ܡܓܰܠܝܘܢ ܕܝܘܚܢܢ 12
12
ܝܶܫܽܘܥ ܟܡ݄ܡܫ݄ܚ ܒܽܗ̄ܘ ܡܶܫܚܳܐ ܒܒܶܝܬ̥ ܥܰܢܝܳܐ
1ܘܝܶܫܽܘܥ، ܡܶܩ݄ܕ̱ܡ ܐ݄ܫܬܳܐ ܝܰܘܡ̈ܶܐ ܡܽܗ̄ܘ ܥܶܐܕ̥ܳܐ ܕܽܗ̄ܘ ܦܶܨܚܳܐ، ܐܰܬ̥ܺܝ ܠܒܶܝܬ̥ ܥܰܢܝܳܐ، ܐܰܝܟܳܐ ܕܟ݄ܬ ܗ̄ܘܰܐ ܠܳܥܳܙܰܪ، ܗܰܘܳܐ ܕܝܶܫܽܘܥ ܡܰܩ݄ܡ ܠܶܗ ܡܒܰܝܢ ܗ̄ܰܡّܺܝ̈ܬ̥ܶܐ. 2ܘܬܰܡܳܐ، ܣ݄ܡّܰܗ ܠܶܗ ܚܫܰܡܬܳܐ، ܘܡܳܪܬܳܐ ܡܫܰܡܫܳܐ ܗ̄ܘܰܐ، ܘܠܳܥܳܙܰܪ ܚܰܕ̱ ܡܰܢ̱ ܣܡܺܝܟ̥̈ܶܐ ܗ̄ܘܰܐ ܕܥܰܡ ܝܶܫܽܘܥ. 3ܘܡܰܪܝܰܡ ܡ݄ܕ ܠܰܗ ܫܺܝܫܬܳܐ ܕܒܰܣܡܳܐ ܕܢܰܪܕܺܝܢ ܛܳܒ̥ܳܐ ܘ݄ܒܛܺܝܡܳܐ ܓ̥ܰܠܰܒܶܐ، ܘ݄ܡܫ݄ܚ ܠܰܗ ܪ̈ܰܓ̥ܠܳܬ̥ܶܗ ܕܝܶܫܽܘܥ ܘ݄ܡܟܰܦܪܺܝ ܠܰܗ ܒܣܰܥܪܰܗ. ܘ݄ܡܠܶܐ ܗ̄ܽܘ ܒܰܝܬܳܐ ܪܶܝܚܶܗ ܕܽܗ̄ܘ ܒܰܣܡܳܐ. 4ܘܺܝܗܽܘܕ̥ܳܐ ܣܟ̥ܰܪܝܽܘܛܳܐ، ܚܰܕ̱ ܡܰܢ̱ ܬّܰܠܡܺܝܕ̥̈ܰܝܕ̥ܶܗ، ܗܰܘܳܐ ܕܓ݄ܕܡܰܫܠ݄ܡ ܠܶܗ، ܐܡ݄ܪ ܠܶܗ: 5”ܠܡ݄ܢ ܠܳܐ ܡܙܰܒ݄ܢ ܗ̄ܽܘ ܒܰܣܡܰܢܳܐ ܒ݄ܬܠ݄ܬ̥ܡܳܐܐ ܕܺܝܢܳܪ̈ܶܐ ܘܗܺܝܒ̥ ܠܰܡّܶܣܟܶܢ̈ܶܐ؟“ 6ܘܐܡ݄ܪ ܠܶܗ ܗܰܬ̥ܶܐ ܠܳܐ ܥܰܠ ܕܟ݄ܬ ܗ̄ܘܰܐ ܡܳܪܳܐ ܠܰܡّܶܣܟܶܢ̈ܶܐ، ܐܶܠܳܐ ܥܰܠ ܕܟ݄ܬ ܗ̄ܘܰܐ ܓܰܢܳܒ̥ܳܐ، ܘܽܗ̄ܘ ܟܺܝܣܳܐ ܕܰܙّܽܘܙ̈ܶܐ ܓܰܒܶܗ ܗ̄ܘܰܐ، ܘܽܗ̄ܘ ܡܶܕܶܐ ܕܡܺܝܬܰܚܰܬ ܗ̄ܘܰܐ ܐܶܒܶܗ ܗܺܝّܶܗ ܫܳܩܰܠ ܗ̄ܘܰܐ. 7ܘܝܶܫܽܘܥ ܐܡ݄ܪ ܠܶܗ: ”ܛܪܰܝܽܘ ܠܰܗ! ܠܽܗ̄ܘ ܝܰܘܡܳܐ ܕܺܗ̄ܝ ܩܒ̥ܽܘܪܬܰܝܕ̥ܺܝ ܢܛ݄ܪ ܠܰܗ. 8ܥܰܠ ܕ݄ܒܟܽܘܠ ܙܰܒܢܳܐ ܡܶܣܟܶܢ̈ܶܐ ܟܺܝܬ ܐܰܥܡܰܝܟ̥ܽܘ، ܐܶܠܳܐ ܐܳܢܳܐ ܠܳܐ ܒܟܽܘܠ ܙܰܒܢܳܐ ܐܰܥܡܰܝܟ̥ܽܘ ܐ̱ܢܳܐ.“
ܗ̄ܰܝّܽܘܕ̥̈ܳܝܶܐ ܟ݄ܐܒܥܺܝ ܩ݄ܛܠܺܝ ܠܳܥܳܙܰܪ
9ܘܓ̥ܰܠܰܒܶܐ ܢܳܫ̈ܶܐ ܡܰܢ̱ ܝّܽܘܕ̥̈ܳܝܶܐ ܗ̄ܺܝ ܢܰܩܠܐ ܕܫܰܡܺܝܥܺܝ ܕܝܶܫܽܘܥ ܬܰܡܳܐ ܝܳܐ، ܐܰܬ̥݄ܢ ܠܬܰܡܳܐ ܠܳܐ ܠܰܫܰܢ ܝܶܫܽܘܥ ܒܶܠܚܽܘܕ̥ܶܗ ܐܶܠܳܐ ܕܚܳܙ݄ܢ ܠܳܥܳܙܰܪ ܣܬܶܝ ܗܰܘܳܐ ܕܡܰܩ݄ܡ ܠܶܗ ܡܒܰܝܢ ܗ̄ܰܡّܺܝ̈ܬ̥ܶܐ. 10ܘܰܪّܰܒ̈ܶܐ ܕܰܟّܳܗ̈ܢܶܐ ܐܰܬ̥݄ܢ ܠ݄ܚܕ̥ܳܕ̥̈ܶܐ ܕܩܳܛܠܺܝ ܠܠܳܥܳܙܰܪ ܣܬܶܝ. 11ܡܺܐܝܕ̥ܶܗ ܕܓ̥ܰܠܰܒܶܐ ܡܰܢ̱ ܝّܽܘܕ̥̈ܳܝܶܐ ܠܰܫܰܢܶܗ ܐ݄ܙّ݄ܢ ܗ̄ܘܰܘ̱، ܘ݄ܡܗܰܝܡܢܺܝ ܗ̄ܘܰܘ̱ ܒܝܶܫܽܘܥ.
ܗ̄ܺܝ ܥܒܰܪܬܳܐ ܕܠܽܐܘܪܶܫܠܶܡ ܒܙܽܘܝܳܚܳܐ ܪܰܒܳܐ
ܡܬܝ 21:1‐11؛ ܡܪܩܘܣ 11:1‐11؛ ܠܘܩܐ 19:28‐40
12ܘܠܽܗ̄ܘ ܝܰܘܡܳܐ ܚܪܶܢܳܐ، ܢܳܫ̈ܶܐ ܓ̥ܰܠܰܒܶܐ ܕܰܐܬ̥݄ܢ ܗ̄ܘܰܘ̱ ܠܽܗ̄ܘ ܥܶܐܕ̥ܳܐ، ܗ̄ܺܝ ܢܰܩܠܐ ܕܫܰܡܺܝܥܺܝ ܕܰܐܬ̥ܺܝ ܝܶܫܽܘܥ ܠܽܐܘܪܶܫܠܶܡ، 13ܡ݄ܕّܶܗ ܣܰܘܟ̈ܶܐ ܕܰܕّܶܩ̈ܠܶܐ ܘܢܰܦܺܝܩܺܝ ܩܰܕ̱ܡܽܘܬ̥ܶܗ، ܘܡܰܙܥܩܺܝ ܗ̄ܘܰܘ̱ ܘ݄ܐܡّܺܪ̱ܝ ܗ̄ܘܰܘ̱: ”ܐܽܘܫܰܥܢܳܐ! ܒܪܺܝܟ̥ܳܐ ܝܳܐ ܕܟܳܐܬ̥ܶܐ ܒ݄ܐܫܡܶܗ ܕܡܳܪܝܳܐ، ܗ̄ܽܘ ܡܰܠܟܳܐ ܕܺܐܝܣܪܳܐܶܝܠ.“ 14ܘܝܶܫܽܘܥ ܚܙܶܐ ܠܶܗ ܚܡܳܪܳܐ ܘܝܰܬܽܒ̥ ܐܰܥܠܶܗ، ܐܟ̥ ܕ݄ܟܬ̥ܺܝܒ̥: 15”ܠܳܐ ܙܰܝܥܰܬ ܝܰܐ ܒܰܪܬ̥ܳܐ ܕܨܶܗܝܽܘܢ، ܟܰܐܠܶܗ ܗ̄ܽܘ ܡܰܠܟܰܝܕ̥ܰܟ̥ ܟܳܐܬ̥ܶܐ ܠܰܟ̥، ܘܪܰܒ̥ܺܝܟ̥ܳܐ ܥܰܠ ܥܺܝܠܳܐ ܐܰܒܪܶܗ ܕ݄ܚܡܰܪܬܳܐ.“ 16ܘܠܰܗ̄ܢܺܝ ܠܰܐ ܐܕ̥ܺܝܥܺܝ ܗ̄ܰܬّܰܠܡܺܝܕ̥̈ܰܝܕ̥ܶܗ ܒܽܗ̄ܘ ܙܰܒܢܰܘܳܐ، ܐܶܠܳܐ ܗ̄ܺܝ ܢܰܩܠܐ ܕ݄ܡܫܰܒܰܚ ܝܶܫܽܘܥ، ܐܰܬ̥ܺܝ ܠܒܳܠܰܝّܶܗ ܕܰܐܥܠܶܗ ܟ݄ܬܢܶܝ ܟܬ̥ܺܝܒ̥̈ܶܐ، ܘܗܰܢܺܝ ܣ݄ܡّܰܗ ܠܶܗ. 17ܘܰܗ̄ܢ ܢܳܫ̈ܶܐ ܕܟ݄ܬ ܗ̄ܘܰܝܢܶܝ ܐܰܥܡܶܗ ܣܗ݄ܕّܶܗ ܕܝܶܫܽܘܥ ܩܪܶܐ ܠܶܗ ܠܳܥܳܙܰܪ ܡܽܗ̄ܘ ܩܰܒ̥ܪܳܐ ܘܡܰܩ݄ܡ ܠܶܗ ܡܒܰܝܢ ܗ̄ܰܡّܺܝ̈ܬ̥ܶܐ. 18ܘܠܰܫܰܢ ܗܰܬ̥ܶܐ ܢܰܦܺܝܩܺܝ ܠܩܰܕ̱ܡܽܘܬ̥ܶܗ ܓ̥ܰܠܰܒܶܐ ܢܳܫ̈ܶܐ ܕܫܰܡܺܝܥܺܝ ܕܣ݄ܡ ܠܶܗ ܗ̄ܺܝ ܐܳܬ̥ܰܬ̥ܶܐ. 19ܘܰܦܪ̈ܺܝܫܶܐ ܐ݄ܡّܺܪ̱ܝ ܗ̄ܘܰܘ̱ ܠ݄ܚܕ̥ܳܕ̥̈ܶܐ: ”ܟܚܳܙܺܝܬܽܘ ܕܠ݄ܐ ܟܡܺܝܗܰܢܺܝܬܽܘ ܡܶܕܶܐ، ܟܰܐܠܶܗ ܗ̄ܽܘ ܥܳܠܡܳܐ ܟܽܘܠܶܗ ܐܰܙّܶܗ ܒ݄ܬ̥ܪܶܗ.“
ܗ݄ܢ ܡܰܢ̱ ܥّܰܡ̈ܶܐ ܟ݄ܐܒܥܺܝ ܕܚܳܙ݄ܢ ܝܶܫܽܘܥ
20ܘܟ݄ܬ ܗ̄ܘܰܐ ܣܬܶܝ ܢܳܫ̈ܶܐ ܡܰܢ̱ ܥّܰܡ̈ܶܐ ܕܣܰܠܺܝܩܺܝ ܠܺܗ̄ܝ ܨܠܽܘܬ̥ܳܐ ܕܽܗ̄ܘ ܥܶܐܕ̥ܳܐ. 21ܗܰܢܺܝ ܐܰܬ̥݄ܢ ܠܰܐܦ ܦܺܝܠܺܝܦܳܘܣ ܕܟ݄ܬ ܝܳܐ ܡܶܢ̱ ܒܶܝܬ̥ ܨܰܝܳܕ̥ܳܐ ܕ݄ܓܠܺܝܠܳܐ، ܘ݄ܡܫܰܐܰܠّܶܗ ܘܐܡ݄ܪّܰܗ ܠܶܗ: ”ܡܳܪܝ، ܟ݄ܐܒܥܺܝܢܰܐ ܕܚܳܙܺܝܢܰܐ ܝܶܫܽܘܥ.“ 22ܘܰܐܬ̥ܺܝ ܦܺܝܠܺܝܦܳܘܣ ܘܐܡ݄ܪ ܠܶܗ ܠܰܐܢܕܪܶܐܘܳܣ، ܘܰܐܢܕܪܶܐܘܳܣ ܘܦܺܝܠܺܝܦܳܘܣ ܐܡ݄ܪّܶܗ ܠܝܶܫܽܘܥ.
23ܘܝܶܫܽܘܥ ܡܰܕܥܰܪ ܠܶܗ ܘܐܡ݄ܪ ܠܰܗ ܠّܶܗ: ”ܐܰܬ̥ܝܳܐ ܗ̄ܺܝ ܫܳܥܬ̥ܳܐ ܕܡܺܝܫܰܒ݄ܚ ܐܰܒܪܶܗ ܕܢܳܫܳܐ. 24ܫܪܳܪܳܐ ܫܪܳܪܳܐ ܟܳܐܡܰܪ ܐ̱ܢܳܐ ܠܟ̥ܽܘ: ܗ̄ܺܝ ܦܪܶܕܳܐ ܕܺܗ̄ܝ ܚܶܛܳܐ ܕܠܳܐ ܢ݄ܦܠܳܐ ܘܡܰܝܬ̥ܳܐ ܒܺܗ̄ܝ ܐܰܪܥܳܐ، ܟܦܰܝܫܳܐ ܠܪܽܘܚܰܗ، ܐܶܠܳܐ ܐܶܢ ܕܡܳܝܬ̥ܳܐ ܦܺܐܪ̈ܶܐ ܓ̥ܰܠܰܒܶܐ ܟܡܰܡܛܝܳܐ. 25ܡܰܢ ܕܪܳܚ݄ܡ ܢܰܦܫܶܗ ܟ݄ܡܣܰܟܰܪ ܠܰܗ؛ ܘܡܰܢ ܕ݄ܡܥܰܢ݄ܬ ܡܶܢ̱ ܢܰܦܫܶܗ ܒܽܗ̄ܘ ܥܳܠܡܰܢܳܐ ܟܢܳܛܰܪ ܠܰܗ ܠܚܰܝ̈ܶܐ ܕ݄ܠܥܳܠܰܡ. 26ܐܶܢ ܢܳܫܳܐ ܕ݄ܡܫܰܡܰܫ ܠܺܝ ܛܪܳܐ ܐܳܬ̥ܶܐ ܒ݄ܬ̥ܪܺܝ. ܘܰܐܝܟܳܐ ܕܟ݄ܬ ܐ̱ܢܳܐ ܐܳܢܳܐ ܬܰܡܳܐ ܓܕܳܗ̄ܘܶܐ ܗ̄ܽܘ ܡܫܰܡܫܳܢܰܝܕ̥ܺܝ. ܘܡܰܢ ܕ݄ܡܫܰܡܰܫ ܠܺܝ، ܓ݄ܡܝܰܩܰܪ ܠܶܗ ܗ̄ܽܘ ܐܰܒܳܐ. 27ܐܳܥܕܳܐ، ܢܰܦܫܺܝ ܟܰܐܠܰܗ ܫܓ̥ܺܝܫܬܳܐ (ܘܡܰܥ݄ܩܬܳܐ) ܝܳܐ. ܘܡ݄ܢ ܕܳܐܡܰܪ ܐ̱ܢܳܐ؟ ’ܝܰܐ ܗ̄ܽܘ ܐܰܒܰܝܕ̥ܺܝ، ܦܪܰܩ ܠܺܝ ܡܺܗ̄ܝ ܫܳܥܬ̥ܰܬ̥ܶܐ!‘ ܐܶܠܳܐ ܠܰܫܰܢ ܗܰܢܳܐ ܐܰܬ̥ܺܝ ܐ̱ܢܳܐ ܠܺܗ̄ܝ ܫܳܥܬ̥ܰܬ̥ܶܐ. 28ܐܰܒܳܐ، ܡܫܰܒ݄ܚ ܐ݄ܫܡܳܟ̥.“ ܘܩܳܠܳܐ ܐܰܬ̥ܺܝ ܡܺܗ̄ܝ ܫܡܰܝܳܐ ܟܳܐܡ݄ܪ: ”ܡܫܰܒܰܚ ܠܺܝ ܘܗܶܫ ܟ݄ܡܫܰܒܰܚ ܐ̱ܢܳܐ.“
ܝܶܫܽܘܥ ܟܡܰܘܕ̥݄ܥ ܥܰܠ ܗ̄ܽܘ ܡܰܘܬܰܝܕ̥ܶܗ
29ܘܫܰܡܺܝܥܺܝ ܗ̄ܰܢ ܢܳܫ̈ܶܐ ܕܟ݄ܬ ܗ̄ܘܰܝܢܶܝ ܬܰܡܳܐ، ܗ݄ܢ ܡ݄ܢّܶܗ ܐܡ݄ܪّܶܗ: ”ܪܰܥܕܳܐ ܗ̄ܘܰܐ.“ ܘܗ݄ܢ ܐܡ݄ܪّܶܗ: ”ܡܰܠܰܐܟ̥ܳܐ ܫܓ̥ܺܝܠ ܐܰܥܡܶܗ.“ 30ܝܶܫܽܘܥ ܡܰܕܥܰܪ ܠܶܗ ܘܐܡ݄ܪ ܠܰܗ ܠّܶܗ: ”ܠܳܐ ܠܰܫܰܢܺܝ ܗܰܘܺܝ ܗ̄ܽܘ ܩܳܠܰܢܳܐ ܐܶܠܳܐ ܠܰܫܰܢܰܝܟ̥ܽܘ. 31ܐܳܥܕܳܐ ܝܳܐ ܗ̄ܽܘ ܕܺܝܢܳܐ ܕܽܗ̄ܘ ܥܳܠܡܰܢܳܐ. ܐܳܥܕܳܐ ܗ̄ܽܘ ܪܺܝܫܳܐ ܕܽܗ̄ܘ ܥܳܠܡܰܢܳܐ ܟܡܺܝܚܰܠ݄ܩ ܠܰܪܒ̥ܰܠ. 32ܘܳܐܢܳܐ، ܗ̄ܺܝ ܢܰܩܠܐ ܕܡܺܝܬܰܥܠܶܐ ܐ̱ܢܳܐ ܡܺܗ̄ܝ ܐܰܪܥܳܐ، ܓܓܳܪܰܫ ܐ̱ܢܳܐ ܟܽܘܠ ܚܰܕ̱ ܠܓܰܒܺܝ.“ 33ܘܗܰܬ̥ܶܐ ܐܡܺܝܪܳܐ ܠܶܗ ܕܡܰܚܘܶܐ ܒܰܐܝܢܰܐ ܡܰܘܬܳܐ ܓܡܳܝ݄ܬ̥. 34ܘܰܗ̄ܢ ܢܳܫ̈ܶܐ ܐܡ݄ܪّܰܗ ܠܶܗ: ”ܐܰܚܢܰܐ ܫܰܡܺܝܥܺܝܢܰܐ ܡܽܗ̄ܘ ܢܳܡܽܘܣܳܐ، ܕ݄ܡܫܺܝܚܳܐ ܟܦܳܝ݄ܫ ܠܥܳܠܰܡ، ܐܰܝܕܰܪܒܳܐ ܟ݄ܐܡّܰܪ̱ܬ: ܐܰܒܪܶܗ ܕܢܳܫܳܐ ܓܡܺܝܬܰܥܠܶܐ؟ ܡܰܢܝܳܐ ܗܰܢܳܐ ܐܰܒܪܶܗ ܕܢܳܫܳܐ؟“ 35ܘܝܶܫܽܘܥ ܐܡ݄ܪ ܠܰܗ ܠّܶܗ: ”ܗ̄ܽܘ ܢܽܘܗܪܳܐ ܗܳܠ ܐ݄ܫܡܳܐ ܐܰܥܡܰܝܟ̥ܽܘ ܝܳܐ، ܡܗܰܠܶܟ̥ܽܘ ܟܽܘܠ ܕܟ݄ܬܟ̥ܽܘ ܢܽܘܗܪܳܐ، ܕܠ݄ܐ ܐܙّܶܗ ܗ̄ܽܘ ܚܶܫܟܳܐ ܡܳܛܰܠܟ̥ܽܘ، ܘܡܰܢ ܕ݄ܡܗܰܠ݄ܟ̥ ܒܽܗ̄ܘ ܚܶܫܟܳܐ ܠ݄ܐ ܟܳܐܕ̥݄ܥ ܠܰܐܝܟܳܐ ܟ݄ܐܙّܶܗ. 36ܟܽܘܠ ܕܟ݄ܬܟ̥ܽܘ ܢܽܘܗܪܳܐ، ܡܗܰܝܡܶܢܽܘ ܒܽܗ̄ܘ ܢܽܘܗܪܳܐ، ܐܰܒܢ̈ܶܐ ܕܽܗ̄ܘ ܢܽܘܗܪܳܐ ܓܕܳܗ̄ܘܺܝܬܽܘ.“ ܗܰܢܺܝ ܫܓ̥ܺܝܠ ܘܰܐܙّܶܗ ܬܰܠܺܝ ܡ݄ܢّܶܗ.
ܠܳܐ ܗܰܝܡܳܢܽܘܬ̥ܳܐ ܕܰܗ̄ܢ ܢܳܫ̈ܶܐ
37ܘܟܽܘܠّܶܗ ܗ̄ܰܢ ܐܳܬ̥ܘ̈ܳܬ̥ܰܢܺܝ (ܗ̄ܰܬّܶܕ݄ܡܪ̈ܳܬ̥ܰܢܺܝ) ܣܺܝܡܺܝ ܠܶܗ ܩܽܘܕ̱ܡܰܝّܶܗ ܘܠܳܐ ܡܗܰܝܡܰܢّܶܗ ܐܶܒܶܗ، 38ܕܟܳܡ݄ܠ ܗ̄ܽܘ ܡܰܐܡܪܳܐ ܕܐܡ݄ܪ ܠܶܗ ܐܶܫܰܥܝܳܐ ܗ̄ܽܘ ܢܒܺܝܳܐ: ”ܡܳܪܝ، ܡܰܢ ܡܰܫ݄ܪ ܠܶܗ ܗ̄ܽܘ ܡܰܐܡܪܰܝܕ̥ܰܢ؟ ܘܽܗ̄ܘ ܚܰܝܠܳܐ ܕܡܳܪܝܳܐ ܠܡܰܢ ܗܰܘܺܝ ܓܰܠܝܳܐ؟“ 39ܡܰܗ̄ܘܟ̥ܰܐ ܠܳܐ ܩܳܕܪܺܝ ܗ̄ܘܰܘ̱ ܕ݄ܡܗܰܝܡܢܺܝ، ܘܡܺܐܝܕ̥ܶܗ ܕܐܡ݄ܪ ܠܶܗ ܣܬܶܝ ܐܶܫܰܥܝܳܐ: 40”ܡܰܥܘܰܪّܶܗ ܥܰܝܢ̈ܳܬ̥ܰܝّܶܗ ܘܡܰܣܡܰܠّܶܗ ܠܶܒܰܝّܶܗ، ܕܠܳܐ ܚܳܙ݄ܢ ܒܥܰܝܢ̈ܳܬ̥ܰܝّܶܗ ܘܠ݄ܐ ܐܕ̥ܥܺܝ ܒܠܶܒܰܝّܶܗ ܘܕܳܥܪܺܝ، ܘܡܰܢ݄ܚܢܰܢّܶܗ.“ 41ܗܰܢܺܝ ܐܡ݄ܪ ܠܶܗ ܐܶܫܰܥܝܳܐ ܗ̄ܺܝ ܢܰܩܠܐ ܕ݄ܚܙܶܐ ܠܶܗ ܗ̄ܽܘ ܫܽܘܒܚܰܝܕ̥ܶܗ ܘ݄ܫܓ̥ܺܝܠ ܐܰܥܠܶܗ. 42ܘܓ̥ܰܠܰܒܶܐ ܡܰܢ̱ ܪّܺܝܫܳܢ̈ܶܐ ܡܗܰܝܡܰܢّܶܗ ܐܶܒܶܗ، ܐܶܠܳܐ ܠܰܫܰܢ ܗ̄ܰܦܪ̈ܺܝܫܶܐ ܠܳܐ ܡܰܚܘ݄ܢ ܗ̄ܘܰܘ̱ ܗ̄ܺܝ ܗܰܝܡܳܢܽܘܬ̥ܰܬّ̥ܶܗ ܕܠܳܐ ܡ݄ܛܪܳܕܺܝ ܡܺܗ̄ܝ ܟ̥ܢܽܘܫܬܳܐ، 43ܥܰܠ ܕ݄ܪܚ݄ܡّܶܗ ܗ̄ܽܘ ܫܽܘܒܚܳܐ ܕܰܗ̄ܢ ܢܳܫ̈ܶܐ ܙ݄ܕ ܡܽܗ̄ܘ ܫܽܘܒܚܳܐ ܕܰܐܠܳܗܳܐ.
ܗ̄ܽܘ ܕܺܝܢܳܐ ܕܰܗ̄ܢܺܝ ܕܠ݄ܐ ܟ݄ܡܗܰܝܡܢܺܝ
44ܘܡܰܥܠܶܐ ܠܶܗ ܝܶܫܽܘܥ ܩܳܠܶܗ ܘܐܡ݄ܪ ܠܶܗ: ”ܡܰܢ ܕ݄ܡܗܰܝܡ݄ܢ ܐܶܒܺܝ، ܠܳܐ ܐܶܒܺܝ ܟ݄ܡܗܰܝܡ݄ܢ، ܐܶܠܳܐ ܒܡܰܢ ܕ݄ܡܫܰܕܰܪ ܠܶܗ ܠܺܝ. 45ܘܡܰܢ ܕܚܳܙܶܐ ܠܺܝ، ܚܙܶܐ ܠܶܗ ܠܰܗ̄ܘܳܐ ܕ݄ܡܫܰܕܰܪ ܠܶܗ ܠܺܝ. 46ܐܳܢܳܐ ܐܰܬ̥ܺܝ ܐ̱ܢܳܐ ܢܽܘܗܪܳܐ ܠܽܗ̄ܘ ܥܳܠܡܳܐ، ܕܟܽܘܠ ܡܰܢ ܕ݄ܡܗܰܝܡ݄ܢ ܐܶܒܺܝ ܠ݄ܐ ܟܦܳܝ݄ܫ ܒܽܗ̄ܘ ܥܰܡܛܳܢܳܐ. 47ܘܡܰܢ ܕܫܳܡ݄ܥ ܗ̄ܽܘ ܡܰܐܡܪܰܝܕ̥ܺܝ ܘܠܳܐ ܢܳܛܰܪ ܠܶܗ، ܐܳܢܳܐ ܠ݄ܐ ܟܕܳܝܰܢܢܶܗ، ܡܺܐܝܕ̥ܶܗ ܕܠܰܐ ܐܬ̥ܺܝ ܐ̱ܢܳܐ ܕܕܳܝܰܢ ܐ̱ܢܳܐ ܗ̄ܽܘ ܥܳܠܡܳܐ ܐܶܠܳܐ ܕܳܗ̄ܒܶܐ ܐ̱ܢܳܐ ܠܶܗ ܚܰܝ̈ܶܐ. 48ܡܰܢ ܕܛܳܠܰܡ ܠܺܝ ܘܠ݄ܐ ܟܡܰܩܒ݄ܠ ܗ̄ܽܘ ܡܰܐܡܪܰܝܕ̥ܺܝ، ܟܺܝܬ ܡܰܢ ܕܕܳܝܰܢ ܠܶܗ. ܗ̄ܽܘ ܡܰܐܡܪܳܐ ܕܐܡ݄ܪ ܠܺܝ ܗܺܝّܶܗ ܓܕܳܝܰܢ ܠܶܗ ܒܽܗ̄ܘ ܝܰܘܡܳܐ ܚܰܪܳܝܳܐ، 49ܥܰܠ ܕܳܐܢܳܐ، ܡܶܢ̱ ܩ݄ܕ̱ܡ ܪܽܘܚܺܝ، ܠܳܐ ܫܓ̥݄ܠ ܐ̱ܢܳܐ، ܐܶܠܳܐ ܗ̄ܽܘ ܐܰܒܳܐ ܕ݄ܡܫܰܕܰܪ ܠܶܗ ܠܺܝ، ܗܺܝّܶܗ ܗܽܒ̥ ܠܶܗ ܠܺܝ ܦܽܘܩܕܳܢܳܐ ܡ݄ܢ ܕܳܐܡܰܪ ܐ̱ܢܳܐ ܘܡ݄ܢ ܕܡ݄ܫܓ̥ܰܠ ܐ̱ܢܳܐ. 50ܘܟܳܐܕ̥ܰܥ ܐ̱ܢܳܐ ܕܽܗ̄ܘ ܦܽܘܩܕܳܢܰܝܕ̥ܶܗ ܚܰܝ̈ܶܐ ܝܳܐ ܕ݄ܠܥܳܠܰܡ. ܘܗܰܢܺܝ ܕ݄ܟܡ݄ܫܓ̥ܰܠ ܐ̱ܢܳܐ، ܐܟ̥ ܕܐܡ݄ܪ ܠܶܗ ܠܺܝ ܗ̄ܽܘ ܐܰܒܰܝܕ̥ܺܝ، ܗܰܘܟ̥ܰܐ ܟܡ݄ܫܓ̥ܰܠ ܐ̱ܢܳܐ.“
Currently Selected:
ܡܓܰܠܝܘܢ ܕܝܘܚܢܢ 12: ܟܬܒܐ
Highlight
Share
Copy
Want to have your highlights saved across all your devices? Sign up or sign in
Suryoyo Bible © 2024 Aramaic Bible Translation
ܡܓܰܠܝܘܢ ܕܝܘܚܢܢ 12
12
ܝܶܫܽܘܥ ܟܡ݄ܡܫ݄ܚ ܒܽܗ̄ܘ ܡܶܫܚܳܐ ܒܒܶܝܬ̥ ܥܰܢܝܳܐ
1ܘܝܶܫܽܘܥ، ܡܶܩ݄ܕ̱ܡ ܐ݄ܫܬܳܐ ܝܰܘܡ̈ܶܐ ܡܽܗ̄ܘ ܥܶܐܕ̥ܳܐ ܕܽܗ̄ܘ ܦܶܨܚܳܐ، ܐܰܬ̥ܺܝ ܠܒܶܝܬ̥ ܥܰܢܝܳܐ، ܐܰܝܟܳܐ ܕܟ݄ܬ ܗ̄ܘܰܐ ܠܳܥܳܙܰܪ، ܗܰܘܳܐ ܕܝܶܫܽܘܥ ܡܰܩ݄ܡ ܠܶܗ ܡܒܰܝܢ ܗ̄ܰܡّܺܝ̈ܬ̥ܶܐ. 2ܘܬܰܡܳܐ، ܣ݄ܡّܰܗ ܠܶܗ ܚܫܰܡܬܳܐ، ܘܡܳܪܬܳܐ ܡܫܰܡܫܳܐ ܗ̄ܘܰܐ، ܘܠܳܥܳܙܰܪ ܚܰܕ̱ ܡܰܢ̱ ܣܡܺܝܟ̥̈ܶܐ ܗ̄ܘܰܐ ܕܥܰܡ ܝܶܫܽܘܥ. 3ܘܡܰܪܝܰܡ ܡ݄ܕ ܠܰܗ ܫܺܝܫܬܳܐ ܕܒܰܣܡܳܐ ܕܢܰܪܕܺܝܢ ܛܳܒ̥ܳܐ ܘ݄ܒܛܺܝܡܳܐ ܓ̥ܰܠܰܒܶܐ، ܘ݄ܡܫ݄ܚ ܠܰܗ ܪ̈ܰܓ̥ܠܳܬ̥ܶܗ ܕܝܶܫܽܘܥ ܘ݄ܡܟܰܦܪܺܝ ܠܰܗ ܒܣܰܥܪܰܗ. ܘ݄ܡܠܶܐ ܗ̄ܽܘ ܒܰܝܬܳܐ ܪܶܝܚܶܗ ܕܽܗ̄ܘ ܒܰܣܡܳܐ. 4ܘܺܝܗܽܘܕ̥ܳܐ ܣܟ̥ܰܪܝܽܘܛܳܐ، ܚܰܕ̱ ܡܰܢ̱ ܬّܰܠܡܺܝܕ̥̈ܰܝܕ̥ܶܗ، ܗܰܘܳܐ ܕܓ݄ܕܡܰܫܠ݄ܡ ܠܶܗ، ܐܡ݄ܪ ܠܶܗ: 5”ܠܡ݄ܢ ܠܳܐ ܡܙܰܒ݄ܢ ܗ̄ܽܘ ܒܰܣܡܰܢܳܐ ܒ݄ܬܠ݄ܬ̥ܡܳܐܐ ܕܺܝܢܳܪ̈ܶܐ ܘܗܺܝܒ̥ ܠܰܡّܶܣܟܶܢ̈ܶܐ؟“ 6ܘܐܡ݄ܪ ܠܶܗ ܗܰܬ̥ܶܐ ܠܳܐ ܥܰܠ ܕܟ݄ܬ ܗ̄ܘܰܐ ܡܳܪܳܐ ܠܰܡّܶܣܟܶܢ̈ܶܐ، ܐܶܠܳܐ ܥܰܠ ܕܟ݄ܬ ܗ̄ܘܰܐ ܓܰܢܳܒ̥ܳܐ، ܘܽܗ̄ܘ ܟܺܝܣܳܐ ܕܰܙّܽܘܙ̈ܶܐ ܓܰܒܶܗ ܗ̄ܘܰܐ، ܘܽܗ̄ܘ ܡܶܕܶܐ ܕܡܺܝܬܰܚܰܬ ܗ̄ܘܰܐ ܐܶܒܶܗ ܗܺܝّܶܗ ܫܳܩܰܠ ܗ̄ܘܰܐ. 7ܘܝܶܫܽܘܥ ܐܡ݄ܪ ܠܶܗ: ”ܛܪܰܝܽܘ ܠܰܗ! ܠܽܗ̄ܘ ܝܰܘܡܳܐ ܕܺܗ̄ܝ ܩܒ̥ܽܘܪܬܰܝܕ̥ܺܝ ܢܛ݄ܪ ܠܰܗ. 8ܥܰܠ ܕ݄ܒܟܽܘܠ ܙܰܒܢܳܐ ܡܶܣܟܶܢ̈ܶܐ ܟܺܝܬ ܐܰܥܡܰܝܟ̥ܽܘ، ܐܶܠܳܐ ܐܳܢܳܐ ܠܳܐ ܒܟܽܘܠ ܙܰܒܢܳܐ ܐܰܥܡܰܝܟ̥ܽܘ ܐ̱ܢܳܐ.“
ܗ̄ܰܝّܽܘܕ̥̈ܳܝܶܐ ܟ݄ܐܒܥܺܝ ܩ݄ܛܠܺܝ ܠܳܥܳܙܰܪ
9ܘܓ̥ܰܠܰܒܶܐ ܢܳܫ̈ܶܐ ܡܰܢ̱ ܝّܽܘܕ̥̈ܳܝܶܐ ܗ̄ܺܝ ܢܰܩܠܐ ܕܫܰܡܺܝܥܺܝ ܕܝܶܫܽܘܥ ܬܰܡܳܐ ܝܳܐ، ܐܰܬ̥݄ܢ ܠܬܰܡܳܐ ܠܳܐ ܠܰܫܰܢ ܝܶܫܽܘܥ ܒܶܠܚܽܘܕ̥ܶܗ ܐܶܠܳܐ ܕܚܳܙ݄ܢ ܠܳܥܳܙܰܪ ܣܬܶܝ ܗܰܘܳܐ ܕܡܰܩ݄ܡ ܠܶܗ ܡܒܰܝܢ ܗ̄ܰܡّܺܝ̈ܬ̥ܶܐ. 10ܘܰܪّܰܒ̈ܶܐ ܕܰܟّܳܗ̈ܢܶܐ ܐܰܬ̥݄ܢ ܠ݄ܚܕ̥ܳܕ̥̈ܶܐ ܕܩܳܛܠܺܝ ܠܠܳܥܳܙܰܪ ܣܬܶܝ. 11ܡܺܐܝܕ̥ܶܗ ܕܓ̥ܰܠܰܒܶܐ ܡܰܢ̱ ܝّܽܘܕ̥̈ܳܝܶܐ ܠܰܫܰܢܶܗ ܐ݄ܙّ݄ܢ ܗ̄ܘܰܘ̱، ܘ݄ܡܗܰܝܡܢܺܝ ܗ̄ܘܰܘ̱ ܒܝܶܫܽܘܥ.
ܗ̄ܺܝ ܥܒܰܪܬܳܐ ܕܠܽܐܘܪܶܫܠܶܡ ܒܙܽܘܝܳܚܳܐ ܪܰܒܳܐ
ܡܬܝ 21:1‐11؛ ܡܪܩܘܣ 11:1‐11؛ ܠܘܩܐ 19:28‐40
12ܘܠܽܗ̄ܘ ܝܰܘܡܳܐ ܚܪܶܢܳܐ، ܢܳܫ̈ܶܐ ܓ̥ܰܠܰܒܶܐ ܕܰܐܬ̥݄ܢ ܗ̄ܘܰܘ̱ ܠܽܗ̄ܘ ܥܶܐܕ̥ܳܐ، ܗ̄ܺܝ ܢܰܩܠܐ ܕܫܰܡܺܝܥܺܝ ܕܰܐܬ̥ܺܝ ܝܶܫܽܘܥ ܠܽܐܘܪܶܫܠܶܡ، 13ܡ݄ܕّܶܗ ܣܰܘܟ̈ܶܐ ܕܰܕّܶܩ̈ܠܶܐ ܘܢܰܦܺܝܩܺܝ ܩܰܕ̱ܡܽܘܬ̥ܶܗ، ܘܡܰܙܥܩܺܝ ܗ̄ܘܰܘ̱ ܘ݄ܐܡّܺܪ̱ܝ ܗ̄ܘܰܘ̱: ”ܐܽܘܫܰܥܢܳܐ! ܒܪܺܝܟ̥ܳܐ ܝܳܐ ܕܟܳܐܬ̥ܶܐ ܒ݄ܐܫܡܶܗ ܕܡܳܪܝܳܐ، ܗ̄ܽܘ ܡܰܠܟܳܐ ܕܺܐܝܣܪܳܐܶܝܠ.“ 14ܘܝܶܫܽܘܥ ܚܙܶܐ ܠܶܗ ܚܡܳܪܳܐ ܘܝܰܬܽܒ̥ ܐܰܥܠܶܗ، ܐܟ̥ ܕ݄ܟܬ̥ܺܝܒ̥: 15”ܠܳܐ ܙܰܝܥܰܬ ܝܰܐ ܒܰܪܬ̥ܳܐ ܕܨܶܗܝܽܘܢ، ܟܰܐܠܶܗ ܗ̄ܽܘ ܡܰܠܟܰܝܕ̥ܰܟ̥ ܟܳܐܬ̥ܶܐ ܠܰܟ̥، ܘܪܰܒ̥ܺܝܟ̥ܳܐ ܥܰܠ ܥܺܝܠܳܐ ܐܰܒܪܶܗ ܕ݄ܚܡܰܪܬܳܐ.“ 16ܘܠܰܗ̄ܢܺܝ ܠܰܐ ܐܕ̥ܺܝܥܺܝ ܗ̄ܰܬّܰܠܡܺܝܕ̥̈ܰܝܕ̥ܶܗ ܒܽܗ̄ܘ ܙܰܒܢܰܘܳܐ، ܐܶܠܳܐ ܗ̄ܺܝ ܢܰܩܠܐ ܕ݄ܡܫܰܒܰܚ ܝܶܫܽܘܥ، ܐܰܬ̥ܺܝ ܠܒܳܠܰܝّܶܗ ܕܰܐܥܠܶܗ ܟ݄ܬܢܶܝ ܟܬ̥ܺܝܒ̥̈ܶܐ، ܘܗܰܢܺܝ ܣ݄ܡّܰܗ ܠܶܗ. 17ܘܰܗ̄ܢ ܢܳܫ̈ܶܐ ܕܟ݄ܬ ܗ̄ܘܰܝܢܶܝ ܐܰܥܡܶܗ ܣܗ݄ܕّܶܗ ܕܝܶܫܽܘܥ ܩܪܶܐ ܠܶܗ ܠܳܥܳܙܰܪ ܡܽܗ̄ܘ ܩܰܒ̥ܪܳܐ ܘܡܰܩ݄ܡ ܠܶܗ ܡܒܰܝܢ ܗ̄ܰܡّܺܝ̈ܬ̥ܶܐ. 18ܘܠܰܫܰܢ ܗܰܬ̥ܶܐ ܢܰܦܺܝܩܺܝ ܠܩܰܕ̱ܡܽܘܬ̥ܶܗ ܓ̥ܰܠܰܒܶܐ ܢܳܫ̈ܶܐ ܕܫܰܡܺܝܥܺܝ ܕܣ݄ܡ ܠܶܗ ܗ̄ܺܝ ܐܳܬ̥ܰܬ̥ܶܐ. 19ܘܰܦܪ̈ܺܝܫܶܐ ܐ݄ܡّܺܪ̱ܝ ܗ̄ܘܰܘ̱ ܠ݄ܚܕ̥ܳܕ̥̈ܶܐ: ”ܟܚܳܙܺܝܬܽܘ ܕܠ݄ܐ ܟܡܺܝܗܰܢܺܝܬܽܘ ܡܶܕܶܐ، ܟܰܐܠܶܗ ܗ̄ܽܘ ܥܳܠܡܳܐ ܟܽܘܠܶܗ ܐܰܙّܶܗ ܒ݄ܬ̥ܪܶܗ.“
ܗ݄ܢ ܡܰܢ̱ ܥّܰܡ̈ܶܐ ܟ݄ܐܒܥܺܝ ܕܚܳܙ݄ܢ ܝܶܫܽܘܥ
20ܘܟ݄ܬ ܗ̄ܘܰܐ ܣܬܶܝ ܢܳܫ̈ܶܐ ܡܰܢ̱ ܥّܰܡ̈ܶܐ ܕܣܰܠܺܝܩܺܝ ܠܺܗ̄ܝ ܨܠܽܘܬ̥ܳܐ ܕܽܗ̄ܘ ܥܶܐܕ̥ܳܐ. 21ܗܰܢܺܝ ܐܰܬ̥݄ܢ ܠܰܐܦ ܦܺܝܠܺܝܦܳܘܣ ܕܟ݄ܬ ܝܳܐ ܡܶܢ̱ ܒܶܝܬ̥ ܨܰܝܳܕ̥ܳܐ ܕ݄ܓܠܺܝܠܳܐ، ܘ݄ܡܫܰܐܰܠّܶܗ ܘܐܡ݄ܪّܰܗ ܠܶܗ: ”ܡܳܪܝ، ܟ݄ܐܒܥܺܝܢܰܐ ܕܚܳܙܺܝܢܰܐ ܝܶܫܽܘܥ.“ 22ܘܰܐܬ̥ܺܝ ܦܺܝܠܺܝܦܳܘܣ ܘܐܡ݄ܪ ܠܶܗ ܠܰܐܢܕܪܶܐܘܳܣ، ܘܰܐܢܕܪܶܐܘܳܣ ܘܦܺܝܠܺܝܦܳܘܣ ܐܡ݄ܪّܶܗ ܠܝܶܫܽܘܥ.
23ܘܝܶܫܽܘܥ ܡܰܕܥܰܪ ܠܶܗ ܘܐܡ݄ܪ ܠܰܗ ܠّܶܗ: ”ܐܰܬ̥ܝܳܐ ܗ̄ܺܝ ܫܳܥܬ̥ܳܐ ܕܡܺܝܫܰܒ݄ܚ ܐܰܒܪܶܗ ܕܢܳܫܳܐ. 24ܫܪܳܪܳܐ ܫܪܳܪܳܐ ܟܳܐܡܰܪ ܐ̱ܢܳܐ ܠܟ̥ܽܘ: ܗ̄ܺܝ ܦܪܶܕܳܐ ܕܺܗ̄ܝ ܚܶܛܳܐ ܕܠܳܐ ܢ݄ܦܠܳܐ ܘܡܰܝܬ̥ܳܐ ܒܺܗ̄ܝ ܐܰܪܥܳܐ، ܟܦܰܝܫܳܐ ܠܪܽܘܚܰܗ، ܐܶܠܳܐ ܐܶܢ ܕܡܳܝܬ̥ܳܐ ܦܺܐܪ̈ܶܐ ܓ̥ܰܠܰܒܶܐ ܟܡܰܡܛܝܳܐ. 25ܡܰܢ ܕܪܳܚ݄ܡ ܢܰܦܫܶܗ ܟ݄ܡܣܰܟܰܪ ܠܰܗ؛ ܘܡܰܢ ܕ݄ܡܥܰܢ݄ܬ ܡܶܢ̱ ܢܰܦܫܶܗ ܒܽܗ̄ܘ ܥܳܠܡܰܢܳܐ ܟܢܳܛܰܪ ܠܰܗ ܠܚܰܝ̈ܶܐ ܕ݄ܠܥܳܠܰܡ. 26ܐܶܢ ܢܳܫܳܐ ܕ݄ܡܫܰܡܰܫ ܠܺܝ ܛܪܳܐ ܐܳܬ̥ܶܐ ܒ݄ܬ̥ܪܺܝ. ܘܰܐܝܟܳܐ ܕܟ݄ܬ ܐ̱ܢܳܐ ܐܳܢܳܐ ܬܰܡܳܐ ܓܕܳܗ̄ܘܶܐ ܗ̄ܽܘ ܡܫܰܡܫܳܢܰܝܕ̥ܺܝ. ܘܡܰܢ ܕ݄ܡܫܰܡܰܫ ܠܺܝ، ܓ݄ܡܝܰܩܰܪ ܠܶܗ ܗ̄ܽܘ ܐܰܒܳܐ. 27ܐܳܥܕܳܐ، ܢܰܦܫܺܝ ܟܰܐܠܰܗ ܫܓ̥ܺܝܫܬܳܐ (ܘܡܰܥ݄ܩܬܳܐ) ܝܳܐ. ܘܡ݄ܢ ܕܳܐܡܰܪ ܐ̱ܢܳܐ؟ ’ܝܰܐ ܗ̄ܽܘ ܐܰܒܰܝܕ̥ܺܝ، ܦܪܰܩ ܠܺܝ ܡܺܗ̄ܝ ܫܳܥܬ̥ܰܬ̥ܶܐ!‘ ܐܶܠܳܐ ܠܰܫܰܢ ܗܰܢܳܐ ܐܰܬ̥ܺܝ ܐ̱ܢܳܐ ܠܺܗ̄ܝ ܫܳܥܬ̥ܰܬ̥ܶܐ. 28ܐܰܒܳܐ، ܡܫܰܒ݄ܚ ܐ݄ܫܡܳܟ̥.“ ܘܩܳܠܳܐ ܐܰܬ̥ܺܝ ܡܺܗ̄ܝ ܫܡܰܝܳܐ ܟܳܐܡ݄ܪ: ”ܡܫܰܒܰܚ ܠܺܝ ܘܗܶܫ ܟ݄ܡܫܰܒܰܚ ܐ̱ܢܳܐ.“
ܝܶܫܽܘܥ ܟܡܰܘܕ̥݄ܥ ܥܰܠ ܗ̄ܽܘ ܡܰܘܬܰܝܕ̥ܶܗ
29ܘܫܰܡܺܝܥܺܝ ܗ̄ܰܢ ܢܳܫ̈ܶܐ ܕܟ݄ܬ ܗ̄ܘܰܝܢܶܝ ܬܰܡܳܐ، ܗ݄ܢ ܡ݄ܢّܶܗ ܐܡ݄ܪّܶܗ: ”ܪܰܥܕܳܐ ܗ̄ܘܰܐ.“ ܘܗ݄ܢ ܐܡ݄ܪّܶܗ: ”ܡܰܠܰܐܟ̥ܳܐ ܫܓ̥ܺܝܠ ܐܰܥܡܶܗ.“ 30ܝܶܫܽܘܥ ܡܰܕܥܰܪ ܠܶܗ ܘܐܡ݄ܪ ܠܰܗ ܠّܶܗ: ”ܠܳܐ ܠܰܫܰܢܺܝ ܗܰܘܺܝ ܗ̄ܽܘ ܩܳܠܰܢܳܐ ܐܶܠܳܐ ܠܰܫܰܢܰܝܟ̥ܽܘ. 31ܐܳܥܕܳܐ ܝܳܐ ܗ̄ܽܘ ܕܺܝܢܳܐ ܕܽܗ̄ܘ ܥܳܠܡܰܢܳܐ. ܐܳܥܕܳܐ ܗ̄ܽܘ ܪܺܝܫܳܐ ܕܽܗ̄ܘ ܥܳܠܡܰܢܳܐ ܟܡܺܝܚܰܠ݄ܩ ܠܰܪܒ̥ܰܠ. 32ܘܳܐܢܳܐ، ܗ̄ܺܝ ܢܰܩܠܐ ܕܡܺܝܬܰܥܠܶܐ ܐ̱ܢܳܐ ܡܺܗ̄ܝ ܐܰܪܥܳܐ، ܓܓܳܪܰܫ ܐ̱ܢܳܐ ܟܽܘܠ ܚܰܕ̱ ܠܓܰܒܺܝ.“ 33ܘܗܰܬ̥ܶܐ ܐܡܺܝܪܳܐ ܠܶܗ ܕܡܰܚܘܶܐ ܒܰܐܝܢܰܐ ܡܰܘܬܳܐ ܓܡܳܝ݄ܬ̥. 34ܘܰܗ̄ܢ ܢܳܫ̈ܶܐ ܐܡ݄ܪّܰܗ ܠܶܗ: ”ܐܰܚܢܰܐ ܫܰܡܺܝܥܺܝܢܰܐ ܡܽܗ̄ܘ ܢܳܡܽܘܣܳܐ، ܕ݄ܡܫܺܝܚܳܐ ܟܦܳܝ݄ܫ ܠܥܳܠܰܡ، ܐܰܝܕܰܪܒܳܐ ܟ݄ܐܡّܰܪ̱ܬ: ܐܰܒܪܶܗ ܕܢܳܫܳܐ ܓܡܺܝܬܰܥܠܶܐ؟ ܡܰܢܝܳܐ ܗܰܢܳܐ ܐܰܒܪܶܗ ܕܢܳܫܳܐ؟“ 35ܘܝܶܫܽܘܥ ܐܡ݄ܪ ܠܰܗ ܠّܶܗ: ”ܗ̄ܽܘ ܢܽܘܗܪܳܐ ܗܳܠ ܐ݄ܫܡܳܐ ܐܰܥܡܰܝܟ̥ܽܘ ܝܳܐ، ܡܗܰܠܶܟ̥ܽܘ ܟܽܘܠ ܕܟ݄ܬܟ̥ܽܘ ܢܽܘܗܪܳܐ، ܕܠ݄ܐ ܐܙّܶܗ ܗ̄ܽܘ ܚܶܫܟܳܐ ܡܳܛܰܠܟ̥ܽܘ، ܘܡܰܢ ܕ݄ܡܗܰܠ݄ܟ̥ ܒܽܗ̄ܘ ܚܶܫܟܳܐ ܠ݄ܐ ܟܳܐܕ̥݄ܥ ܠܰܐܝܟܳܐ ܟ݄ܐܙّܶܗ. 36ܟܽܘܠ ܕܟ݄ܬܟ̥ܽܘ ܢܽܘܗܪܳܐ، ܡܗܰܝܡܶܢܽܘ ܒܽܗ̄ܘ ܢܽܘܗܪܳܐ، ܐܰܒܢ̈ܶܐ ܕܽܗ̄ܘ ܢܽܘܗܪܳܐ ܓܕܳܗ̄ܘܺܝܬܽܘ.“ ܗܰܢܺܝ ܫܓ̥ܺܝܠ ܘܰܐܙّܶܗ ܬܰܠܺܝ ܡ݄ܢّܶܗ.
ܠܳܐ ܗܰܝܡܳܢܽܘܬ̥ܳܐ ܕܰܗ̄ܢ ܢܳܫ̈ܶܐ
37ܘܟܽܘܠّܶܗ ܗ̄ܰܢ ܐܳܬ̥ܘ̈ܳܬ̥ܰܢܺܝ (ܗ̄ܰܬّܶܕ݄ܡܪ̈ܳܬ̥ܰܢܺܝ) ܣܺܝܡܺܝ ܠܶܗ ܩܽܘܕ̱ܡܰܝّܶܗ ܘܠܳܐ ܡܗܰܝܡܰܢّܶܗ ܐܶܒܶܗ، 38ܕܟܳܡ݄ܠ ܗ̄ܽܘ ܡܰܐܡܪܳܐ ܕܐܡ݄ܪ ܠܶܗ ܐܶܫܰܥܝܳܐ ܗ̄ܽܘ ܢܒܺܝܳܐ: ”ܡܳܪܝ، ܡܰܢ ܡܰܫ݄ܪ ܠܶܗ ܗ̄ܽܘ ܡܰܐܡܪܰܝܕ̥ܰܢ؟ ܘܽܗ̄ܘ ܚܰܝܠܳܐ ܕܡܳܪܝܳܐ ܠܡܰܢ ܗܰܘܺܝ ܓܰܠܝܳܐ؟“ 39ܡܰܗ̄ܘܟ̥ܰܐ ܠܳܐ ܩܳܕܪܺܝ ܗ̄ܘܰܘ̱ ܕ݄ܡܗܰܝܡܢܺܝ، ܘܡܺܐܝܕ̥ܶܗ ܕܐܡ݄ܪ ܠܶܗ ܣܬܶܝ ܐܶܫܰܥܝܳܐ: 40”ܡܰܥܘܰܪّܶܗ ܥܰܝܢ̈ܳܬ̥ܰܝّܶܗ ܘܡܰܣܡܰܠّܶܗ ܠܶܒܰܝّܶܗ، ܕܠܳܐ ܚܳܙ݄ܢ ܒܥܰܝܢ̈ܳܬ̥ܰܝّܶܗ ܘܠ݄ܐ ܐܕ̥ܥܺܝ ܒܠܶܒܰܝّܶܗ ܘܕܳܥܪܺܝ، ܘܡܰܢ݄ܚܢܰܢّܶܗ.“ 41ܗܰܢܺܝ ܐܡ݄ܪ ܠܶܗ ܐܶܫܰܥܝܳܐ ܗ̄ܺܝ ܢܰܩܠܐ ܕ݄ܚܙܶܐ ܠܶܗ ܗ̄ܽܘ ܫܽܘܒܚܰܝܕ̥ܶܗ ܘ݄ܫܓ̥ܺܝܠ ܐܰܥܠܶܗ. 42ܘܓ̥ܰܠܰܒܶܐ ܡܰܢ̱ ܪّܺܝܫܳܢ̈ܶܐ ܡܗܰܝܡܰܢّܶܗ ܐܶܒܶܗ، ܐܶܠܳܐ ܠܰܫܰܢ ܗ̄ܰܦܪ̈ܺܝܫܶܐ ܠܳܐ ܡܰܚܘ݄ܢ ܗ̄ܘܰܘ̱ ܗ̄ܺܝ ܗܰܝܡܳܢܽܘܬ̥ܰܬّ̥ܶܗ ܕܠܳܐ ܡ݄ܛܪܳܕܺܝ ܡܺܗ̄ܝ ܟ̥ܢܽܘܫܬܳܐ، 43ܥܰܠ ܕ݄ܪܚ݄ܡّܶܗ ܗ̄ܽܘ ܫܽܘܒܚܳܐ ܕܰܗ̄ܢ ܢܳܫ̈ܶܐ ܙ݄ܕ ܡܽܗ̄ܘ ܫܽܘܒܚܳܐ ܕܰܐܠܳܗܳܐ.
ܗ̄ܽܘ ܕܺܝܢܳܐ ܕܰܗ̄ܢܺܝ ܕܠ݄ܐ ܟ݄ܡܗܰܝܡܢܺܝ
44ܘܡܰܥܠܶܐ ܠܶܗ ܝܶܫܽܘܥ ܩܳܠܶܗ ܘܐܡ݄ܪ ܠܶܗ: ”ܡܰܢ ܕ݄ܡܗܰܝܡ݄ܢ ܐܶܒܺܝ، ܠܳܐ ܐܶܒܺܝ ܟ݄ܡܗܰܝܡ݄ܢ، ܐܶܠܳܐ ܒܡܰܢ ܕ݄ܡܫܰܕܰܪ ܠܶܗ ܠܺܝ. 45ܘܡܰܢ ܕܚܳܙܶܐ ܠܺܝ، ܚܙܶܐ ܠܶܗ ܠܰܗ̄ܘܳܐ ܕ݄ܡܫܰܕܰܪ ܠܶܗ ܠܺܝ. 46ܐܳܢܳܐ ܐܰܬ̥ܺܝ ܐ̱ܢܳܐ ܢܽܘܗܪܳܐ ܠܽܗ̄ܘ ܥܳܠܡܳܐ، ܕܟܽܘܠ ܡܰܢ ܕ݄ܡܗܰܝܡ݄ܢ ܐܶܒܺܝ ܠ݄ܐ ܟܦܳܝ݄ܫ ܒܽܗ̄ܘ ܥܰܡܛܳܢܳܐ. 47ܘܡܰܢ ܕܫܳܡ݄ܥ ܗ̄ܽܘ ܡܰܐܡܪܰܝܕ̥ܺܝ ܘܠܳܐ ܢܳܛܰܪ ܠܶܗ، ܐܳܢܳܐ ܠ݄ܐ ܟܕܳܝܰܢܢܶܗ، ܡܺܐܝܕ̥ܶܗ ܕܠܰܐ ܐܬ̥ܺܝ ܐ̱ܢܳܐ ܕܕܳܝܰܢ ܐ̱ܢܳܐ ܗ̄ܽܘ ܥܳܠܡܳܐ ܐܶܠܳܐ ܕܳܗ̄ܒܶܐ ܐ̱ܢܳܐ ܠܶܗ ܚܰܝ̈ܶܐ. 48ܡܰܢ ܕܛܳܠܰܡ ܠܺܝ ܘܠ݄ܐ ܟܡܰܩܒ݄ܠ ܗ̄ܽܘ ܡܰܐܡܪܰܝܕ̥ܺܝ، ܟܺܝܬ ܡܰܢ ܕܕܳܝܰܢ ܠܶܗ. ܗ̄ܽܘ ܡܰܐܡܪܳܐ ܕܐܡ݄ܪ ܠܺܝ ܗܺܝّܶܗ ܓܕܳܝܰܢ ܠܶܗ ܒܽܗ̄ܘ ܝܰܘܡܳܐ ܚܰܪܳܝܳܐ، 49ܥܰܠ ܕܳܐܢܳܐ، ܡܶܢ̱ ܩ݄ܕ̱ܡ ܪܽܘܚܺܝ، ܠܳܐ ܫܓ̥݄ܠ ܐ̱ܢܳܐ، ܐܶܠܳܐ ܗ̄ܽܘ ܐܰܒܳܐ ܕ݄ܡܫܰܕܰܪ ܠܶܗ ܠܺܝ، ܗܺܝّܶܗ ܗܽܒ̥ ܠܶܗ ܠܺܝ ܦܽܘܩܕܳܢܳܐ ܡ݄ܢ ܕܳܐܡܰܪ ܐ̱ܢܳܐ ܘܡ݄ܢ ܕܡ݄ܫܓ̥ܰܠ ܐ̱ܢܳܐ. 50ܘܟܳܐܕ̥ܰܥ ܐ̱ܢܳܐ ܕܽܗ̄ܘ ܦܽܘܩܕܳܢܰܝܕ̥ܶܗ ܚܰܝ̈ܶܐ ܝܳܐ ܕ݄ܠܥܳܠܰܡ. ܘܗܰܢܺܝ ܕ݄ܟܡ݄ܫܓ̥ܰܠ ܐ̱ܢܳܐ، ܐܟ̥ ܕܐܡ݄ܪ ܠܶܗ ܠܺܝ ܗ̄ܽܘ ܐܰܒܰܝܕ̥ܺܝ، ܗܰܘܟ̥ܰܐ ܟܡ݄ܫܓ̥ܰܠ ܐ̱ܢܳܐ.“
Currently Selected:
:
Highlight
Share
Copy
Want to have your highlights saved across all your devices? Sign up or sign in
Suryoyo Bible © 2024 Aramaic Bible Translation