ܣܶܦܪܳܐ ܕ݄ܒܪܺܝܬ̥ܳܐ 43
43
1ܘܚܺܝܨ ܗ̄ܽܘ ܟܰܦܢܳܐ ܒܺܗ̄ܝ ܐܰܪܥܳܐ. 2ܘܺܗ̄ܝ ܢܰܩܠܐ ܕܡܰܬ݄ܡّܶܗ ܗ̄ܰܚّܶܛ̈ܶܐ ܕܡܰܝܬܰܠّܶܗ ܡܶܢ̱ ܡܶܨܪܶܝܢ، ܐܡ݄ܪ ܠܰܗ ܠّܶܗ ܝܰܥܩܽܘܒ ܗ̄ܽܘ ܒܰܒܰܬّ̥ܶܗ: ”ܢܚܰܬܽܘ ܙܒ̥ܰܢܽܘ ܠܰܢ ܐ݄ܫܡܳܐ ܕܚ̈ܶܛܶܐ.“ 3ܐܡ݄ܪ ܠܶܗ ܠܶܗ ܝܺܗܽܘܕ̥ܳܐ: ”ܝܺܡܳܝܳܐ ܡܰܘܡܶܐ ܠܶܗ ܠܰܢ ܗ̄ܽܘ ܓܰܒ̥ܪܳܐ ܘܐܡ݄ܪ ܠܶܗ: ܠܳܐ ܚܳܙܺܝܬܽܘ ܦܳܬ̥ܺܝ ܕܠܳܐ ܗ̄ܘܶܐ ܐܰܚܽܘܢܰܝܟ̥ܽܘ ܐܰܥܡܰܝܟ̥ܽܘ. 4ܐܶܢ ܕ݄ܡܫܰܕܪܰܬ ܠܰܐܚܽܘܢܰܢ ܐܰܥܡܰܢ، ܓܢܳܚܬܺܝܢܰܐ ܘܙܳܒ̥ܢܺܝܢܰܐ ܠܰܢ ܚ̈ܶܛܶܐ. 5ܘܶܐܢ ܠܳܐ ܡܫܰܕܪܰܬ ܠܶܗ ܠ݄ܐ ܓܢܳܚܬܺܝܢܰܐ، ܡܺܐܝܕ̥ܶܗ ܕܽܗ̄ܘ ܓܰܒ̥ܪܳܐ ܐܡ݄ܪ ܠܶܗ ܠܰܢ: ܠ݄ܐ ܓܚܳܙܺܝܬܽܘ ܦܳܬ̥ܺܝ ܕܠܳܐ ܗ̄ܘܶܐ ܐܰܚܽܘܢܰܝܟ̥ܽܘ ܐܰܥܡܰܝܟ̥ܽܘ.“
6ܘܐܡ݄ܪ ܠܰܗ ܠّܶܗ ܐܺܝܣܪܳܐܶܝܠ ܗ̄ܽܘ ܒܰܒܰܬّ̥ܶܗ: ”ܠܡ݄ܢ ܣ݄ܡܟ̥ܽܘ ܐܰܥܡܺܝ ܚܰܪܒܽܘܬ̥ܳܐ ܘܡܰܚܘܰܠܟ̥ܽܘ ܠܽܗ̄ܘ ܓܰܒ̥ܪܳܐ ܕܟ݄ܬܟ̥ܽܘ ܐܰܚܽܘܢܳܐ؟“ 7ܘܐܡ݄ܪّܶܗ: ”ܫܽܘܐܳܠܳܐ ܡܫܰܐܶܠ ܠܶܗ ܗ̄ܽܘ ܓܰܒ̥ܪܳܐ ܐܰܥܠܰܢ ܘܥܰܠ ܗ̄ܺܝ ܫܰܪܒܬ̥ܰܝܕ̥ܰܢ، ܘܐܡ݄ܪ ܠܶܗ: ܗ݄ܠ ܐܳܥܕܳܐ ܒܰܒܰܝܟ̥ܽܘ ܒܰܚّܰܝ̈ܶܐ ܝܳܐ؟ ܘܟ݄ܬܟ̥ܽܘ ܐܰܚܽܘܢܳܐ؟ ܘܰܐܚܢܰܐ ܡܰܘܕ̥ܰܥ ܠܰܢ ܠܶܗ ܥܰܠ ܗ̄ܰܡّܰܐܡܪ̈ܰܢܺܝ. ܩܰܝ ܐܳܕ̥ܥܺܝ ܗ̄ܘܰܝܢܰܐ ܕܳܐܡܰܪ ܠܰܢ: ܡܰܝܬܰܝܽܘ ܐܰܚܽܘܢܰܝܟ̥ܽܘ؟“
8ܘܐܡ݄ܪ ܠܶܗ ܝܺܗܽܘܕ̥ܳܐ ܠܺܐܝܣܪܳܐܶܝܠ ܗ̄ܽܘ ܒܰܒܰܝܕ̥ܶܗ: ”ܡܫܰܕ݄ܪ ܗ̄ܽܘ ܛܰܠܝܳܐ ܐܰܥܡܰܢ، ܘ݄ܓܩܰܝܡܺܝܢܰܐ ܘ݄ܐܙّܰܢ ܘܚܳܝܺܝܢܰܐ ܘܠܳܐ ܡܰܝܬ̥ܺܝܢܰܐ ܐܰܚܢܰܐ ܘܗܰܬ ܘܺܗ̄ܝ ܐܺܝܩܰܪܬ̥ܰܝܕ̥ܰܢ. 9ܐܳܢܳܐ ܓܥܳܪܰܒ ܐ̱ܢܳܐ ܠܶܗ. ܡܶܢ̱ ܐܺܝܕ̥̈ܳܬ̥ܺܝ ܓܕ݄ܐܒܥܰܬ ܠܶܗ. ܐܶܢ ܠܳܐ ܡܰܕܥܰܪ ܠܺܝ ܠܳܟ̥ ܝܳܐ، ܘܡܰܩ݄ܡ ܠܺܝ ܠܶܗ ܩܽܘܕ̱ܡܳܟ̥، ܓܕܳܗ̄ܘܶܐ ܐ̱ܢܳܐ ܚܰܛܳܝܳܐ ܠܒܰܒܺܝ ܟܽܘܠّܶܗ ܗ̄ܰܝّܰܘܡ̈ܶܐ. 10ܘ݄ܕܠܳܐ ܡܺܝܥܰܘܩܺܝ ܗ̄ܘܰܝܢܰܐ، ܟܺܝܬ ܝܳܐ ܐܳܥܕܳܐ ܬܰܪܬܶܝ ܟܳܪ̈ܶܐ ܐܰܙّܰܢ ܘܕܰܥܺܝܪܺܝܢܰܐ.“
11ܘܐܡ݄ܪ ܠܰܗ ܠّܶܗ ܐܺܝܣܪܳܐܶܝܠ ܗ̄ܽܘ ܒܰܒܰܬّ̥ܶܗ: ”ܐܶܢ ܗܰܘܟ̥ܰܐ ܝܳܐ، ܗܰܘܟ̥ܰܐ ܣܽܘܡܽܘ. ܡܽܘܕܽܘ ܡܽܗ̄ܘ ܡܶܕܶܐ ܛܳܒ̥ܳܐ ܕܺܗ̄ܝ ܐܰܪܥܳܐ ܒܰܣّܶܦܳܩ̈ܰܬ̥ܟ̥ܽܘ. ܘܡܰܢܚܶܬܽܘ ܠܽܗ̄ܘ ܓܰܒ̥ܪܳܐ ܩܽܘܪܒܳܢܳܐ: ܐ݄ܫܡܳܐ ܕܨܰܪܘܳܐ ܘ݄ܐܫܡܳܐ ܕܕܰܒ̥ܫܳܐ، ܘܨܶܡܓ̥ܳܐ ܘܠܳܛܡܳܐ ܘܒܰܛܡ̈ܶܐ، ܘܠܽܘܙ̈ܶܐ. 12ܘܣܶܐܡܳܐ ܬܪܶܝ ܩܶܢ̈ܶܐ ܕܽܗ̄ܘ ܛܺܝܡܳܐ ܡܽܘܕܽܘ ܒܺܐܝܕ̥̈ܰܝܟ̥ܽܘ. ܘܽܗ̄ܘ ܣܶܐܡܳܐ ܕܕܰܥ݄ܪ ܒܦܶܡܶܗ ܕܰܛّܰܥܢ̈ܰܬ̥ܟ̥ܽܘ، ܡܰܕܥܶܪܽܘ ܠܶܗ ܒܺܐܝܕ̥̈ܰܝܟ̥ܽܘ، ܟܺܝܬ ܕܗܰܘܺܝ ܒܛܰܥܝܽܘܬ̥ܳܐ. 13ܘܠܰܐܚܽܘܢܰܝܟ̥ܽܘ ܡܰܘܒܶܠܽܘ ܘܩܽܘܡܽܘ ܘ݄ܕܥܰܪܽܘ ܠܓܰܒ ܗ̄ܽܘ ܓܰܒ̥ܪܳܐ. 14ܘܰܐܠܳܗܳܐ ܐܺܝܠܫܰܕܰܝ ܗ̄ܳܒܰܠܟ̥ܽܘ ܪ̈ܰܚܡܶܐ ܩ݄ܕ̱ܡ ܗ̄ܽܘ ܓܰܒ̥ܪܳܐ، ܘ݄ܡܫܰܕ݄ܪ ܐܰܥܡܰܝܟ̥ܽܘ ܐܰܚܽܘܢܰܝܟ̥ܽܘ ܗ̄ܽܘ ܚܪܶܢܳܐ ܘܒܶܢܝܳܡܶܝܢ. ܘܳܐܢܳܐ ܐܶܢ ܚܪ݄ܡ ܐ̱ܢܳܐ ܡܰܗ̄ܢ ܐܰܒܢ̈ܰܝܕ̥ܺܝ ܚܪ݄ܡ ܐ̱ܢܳܐ.“
15ܘܡ݄ܕّܶܗ ܗ̄ܰܓّܰܒ̥ܪ̈ܶܐ ܗ̄ܽܘ ܩܽܘܪܒܳܢܰܢܳܐ، ܘ݄ܬܪܶܝ ܩܶܢ̈ܶܐ ܕܣܶܐܡܳܐ ܡ݄ܕّܶܗ ܒܺܐܝܕ̥̈ܳܬ̥ܰܝّܶܗ، ܘܡ݄ܕّܶܗ ܐܰܥܡܰܝّܶܗ ܒܶܢܝܳܡܶܝܢ. ܘܩܰܝܺܝܡܺܝ ܢܰܚܺܝܬܺܝ ܠܡܶܨܪܶܝܢ، ܘܩܰܝܺܝܡܺܝ ܩ݄ܕ̱ܡ ܝܰܘܣܶܦ. 16ܘ݄ܚܙܶܐ ܠܶܗ ܝܰܘܣܶܦ ܠܒܶܢܝܳܡܶܝܢ ܐܰܥܡܰܝّܶܗ، ܘܐܡ݄ܪ ܠܶܗ ܠܽܗ̄ܘ ܪܰܒܳܐ ܕܽܗ̄ܘ ܒܰܝܬܰܝܕ̥ܶܗ: ”ܡܰܥܒ݄ܪ ܗ̄ܰܓّܰܒ̥ܪ̈ܶܐ ܠܽܗ̄ܘ ܒܰܝܬܳܐ، ܘ݄ܢܚܰܪ ܕܶܒܚܬ̥ܳܐ ܘ݄ܡܛܰܝ݄ܒ، ܡܺܐܝܕ̥ܶܗ ܕܰܐܥܡܺܝ ܓܕܳܐܟ̥ܠܺܝ ܗ̄ܰܓّܰܒ̥ܪ̈ܶܐ ܦܰܠܓܶܗ ܕܝܰܘܡܳܐ.“ 17ܘܣ݄ܡ ܠܶܗ ܗ̄ܽܘ ܓܪܶܝܥܳܐ ܐܟ̥ ܕܐܡ݄ܪ ܠܶܗ ܝܰܘܣܶܦ، ܘܡܰܥܒܰܪ ܠܶܗ ܗ̄ܰܓّܰܒ̥ܪ̈ܶܐ ܠܽܗ̄ܘ ܒܰܝܬܳܐ ܕܝܰܘܣܶܦ.
18ܘܙܰܝܺܝܥܺܝ ܗ̄ܺܝ ܢܰܩܠܐ ܕܡܰܥ݄ܒܪ݄ܢّܶܗ ܠܽܗ̄ܘ ܒܰܝܬܳܐ ܕܝܰܘܣܶܦ ܘܐܡ݄ܪّܶܗ: ”ܠܰܫܰܢ ܗ̄ܽܘ ܣܶܐܡܳܐ ܕܕܰܥ݄ܪ ܒܰܛّܰܥܢܰܝ̈ܕ̥ܰܢ ܒܺܗ̄ܝ ܩܰܕ̱ܡܰܝܬܳܐ ܟܡܰܥ݄ܒܪܺܝ ܠܰܢ ܠܰܫܰܢ ܕܩܰܝܡܺܝ ܐܰܥܠܰܢ ܘܣܰܝܡܺܝ ܢܶܟ̥ܠܳܐ ܐܶܒܰܢ ܘܣܰܝܡܺܝ ܠܰܢ ܓܪ̈ܶܝܥܶܐ ܐܰܚܢܰܐ ܘܰܚܡܳܪ̈ܰܝܕ̥ܰܢ.“ 19ܘ݄ܡܩܰܪܰܒّ̥ܶܗ ܠܓܰܒ ܗ̄ܽܘ ܓܰܒ̥ܪܳܐ، ܗ̄ܽܘ ܪܰܒܳܐ ܕܽܗ̄ܘ ܒܰܝܬܳܐ ܕܝܰܘܣܶܦ، ܘ݄ܫܓ̥ܺܝܠܺܝ ܐܰܥܡܶܗ ܒܽܗ̄ܘ ܬܰܪܥܳܐ ܕܽܗ̄ܘ ܒܰܝܬܳܐ. 20ܘܐܡ݄ܪّܰܗ ܠܶܗ: ”ܟ݄ܐܒܥܺܝܢܰܐ ܡܶܢܳܟ̥ ܝܰܐ ܗ̄ܽܘ ܡܳܪܰܝܕ̥ܰܢ: ܢܚܳܬܳܐ ܢܰܚܺܝܬܺܝܢܰܐ ܒܺܗ̄ܝ ܢܰܩܠܐ ܩܰܕ̱ܡܰܝܬܳܐ ܠܽܗ̄ܘ ܙܒ̥ܳܢܳܐ ܕܰܚّܶܛ̈ܶܐ. 21ܘܺܗ̄ܝ ܢܰܩܠܐ ܕܰܐܙّܰܢ ܠܒܶܝܬ̥ ܒܰܘܬܳܐ، ܦܬ݄ܚ ܠܰܢ ܗ̄ܰܛّܰܥܢܰܝ̈ܕ̥ܰܢ ܘ݄ܚܙܶܐ ܠܰܢ ܗ̄ܽܘ ܣܶܐܡܳܐ ܕܟܘ̇ܠ ܚܰܕ̱ ܟܰܐܠܶܗ ܒܦܶܡܶܗ ܕܽܗ̄ܘ ܛܰܥܢܰܝܕ̥ܶܗ، ܘܟܰܐܠܶܗ ܗ̄ܽܘ ܣܶܐܡܰܝܕ̥ܰܢ ܒܽܗ̄ܘ ܝܽܘܩܪܰܝܕ̥ܶܗ ܡܰܕܥܰܪ ܠܰܢ ܒܺܐܝܕ̥ܰܢ. 22ܘܣܶܐܡܳܐ ܚܪܶܢܳܐ ܡܰܢܚܰܬ ܠܰܢ ܒܺܐܝܕ̥ܰܢ ܠܽܗ̄ܘ ܙܒ̥ܳܢܳܐ ܕܰܚّܶܛ̈ܶܐ. ܠܰܐ ܐܕ̥ܺܝܥܺܝܢܰܐ ܡܰܢܝܳܐ ܕܡܰܚ݄ܬ ܠܶܗ ܗ̄ܽܘ ܣܶܐܡܳܐ ܒܦܶܡܶܗ ܕܰܛّܰܥܢܰܝ̈ܕ̥ܰܢ.“ 23ܐܡ݄ܪ ܠܰܗ ܠّܶܗ: ”ܫܠܳܡܳܐ ܐܰܠܟ̥ܽܘ، ܠܳܐ ܙܰܝܥܺܝܬܽܘ. ܐܰܠܳܗܰܬ̥ܟ̥ܽܘ، ܗ̄ܽܘ ܐܰܠܳܗܳܐ ܕܽܗ̄ܘ ܒܰܒܰܬ̥ܟ̥ܽܘ ܡܰܚ݄ܬ ܠܶܗ ܠܟ̥ܽܘ ܣܺܝܡܬܳܐ ܒܰܛّܰܥܢ̈ܰܬ̥ܟ̥ܽܘ. ܗ̄ܽܘ ܣܶܐܡܰܬ̥ܟ̥ܽܘ ܡܰܛܺܝ ܠܺܝ.“ ܘܡܰܘܦܰܩ ܠܰܗ ܠܓܰܒܰܝّܶܗ ܫܶܡܥܽܘܢ. 24ܘܽܗ̄ܘ ܓܪܶܝܥܳܐ ܡܰܥܒܰܪ ܠܶܗ ܗ̄ܰܓّܰܒ̥ܪ̈ܶܐ ܠܽܗ̄ܘ ܒܰܝܬܳܐ ܕܝܰܘܣܶܦ، ܘܗܽܒ̥ ܠܶܗ ܡܰܝ̈ܶܐ ܘܡܰܫ݄ܓّ̥ܶܗ ܪ̈ܰܓ̥ܠܳܬ̥ܰܝّܶܗ، ܘܡܰܚ݄ܬ ܠܶܗ ܡܽܐܘܟܠܳܐ ܠܰܚܡܳܪ̈ܰܬّ̥ܶܗ. 25ܘ݄ܡܛܰܝܰܒّܶܗ ܩܽܘܪܒܳܢܳܐ ܡܶܩ݄ܕ̱ܡ ܕܳܐܬ̥ܶܐ ܝܰܘܣܶܦ ܒܦܰܠܓܶܗ ܕܝܰܘܡܳܐ، ܥܰܠ ܕܫܰܡܺܝܥܺܝ ܕܬܰܡܳܐ ܓܕܳܐܟ̥ܠܺܝ ܡܽܐܘܟܠܳܐ. 26ܘܥܰܒ݄ܪ ܝܰܘܣܶܦ ܠܽܗ̄ܘ ܒܰܝܬܳܐ، ܘܡܰܝܬܰܠّܶܗ ܗ̄ܽܘ ܩܽܘܪܒܳܢܳܐ ܕܒܺܐܝܕ̥̈ܰܝّܶܗ ܠܽܗ̄ܘ ܒܰܝܬܳܐ، ܘ݄ܣܓ̥݄ܕّܰܗ ܠܶܗ ܥܰܠ ܗ̄ܺܝ ܐܰܪܥܳܐ. 27ܘ݄ܡܫܰܐܶܠ ܠܶܗ ܒܽܗ̄ܘ ܫܠܳܡܰܬّ̥ܶܗ، ܘܐܡ݄ܪ ܠܰܗ ܠّܶܗ: ”ܒ݄ܫܠܳܡܳܐ ܝܳܐ ܗ̄ܽܘ ܒܰܒܰܬ̥ܟ̥ܽܘ ܗ̄ܽܘ ܣܳܒ̥ܳܐ ܕܐܡ݄ܪܟ̥ܽܘ ܠܺܝ؟ ܗ݄ܠ ܐܳܥܕܳܐ ܚܰܝܳܐ ܝܳܐ؟“ 28ܘܐܡ݄ܪّܶܗ: ”ܒ݄ܫܠܳܡܳܐ ܝܳܐ ܗ̄ܽܘ ܓܪܶܝܥܰܝܕ̥ܳܟ̥ ܒܰܒܰܢ.“ ܘܐܡ݄ܪّܶܗ: ”ܗ݄ܠ ܐܳܥܕܳܐ ܚܰܝܳܐ ܝܳܐ.“ ܘܟ݄ܦّܶܗ ܘ݄ܣܓ̥݄ܕّܶܗ.
29ܘܡܰܥܠܶܐ ܠܶܗ ܥܰܝܢ̈ܶܗ ܘ݄ܚܙܶܐ ܠܶܗ ܠܒܶܢܝܳܡܶܝܢ ܗ̄ܽܘ ܐܰܚܽܘܢܳܐ، ܗ̄ܽܘ ܐܰܒܪܳܐ ܕܺܗ̄ܝ ܐܶܡܳܐ، ܘܐܡ݄ܪ ܠܰܗ ܠّܶܗ: ”ܗܰܢܳܐ ܝܳܐ ܐܰܚܽܘܢܰܝܟ̥ܽܘ ܗ̄ܽܘ ܢܰܥܺܝܡܳܐ ܕܐܡ݄ܪܟ̥ܽܘ ܠܺܝ؟“ ܘܐܡ݄ܪ ܠܶܗ: ”ܐܰܠܳܗܳܐ ܡܰܪܚ݄ܡ ܐܰܥܠܳܟ̥ ܝܰܐ ܐܰܒܪܺܝ.“ 30ܘܡܰܠ݄ܙ ܠܶܗ ܝܰܘܣܶܦ ܕܢܳܦ݄ܩ، ܥܰܠ ܕܪܰܬ݄ܚ ܠܶܒܶܗ ܒܺܗ̄ܝ ܚܽܘܒܳܐ ܥܰܠ ܐܰܚܽܘܢܳܐ ܘܰܐܒ݄ܥ ܕܒܳܟ̥ܶܐ. ܘܥܰܒ݄ܪ ܠܰܘܓ̥݄ܠ ܘܒܰܟ̥ܺܝ ܬܰܡܳܐ.
31ܘܡܰܫ݄ܓ̥ ܠܶܗ ܦܳܬ̥ܶܗ ܘܢܰܦ݄ܩ ܘܚ݄ܨ ܠܶܗ ܪܽܘܚܶܗ، ܘܐܡ݄ܪ ܠܶܗ ܕܡܰܚܬܺܝ ܡܽܐܘܟܠܳܐ ܩܽܘܕ̱ܡܰܝّܶܗ. 32ܘܡܰܚ݄ܬّܶܗ ܐܶܠܶܗ ܠܪܽܘܚܶܗ، ܘܰܐܠّܶܗ ܠܪܽܘܚܰܝّܶܗ، ܘܠܰܡّܶܨܪ̈ܳܝܶܐ ܕܳܐܟ̥ܠܺܝ ܐܰܥܡܶܗ ܠܪܽܘܚܰܝّܶܗ، ܡܺܐܝܕ̥ܶܗ ܕܠܰܒّܶܗ ܗ̄ܰܡّܶܨܪ̈ܳܝܶܐ ܕܳܐܟ̥ܠܺܝ ܡܽܐܘܟܠܳܐ ܥܰܡ ܗ̄ܰܥّܶܒܪ̈ܳܝܶܐ ܥܰܠ ܕܟ݄ܬ ܝܳܐ ܛܰܢܦܽܘܬ̥ܳܐ ܠܰܡّܶܨܪ̈ܳܝܶܐ. 33ܘܝܰܬܺܝܒ̥ܺܝ ܩܽܘܕ̱ܡܶܗ ܡܽܗ̄ܘ ܪܰܒܳܐ ܗ݄ܠ ܠܽܗ̄ܘ ܢܰܥܺܝܡܳܐ ܟܘ̇ܠ ܚܰܕ̱ ܒܽܗ̄ܘ ܥܽܘܡܪܰܝܕ̥ܶܗ. ܘܡܺܝܕܰܘܡܪܺܝ ܗ̄ܰܓّܰܒ̥ܪ̈ܶܐ ܟܘ̇ܠ ܚܰܕ̱ ܡܽܗ̄ܘ ܚܰܒ̥ܪܰܝܕ̥ܶܗ. 34ܘܗܽܒّ̥ܶܗ ܠܟܘ̇ܠ ܚܰܕ̱ ܡܢܳܬ̥ܳܐ، ܘܡܰܙ݄ܕ ܠܶܗ ܗ̄ܺܝ ܡܢܳܬ̥ܳܐ ܕܒܶܢܝܳܡܶܝܢ ܚܰܡّ݄ܫ ܟܳܪ̈ܶܐ ܡܶܢ̱ ܟܘ̇ܠ ܚܰܕ̱ ܡ݄ܢّܶܗ. ܘ݄ܫܬܰܠّܶܗ ܘܪܰܘ݄ܢ ܐܰܥܡܶܗ.
Currently Selected:
ܣܶܦܪܳܐ ܕ݄ܒܪܺܝܬ̥ܳܐ 43: ܟܬܒܐ
Highlight
Share
Copy
Want to have your highlights saved across all your devices? Sign up or sign in
Suryoyo Bible © 2024 Aramaic Bible Translation
ܣܶܦܪܳܐ ܕ݄ܒܪܺܝܬ̥ܳܐ 43
43
1ܘܚܺܝܨ ܗ̄ܽܘ ܟܰܦܢܳܐ ܒܺܗ̄ܝ ܐܰܪܥܳܐ. 2ܘܺܗ̄ܝ ܢܰܩܠܐ ܕܡܰܬ݄ܡّܶܗ ܗ̄ܰܚّܶܛ̈ܶܐ ܕܡܰܝܬܰܠّܶܗ ܡܶܢ̱ ܡܶܨܪܶܝܢ، ܐܡ݄ܪ ܠܰܗ ܠّܶܗ ܝܰܥܩܽܘܒ ܗ̄ܽܘ ܒܰܒܰܬّ̥ܶܗ: ”ܢܚܰܬܽܘ ܙܒ̥ܰܢܽܘ ܠܰܢ ܐ݄ܫܡܳܐ ܕܚ̈ܶܛܶܐ.“ 3ܐܡ݄ܪ ܠܶܗ ܠܶܗ ܝܺܗܽܘܕ̥ܳܐ: ”ܝܺܡܳܝܳܐ ܡܰܘܡܶܐ ܠܶܗ ܠܰܢ ܗ̄ܽܘ ܓܰܒ̥ܪܳܐ ܘܐܡ݄ܪ ܠܶܗ: ܠܳܐ ܚܳܙܺܝܬܽܘ ܦܳܬ̥ܺܝ ܕܠܳܐ ܗ̄ܘܶܐ ܐܰܚܽܘܢܰܝܟ̥ܽܘ ܐܰܥܡܰܝܟ̥ܽܘ. 4ܐܶܢ ܕ݄ܡܫܰܕܪܰܬ ܠܰܐܚܽܘܢܰܢ ܐܰܥܡܰܢ، ܓܢܳܚܬܺܝܢܰܐ ܘܙܳܒ̥ܢܺܝܢܰܐ ܠܰܢ ܚ̈ܶܛܶܐ. 5ܘܶܐܢ ܠܳܐ ܡܫܰܕܪܰܬ ܠܶܗ ܠ݄ܐ ܓܢܳܚܬܺܝܢܰܐ، ܡܺܐܝܕ̥ܶܗ ܕܽܗ̄ܘ ܓܰܒ̥ܪܳܐ ܐܡ݄ܪ ܠܶܗ ܠܰܢ: ܠ݄ܐ ܓܚܳܙܺܝܬܽܘ ܦܳܬ̥ܺܝ ܕܠܳܐ ܗ̄ܘܶܐ ܐܰܚܽܘܢܰܝܟ̥ܽܘ ܐܰܥܡܰܝܟ̥ܽܘ.“
6ܘܐܡ݄ܪ ܠܰܗ ܠّܶܗ ܐܺܝܣܪܳܐܶܝܠ ܗ̄ܽܘ ܒܰܒܰܬّ̥ܶܗ: ”ܠܡ݄ܢ ܣ݄ܡܟ̥ܽܘ ܐܰܥܡܺܝ ܚܰܪܒܽܘܬ̥ܳܐ ܘܡܰܚܘܰܠܟ̥ܽܘ ܠܽܗ̄ܘ ܓܰܒ̥ܪܳܐ ܕܟ݄ܬܟ̥ܽܘ ܐܰܚܽܘܢܳܐ؟“ 7ܘܐܡ݄ܪّܶܗ: ”ܫܽܘܐܳܠܳܐ ܡܫܰܐܶܠ ܠܶܗ ܗ̄ܽܘ ܓܰܒ̥ܪܳܐ ܐܰܥܠܰܢ ܘܥܰܠ ܗ̄ܺܝ ܫܰܪܒܬ̥ܰܝܕ̥ܰܢ، ܘܐܡ݄ܪ ܠܶܗ: ܗ݄ܠ ܐܳܥܕܳܐ ܒܰܒܰܝܟ̥ܽܘ ܒܰܚّܰܝ̈ܶܐ ܝܳܐ؟ ܘܟ݄ܬܟ̥ܽܘ ܐܰܚܽܘܢܳܐ؟ ܘܰܐܚܢܰܐ ܡܰܘܕ̥ܰܥ ܠܰܢ ܠܶܗ ܥܰܠ ܗ̄ܰܡّܰܐܡܪ̈ܰܢܺܝ. ܩܰܝ ܐܳܕ̥ܥܺܝ ܗ̄ܘܰܝܢܰܐ ܕܳܐܡܰܪ ܠܰܢ: ܡܰܝܬܰܝܽܘ ܐܰܚܽܘܢܰܝܟ̥ܽܘ؟“
8ܘܐܡ݄ܪ ܠܶܗ ܝܺܗܽܘܕ̥ܳܐ ܠܺܐܝܣܪܳܐܶܝܠ ܗ̄ܽܘ ܒܰܒܰܝܕ̥ܶܗ: ”ܡܫܰܕ݄ܪ ܗ̄ܽܘ ܛܰܠܝܳܐ ܐܰܥܡܰܢ، ܘ݄ܓܩܰܝܡܺܝܢܰܐ ܘ݄ܐܙّܰܢ ܘܚܳܝܺܝܢܰܐ ܘܠܳܐ ܡܰܝܬ̥ܺܝܢܰܐ ܐܰܚܢܰܐ ܘܗܰܬ ܘܺܗ̄ܝ ܐܺܝܩܰܪܬ̥ܰܝܕ̥ܰܢ. 9ܐܳܢܳܐ ܓܥܳܪܰܒ ܐ̱ܢܳܐ ܠܶܗ. ܡܶܢ̱ ܐܺܝܕ̥̈ܳܬ̥ܺܝ ܓܕ݄ܐܒܥܰܬ ܠܶܗ. ܐܶܢ ܠܳܐ ܡܰܕܥܰܪ ܠܺܝ ܠܳܟ̥ ܝܳܐ، ܘܡܰܩ݄ܡ ܠܺܝ ܠܶܗ ܩܽܘܕ̱ܡܳܟ̥، ܓܕܳܗ̄ܘܶܐ ܐ̱ܢܳܐ ܚܰܛܳܝܳܐ ܠܒܰܒܺܝ ܟܽܘܠّܶܗ ܗ̄ܰܝّܰܘܡ̈ܶܐ. 10ܘ݄ܕܠܳܐ ܡܺܝܥܰܘܩܺܝ ܗ̄ܘܰܝܢܰܐ، ܟܺܝܬ ܝܳܐ ܐܳܥܕܳܐ ܬܰܪܬܶܝ ܟܳܪ̈ܶܐ ܐܰܙّܰܢ ܘܕܰܥܺܝܪܺܝܢܰܐ.“
11ܘܐܡ݄ܪ ܠܰܗ ܠّܶܗ ܐܺܝܣܪܳܐܶܝܠ ܗ̄ܽܘ ܒܰܒܰܬّ̥ܶܗ: ”ܐܶܢ ܗܰܘܟ̥ܰܐ ܝܳܐ، ܗܰܘܟ̥ܰܐ ܣܽܘܡܽܘ. ܡܽܘܕܽܘ ܡܽܗ̄ܘ ܡܶܕܶܐ ܛܳܒ̥ܳܐ ܕܺܗ̄ܝ ܐܰܪܥܳܐ ܒܰܣّܶܦܳܩ̈ܰܬ̥ܟ̥ܽܘ. ܘܡܰܢܚܶܬܽܘ ܠܽܗ̄ܘ ܓܰܒ̥ܪܳܐ ܩܽܘܪܒܳܢܳܐ: ܐ݄ܫܡܳܐ ܕܨܰܪܘܳܐ ܘ݄ܐܫܡܳܐ ܕܕܰܒ̥ܫܳܐ، ܘܨܶܡܓ̥ܳܐ ܘܠܳܛܡܳܐ ܘܒܰܛܡ̈ܶܐ، ܘܠܽܘܙ̈ܶܐ. 12ܘܣܶܐܡܳܐ ܬܪܶܝ ܩܶܢ̈ܶܐ ܕܽܗ̄ܘ ܛܺܝܡܳܐ ܡܽܘܕܽܘ ܒܺܐܝܕ̥̈ܰܝܟ̥ܽܘ. ܘܽܗ̄ܘ ܣܶܐܡܳܐ ܕܕܰܥ݄ܪ ܒܦܶܡܶܗ ܕܰܛّܰܥܢ̈ܰܬ̥ܟ̥ܽܘ، ܡܰܕܥܶܪܽܘ ܠܶܗ ܒܺܐܝܕ̥̈ܰܝܟ̥ܽܘ، ܟܺܝܬ ܕܗܰܘܺܝ ܒܛܰܥܝܽܘܬ̥ܳܐ. 13ܘܠܰܐܚܽܘܢܰܝܟ̥ܽܘ ܡܰܘܒܶܠܽܘ ܘܩܽܘܡܽܘ ܘ݄ܕܥܰܪܽܘ ܠܓܰܒ ܗ̄ܽܘ ܓܰܒ̥ܪܳܐ. 14ܘܰܐܠܳܗܳܐ ܐܺܝܠܫܰܕܰܝ ܗ̄ܳܒܰܠܟ̥ܽܘ ܪ̈ܰܚܡܶܐ ܩ݄ܕ̱ܡ ܗ̄ܽܘ ܓܰܒ̥ܪܳܐ، ܘ݄ܡܫܰܕ݄ܪ ܐܰܥܡܰܝܟ̥ܽܘ ܐܰܚܽܘܢܰܝܟ̥ܽܘ ܗ̄ܽܘ ܚܪܶܢܳܐ ܘܒܶܢܝܳܡܶܝܢ. ܘܳܐܢܳܐ ܐܶܢ ܚܪ݄ܡ ܐ̱ܢܳܐ ܡܰܗ̄ܢ ܐܰܒܢ̈ܰܝܕ̥ܺܝ ܚܪ݄ܡ ܐ̱ܢܳܐ.“
15ܘܡ݄ܕّܶܗ ܗ̄ܰܓّܰܒ̥ܪ̈ܶܐ ܗ̄ܽܘ ܩܽܘܪܒܳܢܰܢܳܐ، ܘ݄ܬܪܶܝ ܩܶܢ̈ܶܐ ܕܣܶܐܡܳܐ ܡ݄ܕّܶܗ ܒܺܐܝܕ̥̈ܳܬ̥ܰܝّܶܗ، ܘܡ݄ܕّܶܗ ܐܰܥܡܰܝّܶܗ ܒܶܢܝܳܡܶܝܢ. ܘܩܰܝܺܝܡܺܝ ܢܰܚܺܝܬܺܝ ܠܡܶܨܪܶܝܢ، ܘܩܰܝܺܝܡܺܝ ܩ݄ܕ̱ܡ ܝܰܘܣܶܦ. 16ܘ݄ܚܙܶܐ ܠܶܗ ܝܰܘܣܶܦ ܠܒܶܢܝܳܡܶܝܢ ܐܰܥܡܰܝّܶܗ، ܘܐܡ݄ܪ ܠܶܗ ܠܽܗ̄ܘ ܪܰܒܳܐ ܕܽܗ̄ܘ ܒܰܝܬܰܝܕ̥ܶܗ: ”ܡܰܥܒ݄ܪ ܗ̄ܰܓّܰܒ̥ܪ̈ܶܐ ܠܽܗ̄ܘ ܒܰܝܬܳܐ، ܘ݄ܢܚܰܪ ܕܶܒܚܬ̥ܳܐ ܘ݄ܡܛܰܝ݄ܒ، ܡܺܐܝܕ̥ܶܗ ܕܰܐܥܡܺܝ ܓܕܳܐܟ̥ܠܺܝ ܗ̄ܰܓّܰܒ̥ܪ̈ܶܐ ܦܰܠܓܶܗ ܕܝܰܘܡܳܐ.“ 17ܘܣ݄ܡ ܠܶܗ ܗ̄ܽܘ ܓܪܶܝܥܳܐ ܐܟ̥ ܕܐܡ݄ܪ ܠܶܗ ܝܰܘܣܶܦ، ܘܡܰܥܒܰܪ ܠܶܗ ܗ̄ܰܓّܰܒ̥ܪ̈ܶܐ ܠܽܗ̄ܘ ܒܰܝܬܳܐ ܕܝܰܘܣܶܦ.
18ܘܙܰܝܺܝܥܺܝ ܗ̄ܺܝ ܢܰܩܠܐ ܕܡܰܥ݄ܒܪ݄ܢّܶܗ ܠܽܗ̄ܘ ܒܰܝܬܳܐ ܕܝܰܘܣܶܦ ܘܐܡ݄ܪّܶܗ: ”ܠܰܫܰܢ ܗ̄ܽܘ ܣܶܐܡܳܐ ܕܕܰܥ݄ܪ ܒܰܛّܰܥܢܰܝ̈ܕ̥ܰܢ ܒܺܗ̄ܝ ܩܰܕ̱ܡܰܝܬܳܐ ܟܡܰܥ݄ܒܪܺܝ ܠܰܢ ܠܰܫܰܢ ܕܩܰܝܡܺܝ ܐܰܥܠܰܢ ܘܣܰܝܡܺܝ ܢܶܟ̥ܠܳܐ ܐܶܒܰܢ ܘܣܰܝܡܺܝ ܠܰܢ ܓܪ̈ܶܝܥܶܐ ܐܰܚܢܰܐ ܘܰܚܡܳܪ̈ܰܝܕ̥ܰܢ.“ 19ܘ݄ܡܩܰܪܰܒّ̥ܶܗ ܠܓܰܒ ܗ̄ܽܘ ܓܰܒ̥ܪܳܐ، ܗ̄ܽܘ ܪܰܒܳܐ ܕܽܗ̄ܘ ܒܰܝܬܳܐ ܕܝܰܘܣܶܦ، ܘ݄ܫܓ̥ܺܝܠܺܝ ܐܰܥܡܶܗ ܒܽܗ̄ܘ ܬܰܪܥܳܐ ܕܽܗ̄ܘ ܒܰܝܬܳܐ. 20ܘܐܡ݄ܪّܰܗ ܠܶܗ: ”ܟ݄ܐܒܥܺܝܢܰܐ ܡܶܢܳܟ̥ ܝܰܐ ܗ̄ܽܘ ܡܳܪܰܝܕ̥ܰܢ: ܢܚܳܬܳܐ ܢܰܚܺܝܬܺܝܢܰܐ ܒܺܗ̄ܝ ܢܰܩܠܐ ܩܰܕ̱ܡܰܝܬܳܐ ܠܽܗ̄ܘ ܙܒ̥ܳܢܳܐ ܕܰܚّܶܛ̈ܶܐ. 21ܘܺܗ̄ܝ ܢܰܩܠܐ ܕܰܐܙّܰܢ ܠܒܶܝܬ̥ ܒܰܘܬܳܐ، ܦܬ݄ܚ ܠܰܢ ܗ̄ܰܛّܰܥܢܰܝ̈ܕ̥ܰܢ ܘ݄ܚܙܶܐ ܠܰܢ ܗ̄ܽܘ ܣܶܐܡܳܐ ܕܟܘ̇ܠ ܚܰܕ̱ ܟܰܐܠܶܗ ܒܦܶܡܶܗ ܕܽܗ̄ܘ ܛܰܥܢܰܝܕ̥ܶܗ، ܘܟܰܐܠܶܗ ܗ̄ܽܘ ܣܶܐܡܰܝܕ̥ܰܢ ܒܽܗ̄ܘ ܝܽܘܩܪܰܝܕ̥ܶܗ ܡܰܕܥܰܪ ܠܰܢ ܒܺܐܝܕ̥ܰܢ. 22ܘܣܶܐܡܳܐ ܚܪܶܢܳܐ ܡܰܢܚܰܬ ܠܰܢ ܒܺܐܝܕ̥ܰܢ ܠܽܗ̄ܘ ܙܒ̥ܳܢܳܐ ܕܰܚّܶܛ̈ܶܐ. ܠܰܐ ܐܕ̥ܺܝܥܺܝܢܰܐ ܡܰܢܝܳܐ ܕܡܰܚ݄ܬ ܠܶܗ ܗ̄ܽܘ ܣܶܐܡܳܐ ܒܦܶܡܶܗ ܕܰܛّܰܥܢܰܝ̈ܕ̥ܰܢ.“ 23ܐܡ݄ܪ ܠܰܗ ܠّܶܗ: ”ܫܠܳܡܳܐ ܐܰܠܟ̥ܽܘ، ܠܳܐ ܙܰܝܥܺܝܬܽܘ. ܐܰܠܳܗܰܬ̥ܟ̥ܽܘ، ܗ̄ܽܘ ܐܰܠܳܗܳܐ ܕܽܗ̄ܘ ܒܰܒܰܬ̥ܟ̥ܽܘ ܡܰܚ݄ܬ ܠܶܗ ܠܟ̥ܽܘ ܣܺܝܡܬܳܐ ܒܰܛّܰܥܢ̈ܰܬ̥ܟ̥ܽܘ. ܗ̄ܽܘ ܣܶܐܡܰܬ̥ܟ̥ܽܘ ܡܰܛܺܝ ܠܺܝ.“ ܘܡܰܘܦܰܩ ܠܰܗ ܠܓܰܒܰܝّܶܗ ܫܶܡܥܽܘܢ. 24ܘܽܗ̄ܘ ܓܪܶܝܥܳܐ ܡܰܥܒܰܪ ܠܶܗ ܗ̄ܰܓّܰܒ̥ܪ̈ܶܐ ܠܽܗ̄ܘ ܒܰܝܬܳܐ ܕܝܰܘܣܶܦ، ܘܗܽܒ̥ ܠܶܗ ܡܰܝ̈ܶܐ ܘܡܰܫ݄ܓّ̥ܶܗ ܪ̈ܰܓ̥ܠܳܬ̥ܰܝّܶܗ، ܘܡܰܚ݄ܬ ܠܶܗ ܡܽܐܘܟܠܳܐ ܠܰܚܡܳܪ̈ܰܬّ̥ܶܗ. 25ܘ݄ܡܛܰܝܰܒّܶܗ ܩܽܘܪܒܳܢܳܐ ܡܶܩ݄ܕ̱ܡ ܕܳܐܬ̥ܶܐ ܝܰܘܣܶܦ ܒܦܰܠܓܶܗ ܕܝܰܘܡܳܐ، ܥܰܠ ܕܫܰܡܺܝܥܺܝ ܕܬܰܡܳܐ ܓܕܳܐܟ̥ܠܺܝ ܡܽܐܘܟܠܳܐ. 26ܘܥܰܒ݄ܪ ܝܰܘܣܶܦ ܠܽܗ̄ܘ ܒܰܝܬܳܐ، ܘܡܰܝܬܰܠّܶܗ ܗ̄ܽܘ ܩܽܘܪܒܳܢܳܐ ܕܒܺܐܝܕ̥̈ܰܝّܶܗ ܠܽܗ̄ܘ ܒܰܝܬܳܐ، ܘ݄ܣܓ̥݄ܕّܰܗ ܠܶܗ ܥܰܠ ܗ̄ܺܝ ܐܰܪܥܳܐ. 27ܘ݄ܡܫܰܐܶܠ ܠܶܗ ܒܽܗ̄ܘ ܫܠܳܡܰܬّ̥ܶܗ، ܘܐܡ݄ܪ ܠܰܗ ܠّܶܗ: ”ܒ݄ܫܠܳܡܳܐ ܝܳܐ ܗ̄ܽܘ ܒܰܒܰܬ̥ܟ̥ܽܘ ܗ̄ܽܘ ܣܳܒ̥ܳܐ ܕܐܡ݄ܪܟ̥ܽܘ ܠܺܝ؟ ܗ݄ܠ ܐܳܥܕܳܐ ܚܰܝܳܐ ܝܳܐ؟“ 28ܘܐܡ݄ܪّܶܗ: ”ܒ݄ܫܠܳܡܳܐ ܝܳܐ ܗ̄ܽܘ ܓܪܶܝܥܰܝܕ̥ܳܟ̥ ܒܰܒܰܢ.“ ܘܐܡ݄ܪّܶܗ: ”ܗ݄ܠ ܐܳܥܕܳܐ ܚܰܝܳܐ ܝܳܐ.“ ܘܟ݄ܦّܶܗ ܘ݄ܣܓ̥݄ܕّܶܗ.
29ܘܡܰܥܠܶܐ ܠܶܗ ܥܰܝܢ̈ܶܗ ܘ݄ܚܙܶܐ ܠܶܗ ܠܒܶܢܝܳܡܶܝܢ ܗ̄ܽܘ ܐܰܚܽܘܢܳܐ، ܗ̄ܽܘ ܐܰܒܪܳܐ ܕܺܗ̄ܝ ܐܶܡܳܐ، ܘܐܡ݄ܪ ܠܰܗ ܠّܶܗ: ”ܗܰܢܳܐ ܝܳܐ ܐܰܚܽܘܢܰܝܟ̥ܽܘ ܗ̄ܽܘ ܢܰܥܺܝܡܳܐ ܕܐܡ݄ܪܟ̥ܽܘ ܠܺܝ؟“ ܘܐܡ݄ܪ ܠܶܗ: ”ܐܰܠܳܗܳܐ ܡܰܪܚ݄ܡ ܐܰܥܠܳܟ̥ ܝܰܐ ܐܰܒܪܺܝ.“ 30ܘܡܰܠ݄ܙ ܠܶܗ ܝܰܘܣܶܦ ܕܢܳܦ݄ܩ، ܥܰܠ ܕܪܰܬ݄ܚ ܠܶܒܶܗ ܒܺܗ̄ܝ ܚܽܘܒܳܐ ܥܰܠ ܐܰܚܽܘܢܳܐ ܘܰܐܒ݄ܥ ܕܒܳܟ̥ܶܐ. ܘܥܰܒ݄ܪ ܠܰܘܓ̥݄ܠ ܘܒܰܟ̥ܺܝ ܬܰܡܳܐ.
31ܘܡܰܫ݄ܓ̥ ܠܶܗ ܦܳܬ̥ܶܗ ܘܢܰܦ݄ܩ ܘܚ݄ܨ ܠܶܗ ܪܽܘܚܶܗ، ܘܐܡ݄ܪ ܠܶܗ ܕܡܰܚܬܺܝ ܡܽܐܘܟܠܳܐ ܩܽܘܕ̱ܡܰܝّܶܗ. 32ܘܡܰܚ݄ܬّܶܗ ܐܶܠܶܗ ܠܪܽܘܚܶܗ، ܘܰܐܠّܶܗ ܠܪܽܘܚܰܝّܶܗ، ܘܠܰܡّܶܨܪ̈ܳܝܶܐ ܕܳܐܟ̥ܠܺܝ ܐܰܥܡܶܗ ܠܪܽܘܚܰܝّܶܗ، ܡܺܐܝܕ̥ܶܗ ܕܠܰܒّܶܗ ܗ̄ܰܡّܶܨܪ̈ܳܝܶܐ ܕܳܐܟ̥ܠܺܝ ܡܽܐܘܟܠܳܐ ܥܰܡ ܗ̄ܰܥّܶܒܪ̈ܳܝܶܐ ܥܰܠ ܕܟ݄ܬ ܝܳܐ ܛܰܢܦܽܘܬ̥ܳܐ ܠܰܡّܶܨܪ̈ܳܝܶܐ. 33ܘܝܰܬܺܝܒ̥ܺܝ ܩܽܘܕ̱ܡܶܗ ܡܽܗ̄ܘ ܪܰܒܳܐ ܗ݄ܠ ܠܽܗ̄ܘ ܢܰܥܺܝܡܳܐ ܟܘ̇ܠ ܚܰܕ̱ ܒܽܗ̄ܘ ܥܽܘܡܪܰܝܕ̥ܶܗ. ܘܡܺܝܕܰܘܡܪܺܝ ܗ̄ܰܓّܰܒ̥ܪ̈ܶܐ ܟܘ̇ܠ ܚܰܕ̱ ܡܽܗ̄ܘ ܚܰܒ̥ܪܰܝܕ̥ܶܗ. 34ܘܗܽܒّ̥ܶܗ ܠܟܘ̇ܠ ܚܰܕ̱ ܡܢܳܬ̥ܳܐ، ܘܡܰܙ݄ܕ ܠܶܗ ܗ̄ܺܝ ܡܢܳܬ̥ܳܐ ܕܒܶܢܝܳܡܶܝܢ ܚܰܡّ݄ܫ ܟܳܪ̈ܶܐ ܡܶܢ̱ ܟܘ̇ܠ ܚܰܕ̱ ܡ݄ܢّܶܗ. ܘ݄ܫܬܰܠّܶܗ ܘܪܰܘ݄ܢ ܐܰܥܡܶܗ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Suryoyo Bible © 2024 Aramaic Bible Translation