ܣܶܦܪܳܐ ܕ݄ܒܪܺܝܬ̥ܳܐ 6
6
1ܘܗܰܘܺܝ ܕܺܗ̄ܝ ܢܰܩܠܐ ܕ݄ܡܫܰܪܰܠّܶܗ ܗ̄ܰܢ ܢܳܫ̈ܶܐ ܕܙܰܝܕܺܝ ܥܰܠ ܦܳܬ̥ܰܗ ܕܺܗ̄ܝ ܐܰܪܥܳܐ، ܘܗܰܘ݄ܠّܶܗ ܒܢ̈ܳܬ̥ܳܐ، 2ܚܙܰܠّܶܗ ܗ̄ܰܢ ܐܰܒܢ̈ܶܐ ܕܰܐܠܽܘܗܺܝܡ ܠܰܒܢ̈ܳܬ̥ܳܐ ܕܰܗ̄ܢ ܢܳܫ̈ܶܐ ܕܫܰܦܺܝܪ̈ܶܐ ܢܶܝ. ܘܡܺܝܕ݄ܢّܶܗ ܐܰܠّܶܗ ܢܶܫ̈ܶܐ ܡܶܢ̱ ܟܘ̇ܠ ܕ݄ܡܢܰܩܰܠّܶܗ. 3ܘܐܡ݄ܪ ܠܶܗ ܡܳܪܝܳܐ: ”ܠ݄ܐ ܓܥܳܡܪܳܐ ܪܽܘܚܺܝ ܒܢܳܫܳܐ ܠܥܳܠܰܡ، ܥܰܠ ܕܢܳܫܳܐ ܝܳܐ. ܘ݄ܓܕܳܗ̄ܘ݄ܢ ܗ̄ܰܝّܰܘܡ̈ܰܝܕ̥ܶܗ ܡܳܐܐ ܘܥ݄ܣܪܺܝ ܐ݄ܫܢ̈ܶܐ.“ 4ܘܓܰܒܳܪ̈ܶܐ ܗܰܘ݄ܢ ܒܺܗ̄ܝ ܐܰܪܥܳܐ ܒܰܝّܰܘܡ̈ܰܢ݄ܟ ܘܡܶܢ̱ ܒ݄ܬ̥݄ܪ ܣܬܶܝ، ܡܺܐܝܕ̥ܶܗ ܕܓܰܒ̥ܺܝܪܺܝ ܗ̄ܰܢ ܐܰܒܢ̈ܶܐ ܕܰܐܠܽܘܗܺܝܡ ܥܰܡ ܗ̄ܰܒܢ̈ܳܬ̥ܳܐ ܕܰܗ̄ܢ ܢܳܫ̈ܶܐ، ܘܡܰܘܠܰܕّܰܢّܶܗ ܓܰܒܳܪ̈ܶܐ، ܕܡܶܢ̱ ܥܳܠܰܡ ܓܰܒܳܪ̈ܶܐ ܝܺܕ̥ܺܝܥ̈ܶܐ.
5ܘ݄ܚܙܶܐ ܠܶܗ ܡܳܪܝܳܐ ܕܙܰܝܺܝܕܳܐ ܗ̄ܺܝ ܒܺܝܫܬܳܐ ܕܽܗ̄ܘ ܢܳܫܳܐ ܒܺܗ̄ܝ ܐܰܪܥܳܐ. ܘܟܘ̇ܠ ܡܰܚܫܰܒܬ̥ܳܐ ܕܠܶܒܶܗ ܒܺܝܫܬܳܐ ܝܳܐ ܒܟܘ̇ܠ ܝܰܘܡܳܐ. 6ܘܟܰܪܝܳܐ ܠܶܗ ܡܳܪܝܳܐ ܥܰܠ ܕܣ݄ܡ ܠܶܗ ܐܳܕ̥ܳܡ ܒܺܗ̄ܝ ܐܰܪܥܳܐ، ܘ݄ܬܒ̥ܺܝܪ ܠܶܒܶܗ. 7ܘܐܡ݄ܪ ܠܶܗ ܡܳܪܝܳܐ: ”ܓܠܳܚܶܐ ܐ̱ܢܳܐ ܠܰܗ̄ܢ ܢܳܫ̈ܶܐ ܕ݄ܒܪܶܐ ܠܺܝ ܡܶܢ̱ ܦܳܬ̥ܰܗ ܕܺܗ̄ܝ ܐܰܪܥܳܐ، ܡܰܗ̄ܢ ܢܳܫ̈ܶܐ ܘܗ݄ܠ ܠܽܗ̄ܘ ܒܥܺܝܪܳܐ، ܘܗ݄ܠ ܠܽܗ̄ܘ ܪܰܚܫܳܐ، ܘܗ݄ܠ ܠܽܗ̄ܘ ܛܰܝܪܳܐ ܕܺܗ̄ܝ ܫܡܰܝܳܐ، ܥܰܠ ܕܟܰܪܝܳܐ ܠܺܝ ܕܣܺܝܡܺܝ ܠܺܝ.“ 8ܘܢܽܘܚ ܚܙܶܐ ܠܶܗ ܪ̈ܰܚܡܶܐ ܒܥܰܝܢ̈ܶܐ ܕܡܳܪܝܳܐ.
9ܘܗܰܢܺܝ ܢܶܝ ܗ̄ܰܢ ܗ̄ܰܝܠܺܝܕ̥̈ܶܐ (ܗ̄ܽܘ ܙܰܪܥܳܐ) ܕܢܽܘܚ. ܘܢܽܘܚ ܓܰܒ̥ܪܳܐ ܙܰܕܺܝܩܳܐ ܘܬܰܡܺܝܡܳܐ ܗ̄ܘܰܐ ܒܰܕّܳܪ̈ܰܝܕ̥ܶܗ. ܘܫܰܦ݄ܪ ܢܽܘܚ ܠܰܐܠܳܗܳܐ. 10ܘܢܽܘܚ ܡܰܘܠܰܕ ܠܶܗ ܬܠܳܬ̥ܳܐ ܐܰܒܢ̈ܶܐ: ܫܶܝܡ ܘܚܳܡ ܘܝܰܦܶܬ̥. 11ܘܚܰܪܺܝܒ̥ܳܐ ܗ̄ܺܝ ܐܰܪܥܳܐ ܩ݄ܕ̱ܡ ܐܰܠܳܗܳܐ ܘܡܰܠܝܳܐ ܒܺܝܫܬܳܐ. 12ܘ݄ܚܙܶܐ ܠܶܗ ܐܰܠܳܗܳܐ ܠܺܗ̄ܝ ܐܰܪܥܳܐ ܕܚܰܪܺܝܒ̥ܳܐ، ܥܰܠ ܕܟܘ̇ܠ ܢܳܫܳܐ ܡܰܚܪܰܒ̥ ܠܶܗ ܗ̄ܽܘ ܕܰܪܒܰܝܕ̥ܶܗ ܥܰܠ ܗ̄ܺܝ ܐܰܪܥܳܐ.
13ܘܐܡ݄ܪ ܠܶܗ ܐܰܠܳܗܳܐ ܠܢܽܘܚ: ”ܗ̄ܽܘ ܩܶܨܳܐ (ܗ̄ܺܝ ܚܰܪܰܝܬܳܐ) ܕܟܘ̇ܠ ܢܳܫܳܐ ܥܰܒ݄ܪ ܠܩܽܘܕ̱ܡܺܝ، ܥܰܠ ܕܡܰܠܝܳܐ ܗ̄ܺܝ ܐܰܪܥܳܐ ܒܺܝܫܬܳܐ ܡ݄ܢّܶܗ. ܟܰܐܠܶܗ ܓܡܰܚܪܰܒ̥ܢܰܢّܶܗ ܥܰܡ ܗ̄ܺܝ ܐܰܪܥܳܐ. 14ܣܘ̇ܡ ܠܳܟ̥ ܩܺܝܒܽܘܬ̥ܳܐ ܡܽܗ̄ܘ ܩܰܝܣܳܐ ܕܥܰܪܩܳܐ. ܡܶܕ̥ܝܳܪ̈ܶܐ ܣܽܘܡܰܗ ܠܺܗ̄ܝ ܩܺܝܒܽܘܬ̥ܳܐ. ܘܫܽܘܥܰܗ ܡܶܢ̱ ܠܰܪܒ̥ܰܠ ܘܡܶܢ̱ ܠܰܘܓ̥݄ܠ ܒܽܗ̄ܘ ܩܺܝܪܳܐ. 15ܘܗܰܘܟ̥ܰܐ ܣܽܘܡܰܗ: ܬܠ݄ܬ̥ܡܳܐܐ ܕܪ̈ܳܥܶܐ ܗ̄ܽܘ ܝܽܘܪܟ̥ܳܐ ܕܺܗ̄ܝ ܩܺܝܒܽܘܬ̥ܳܐ، ܘܚܰܡܫܺܝ ܕܪ̈ܳܥܶܐ ܗ̄ܽܘ ܦܶܬ̥ܘܰܝܕ̥ܰܗ، ܘ݄ܬܠܶܬ̥ܺܝ ܕܪ̈ܳܥܶܐ ܗ̄ܽܘ ܥ݄ܠܝܰܝܕ̥ܰܗ. 16ܘܟܰܘ̈ܶܐ ܣܘ̇ܡ ܠܺܗ̄ܝ ܩܺܝܒܽܘܬ̥ܳܐ، ܘܥܰܠ ܚܰܕ̱ ܕܪܳܥܳܐ ܡܶܢ̱ ܠܰܠܥ݄ܠ ܩܛܰܪܰܗ. ܘܽܗ̄ܘ ܬܰܪܥܳܐ ܕܺܗ̄ܝ ܩܺܝܒܽܘܬ̥ܳܐ ܒܽܗ̄ܘ ܓܰܒܰܝܕ̥ܰܗ ܣܽܘܡܶܗ. ܘܡܶܕ̥ܝܳܪ̈ܶܐ: ܬܰܚܬܳܝܳܐ ܘܕܰܬܪܶܝ ܘܕܰܬܠܳܬ̥ܳܐ ܣܽܘܡܰܗ. 17ܘܟܰܐܠܶܗ ܐܳܢܳܐ ܟܡܰܝܬܶܐ ܐ̱ܢܳܐ ܛܰܘܦܳܢܳܐ ܕܡܰܝ̈ܶܐ ܥܰܠ ܗ̄ܺܝ ܐܰܪܥܳܐ، ܕܡܰܚܪܰܒ̥ ܐ̱ܢܳܐ ܟܘ̇ܠ ܢܳܫܳܐ ܕܟܺܝܒܶܗ ܪܽܘܚܳܐ ܕܰܚّܰܝ̈ܶܐ ܡܶܢ̱ ܬܰܚܬ ܗ̄ܺܝ ܫܡܰܝܳܐ، ܘܟܘ̇ܠ ܕܟ݄ܬ ܝܳܐ ܒܺܗ̄ܝ ܐܰܪܥܳܐ ܓܣܳܝ݄ܦ. 18ܘ݄ܓܡܰܩ݄ܡ ܐ̱ܢܳܐ ܗ̄ܽܘ ܩܝܳܡܰܝܕ̥ܺܝ ܐܰܥܡܳܟ̥. ܘ݄ܓܥܳܒܪܰܬ ܠܺܗ̄ܝ ܩܺܝܒܽܘܬ̥ܳܐ ܗܰܬ ܘܰܗ̄ܢ ܐܰܒܢ̈ܰܝܕ̥ܳܟ̥ ܘܺܗ̄ܝ ܐܰܢ̱ܬ̥ܬܰܝܕ̥ܳܟ̥ ܘܰܗ̄ܢ ܢܶܫ̈ܶܐ ܕܰܗ̄ܢ ܐܰܒܢ̈ܰܝܕ̥ܳܟ̥ ܐܰܥܡܳܟ̥. 19ܘܡܶܢ̱ ܟܘ̇ܠ ܚܰܝܳܐ، ܡܶܢ̱ ܟܘ̇ܠ ܦܰܓ̥ܪܳܐ، ܬܪܶܝ ܬܪܶܝ ܡܰܥܒ݄ܪ ܐܰܥܡܳܟ̥ ܠܺܗ̄ܝ ܩܺܝܒܽܘܬ̥ܳܐ ܠܰܫܰܢ ܕܦܰܝܫܺܝ ܒܰܚّܰܝ̈ܶܐ ܐܰܥܡܳܟ̥، ܕܶܟܪ̈ܶܐ ܘܢܶܩܒ̈ܳܬ̥ܳܐ ܗܳܘ݄ܢ. 20ܡܽܗ̄ܘ ܓܶܢܣܳܐ ܕܽܗ̄ܘ ܛܰܝܪܳܐ، ܘܡܽܗ̄ܘ ܓܶܢܣܳܐ ܕܽܗ̄ܘ ܒܥܺܝܪܳܐ، ܘܡܶܢ̱ ܟܽܘܠܶܗ ܗ̄ܽܘ ܓܶܢܣܳܐ ܕܽܗ̄ܘ ܪܰܚܫܳܐ ܕܺܗ̄ܝ ܐܰܪܥܳܐ، ܬܪܶܝ ܬܪܶܝ ܛܪܳܐ ܥܳܒܪܺܝ ܐܰܥܡܳܟ̥ ܠܰܫܰܢ ܕܦܰܝܫܺܝ ܒܰܚّܰܝ̈ܶܐ. 21ܘܗܰܬ ܡܘ̇ܕ ܠܳܟ̥ ܡܶܢ̱ ܟܘ̇ܠ ܡܽܐܘܟܠܳܐ ܕܟܳܡ݄ܬܐܟ̥݄ܠ ܘܡܰܚ݄ܬ ܓܰܒܳܟ̥. ܘܗܳܘܶܐ ܐܶܠܳܟ̥ ܘܰܐܠّܶܗ ܠܽܗ̄ܘ ܡܽܐܘܟܠܳܐ.“ 22ܘܣ݄ܡ ܠܶܗ ܢܽܘܚ ܟܘ̇ܠ ܡܶܕܶܐ ܐܟ̥ ܕܽܗ̄ܘ ܦܽܘܩܕܳܢܳܐ ܕܰܐܠܳܗܳܐ، ܗܰܘܟ̥ܰܐ ܣ݄ܡ ܠܶܗ.
Currently Selected:
ܣܶܦܪܳܐ ܕ݄ܒܪܺܝܬ̥ܳܐ 6: ܟܬܒܐ
Highlight
Share
Copy
Want to have your highlights saved across all your devices? Sign up or sign in
Suryoyo Bible © 2024 Aramaic Bible Translation
ܣܶܦܪܳܐ ܕ݄ܒܪܺܝܬ̥ܳܐ 6
6
1ܘܗܰܘܺܝ ܕܺܗ̄ܝ ܢܰܩܠܐ ܕ݄ܡܫܰܪܰܠّܶܗ ܗ̄ܰܢ ܢܳܫ̈ܶܐ ܕܙܰܝܕܺܝ ܥܰܠ ܦܳܬ̥ܰܗ ܕܺܗ̄ܝ ܐܰܪܥܳܐ، ܘܗܰܘ݄ܠّܶܗ ܒܢ̈ܳܬ̥ܳܐ، 2ܚܙܰܠّܶܗ ܗ̄ܰܢ ܐܰܒܢ̈ܶܐ ܕܰܐܠܽܘܗܺܝܡ ܠܰܒܢ̈ܳܬ̥ܳܐ ܕܰܗ̄ܢ ܢܳܫ̈ܶܐ ܕܫܰܦܺܝܪ̈ܶܐ ܢܶܝ. ܘܡܺܝܕ݄ܢّܶܗ ܐܰܠّܶܗ ܢܶܫ̈ܶܐ ܡܶܢ̱ ܟܘ̇ܠ ܕ݄ܡܢܰܩܰܠّܶܗ. 3ܘܐܡ݄ܪ ܠܶܗ ܡܳܪܝܳܐ: ”ܠ݄ܐ ܓܥܳܡܪܳܐ ܪܽܘܚܺܝ ܒܢܳܫܳܐ ܠܥܳܠܰܡ، ܥܰܠ ܕܢܳܫܳܐ ܝܳܐ. ܘ݄ܓܕܳܗ̄ܘ݄ܢ ܗ̄ܰܝّܰܘܡ̈ܰܝܕ̥ܶܗ ܡܳܐܐ ܘܥ݄ܣܪܺܝ ܐ݄ܫܢ̈ܶܐ.“ 4ܘܓܰܒܳܪ̈ܶܐ ܗܰܘ݄ܢ ܒܺܗ̄ܝ ܐܰܪܥܳܐ ܒܰܝّܰܘܡ̈ܰܢ݄ܟ ܘܡܶܢ̱ ܒ݄ܬ̥݄ܪ ܣܬܶܝ، ܡܺܐܝܕ̥ܶܗ ܕܓܰܒ̥ܺܝܪܺܝ ܗ̄ܰܢ ܐܰܒܢ̈ܶܐ ܕܰܐܠܽܘܗܺܝܡ ܥܰܡ ܗ̄ܰܒܢ̈ܳܬ̥ܳܐ ܕܰܗ̄ܢ ܢܳܫ̈ܶܐ، ܘܡܰܘܠܰܕّܰܢّܶܗ ܓܰܒܳܪ̈ܶܐ، ܕܡܶܢ̱ ܥܳܠܰܡ ܓܰܒܳܪ̈ܶܐ ܝܺܕ̥ܺܝܥ̈ܶܐ.
5ܘ݄ܚܙܶܐ ܠܶܗ ܡܳܪܝܳܐ ܕܙܰܝܺܝܕܳܐ ܗ̄ܺܝ ܒܺܝܫܬܳܐ ܕܽܗ̄ܘ ܢܳܫܳܐ ܒܺܗ̄ܝ ܐܰܪܥܳܐ. ܘܟܘ̇ܠ ܡܰܚܫܰܒܬ̥ܳܐ ܕܠܶܒܶܗ ܒܺܝܫܬܳܐ ܝܳܐ ܒܟܘ̇ܠ ܝܰܘܡܳܐ. 6ܘܟܰܪܝܳܐ ܠܶܗ ܡܳܪܝܳܐ ܥܰܠ ܕܣ݄ܡ ܠܶܗ ܐܳܕ̥ܳܡ ܒܺܗ̄ܝ ܐܰܪܥܳܐ، ܘ݄ܬܒ̥ܺܝܪ ܠܶܒܶܗ. 7ܘܐܡ݄ܪ ܠܶܗ ܡܳܪܝܳܐ: ”ܓܠܳܚܶܐ ܐ̱ܢܳܐ ܠܰܗ̄ܢ ܢܳܫ̈ܶܐ ܕ݄ܒܪܶܐ ܠܺܝ ܡܶܢ̱ ܦܳܬ̥ܰܗ ܕܺܗ̄ܝ ܐܰܪܥܳܐ، ܡܰܗ̄ܢ ܢܳܫ̈ܶܐ ܘܗ݄ܠ ܠܽܗ̄ܘ ܒܥܺܝܪܳܐ، ܘܗ݄ܠ ܠܽܗ̄ܘ ܪܰܚܫܳܐ، ܘܗ݄ܠ ܠܽܗ̄ܘ ܛܰܝܪܳܐ ܕܺܗ̄ܝ ܫܡܰܝܳܐ، ܥܰܠ ܕܟܰܪܝܳܐ ܠܺܝ ܕܣܺܝܡܺܝ ܠܺܝ.“ 8ܘܢܽܘܚ ܚܙܶܐ ܠܶܗ ܪ̈ܰܚܡܶܐ ܒܥܰܝܢ̈ܶܐ ܕܡܳܪܝܳܐ.
9ܘܗܰܢܺܝ ܢܶܝ ܗ̄ܰܢ ܗ̄ܰܝܠܺܝܕ̥̈ܶܐ (ܗ̄ܽܘ ܙܰܪܥܳܐ) ܕܢܽܘܚ. ܘܢܽܘܚ ܓܰܒ̥ܪܳܐ ܙܰܕܺܝܩܳܐ ܘܬܰܡܺܝܡܳܐ ܗ̄ܘܰܐ ܒܰܕّܳܪ̈ܰܝܕ̥ܶܗ. ܘܫܰܦ݄ܪ ܢܽܘܚ ܠܰܐܠܳܗܳܐ. 10ܘܢܽܘܚ ܡܰܘܠܰܕ ܠܶܗ ܬܠܳܬ̥ܳܐ ܐܰܒܢ̈ܶܐ: ܫܶܝܡ ܘܚܳܡ ܘܝܰܦܶܬ̥. 11ܘܚܰܪܺܝܒ̥ܳܐ ܗ̄ܺܝ ܐܰܪܥܳܐ ܩ݄ܕ̱ܡ ܐܰܠܳܗܳܐ ܘܡܰܠܝܳܐ ܒܺܝܫܬܳܐ. 12ܘ݄ܚܙܶܐ ܠܶܗ ܐܰܠܳܗܳܐ ܠܺܗ̄ܝ ܐܰܪܥܳܐ ܕܚܰܪܺܝܒ̥ܳܐ، ܥܰܠ ܕܟܘ̇ܠ ܢܳܫܳܐ ܡܰܚܪܰܒ̥ ܠܶܗ ܗ̄ܽܘ ܕܰܪܒܰܝܕ̥ܶܗ ܥܰܠ ܗ̄ܺܝ ܐܰܪܥܳܐ.
13ܘܐܡ݄ܪ ܠܶܗ ܐܰܠܳܗܳܐ ܠܢܽܘܚ: ”ܗ̄ܽܘ ܩܶܨܳܐ (ܗ̄ܺܝ ܚܰܪܰܝܬܳܐ) ܕܟܘ̇ܠ ܢܳܫܳܐ ܥܰܒ݄ܪ ܠܩܽܘܕ̱ܡܺܝ، ܥܰܠ ܕܡܰܠܝܳܐ ܗ̄ܺܝ ܐܰܪܥܳܐ ܒܺܝܫܬܳܐ ܡ݄ܢّܶܗ. ܟܰܐܠܶܗ ܓܡܰܚܪܰܒ̥ܢܰܢّܶܗ ܥܰܡ ܗ̄ܺܝ ܐܰܪܥܳܐ. 14ܣܘ̇ܡ ܠܳܟ̥ ܩܺܝܒܽܘܬ̥ܳܐ ܡܽܗ̄ܘ ܩܰܝܣܳܐ ܕܥܰܪܩܳܐ. ܡܶܕ̥ܝܳܪ̈ܶܐ ܣܽܘܡܰܗ ܠܺܗ̄ܝ ܩܺܝܒܽܘܬ̥ܳܐ. ܘܫܽܘܥܰܗ ܡܶܢ̱ ܠܰܪܒ̥ܰܠ ܘܡܶܢ̱ ܠܰܘܓ̥݄ܠ ܒܽܗ̄ܘ ܩܺܝܪܳܐ. 15ܘܗܰܘܟ̥ܰܐ ܣܽܘܡܰܗ: ܬܠ݄ܬ̥ܡܳܐܐ ܕܪ̈ܳܥܶܐ ܗ̄ܽܘ ܝܽܘܪܟ̥ܳܐ ܕܺܗ̄ܝ ܩܺܝܒܽܘܬ̥ܳܐ، ܘܚܰܡܫܺܝ ܕܪ̈ܳܥܶܐ ܗ̄ܽܘ ܦܶܬ̥ܘܰܝܕ̥ܰܗ، ܘ݄ܬܠܶܬ̥ܺܝ ܕܪ̈ܳܥܶܐ ܗ̄ܽܘ ܥ݄ܠܝܰܝܕ̥ܰܗ. 16ܘܟܰܘ̈ܶܐ ܣܘ̇ܡ ܠܺܗ̄ܝ ܩܺܝܒܽܘܬ̥ܳܐ، ܘܥܰܠ ܚܰܕ̱ ܕܪܳܥܳܐ ܡܶܢ̱ ܠܰܠܥ݄ܠ ܩܛܰܪܰܗ. ܘܽܗ̄ܘ ܬܰܪܥܳܐ ܕܺܗ̄ܝ ܩܺܝܒܽܘܬ̥ܳܐ ܒܽܗ̄ܘ ܓܰܒܰܝܕ̥ܰܗ ܣܽܘܡܶܗ. ܘܡܶܕ̥ܝܳܪ̈ܶܐ: ܬܰܚܬܳܝܳܐ ܘܕܰܬܪܶܝ ܘܕܰܬܠܳܬ̥ܳܐ ܣܽܘܡܰܗ. 17ܘܟܰܐܠܶܗ ܐܳܢܳܐ ܟܡܰܝܬܶܐ ܐ̱ܢܳܐ ܛܰܘܦܳܢܳܐ ܕܡܰܝ̈ܶܐ ܥܰܠ ܗ̄ܺܝ ܐܰܪܥܳܐ، ܕܡܰܚܪܰܒ̥ ܐ̱ܢܳܐ ܟܘ̇ܠ ܢܳܫܳܐ ܕܟܺܝܒܶܗ ܪܽܘܚܳܐ ܕܰܚّܰܝ̈ܶܐ ܡܶܢ̱ ܬܰܚܬ ܗ̄ܺܝ ܫܡܰܝܳܐ، ܘܟܘ̇ܠ ܕܟ݄ܬ ܝܳܐ ܒܺܗ̄ܝ ܐܰܪܥܳܐ ܓܣܳܝ݄ܦ. 18ܘ݄ܓܡܰܩ݄ܡ ܐ̱ܢܳܐ ܗ̄ܽܘ ܩܝܳܡܰܝܕ̥ܺܝ ܐܰܥܡܳܟ̥. ܘ݄ܓܥܳܒܪܰܬ ܠܺܗ̄ܝ ܩܺܝܒܽܘܬ̥ܳܐ ܗܰܬ ܘܰܗ̄ܢ ܐܰܒܢ̈ܰܝܕ̥ܳܟ̥ ܘܺܗ̄ܝ ܐܰܢ̱ܬ̥ܬܰܝܕ̥ܳܟ̥ ܘܰܗ̄ܢ ܢܶܫ̈ܶܐ ܕܰܗ̄ܢ ܐܰܒܢ̈ܰܝܕ̥ܳܟ̥ ܐܰܥܡܳܟ̥. 19ܘܡܶܢ̱ ܟܘ̇ܠ ܚܰܝܳܐ، ܡܶܢ̱ ܟܘ̇ܠ ܦܰܓ̥ܪܳܐ، ܬܪܶܝ ܬܪܶܝ ܡܰܥܒ݄ܪ ܐܰܥܡܳܟ̥ ܠܺܗ̄ܝ ܩܺܝܒܽܘܬ̥ܳܐ ܠܰܫܰܢ ܕܦܰܝܫܺܝ ܒܰܚّܰܝ̈ܶܐ ܐܰܥܡܳܟ̥، ܕܶܟܪ̈ܶܐ ܘܢܶܩܒ̈ܳܬ̥ܳܐ ܗܳܘ݄ܢ. 20ܡܽܗ̄ܘ ܓܶܢܣܳܐ ܕܽܗ̄ܘ ܛܰܝܪܳܐ، ܘܡܽܗ̄ܘ ܓܶܢܣܳܐ ܕܽܗ̄ܘ ܒܥܺܝܪܳܐ، ܘܡܶܢ̱ ܟܽܘܠܶܗ ܗ̄ܽܘ ܓܶܢܣܳܐ ܕܽܗ̄ܘ ܪܰܚܫܳܐ ܕܺܗ̄ܝ ܐܰܪܥܳܐ، ܬܪܶܝ ܬܪܶܝ ܛܪܳܐ ܥܳܒܪܺܝ ܐܰܥܡܳܟ̥ ܠܰܫܰܢ ܕܦܰܝܫܺܝ ܒܰܚّܰܝ̈ܶܐ. 21ܘܗܰܬ ܡܘ̇ܕ ܠܳܟ̥ ܡܶܢ̱ ܟܘ̇ܠ ܡܽܐܘܟܠܳܐ ܕܟܳܡ݄ܬܐܟ̥݄ܠ ܘܡܰܚ݄ܬ ܓܰܒܳܟ̥. ܘܗܳܘܶܐ ܐܶܠܳܟ̥ ܘܰܐܠّܶܗ ܠܽܗ̄ܘ ܡܽܐܘܟܠܳܐ.“ 22ܘܣ݄ܡ ܠܶܗ ܢܽܘܚ ܟܘ̇ܠ ܡܶܕܶܐ ܐܟ̥ ܕܽܗ̄ܘ ܦܽܘܩܕܳܢܳܐ ܕܰܐܠܳܗܳܐ، ܗܰܘܟ̥ܰܐ ܣ݄ܡ ܠܶܗ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Suryoyo Bible © 2024 Aramaic Bible Translation