘ ܩܰܕ̱ܡܳܝܳܐ.“ 15ܘܰܐܙّܶܗ ܗ̄ܽܘ ܓܰܒ̥ܪܳܐ ܘܐܡ݄ܪ ܠܶܗ ܠܰܝّܽܘܕ̥̈ܳܝܶܐ ܕܝܶܫܽܘܥ ܝܳܐ ܗܰܘܳܐ ܕܡܰܢ݄ܚ ܠܶܗ. 16ܘܡܰܗ̄ܘܟ̥ܰܐ ܗ̄ܰܝّܽܘܕ̥̈ܳܝܶܐ ܪܳܕ̥ܦܺܝ ܗ̄ܘܰܘ̱ (ܘܛ݄ܪܕܺܝ) ܠܝܶܫܽܘܥ ܘ݄ܐܒܥܺܝ ܗ̄ܘܰܘ̱ ܕܩܳܛܠܺܝ ܠܶܗ، ܥܰܠ ܕܣܳܝܰܡ ܗ̄ܘܰܐ ܗܰܢܺܝ ܒܝܰܘܡܶܗ ܕܫܰܒܬ̥ܳܐ. 17ܘܗܺܝّܶܗ ܝܶܫܽܘܥ ܐܡ݄ܪ ܠܰܗ ܠّܶܗ: ”ܗ̄ܽܘ ܐܰܒܰܝܕ̥ܺܝ ܗܳܠ ܐܳܥܕܳܐ ܟܥܳܒ̥݄ܕ، ܘܳܐܢܳܐ ܣܬܶܝ ܟܥܳܒ̥ܰܕ ܐ̱ܢܳܐ.“ 18ܘܡܰܗ̄ܘܟ̥ܰܐ، ܗ̄ܰܝّܽܘܕ̥̈ܳܝܶܐ ܙ݄ܕ ܐ݄ܒܥܺܝ ܗ̄ܘܰܘ̱ ܕܩܳܛܠܺܝ ܠܶܗ، ܠܳܐ ܒܶܠܚܽܘܕ̥ ܕܫܳܪܶܐ ܗ̄ܘܰܐ (ܘܬܳܒ̥ܰܪ ܗ̄ܘܰܐ) ܗ̄ܺܝ ܫܰܒܬ̥ܳܐ، ܐܶܠܳܐ ܥܰܠ ܐܰܠܳܗܳܐ ܣܬܶܝ ܐܳܡܰܪ ܗ̄ܘܰܐ ܕܽܗ̄ܘ ܒܰܒܰܝܕ̥ܶܗ ܝܳܐ، ܘܗܰܘܟ̥ܰܐ ܟܡܰܫܘܶܐ (ܟ݄ܡܣܰܘܶܐ) ܪܽܘܚܶܗ ܥܰܡ ܐܰܠܳܗܳܐ.
ܗ̄ܽܘ ܫܽܘܠܛܳܢܳܐ ܕܽܗ̄ܘ ܐܰܒܪܳܐ
19ܡܰܕܥܰܪ ܠܶܗ ܝܶܫܽܘܥ ܘܐܡ݄ܪ ܠܰܗ ܠّܶܗ: ”ܫܪܳܪܳܐ ܫܪܳܪܳܐ ܟܳܐܡܰܪ ܐ̱ܢܳܐ ܠܟ̥ܽܘ: ܗ̄ܽܘ ܐܰܒܪܳܐ ܠܰܝܒܶܗ ܣܳܝ݄ܡ ܡܶܕܶܐ ܡܶܢ̱ ܩ݄ܕ̱ܡ ܪܽܘܚܶܗ، ܐܶܠܳܐ ܗ̄ܽܘ ܡܶܕܶܐ ܕܚܳܙܶܐ ܠܽܗ̄ܘ ܐܰܒܳܐ ܕܣܳܝ݄ܡ: ܗ̄ܽܘ ܡܶܕܶܐ ܕܣܳܝܰܡّܶܗ ܗ̄ܽܘ ܐܰܒܳܐ، ܗ̄ܽܘ ܐܰܒܪܳܐ ܣܬܶܝ ܐܟ̥݄ܕܘܳܬ̥ܶܗ ܟܣܳܝ݄ܡ. 20ܘܽܗ̄ܘ ܐܰܒܳܐ ܟܪܳܚ݄ܡ ܠܽܗ̄ܘ ܐܰܒܪܳܐ، ܘ݄ܟܡܰܚܘܶܐ ܠܶܗ ܟܽܘܠ ܡܶܕܶܐ ܕܣܳܝ݄ܡ، ܘܪܰܒ ܡܰܢ̱ ܥܒܳܕ̥̈ܰܢܺܝ ܓܡܰܚܘܶܐ ܠܶܗ ܠܰܫܰܢ ܗܰܬܽܘ ܡܺܝܕܰܘܡܪܺܝܬܽܘ. 21ܘ݄ܐܟ̥ ܕܽܗ̄ܘ ܐܰܒܳܐ ܟܡܰܩ݄ܡ ܡܺܝ̈ܬ̥ܶܐ ܘܟܳܗ̄ܒܰܠّܶܗ ܚܰܝ̈ܶܐ، ܗܰܘܟ̥ܰܐ ܣܬܶܝ ܗ̄ܽܘ ܐܰܒܪܳܐ ܟܳܗ̄ܒܶܐ ܚܰܝ̈ܶܐ ܠܰܗ̄ܢܺܝ ܕܗܺܝّܶܗ ܟܳܐܒ݄ܥ. 22ܗ̄ܽܘ ܐܰܒܳܐ ܠ݄ܐ ܟܕܳܝ݄ܢ (ܚܳܟ݄ܡ ܥܰܠ) ܢܳܫܳܐ، ܥܰܠ ܕܗܽܒ̥ ܠܶܗ ܗ̄ܽܘ ܕܺܝܢܳܐ ܟܽܘܠܶܗ ܠܽܗ̄ܘ ܐܰܒܪܳܐ، 23ܠܰܫܰܢ ܕܟܽܘܠ ܚܰܕ̱ ܡܝܰܩ݄ܪ ܗ̄ܽܘ ܐܰܒܪܳܐ ܐܟ̥ ܕܟܳܡܝܰܩ݄ܪ ܗ̄ܽܘ ܐܰܒܳܐ. ܗܰܘܳܐ ܕܠ݄ܐ ܟܳܡܝܰܩ݄ܪ ܗ̄ܽܘ ܐܰܒܪܳܐ، ܠ݄ܐ ܟܳܡܝܰܩ݄ܪ ܗ̄ܽܘ ܐܰܒܳܐ ܕ݄ܡܫܰܕܰܪ ܠܶܗ.
24”ܫܪܳܪܳܐ ܫܪܳܪܳܐ ܟܳܐܡܰܪ ܐ̱ܢܳܐ ܠܟ̥ܽܘ: ܡܰܢ ܕܫܳܡ݄ܥ ܗ̄ܽܘ ܡܰܐܡܪܰܝܕ̥ܺܝ ܘ݄ܡܗܰܝܡ݄ܢ ܠܡܰܢ ܕ݄ܡܫܰܕܰܪ ܠܶܗ ܠܺܝ ܟ݄ܬ ܠܶܗ ܚܰܝ̈ܶܐ ܕ݄ܠܥܳܠܰܡ، ܘܠ݄ܐ ܟܳܐܬ̥ܶܐ ܠܽܗ̄ܘ ܕܺܝܢܳܐ، ܐܶܠܳܐ ܢܩܺܝܠ ܡܽܗ̄ܘ ܡܰܘܬܳܐ ܠܰܚّܰܝ̈ܶܐ. 25ܫܪܳܪܳܐ ܫܪܳܪܳܐ ܟܳܐܡܰܪ ܐ̱ܢܳܐ ܠܟ̥ܽܘ: ܓܕ݄ܐܬ̥ܝܳܐ ܫܳܥܬ̥ܳܐ، ܘܟܰܐܠܰܗ ܐܳܥܕܳܐ ܝܳܐ، ܐܶܡܰܐ ܕܰܡّܺܝ̈ܬ̥ܶܐ ܓܫ݄ܡܥܺܝ ܗ̄ܽܘ ܩܳܠܳܐ ܕܽܗ̄ܘ ܐܰܒܪܳܐ ܕܰܐܠܳܗܳܐ، ܘܗܰܢ݄ܟ ܕܫ݄ܡܥܺܝ ܓܕܳܗ̄ܘܰܠّܶܗ ܚܰܝ̈ܶܐ. 26ܘ݄ܐܟ̥ ܕܽܗ̄ܘ ܐܰܒܳܐ ܕܟ݄ܬ ܠܶܗ ܚܰܝ̈ܶܐ ܒܪܽܘܚܶܗ، ܗܰܘܟ̥ܰܐ ܣܬܶܝ ܗܽܒ̥ ܠܶܗ ܠܽܗ̄ܘ ܐܰܒܪܳܐ ܕܗܳܘܶܐ ܠܶܗ ܚܰܝ̈ܶܐ ܒܪܽܘܚܶܗ. 27ܘܗܽܒ̥ ܠܶܗ ܠܶܗ ܣܬܶܝ ܫܽܘܠܛܳܢܳܐ ܕܣܳܝ݄ܡ ܕܺܝܢܳܐ، 28ܥܰܠ ܕܟ݄ܬ ܝܳܐ ܐܰܒܪܶܗ ܕܢܳܫܳܐ. ܠܳܐ ܡܺܝܕܰܘܡܪܺܝܬܽܘ ܒܰܗ̄ܬ̥ܶܐ، ܥܰܠ ܓܕܳܐܬ̥ܝܳܐ ܫܳܥܬ̥ܳܐ ܐܶܡܰܐ ܕܟܽܘܠّܶܗ ܗܰܢܺܝ ܕܒܰܩّܰܒ̥ܪ̈ܶܐ ܓܫ݄ܡܥܺܝ ܩܳܠܶܗ، 29ܘܢ݄ܦܩܺܝ ܗܰܢܺܝ ܕܣ݄ܡّܶܗ ܥܒܳܕ̥̈ܶܐ ܛܳܒ̥̈ܶܐ ܠܺܗ̄ܝ ܩܝܰܡܬܳܐ ܕܰܚّܰܝ̈ܶܐ، ܘܗܰܢܺܝ ܕܣ݄ܡّܶܗ ܥܒܳܕ̥̈ܶܐ ܒܺܝܫ̈ܶܐ ܠܺܗ̄ܝ ܩܝܰܡܬܳܐ ܕܽܗ̄ܘ ܕܺܝܢܳܐ.
ܗ̄ܰܣّܳܗܕ̈ܶܐ ܫܰܪܺܝܪ̈ܶܐ ܕܝܶܫܽܘܥ
30”ܠܰܝܒܺܝ ܣܳܝܰܡ ܐ̱ܢܳܐ ܡܶܕܶܐ ܡܶܢ̱ ܩ݄ܕ̱ܡ ܪܽܘܚܺܝ، ܐܶܠܳܐ ܐܟ̥ ܕܫܳܡܰܥ ܐ̱ܢܳܐ ܟܕܳܝܰܢ ܐ̱ܢܳܐ، ܘܽܗ̄ܘ ܕܺܝܢܰܝܕ̥ܺܝ ܟܺܐܢܳܐ ܝܳܐ، ܥܰܠ ܕܠ݄ܐ ܟܟܳܪܰܟ̥ ܐ̱ܢܳܐ ܕܣܳܝܰܡ ܐ̱ܢܳܐ ܗ̄ܽܘ ܡܶܕܶܐ ܕܟܳܐܒܰܥ ܐ̱ܢܳܐ، ܐܶܠܳܐ ܗ̄ܽܘ ܡܶܕܶܐ ܕܟܳܐܒ݄ܥ ܡܰܢ ܕ݄ܡܫܰܕܰܪ ܠܶܗ ܠܺܝ. 31ܐܶܢ ܐܳܢܳܐ ܥܰܠ ܢܰܦܫܺܝ ܟܣܳܗܰܕ ܐ̱ܢܳܐ، ܗ̄ܺܝ ܣܳܗܕܽܘܬ̥ܰܝܕ̥ܺܝ ܠ݄ܐ ܟܳܗ̄ܘܝܳܐ ܫܰܪ݄ܪܬܳܐ. 32ܚܰܕ̱ ܚܪܶܢܳܐ ܝܳܐ ܗܰܘܳܐ ܕ݄ܟܣܳܗ݄ܕ ܐܰܥܠܺܝ، ܘܟܳܐܕ̥ܰܥ ܐ̱ܢܳܐ ܫܰܪ݄ܪܬܳܐ ܝܳܐ ܗ̄ܺܝ ܣܳܗܕܽܘܬ̥ܰܝܕ̥ܶܗ ܕ݄ܟܣܳܗ݄ܕ ܐܰܥܠܺܝ. 33ܗܰܬܽܘ ܡܫܰܕܰܪܟ̥ܽܘ (ܢܳܫ̈ܶܐ) ܓܰܒ ܝܽܘܚܰܢܳܢ، ܘܗܺܝّܶܗ ܣܗ݄ܕ ܠܶܗ ܥܰܠ ܗ̄ܽܘ ܫܪܳܪܳܐ. 34ܘܳܐܢܳܐ، ܡܶܢ̱ ܢܳܫܳܐ، ܠ݄ܐ ܟܡܳܝܰܕ ܐ̱ܢܳܐ ܣܳܗܕܽܘܬ̥ܳܐ، ܐܶܠܳܐ ܟܳܐܡܰܪ ܐ̱ܢܳܐ ܗܰܢܺܝ ܠܰܫܰܢ ܕܗܳܘܰܠܟ̥ܽܘ ܚܰܝ̈ܶܐ. 35ܗܰܘܳܐ (ܝܽܘܚܰܢܳܢ) ܫܪܳܓ̥ܳܐ ܗ̄ܘܰܐ ܕܕܳܠܩܳܐ ܘܡܰܢܗܪܳܢܳܐ. ܘܗܰܬܽܘ ܐܰܒܺܝܥܺܝܬܽܘ ܕܡ݄ܦܨܳܚܺܝܬܽܘ ܘܚܳܙܺܝܬܽܘ ܪܽܘܚܰܝܟ̥ܽܘ ܒܽܗ̄ܘ ܢܽܘܗܪܰܝܕ̥ܶܗ ܠܙܰܒܢܳܐ. 36ܐܶܠܳܐ ܐܳܢܳܐ ܟ݄ܬ ܠܺܝ ܣܳܗܕܽܘܬ̥ܳܐ ܪܰܒ ܡܰܗ̄ܬ̥ܶܐ ܕܝܽܘܚܰܢܳܢ: ܗ̄ܰܥܒܳܕ̥̈ܶܐ ܕܗܽܒ̥ ܠܶܗ ܠܺܝ ܗ̄ܽܘ ܐܰܒܰܝܕ̥ܺܝ ܕ݄ܡܟܰܡܰܠ ܐ̱ܢܳܐ، ܗ̄ܰܥܒܳܕ̥̈ܰܢܺܝ ܕܣܳܝܰܡ ܐ̱ܢܳܐ ܟܣܳܗܕܺܝ ܐܰܥܠܺܝ ܕܽܗ̄ܘ ܐܰܒܳܐ ܡܫܰܕܰܪ ܠܶܗ ܠܺܝ. 37ܘܽܗ̄ܘ ܐܰܒܳܐ ܕ݄ܡܫܰܕܰܪ ܠܶܗ ܠܺܝ، ܗܺܝّܶܗ ܟܣܳܗ݄ܕ ܐܰܥܠܺܝ. ܗܰܬܽܘ ܒܢܰܩܠܐ ܠܳܐ ܫܰܡܺܝܥܺܝܬܽܘ ܗ̄ܽܘ ܩܳܠܰܝܕ̥ܶܗ، ܘܠܳܐ ܚܙܰܠܟ̥ܽܘ ܗ̄ܽܘ ܚܶܙܘܰܝܕ̥ܶܗ، 38ܘܽܗ̄ܘ ܡܰܐܡܪܰܝܕ̥ܶܗ ܠ݄ܐ ܟܦܳܝ݄ܫ ܐܰܒܟ̥ܽܘ، ܥܰܠ ܕܠ݄ܐ ܟ݄ܡܗܰܝܡܢܺܝܬܽܘ ܒܰܗ̄ܘܳܐ ܕܗܺܝّܶܗ ܡܫܰܕܰܪ ܠܶܗ. 39ܟܪܰܟ̥ܽܘ ܒܰܟܬ̥ܳܒ̥̈ܶܐ ܕܰܐܒّܶܗ ܟܚ݄ܫܒ̥ܺܝܬܽܘ ܕܟ݄ܬܟ̥ܽܘ ܚܰܝ̈ܶܐ ܕ݄ܠܥܳܠܰܡ، ܘܗ݄ܢّܶܝ ܟܣܳܗܕܺܝ ܐܰܥܠܺܝ. 40ܘܗܰܬܽܘ ܠ݄ܐ ܟ݄ܐܒܥܺܝܬܽܘ ܕܳܐܬ̥ܺܝܬܽܘ ܠܓܰܒܺܝ، ܘܗܳܘܰܠܟ̥ܽܘ ܚܰܝ̈ܶܐ ܕ݄ܠܥܳܠܰܡ. 41ܫܽܘܒܚܳܐ ܡܰܗ̄ܢ ܢܳܫ̈ܶܐ ܠ݄ܐ ܟܡܳܝܰܕ ܐ̱ܢܳܐ. 42ܐܶܠܳܐ ܐܰܕ̥݄ܥ ܐ̱ܢܳܐ ܠܟ̥ܽܘ ܕܚܽܘܒܶܗ ܕܰܐܠܳܗܳܐ ܠܰܝܬ ܐܰܒܟ̥ܽܘ. 43ܐܳܢܳܐ ܐܰܬ̥ܺܝ ܐ̱ܢܳܐ ܒ݄ܐܫܡܶܗ ܕܽܗ̄ܘ ܐܰܒܰܝܕ̥ܺܝ ܘܠ݄ܐ ܟܡܰܩܒܠܺܝܬܽܘ ܠܺܝ. ܘܶܐܢ ܚܰܕ̱ ܚܪܶܢܳܐ ܐܰܬ̥ܺܝ ܒ݄ܐܫܡܶܗ ܕܪܽܘܚܶܗ ܓܡܰܩܒܠܺܝܬܽܘ ܠܶܗ. 44ܐܰܝܕܰܪܒܳܐ ܟ݄ܒܟ̥ܽܘ ܕ݄ܡܗܰܝܡܢܺܝܬܽܘ، ܗܰܬܽܘ ܕܫܽܘܒܚܳܐ ܡܶܢ̱ ܚܕ̥ܳܕ̥̈ܶܐ ܟܡܰܩܒܠܺܝܬܽܘ، ܘܽܗ̄ܘ ܫܽܘܒܚܳܐ ܕܟ݄ܬ ܝܳܐ ܡܰܢ̱ ܐܠܳܗܳܐ ܠ݄ܐ ܟ݄ܐܒܥܺܝܬܽܘ؟ 45ܩܰܝ ܟܚ݄ܫܒ̥ܺܝܬܽܘ ܕܳܐܢܳܐ ܓ݄ܕܡܰܫܟܶܐ ܐ̱ܢܳܐ ܐܰܥܠܰܝܟ̥ܽܘ ܠܽܗ̄ܘ ܐܰܒܳܐ، ܟܺܝܬ ܡܰܢ ܕܡܰܫܟܶܐ ܐܰܥܠܰܝܟ̥ܽܘ: ܡܽܘܫܶܐ ܗ̄ܘܰܐ ܕܶܐܒܶܗ ܗ̄ܽܘ ܣܰܒܪܰܬ̥ܟ̥ܽܘ. 46ܐܶܢ ܕ݄ܡܗܰܝܡܢܺܝܬܽܘ ܗ̄ܘܰܘ̱ ܒܡܽܘܫܶܐ، ܐܶܒܺܝ ܣܬܶܝ ܡܗܰܝܡܢܺܝܬܽܘ ܗ̄ܘܰܘ̱، ܥܰܠ ܕܗܺܝّܶܗ ܟܬ̥ܽܒ̥ ܠܶܗ ܐܰܥܠܺܝ. 47ܘܶܐܢ ܠܰܟܬ̥ܳܒ̥̈ܶܐ ܕܡܽܘܫܶܐ ܠ݄ܐ ܟ݄ܡܗܰܝܡܢܺܝܬܽܘ، ܐܰܝܕܰܪܒܳܐ ܓ݄ܡܗܰܝܡܢܺܝܬܽܘ ܠܰܡّܰܐܡܪ̈ܰܝܕ̥ܺܝ.“
Currently Selected:
:
Highlight
Share
Copy
Want to have your highlights saved across all your devices? Sign up or sign in
Suryoyo Bible © 2024 Aramaic Bible Translation