ܣܶܦܪܳܐ ܕ݄ܒܪܺܝܬ̥ܳܐ 47
47
1ܘܰܐܬ̥ܺܝ ܝܰܘܣܶܦ ܘܡܰܘܕ̥ܰܥ ܠܶܗ ܠܦܶܪܥܽܘܢ ܘܐܡ݄ܪ ܠܶܗ: ”ܒܰܒܺܝ ܘܰܐܚ̈ܽܘܢܳܢܺܝ ܘܰܥܘܳܢ̈ܰܬّ̥ܶܗ ܘܰܬّܰܘܪ̈ܰܬّ̥ܶܗ ܘܟܘ̇ܠ ܕܟ݄ܬّܶܗ ܐܰܬ̥݄ܢ ܡܺܗ̄ܝ ܐܰܪܥܳܐ ܕ݄ܟܢܰܥܢ. ܘܟܰܐܠ݄ܢ ܢܰܚܺܝܬܺܝ ܒܺܗ̄ܝ ܐܰܪܥܳܐ ܕܓܶܫܳܢ.“ 2ܘܡܰܗ̄ܢ ܐܰܚ̈ܽܘܢܳܢܰܝܕ̥ܶܗ ܡܰܘܒܶܠ ܠܶܗ ܚܰܡܫܳܐ ܓܰܒ̥ܪ̈ܶܐ ܘܡܰܩܺܝܡܺܝ ܠܶܗ ܩ݄ܕ̱ܡ ܦܶܪܥܽܘܢ. 3ܘܐܡ݄ܪ ܠܶܗ ܦܶܪܥܽܘܢ ܠܰܗ̄ܢ ܐܰܚ̈ܽܘܢܳܢܶܐ ܕܝܰܘܣܶܦ: ”ܡ݄ܢܝܳܐ ܗ̄ܽܘ ܥܒ̥ܳܕܰܬ̥ܟ̥ܽܘ؟“ ܘܐܡ݄ܪّܶܗ ܠܦܶܪܥܽܘܢ: ”ܪ̈ܳܥܝܶܐ ܕܰܥܘܳܢ̈ܶܐ ܢܶܝ ܗ̄ܰܓܪ̈ܶܝܥܰܝܕ̥ܳܟ̥، ܐܰܚܢܰܐ ܘܰܒّܰܒܳܢ̈ܰܝܕ̥ܰܢ، ܡܶܢ̱ ܢܰܥܡܽܘܬ̥ܰܢ.“ 4ܘܐܡ݄ܪّܶܗ ܠܦܶܪܥܽܘܢ: ”ܐܰܬ̥ܺܝܢܰܐ ܕܥܳܡܪܺܝܢܰܐ ܐܟ̥ ܕܢܽܘܟ̥ܪ̈ܳܝܶܐ ܒܺܗ̄ܝ ܐܰܪܥܳܐ، ܡܺܐܝܕ̥ܶܗ ܕܠܰܝܬ ܪܰܥܝܳܐ ܠܰܥܘܳܢ̈ܶܐ ܕܰܓܪ̈ܶܝܥܰܝܕ̥ܳܟ̥، ܥܰܠ ܕܗܰܘܺܝ ܟܰܦܢܳܐ ܪܰܒܳܐ ܒܺܗ̄ܝ ܐܰܪܥܳܐ ܕ݄ܟܢܰܥܢ. ܘܳܐܥܕܳܐ ܛܪܳܐ ܝܳܬܒ̥ܺܝ ܗ̄ܰܓܪ̈ܶܝܥܰܝܕ̥ܳܟ̥ ܒܺܗ̄ܝ ܐܰܪܥܳܐ ܕܓܶܫܳܢ.“
5ܘܐܡ݄ܪ ܠܶܗ ܦܶܪܥܽܘܢ ܠܝܰܘܣܶܦ: ”ܒܰܒܳܟ̥ ܘܰܐܚ̈ܽܘܢܳܢܳܟ̥ ܐܰܬ̥݄ܢ ܠܓܰܒܳܟ̥. 6ܗ̄ܺܝ ܐܰܪܥܳܐ ܕܡܶܨܪܶܝܢ ܩܽܘܕ̱ܡܳܟ̥ ܝܳܐ. ܒܫܰܦ݄ܪ ܐܰܪܥܳܐ ܡܰܘܬܽܒ̥ ܠܒܰܒܳܟ̥ ܘܠܰܐܚ̈ܽܘܢܳܢܳܟ̥. ܛܪܳܐ ܝܳܬܒ̥ܺܝ ܒܺܗ̄ܝ ܐܰܪܥܳܐ ܕܓܶܫܳܢ. ܘܶܐܢ ܕܟ݄ܐܕ̥ܥܰܬ ܕܟܺܝܬ ܒܰܝܢܳܬ̥ܰܝّܶܗ ܓܰܒ̥ܪ̈ܶܐ ܡܳܪ̈ܶܐ ܕܚܰܝܠܳܐ، ܣܽܘܡ݄ܢ ܡܳܪ̈ܶܐ ܕܩܶܢ̈ܝܳܢܶܐ ܥܰܠ ܟܘ̇ܠ ܕܟ݄ܬ ܠܺܝ.“ 7ܘܡܰܥܒܰܪ ܠܶܗ ܝܰܘܣܶܦ ܠܝܰܥܩܽܘܒ ܗ̄ܽܘ ܒܰܒܳܐ، ܘܡܰܩ݄ܡ ܠܶܗ ܩ݄ܕ̱ܡ ܦܶܪܥܽܘܢ. ܘ݄ܡܒܰܪܰܟ̥ ܠܶܗ ܝܰܥܩܽܘܒ ܠܦܶܪܥܽܘܢ. 8ܘܐܡ݄ܪ ܠܶܗ ܦܶܪܥܽܘܢ ܠܝܰܥܩܽܘܒ: ”ܟܡܳܐ ܢܶܝ ܗ̄ܰܢ ܐ݄ܫܢ̈ܶܐ ܕܰܚّܰܝ̈ܰܝܕ̥ܳܟ̥؟“ 9ܘܐܡ݄ܪ ܠܶܗ ܝܰܥܩܽܘܒ ܠܦܶܪܥܽܘܢ: ”ܗ̄ܰܢ ܐ݄ܫܢ̈ܶܐ ܕܺܗ̄ܝ ܢܽܘܟ̥ܪܳܝܽܘܬ̥ܰܝܕ̥ܺܝ ܡܳܐܐ ܘ݄ܬܠܶܬ̥ܺܝ ܐ݄ܫܢ̈ܶܐ ܢܶܝ. ܐ݄ܫܡܳܐ ܗ̄ܘܰܝܢܶܝ ܘܒܺܝܫ̈ܶܐ ܗ̄ܘܰܝܢܶܝ ܗ̄ܰܢ ܐ݄ܫܢ̈ܶܐ ܕܰܚّܰܝ̈ܰܝܕ̥ܺܝ، ܘܠܳܐ ܡܰܛ݄ܢ ܠܰܗ̄ܢ ܐ݄ܫܢ̈ܶܐ ܕܰܚّܰܝ̈ܶܐ ܕܰܒّܰܒܳܢ̈ܰܝܕ̥ܺܝ ܒܰܝّܰܘܡ̈ܶܐ ܕܺܗ̄ܝ ܢܽܘܟ̥ܪܳܝܽܘܬ̥ܰܬّ̥ܶܗ.“ 10ܘ݄ܡܒܰܪܰܟ̥ ܠܶܗ ܝܰܥܩܽܘܒ ܠܦܶܪܥܽܘܢ ܘܢܰܦ݄ܩ ܝܰܥܩܽܘܒ ܡܶܢ̱ ܩܽܘܕ̱ܡܶܗ ܕܦܶܪܥܽܘܢ.
11ܘܝܰܘܣܶܦ ܡܰܘܬܰܒ̥ ܠܶܗ ܗ̄ܽܘ ܒܰܒܳܐ ܘܰܗ̄ܢ ܐܰܚ̈ܽܘܢܳܢܶܐ، ܘܗܽܒ̥ ܠܰܗ ܠّܶܗ ܝܳܪܬܽܘܬ̥ܳܐ ܒܺܗ̄ܝ ܐܰܪܥܳܐ ܕܡܶܨܪܶܝܢ، ܒܫܰܦ݄ܪ ܐܰܪܥܳܐ، ܒܺܗ̄ܝ ܐܰܪܥܳܐ ܕܪܰܥ݄ܡܣܺܝܣ، ܐܟ̥ ܕܽܗ̄ܘ ܦܽܘܩܕܳܢܳܐ ܕܦܶܪܥܽܘܢ. 12ܘ݄ܡܕܰܒܰܪ ܠܶܗ ܝܰܘܣܶܦ ܠܽܗ̄ܘ ܒܰܒܳܐ ܘܠܰܗ̄ܢ ܐܰܚ̈ܽܘܢܳܢܶܐ ܘ݄ܠܟܽܘܠܶܗ ܗ̄ܽܘ ܒܰܝܬܳܐ ܕܽܗ̄ܘ ܒܰܒܳܐ ܒܰܚّܶܛ̈ܶܐ ܥܰܠ ܗ̄ܽܘ ܡܶܢܝܳܢܳܐ ܕܺܗ̄ܝ ܝܺܩܰܪܬ̥ܳܐ.
13ܘܚ̈ܶܛܶܐ ܠܰܝ̱ܬ ܗ̄ܘܰܐ ܒܟܽܘܠܰܗ ܗ̄ܺܝ ܐܰܪܥܳܐ ܥܰܠ ܕܟܰܦܢܳܐ ܪܰܒܳܐ ܓ̥ܰܠܰܒܶܐ ܗܰܘܺܝ ܗ̄ܘܰܐ، ܘܚܰܪܺܝܒ̥ܳܐ ܟܽܘܠܰܗ ܗ̄ܺܝ ܐܰܪܥܳܐ ܕܡܶܨܪܶܝܢ ܘܺܗ̄ܝ ܐܰܪܥܳܐ ܕ݄ܟܢܰܥܢ ܡܽܗ̄ܘ ܟܰܦܢܳܐ. 14ܘܡܰܠܬܰܡ ܠܶܗ ܝܰܘܣܶܦ ܟܽܘܠܶܗ ܗ̄ܽܘ ܣܶܐܡܳܐ ܕܟ݄ܬ ܗ̄ܘܰܐ ܒܺܗ̄ܝ ܐܰܪܥܳܐ ܕܡܶܨܪܶܝܢ ܘܒܺܗ̄ܝ ܐܰܪܥܳܐ ܕ݄ܟܢܰܥܢ ܡܰܢ̱ ܚّܶܛ̈ܶܐ ܕܙܳܒ̥ܢܺܝ ܗ̄ܘܰܘ̱، ܘܡܰܥܒܰܪ ܠܶܗ ܝܰܘܣܶܦ ܗ̄ܽܘ ܣܶܐܡܳܐ ܠܽܗ̄ܘ ܒܰܝܬܳܐ ܕܦܶܪܥܽܘܢ. 15ܘܽܗ̄ܘ ܣܶܐܡܳܐ ܬܰܝ݄ܡ ܡܺܗ̄ܝ ܐܰܪܥܳܐ ܕܡܶܨܪܶܝܢ ܘܡܺܗ̄ܝ ܐܰܪܥܳܐ ܕ݄ܟܢܰܥܢ. ܘܰܐܬ̥݄ܢ ܟܽܘܠّܶܗ ܗ̄ܰܡّܶܨܪ̈ܳܝܶܐ ܠܓܰܒ ܝܰܘܣܶܦ ܘܐܡ݄ܪّܰܗ ܠܶܗ: ”ܗܰܒ̥ ܠܰܢ ܚ̈ܶܛܶܐ ܕܚܳܝܺܝܢܰܐ ܘܠܳܐ ܡܰܝܬ̥ܺܝܢܰܐ ܩܽܘܕ̱ܡܳܟ̥ ܥܰܠ ܕܬܰܝ݄ܡ ܗ̄ܽܘ ܣܶܐܡܳܐ.“ 16ܐܡ݄ܪ ܠܰܗ ܠّܶܗ ܝܰܘܣܶܦ: ”ܗܰܒ̥ܽܘ ܠܺܝ ܗ̄ܰܩّܶܢܝܳܢ̈ܰܬ̥ܟ̥ܽܘ ܘ݄ܓܕܳܗ̄ܒܶܐ ܐ̱ܢܳܐ ܠܟ̥ܽܘ ܒܰܩّܶܢܝܳܢ̈ܰܬ̥ܟ̥ܽܘ ܐܶܢ ܬܰܝ݄ܡ ܗ̄ܽܘ ܣܶܐܡܳܐ.“ 17ܘܡܰܝܬܰܠّܰܗ ܠܶܗ ܗ̄ܰܩّܶܢ̈ܝܳܢܰܬّ̥ܶܗ ܘܝܰܘܣܶܦ ܗܽܒ̥ ܠܰܗ ܠّܶܗ ܚ̈ܶܛܶܐ ܒܣܘ̇ܣܝ̈ܶܐ ܘ݄ܒܩܶܢ̈ܝܳܢܶܐ ܕ݄ܥܘܳܢ̈ܶܐ ܘ݄ܒܩܶܢ̈ܝܳܢܶܐ ܕܬܰܘܪ̈ܶܐ ܘܕ݄ܚܡܳܪ̈ܶܐ، ܘܗܽܒ̥ ܠܰܗ ܠّܶܗ ܡܽܐܘܟܠܳܐ ܒܺܗ̄ܝ ܫܰܢ̱ܬܰܝܳܐ ܒܟܽܘܠّܶܗ ܗ̄ܰܩّܶܢ̈ܝܳܢܰܬّ̥ܶܗ.
18ܘܰܐܙّܰܗ ܗ̄ܺܝ ܫܰܢ̱ܬܰܝܳܐ، ܘܰܐܬ̥݄ܢ ܠܓܰܒܶܗ ܒܺܗ̄ܝ ܫܰܢ̱ܬܳܐ ܚܪܶܬܳܐ، ܘܐܡ݄ܪّܰܗ ܠܶܗ: ”ܠ݄ܐ ܓܬܳܠܺܝܢܰܐ ܡܽܗ̄ܘ ܡܳܪܰܝܕ̥ܰܢ ܥܰܠ ܕܬܰܝ݄ܡ ܗ̄ܽܘ ܣܶܐܡܳܐ ܟܽܘܠܶܗ، ܘܰܩّܶܢ̈ܝܳܢܶܐ ܕܰܚّܰܝ̈ܘܳܬ̥ܳܐ ܓܰܒ ܗ̄ܽܘ ܡܳܪܰܝܕ̥ܰܢ ܗܰܘ݄ܢ، ܠܳܐ ܦܰܝ݄ܫ ܩ݄ܕ̱ܡ ܗ̄ܽܘ ܡܳܪܰܝܕ̥ܰܢ ܐܶܠܳܐ ܗ̄ܰܢ ܢܰܦܫ̈ܳܬܰܝܕ̥ܰܢ ܘܰܗ̄ܢ ܐܰܪ̈ܥܳܬ̥ܰܝܕ̥ܰܢ. 19ܠܡ݄ܢ ܓܡܰܝܬ̥ܺܝܢܰܐ ܩܽܘܕ̱ܡܳܟ̥ ܐܰܚܢܰܐ ܘܰܗ̄ܢ ܐܰܪ̈ܥܳܬ̥ܰܝܕ̥ܰܢ؟ ܙܒ̥ܰܢ ܠܰܢ ܐܰܚܢܰܐ ܘܰܗ̄ܢ ܐܰܪ̈ܥܳܬ̥ܰܝܕ̥ܰܢ ܒܽܗ̄ܘ ܠܰܚܡܳܐ. ܘ݄ܓܕܳܗ̄ܘܺܝܢܰܐ ܐܰܚܢܰܐ ܘܰܗ̄ܢ ܐܰܪ̈ܥܳܬ̥ܰܝܕ̥ܰܢ ܓܪ̈ܶܝܥܶܐ ܠܦܶܪܥܽܘܢ، ܘܗܰܒ̥ ܠܰܢ ܙܰܪܥܳܐ (ܒܙܰܪܥܳܐ) ܘ݄ܓܚܳܝܺܝܢܰܐ ܘܠܳܐ ܡܰܝܬ̥ܺܝܢܰܐ، ܘܺܗ̄ܝ ܐܰܪܥܳܐ ܠܳܐ ܚܳܪܒ̥ܳܐ.“
20ܘ݄ܙܒ̥݄ܢ ܠܶܗ ܝܰܘܣܶܦ ܟܽܘܠܰܗ ܗ̄ܺܝ ܐܰܪܥܳܐ ܕܡܶܨܪܶܝܢ ܠܦܶܪܥܽܘܢ ܡܺܐܝܕ̥ܶܗ ܕܰܡّܶܨܪ̈ܳܝܶܐ ܡܙܰܒܰܢّܶܗ، ܟܘ̇ܠ ܚܰܕ̱ ܗ̄ܺܝ ܚܰܩܠܰܝܕ̥ܶܗ ܥܰܠ ܕܚܺܝܨ ܐܰܥܠܰܝّܶܗ ܗ̄ܽܘ ܟܰܦܢܳܐ. ܘܗܰܘܝܳܐ ܗ̄ܺܝ ܐܰܪܥܳܐ ܠܦܶܪܥܽܘܢ. 21ܘ݄ܢܩܺܝܠ ܠܶܗ ܗ̄ܽܘ ܥܰܡܳܐ ܡܶܢ̱ ܐܰܬ̥ܪܳܐ ܠܰܐܬ̥ܪܳܐ، ܡܽܗ̄ܘ ܪܺܝܫܳܐ ܗ݄ܠ ܠܺܗ̄ܝ ܚܰܪܰܝܬܳܐ ܕܡܶܨܪܶܝܢ. 22ܐܶܠܳܐ ܛܪܶܐ ܠܶܗ ܗ̄ܺܝ ܐܰܪܥܳܐ ܕܰܟّܽܘܡܪ̈ܶܐ ܘܠܳܐ ܙܒ̥݄ܢ ܠܶܗ، ܡܺܐܝܕ̥ܶܗ ܕܟ݄ܬ ܗ̄ܘܰܐ ܠܰܟّܽܘܡܪ̈ܶܐ ܐܰܓ̥ܪܳܐ ܡܶܢ̱ ܦܶܪܥܽܘܢ. ܘܳܐܟ̥ܠܺܝ ܗ̄ܘܰܘ̱ ܡܽܗ̄ܘ ܐܰܓ̥ܪܳܐ ܕܳܗ̄ܒܶܐ ܗ̄ܘܰܐ ܠّܶܗ ܦܶܪܥܽܘܢ. ܡܰܗ̄ܘܟ̥ܰܐ ܠܳܐ ܡܙܰܒܰܢّܶܗ ܗ̄ܺܝ ܐܰܪܥܰܬّ̥ܶܗ.
23ܘܐܡ݄ܪ ܠܶܗ ܝܰܘܣܶܦ ܠܽܗ̄ܘ ܥܰܡܳܐ: ”ܟܰܐܠܶܗ ܙܒ̥݄ܢ ܠܺܝ ܠܟ̥ܽܘ ܐܰܕܝܰܘܡܰܐ، ܗܰܬܽܘ ܘܰܗ̄ܢ ܐܰܪ̈ܥܳܬ̥ܰܬ̥ܟ̥ܽܘ ܠܦܶܪܥܽܘܢ. ܟܰܐܠܶܗ ܗ̄ܽܘ ܙܰܪܥܳܐ ܐܰܠܟ̥ܽܘ ܕܙܳܪܥܺܝܬܽܘ ܒܺܗ̄ܝ ܐܰܪܥܳܐ 24ܘܺܗ̄ܝ ܢܰܩܠܐ ܕܟܳܐܬ̥ܶܐ ܗ̄ܽܘ ܚܨܳܕܳܐ، ܓܕܳܗ̄ܒܺܝܬܽܘ ܚܰܕ̱ ܡܶܢ̱ ܚܰܡܫܳܐ ܠܦܶܪܥܽܘܢ، ܘܰܐܪܒܰܥ ܡܰܛܘ̈ܳܬ̥ܳܐ ܓܕܳܗ̄ܘ݄ܢ ܐܰܠܟ̥ܽܘ: ܠܽܗ̄ܘ ܙܰܪܥܳܐ ܕܺܗ̄ܝ ܚܰܩܠܳܐ ܘܠܽܗ̄ܘ ܡܽܐܘܟܠܰܬ̥ܟ̥ܽܘ. ܘܠܽܗ̄ܘ ܡܽܐܘܟܠܳܐ ܕܰܒّܳܬܰܬ̥̈ܟ̥ܽܘ ܘܠܽܗ̄ܘ ܡܽܐܘܟܠܳܐ ܕܰܗ̄ܢ ܢܰܥܺܝܡ̈ܰܬ̥ܟ̥ܽܘ.“ 25ܘܐܡ݄ܪّܶܗ: ”ܗܽܒ̥ ܠܳܟ̥ ܠܰܢ ܚܰܝ̈ܶܐ ܕܚܳܙܺܝܢܰܐ ܪ̈ܰܚܡܶܐ ܒܥܰܝܢ̈ܶܐ ܕܽܗ̄ܘ ܡܳܪܰܝܕ̥ܰܢ ܘ݄ܕܗܳܘܺܝܢܰܐ ܓܪ̈ܶܝܥܶܐ ܠܦܶܪܥܽܘܢ.“ 26ܘܝܰܘܣܶܦ ܡܰܚ݄ܬ ܠܶܗ ܢܳܡܽܘܣܰܢܳܐ ܗ݄ܠ ܠܰܐܕܝܰܘܡܰܐ ܥܰܠ ܗ̄ܺܝ ܐܰܪܥܳܐ ܕܡܶܨܪܶܝܢ: ܠܦܶܪܥܽܘܢ ܚܰܕ̱ ܡܶܢ̱ ܚܰܡܫܳܐ، ܒܶܠܚܽܘܕ̥ܰܗ ܗ̄ܺܝ ܐܰܪܥܳܐ ܕܰܟّܽܘܡܪ̈ܶܐ ܠܰܝ̱ܬ ܗ̄ܘܰܐ ܠܦܶܪܥܽܘܢ.
27ܘܝܰܬܽܒ̥ ܐܺܝܣܪܳܐܶܝܠ ܒܺܗ̄ܝ ܐܰܪܥܳܐ ܕܡܶܨܪܶܝܢ ܘܒܺܗ̄ܝ ܐܰܪܥܳܐ ܕܓܶܫܳܢ. ܘܗܰܘ݄ܢ ܐܶܒܰܗ ܒܚܰܝܠܳܐ ܘܝܰܪܺܝܒ̥ܺܝ ܘܙܰܝܺܝܕܺܝ ܓ̥ܰܠܰܒܶܐ. 28ܘܚܰܝܺܝ ܝܰܥܩܽܘܒ ܒܺܗ̄ܝ ܐܰܪܥܳܐ ܕܡܶܨܪܶܝܢ ܫܒ̥ܰܥܣܰܪ ܐ݄ܫܢ̈ܶܐ، ܘܗܰܘ݄ܢ ܐ݄ܫܢ̈ܶܐ ܕܰܚّܰܝ̈ܰܝܕ̥ܶܗ ܡܳܐܐ ܘ݄ܫܒ̥ܰܥ ܘܰܐܪܒܥܺܝ ܐ݄ܫܢ̈ܶܐ. 29ܘܩܰܪܺܝܒ̥ܺܝ ܗ̄ܰܝّܰܘܡ̈ܶܐ ܕܺܐܝܣܪܳܐܶܝܠ ܕܡܳܝ݄ܬ̥. ܘ݄ܩܪܶܐ ܠܶܗ ܠܝܰܘܣܶܦ ܗ̄ܽܘ ܐܰܒܪܰܝܕ̥ܶܗ، ܘܐܡ݄ܪ ܠܶܗ ܠܶܗ: ”ܕܳܗ̄ܘܝܳܐ ܠܺܝ ܛܰܝܒܽܘܬ̥ܳܐ ܓܰܒܳܟ̥ ܡܰܚ݄ܬ ܐܺܝܕ̥ܳܟ̥ ܬܰܚܬܶܗ ܚܰܨܺܝ، ܓܡܰܘܡܶܢܳܟ̥ ܒܡܳܪܝܳܐ، ܣܘ̇ܡ ܐܰܥܡܺܝ ܛܰܝܒܽܘܬ̥ܳܐ ܘ݄ܫܪܳܪܳܐ، ܘܠܳܐ ܩܳܒ̥ܪܰܬ ܠܺܝ ܒܡܶܨܪܶܝܢ، 30ܘ݄ܛܪܰܝ ܠܺܝ ܕܕܳܡ݄ܟ̥ ܐ̱ܢܳܐ ܥܰܡ ܗ̄ܰܒّܰܒ̈ܰܝܕ̥ܺܝ. ܘܡܰܘܒܶܠ ܠܺܝ ܡܶܢ̱ ܡܶܨܪܶܝܢ ܘ݄ܩܒ̥ܰܪ ܠܺܝ ܒܽܗ̄ܘ ܩܰܒ̥ܪܰܬّ̥ܶܗ.“ ܘܐܡ݄ܪ ܠܶܗ ܝܰܘܣܶܦ: ”ܐܳܢܳܐ ܓܣܳܝܰܡ ܐ̱ܢܳܐ ܐܟ̥ ܕܽܗ̄ܘ ܡܰܐܡܪܰܝܕ̥ܳܟ̥.“ 31ܘܐܡ݄ܪ ܠܶܗ: ”ܝܺܡܰܝ ܠܺܝ.“ ܘܺܝܡܶܐ ܠܶܗ. ܘ݄ܣܓ̥݄ܕ ܠܶܗ ܐܺܝܣܪܳܐܶܝܠ ܥܰܠ ܪܺܝܫܰܗ ܕܺܗ̄ܝ ܚܰܛܪܰܝܕ̥ܶܗ.
Currently Selected:
ܣܶܦܪܳܐ ܕ݄ܒܪܺܝܬ̥ܳܐ 47: ܟܬܒܐ
Highlight
Share
Copy
Want to have your highlights saved across all your devices? Sign up or sign in
Suryoyo Bible © 2024 Aramaic Bible Translation
ܣܶܦܪܳܐ ܕ݄ܒܪܺܝܬ̥ܳܐ 47
47
1ܘܰܐܬ̥ܺܝ ܝܰܘܣܶܦ ܘܡܰܘܕ̥ܰܥ ܠܶܗ ܠܦܶܪܥܽܘܢ ܘܐܡ݄ܪ ܠܶܗ: ”ܒܰܒܺܝ ܘܰܐܚ̈ܽܘܢܳܢܺܝ ܘܰܥܘܳܢ̈ܰܬّ̥ܶܗ ܘܰܬّܰܘܪ̈ܰܬّ̥ܶܗ ܘܟܘ̇ܠ ܕܟ݄ܬّܶܗ ܐܰܬ̥݄ܢ ܡܺܗ̄ܝ ܐܰܪܥܳܐ ܕ݄ܟܢܰܥܢ. ܘܟܰܐܠ݄ܢ ܢܰܚܺܝܬܺܝ ܒܺܗ̄ܝ ܐܰܪܥܳܐ ܕܓܶܫܳܢ.“ 2ܘܡܰܗ̄ܢ ܐܰܚ̈ܽܘܢܳܢܰܝܕ̥ܶܗ ܡܰܘܒܶܠ ܠܶܗ ܚܰܡܫܳܐ ܓܰܒ̥ܪ̈ܶܐ ܘܡܰܩܺܝܡܺܝ ܠܶܗ ܩ݄ܕ̱ܡ ܦܶܪܥܽܘܢ. 3ܘܐܡ݄ܪ ܠܶܗ ܦܶܪܥܽܘܢ ܠܰܗ̄ܢ ܐܰܚ̈ܽܘܢܳܢܶܐ ܕܝܰܘܣܶܦ: ”ܡ݄ܢܝܳܐ ܗ̄ܽܘ ܥܒ̥ܳܕܰܬ̥ܟ̥ܽܘ؟“ ܘܐܡ݄ܪّܶܗ ܠܦܶܪܥܽܘܢ: ”ܪ̈ܳܥܝܶܐ ܕܰܥܘܳܢ̈ܶܐ ܢܶܝ ܗ̄ܰܓܪ̈ܶܝܥܰܝܕ̥ܳܟ̥، ܐܰܚܢܰܐ ܘܰܒّܰܒܳܢ̈ܰܝܕ̥ܰܢ، ܡܶܢ̱ ܢܰܥܡܽܘܬ̥ܰܢ.“ 4ܘܐܡ݄ܪّܶܗ ܠܦܶܪܥܽܘܢ: ”ܐܰܬ̥ܺܝܢܰܐ ܕܥܳܡܪܺܝܢܰܐ ܐܟ̥ ܕܢܽܘܟ̥ܪ̈ܳܝܶܐ ܒܺܗ̄ܝ ܐܰܪܥܳܐ، ܡܺܐܝܕ̥ܶܗ ܕܠܰܝܬ ܪܰܥܝܳܐ ܠܰܥܘܳܢ̈ܶܐ ܕܰܓܪ̈ܶܝܥܰܝܕ̥ܳܟ̥، ܥܰܠ ܕܗܰܘܺܝ ܟܰܦܢܳܐ ܪܰܒܳܐ ܒܺܗ̄ܝ ܐܰܪܥܳܐ ܕ݄ܟܢܰܥܢ. ܘܳܐܥܕܳܐ ܛܪܳܐ ܝܳܬܒ̥ܺܝ ܗ̄ܰܓܪ̈ܶܝܥܰܝܕ̥ܳܟ̥ ܒܺܗ̄ܝ ܐܰܪܥܳܐ ܕܓܶܫܳܢ.“
5ܘܐܡ݄ܪ ܠܶܗ ܦܶܪܥܽܘܢ ܠܝܰܘܣܶܦ: ”ܒܰܒܳܟ̥ ܘܰܐܚ̈ܽܘܢܳܢܳܟ̥ ܐܰܬ̥݄ܢ ܠܓܰܒܳܟ̥. 6ܗ̄ܺܝ ܐܰܪܥܳܐ ܕܡܶܨܪܶܝܢ ܩܽܘܕ̱ܡܳܟ̥ ܝܳܐ. ܒܫܰܦ݄ܪ ܐܰܪܥܳܐ ܡܰܘܬܽܒ̥ ܠܒܰܒܳܟ̥ ܘܠܰܐܚ̈ܽܘܢܳܢܳܟ̥. ܛܪܳܐ ܝܳܬܒ̥ܺܝ ܒܺܗ̄ܝ ܐܰܪܥܳܐ ܕܓܶܫܳܢ. ܘܶܐܢ ܕܟ݄ܐܕ̥ܥܰܬ ܕܟܺܝܬ ܒܰܝܢܳܬ̥ܰܝّܶܗ ܓܰܒ̥ܪ̈ܶܐ ܡܳܪ̈ܶܐ ܕܚܰܝܠܳܐ، ܣܽܘܡ݄ܢ ܡܳܪ̈ܶܐ ܕܩܶܢ̈ܝܳܢܶܐ ܥܰܠ ܟܘ̇ܠ ܕܟ݄ܬ ܠܺܝ.“ 7ܘܡܰܥܒܰܪ ܠܶܗ ܝܰܘܣܶܦ ܠܝܰܥܩܽܘܒ ܗ̄ܽܘ ܒܰܒܳܐ، ܘܡܰܩ݄ܡ ܠܶܗ ܩ݄ܕ̱ܡ ܦܶܪܥܽܘܢ. ܘ݄ܡܒܰܪܰܟ̥ ܠܶܗ ܝܰܥܩܽܘܒ ܠܦܶܪܥܽܘܢ. 8ܘܐܡ݄ܪ ܠܶܗ ܦܶܪܥܽܘܢ ܠܝܰܥܩܽܘܒ: ”ܟܡܳܐ ܢܶܝ ܗ̄ܰܢ ܐ݄ܫܢ̈ܶܐ ܕܰܚّܰܝ̈ܰܝܕ̥ܳܟ̥؟“ 9ܘܐܡ݄ܪ ܠܶܗ ܝܰܥܩܽܘܒ ܠܦܶܪܥܽܘܢ: ”ܗ̄ܰܢ ܐ݄ܫܢ̈ܶܐ ܕܺܗ̄ܝ ܢܽܘܟ̥ܪܳܝܽܘܬ̥ܰܝܕ̥ܺܝ ܡܳܐܐ ܘ݄ܬܠܶܬ̥ܺܝ ܐ݄ܫܢ̈ܶܐ ܢܶܝ. ܐ݄ܫܡܳܐ ܗ̄ܘܰܝܢܶܝ ܘܒܺܝܫ̈ܶܐ ܗ̄ܘܰܝܢܶܝ ܗ̄ܰܢ ܐ݄ܫܢ̈ܶܐ ܕܰܚّܰܝ̈ܰܝܕ̥ܺܝ، ܘܠܳܐ ܡܰܛ݄ܢ ܠܰܗ̄ܢ ܐ݄ܫܢ̈ܶܐ ܕܰܚّܰܝ̈ܶܐ ܕܰܒّܰܒܳܢ̈ܰܝܕ̥ܺܝ ܒܰܝّܰܘܡ̈ܶܐ ܕܺܗ̄ܝ ܢܽܘܟ̥ܪܳܝܽܘܬ̥ܰܬّ̥ܶܗ.“ 10ܘ݄ܡܒܰܪܰܟ̥ ܠܶܗ ܝܰܥܩܽܘܒ ܠܦܶܪܥܽܘܢ ܘܢܰܦ݄ܩ ܝܰܥܩܽܘܒ ܡܶܢ̱ ܩܽܘܕ̱ܡܶܗ ܕܦܶܪܥܽܘܢ.
11ܘܝܰܘܣܶܦ ܡܰܘܬܰܒ̥ ܠܶܗ ܗ̄ܽܘ ܒܰܒܳܐ ܘܰܗ̄ܢ ܐܰܚ̈ܽܘܢܳܢܶܐ، ܘܗܽܒ̥ ܠܰܗ ܠّܶܗ ܝܳܪܬܽܘܬ̥ܳܐ ܒܺܗ̄ܝ ܐܰܪܥܳܐ ܕܡܶܨܪܶܝܢ، ܒܫܰܦ݄ܪ ܐܰܪܥܳܐ، ܒܺܗ̄ܝ ܐܰܪܥܳܐ ܕܪܰܥ݄ܡܣܺܝܣ، ܐܟ̥ ܕܽܗ̄ܘ ܦܽܘܩܕܳܢܳܐ ܕܦܶܪܥܽܘܢ. 12ܘ݄ܡܕܰܒܰܪ ܠܶܗ ܝܰܘܣܶܦ ܠܽܗ̄ܘ ܒܰܒܳܐ ܘܠܰܗ̄ܢ ܐܰܚ̈ܽܘܢܳܢܶܐ ܘ݄ܠܟܽܘܠܶܗ ܗ̄ܽܘ ܒܰܝܬܳܐ ܕܽܗ̄ܘ ܒܰܒܳܐ ܒܰܚّܶܛ̈ܶܐ ܥܰܠ ܗ̄ܽܘ ܡܶܢܝܳܢܳܐ ܕܺܗ̄ܝ ܝܺܩܰܪܬ̥ܳܐ.
13ܘܚ̈ܶܛܶܐ ܠܰܝ̱ܬ ܗ̄ܘܰܐ ܒܟܽܘܠܰܗ ܗ̄ܺܝ ܐܰܪܥܳܐ ܥܰܠ ܕܟܰܦܢܳܐ ܪܰܒܳܐ ܓ̥ܰܠܰܒܶܐ ܗܰܘܺܝ ܗ̄ܘܰܐ، ܘܚܰܪܺܝܒ̥ܳܐ ܟܽܘܠܰܗ ܗ̄ܺܝ ܐܰܪܥܳܐ ܕܡܶܨܪܶܝܢ ܘܺܗ̄ܝ ܐܰܪܥܳܐ ܕ݄ܟܢܰܥܢ ܡܽܗ̄ܘ ܟܰܦܢܳܐ. 14ܘܡܰܠܬܰܡ ܠܶܗ ܝܰܘܣܶܦ ܟܽܘܠܶܗ ܗ̄ܽܘ ܣܶܐܡܳܐ ܕܟ݄ܬ ܗ̄ܘܰܐ ܒܺܗ̄ܝ ܐܰܪܥܳܐ ܕܡܶܨܪܶܝܢ ܘܒܺܗ̄ܝ ܐܰܪܥܳܐ ܕ݄ܟܢܰܥܢ ܡܰܢ̱ ܚّܶܛ̈ܶܐ ܕܙܳܒ̥ܢܺܝ ܗ̄ܘܰܘ̱، ܘܡܰܥܒܰܪ ܠܶܗ ܝܰܘܣܶܦ ܗ̄ܽܘ ܣܶܐܡܳܐ ܠܽܗ̄ܘ ܒܰܝܬܳܐ ܕܦܶܪܥܽܘܢ. 15ܘܽܗ̄ܘ ܣܶܐܡܳܐ ܬܰܝ݄ܡ ܡܺܗ̄ܝ ܐܰܪܥܳܐ ܕܡܶܨܪܶܝܢ ܘܡܺܗ̄ܝ ܐܰܪܥܳܐ ܕ݄ܟܢܰܥܢ. ܘܰܐܬ̥݄ܢ ܟܽܘܠّܶܗ ܗ̄ܰܡّܶܨܪ̈ܳܝܶܐ ܠܓܰܒ ܝܰܘܣܶܦ ܘܐܡ݄ܪّܰܗ ܠܶܗ: ”ܗܰܒ̥ ܠܰܢ ܚ̈ܶܛܶܐ ܕܚܳܝܺܝܢܰܐ ܘܠܳܐ ܡܰܝܬ̥ܺܝܢܰܐ ܩܽܘܕ̱ܡܳܟ̥ ܥܰܠ ܕܬܰܝ݄ܡ ܗ̄ܽܘ ܣܶܐܡܳܐ.“ 16ܐܡ݄ܪ ܠܰܗ ܠّܶܗ ܝܰܘܣܶܦ: ”ܗܰܒ̥ܽܘ ܠܺܝ ܗ̄ܰܩّܶܢܝܳܢ̈ܰܬ̥ܟ̥ܽܘ ܘ݄ܓܕܳܗ̄ܒܶܐ ܐ̱ܢܳܐ ܠܟ̥ܽܘ ܒܰܩّܶܢܝܳܢ̈ܰܬ̥ܟ̥ܽܘ ܐܶܢ ܬܰܝ݄ܡ ܗ̄ܽܘ ܣܶܐܡܳܐ.“ 17ܘܡܰܝܬܰܠّܰܗ ܠܶܗ ܗ̄ܰܩّܶܢ̈ܝܳܢܰܬّ̥ܶܗ ܘܝܰܘܣܶܦ ܗܽܒ̥ ܠܰܗ ܠّܶܗ ܚ̈ܶܛܶܐ ܒܣܘ̇ܣܝ̈ܶܐ ܘ݄ܒܩܶܢ̈ܝܳܢܶܐ ܕ݄ܥܘܳܢ̈ܶܐ ܘ݄ܒܩܶܢ̈ܝܳܢܶܐ ܕܬܰܘܪ̈ܶܐ ܘܕ݄ܚܡܳܪ̈ܶܐ، ܘܗܽܒ̥ ܠܰܗ ܠّܶܗ ܡܽܐܘܟܠܳܐ ܒܺܗ̄ܝ ܫܰܢ̱ܬܰܝܳܐ ܒܟܽܘܠّܶܗ ܗ̄ܰܩّܶܢ̈ܝܳܢܰܬّ̥ܶܗ.
18ܘܰܐܙّܰܗ ܗ̄ܺܝ ܫܰܢ̱ܬܰܝܳܐ، ܘܰܐܬ̥݄ܢ ܠܓܰܒܶܗ ܒܺܗ̄ܝ ܫܰܢ̱ܬܳܐ ܚܪܶܬܳܐ، ܘܐܡ݄ܪّܰܗ ܠܶܗ: ”ܠ݄ܐ ܓܬܳܠܺܝܢܰܐ ܡܽܗ̄ܘ ܡܳܪܰܝܕ̥ܰܢ ܥܰܠ ܕܬܰܝ݄ܡ ܗ̄ܽܘ ܣܶܐܡܳܐ ܟܽܘܠܶܗ، ܘܰܩّܶܢ̈ܝܳܢܶܐ ܕܰܚّܰܝ̈ܘܳܬ̥ܳܐ ܓܰܒ ܗ̄ܽܘ ܡܳܪܰܝܕ̥ܰܢ ܗܰܘ݄ܢ، ܠܳܐ ܦܰܝ݄ܫ ܩ݄ܕ̱ܡ ܗ̄ܽܘ ܡܳܪܰܝܕ̥ܰܢ ܐܶܠܳܐ ܗ̄ܰܢ ܢܰܦܫ̈ܳܬܰܝܕ̥ܰܢ ܘܰܗ̄ܢ ܐܰܪ̈ܥܳܬ̥ܰܝܕ̥ܰܢ. 19ܠܡ݄ܢ ܓܡܰܝܬ̥ܺܝܢܰܐ ܩܽܘܕ̱ܡܳܟ̥ ܐܰܚܢܰܐ ܘܰܗ̄ܢ ܐܰܪ̈ܥܳܬ̥ܰܝܕ̥ܰܢ؟ ܙܒ̥ܰܢ ܠܰܢ ܐܰܚܢܰܐ ܘܰܗ̄ܢ ܐܰܪ̈ܥܳܬ̥ܰܝܕ̥ܰܢ ܒܽܗ̄ܘ ܠܰܚܡܳܐ. ܘ݄ܓܕܳܗ̄ܘܺܝܢܰܐ ܐܰܚܢܰܐ ܘܰܗ̄ܢ ܐܰܪ̈ܥܳܬ̥ܰܝܕ̥ܰܢ ܓܪ̈ܶܝܥܶܐ ܠܦܶܪܥܽܘܢ، ܘܗܰܒ̥ ܠܰܢ ܙܰܪܥܳܐ (ܒܙܰܪܥܳܐ) ܘ݄ܓܚܳܝܺܝܢܰܐ ܘܠܳܐ ܡܰܝܬ̥ܺܝܢܰܐ، ܘܺܗ̄ܝ ܐܰܪܥܳܐ ܠܳܐ ܚܳܪܒ̥ܳܐ.“
20ܘ݄ܙܒ̥݄ܢ ܠܶܗ ܝܰܘܣܶܦ ܟܽܘܠܰܗ ܗ̄ܺܝ ܐܰܪܥܳܐ ܕܡܶܨܪܶܝܢ ܠܦܶܪܥܽܘܢ ܡܺܐܝܕ̥ܶܗ ܕܰܡّܶܨܪ̈ܳܝܶܐ ܡܙܰܒܰܢّܶܗ، ܟܘ̇ܠ ܚܰܕ̱ ܗ̄ܺܝ ܚܰܩܠܰܝܕ̥ܶܗ ܥܰܠ ܕܚܺܝܨ ܐܰܥܠܰܝّܶܗ ܗ̄ܽܘ ܟܰܦܢܳܐ. ܘܗܰܘܝܳܐ ܗ̄ܺܝ ܐܰܪܥܳܐ ܠܦܶܪܥܽܘܢ. 21ܘ݄ܢܩܺܝܠ ܠܶܗ ܗ̄ܽܘ ܥܰܡܳܐ ܡܶܢ̱ ܐܰܬ̥ܪܳܐ ܠܰܐܬ̥ܪܳܐ، ܡܽܗ̄ܘ ܪܺܝܫܳܐ ܗ݄ܠ ܠܺܗ̄ܝ ܚܰܪܰܝܬܳܐ ܕܡܶܨܪܶܝܢ. 22ܐܶܠܳܐ ܛܪܶܐ ܠܶܗ ܗ̄ܺܝ ܐܰܪܥܳܐ ܕܰܟّܽܘܡܪ̈ܶܐ ܘܠܳܐ ܙܒ̥݄ܢ ܠܶܗ، ܡܺܐܝܕ̥ܶܗ ܕܟ݄ܬ ܗ̄ܘܰܐ ܠܰܟّܽܘܡܪ̈ܶܐ ܐܰܓ̥ܪܳܐ ܡܶܢ̱ ܦܶܪܥܽܘܢ. ܘܳܐܟ̥ܠܺܝ ܗ̄ܘܰܘ̱ ܡܽܗ̄ܘ ܐܰܓ̥ܪܳܐ ܕܳܗ̄ܒܶܐ ܗ̄ܘܰܐ ܠّܶܗ ܦܶܪܥܽܘܢ. ܡܰܗ̄ܘܟ̥ܰܐ ܠܳܐ ܡܙܰܒܰܢّܶܗ ܗ̄ܺܝ ܐܰܪܥܰܬّ̥ܶܗ.
23ܘܐܡ݄ܪ ܠܶܗ ܝܰܘܣܶܦ ܠܽܗ̄ܘ ܥܰܡܳܐ: ”ܟܰܐܠܶܗ ܙܒ̥݄ܢ ܠܺܝ ܠܟ̥ܽܘ ܐܰܕܝܰܘܡܰܐ، ܗܰܬܽܘ ܘܰܗ̄ܢ ܐܰܪ̈ܥܳܬ̥ܰܬ̥ܟ̥ܽܘ ܠܦܶܪܥܽܘܢ. ܟܰܐܠܶܗ ܗ̄ܽܘ ܙܰܪܥܳܐ ܐܰܠܟ̥ܽܘ ܕܙܳܪܥܺܝܬܽܘ ܒܺܗ̄ܝ ܐܰܪܥܳܐ 24ܘܺܗ̄ܝ ܢܰܩܠܐ ܕܟܳܐܬ̥ܶܐ ܗ̄ܽܘ ܚܨܳܕܳܐ، ܓܕܳܗ̄ܒܺܝܬܽܘ ܚܰܕ̱ ܡܶܢ̱ ܚܰܡܫܳܐ ܠܦܶܪܥܽܘܢ، ܘܰܐܪܒܰܥ ܡܰܛܘ̈ܳܬ̥ܳܐ ܓܕܳܗ̄ܘ݄ܢ ܐܰܠܟ̥ܽܘ: ܠܽܗ̄ܘ ܙܰܪܥܳܐ ܕܺܗ̄ܝ ܚܰܩܠܳܐ ܘܠܽܗ̄ܘ ܡܽܐܘܟܠܰܬ̥ܟ̥ܽܘ. ܘܠܽܗ̄ܘ ܡܽܐܘܟܠܳܐ ܕܰܒّܳܬܰܬ̥̈ܟ̥ܽܘ ܘܠܽܗ̄ܘ ܡܽܐܘܟܠܳܐ ܕܰܗ̄ܢ ܢܰܥܺܝܡ̈ܰܬ̥ܟ̥ܽܘ.“ 25ܘܐܡ݄ܪّܶܗ: ”ܗܽܒ̥ ܠܳܟ̥ ܠܰܢ ܚܰܝ̈ܶܐ ܕܚܳܙܺܝܢܰܐ ܪ̈ܰܚܡܶܐ ܒܥܰܝܢ̈ܶܐ ܕܽܗ̄ܘ ܡܳܪܰܝܕ̥ܰܢ ܘ݄ܕܗܳܘܺܝܢܰܐ ܓܪ̈ܶܝܥܶܐ ܠܦܶܪܥܽܘܢ.“ 26ܘܝܰܘܣܶܦ ܡܰܚ݄ܬ ܠܶܗ ܢܳܡܽܘܣܰܢܳܐ ܗ݄ܠ ܠܰܐܕܝܰܘܡܰܐ ܥܰܠ ܗ̄ܺܝ ܐܰܪܥܳܐ ܕܡܶܨܪܶܝܢ: ܠܦܶܪܥܽܘܢ ܚܰܕ̱ ܡܶܢ̱ ܚܰܡܫܳܐ، ܒܶܠܚܽܘܕ̥ܰܗ ܗ̄ܺܝ ܐܰܪܥܳܐ ܕܰܟّܽܘܡܪ̈ܶܐ ܠܰܝ̱ܬ ܗ̄ܘܰܐ ܠܦܶܪܥܽܘܢ.
27ܘܝܰܬܽܒ̥ ܐܺܝܣܪܳܐܶܝܠ ܒܺܗ̄ܝ ܐܰܪܥܳܐ ܕܡܶܨܪܶܝܢ ܘܒܺܗ̄ܝ ܐܰܪܥܳܐ ܕܓܶܫܳܢ. ܘܗܰܘ݄ܢ ܐܶܒܰܗ ܒܚܰܝܠܳܐ ܘܝܰܪܺܝܒ̥ܺܝ ܘܙܰܝܺܝܕܺܝ ܓ̥ܰܠܰܒܶܐ. 28ܘܚܰܝܺܝ ܝܰܥܩܽܘܒ ܒܺܗ̄ܝ ܐܰܪܥܳܐ ܕܡܶܨܪܶܝܢ ܫܒ̥ܰܥܣܰܪ ܐ݄ܫܢ̈ܶܐ، ܘܗܰܘ݄ܢ ܐ݄ܫܢ̈ܶܐ ܕܰܚّܰܝ̈ܰܝܕ̥ܶܗ ܡܳܐܐ ܘ݄ܫܒ̥ܰܥ ܘܰܐܪܒܥܺܝ ܐ݄ܫܢ̈ܶܐ. 29ܘܩܰܪܺܝܒ̥ܺܝ ܗ̄ܰܝّܰܘܡ̈ܶܐ ܕܺܐܝܣܪܳܐܶܝܠ ܕܡܳܝ݄ܬ̥. ܘ݄ܩܪܶܐ ܠܶܗ ܠܝܰܘܣܶܦ ܗ̄ܽܘ ܐܰܒܪܰܝܕ̥ܶܗ، ܘܐܡ݄ܪ ܠܶܗ ܠܶܗ: ”ܕܳܗ̄ܘܝܳܐ ܠܺܝ ܛܰܝܒܽܘܬ̥ܳܐ ܓܰܒܳܟ̥ ܡܰܚ݄ܬ ܐܺܝܕ̥ܳܟ̥ ܬܰܚܬܶܗ ܚܰܨܺܝ، ܓܡܰܘܡܶܢܳܟ̥ ܒܡܳܪܝܳܐ، ܣܘ̇ܡ ܐܰܥܡܺܝ ܛܰܝܒܽܘܬ̥ܳܐ ܘ݄ܫܪܳܪܳܐ، ܘܠܳܐ ܩܳܒ̥ܪܰܬ ܠܺܝ ܒܡܶܨܪܶܝܢ، 30ܘ݄ܛܪܰܝ ܠܺܝ ܕܕܳܡ݄ܟ̥ ܐ̱ܢܳܐ ܥܰܡ ܗ̄ܰܒّܰܒ̈ܰܝܕ̥ܺܝ. ܘܡܰܘܒܶܠ ܠܺܝ ܡܶܢ̱ ܡܶܨܪܶܝܢ ܘ݄ܩܒ̥ܰܪ ܠܺܝ ܒܽܗ̄ܘ ܩܰܒ̥ܪܰܬّ̥ܶܗ.“ ܘܐܡ݄ܪ ܠܶܗ ܝܰܘܣܶܦ: ”ܐܳܢܳܐ ܓܣܳܝܰܡ ܐ̱ܢܳܐ ܐܟ̥ ܕܽܗ̄ܘ ܡܰܐܡܪܰܝܕ̥ܳܟ̥.“ 31ܘܐܡ݄ܪ ܠܶܗ: ”ܝܺܡܰܝ ܠܺܝ.“ ܘܺܝܡܶܐ ܠܶܗ. ܘ݄ܣܓ̥݄ܕ ܠܶܗ ܐܺܝܣܪܳܐܶܝܠ ܥܰܠ ܪܺܝܫܰܗ ܕܺܗ̄ܝ ܚܰܛܪܰܝܕ̥ܶܗ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Suryoyo Bible © 2024 Aramaic Bible Translation