ܣܶܦܪܳܐ ܕ݄ܒܪܺܝܬ̥ܳܐ 18
18
1ܘ݄ܓܠܶܐ ܐܰܥܠܶܗ ܡܳܪܝܳܐ ܒܺܗ̄ܝ ܚܰܩܠܳܐ ܕܽܗ̄ܘ ܒܰܠܽܘܛܳܐ ܕܡܰܡܪܶܐ، ܘܗܺܝّܶܗ ܝܰܬܺܝܒ̥ܳܐ ܒܽܗ̄ܘ ܬܰܪܥܳܐ ܕܽܗ̄ܘ ܡܰܫܟܢܳܐ، ܗ̄ܺܝ ܢܰܩܠܐ ܕܚܰܝ݄ܡ ܗ̄ܽܘ ܝܰܘܡܳܐ. 2ܘܡܰܥܠܶܐ ܠܶܗ ܥܰܝܢ̈ܳܬ̥ܶܗ ܘ݄ܚܙܶܐ ܠܶܗ ܬܠܳܬ̥ܳܐ ܓܰܒ̥ܪ̈ܶܐ ܩܺܝܡ̈ܶܐ ܥ݄ܠ ܡܶܢܶܗ. ܘ݄ܚܙܰܠّܶܗ ܘܪܰܗ݄ܛ ܠܩܰܕ̱ܡܽܘܬ̥ܰܝّܶܗ ܡܽܗ̄ܘ ܬܰܪܥܳܐ ܕܽܗ̄ܘ ܡܰܫܟܢܳܐ. ܘ݄ܣܓ̥݄ܕ ܠܶܗ ܥܰܠ ܗ̄ܺܝ ܐܰܪܥܳܐ. 3ܘܐܡ݄ܪ ܠܶܗ: ”ܡܳܪܝܳܐ، ܕܳܗ̄ܘܶܐ ܠܺܝ ܪ̈ܰܚܡܶܐ ܒܥܰܝܢ̈ܳܬ̥ܳܟ̥، ܠܳܐ ܫܳܦ̊ܥܰܬ ܡܽܗ̄ܘ ܥܰܒܕܰܝܕ̥ܳܟ̥. 4ܓܡܰܝܬܶܐ ܐ̱ܢܳܐ ܐ݄ܫܡܳܐ ܕܡܰܝ̈ܶܐ، ܘܡܰܫܶܓ̥ܽܘ ܪ̈ܰܓ̥ܠܰܝܟ̥ܽܘ، ܘܺܝܬܰܒ̥ܽܘ ܬܰܚܬ ܗ̄ܽܘ ܐܺܝܠܳܢܳܐ. 5ܘܡܽܘܕܽܘ ܩܰܨܝܳܐ ܕܠܰܚܡܳܐ ܘ݄ܣܡܰܟ̥ܽܘ ܠܶܒܰܝܟ̥ܽܘ، ܘܒ݄ܬ̥݄ܪ ܙܳܟ̥ܽܘ، ܥܰܠ ܕܰܗ̄ܘܟ̥ܰܐ ܫܰܦ̊ܺܝܥܺܝܬܽܘ ܥܰܠ ܗ̄ܽܘ ܥܰܒܕܰܬ̥ܟ̥ܽܘ.“ ܘܐܡ݄ܪّܶܗ: ”ܗܰܘܟ̥ܰܐ ܣܘ̇ܡ ܐܟ̥ ܕܐܡ݄ܪ ܠܳܟ̥.“ 6ܘܡܰܠ݄ܙ ܠܶܗ ܐܰܒܪܳܗܳܡ ܘܪܰܗ݄ܛ ܠܽܗ̄ܘ ܡܰܫܟܢܳܐ، ܠܓܰܒ ܣܰܪܳܐ ܘܐܡ݄ܪ ܠܶܗ: ”ܡܰܠ݄ܙ ܠܘ̇ܫ ܬܠܳܬ̥ܳܐ ܟܰܝ̈ܠܶܐ ܕܩܰܡܚܳܐ ܣܡܺܝܕ̥ܳܐ ܘܣܘ̇ܡ ܠܰܚܡܳܐ.“ 7ܘܪܰܗ݄ܛ ܐܰܒܪܳܗܳܡ ܠܺܗ̄ܝ ܒܰܩܪܳܐ ܘܡ݄ܕ ܠܶܗ ܬܰܘܪܳܐ ܚܰܕ̱ ܬܰܩܺܝܢܳܐ ܘܛܳܒ̥ܳܐ، ܘܗܽܒ̥ ܠܶܗ ܠܽܗ̄ܘ ܙܥܽܘܪܳܐ ܘܡܰܠ݄ܙ ܠܶܗ ܕܣܳܝܰܡ ܠܶܗ. 8ܘܡ݄ܕ ܠܶܗ ܙܶܒܕܳܐ ܘܚܰܠܒ̥ܳܐ ܘܽܗ̄ܘ ܐܰܪܘܳܢܳܐ ܕܣ݄ܡ ܠܶܗ. ܘܡܰܚ݄ܬ ܠܶܗ ܩܽܘܕ̱ܡܰܝّܶܗ، ܘܗܺܝّܶܗ ܩܳܝܰܡ ܗ̄ܘܰܐ ܣܺܝܕܰܝّܶܗ ܬܰܚܬ ܗ̄ܽܘ ܐܺܝܠܳܢܳܐ. ܘܰܐܟ̥݄ܠّܶܗ.
9ܘܐܡ݄ܪّܰܗ ܠܶܗ: ”ܐܰܝܟܳܐ ܝܳܐ ܣܰܪܳܐ ܗ̄ܺܝ ܐܰܢ̱ܬ̥ܬܰܝܕ̥ܳܟ̥؟“ ܘܐܡ݄ܪ ܠܶܗ: ”ܟܰܐܠܰܗ ܒܽܗ̄ܘ ܡܰܫܟܢܳܐ.“ 10ܘܐܡ݄ܪ ܠܶܗ ܠܶܗ: ”ܕܥܳܪܳܐ ܓܕܳܥܰܪ ܐ̱ܢܳܐ ܠܣܺܝܕܳܟ̥ ܐܟ̥ ܕܽܗ̄ܘ ܙܰܒܢܰܢܳܐ، ܘܗܺܝّܰܗ ܒܰܚّܰܝ̈ܶܐ، ܘ݄ܓܕܳܗ̄ܘܶܐ ܐܰܒܪܳܐ ܠܣܰܪܳܐ ܗ̄ܺܝ ܐܰܢ̱ܬ̥ܬܰܝܕ̥ܳܟ̥.“ ܘܣܰܪܳܐ ܫܰܡܺܝܥܳܐ ܒܽܗ̄ܘ ܬܰܪܥܳܐ ܕܽܗ̄ܘ ܡܰܫܟܢܳܐ، ܘܗܺܝّܶܗ ܒ݄ܬ̥ܪܰܗ. 11ܘܰܐܒܪܳܗܳܡ ܘܣܰܪܳܐ ܡܰܣܽܒّ̥ܶܗ ܘܥܰܒܺܝܪܺܝ ܒܰܗ̄ܢ ܐ݄ܫܢ̈ܶܐ. ܘܫܰܦ݄̊ܥ ܡܶܢ̱ ܣܰܪܳܐ ܗ̄ܽܘ ܙܰܒܢܳܐ ܕܺܗ̄ܝ ܬܶܫ݄ܓ̥ܬܳܐ ܕܰܗ̄ܢ ܢܶܫ̈ܶܐ. 12ܘܓܰܚܺܝܟ̥ܳܐ ܣܰܪܳܐ ܒܠܶܒܰܗ، ܘܐܡ݄ܪ ܠܰܗ: ”ܒ݄ܬ̥݄ܪ ܡܶܢ̱ ܕܒܰܝܺܝܩܳܐ ܐ̱ܢܳܐ ܓܕܳܥܪܳܐ ܐ̱ܢܳܐ ܥܠܰܝܡܬܳܐ، ܘܽܗ̄ܘ ܡܳܪܰܝܕ̥ܺܝ ܡܰܣܽܒ̥ ܠܶܗ؟“ 13ܘܐܡ݄ܪ ܠܶܗ ܡܳܪܝܳܐ ܠܰܐܒܪܳܗܳܡ: ”ܠܡ݄ܢ ܓܰܚܺܝܟ̥ܳܐ ܣܰܪܳܐ ܘܐܡ݄ܪ ܠܰܗ: ܫܪܳܪܳܐ ܝܳܐ ܕ݄ܓܡܰܘܠܕܳܐ ܐ̱ܢܳܐ، ܐܳܢܳܐ ܒ݄ܬ̥݄ܪ ܕܡܰܣܽܒ̥ ܠܺܝ؟ 14ܩܰܝ ܫܽܘܐܳܠܳܐ ܪܰܒܳܐ ܝܳܐ ܥܰܠ ܡܳܪܝܳܐ؟ ܕܐܡ݄ܪ ܠܺܝ: ܐܟ̥ ܕܽܗ̄ܘ ܙܰܒܢܰܢܳܐ ܓܕܳܥܰܪ ܐ̱ܢܳܐ ܠܣܺܝܕܳܟ̥، ܘܗܺܝّܰܗ ܒܰܚّܰܝ̈ܶܐ، ܘ݄ܓܕܳܗ̄ܘܶܐ ܐܰܒܪܳܐ ܠܣܰܪܳܐ ܗ̄ܺܝ ܐܰܢ̱ܬ̥ܬܰܝܕ̥ܳܟ̥.“ 15ܘܡܰܢܟܰܪ ܠܰܗ ܣܰܪܳܐ ܘܐܡ݄ܪ ܠܰܗ: ”ܠܳܐ ܓܰܚܺܝܟ̥ܳܐ ܐ̱ܢܳܐ،“ ܥܰܠ ܕܙܰܝܺܝܥܳܐ. ܘܐܡ݄ܪ ܠܶܗ: ”ܠܳܐ، ܓܰܚܺܝܟ̥ܰܬ.“
16ܘܩܰܝܺܝܡܺܝ ܡܶܢ̱ ܬܰܡܳܐ ܗ̄ܰܓّܰܒ̥ܪ̈ܰܢ݄ܟ ܘܗܽܒّ̥ܶܗ ܦܳܬ̥ܰܝّܶܗ ܠ݄ܣܕ̥ܽܘܡ. ܘܰܐܒܪܳܗܳܡ ܐܰܙّܶܗ ܐܰܥܡܰܝّܶܗ ܕ݄ܡܫܰܕܰܪّܶܗ. 17ܘܐܡ݄ܪ ܠܶܗ ܡܳܪܝܳܐ: ”ܩܰܝ ܡܟܰܣܶܐ ܐ̱ܢܳܐ ܡܽܗ̄ܘ ܥܰܒܕܰܝܕ̥ܺܝ ܐܰܒܪܳܗܳܡ ܗ̄ܽܘ ܡܶܕܶܐ ܕܣܳܝܰܡ ܐ̱ܢܳܐ؟ 18ܘܰܐܒܪܳܗܳܡ ܓܕܳܗ̄ܘܶܐ ܥܰܡܳܐ ܪܰܒܳܐ ܘܓ̥ܰܠܰܒܶܐ، ܘܶܐܒܶܗ ܓܡܺܝܒܰܪܟ̥ܺܝ ܟܽܘܠّܶܗ ܗ̄ܰܥّܰܡ̈ܶܐ ܕܺܗ̄ܝ ܐܰܪܥܳܐ. 19ܡܺܐܝܕ̥ܶܗ ܕܟܳܐܕ̥ܰܥ ܐ̱ܢܳܐ ܠܶܗ ܕܳܗ̄ܒܶܐ ܦܽܘܩܳܕܳܢܳܐ ܠܰܗ̄ܢ ܐܰܒܢ̈ܰܝܕ̥ܶܗ، ܘܠܰܗ̄ܢ ܐܰܒܢ̈ܶܐ ܕܽܗ̄ܘ ܒܰܝܬܰܝܕ̥ܶܗ ܡܶܢ̱ ܒ݄ܬ̥ܪܶܗ ܕܢܳܛܪܺܝ ܗ̄ܰܕّܰܪ̈ܒܳܢܶܐ ܕܡܳܪܝܳܐ، ܕܣܰܝܡܺܝ ܙܰܕܺܝܩܽܘܬ̥ܳܐ ܘܟܺܐܢܽܘܬ̥ܳܐ، ܠܰܫܰܢ ܕܡܰܝܬܶܐ ܡܳܪܝܳܐ ܥܰܠ ܐܰܒܪܳܗܳܡ ܗ̄ܽܘ ܡܶܕܶܐ ܕܐܡ݄ܪ ܠܶܗ ܐܰܥܠܶܗ.“ 20ܘܐܡ݄ܪ ܠܶܗ ܡܳܪܝܳܐ: ”ܗ̄ܺܝ ܓܥܰܝܬܳܐ ܕ݄ܣܕ̥ܽܘܡ ܘ݄ܕܥܳܡܽܘܪܳܐ ܥܰܒܺܝܪܳܐ ܩܽܘܕ̱ܡܺܝ، ܘܰܚܛܳܗ̈ܰܬّ̥ܶܗ ܓ̥ܰܠܰܒܶܐ ܙܰܝܺܝܕܺܝ. 21ܓܢܳܚܰܬ ܐ̱ܢܳܐ ܚܳܙܶܐ ܐ̱ܢܳܐ ܐܶܢ ܐܟ̥ ܕܺܗ̄ܝ ܓܥܰܝܬܳܐ ܕܥܰܒܺܝܪܳܐ ܣܺܝܕܺܝ ܣ݄ܡّܶܗ ܘܡܰܬ݄ܡّܶܗ؟ ܘܶܐܢ ܠ݄ܐ ܓܕܳܐܕ̥ܰܥ ܐ̱ܢܳܐ.“ 22ܘܕܰܥܺܝܪܺܝ ܡܶܢ̱ ܬܰܡܳܐ ܗ̄ܰܓّܰܒ̥ܪ̈ܰܢ݄ܟ ܘܰܐܙّ݄ܢ ܠ݄ܣܕ̥ܽܘܡ. ܘܰܐܒܪܳܗܳܡ ܗܶܫ ܩܳܝܰܡ ܗ̄ܘܰܐ ܩ݄ܕ̱ܡ ܡܳܪܝܳܐ.
23ܘ݄ܡܩܰܪܰܒ̥ ܠܶܗ ܐܰܒܪܳܗܳܡ ܘܐܡ݄ܪ ܠܶܗ: ”ܒܚܰܕ̱ ܪܽܘܓ̥ܙܳܐ ܓ݄ܡܣܰܟܪܰܬ ܗ̄ܰܙّܰܕ̈ܺܝܩܶܐ ܥܰܡ ܗ̄ܰܚّܰܛܳܝ̈ܶܐ؟ 24ܐܶܢ ܕܳܗ̄ܘܶܐ ܚܰܡܫܺܝ ܙܰܕ̈ܺܝܩܶܐ ܒܓܰܘܰܗ ܕܺܗ̄ܝ ܡܕ̥ܺܝܢ̱ܬܳܐ، ܒܚܰܕ̱ ܪܽܘܓ̥ܙܳܐ ܓ݄ܡܣܰܟܪܰܬ ܘܠ݄ܐ ܓܛܳܪܰܬ ܗ̄ܽܘ ܐܰܬ̥ܪܳܐ ܠܰܫܰܢ ܗ̄ܰܚّܰܡܫܺܝ ܙܰܕ̈ܺܝܩܶܐ ܕܟ݄ܬܢܶܝ ܐܶܒܶܗ؟ 25ܚܳܣ ܠܳܟ̥ (ܪܰܚ݄ܩ ܡܶܢܳܟ̥) ܕܣܰܝܡܰܬ ܗ̄ܽܘ ܡܶܕܰܢܳܐ ܕܩܳܛܠܰܬ ܗ̄ܽܘ ܙܰܕܺܝܩܳܐ ܥܰܡ ܗ̄ܽܘ ܚܰܛܳܝܳܐ. ܘܕܳܗ̄ܘܶܐ ܗ̄ܽܘ ܙܰܕܺܝܩܳܐ ܐܟ̥ ܕܽܗ̄ܘ ܚܰܛܳܝܳܐ. ܚܳܣ ܠܳܟ̥ ܝܰܐ ܕܰܝܳܢܳܐ ܕܟܽܘܠܰܗ ܗ̄ܺܝ ܐܰܪܥܳܐ، ܗ̄ܽܘ ܕܺܝܢܰܢܳܐ ܛܪܳܐ ܠܳܐ ܡܺܝܣ݄ܡ.“ 26ܘܐܡ݄ܪ ܠܶܗ ܡܳܪܝܳܐ: ”ܐܶܢ ܕܚܳܙܶܐ ܐ̱ܢܳܐ ܒ݄ܣܕ̥ܽܘܡ ܚܰܡܫܺܝ ܙܰܕ̈ܺܝܩܶܐ ܒܓܰܘܰܗ ܕܺܗ̄ܝ ܡܕ̥ܺܝܢ̱ܬܳܐ ܓܛܳܪܶܐ ܐ̱ܢܳܐ ܠܟܽܘܠܶܗ ܗ̄ܽܘ ܐܰܬ̥ܪܳܐ ܠܰܫܰܢܰܝّܶܗ.“ 27ܘܡܰܕܥܰܪ ܠܶܗ ܐܰܒܪܳܗܳܡ ܘܐܡ݄ܪ ܠܶܗ: ”ܟܰܐܠܶܗ ܡܫܰܪܶܐ ܠܺܝ ܕܡ݄ܫܓ̥ܰܠ ܐ̱ܢܳܐ ܩ݄ܕ̱ܡ ܡܳܪܝܳܐ، ܘܳܐܢܳܐ ܥܰܦܪܳܐ ܐ̱ܢܳܐ ܘܩܰܛܡܳܐ. 28ܘܶܐܢ ܢܰܩܺܝܨܺܝ ܡܶܢ̱ ܚܰܡܫܺܝ ܙܰܕ̈ܺܝܩܶܐ ܚܰܡܫܳܐ، ܓܡܰܚܪܒ̥ܰܬ ܠܰܫܰܢ ܚܰܡܫܳܐ ܟܽܘܠܰܗ ܗ̄ܺܝ ܡܕ̥ܺܝܢ̱ܬܳܐ؟“ ܘܐܡ݄ܪ ܠܶܗ: ”ܠ݄ܐ ܓܡܰܚܪܰܒ̥ ܐ̱ܢܳܐ ܐܶܢ ܕܚܳܙܶܐ ܐ̱ܢܳܐ ܬܰܡܳܐ ܚܰܡܫܳܐ ܘܰܐܪܒܥܺܝ.“ 29ܘܕܰܥ݄ܪ ܐܰܒܪܳܗܳܡ ܕܳܐܡܰܪ ܠܶܗ: ”ܘܶܐܢ ܕܡ݄ܚܙ݄ܢ ܬܰܡܳܐ ܐܰܪܒܥܺܝ؟“ ܘܐܡ݄ܪ ܠܶܗ: ”ܠ݄ܐ ܓܡܰܚܪܰܒ̥ ܐ̱ܢܳܐ ܐܶܢ ܕܚܳܙܶܐ ܐ̱ܢܳܐ ܬܰܡܳܐ ܐܰܪܒܥܺܝ.“ 30ܘܐܡ݄ܪ ܠܶܗ: ”ܛܪܳܐ ܠܳܐ ܥܳܝܰܩ ܠܶܗ ܠܡܳܪܝܳܐ، ܓܕܳܐܡܰܪ ܐ̱ܢܳܐ: ܘܶܐܢ ܕܡ݄ܚܙ݄ܢ ܬܰܡܳܐ ܬܠܶܬ̥ܺܝ؟“ ܘܐܡ݄ܪ ܠܶܗ: ”ܠ݄ܐ ܓܡܰܚܪܰܒ̥ ܐ̱ܢܳܐ ܐܶܢ ܕܚܳܙܶܐ ܐ̱ܢܳܐ ܬܰܡܳܐ ܬܠܶܬ̥ܺܝ.“ 31ܘܐܡ݄ܪ ܠܶܗ (ܐܰܒܪܳܗܳܡ): ”ܟܰܐܠܺܝ ܡܫܰܪܶܐ ܠܺܝ ܕܡ݄ܫܓ̥ܰܠ ܐ̱ܢܳܐ ܩ݄ܕ̱ܡ ܡܳܪܝܳܐ، ܘܶܐܢ ܕܡ݄ܚܙ݄ܢ ܬܰܡܳܐ ܥ݄ܣܪܺܝ؟“ ܘܐܡ݄ܪ ܠܶܗ: ”ܠ݄ܐ ܓܡܰܚܪܰܒ̥ ܐ̱ܢܳܐ ܠܰܫܰܢ ܥ݄ܣܪܺܝ.“ 32ܘܐܡ݄ܪ ܠܶܗ: ”ܛܪܳܐ ܠܳܐ ܥܳܝܰܩ ܠܶܗ ܠܡܳܪܝܳܐ، ܘ݄ܓܡ݄ܫܓ̥ܰܠ ܐ̱ܢܳܐ ܒܶܠܚܽܘܕ̥ܶܗ ܗ̄ܰܢ ܢܰܩܠܐ: ܘܶܐܢ ܕܡ݄ܚܙ݄ܢ ܬܰܡܳܐ ܥܰܣܪܳܐ؟“ ܘܐܡ݄ܪ ܠܶܗ: ”ܠ݄ܐ ܓܡܰܚܪܰܒ̥ ܐ̱ܢܳܐ ܠܰܫܰܢ ܥܰܣܪܳܐ.“ 33ܘܰܐܙّܶܗ ܡܳܪܝܳܐ ܗ̄ܺܝ ܢܰܩܠܐ ܕܡܰܬ݄ܡ ܠܶܗ ܗ̄ܽܘ ܡܰܐܡܪܳܐ ܕܥܰܡ ܐܰܒܪܳܗܳܡ. ܘܰܐܒܪܳܗܳܡ ܕܰܥ݄ܪ ܠܽܗ̄ܘ ܐܰܬ̥ܪܰܝܕ̥ܶܗ.
Currently Selected:
ܣܶܦܪܳܐ ܕ݄ܒܪܺܝܬ̥ܳܐ 18: ܟܬܒܐ
Highlight
Share
Copy
Want to have your highlights saved across all your devices? Sign up or sign in
Suryoyo Bible © 2024 Aramaic Bible Translation
ܣܶܦܪܳܐ ܕ݄ܒܪܺܝܬ̥ܳܐ 18
18
1ܘ݄ܓܠܶܐ ܐܰܥܠܶܗ ܡܳܪܝܳܐ ܒܺܗ̄ܝ ܚܰܩܠܳܐ ܕܽܗ̄ܘ ܒܰܠܽܘܛܳܐ ܕܡܰܡܪܶܐ، ܘܗܺܝّܶܗ ܝܰܬܺܝܒ̥ܳܐ ܒܽܗ̄ܘ ܬܰܪܥܳܐ ܕܽܗ̄ܘ ܡܰܫܟܢܳܐ، ܗ̄ܺܝ ܢܰܩܠܐ ܕܚܰܝ݄ܡ ܗ̄ܽܘ ܝܰܘܡܳܐ. 2ܘܡܰܥܠܶܐ ܠܶܗ ܥܰܝܢ̈ܳܬ̥ܶܗ ܘ݄ܚܙܶܐ ܠܶܗ ܬܠܳܬ̥ܳܐ ܓܰܒ̥ܪ̈ܶܐ ܩܺܝܡ̈ܶܐ ܥ݄ܠ ܡܶܢܶܗ. ܘ݄ܚܙܰܠّܶܗ ܘܪܰܗ݄ܛ ܠܩܰܕ̱ܡܽܘܬ̥ܰܝّܶܗ ܡܽܗ̄ܘ ܬܰܪܥܳܐ ܕܽܗ̄ܘ ܡܰܫܟܢܳܐ. ܘ݄ܣܓ̥݄ܕ ܠܶܗ ܥܰܠ ܗ̄ܺܝ ܐܰܪܥܳܐ. 3ܘܐܡ݄ܪ ܠܶܗ: ”ܡܳܪܝܳܐ، ܕܳܗ̄ܘܶܐ ܠܺܝ ܪ̈ܰܚܡܶܐ ܒܥܰܝܢ̈ܳܬ̥ܳܟ̥، ܠܳܐ ܫܳܦ̊ܥܰܬ ܡܽܗ̄ܘ ܥܰܒܕܰܝܕ̥ܳܟ̥. 4ܓܡܰܝܬܶܐ ܐ̱ܢܳܐ ܐ݄ܫܡܳܐ ܕܡܰܝ̈ܶܐ، ܘܡܰܫܶܓ̥ܽܘ ܪ̈ܰܓ̥ܠܰܝܟ̥ܽܘ، ܘܺܝܬܰܒ̥ܽܘ ܬܰܚܬ ܗ̄ܽܘ ܐܺܝܠܳܢܳܐ. 5ܘܡܽܘܕܽܘ ܩܰܨܝܳܐ ܕܠܰܚܡܳܐ ܘ݄ܣܡܰܟ̥ܽܘ ܠܶܒܰܝܟ̥ܽܘ، ܘܒ݄ܬ̥݄ܪ ܙܳܟ̥ܽܘ، ܥܰܠ ܕܰܗ̄ܘܟ̥ܰܐ ܫܰܦ̊ܺܝܥܺܝܬܽܘ ܥܰܠ ܗ̄ܽܘ ܥܰܒܕܰܬ̥ܟ̥ܽܘ.“ ܘܐܡ݄ܪّܶܗ: ”ܗܰܘܟ̥ܰܐ ܣܘ̇ܡ ܐܟ̥ ܕܐܡ݄ܪ ܠܳܟ̥.“ 6ܘܡܰܠ݄ܙ ܠܶܗ ܐܰܒܪܳܗܳܡ ܘܪܰܗ݄ܛ ܠܽܗ̄ܘ ܡܰܫܟܢܳܐ، ܠܓܰܒ ܣܰܪܳܐ ܘܐܡ݄ܪ ܠܶܗ: ”ܡܰܠ݄ܙ ܠܘ̇ܫ ܬܠܳܬ̥ܳܐ ܟܰܝ̈ܠܶܐ ܕܩܰܡܚܳܐ ܣܡܺܝܕ̥ܳܐ ܘܣܘ̇ܡ ܠܰܚܡܳܐ.“ 7ܘܪܰܗ݄ܛ ܐܰܒܪܳܗܳܡ ܠܺܗ̄ܝ ܒܰܩܪܳܐ ܘܡ݄ܕ ܠܶܗ ܬܰܘܪܳܐ ܚܰܕ̱ ܬܰܩܺܝܢܳܐ ܘܛܳܒ̥ܳܐ، ܘܗܽܒ̥ ܠܶܗ ܠܽܗ̄ܘ ܙܥܽܘܪܳܐ ܘܡܰܠ݄ܙ ܠܶܗ ܕܣܳܝܰܡ ܠܶܗ. 8ܘܡ݄ܕ ܠܶܗ ܙܶܒܕܳܐ ܘܚܰܠܒ̥ܳܐ ܘܽܗ̄ܘ ܐܰܪܘܳܢܳܐ ܕܣ݄ܡ ܠܶܗ. ܘܡܰܚ݄ܬ ܠܶܗ ܩܽܘܕ̱ܡܰܝّܶܗ، ܘܗܺܝّܶܗ ܩܳܝܰܡ ܗ̄ܘܰܐ ܣܺܝܕܰܝّܶܗ ܬܰܚܬ ܗ̄ܽܘ ܐܺܝܠܳܢܳܐ. ܘܰܐܟ̥݄ܠّܶܗ.
9ܘܐܡ݄ܪّܰܗ ܠܶܗ: ”ܐܰܝܟܳܐ ܝܳܐ ܣܰܪܳܐ ܗ̄ܺܝ ܐܰܢ̱ܬ̥ܬܰܝܕ̥ܳܟ̥؟“ ܘܐܡ݄ܪ ܠܶܗ: ”ܟܰܐܠܰܗ ܒܽܗ̄ܘ ܡܰܫܟܢܳܐ.“ 10ܘܐܡ݄ܪ ܠܶܗ ܠܶܗ: ”ܕܥܳܪܳܐ ܓܕܳܥܰܪ ܐ̱ܢܳܐ ܠܣܺܝܕܳܟ̥ ܐܟ̥ ܕܽܗ̄ܘ ܙܰܒܢܰܢܳܐ، ܘܗܺܝّܰܗ ܒܰܚّܰܝ̈ܶܐ، ܘ݄ܓܕܳܗ̄ܘܶܐ ܐܰܒܪܳܐ ܠܣܰܪܳܐ ܗ̄ܺܝ ܐܰܢ̱ܬ̥ܬܰܝܕ̥ܳܟ̥.“ ܘܣܰܪܳܐ ܫܰܡܺܝܥܳܐ ܒܽܗ̄ܘ ܬܰܪܥܳܐ ܕܽܗ̄ܘ ܡܰܫܟܢܳܐ، ܘܗܺܝّܶܗ ܒ݄ܬ̥ܪܰܗ. 11ܘܰܐܒܪܳܗܳܡ ܘܣܰܪܳܐ ܡܰܣܽܒّ̥ܶܗ ܘܥܰܒܺܝܪܺܝ ܒܰܗ̄ܢ ܐ݄ܫܢ̈ܶܐ. ܘܫܰܦ݄̊ܥ ܡܶܢ̱ ܣܰܪܳܐ ܗ̄ܽܘ ܙܰܒܢܳܐ ܕܺܗ̄ܝ ܬܶܫ݄ܓ̥ܬܳܐ ܕܰܗ̄ܢ ܢܶܫ̈ܶܐ. 12ܘܓܰܚܺܝܟ̥ܳܐ ܣܰܪܳܐ ܒܠܶܒܰܗ، ܘܐܡ݄ܪ ܠܰܗ: ”ܒ݄ܬ̥݄ܪ ܡܶܢ̱ ܕܒܰܝܺܝܩܳܐ ܐ̱ܢܳܐ ܓܕܳܥܪܳܐ ܐ̱ܢܳܐ ܥܠܰܝܡܬܳܐ، ܘܽܗ̄ܘ ܡܳܪܰܝܕ̥ܺܝ ܡܰܣܽܒ̥ ܠܶܗ؟“ 13ܘܐܡ݄ܪ ܠܶܗ ܡܳܪܝܳܐ ܠܰܐܒܪܳܗܳܡ: ”ܠܡ݄ܢ ܓܰܚܺܝܟ̥ܳܐ ܣܰܪܳܐ ܘܐܡ݄ܪ ܠܰܗ: ܫܪܳܪܳܐ ܝܳܐ ܕ݄ܓܡܰܘܠܕܳܐ ܐ̱ܢܳܐ، ܐܳܢܳܐ ܒ݄ܬ̥݄ܪ ܕܡܰܣܽܒ̥ ܠܺܝ؟ 14ܩܰܝ ܫܽܘܐܳܠܳܐ ܪܰܒܳܐ ܝܳܐ ܥܰܠ ܡܳܪܝܳܐ؟ ܕܐܡ݄ܪ ܠܺܝ: ܐܟ̥ ܕܽܗ̄ܘ ܙܰܒܢܰܢܳܐ ܓܕܳܥܰܪ ܐ̱ܢܳܐ ܠܣܺܝܕܳܟ̥، ܘܗܺܝّܰܗ ܒܰܚّܰܝ̈ܶܐ، ܘ݄ܓܕܳܗ̄ܘܶܐ ܐܰܒܪܳܐ ܠܣܰܪܳܐ ܗ̄ܺܝ ܐܰܢ̱ܬ̥ܬܰܝܕ̥ܳܟ̥.“ 15ܘܡܰܢܟܰܪ ܠܰܗ ܣܰܪܳܐ ܘܐܡ݄ܪ ܠܰܗ: ”ܠܳܐ ܓܰܚܺܝܟ̥ܳܐ ܐ̱ܢܳܐ،“ ܥܰܠ ܕܙܰܝܺܝܥܳܐ. ܘܐܡ݄ܪ ܠܶܗ: ”ܠܳܐ، ܓܰܚܺܝܟ̥ܰܬ.“
16ܘܩܰܝܺܝܡܺܝ ܡܶܢ̱ ܬܰܡܳܐ ܗ̄ܰܓّܰܒ̥ܪ̈ܰܢ݄ܟ ܘܗܽܒّ̥ܶܗ ܦܳܬ̥ܰܝّܶܗ ܠ݄ܣܕ̥ܽܘܡ. ܘܰܐܒܪܳܗܳܡ ܐܰܙّܶܗ ܐܰܥܡܰܝّܶܗ ܕ݄ܡܫܰܕܰܪّܶܗ. 17ܘܐܡ݄ܪ ܠܶܗ ܡܳܪܝܳܐ: ”ܩܰܝ ܡܟܰܣܶܐ ܐ̱ܢܳܐ ܡܽܗ̄ܘ ܥܰܒܕܰܝܕ̥ܺܝ ܐܰܒܪܳܗܳܡ ܗ̄ܽܘ ܡܶܕܶܐ ܕܣܳܝܰܡ ܐ̱ܢܳܐ؟ 18ܘܰܐܒܪܳܗܳܡ ܓܕܳܗ̄ܘܶܐ ܥܰܡܳܐ ܪܰܒܳܐ ܘܓ̥ܰܠܰܒܶܐ، ܘܶܐܒܶܗ ܓܡܺܝܒܰܪܟ̥ܺܝ ܟܽܘܠّܶܗ ܗ̄ܰܥّܰܡ̈ܶܐ ܕܺܗ̄ܝ ܐܰܪܥܳܐ. 19ܡܺܐܝܕ̥ܶܗ ܕܟܳܐܕ̥ܰܥ ܐ̱ܢܳܐ ܠܶܗ ܕܳܗ̄ܒܶܐ ܦܽܘܩܳܕܳܢܳܐ ܠܰܗ̄ܢ ܐܰܒܢ̈ܰܝܕ̥ܶܗ، ܘܠܰܗ̄ܢ ܐܰܒܢ̈ܶܐ ܕܽܗ̄ܘ ܒܰܝܬܰܝܕ̥ܶܗ ܡܶܢ̱ ܒ݄ܬ̥ܪܶܗ ܕܢܳܛܪܺܝ ܗ̄ܰܕّܰܪ̈ܒܳܢܶܐ ܕܡܳܪܝܳܐ، ܕܣܰܝܡܺܝ ܙܰܕܺܝܩܽܘܬ̥ܳܐ ܘܟܺܐܢܽܘܬ̥ܳܐ، ܠܰܫܰܢ ܕܡܰܝܬܶܐ ܡܳܪܝܳܐ ܥܰܠ ܐܰܒܪܳܗܳܡ ܗ̄ܽܘ ܡܶܕܶܐ ܕܐܡ݄ܪ ܠܶܗ ܐܰܥܠܶܗ.“ 20ܘܐܡ݄ܪ ܠܶܗ ܡܳܪܝܳܐ: ”ܗ̄ܺܝ ܓܥܰܝܬܳܐ ܕ݄ܣܕ̥ܽܘܡ ܘ݄ܕܥܳܡܽܘܪܳܐ ܥܰܒܺܝܪܳܐ ܩܽܘܕ̱ܡܺܝ، ܘܰܚܛܳܗ̈ܰܬّ̥ܶܗ ܓ̥ܰܠܰܒܶܐ ܙܰܝܺܝܕܺܝ. 21ܓܢܳܚܰܬ ܐ̱ܢܳܐ ܚܳܙܶܐ ܐ̱ܢܳܐ ܐܶܢ ܐܟ̥ ܕܺܗ̄ܝ ܓܥܰܝܬܳܐ ܕܥܰܒܺܝܪܳܐ ܣܺܝܕܺܝ ܣ݄ܡّܶܗ ܘܡܰܬ݄ܡّܶܗ؟ ܘܶܐܢ ܠ݄ܐ ܓܕܳܐܕ̥ܰܥ ܐ̱ܢܳܐ.“ 22ܘܕܰܥܺܝܪܺܝ ܡܶܢ̱ ܬܰܡܳܐ ܗ̄ܰܓّܰܒ̥ܪ̈ܰܢ݄ܟ ܘܰܐܙّ݄ܢ ܠ݄ܣܕ̥ܽܘܡ. ܘܰܐܒܪܳܗܳܡ ܗܶܫ ܩܳܝܰܡ ܗ̄ܘܰܐ ܩ݄ܕ̱ܡ ܡܳܪܝܳܐ.
23ܘ݄ܡܩܰܪܰܒ̥ ܠܶܗ ܐܰܒܪܳܗܳܡ ܘܐܡ݄ܪ ܠܶܗ: ”ܒܚܰܕ̱ ܪܽܘܓ̥ܙܳܐ ܓ݄ܡܣܰܟܪܰܬ ܗ̄ܰܙّܰܕ̈ܺܝܩܶܐ ܥܰܡ ܗ̄ܰܚّܰܛܳܝ̈ܶܐ؟ 24ܐܶܢ ܕܳܗ̄ܘܶܐ ܚܰܡܫܺܝ ܙܰܕ̈ܺܝܩܶܐ ܒܓܰܘܰܗ ܕܺܗ̄ܝ ܡܕ̥ܺܝܢ̱ܬܳܐ، ܒܚܰܕ̱ ܪܽܘܓ̥ܙܳܐ ܓ݄ܡܣܰܟܪܰܬ ܘܠ݄ܐ ܓܛܳܪܰܬ ܗ̄ܽܘ ܐܰܬ̥ܪܳܐ ܠܰܫܰܢ ܗ̄ܰܚّܰܡܫܺܝ ܙܰܕ̈ܺܝܩܶܐ ܕܟ݄ܬܢܶܝ ܐܶܒܶܗ؟ 25ܚܳܣ ܠܳܟ̥ (ܪܰܚ݄ܩ ܡܶܢܳܟ̥) ܕܣܰܝܡܰܬ ܗ̄ܽܘ ܡܶܕܰܢܳܐ ܕܩܳܛܠܰܬ ܗ̄ܽܘ ܙܰܕܺܝܩܳܐ ܥܰܡ ܗ̄ܽܘ ܚܰܛܳܝܳܐ. ܘܕܳܗ̄ܘܶܐ ܗ̄ܽܘ ܙܰܕܺܝܩܳܐ ܐܟ̥ ܕܽܗ̄ܘ ܚܰܛܳܝܳܐ. ܚܳܣ ܠܳܟ̥ ܝܰܐ ܕܰܝܳܢܳܐ ܕܟܽܘܠܰܗ ܗ̄ܺܝ ܐܰܪܥܳܐ، ܗ̄ܽܘ ܕܺܝܢܰܢܳܐ ܛܪܳܐ ܠܳܐ ܡܺܝܣ݄ܡ.“ 26ܘܐܡ݄ܪ ܠܶܗ ܡܳܪܝܳܐ: ”ܐܶܢ ܕܚܳܙܶܐ ܐ̱ܢܳܐ ܒ݄ܣܕ̥ܽܘܡ ܚܰܡܫܺܝ ܙܰܕ̈ܺܝܩܶܐ ܒܓܰܘܰܗ ܕܺܗ̄ܝ ܡܕ̥ܺܝܢ̱ܬܳܐ ܓܛܳܪܶܐ ܐ̱ܢܳܐ ܠܟܽܘܠܶܗ ܗ̄ܽܘ ܐܰܬ̥ܪܳܐ ܠܰܫܰܢܰܝّܶܗ.“ 27ܘܡܰܕܥܰܪ ܠܶܗ ܐܰܒܪܳܗܳܡ ܘܐܡ݄ܪ ܠܶܗ: ”ܟܰܐܠܶܗ ܡܫܰܪܶܐ ܠܺܝ ܕܡ݄ܫܓ̥ܰܠ ܐ̱ܢܳܐ ܩ݄ܕ̱ܡ ܡܳܪܝܳܐ، ܘܳܐܢܳܐ ܥܰܦܪܳܐ ܐ̱ܢܳܐ ܘܩܰܛܡܳܐ. 28ܘܶܐܢ ܢܰܩܺܝܨܺܝ ܡܶܢ̱ ܚܰܡܫܺܝ ܙܰܕ̈ܺܝܩܶܐ ܚܰܡܫܳܐ، ܓܡܰܚܪܒ̥ܰܬ ܠܰܫܰܢ ܚܰܡܫܳܐ ܟܽܘܠܰܗ ܗ̄ܺܝ ܡܕ̥ܺܝܢ̱ܬܳܐ؟“ ܘܐܡ݄ܪ ܠܶܗ: ”ܠ݄ܐ ܓܡܰܚܪܰܒ̥ ܐ̱ܢܳܐ ܐܶܢ ܕܚܳܙܶܐ ܐ̱ܢܳܐ ܬܰܡܳܐ ܚܰܡܫܳܐ ܘܰܐܪܒܥܺܝ.“ 29ܘܕܰܥ݄ܪ ܐܰܒܪܳܗܳܡ ܕܳܐܡܰܪ ܠܶܗ: ”ܘܶܐܢ ܕܡ݄ܚܙ݄ܢ ܬܰܡܳܐ ܐܰܪܒܥܺܝ؟“ ܘܐܡ݄ܪ ܠܶܗ: ”ܠ݄ܐ ܓܡܰܚܪܰܒ̥ ܐ̱ܢܳܐ ܐܶܢ ܕܚܳܙܶܐ ܐ̱ܢܳܐ ܬܰܡܳܐ ܐܰܪܒܥܺܝ.“ 30ܘܐܡ݄ܪ ܠܶܗ: ”ܛܪܳܐ ܠܳܐ ܥܳܝܰܩ ܠܶܗ ܠܡܳܪܝܳܐ، ܓܕܳܐܡܰܪ ܐ̱ܢܳܐ: ܘܶܐܢ ܕܡ݄ܚܙ݄ܢ ܬܰܡܳܐ ܬܠܶܬ̥ܺܝ؟“ ܘܐܡ݄ܪ ܠܶܗ: ”ܠ݄ܐ ܓܡܰܚܪܰܒ̥ ܐ̱ܢܳܐ ܐܶܢ ܕܚܳܙܶܐ ܐ̱ܢܳܐ ܬܰܡܳܐ ܬܠܶܬ̥ܺܝ.“ 31ܘܐܡ݄ܪ ܠܶܗ (ܐܰܒܪܳܗܳܡ): ”ܟܰܐܠܺܝ ܡܫܰܪܶܐ ܠܺܝ ܕܡ݄ܫܓ̥ܰܠ ܐ̱ܢܳܐ ܩ݄ܕ̱ܡ ܡܳܪܝܳܐ، ܘܶܐܢ ܕܡ݄ܚܙ݄ܢ ܬܰܡܳܐ ܥ݄ܣܪܺܝ؟“ ܘܐܡ݄ܪ ܠܶܗ: ”ܠ݄ܐ ܓܡܰܚܪܰܒ̥ ܐ̱ܢܳܐ ܠܰܫܰܢ ܥ݄ܣܪܺܝ.“ 32ܘܐܡ݄ܪ ܠܶܗ: ”ܛܪܳܐ ܠܳܐ ܥܳܝܰܩ ܠܶܗ ܠܡܳܪܝܳܐ، ܘ݄ܓܡ݄ܫܓ̥ܰܠ ܐ̱ܢܳܐ ܒܶܠܚܽܘܕ̥ܶܗ ܗ̄ܰܢ ܢܰܩܠܐ: ܘܶܐܢ ܕܡ݄ܚܙ݄ܢ ܬܰܡܳܐ ܥܰܣܪܳܐ؟“ ܘܐܡ݄ܪ ܠܶܗ: ”ܠ݄ܐ ܓܡܰܚܪܰܒ̥ ܐ̱ܢܳܐ ܠܰܫܰܢ ܥܰܣܪܳܐ.“ 33ܘܰܐܙّܶܗ ܡܳܪܝܳܐ ܗ̄ܺܝ ܢܰܩܠܐ ܕܡܰܬ݄ܡ ܠܶܗ ܗ̄ܽܘ ܡܰܐܡܪܳܐ ܕܥܰܡ ܐܰܒܪܳܗܳܡ. ܘܰܐܒܪܳܗܳܡ ܕܰܥ݄ܪ ܠܽܗ̄ܘ ܐܰܬ̥ܪܰܝܕ̥ܶܗ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Suryoyo Bible © 2024 Aramaic Bible Translation