ܣܶܦܪܳܐ ܕ݄ܒܪܺܝܬ̥ܳܐ 5
5
1ܗܰܢܳܐ ܝܳܐ ܗ̄ܽܘ ܟܬ̥ܳܒ̥ܳܐ ܕܰܝܠܺܝܕ̈ܶܐ (ܗ̄ܽܘ ܙܰܪܥܳܐ) ܕܳܐܕ̥ܳܡ. ܒܽܗ̄ܘ ܝܰܘܡܳܐ ܕ݄ܒܪܶܐ ܠܶܗ ܐܰܠܳܗܳܐ ܠܳܐܕ̥ܳܡ ܒܺܗ̄ܝ ܨܽܘܪܬܳܐ ܕܰܐܠܳܗܳܐ ܒܪܶܐ ܠܶܗ. 2ܓܰܒ̥ܪܳܐ ܘܰܐܢ̱ܬ̥ܬܳܐ ܒܪܰܠّܶܗ. ܘ݄ܡܒܰܪܟ̥ܺܝ ܠܶܗ ܐܰܠܳܗܳܐ. ܘ݄ܩܪܶܐ ܠܶܗ ܐ݄ܫܡܰܝّܶܗ ܐܳܕܳܡ ܒܽܗ̄ܘ ܝܰܘܡܳܐ ܕ݄ܒܪܰܠّܶܗ. 3ܘܚܰܝܺܝ ܐܳܕ̥ܳܡ ܡܳܐܐ ܘ݄ܬܠܶܬ̥ܺܝ ܐ݄ܫܢ̈ܶܐ، ܘܡܰܘܠܰܕ ܠܶܗ ܐܰܒܪܳܐ ܒܽܗ̄ܘ ܕܽܘܡܝܰܝܕ̥ܶܗ ܐܟ̥ ܕܺܗ̄ܝ ܨܽܘܪܬܰܝܕ̥ܶܗ، ܘ݄ܩܪܶܐ ܠܶܗ ܐ݄ܫܡܶܗ ܫܺܝܬ̥. 4ܘܚܰܝܺܝ ܐܳܕ̥ܳܡ، ܒ݄ܬ̥݄ܪ ܡܶܢ̱ ܕܡܰܘܠܰܕ ܠܶܗ ܫܺܝܬ̥، ܬܡܳܢܶܡܳܐܐ ܐ݄ܫܢ̈ܶܐ. ܘܡܰܘܠܰܕ ܠܶܗ ܐܰܒܢ̈ܶܐ ܘ݄ܒܢ̈ܳܬ̥ܳܐ. 5ܘܗܰܘ݄ܢ ܟܽܘܠّܶܗ ܗ̄ܰܝّܰܘܡ̈ܶܐ ܕܰܚّܰܝ̈ܶܐ ܕܳܐܕ̥ܳܡ ܕܚܰܝܺܝ ܬܫܰܥܡܳܐܐ ܘ݄ܬܠܶܬ̥ܺܝ ܐ݄ܫܢ̈ܶܐ، ܘܡܰܝ݄ܬ̥.
6ܘܚܰܝܺܝ ܫܺܝܬ̥ ܡܳܐܐ ܘܚܰܡّ݄ܫ ܐ݄ܫܢ̈ܶܐ، ܘܡܰܘܠܰܕ ܠܶܗ ܠܰܐܢܽܘܫ. 7ܘܚܰܝܺܝ ܫܺܝܬ̥، ܒ݄ܬ̥݄ܪ ܡܶܢ̱ ܕܡܰܘܠܰܕ ܠܶܗ ܐܰܢܽܘܫ، ܬܡܳܢܶܡܳܐܐ ܘ݄ܫܒ̥ܰܥ ܐ݄ܫܢ̈ܶܐ. ܘܡܰܘܠܰܕ ܠܶܗ ܐܰܒܢ̈ܶܐ ܘ݄ܒܢ̈ܳܬ̥ܳܐ. 8ܘܗܰܘ݄ܢ ܟܽܘܠّܶܗ ܗ̄ܰܝّܰܘܡ̈ܶܐ ܕܫܺܝܬ̥ ܬܫܰܥܡܳܐܐ ܘ݄ܬܪܰܥܣܰܪ ܐ݄ܫܢ̈ܶܐ، ܘܡܰܝ݄ܬ̥. 9ܘܚܰܝܺܝ ܐܰܢܽܘܫ ܬ݄ܫܥܺܝ ܐ݄ܫܢ̈ܶܐ، ܘܡܰܘܠܰܕ ܠܶܗ ܩܰܝܢܳܢ. 10ܘܚܰܝܺܝ ܐܰܢܽܘܫ، ܡܶܢ̱ ܒ݄ܬ̥ܪܶܗ ܕܡܰܘܠܰܕ ܠܶܗ ܩܰܝܢܳܢ، ܬܡܳܢܶܡܳܐܐ ܘܚܰܡܫܰܥܣܰܪ ܐ݄ܫܢ̈ܶܐ. ܘܡܰܘܠܰܕ ܠܶܗ ܐܰܒܢ̈ܶܐ ܘ݄ܒܢ̈ܳܬ̥ܳܐ. 11ܘܗܰܘ݄ܢ ܟܽܘܠّܶܗ ܗ̄ܰܝّܰܘܡ̈ܶܐ ܕܰܐܢܽܘܫ ܬܫܰܥܡܳܐܐ ܘܚܰܡّ݄ܫ ܐ݄ܫܢ̈ܶܐ، ܘܡܰܝ݄ܬ̥.
12ܘܚܰܝܺܝ ܩܰܝܢܳܢ ܫܰܒ̥ܥܺܝ ܐ݄ܫܢ̈ܶܐ، ܘܡܰܘܠܰܕ ܠܶܗ ܡܰܗܠܳܠܳܐܶܝܠ. 13ܘܚܰܝܺܝ ܩܰܝܢܳܢ، ܡܶܢ̱ ܒ݄ܬ̥݄ܪ ܕܡܰܘܠܰܕ ܠܶܗ ܡܰܗܠܳܠܳܐܶܝܠ، ܬܡܳܢܶܡܳܐܐ ܘܰܐܪܒܥܺܝ ܐ݄ܫܢ̈ܶܐ. ܘܡܰܘܠܰܕ ܠܶܗ ܐܰܒܢ̈ܶܐ ܘ݄ܒܢ̈ܳܬ̥ܳܐ. 14ܘܗܰܘ݄ܢ ܟܽܘܠّܶܗ ܗ̄ܰܝّܰܘܡ̈ܶܐ ܕܩܰܝܢܳܢ ܬܫܰܥܡܳܐܐ ܘ݄ܥܣܰܪ ܐ݄ܫܢ̈ܶܐ، ܘܡܰܝ݄ܬ̥.
15ܘܚܰܝܺܝ ܡܰܗܠܳܠܳܐܶܝܠ ܚܰܡّ݄ܫ ܘ݄ܐܫܬܺܝ ܐ݄ܫܢ̈ܶܐ، ܘܡܰܘܠܰܕ ܠܶܗ ܝܰܪܕ. 16ܘܚܰܝܺܝ ܡܰܗܠܳܠܳܐܶܝܠ، ܡܶܢ̱ ܒ݄ܬ̥ܪܶܗ ܕܡܰܘܠܰܕ ܠܶܗ ܝܰܪܕ ܬܡܳܢܶܡܳܐܐ ܘ݄ܬܠܶܬ̥ܺܝ ܐ݄ܫܢ̈ܶܐ. ܘܡܰܘܠܰܕ ܠܶܗ ܐܰܒܢ̈ܶܐ ܘ݄ܒܢ̈ܳܬ̥ܳܐ. 17ܘܗܰܘ݄ܢ ܟܽܘܠّܶܗ ܗ̄ܰܝّܰܘܡ̈ܶܐ ܕܡܰܗܠܳܠܳܐܶܝܠ ܬܡܳܢܶܡܳܐܐ ܘܚܰܡّ݄ܫ ܘܬ݄ܫܥܺܝ ܐ݄ܫܢ̈ܶܐ، ܘܡܰܝ݄ܬ̥.
18ܘܚܰܝܺܝ ܝܰܪܕ ܡܳܐܐ ܘܬܰܪܬܶܝ ܘ݄ܐܫܬܺܝ ܐ݄ܫܢ̈ܶܐ ܘܡܰܘܠܰܕ ܠܶܗ ܠ݄ܚܢܽܘܟ̥. 19ܘܚܰܝܺܝ ܝܰܪܕ، ܡܶܢ̱ ܒ݄ܬ̥ܪܶܗ ܕܡܰܘܠܰܕ ܠܶܗ ܠ݄ܚܢܽܘܟ̥، ܬܡܳܢܶܡܳܐܐ ܐ݄ܫܢ̈ܶܐ. ܘܡܰܘܠܰܕ ܠܶܗ ܐܰܒܢ̈ܶܐ ܘ݄ܒܢ̈ܳܬ̥ܳܐ. 20ܘܗܰܘ݄ܢ ܟܽܘܠّܶܗ ܗ̄ܰܝّܰܘܡ̈ܶܐ ܕܝܰܪܕ ܬܫܰܥܡܳܐܐ ܘܬܰܪܬܶܝ ܘ݄ܐܫܬܺܝ ܐ݄ܫܢ̈ܶܐ، ܘܡܰܝ݄ܬ̥.
21ܘܚܰܝܺܝ ܚܢܽܘܟ̥ ܚܰܡّ݄ܫ ܘ݄ܐܫܬܺܝ ܐ݄ܫܢ̈ܶܐ، ܘܡܰܘܠܰܕ ܠܶܗ ܡܰܬܽܘܫܠܰܚ. 22ܘܫܰܦ݄ܪ ܚܢܽܘܟ̥ ܠܰܐܠܳܗܳܐ ܡܶܢ̱ ܒ݄ܬ̥݄ܪ ܕܡܰܘܠܰܕ ܠܶܗ ܠܡܰܬܽܘܫܠܰܚ ܬܠ݄ܬ̥ܡܳܐܐ ܐ݄ܫܢ̈ܶܐ. ܘܡܰܘܠܰܕ ܠܶܗ ܐܰܒܢ̈ܶܐ ܘ݄ܒܢ̈ܳܬ̥ܳܐ. 23ܘܗܰܘ݄ܢ ܟܽܘܠّܶܗ ܗ̄ܰܝّܰܘܡ̈ܶܐ ܕ݄ܚܢܽܘܟ̥ ܬܠ݄ܬ̥ܡܳܐܐ ܘܚܰܡّ݄ܫ ܘ݄ܐܫܬܺܝ ܐ݄ܫܢ̈ܶܐ. 24ܘܫܰܦ݄ܪ ܚܢܽܘܟ̥ ܠܰܐܠܳܗܳܐ ܘܠܳܐ ܡܰܚܘܶܐ ܠܶܗ (ܘܠܰܝܬܳܐ)، ܡܺܐܝܕ̥ܶܗ ܕܰܐܠܳܗܳܐ ܡ݄ܕ ܠܶܗ.
25ܘܚܰܝܺܝ ܡܰܬܽܘܫܠܰܚ ܡܳܐܐ ܘ݄ܫܒ̥ܰܥ ܘ݄ܬܡܳܢܺܝ ܐ݄ܫܢ̈ܶܐ، ܘܡܰܘܠܰܕ ܠܶܗ ܠܠܰܡܶܟ. 26ܘܚܰܝܺܝ ܡܰܬܽܘܫܠܰܚ، ܡܶܢ̱ ܒ݄ܬ̥݄ܪ ܕܡܰܘܠܰܕ ܠܶܗ ܠܠܰܡܶܟ، ܫܒ̥ܰܥܡܳܐܐ ܘܬܰܪܬܶܝ ܘ݄ܬܡܳܢܺܝ ܐ݄ܫܢ̈ܶܐ. ܘܡܰܘܠܰܕ ܠܶܗ ܐܰܒܢ̈ܶܐ ܘ݄ܒܢ̈ܳܬ̥ܳܐ. 27ܘܗܰܘ݄ܢ ܟܽܘܠّܶܗ ܗ̄ܰܝّܰܘܡ̈ܶܐ ܕܡܰܬܽܘܫܠܰܚ ܬܫܰܥܡܳܐܐ ܘ݄ܬܫܰܥ ܘ݄ܐܫܬܺܝ ܐ݄ܫܢ̈ܶܐ، ܘܡܰܝ݄ܬ̥.
28ܘܚܰܝܺܝ ܠܰܡܶܟ ܡܳܐܐ ܘܬܰܪܬܶܝ ܘ݄ܬܡܳܢܺܝ ܐ݄ܫܢ̈ܶܐ ܘܡܰܘܠܰܕ ܠܶܗ ܐܰܒܪܳܐ. 29ܘ݄ܩܪܶܐ ܠܶܗ ܐ݄ܫܡܶܗ ܢܽܘܚ. ܘܐܡ݄ܪ ܠܶܗ: ”ܗܰܢܳܐ ܓܡܰܬ̥ܢܰܚ ܠܰܢ ܡܰܢ̱ ܥܒܳܕ̈ܰܝܕ̥ܰܢ ܘܡܽܗ̄ܘ ܥܰܡܠܳܐ ܕܺܐܝܕ̥̈ܳܬ̥ܰܢ، ܘܡܺܗ̄ܝ ܐܰܪܥܳܐ ܕܠܺܝܛܳܐ ܠܶܗ ܡܳܪܝܳܐ.“ 30ܘܚܰܝܺܝ ܠܰܡܶܟ، ܡܶܢ̱ ܒ݄ܬ̥݄ܪ ܕܡܰܘܠܰܕ ܠܶܗ ܢܽܘܚ، ܚܰܡّ݄ܫܡܳܐܐ ܘܚܰܡّ݄ܫ ܘܬ݄ܫܥܺܝ ܐ݄ܫܢ̈ܶܐ. ܘܡܰܘܠܰܕ ܠܶܗ ܐܰܒܢ̈ܶܐ ܘ݄ܒܢ̈ܳܬ̥ܳܐ. 31ܘܗܰܘ݄ܢ ܟܽܘܠّܶܗ ܗ̄ܰܝّܰܘܡ̈ܶܐ ܕܠܰܡܶܟ ܫܒ̥ܰܥܡܳܐܐ ܘ݄ܫܒ̥ܰܥ ܘܫܰܒ̥ܥܺܝ ܐ݄ܫܢ̈ܶܐ ܘܡܰܝ݄ܬ̥. 32ܘܗܰܘܺܝ ܢܽܘܚ ܐܰܒܪܶܗ ܕܚܰܡّ݄ܫܡܳܐܐ ܐ݄ܫܢ̈ܶܐ، ܘܢܽܘܚ ܡܰܘܠܰܕ ܠܶܗ ܫܶܝܡ ܘܚܳܡ ܘܝܰܦܶܬ̥.
Currently Selected:
ܣܶܦܪܳܐ ܕ݄ܒܪܺܝܬ̥ܳܐ 5: ܟܬܒܐ
Highlight
Share
Copy
Want to have your highlights saved across all your devices? Sign up or sign in
Suryoyo Bible © 2024 Aramaic Bible Translation
