ܣܶܦܪܳܐ ܕ݄ܒܪܺܝܬ̥ܳܐ 36

1ܘܗܰܢܺܝ ܢܶܝ ܗ̄ܰܝܠܺܝܕ̥̈ܶܐ (ܗ̄ܽܘ ܙܰܪܥܳܐ) ܕܥܺܝܣܽܘ: ܥܺܝܣܽܘ ܗܺܝّܶܗ ܝܳܐ ܐܰܕܽܘܡ. 2ܥܺܝܣܽܘ ܡ݄ܕ ܠܶܗ ܗ̄ܰܢ ܢܶܫ̈ܰܝܕ̥ܶܗ ܡܰܢ̱ ܒܢ̈ܳܬ̥ܳܐ ܕ݄ܟܢܰܥܢ، ܥܰܕܳܐ ܗ̄ܺܝ ܒܰܪܬ̥ܳܐ ܕܰܐ‌ܠܽܘܢ ܗ̄ܽܘ ܚܺܝܬ̥ܳܝܳܐ، ܘܰܐܗܠܺܝܒܳܡܳܐ ܗ̄ܺܝ ܒܰܪܬ̥ܳܐ ܕܥܰܢܳܐ ܗ̄ܽܘ ܐܰܒܪܳܐ ܕܨܶܒܥܽܘܢ ܗ̄ܽܘ ܚܰܘܳܝܳܐ، 3ܘܒܶܣܡܰܬ ܗ̄ܺܝ ܒܰܪܬ̥ܳܐ ܕܺܐܝܫܡܳܥܶܝܠ ܗ̄ܺܝ ܚܳܬ̥ܳܐ ܕ݄ܢܒܺܝܽܘܬ̥. 4ܘܡܰܘܠܰܕ ܠܰܗ ܥܰܕܳܐ ܠܥܺܝܣܽܘ ܐܶ‌ܠܺܝܦܳܙ. ܘܒܶܣܡܰܬ ܡܰܘܠܰܕ ܠܰܗ ܪܰܥܽܘܐܶܝܠ. 5ܘܰܐܗܠܺܝܒܳܡܳܐ ܡܰܘܠܰܕ ܠܰܗ ܝܰܥܽܘܫ ܘܝܰܥܠܳܢ ܘܩܽܘܪܳܚ. ܗܰܢܺܝ ܢܶܝ ܗ̄ܰܢ ܐܰܒܢ̈ܶܐ ܕܥܺܝܣܽܘ ܕܗܰܘ݄ܢ ܠܶܗ ܒܺܗ̄ܝ ܐܰܪܥܳܐ ܕ݄ܟܢܰܥܢ.

6ܘܡܰܘܒܶܠ ܠܶܗ ܥܺܝܣܽܘ ܗ̄ܰܢ ܢܶܫ̈ܰܝܕ̥ܶܗ ܘܰܗ̄ܢ ܐܰܒܢ̈ܰܝܕ̥ܶܗ ܘܰܒܢ̈ܳܬ̥ܰܝܕ̥ܶܗ ܘܟܽܘܠّܶܗ ܗ̄ܰܢ ܢܳܫ̈ܶܐ ܕܽܗ̄ܘ ܒܰܝܬܰܝܕ̥ܶܗ ܘܟܽܘܠܶܗ ܗ̄ܽܘ ܒܥܺܝܪܰܝܕ̥ܶܗ (ܘܟܽܘܠّܶܗ ܗ̄ܰܚّܰܝ̈ܘܳܬ̥ܰܝܕ̥ܶܗ) ܘܟܽܘܠܶܗ ܗ̄ܽܘ ܩܰܢܝܳܢܰܝܕ̥ܶܗ ܕ݄ܩܢܶܐ ܠܶܗ ܒܺܗ̄ܝ ܐܰܪܥܳܐ ܕ݄ܟܢܰܥܢ، ܘܰܐܙّܶܗ ܠܺܗ̄ܝ ܐܰܪܥܳܐ ܕܣܳܥܺܝܪ ܡܶܢ̱ ܩܽܘܕ̱ܡܶܗ ܕܝܰܥܩܽܘܒ ܗ̄ܽܘ ܐܰܚܽܘܢܳܐ، 7ܥܰܠ ܕܙܰܝ݄ܕ ܗ̄ܘܰܐ ܗ̄ܽܘ ܩܰܢܝܳܢܰܬّ̥ܶܗ ܗ݄ܠ ܕܠܳܐ ܩܳܕܪܺܝ ܗ̄ܘܰܘ̱ ܕܝܳܬܒ̥ܺܝ ܩܰܪ̈ܺܝܒ̥ܶܐ ܡܶܢ̱ ܚܕ̥ܳܕ̥̈ܶܐ، ܗ̄ܺܝ ܐܰܪܥܳܐ ܕܝܳܬܒ̥ܺܝ ܗ̄ܘܰܘ̱ ܐܶܒܰܗ ܠܳܐ ܥܳܪܝܳܐ ܗ̄ܘܰܐ ܠܽܗ̄ܘ ܩܰܢܝܳܢܳܐ ܕܰܬܪܰܝّܶܗ. 8ܘܝܰܬܽܒ̥ ܥܺܝܣܽܘ ܒܽܗ̄ܘ ܛܽܘܪܳܐ ܕܣܳܥܺܝܪ. ܥܺܝܣܽܘ ܗܺܝّܶܗ ܝܳܐ ܐܰܕܽܘܡ.

9ܘܗܰܢܺܝ ܢܶܝ ܗ̄ܰܝܠܺܝܕ̥̈ܶܐ (ܗ̄ܽܘ ܙܰܪܥܳܐ) ܕܥܺܝܣܽܘ ܗ̄ܽܘ ܒܰܒܳܐ ܕܰܗ̄ܢ ܐܰܕ̈ܽܘܡܳܝܶܐ ܒܽܗ̄ܘ ܛܽܘܪܳܐ ܕܣܳܥܺܝܪ. 10ܘܗܰܢܺܝ ܢܶܝ ܗ̄ܰܢ ܐ݄ܫܡܳܢ̈ܶܐ ܕܰܗ̄ܢ ܐܰܒܢ̈ܶܐ ܕܥܺܝܣܽܘ: ܐܶ‌ܠܺܝܦܳܙ ܗ̄ܽܘ ܐܰܒܪܳܐ ܕܥܰܕܳܐ ܗ̄ܺܝ ܐܰܢ̱ܬ̥ܬܳܐ ܕܥܺܝܣܽܘ، ܘܪܰܥܽܘܐܶܝܠ ܗ̄ܽܘ ܐܰܒܪܳܐ ܕܒܶܣܡܰܬ̥ ܗ̄ܺܝ ܐܰܢ̱ܬ̥ܬܳܐ ܕܥܺܝܣܽܘ. 11ܘܰܗ̄ܢ ܐܰܒܢ̈ܶܐ ܕܶܐ‌ܠܺܝܦܳܙ ܗܰܘ݄ܢ: ܬܰܝܡܰܢ ܘܽܐܘܡܳܪ ܘܨܶܦܽܘ ܘܓܰܥܬܳܡ ܘܩܰܢܙ 12ܘܬܰܡܢܰܥ ܗ̄ܘܰܐ ܗ̄ܺܝ ܓܪܰܥܬܳܐ ܕܶܐ‌ܠܺܝܦܳܙ، ܗ̄ܽܘ ܐܰܒܪܳܐ ܕܥܺܝܣܽܘ، ܘܡܰܘܠܰܕ ܠܰܗ ܠܶܐ‌ܠܺܝܦܳܙ ܥܡܳܠܺܝܩ. ܗܰܢܺܝ ܢܶܝ ܗ̄ܰܢ ܐܰܒܢ̈ܶܐ ܕܥܰܕܳܐ ܗ̄ܺܝ ܐܰܢ̱ܬ̥ܬܳܐ ܕܥܺܝܣܽܘ. 13ܘܗܰܢܺܝ ܢܶܝ ܗ̄ܰܢ ܐܰܒܢ̈ܶܐ ܕܪܰܥܽܘܐܶܝܠ: ܢܳܚܳܬ̥ ܘܙܰܪܚ ܘܫܰܡܳܐ ܘܡܰܙܳܐ. ܗܰܢܺܝ ܗ̄ܰܢ ܐܰܒܢ̈ܶܐ ܕܒܶܣܡܰܬ̥ ܗ̄ܺܝ ܐܰܢ̱ܬ̥ܬܳܐ ܕܥܺܝܣܽܘ. 14ܘܗܰܢܺܝ ܗ̄ܰܢ ܐܰܒܢ̈ܶܐ ܕܰܐܗܠܺܝܒܳܡܳܐ ܗ̄ܺܝ ܒܰܪܬ̥ܳܐ ܕܥܰܢܳܐ ܗ̄ܺܝ ܒܰܪܬ̥ܳܐ ܕܨܶܒܥܽܘܢ ܗ̄ܺܝ ܐܰܢ̱ܬ̥ܬܳܐ ܕܥܺܝܣܽܘ. ܘܡܰܘܠܰܕ ܠܰܗ ܠܥܺܝܣܽܘ: ܝܰܥܽܘܫ ܘܝܰܥܠܳܢ ܘܩܽܘܪܳܚ.

15ܘܗܰܢܺܝ ܢܶܝ ܗ̄ܰܪّܰܒܳܢ̈ܶܐ ܕܰܗ̄ܢ ܐܰܒܢ̈ܶܐ ܕܥܺܝܣܽܘ: ܗ̄ܰܢ ܐܰܒܢ̈ܶܐ ܕܶܐ‌ܠܺܝܦܳܙ ܗ̄ܽܘ ܒܽܘܟ̥ܪܳܐ ܕܥܺܝܣܽܘ، ܗ̄ܽܘ ܪܰܒܳܐ ܬܰܝܡܰܢ، ܘܽܗ̄ܘ ܪܰܒܳܐ ܐܽܘܡܳܪ، ܗ̄ܽܘ ܪܰܒܳܐ ܨܶܦܽܘ، ܘܽܗ̄ܘ ܪܰܒܳܐ ܩܰܢܙ. 16ܗ̄ܽܘ ܪܰܒܳܐ ܓܰܥܬܳܡ، ܗ̄ܽܘ ܪܰܒܳܐ ܩܽܘܪܳܚ، ܗ̄ܽܘ ܪܰܒܳܐ ܥܡܳܠܺܝܩ. ܗܰܢܺܝ ܢܶܝ ܗ̄ܰܪّܰܒܳܢ̈ܶܐ ܕܶܐ‌ܠܺܝܦܳܙ ܒܺܗ̄ܝ ܐܰܪܥܳܐ ܕܰܐܕܽܘܡ. ܗܰܢܺܝ ܢܶܝ ܗ̄ܰܢ ܐܰܒܢ̈ܶܐ ܕܥܰܕܳܐ. 17ܘܗܰܢܺܝ ܢܶܝ ܗ̄ܰܢ ܐܰܒܢ̈ܶܐ ܕܪܰܥܽܘܐܶܝܠ ܗ̄ܽܘ ܐܰܒܪܳܐ ܕܥܺܝܣܽܘ: ܗ̄ܽܘ ܪܰܒܳܐ ܢܳܚܳܬ̥، ܗ̄ܽܘ ܪܰܒܳܐ ܙܰܪܚ، ܗ̄ܽܘ ܪܰܒܳܐ ܫܰܡܳܐ، ܗ̄ܽܘ ܪܰܒܳܐ ܡܰܙܳܐ. ܗܰܢܺܝ ܢܶܝ ܗ̄ܰܪّܰܒܳܢ̈ܶܐ ܕܪܰܥܽܘܐܶܝܠ ܒܺܗ̄ܝ ܐܰܪܥܳܐ ܕܰܐܕܽܘܡ. ܗܰܢܺܝ ܢܶܝ ܗ̄ܰܢ ܐܰܒܢ̈ܶܐ ܕܒܶܣܡܰܬ̥ ܗ̄ܺܝ ܐܰܢ̱ܬ̥ܬܳܐ ܕܥܺܝܣܽܘ. 18ܘܗܰܢܺܝ ܢܶܝ ܗ̄ܰܢ ܐܰܒܢ̈ܶܐ ܕܰܐܗܠܺܝܒܳܡܳܐ ܗ̄ܺܝ ܐܰܢ̱ܬ̥ܬܳܐ ܕܥܺܝܣܽܘ: ܗ̄ܽܘ ܪܰܒܳܐ ܝܰܥܽܘܫ، ܗ̄ܽܘ ܪܰܒܳܐ ܝܰܥܠܳܢ، ܗ̄ܽܘ ܪܰܒܳܐ ܩܽܘܪܳܚ. ܗܰܢܺܝ ܢܶܝ ܗ̄ܰܢ ܐܰܒܢ̈ܶܐ ܕܰܐܗܠܺܝܒܳܡܳܐ ܗ̄ܺܝ ܒܰܪܬ̥ܳܐ ܕܥܰܢܳܐ ܗ̄ܺܝ ܐܰܢ̱ܬ̥ܬܳܐ ܕܥܺܝܣܽܘ. 19ܗܰܢܺܝ ܢܶܝ ܗ̄ܰܢ ܐܰܒܢ̈ܶܐ ܕܥܺܝܣܽܘ ܘܗܰܢܺܝ ܢܶܝ ܗ̄ܰܪّܰܒ̈ܰܬّ̥ܶܗ. ܥܺܝܣܽܘ ܗܺܝّܶܗ ܝܳܐ ܐܰܕܽܘܡ.

20ܘܗܰܢܺܝ ܢܶܝ ܗ̄ܰܢ ܐܰܒܢ̈ܶܐ ܕܣܳܥܺܝܪ ܗ̄ܰܚّܰܘܪ̈ܳܝܶܐ ܗ̄ܰܝّܰܬܺܝܒ̥̈ܶܐ ܒܺܗ̄ܝ ܐܰܪܥܳܐ: ܠܽܘܛܳܢ ܘܫܽܘܒܳܠ ܘܨܶܒܥܽܘܢ ܘܥܰܢܳܐ، 21ܘܕܺܝܫܽܘܢ ܘܳܐܨܳܪ ܘܕܰܝܫܳܢ. ܗܰܢܺܝ ܢܶܝ ܗ̄ܰܪّܰܒܳܢ̈ܶܐ ܕܰܚّܽܘܪ̈ܳܝܶܐ ܗ̄ܰܢ ܐܰܒܢ̈ܶܐ ܕܣܳܥܺܝܪ ܒܺܗ̄ܝ ܐܰܪܥܳܐ ܕܰܐܕܽܘܡ. 22ܘܗܰܢܺܝ ܢܶܝ ܗ̄ܰܢ ܐܰܒܢ̈ܶܐ ܕܠܽܘܛܳܢ: ܚܽܘܪܺܝ ܘܗܽܘܡܳܡ ܘܺܗ̄ܝ ܚܳܬ̥ܳܐ ܕܠܽܘܛܳܢ ܬܰܡܢܳܥ. 23ܘܗܰܢܺܝ ܢܶܝ ܗ̄ܰܢ ܐܰܒܢ̈ܶܐ ܕܫܽܘܒܳܠ: ܐܰ‌ܠܽܘܢ ܘܡܰܢܚܳܬ ܘܥܽܘܒܳܠ ܘܫܳܦܳܪ ܘܽܐܘܝܳܡ. 24ܘܗܰܢܺܝ ܢܶܝ ܗ̄ܰܢ ܐܰܒܢ̈ܶܐ ܕܨܶܒܥܽܘܢ: ܐܰܢܳܐ ܘܥܰܢܳܐ. ܗܰܢܳܐ ܝܳܐ ܥܰܢܳܐ ܕ݄ܚܙܶܐ ܠܶܗ ܡܰܝ̈ܶܐ ܒܽܗ̄ܘ ܡܰܕ̥݄ܒܪܳܐ ܗ̄ܺܝ ܢܰܩܠܐ ܕܪ̈ܳܥܶܐ ܗ̄ܘܰܐ ܗ̄ܰܚܡܳܪ̈ܶܐ ܕܨܶܒܥܽܘܢ ܗ̄ܽܘ ܒܰܒܰܝܕ̥ܶܗ. 25ܘܗܰܢܺܝ ܢܶܝ ܗ̄ܰܢ ܐܰܒܢ̈ܶܐ ܕܥܰܢܳܐ: ܕܺܝܫܽܘܢ ܘܰܐܗܠܺܝܒܳܡܳܐ. 26ܘܗܰܢܺܝ ܢܶܝ ܗ̄ܰܢ ܐܰܒܢ̈ܶܐ ܕܕܺܝܫܽܘܢ: ܚܰܡܪܳܢ ܘܰܐܫܒܳܢ ܘܝܰܬ̥ܪܳܢ ܘܟܰܪܳܢ. 27ܘܗܰܢܺܝ ܢܶܝ ܗ̄ܰܢ ܐܰܒܢ̈ܶܐ ܕܳܐܨܳܪ: ܒܰܠܗܳܢ ܘܙܰܥܘܳܢ ܘܥܰܩܳܢ. 28ܘܗܰܢܺܝ ܢܶܝ ܗ̄ܰܢ ܐܰܒܢ̈ܶܐ ܕܕܰܝܫܳܢ: ܥܽܘܨ ܘܳܐܪܳܢ. 29ܘܗܰܢܺܝ ܢܶܝ ܗ̄ܰܪّܰܒܳܢ̈ܶܐ ܕܰܚّܽܘܪ̈ܳܝܶܐ: ܗ̄ܽܘ ܪܰܒܳܐ ܠܽܘܛܳܢ، ܗ̄ܽܘ ܪܰܒܳܐ ܫܽܘܒܳܠ، ܗ̄ܽܘ ܪܰܒܳܐ ܨܶܒܥܽܘܢ، ܗ̄ܽܘ ܪܰܒܳܐ ܥܰܢܳܐ، 30ܗ̄ܽܘ ܪܰܒܳܐ ܕܺܝܫܽܘܢ، ܗ̄ܽܘ ܪܰܒܳܐ ܐܳܨܳܪ، ܗ̄ܽܘ ܪܰܒܳܐ ܕܰܝܫܳܢ. ܗܰܢܺܝ ܢܶܝ ܗ̄ܰܪّܰܒܳܢ̈ܶܐ ܕܰܚّܽܘܪ̈ܳܝܶܐ ܕܗܰܘ݄ܢ ܪ̈ܺܝܫܶܐ ܒܺܗ̄ܝ ܐܰܪܥܳܐ ܕܣܳܥܺܝܪ.

31ܘܗܰܢܺܝ ܢܶܝ ܗ̄ܰܡّܰܠܟ̈ܶܐ ܕܡܰܡܠܰܟّ̥ܶܗ ܒܺܗ̄ܝ ܐܰܪܥܳܐ ܕܰܐܕܽܘܡ ܡܶܩ݄ܕ̱ܡ ܕܡܰܡܠ݄ܟ̥ ܡܰܠܟܳܐ ܥܰܠ ܗ̄ܰܢ ܐܰܒܢ̈ܶܐ ܕܺܐܝܣܪܳܐܶܝܠ. 32ܡܰܡܠܰܟ̥ ܠܶܗ ܒܰܐܕܽܘܡ ܒܳܠܳܥ ܗ̄ܽܘ ܐܰܒܪܳܐ ܕ݄ܒܥܽܘܪ ܘ݄ܐܫܡܰܗ ܕܺܗ̄ܝ ܡܕ̥ܺܝܢ̱ܬܰܝܕ̥ܶܗ ܕܰܝܗܰܒ. 33ܘܡܰܝ݄ܬ̥ ܒܳܠܳܥ ܘܡܰܡܠܰܟ̥ ܠܶܗ ܒ݄ܬ̥ܪܶܗ ܝܽܘܒܳܒ ܗ̄ܽܘ ܐܰܒܪܳܐ ܕܙܰܪܚ ܡܶܢ̱ ܒܽܘܨܳܪ. 34ܘܡܰܝ݄ܬ̥ ܝܽܘܒܳܒ ܘܡܰܡܠܰܟ̥ ܠܶܗ ܒ݄ܬ̥ܪܶܗ ܚܫܽܘܡ ܡܺܗ̄ܝ ܐܰܪܥܳܐ ܕܽܗ̄ܘ ܬܰܝܡܢܳܐ. 35ܘܡܰܝ݄ܬ̥ ܚܫܽܘܡ ܘܡܰܡܠܰܟ̥ ܠܶܗ ܒ݄ܬ̥ܪܶܗ ܗܕܳܕ ܗ̄ܽܘ ܐܰܒܪܳܐ ܕ݄ܒܕܳܕ ܕ݄ܩܛܺܝܠ ܠܶܗ ܗ̄ܰܡّܶܕ̈ܝܰܢܳܝܶܐ ܒܰܚّܰܩ̈ܠܳܬ̥ܳܐ ܕܡܽܘܐܳܒ. ܘ݄ܐܫܡܰܗ ܕܺܗ̄ܝ ܡܕ̥ܺܝܢ̱ܬܰܝܕ̥ܶܗ ܓܘܺܝܬ. 36ܘܡܰܝ݄ܬ̥ ܗܕܳܕ ܘܡܰܡܠܰܟ̥ ܠܶܗ ܒ݄ܬ̥ܪܶܗ ܣܰܡܠܳܐ ܡܶܢ̱ ܡܰܣܪܩܳܐ. 37ܘܡܰܝ݄ܬ̥ ܣܰܡܠܳܐ ܘܡܰܡܠܰܟ̥ ܠܶܗ ܒ݄ܬ̥ܪܶܗ ܫܳܐܘܳܠ ܡܶܢ̱ ܪܰܚܒܽܘܬ̥ ܗ̄ܽܘ ܢܰܗܪܳܐ. 38ܘܡܰܝ݄ܬ̥ ܫܳܐܘܳܠ ܘܡܰܡܠܰܟ̥ ܠܶܗ ܒ݄ܬ̥݄ܪ ܡܶܢܶܗ ܒܥܶܠܚܰܢܳܢ ܗ̄ܽܘ ܐܰܒܪܳܐ ܕ݄ܥܒܰܟܽܘܪ. 39ܘܡܰܝ݄ܬ̥ ܒܥܶܠܚܰܢܳܢ ܗ̄ܽܘ ܐܰܒܪܳܐ ܕ݄ܥܒܰܟܽܘܪ ܘܡܰܡܠܰܟ̥ ܠܶܗ ܒ݄ܬ̥ܪܶܗ ܗܕܳܕ، ܘ݄ܐܫܡܰܗ ܕܺܗ̄ܝ ܡܕ̥ܺܝܢ̱ܬܰܝܕ̥ܶܗ ܦܰܥܽܘ، ܘ݄ܐܫܡܰܗ ܕܺܗ̄ܝ ܐܰܢ̱ܬ̥ܬܰܝܕ̥ܶܗ ܡܰܗܛܒܳܐܶܝܠ ܗ̄ܺܝ ܒܰܪܬ̥ܳܐ ܕܡܰܛܪܺܝܕ̥ ܗ̄ܽܘ ܐܰܒܪܳܐ ܕܡܺܝܙܰܗܰܒ.

40ܘܗܰܢܺܝ ܢܶܝ ܗ̄ܰܢ ܐ݄ܫܡܳܢ̈ܶܐ ܕܰܪّܰܒܳܢ̈ܶܐ ܕܥܺܝܣܽܘ ܟܘ̇ܠ ܚܰܕ̱ ܡܽܗ̄ܘ ܓܰܒܳܐ ܕܺܗ̄ܝ ܫܰܪܒܬ̥ܰܝܕ̥ܶܗ ܘܕܽܗ̄ܘ ܙܰܪܥܰܝܕ̥ܶܗ ܒܽܗ̄ܘ ܐ݄ܫܡܰܝܕ̥ܶܗ: ܗ̄ܽܘ ܪܰܒܳܐ ܬܰܡܢܳܥ، ܗ̄ܽܘ ܪܰܒܳܐ ܥܰܢܘܳܐ، ܗ̄ܽܘ ܪܰܒܳܐ ܐܰܝܬܺܝܬ، 41ܗ̄ܽܘ ܪܰܒܳܐ ܐܰܗܠܺܝܒܳܡܳܐ، ܗ̄ܽܘ ܪܰܒܳܐ ܐܶܝܠܳܐ، ܗ̄ܽܘ ܪܰܒܳܐ ܦܺܝܢܽܘܢ، 42ܗ̄ܽܘ ܪܰܒܳܐ ܩܰܢܙ، ܗ̄ܽܘ ܪܰܒܳܐ ܬܰܝܡܰܢ، ܗ̄ܽܘ ܪܰܒܳܐ ܡܰܒܨܰܪ، 43ܗ̄ܽܘ ܪܰܒܳܐ ܡܰܓܕܺܝܶܠ، ܗ̄ܽܘ ܪܰܒܳܐ ܓܺܝܪܳܡ. ܗܰܢܺܝ ܢܶܝ ܗ̄ܰܪّܰܒܳܢ̈ܶܐ ܕܰܗ̄ܢ ܐܰܕ̈ܽܘܡܳܝܶܐ ܡܽܗ̄ܘ ܓܰܒܳܐ ܕܺܗ̄ܝ ܝܺܬܰܒ̥ܬܰܬّ̥ܶܗ ܒܺܗ̄ܝ ܐܰܪܥܳܐ ܕܺܗ̄ܝ ܝܳܪܬܽܘܬ̥ܰܬّ̥ܶܗ. ܗܰܢܳܐ ܝܳܐ ܥܺܝܣܽܘ ܗ̄ܽܘ ܒܰܒܳܐ ܕܰܗ̄ܢ ܐܰܕ̈ܽܘܡܳܝܶܐ.

Currently Selected:

ܣܶܦܪܳܐ ܕ݄ܒܪܺܝܬ̥ܳܐ 36: ܟܬܒܐ

Highlight

Copy