ܡܓܰܠܝܘܢ ܕܝܘܚܢܢ 19
19
1ܗ̄ܺܝ ܢܰܩܠܝܳܐ، ܦܺܝܠܰܛܳܘܣ ܡܚܶܐ (ܓܠ݄ܕ) ܠܶܗ ܠܝܶܫܽܘܥ. 2ܘܰܕّܰܚܫ̈ܶܐ ܓܕ̥݄ܠّܶܗ ܟܠܺܝܠܳܐ ܡܰܢ̱ ܟّܽܘܒ̈ܶܐ ܘܡܰܚ݄ܬّܶܗ ܥܰܠ ܪܺܝܫܶܗ، ܘܡܰܠܒ̥ܰܫّܶܗ ܠܒܽܘܫܳܐ ܕܽܗ̄ܘ ܐܰܪܓܘܳܢܳܐ، 3ܘ݄ܐܡّܺܪ̱ܝ ܗ̄ܘܰܝ ܠܶܗ: ”ܫܠܳܡܳܐ ܐܰܥܠܳܟ̥، ܝܰܐ ܡܰܠܟܳܐ ܕܰܝّܽܘܕ̥̈ܳܝܶܐ!“ ܘܡܳܚ݄ܢ ܗ̄ܘܰܝ ܠܶܗ ܥܰܠ ܦܳܬ̥ܶܗ. 4ܘܕܰܥ݄ܪ ܢܰܦ݄ܩ ܦܺܝܠܰܛܳܘܣ ܠܰܪܒ̥ܰܠ ܘܐܡ݄ܪ ܠܰܗ ܠّܶܗ: ”ܟܰܐܠܺܝ ܟܡܰܘܦܰܩ ܐ̱ܢܳܐ ܠܶܗ ܐܰܠܟ̥ܽܘ ܠܰܪܒ̥ܰܠ ܠܰܫܰܢ ܕܐ݄ܕ̥ܥܺܝܬܽܘ ܕܠ݄ܐ ܟܚܳܙܶܐ ܐ̱ܢܳܐ ܐܰܥܠܶܗ ܘܠܳܐ ܚܕ̥ܳܐ ܥܶܠܬ̥ܳܐ.“ 5ܘܢܰܦ݄ܩ ܝܶܫܽܘܥ ܠܰܪܒ̥ܰܠ ܘܰܐܥܠܶܗ ܗ̄ܽܘ ܟܠܺܝܠܳܐ ܕܰܟّܽܘܒ̈ܶܐ ܘܽܗ̄ܘ ܠܒܽܘܫܳܐ ܕܽܗ̄ܘ ܐܰܪܓܘܳܢܳܐ. ܘܦܺܝܠܰܛܳܘܣ ܐܡ݄ܪ ܠܰܗ ܠّܶܗ: ”ܟܰܐܠܶܗ ܗ̄ܽܘ ܓܰܒ̥ܪܳܐ.“ 6ܘܺܗ̄ܝ ܢܰܩܠܐ ܕ݄ܚܙܰܠّܶܗ ܗ̄ܰܪّܰܒ̈ܶܐ ܕܰܟّܳܗ̈ܢܶܐ ܘܰܗ̄ܢ ܢܳܛܽܘܪ̈ܶܐ ܡܰܙܥܰܩّܶܗ ܘܐܡ݄ܪّܶܗ: ”ܨܠܰܒ̥ܶܗ ܨܠܰܒ̥ܶܗ!“ ܦܺܝܠܰܛܳܘܣ ܐܡ݄ܪ ܠܰܗ ܠّܶܗ: ”ܗܰܬܽܘ ܡܽܘܕܽܘ ܠܶܗ ܘ݄ܨܠܰܒ̥ܽܘ ܠܶܗ، ܡܺܐܝܕ̥ܶܗ ܕܳܐܢܳܐ ܠ݄ܐ ܟܚܳܙܶܐ ܐ̱ܢܳܐ ܐܶܒܶܗ ܥܶܠܬ̥ܳܐ.“ 7ܐܡ݄ܪّܰܗ ܠܶܗ ܗ̄ܰܝّܽܘܕ̥̈ܳܝܶܐ: ”ܟ݄ܬ ܠܰܢ ܢܳܡܽܘܣܳܐ، ܘ݄ܐܟ̥ ܕܽܗ̄ܘ ܢܳܡܽܘܣܰܝܕ̥ܰܢ ܗܰܢܳܐ ܟܡܺܝܕ݄ܢ ܒܽܗ̄ܘ ܡܰܘܬܳܐ، ܥܰܠ ܕܣ݄ܡ ܠܶܗ ܪܽܘܚܶܗ ܗ̄ܽܘ ܐܰܒܪܳܐ ܕܰܐܠܳܗܳܐ.“ 8ܘܺܗ̄ܝ ܢܰܩܠܐ ܕܫܰܡ݄ܥ ܦܺܝܠܰܛܳܘܣ ܗ̄ܽܘ ܡܰܐܡܪܰܢܳܐ، ܙ݄ܕ ܙܰܝ݄ܥ. 9ܘܢܰܩܠܐ ܚܪܶܬܳܐ ܥܰܒ݄ܪ ܠܽܗ̄ܘ ܩܽܘܨܪܳܐ ܘܐܡ݄ܪ ܠܶܗ ܠܝܶܫܽܘܥ: ”ܡܰܐܝܟܳܐ ܗܰܬ؟“ ܐܶܠܳܐ ܝܶܫܽܘܥ ܠܳܐ ܡܬܰܢܶܐ ܠܶܗ. 10ܘܦܺܝܠܰܛܳܘܣ ܐܡ݄ܪ ܠܶܗ ܠܶܗ: ”ܠ݄ܐ ܟܡ݄ܫܓ̥ܳܠܰܬ ܐܰܥܡܺܝ؟ ܩܰܝ ܠ݄ܐ ܟ݄ܐܕ̥ܥܰܬ ܕܟ݄ܬ ܠܺܝ ܫܽܘܠܛܳܢܳܐ ܕܡܰܪܦܶܐ ܐ̱ܢܳܐ ܠܳܟ̥ ܘܫܽܘܠܛܳܢܳܐ ܕܨܳܠܰܒ̥ ܐ̱ܢܳܐ ܠܳܟ̥؟“ 11ܐܡ݄ܪ ܠܶܗ ܠܶܗ ܝܶܫܽܘܥ: ”ܠܰܝ̱ܬ ܗ̄ܘܰܝ ܠܳܟ̥ ܫܽܘܠܛܳܢܳܐ ܐܰܥܠܺܝ ܘܠܳܐ ܚܰܕ̱ ܕܠܳܐ ܡܺܝܬܰܗܒ̥ܶܐ ܗ̄ܘܰܝ ܠܳܟ̥ ܡܶܢ̱ ܠܰܠܥ݄ܠ، ܡܰܗ̄ܘܟ̥ܰܐ ܗܰܢܳܐ ܕܡܰܫܠܰܡ ܠܶܗ ܠܺܝ ܐܶܠܳܟ̥ ܪܰܒ ܝܳܐ ܗ̄ܺܝ ܚܛܺܝܬ̥ܰܝܕ̥ܶܗ ܡܶܢ̱ ܕܺܝܕ̥ܳܟ̥.“ 12ܘܡܰܗ̄ܘܟ̥ܰܐ، ܦܺܝܠܰܛܳܘܣ ܐܳܒܰܥ ܗ̄ܘܰܐ ܕܡܰܪܦܶܐ ܠܶܗ، ܐܶܠܳܐ ܗ̄ܰܝّܽܘܕ̥̈ܳܝܶܐ ܡܰܙܥܩܺܝ ܗ̄ܘܰܘ̱: ”ܐܶܢ ܕܡܰܪܦܰܬ ܠܰܗ̄ܢܳܐ، ܠܳܐ ܟܳܗ̄ܘܰܬ ܪܳܚܡܳܐ ܕܩܶܣܰܪ، ܡܺܐܝܕ̥ܶܗ ܕܟܽܘܠ ܚܰܕ̱ ܕܣܳܝ݄ܡ ܪܽܘܚܶܗ ܡܰܠܟܳܐ ܟܳܗ̄ܘܶܐ ܒܥܶܠܕܒܳܒܳܐ ܠܩܶܣܰܪ.“ 13ܘܺܗ̄ܝ ܢܰܩܠܐ ܕܫܰܡ݄ܥ ܦܺܝܠܰܛܳܘܣ ܗ̄ܽܘ ܡܰܐܡܪܰܢܳܐ، ܡܰܘܦܰܩ ܠܶܗ ܝܶܫܽܘܥ ܠܰܪܒ̥ܰܠ، ܘܝܰܬܽܒ̥ ܥܰܠ ܒܺܝܡܳܐ (ܟܽܘܪܣܝܳܐ ܕܽܗ̄ܘ ܕܺܝܢܳܐ) ܒܕܽܘܟܬ̥ܳܐ ܕ݄ܟܡ݄ܩܪܳܝܳܐ ܪܨܺܝܦܬܳܐ ܕܟܶܐܦ̈ܶܐ، ܘܒܽܗ̄ܘ ܥܶܒܪܳܝܳܐ ܟ݄ܐܡّܺܪ̱ܝ ܠܰܗ: ”ܓܦܺܝܦܬܳܐ“. 14ܘܺܗ̄ܝ ܥܪܽܘܒ̥ܬܳܐ ܕܽܗ̄ܘ ܦܶܨܚܳܐ ܗ̄ܘܰܐ، ܠܰܐܦ ܦܰܠܓܶܗ ܕܝܰܘܡܳܐ. ܘܐܡ݄ܪ ܠܶܗ ܠܰܝّܽܘܕ̥̈ܳܝܶܐ: ”ܟܰܐܠܶܗ ܗ̄ܽܘ ܡܰܠܟܰܬ̥ܟ̥ܽܘ!“ 15ܐܶܠܳܐ ܗ݄ܢّܶܝ ܡܰܙܥܩܺܝ ܗ̄ܘܰܘ̱: ”ܫܩܰܠܶܗ، ܫܩܰܠܶܗ، ܨܠܰܒ̥ܶܗ، ܨܠܰܒ̥ܶܗ.“ ܦܺܝܠܰܛܳܘܣ ܐܡ݄ܪ ܠܰܗ ܠّܶܗ: ”ܨܳܠܰܒ̥ ܐ̱ܢܳܐ ܗ̄ܽܘ ܡܰܠܟܰܬ̥ܟ̥ܽܘ؟“ ܗ̄ܰܪّܰܒ̈ܶܐ ܕܰܟّܳܗ̈ܢܶܐ ܐܡ݄ܪّܶܗ: ”ܠܰܝ̱ܬ ܠܰܢ ܡܰܠܟܳܐ ܐܶܠܳܐ ܩܶܣܰܪ.“
ܗ̄ܽܘ ܨܠܳܒ̥ܳܐ ܕܝܶܫܽܘܥ ܘܽܗ̄ܘ ܦܶܣܳܐ ܕܥܰܠ ܗ̄ܰܠܒܽܘܫ̈ܰܝܕ̥ܶܗ
ܡܬܝ 27:32‐44؛ ܡܪܩܘܣ 15:21‐32؛ ܠܘܩܐ 23:26‐43
16ܗ̄ܺܝ ܢܰܩܠܝܳܐ، ܡܰܫܠܰܡ ܠܶܗ ܐܰܠّܶܗ (ܠܰܝّܽܘܕ̥̈ܳܝܶܐ) ܕܨ݄ܠܒ̥ܺܝ ܠܶܗ. ܘܡ݄ܕّܶܗ ܝܶܫܽܘܥ ܘܡܰܘܦܰܩّܶܗ، 17ܘܗܺܝّܶܗ ܛܰܥܳܢܳܐ ܗ̄ܽܘ ܨܠܺܝܒܰܝܕ̥ܶܗ ܠܕܽܘܟܬ̥ܳܐ ܕ݄ܟܡ݄ܩܪܳܝܳܐ ܩܰܪܩܰܦܬܳܐ، ܘܒܽܗ̄ܘ ܥܶܒܪܳܝܳܐ ܟ݄ܐܡّܺܪ̱ܝ ܠܰܗ ܓܳܓ̥ܽܘܠܬܳܐ، 18ܐܰܝܟܳܐ ܕ݄ܨܠܽܒّ̥ܶܗ ܘܰܐܥܡܶܗ ܬܪܶܝ ܚܪ̈ܶܢܶܐ، ܚܰܕ̱ ܡܽܗ̄ܘ ܓܰܒܰܢܳܐ، ܘܚܰܕ̱ ܡܽܗ̄ܘ ܓܰܒܰܢܳܐ، ܘܝܶܫܽܘܥ ܒܽܗ̄ܘ ܦܰܠܓܳܐ. 19ܘܦܺܝܠܰܛܳܘܣ ܟܬ̥ܽܒ̥ ܠܶܗ ܠܽܘܚܳܐ ܘܡܰܚ݄ܬ ܠܶܗ ܥܰܠ ܗ̄ܽܘ ܨܠܺܝܒܰܝܕ̥ܶܗ، ܘܗܰܘܟ̥ܰܐ ܟܬ̥ܺܝܒ̥ܳܐ ܗ̄ܘܰܐ: ”ܗܰܢܳܐ ܝܳܐ ܝܶܫܽܘܥ ܗ̄ܽܘ ܢܳܨܪܳܝܳܐ، ܗ̄ܽܘ ܡܰܠܟܳܐ ܕܰܝّܽܘܕ̥̈ܳܝܶܐ.“ 20ܘܓ̥ܰܠܰܒܶܐ ܡܰܢ̱ ܝّܽܘܕ̥̈ܳܝܶܐ ܩܪܰܠّܶܗ ܗ̄ܺܝ ܟܬ̥ܰܒ̥ܬܳܐ ܕܥܰܠ ܗ̄ܺܝ ܠܽܘܚܳܐ، ܡܺܐܝܕ̥ܶܗ ܕܺܗ̄ܝ ܕܽܘܟܬ̥ܳܐ ܕ݄ܨܠܺܝܒ̥ ܐܶܒܰܗ ܝܶܫܽܘܥ ܩܰܪܽܒ̥ܬܳܐ ܗ̄ܘܰܐ ܠܺܗ̄ܝ ܡܕ̥ܺܝܢ̱ܬܳܐ. ܘ݄ܟܬ̥ܽܒ̥ܬܳܐ ܗ̄ܘܰܐ ܒܽܗ̄ܘ ܥܶܒܪܳܝܳܐ ܘܒܽܗ̄ܘ ܝܰܘܢܳܝܳܐ ܘܒܽܗ̄ܘ ܪܽܘܡܳܝܳܐ. 21ܘܰܪّܰܒ̈ܶܐ ܕܰܟّܳܗ̈ܢܶܐ ܐܡ݄ܪّܶܗ ܠܦܺܝܠܰܛܳܘܣ: ”ܠܳܐ ܟ݄ܬ̥ܒ̥ܰܬ: ܡܰܠܟܳܐ ܕܰܝّܽܘܕ̥̈ܳܝܶܐ، ܐܶܠܳܐ ܗܺܝّܶܗ ܐܡ݄ܪ ܠܶܗ: ܐܳܢܳܐ ܡܰܠܟܳܐ ܕܰܝّܽܘܕ̥̈ܳܝܶܐ ܐ̱ܢܳܐ.“ 22ܦܺܝܠܰܛܳܘܣ ܐܡ݄ܪ ܠܶܗ: ”ܗ̄ܽܘ ܡܶܕܶܐ ܕ݄ܟܬ̥ܽܒ̥ ܠܺܝ، ܟܬ̥ܽܒ̥ ܠܺܝ.“
23ܘܰܕّܰܚܫ̈ܶܐ، ܗ̄ܺܝ ܢܰܩܠܐ ܕ݄ܨܠܽܒّ̥ܶܗ ܝܶܫܽܘܥ، ܫܩ݄ܠّܶܗ ܗ̄ܰܠܒܽܘܫ̈ܰܝܕ̥ܶܗ، ܘܣܺܝܡ݄ܢّܶܗ ܐܰܪܒܥܳܐ ܦܰܠܩ̈ܶܐ، ܠܟܽܘܠ ܕܰܚܫܳܐ ܦܰܠܩܳܐ. ܐܶܠܳܐ ܗ̄ܺܝ ܩܡܶܣܬܰܝܕ̥ܶܗ ܕܠܳܐ ܚܰܝܛܳܐ ܗ̄ܘܰܐ، ܡܶܢ̱ ܠܰܠܥ݄ܠ، ܙܩܳܪܳܐ ܙܩܳܪܬܳܐ ܗ̄ܘܰܐ. 24ܘܐܡ݄ܪّܶܗ ܠ݄ܚܕ̥ܳܕ̥̈ܶܐ: ”ܛܪܳܐ ܠܳܐ ܩ݄ܛܥܺܝܢܰܐ ܠܰܗ، ܐܶܠܳܐ ܦܶܣܳܐ ܡܚܰܠܩܺܝܢܰܐ ܐܰܥܠܰܗ ܘܚܳܙܺܝܢܰܐ ܠܡܰܢ ܓܕܽܗ̄ܘܝܳܐ.“ ܘܟܰܡ݄ܠ ܗ̄ܽܘ ܟܬ̥ܳܒ̥ܳܐ ܕܐܡ݄ܪ ܠܶܗ: ”ܡܦܰܠܰܓّ̥ܶܗ ܗ̄ܰܠܒܽܘܫ̈ܰܝܕ̥ܺܝ ܒܰܝܢܳܬ̥ܰܝّܶܗ، ܘܥܰܠ ܗ̄ܺܝ ܩܡܶܣܬܰܝܕ̥ܺܝ ܡܚܰܠܰܩّܶܗ ܦܶܣܳܐ.“ ܗܰܢܺܝ ܣ݄ܡّܶܗ ܗ̄ܰܕّܰܚܫ̈ܶܐ. 25ܘܩܰܝܡܺܝ ܗ̄ܘܰܘ̱ ܬܰܡܳܐ، ܓܰܒ ܗ̄ܽܘ ܨܠܺܝܒܳܐ ܕܝܶܫܽܘܥ، ܗ̄ܺܝ ܐܶܡܰܝܕ̥ܶܗ ܘܺܗ̄ܝ ܚܳܬ̥ܳܐ ܕܺܗ̄ܝ ܐܶܡܰܝܕ̥ܶܗ ܘܡܰܪܝܰܡ (ܗ̄ܺܝ ܐܰܢ̱ܬ̥ܬܳܐ) ܕ݄ܩܠܶܝܳܘܦܳܐ ܘܡܰܪܝܰܡ ܡܰܓ̥ܕܠܰܝܬܳܐ. 26ܘܝܶܫܽܘܥ ܚܙܶܐ ܠܶܗ ܗ̄ܺܝ ܐܶܡܳܐ ܘܽܗ̄ܘ ܬܰܠܡܺܝܕ̥ܰܘܳܐ ܕܪܳܚܰܡ ܗ̄ܘܰܝ ܠܶܗ، ܟܰܐܠܶܗ ܟܰܠܝܳܐ، ܘܐܡ݄ܪ ܠܶܗ ܠܺܗ̄ܝ ܐܶܡܳܐ: ”ܐܰܢ̱ܬ̥ܬܳܐ، ܟܰܐܠܶܗ ܗ̄ܽܘ ܐܰܒܪܰܝܕ̥ܰܟ̥.“ 27ܘܐܡ݄ܪ ܠܶܗ ܠܽܗ̄ܘ ܬܰܠܡܺܝܕ̥ܰܘܳܐ: ”ܟܰܐܠܰܗ ܐܶܡܳܟ̥.“ ܘܡܺܗ̄ܝ ܫܳܥܬ̥ܰܝܳܐ ܗ̄ܽܘ ܬܰܠܡܺܝܕ̥ܳܐ ܡܰܘܒܠܳܐ ܠܶܗ ܠܣܺܝܕ̥ܶܗ.
ܗ̄ܽܘ ܡܰܘܬܳܐ ܕܝܶܫܽܘܥ
ܡܬܝ 27:45‐56؛ ܡܪܩܘܣ 15:33‐41؛ ܠܘܩܐ 23:44‐49
28ܒ݄ܬ̥݄ܪ ܡܰܗ̄ܢܺܝ ܐܰܕ̥݄ܥ ܝܶܫܽܘܥ ܕܟܽܘܠ ܡܶܕܶܐ ܬܰܝ݄ܡ، ܘܠܰܫܰܢ ܕܟܳܡ݄ܠ ܗ̄ܽܘ ܟܬ̥ܳܒ̥ܳܐ ܐܡ݄ܪ ܠܶܗ: ”ܨܰܗܝܳܐ ܐ̱ܢܳܐ.“ 29ܘܟ݄ܬ ܗ̄ܘܰܐ ܣܶܦܳܩܳܐ ܡܰܠܝܳܐ ܚܰܠܳܐ؛ ܘܗܰܢ݄ܟ ܡܠܰܠّܶܗ ܐܶܣܦܽܘܓ̥ܳܐ ܡܽܗ̄ܘ ܚܰܠܳܐ ܘܡܰܚ݄ܬّܶܗ ܥܰܠ (ܪܰܘܛܳܐ ܕܽܗ̄ܘ) ܙܽܘܦܳܐ ܘ݄ܡܩܰܪܰܒّ̥ܶܗ ܠܦܶܡܶܗ. 30ܘܺܗ̄ܝ ܢܰܩܠܐ ܕܡ݄ܕ ܠܶܗ ܗ̄ܽܘ ܚܰܠܳܐ، ܝܶܫܽܘܥ ܐܡ݄ܪ ܠܶܗ: ”ܟܰܐܠܶܗ ܡܟܰܡ݄ܠ.“ ܘܟ݄ܦ ܠܶܗ ܪܺܝܫܶܗ ܘܡܰܫܠܰܡ ܠܶܗ ܗ̄ܺܝ ܪܽܘܚܰܝܕ̥ܶܗ.
ܝܶܫܽܘܥ ܟܡ݄ܡܚܶܐ ܒܽܗ̄ܘ ܪܽܘܡܚܳܐ
31ܘܥܰܠ ܕܟ݄ܬ ܗ̄ܘܰܐ ܝܰܘܡܶܗ ܕ݄ܥܪܽܘܒ̥ܬܳܐ، ܗ̄ܰܝّܽܘܕ̥̈ܳܝܶܐ ܐܡ݄ܪّܶܗ ܕܠܳܐ ܦܰܝܫܺܝ ܗ̄ܰܦّܰܓ̥ܪ̈ܰܢܺܝ ܥܰܠ ܗ̄ܰܨܠܺܝ̈ܒܶܐ، ܡܺܐܝܕ̥ܶܗ ܕܝܰܘܡܶܗ ܕܫܰܒܬ̥ܳܐ ܩܰܪܽܒ̥ ܕܢܳܦ݄ܩ، ܘܽܗ̄ܘ ܝܰܘܡܰܘܳܐ ܕܺܗ̄ܝ ܫܰܒܬ̥ܳܐ ܝܰܘܡܳܐ ܪܰܒܳܐ ܗ̄ܘܰܐ. ܐܰܒܺܝܥܺܝ ܡܶܢ̱ ܦܺܝܠܰܛܳܘܣ ܕܬܰܒ̥ܪܺܝ ܗ̄ܰܫّܳܩ̈ܶܐ (ܗ̄ܰܪّܰܓ̥̈ܠܶܐ) ܕܰܗ̄ܢ݄ܟ ܕܟ݄ܬܢܶܝ ܥܰܠ ܗ̄ܰܨܠܺܝ̈ܒܶܐ ܘܡܰܢܚܬ݄ܢّܶܗ. 32ܘܰܐܬ̥݄ܢ ܗ̄ܰܕّܰܚܫ̈ܶܐ ܘ݄ܬܒ̥݄ܪّܶܗ ܗ̄ܰܫّܳܩ̈ܶܐ ܕܽܗ̄ܘ ܩܰܕ̱ܡܳܝܳܐ ܘܕܽܗ̄ܘ ܚܪܶܢܳܐ ܕ݄ܨܠܺܝܒ̥ܺܝ ܐܰܥܡܶܗ. 33ܘܺܗ̄ܝ ܢܰܩܠܐ ܕܰܐܬ̥݄ܢ ܠܓܰܒ ܝܶܫܽܘܥ ܚܙܰܠّܶܗ ܕܡܰܝ݄ܬ̥ ܡܶܢ̱ ܙܰܒ̥ܢܳܐ، ܘܠܳܐ ܬܒ̥݄ܪّܶܗ ܗ̄ܰܫّܳܩ̈ܰܝܕ̥ܶܗ. 34ܐܶܠܳܐ ܚܰܕ̱ ܡܰܢ̱ ܕّܰܚܫ̈ܶܐ ܡܚܶܐ ܠܶܗ ܪܽܘܡܚܳܐ ܒܽܗ̄ܘ ܓܰܒܰܝܕ̥ܶܗ، ܘܡܶܚܕ̥ܳܐ ܢܰܦ݄ܩ ܐܰܕܡܳܐ ܘܡܰܝ̈ܶܐ. 35ܘܗܰܢܳܐ ܕ݄ܚܙܶܐ ܠܶܗ ܣܗ݄ܕ ܠܶܗ، ܘܺܗ̄ܝ ܣܳܗܕܽܘܬ̥ܰܝܕ̥ܶܗ ܫܰܪ݄ܪܬܳܐ ܝܳܐ. ܘܟܳܐܕ̥݄ܥ ܕܽܗ̄ܘ ܫܪܳܪܳܐ ܐܡ݄ܪ ܠܶܗ، ܠܰܫܰܢ ܗܰܬܽܘ ܣܬܶܝ ܕ݄ܡܗܰܝܡܢܺܝܬܽܘ. 36ܘܗܰܢܺܝ ܗܰܘ݄ܢ ܕܟܳܡ݄ܠ ܗ̄ܽܘ ܟܬ̥ܳܒ̥ܳܐ ܕܟܳܐܡ݄ܪ: ”ܠ݄ܐ ܟܡ݄ܬܒ̥݄ܪ ܐܶܒܶܗ ܓܰܪܡܳܐ.“ 37ܘ݄ܟܬ̥ܳܒ̥ܳܐ ܚܪܶܢܳܐ ܣܬܶܝ ܟܳܐܡ݄ܪ: ”ܓ݄ܕܚܰܝܪܺܝ ܒܰܗ̄ܢܳܐ ܕ݄ܡܚܰܠّܶܗ ܒܽܗ̄ܘ ܪܽܘܡܚܳܐ.“
ܗ̄ܽܘ ܩܒ̥ܳܪܳܐ ܕܝܶܫܽܘܥ
ܡܬܝ 27:57‐61؛ ܡܪܩܘܣ 15:42‐47؛ ܠܘܩܐ 23:50‐56
38ܘܒ݄ܬ̥݄ܪ ܡܰܗ̄ܢܺܝ، ܝܰܘܣܶܦ ܗܰܘܳܐ ܕܡܺܗ̄ܝ ܪܳܡܬ̥ܳܐ، ܡܺܐܝܕ̥ܶܗ ܕܟ݄ܬ ܗ̄ܘܰܐ ܗ̄ܽܘ ܬܰܠܡܺܝܕ̥ܳܐ ܕܝܶܫܽܘܥ، ܘ݄ܡܟܰܣܶܐ ܗ̄ܘܰܐ (ܥܰܠ ܪܽܘܚܶܗ) ܡܺܗ̄ܝ ܙܽܘܥܬ̥ܳܐ ܕܰܝّܽܘܕ̥̈ܳܝܶܐ، ܐܰܒ݄ܥ ܡܶܢ̱ ܦܺܝܠܰܛܳܘܣ ܕܫܳܩ݄ܠ ܗ̄ܽܘ ܦܰܓ̥ܪܳܐ ܕܝܶܫܽܘܥ. ܘܦܺܝܠܰܛܳܘܣ ܛܪܶܐ ܠܶܗ، ܘܰܐܬ̥ܺܝ ܝܰܘܣܶܦ ܘ݄ܫܩܺܝܠ ܠܶܗ ܗ̄ܽܘ ܦܰܓ̥ܪܳܐ ܕܝܶܫܽܘܥ. 39ܘܰܐܬ̥ܺܝ ܣܬܶܝ ܢܺܝܩܳܕܺܝܡܳܘܣ، ܗܰܘܳܐ ܕܰܐܬ̥ܺܝ ܗ̄ܘܰܐ ܡܶܢ̱ ܡܶܩ݄ܕ̱ܡ ܓܰܒ ܝܶܫܽܘܥ ܒܠܰܠܝܳܐ، ܘܡܰܡܡܛܶܐ ܠܶܗ ܐܰܥܡܶܗ ܚܽܘܢܳܛܳܐ ܕܡܽܘܪܳܐ ܘ݄ܕܥܰܠܘܰܝ ܐܟ̥ ܕܡܳܐܐ ܠܺܝܛܪ̈ܶܐ. 40ܘ݄ܫܩ݄ܠّܶܗ ܗ̄ܽܘ ܦܰܓ̥ܪܳܐ ܕܝܶܫܽܘܥ ܘ݄ܡܟܰܢܦܰܠّܶܗ ܒܟܶܬܳܢ̈ܶܐ ܘܒܰܣܡ̈ܶܐ، ܐܟ̥ ܕܽܗ̄ܘ ܥܝܳܕ̥ܳܐ ܕܟ݄ܬ ܗ̄ܘܰܐ ܠܰܝّܽܘܕ̥̈ܳܝܶܐ ܗ̄ܺܝ ܢܰܩܠܐ ܕܩܰܒ̥ܪܺܝ. 41ܘܟ݄ܬ ܗ̄ܘܰܐ ܒܺܗ̄ܝ ܕܽܘܟܬ̥ܳܐ ܕ݄ܨܠܺܝܒ̥ ܐܶܒܶܗ ܝܶܫܽܘܥ ܓܰܢܬ̥ܳܐ، ܘܒܺܗ̄ܝ ܓܰܢܬ̥ܰܝܳܐ ܟ݄ܬ ܗ̄ܘܰܐ ܩܰܒ̥ܪܳܐ ܚܰܕ̱ܬ̥ܳܐ ܕܗܶܫ ܢܳܫܳܐ ܠܳܐ ܩܒ̥ܺܝܪ ܐܶܒܶܗ. 42ܘܡܰܚ݄ܬّܶܗ ܬܰܡܳܐ ܠܝܶܫܽܘܥ، ܡܺܐܝܕ̥ܶܗ ܕܺܗ̄ܝ ܫܰܒܬ̥ܳܐ ܐܰܬ̥ܰܝܬܳܐ ܗ̄ܘܰܐ ܐܰܥܠܰܝّܶܗ، ܘܽܗ̄ܘ ܩܰܒ̥ܪܳܐ ܩܰܪܺܝܒ̥ܳܐ ܗ̄ܘܰܐ.
Currently Selected:
ܡܓܰܠܝܘܢ ܕܝܘܚܢܢ 19: ܟܬܒܐ
Highlight
Share
Copy
Want to have your highlights saved across all your devices? Sign up or sign in
Suryoyo Bible © 2024 Aramaic Bible Translation
ܡܓܰܠܝܘܢ ܕܝܘܚܢܢ 19
19
1ܗ̄ܺܝ ܢܰܩܠܝܳܐ، ܦܺܝܠܰܛܳܘܣ ܡܚܶܐ (ܓܠ݄ܕ) ܠܶܗ ܠܝܶܫܽܘܥ. 2ܘܰܕّܰܚܫ̈ܶܐ ܓܕ̥݄ܠّܶܗ ܟܠܺܝܠܳܐ ܡܰܢ̱ ܟّܽܘܒ̈ܶܐ ܘܡܰܚ݄ܬّܶܗ ܥܰܠ ܪܺܝܫܶܗ، ܘܡܰܠܒ̥ܰܫّܶܗ ܠܒܽܘܫܳܐ ܕܽܗ̄ܘ ܐܰܪܓܘܳܢܳܐ، 3ܘ݄ܐܡّܺܪ̱ܝ ܗ̄ܘܰܝ ܠܶܗ: ”ܫܠܳܡܳܐ ܐܰܥܠܳܟ̥، ܝܰܐ ܡܰܠܟܳܐ ܕܰܝّܽܘܕ̥̈ܳܝܶܐ!“ ܘܡܳܚ݄ܢ ܗ̄ܘܰܝ ܠܶܗ ܥܰܠ ܦܳܬ̥ܶܗ. 4ܘܕܰܥ݄ܪ ܢܰܦ݄ܩ ܦܺܝܠܰܛܳܘܣ ܠܰܪܒ̥ܰܠ ܘܐܡ݄ܪ ܠܰܗ ܠّܶܗ: ”ܟܰܐܠܺܝ ܟܡܰܘܦܰܩ ܐ̱ܢܳܐ ܠܶܗ ܐܰܠܟ̥ܽܘ ܠܰܪܒ̥ܰܠ ܠܰܫܰܢ ܕܐ݄ܕ̥ܥܺܝܬܽܘ ܕܠ݄ܐ ܟܚܳܙܶܐ ܐ̱ܢܳܐ ܐܰܥܠܶܗ ܘܠܳܐ ܚܕ̥ܳܐ ܥܶܠܬ̥ܳܐ.“ 5ܘܢܰܦ݄ܩ ܝܶܫܽܘܥ ܠܰܪܒ̥ܰܠ ܘܰܐܥܠܶܗ ܗ̄ܽܘ ܟܠܺܝܠܳܐ ܕܰܟّܽܘܒ̈ܶܐ ܘܽܗ̄ܘ ܠܒܽܘܫܳܐ ܕܽܗ̄ܘ ܐܰܪܓܘܳܢܳܐ. ܘܦܺܝܠܰܛܳܘܣ ܐܡ݄ܪ ܠܰܗ ܠّܶܗ: ”ܟܰܐܠܶܗ ܗ̄ܽܘ ܓܰܒ̥ܪܳܐ.“ 6ܘܺܗ̄ܝ ܢܰܩܠܐ ܕ݄ܚܙܰܠّܶܗ ܗ̄ܰܪّܰܒ̈ܶܐ ܕܰܟّܳܗ̈ܢܶܐ ܘܰܗ̄ܢ ܢܳܛܽܘܪ̈ܶܐ ܡܰܙܥܰܩّܶܗ ܘܐܡ݄ܪّܶܗ: ”ܨܠܰܒ̥ܶܗ ܨܠܰܒ̥ܶܗ!“ ܦܺܝܠܰܛܳܘܣ ܐܡ݄ܪ ܠܰܗ ܠّܶܗ: ”ܗܰܬܽܘ ܡܽܘܕܽܘ ܠܶܗ ܘ݄ܨܠܰܒ̥ܽܘ ܠܶܗ، ܡܺܐܝܕ̥ܶܗ ܕܳܐܢܳܐ ܠ݄ܐ ܟܚܳܙܶܐ ܐ̱ܢܳܐ ܐܶܒܶܗ ܥܶܠܬ̥ܳܐ.“ 7ܐܡ݄ܪّܰܗ ܠܶܗ ܗ̄ܰܝّܽܘܕ̥̈ܳܝܶܐ: ”ܟ݄ܬ ܠܰܢ ܢܳܡܽܘܣܳܐ، ܘ݄ܐܟ̥ ܕܽܗ̄ܘ ܢܳܡܽܘܣܰܝܕ̥ܰܢ ܗܰܢܳܐ ܟܡܺܝܕ݄ܢ ܒܽܗ̄ܘ ܡܰܘܬܳܐ، ܥܰܠ ܕܣ݄ܡ ܠܶܗ ܪܽܘܚܶܗ ܗ̄ܽܘ ܐܰܒܪܳܐ ܕܰܐܠܳܗܳܐ.“ 8ܘܺܗ̄ܝ ܢܰܩܠܐ ܕܫܰܡ݄ܥ ܦܺܝܠܰܛܳܘܣ ܗ̄ܽܘ ܡܰܐܡܪܰܢܳܐ، ܙ݄ܕ ܙܰܝ݄ܥ. 9ܘܢܰܩܠܐ ܚܪܶܬܳܐ ܥܰܒ݄ܪ ܠܽܗ̄ܘ ܩܽܘܨܪܳܐ ܘܐܡ݄ܪ ܠܶܗ ܠܝܶܫܽܘܥ: ”ܡܰܐܝܟܳܐ ܗܰܬ؟“ ܐܶܠܳܐ ܝܶܫܽܘܥ ܠܳܐ ܡܬܰܢܶܐ ܠܶܗ. 10ܘܦܺܝܠܰܛܳܘܣ ܐܡ݄ܪ ܠܶܗ ܠܶܗ: ”ܠ݄ܐ ܟܡ݄ܫܓ̥ܳܠܰܬ ܐܰܥܡܺܝ؟ ܩܰܝ ܠ݄ܐ ܟ݄ܐܕ̥ܥܰܬ ܕܟ݄ܬ ܠܺܝ ܫܽܘܠܛܳܢܳܐ ܕܡܰܪܦܶܐ ܐ̱ܢܳܐ ܠܳܟ̥ ܘܫܽܘܠܛܳܢܳܐ ܕܨܳܠܰܒ̥ ܐ̱ܢܳܐ ܠܳܟ̥؟“ 11ܐܡ݄ܪ ܠܶܗ ܠܶܗ ܝܶܫܽܘܥ: ”ܠܰܝ̱ܬ ܗ̄ܘܰܝ ܠܳܟ̥ ܫܽܘܠܛܳܢܳܐ ܐܰܥܠܺܝ ܘܠܳܐ ܚܰܕ̱ ܕܠܳܐ ܡܺܝܬܰܗܒ̥ܶܐ ܗ̄ܘܰܝ ܠܳܟ̥ ܡܶܢ̱ ܠܰܠܥ݄ܠ، ܡܰܗ̄ܘܟ̥ܰܐ ܗܰܢܳܐ ܕܡܰܫܠܰܡ ܠܶܗ ܠܺܝ ܐܶܠܳܟ̥ ܪܰܒ ܝܳܐ ܗ̄ܺܝ ܚܛܺܝܬ̥ܰܝܕ̥ܶܗ ܡܶܢ̱ ܕܺܝܕ̥ܳܟ̥.“ 12ܘܡܰܗ̄ܘܟ̥ܰܐ، ܦܺܝܠܰܛܳܘܣ ܐܳܒܰܥ ܗ̄ܘܰܐ ܕܡܰܪܦܶܐ ܠܶܗ، ܐܶܠܳܐ ܗ̄ܰܝّܽܘܕ̥̈ܳܝܶܐ ܡܰܙܥܩܺܝ ܗ̄ܘܰܘ̱: ”ܐܶܢ ܕܡܰܪܦܰܬ ܠܰܗ̄ܢܳܐ، ܠܳܐ ܟܳܗ̄ܘܰܬ ܪܳܚܡܳܐ ܕܩܶܣܰܪ، ܡܺܐܝܕ̥ܶܗ ܕܟܽܘܠ ܚܰܕ̱ ܕܣܳܝ݄ܡ ܪܽܘܚܶܗ ܡܰܠܟܳܐ ܟܳܗ̄ܘܶܐ ܒܥܶܠܕܒܳܒܳܐ ܠܩܶܣܰܪ.“ 13ܘܺܗ̄ܝ ܢܰܩܠܐ ܕܫܰܡ݄ܥ ܦܺܝܠܰܛܳܘܣ ܗ̄ܽܘ ܡܰܐܡܪܰܢܳܐ، ܡܰܘܦܰܩ ܠܶܗ ܝܶܫܽܘܥ ܠܰܪܒ̥ܰܠ، ܘܝܰܬܽܒ̥ ܥܰܠ ܒܺܝܡܳܐ (ܟܽܘܪܣܝܳܐ ܕܽܗ̄ܘ ܕܺܝܢܳܐ) ܒܕܽܘܟܬ̥ܳܐ ܕ݄ܟܡ݄ܩܪܳܝܳܐ ܪܨܺܝܦܬܳܐ ܕܟܶܐܦ̈ܶܐ، ܘܒܽܗ̄ܘ ܥܶܒܪܳܝܳܐ ܟ݄ܐܡّܺܪ̱ܝ ܠܰܗ: ”ܓܦܺܝܦܬܳܐ“. 14ܘܺܗ̄ܝ ܥܪܽܘܒ̥ܬܳܐ ܕܽܗ̄ܘ ܦܶܨܚܳܐ ܗ̄ܘܰܐ، ܠܰܐܦ ܦܰܠܓܶܗ ܕܝܰܘܡܳܐ. ܘܐܡ݄ܪ ܠܶܗ ܠܰܝّܽܘܕ̥̈ܳܝܶܐ: ”ܟܰܐܠܶܗ ܗ̄ܽܘ ܡܰܠܟܰܬ̥ܟ̥ܽܘ!“ 15ܐܶܠܳܐ ܗ݄ܢّܶܝ ܡܰܙܥܩܺܝ ܗ̄ܘܰܘ̱: ”ܫܩܰܠܶܗ، ܫܩܰܠܶܗ، ܨܠܰܒ̥ܶܗ، ܨܠܰܒ̥ܶܗ.“ ܦܺܝܠܰܛܳܘܣ ܐܡ݄ܪ ܠܰܗ ܠّܶܗ: ”ܨܳܠܰܒ̥ ܐ̱ܢܳܐ ܗ̄ܽܘ ܡܰܠܟܰܬ̥ܟ̥ܽܘ؟“ ܗ̄ܰܪّܰܒ̈ܶܐ ܕܰܟّܳܗ̈ܢܶܐ ܐܡ݄ܪّܶܗ: ”ܠܰܝ̱ܬ ܠܰܢ ܡܰܠܟܳܐ ܐܶܠܳܐ ܩܶܣܰܪ.“
ܗ̄ܽܘ ܨܠܳܒ̥ܳܐ ܕܝܶܫܽܘܥ ܘܽܗ̄ܘ ܦܶܣܳܐ ܕܥܰܠ ܗ̄ܰܠܒܽܘܫ̈ܰܝܕ̥ܶܗ
ܡܬܝ 27:32‐44؛ ܡܪܩܘܣ 15:21‐32؛ ܠܘܩܐ 23:26‐43
16ܗ̄ܺܝ ܢܰܩܠܝܳܐ، ܡܰܫܠܰܡ ܠܶܗ ܐܰܠّܶܗ (ܠܰܝّܽܘܕ̥̈ܳܝܶܐ) ܕܨ݄ܠܒ̥ܺܝ ܠܶܗ. ܘܡ݄ܕّܶܗ ܝܶܫܽܘܥ ܘܡܰܘܦܰܩّܶܗ، 17ܘܗܺܝّܶܗ ܛܰܥܳܢܳܐ ܗ̄ܽܘ ܨܠܺܝܒܰܝܕ̥ܶܗ ܠܕܽܘܟܬ̥ܳܐ ܕ݄ܟܡ݄ܩܪܳܝܳܐ ܩܰܪܩܰܦܬܳܐ، ܘܒܽܗ̄ܘ ܥܶܒܪܳܝܳܐ ܟ݄ܐܡّܺܪ̱ܝ ܠܰܗ ܓܳܓ̥ܽܘܠܬܳܐ، 18ܐܰܝܟܳܐ ܕ݄ܨܠܽܒّ̥ܶܗ ܘܰܐܥܡܶܗ ܬܪܶܝ ܚܪ̈ܶܢܶܐ، ܚܰܕ̱ ܡܽܗ̄ܘ ܓܰܒܰܢܳܐ، ܘܚܰܕ̱ ܡܽܗ̄ܘ ܓܰܒܰܢܳܐ، ܘܝܶܫܽܘܥ ܒܽܗ̄ܘ ܦܰܠܓܳܐ. 19ܘܦܺܝܠܰܛܳܘܣ ܟܬ̥ܽܒ̥ ܠܶܗ ܠܽܘܚܳܐ ܘܡܰܚ݄ܬ ܠܶܗ ܥܰܠ ܗ̄ܽܘ ܨܠܺܝܒܰܝܕ̥ܶܗ، ܘܗܰܘܟ̥ܰܐ ܟܬ̥ܺܝܒ̥ܳܐ ܗ̄ܘܰܐ: ”ܗܰܢܳܐ ܝܳܐ ܝܶܫܽܘܥ ܗ̄ܽܘ ܢܳܨܪܳܝܳܐ، ܗ̄ܽܘ ܡܰܠܟܳܐ ܕܰܝّܽܘܕ̥̈ܳܝܶܐ.“ 20ܘܓ̥ܰܠܰܒܶܐ ܡܰܢ̱ ܝّܽܘܕ̥̈ܳܝܶܐ ܩܪܰܠّܶܗ ܗ̄ܺܝ ܟܬ̥ܰܒ̥ܬܳܐ ܕܥܰܠ ܗ̄ܺܝ ܠܽܘܚܳܐ، ܡܺܐܝܕ̥ܶܗ ܕܺܗ̄ܝ ܕܽܘܟܬ̥ܳܐ ܕ݄ܨܠܺܝܒ̥ ܐܶܒܰܗ ܝܶܫܽܘܥ ܩܰܪܽܒ̥ܬܳܐ ܗ̄ܘܰܐ ܠܺܗ̄ܝ ܡܕ̥ܺܝܢ̱ܬܳܐ. ܘ݄ܟܬ̥ܽܒ̥ܬܳܐ ܗ̄ܘܰܐ ܒܽܗ̄ܘ ܥܶܒܪܳܝܳܐ ܘܒܽܗ̄ܘ ܝܰܘܢܳܝܳܐ ܘܒܽܗ̄ܘ ܪܽܘܡܳܝܳܐ. 21ܘܰܪّܰܒ̈ܶܐ ܕܰܟّܳܗ̈ܢܶܐ ܐܡ݄ܪّܶܗ ܠܦܺܝܠܰܛܳܘܣ: ”ܠܳܐ ܟ݄ܬ̥ܒ̥ܰܬ: ܡܰܠܟܳܐ ܕܰܝّܽܘܕ̥̈ܳܝܶܐ، ܐܶܠܳܐ ܗܺܝّܶܗ ܐܡ݄ܪ ܠܶܗ: ܐܳܢܳܐ ܡܰܠܟܳܐ ܕܰܝّܽܘܕ̥̈ܳܝܶܐ ܐ̱ܢܳܐ.“ 22ܦܺܝܠܰܛܳܘܣ ܐܡ݄ܪ ܠܶܗ: ”ܗ̄ܽܘ ܡܶܕܶܐ ܕ݄ܟܬ̥ܽܒ̥ ܠܺܝ، ܟܬ̥ܽܒ̥ ܠܺܝ.“
23ܘܰܕّܰܚܫ̈ܶܐ، ܗ̄ܺܝ ܢܰܩܠܐ ܕ݄ܨܠܽܒّ̥ܶܗ ܝܶܫܽܘܥ، ܫܩ݄ܠّܶܗ ܗ̄ܰܠܒܽܘܫ̈ܰܝܕ̥ܶܗ، ܘܣܺܝܡ݄ܢّܶܗ ܐܰܪܒܥܳܐ ܦܰܠܩ̈ܶܐ، ܠܟܽܘܠ ܕܰܚܫܳܐ ܦܰܠܩܳܐ. ܐܶܠܳܐ ܗ̄ܺܝ ܩܡܶܣܬܰܝܕ̥ܶܗ ܕܠܳܐ ܚܰܝܛܳܐ ܗ̄ܘܰܐ، ܡܶܢ̱ ܠܰܠܥ݄ܠ، ܙܩܳܪܳܐ ܙܩܳܪܬܳܐ ܗ̄ܘܰܐ. 24ܘܐܡ݄ܪّܶܗ ܠ݄ܚܕ̥ܳܕ̥̈ܶܐ: ”ܛܪܳܐ ܠܳܐ ܩ݄ܛܥܺܝܢܰܐ ܠܰܗ، ܐܶܠܳܐ ܦܶܣܳܐ ܡܚܰܠܩܺܝܢܰܐ ܐܰܥܠܰܗ ܘܚܳܙܺܝܢܰܐ ܠܡܰܢ ܓܕܽܗ̄ܘܝܳܐ.“ ܘܟܰܡ݄ܠ ܗ̄ܽܘ ܟܬ̥ܳܒ̥ܳܐ ܕܐܡ݄ܪ ܠܶܗ: ”ܡܦܰܠܰܓّ̥ܶܗ ܗ̄ܰܠܒܽܘܫ̈ܰܝܕ̥ܺܝ ܒܰܝܢܳܬ̥ܰܝّܶܗ، ܘܥܰܠ ܗ̄ܺܝ ܩܡܶܣܬܰܝܕ̥ܺܝ ܡܚܰܠܰܩّܶܗ ܦܶܣܳܐ.“ ܗܰܢܺܝ ܣ݄ܡّܶܗ ܗ̄ܰܕّܰܚܫ̈ܶܐ. 25ܘܩܰܝܡܺܝ ܗ̄ܘܰܘ̱ ܬܰܡܳܐ، ܓܰܒ ܗ̄ܽܘ ܨܠܺܝܒܳܐ ܕܝܶܫܽܘܥ، ܗ̄ܺܝ ܐܶܡܰܝܕ̥ܶܗ ܘܺܗ̄ܝ ܚܳܬ̥ܳܐ ܕܺܗ̄ܝ ܐܶܡܰܝܕ̥ܶܗ ܘܡܰܪܝܰܡ (ܗ̄ܺܝ ܐܰܢ̱ܬ̥ܬܳܐ) ܕ݄ܩܠܶܝܳܘܦܳܐ ܘܡܰܪܝܰܡ ܡܰܓ̥ܕܠܰܝܬܳܐ. 26ܘܝܶܫܽܘܥ ܚܙܶܐ ܠܶܗ ܗ̄ܺܝ ܐܶܡܳܐ ܘܽܗ̄ܘ ܬܰܠܡܺܝܕ̥ܰܘܳܐ ܕܪܳܚܰܡ ܗ̄ܘܰܝ ܠܶܗ، ܟܰܐܠܶܗ ܟܰܠܝܳܐ، ܘܐܡ݄ܪ ܠܶܗ ܠܺܗ̄ܝ ܐܶܡܳܐ: ”ܐܰܢ̱ܬ̥ܬܳܐ، ܟܰܐܠܶܗ ܗ̄ܽܘ ܐܰܒܪܰܝܕ̥ܰܟ̥.“ 27ܘܐܡ݄ܪ ܠܶܗ ܠܽܗ̄ܘ ܬܰܠܡܺܝܕ̥ܰܘܳܐ: ”ܟܰܐܠܰܗ ܐܶܡܳܟ̥.“ ܘܡܺܗ̄ܝ ܫܳܥܬ̥ܰܝܳܐ ܗ̄ܽܘ ܬܰܠܡܺܝܕ̥ܳܐ ܡܰܘܒܠܳܐ ܠܶܗ ܠܣܺܝܕ̥ܶܗ.
ܗ̄ܽܘ ܡܰܘܬܳܐ ܕܝܶܫܽܘܥ
ܡܬܝ 27:45‐56؛ ܡܪܩܘܣ 15:33‐41؛ ܠܘܩܐ 23:44‐49
28ܒ݄ܬ̥݄ܪ ܡܰܗ̄ܢܺܝ ܐܰܕ̥݄ܥ ܝܶܫܽܘܥ ܕܟܽܘܠ ܡܶܕܶܐ ܬܰܝ݄ܡ، ܘܠܰܫܰܢ ܕܟܳܡ݄ܠ ܗ̄ܽܘ ܟܬ̥ܳܒ̥ܳܐ ܐܡ݄ܪ ܠܶܗ: ”ܨܰܗܝܳܐ ܐ̱ܢܳܐ.“ 29ܘܟ݄ܬ ܗ̄ܘܰܐ ܣܶܦܳܩܳܐ ܡܰܠܝܳܐ ܚܰܠܳܐ؛ ܘܗܰܢ݄ܟ ܡܠܰܠّܶܗ ܐܶܣܦܽܘܓ̥ܳܐ ܡܽܗ̄ܘ ܚܰܠܳܐ ܘܡܰܚ݄ܬّܶܗ ܥܰܠ (ܪܰܘܛܳܐ ܕܽܗ̄ܘ) ܙܽܘܦܳܐ ܘ݄ܡܩܰܪܰܒّ̥ܶܗ ܠܦܶܡܶܗ. 30ܘܺܗ̄ܝ ܢܰܩܠܐ ܕܡ݄ܕ ܠܶܗ ܗ̄ܽܘ ܚܰܠܳܐ، ܝܶܫܽܘܥ ܐܡ݄ܪ ܠܶܗ: ”ܟܰܐܠܶܗ ܡܟܰܡ݄ܠ.“ ܘܟ݄ܦ ܠܶܗ ܪܺܝܫܶܗ ܘܡܰܫܠܰܡ ܠܶܗ ܗ̄ܺܝ ܪܽܘܚܰܝܕ̥ܶܗ.
ܝܶܫܽܘܥ ܟܡ݄ܡܚܶܐ ܒܽܗ̄ܘ ܪܽܘܡܚܳܐ
31ܘܥܰܠ ܕܟ݄ܬ ܗ̄ܘܰܐ ܝܰܘܡܶܗ ܕ݄ܥܪܽܘܒ̥ܬܳܐ، ܗ̄ܰܝّܽܘܕ̥̈ܳܝܶܐ ܐܡ݄ܪّܶܗ ܕܠܳܐ ܦܰܝܫܺܝ ܗ̄ܰܦّܰܓ̥ܪ̈ܰܢܺܝ ܥܰܠ ܗ̄ܰܨܠܺܝ̈ܒܶܐ، ܡܺܐܝܕ̥ܶܗ ܕܝܰܘܡܶܗ ܕܫܰܒܬ̥ܳܐ ܩܰܪܽܒ̥ ܕܢܳܦ݄ܩ، ܘܽܗ̄ܘ ܝܰܘܡܰܘܳܐ ܕܺܗ̄ܝ ܫܰܒܬ̥ܳܐ ܝܰܘܡܳܐ ܪܰܒܳܐ ܗ̄ܘܰܐ. ܐܰܒܺܝܥܺܝ ܡܶܢ̱ ܦܺܝܠܰܛܳܘܣ ܕܬܰܒ̥ܪܺܝ ܗ̄ܰܫّܳܩ̈ܶܐ (ܗ̄ܰܪّܰܓ̥̈ܠܶܐ) ܕܰܗ̄ܢ݄ܟ ܕܟ݄ܬܢܶܝ ܥܰܠ ܗ̄ܰܨܠܺܝ̈ܒܶܐ ܘܡܰܢܚܬ݄ܢّܶܗ. 32ܘܰܐܬ̥݄ܢ ܗ̄ܰܕّܰܚܫ̈ܶܐ ܘ݄ܬܒ̥݄ܪّܶܗ ܗ̄ܰܫّܳܩ̈ܶܐ ܕܽܗ̄ܘ ܩܰܕ̱ܡܳܝܳܐ ܘܕܽܗ̄ܘ ܚܪܶܢܳܐ ܕ݄ܨܠܺܝܒ̥ܺܝ ܐܰܥܡܶܗ. 33ܘܺܗ̄ܝ ܢܰܩܠܐ ܕܰܐܬ̥݄ܢ ܠܓܰܒ ܝܶܫܽܘܥ ܚܙܰܠّܶܗ ܕܡܰܝ݄ܬ̥ ܡܶܢ̱ ܙܰܒ̥ܢܳܐ، ܘܠܳܐ ܬܒ̥݄ܪّܶܗ ܗ̄ܰܫّܳܩ̈ܰܝܕ̥ܶܗ. 34ܐܶܠܳܐ ܚܰܕ̱ ܡܰܢ̱ ܕّܰܚܫ̈ܶܐ ܡܚܶܐ ܠܶܗ ܪܽܘܡܚܳܐ ܒܽܗ̄ܘ ܓܰܒܰܝܕ̥ܶܗ، ܘܡܶܚܕ̥ܳܐ ܢܰܦ݄ܩ ܐܰܕܡܳܐ ܘܡܰܝ̈ܶܐ. 35ܘܗܰܢܳܐ ܕ݄ܚܙܶܐ ܠܶܗ ܣܗ݄ܕ ܠܶܗ، ܘܺܗ̄ܝ ܣܳܗܕܽܘܬ̥ܰܝܕ̥ܶܗ ܫܰܪ݄ܪܬܳܐ ܝܳܐ. ܘܟܳܐܕ̥݄ܥ ܕܽܗ̄ܘ ܫܪܳܪܳܐ ܐܡ݄ܪ ܠܶܗ، ܠܰܫܰܢ ܗܰܬܽܘ ܣܬܶܝ ܕ݄ܡܗܰܝܡܢܺܝܬܽܘ. 36ܘܗܰܢܺܝ ܗܰܘ݄ܢ ܕܟܳܡ݄ܠ ܗ̄ܽܘ ܟܬ̥ܳܒ̥ܳܐ ܕܟܳܐܡ݄ܪ: ”ܠ݄ܐ ܟܡ݄ܬܒ̥݄ܪ ܐܶܒܶܗ ܓܰܪܡܳܐ.“ 37ܘ݄ܟܬ̥ܳܒ̥ܳܐ ܚܪܶܢܳܐ ܣܬܶܝ ܟܳܐܡ݄ܪ: ”ܓ݄ܕܚܰܝܪܺܝ ܒܰܗ̄ܢܳܐ ܕ݄ܡܚܰܠّܶܗ ܒܽܗ̄ܘ ܪܽܘܡܚܳܐ.“
ܗ̄ܽܘ ܩܒ̥ܳܪܳܐ ܕܝܶܫܽܘܥ
ܡܬܝ 27:57‐61؛ ܡܪܩܘܣ 15:42‐47؛ ܠܘܩܐ 23:50‐56
38ܘܒ݄ܬ̥݄ܪ ܡܰܗ̄ܢܺܝ، ܝܰܘܣܶܦ ܗܰܘܳܐ ܕܡܺܗ̄ܝ ܪܳܡܬ̥ܳܐ، ܡܺܐܝܕ̥ܶܗ ܕܟ݄ܬ ܗ̄ܘܰܐ ܗ̄ܽܘ ܬܰܠܡܺܝܕ̥ܳܐ ܕܝܶܫܽܘܥ، ܘ݄ܡܟܰܣܶܐ ܗ̄ܘܰܐ (ܥܰܠ ܪܽܘܚܶܗ) ܡܺܗ̄ܝ ܙܽܘܥܬ̥ܳܐ ܕܰܝّܽܘܕ̥̈ܳܝܶܐ، ܐܰܒ݄ܥ ܡܶܢ̱ ܦܺܝܠܰܛܳܘܣ ܕܫܳܩ݄ܠ ܗ̄ܽܘ ܦܰܓ̥ܪܳܐ ܕܝܶܫܽܘܥ. ܘܦܺܝܠܰܛܳܘܣ ܛܪܶܐ ܠܶܗ، ܘܰܐܬ̥ܺܝ ܝܰܘܣܶܦ ܘ݄ܫܩܺܝܠ ܠܶܗ ܗ̄ܽܘ ܦܰܓ̥ܪܳܐ ܕܝܶܫܽܘܥ. 39ܘܰܐܬ̥ܺܝ ܣܬܶܝ ܢܺܝܩܳܕܺܝܡܳܘܣ، ܗܰܘܳܐ ܕܰܐܬ̥ܺܝ ܗ̄ܘܰܐ ܡܶܢ̱ ܡܶܩ݄ܕ̱ܡ ܓܰܒ ܝܶܫܽܘܥ ܒܠܰܠܝܳܐ، ܘܡܰܡܡܛܶܐ ܠܶܗ ܐܰܥܡܶܗ ܚܽܘܢܳܛܳܐ ܕܡܽܘܪܳܐ ܘ݄ܕܥܰܠܘܰܝ ܐܟ̥ ܕܡܳܐܐ ܠܺܝܛܪ̈ܶܐ. 40ܘ݄ܫܩ݄ܠّܶܗ ܗ̄ܽܘ ܦܰܓ̥ܪܳܐ ܕܝܶܫܽܘܥ ܘ݄ܡܟܰܢܦܰܠّܶܗ ܒܟܶܬܳܢ̈ܶܐ ܘܒܰܣܡ̈ܶܐ، ܐܟ̥ ܕܽܗ̄ܘ ܥܝܳܕ̥ܳܐ ܕܟ݄ܬ ܗ̄ܘܰܐ ܠܰܝّܽܘܕ̥̈ܳܝܶܐ ܗ̄ܺܝ ܢܰܩܠܐ ܕܩܰܒ̥ܪܺܝ. 41ܘܟ݄ܬ ܗ̄ܘܰܐ ܒܺܗ̄ܝ ܕܽܘܟܬ̥ܳܐ ܕ݄ܨܠܺܝܒ̥ ܐܶܒܶܗ ܝܶܫܽܘܥ ܓܰܢܬ̥ܳܐ، ܘܒܺܗ̄ܝ ܓܰܢܬ̥ܰܝܳܐ ܟ݄ܬ ܗ̄ܘܰܐ ܩܰܒ̥ܪܳܐ ܚܰܕ̱ܬ̥ܳܐ ܕܗܶܫ ܢܳܫܳܐ ܠܳܐ ܩܒ̥ܺܝܪ ܐܶܒܶܗ. 42ܘܡܰܚ݄ܬّܶܗ ܬܰܡܳܐ ܠܝܶܫܽܘܥ، ܡܺܐܝܕ̥ܶܗ ܕܺܗ̄ܝ ܫܰܒܬ̥ܳܐ ܐܰܬ̥ܰܝܬܳܐ ܗ̄ܘܰܐ ܐܰܥܠܰܝّܶܗ، ܘܽܗ̄ܘ ܩܰܒ̥ܪܳܐ ܩܰܪܺܝܒ̥ܳܐ ܗ̄ܘܰܐ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Suryoyo Bible © 2024 Aramaic Bible Translation