ܣܶܦܪܳܐ ܕܡܰܦܩܳܢܳܐ 7
7
1ܘܐܡ݄ܪ ܠܶܗ ܡܳܪܝܳܐ ܠܡܽܘܫܶܐ: ”ܚܙܰܝ ܕܣ݄ܡ ܠܺܝ ܠܳܟ̥ ܐܰܠܳܗܳܐ ܥܰܠ ܦܶܪܥܽܘܢ. ܘܰܐܗܪܽܘܢ ܐܰܚܽܘܢܳܟ̥ ܓܕܳܗ̄ܘܶܐ ܗ̄ܽܘ ܢܒܺܝܰܝܕ̥ܳܟ̥. 2ܗܰܬ ܓܕ݄ܐܡّܰܪ̱ܬ ܟܘ̇ܠ ܦܽܘܩܕܳܢܳܐ ܕܳܐܡܰܪ ܐ̱ܢܳܐ ܠܳܟ̥، ܘܰܐܗܪܽܘܢ ܐܰܚܽܘܢܳܟ̥ ܓܕܳܐܡ݄ܪ ܠܦܶܪܥܽܘܢ ܕ݄ܡܫܰܕ݄ܪ ܗ̄ܰܢ ܐܰܒܢ̈ܶܐ ܕܺܐܝܣܪܳܐܶܝܠ ܡܺܗ̄ܝ ܐܰܪܥܰܝܕ̥ܶܗ. 3ܘܳܐܢܳܐ ܓܡܰܩܫܶܐ ܐ̱ܢܳܐ ܠܶܒܶܗ ܕܦܶܪܥܽܘܢ، ܘ݄ܓܡܰܙ݄ܕ ܐ̱ܢܳܐ ܗ̄ܰܢ ܐܳܬ̥ܘ̈ܳܬ̥ܰܝܕ̥ܺܝ ܘܰܬّܶܕ݄ܡܪ̈ܳܬ̥ܰܝܕ̥ܺܝ ܒܺܗ̄ܝ ܐܰܪܥܳܐ ܕܡܶܨܪܶܝܢ. 4ܘܦܶܪܥܽܘܢ ܠ݄ܐ ܓܫܳܡܰܥܟ̥ܽܘ. ܘ݄ܓܡܰܚܰܬ ܐ̱ܢܳܐ ܐܺܝܕ̥ܺܝ ܥܰܠ ܡܶܨܪܶܝܢ ܘܡܰܘܦܰܩ ܐ̱ܢܳܐ ܗ̄ܰܚّܰܝ̈ܠܰܝܕ̥ܺܝ، ܘܽܗ̄ܘ ܥܰܡܰܝܕ̥ܺܝ ܐܰܒܢ̈ܶܐ ܕܺܐܝܣܪܳܐܶܝܠ، ܡܺܗ̄ܝ ܐܰܪܥܳܐ ܕܡܶܨܪܶܝܢ ܒܕܺܝܢ̈ܶܐ ܪ̈ܰܒܶܐ. 5ܘ݄ܓܕ݄ܐܕ̥ܥܺܝ ܗ̄ܰܡّܶܨܪ̈ܳܝܶܐ ܕܳܐܢܳܐ ܐ̱ܢܳܐ ܡܳܪܝܳܐ، ܡ݄ܐ ܕܡܰܥܠܶܐ ܠܺܝ ܐܺܝܕ̥ܺܝ ܥܰܠ ܗ̄ܰܡّܶܨܪ̈ܳܝܶܐ، ܘܡܰܘܦܰܩ ܠܺܝ ܠܰܗ̄ܢ ܐܰܒܢ̈ܶܐ ܕܺܐܝܣܪܳܐܶܝܠ ܡܶܢ̱ ܒܰܝܢܳܬ̥ܰܝّܶܗ.“ 6ܘܣ݄ܡّܶܗ ܡܽܘܫܶܐ ܘܰܐܗܪܽܘܢ ܐܟ̥ ܕܐܡ݄ܪ ܠܰܗ ܠّܶܗ ܡܳܪܝܳܐ، ܗܰܘܟ̥ܰܐ ܣ݄ܡّܶܗ
ܗ̄ܺܝ ܚܰܛܪܳܐ ܕܡܽܘܫܶܐ ܟܳܗ̄ܘܝܳܐ ܟܽܘܪܦܳܐ
7ܘܡܽܘܫܶܐ ܐܰܒܪܶܗ ܕ݄ܬܡܳܢܺܝ ܐ݄ܫܢ̈ܶܐ ܗ̄ܘܰܐ، ܘܰܐܗܪܽܘܢ ܐܰܒܪܶܗ ܕ݄ܬܠ݄ܬ̥ ܘ݄ܬܡܳܢܺܝ ܐ݄ܫܢ̈ܶܐ ܗ̄ܘܰܐ ܗ̄ܺܝ ܢܰܩܠܐ ܕܡ݄ܫܓ̥ܰܠّܶܗ ܥܰܡ ܦܶܪܥܽܘܢ. 8ܘܐܡ݄ܪ ܠܶܗ ܡܳܪܝܳܐ ܠܡܽܘܫܶܐ ܘܠܰܐܗܪܽܘܢ: 9”ܐܶܢ ܐܡ݄ܪ ܠܶܗ ܠܟ̥ܽܘ ܦܶܪܥܽܘܢ ܗܰܒ̥ܽܘ ܠܺܝ ܐܳܬ̥ܳܐ، ܐܡܰܪ ܠܰܐܗܪܽܘܢ: ܡܘ̇ܕ ܗ̄ܺܝ ܚܰܛܪܰܝܕ̥ܳܟ̥ ܘ݄ܡܚܰܠܶܩܰܗ ܩ݄ܕ̱ܡ ܦܶܪܥܽܘܢ، ܘ݄ܓܕܽܗ̄ܘܝܳܐ ܟܽܘܪܦܳܐ.“ 10ܘܰܐܬ̥݄ܢ ܡܽܘܫܶܐ ܘܰܐܗܪܽܘܢ ܠܓܰܒ ܦܶܪܥܽܘܢ، ܘܣ݄ܡّܶܗ ܗܰܘܟ̥ܰܐ، ܐܟ̥ ܕܐܡ݄ܪ ܠܰܗ ܠّܶܗ ܡܳܪܝܳܐ. ܘ݄ܡܚܰܠܰܩ ܠܶܗ ܐܰܗܪܽܘܢ ܗ̄ܺܝ ܚܰܛܪܰܝܕ̥ܶܗ ܩ݄ܕ̱ܡ ܦܶܪܥܽܘܢ ܘܩ݄ܕ̱ܡ ܗ̄ܰܓܪ̈ܶܝܥܰܝܕ̥ܶܗ ܗ̄ܰܚّܺܐܪ̈ܶܐ، ܘܗܰܘܝܳܐ ܟܽܘܪܦܳܐ. 11ܘ݄ܩܪܶܐ ܠܶܗ ܦܶܪܥܽܘܢ ܠܰܚّܰܟܺܝ̈ܡܶܐ ܘܠܰܚّܰܪ̈ܳܫܶܐ، ܘܗܰܢ݄ܟ ܣܬܶܝ ܗ̄ܰܚّܰܪ̈ܳܫܰܢ݄ܟ ܕܡܶܨܪܶܝܢ ܣ݄ܡّܶܗ ܗܰܘܟ̥ܰܐ ܒܰܚّܶܪ̈ܫܰܬّ̥ܶܗ. 12ܘܟܘ̇ܠ ܚܰܕ̱ ܡ݄ܢّܶܗ ܡܚܰܠܰܩ ܠܶܗ ܗ̄ܺܝ ܚܰܛܪܰܝܕ̥ܶܗ ܩ݄ܕ̱ܡ ܦܶܪܥܽܘܢ، ܘܗܰܘ݄ܢ ܟܽܘܪ̈ܦܶܐ. ܘ݄ܒܠ݄ܥ ܠܰܗ ܗ̄ܺܝ ܚܰܛܪܳܐ ܕܰܐܗܪܽܘܢ ܗ̄ܰܚّܰܛܪ̈ܳܬ̥ܰܬّ̥ܶܗ. 13ܘܩܰܫܺܝ ܠܶܒܶܗ ܕܦܶܪܥܽܘܢ ܘܠܳܐ ܡܫܰܕܪܺܝ ܠܶܗ، ܐܟ̥ ܕܐܡ݄ܪ ܠܶܗ ܡܳܪܝܳܐ.
ܗ̄ܽܘ ܚܶܠܳܦܳܐ ܕܰܡّܰܝ̈ܶܐ ܠܽܗ̄ܘ ܐܰܕܡܳܐ
14ܘܐܡ݄ܪ ܠܶܗ ܡܳܪܝܳܐ ܠܡܽܘܫܶܐ: ”ܩܰܫܺܝ ܠܶܒܶܗ ܕܦܶܪܥܽܘܢ ܘܠܰܐ ܐܒ݄ܥ ܕ݄ܡܫܰܕ݄ܪ ܗ̄ܽܘ ܥܰܡܳܐ. 15ܙܳܟ̥ ܠܓܰܒ ܦܶܪܥܽܘܢ ܒܨܰܦܪܳܐ، ܟܰܐܠܶܗ ܓܢܳܦ݄ܩ ܠܰܡّܰܝ̈ܶܐ. ܩܘ̇ܡ ܡܩܰܒ݄ܠ ܕܺܝܕ̥ܶܗ ܥܰܠ ܣܰܦ̊ܬ̥ܶܗ ܕܽܗ̄ܘ ܢܰܗܪܳܐ. ܘܡܘ̇ܕ ܒܺܐܝܕ̥ܳܟ̥ ܗ̄ܺܝ ܚܰܛܪܳܐ ܕܗܰܘܝܳܐ ܟܽܘܪܦܳܐ. 16ܘܐܡܰܪ ܠܶܗ: ܡܳܪܝܳܐ ܐܰܠܳܗܳܐ ܕܰܥّܶܒܪ̈ܳܝܶܐ ܡܫܰܕܰܪ ܠܶܗ ܠܺܝ ܠܓܰܒܳܟ̥ ܘܟܳܐܡ݄ܪ: ܡܫܰܕ݄ܪ ܠܽܗ̄ܘ ܥܰܡܰܝܕ̥ܺܝ ܕܥܳܒܰܕ ܠܺܝ ܒܽܗ̄ܘ ܡܰܕ̥݄ܒܪܳܐ. ܘܟܰܐܠܳܟ̥ ܗ݄ܠ ܐܳܥܕܳܐ ܠ݄ܐ ܓܫܳܡܥܰܬ. 17ܗܰܘܟ̥ܰܐ ܟܳܐܡ݄ܪ ܡܳܪܝܳܐ: ܒܰܗ̄ܬ̥ܶܐ ܓܕ݄ܐܕ̥ܥܰܬ ܕܳܐܢܳܐ ܐ̱ܢܳܐ ܡܳܪܝܳܐ. ܟܰܐܠܶܗ ܟܡܳܚܶܐ ܐ̱ܢܳܐ ܒܺܗ̄ܝ ܚܰܛܪܳܐ ܕܒܺܐܝܕ̥ܺܝ ܥܰܠ ܗ̄ܰܡّܰܝ̈ܶܐ ܕܒܽܗ̄ܘ ܢܰܗܪܳܐ، ܘܓ݄ܕܩܳܠܒܺܝ ܘܗܳܘ݄ܢ ܐܰܕܡܳܐ. 18ܘܰܗ̄ܢ ܢܽܘܢ̈ܶܐ ܕܒܽܗ̄ܘ ܢܰܗܪܳܐ ܓܡܰܝܬ̥ܺܝ، ܘܓ݄ܕܣܳܪܶܐ ܗ̄ܽܘ ܢܰܗܪܳܐ ܘ݄ܓܡܺܝܬܰܥܺܝܩܺܝ ܗ̄ܰܡّܶܨܪ̈ܳܝܶܐ ܡܽܗ̄ܘ ܫܬܳܝܳܐ ܕܰܡّܰܝ̈ܶܐ ܡܽܗ̄ܘ ܢܰܗܪܳܐ.“ 19ܘܐܡ݄ܪ ܠܶܗ ܡܳܪܝܳܐ ܠܡܽܘܫܶܐ: ”ܐܰܡܰܪ ܠܰܐܗܪܽܘܢ: ܡܘ̇ܕ ܗ̄ܺܝ ܚܰܛܪܰܝܕ̥ܳܟ̥ ܘܡܰܥܠܰܝ ܐܺܝܕ̥ܳܟ̥ ܥܰܠ ܗ̄ܰܡّܰܝ̈ܶܐ ܕܰܡّܶܨܪ̈ܳܝܶܐ، ܥܰܠ ܗ̄ܰܢ ܢܰܗܪ̈ܰܬّ̥ܶܗ ܘܥܰܠ ܗ̄ܰܩّܶܒ̈ܝܳܬ̥ܰܬّ̥ܶܗ ܘܥܰܠ ܗ̄ܰܢ ܐܰܪ̈ܓ̥ܰܠܝܳܬ̥ܰܬّ̥ܶܗ ܘܥܰܠ ܗ̄ܰܪّܰܘܡ̈ܶܐ ܕܰܡّܰܝ̈ܰܬّ̥ܶܗ ܘ݄ܓܕܳܗ̄ܘ݄ܢ ܐܰܕܡܳܐ. ܘ݄ܓܕܳܗ̄ܘܶܐ ܐܰܕܡܳܐ ܒܟܽܘܠܰܗ ܗ̄ܺܝ ܐܰܪܥܳܐ ܕܡܶܨܪܶܝܢ، ܘܒܰܩّܰܝܣ̈ܶܐ ܘܒܰܟّܶܐܦ̈ܶܐ.“ 20ܘܣ݄ܡّܶܗ ܗܰܘܟ̥ܰܐ ܡܽܘܫܶܐ ܘܰܐܗܪܽܘܢ، ܐܟ̥ ܕܐܡ݄ܪ ܠܰܗ ܠّܶܗ ܡܳܪܝܳܐ ܘܡܰܥܠܶܐ ܠܶܗ ܐܰܗܪܽܘܢ ܗ̄ܺܝ ܚܰܛܪܳܐ ܕܒܺܐܝܕ̥ܶܗ، ܘ݄ܡܚܶܐ ܠܶܗ ܒܰܡّܰܝ̈ܶܐ ܕܽܗ̄ܘ ܢܰܗܪܳܐ ܩ݄ܕ̱ܡ ܥܰܝܢܶܗ ܕܦܶܪܥܽܘܢ ܘܩ݄ܕ̱ܡ ܥܰܝܢ̈ܶܐ ܕܰܓܪ̈ܶܝܥܰܝܕ̥ܶܗ، ܘܗܰܘ݄ܢ ܟܽܘܠّܶܗ ܗ̄ܰܡّܰܝ̈ܶܐ ܕܽܗ̄ܘ ܢܰܗܪܳܐ ܐܰܕܡܳܐ. 21ܘܰܗ̄ܢ ܢܽܘܢ̈ܶܐ ܕܒܽܗ̄ܘ ܢܰܗܪܳܐ ܡܰܝܺܝܬ̥ܺܝ، ܘܣܰܪܺܝ ܗ̄ܽܘ ܢܰܗܪܳܐ. ܘܠܳܐ ܩܰܕܺܝܪܺܝ ܗ̄ܰܡّܶܨܪ̈ܳܝܶܐ ܕܫܳܬ݄ܢ ܡܰܝ̈ܶܐ ܡܽܗ̄ܘ ܢܰܗܪܳܐ. ܘܗܰܘܺܝ ܐܰܕܡܳܐ ܒܟܽܘܠܰܗ ܗ̄ܺܝ ܐܰܪܥܳܐ ܕܡܶܨܪܶܝܢ. 22ܘܗܰܘܟ̥ܰܐ ܣ݄ܡّܶܗ ܗ̄ܰܚّܰܪ̈ܳܫܶܐ ܕܡܶܨܪܶܝܢ ܒܰܚّܶܪ̈ܫܰܬّ̥ܶܗ. ܘܩܰܫܺܝ ܠܶܒܶܗ ܕܦܶܪܥܽܘܢ، ܘܠܳܐ ܫܰܡ݄ܥّܶܗ ܐܟ̥ ܕܐܡ݄ܪ ܠܶܗ ܡܳܪܝܳܐ.
23ܘܕܰܥ݄ܪ ܦܶܪܥܽܘܢ، ܘܥܰܒ݄ܪ ܠܽܗ̄ܘ ܒܰܝܬܰܝܕ̥ܶܗ. ܘܗܰܬ̥ܶܐ ܠܳܐ ܡܰܝܬܶܐ ܠܶܗ ܠܰܗ ܥܰܠ ܒܳܠܶܗ. 24ܘ݄ܚܦ݄ܪّܶܗ ܟܽܘܠّܶܗ ܗ̄ܰܡّܶܨܪ̈ܳܝܶܐ ܚܶܕ̥ܳܪ ܕܽܗ̄ܘ ܢܰܗܪܳܐ ܕܫܳܬ݄ܢ ܡܰܝ̈ܶܐ، ܡܺܐܝܕ̥ܶܗ ܕܠܳܐ ܩܳܕܪܺܝ ܗ̄ܘܰܘ̱ ܕܫܳܬ݄ܢ ܡܰܢ̱ ܡّܰܝ̈ܶܐ ܕܽܗ̄ܘ ܢܰܗܪܳܐ. 25ܘܟܰܡܺܝܠܺܝ ܫܰܒ̥ܥܳܐ ܝܰܘܡ̈ܶܐ ܒ݄ܬ̥݄ܪ ܕ݄ܡܚܶܐ ܠܶܗ ܡܳܪܝܳܐ ܠܽܗ̄ܘ ܢܰܗܪܳܐ.
26ܘܐܡ݄ܪ ܠܶܗ ܡܳܪܝܳܐ ܠܡܽܘܫܶܐ: ”ܙܳܟ̥ ܓܰܒ ܦܶܪܥܽܘܢ ܘܐܡܰܪ ܠܶܗ: ܗܰܘܟ̥ܰܐ ܟܳܐܡ݄ܪ ܡܳܪܝܳܐ: ܡܫܰܕ݄ܪ ܗ̄ܽܘ ܥܰܡܰܝܕ̥ܺܝ ܕܥܳܒܰܕ ܠܺܝ. 27ܘ݄ܕܠ݄ܐ ܐܒܥܰܬ ܡܫܰܕܪܰܬ، ܟܰܐܠܺܝ ܟܡܳܚܶܐ ܐ̱ܢܳܐ ܠܟܽܘܠܶܗ ܗ̄ܽܘ ܬܚܽܘܡܰܝܕ̥ܳܟ̥ ܒܰܗ̄ܢ ܐܽܘܪ̈ܕܥܶܐ. 28ܘܽܗ̄ܘ ܢܰܗܪܳܐ ܓܡܰܘܦ݄ܩ ܐܽܘܪ̈ܕܥܶܐ، ܘ݄ܓܣܳܠܩܺܝ ܘܥܳܒܪܺܝ ܠܽܗ̄ܘ ܒܰܝܬܰܝܕ̥ܳܟ̥ ܘܠܺܗ̄ܝ ܕܽܘܟܬ̥ܳܐ ܕܽܗ̄ܘ ܕܡܳܟ̥ܰܝܕ̥ܳܟ̥ ܘܠܰܓّܰܠܰܝ̈ܕ̥ܳܟ̥، ܘܒ̈ܰܒّܳܬܶܐ ܕܰܓܪ̈ܶܝܥܰܝܕ̥ܳܟ̥، ܘܒܽܗ̄ܘ ܥܰܡܰܝܕ̥ܳܟ̥، ܘܒܰܬّܰܢܽܘܪ̈ܰܝܕ̥ܳܟ̥ ܘܒܰܠّܰܝܫ̈ܰܝܕ̥ܳܟ̥. 29ܘܶܐܒܳܟ̥ ܘ݄ܒܟܽܘܠܶܗ ܗ̄ܽܘ ܥܰܡܰܝܕ̥ܳܟ̥ ܓܣܳܠܩܺܝ ܐܽܘܪ̈ܕܥܶܐ.“
Currently Selected:
ܣܶܦܪܳܐ ܕܡܰܦܩܳܢܳܐ 7: ܟܬܒܐ
Highlight
Share
Copy
Want to have your highlights saved across all your devices? Sign up or sign in
Suryoyo Bible © 2024 Aramaic Bible Translation
ܣܶܦܪܳܐ ܕܡܰܦܩܳܢܳܐ 7
7
1ܘܐܡ݄ܪ ܠܶܗ ܡܳܪܝܳܐ ܠܡܽܘܫܶܐ: ”ܚܙܰܝ ܕܣ݄ܡ ܠܺܝ ܠܳܟ̥ ܐܰܠܳܗܳܐ ܥܰܠ ܦܶܪܥܽܘܢ. ܘܰܐܗܪܽܘܢ ܐܰܚܽܘܢܳܟ̥ ܓܕܳܗ̄ܘܶܐ ܗ̄ܽܘ ܢܒܺܝܰܝܕ̥ܳܟ̥. 2ܗܰܬ ܓܕ݄ܐܡّܰܪ̱ܬ ܟܘ̇ܠ ܦܽܘܩܕܳܢܳܐ ܕܳܐܡܰܪ ܐ̱ܢܳܐ ܠܳܟ̥، ܘܰܐܗܪܽܘܢ ܐܰܚܽܘܢܳܟ̥ ܓܕܳܐܡ݄ܪ ܠܦܶܪܥܽܘܢ ܕ݄ܡܫܰܕ݄ܪ ܗ̄ܰܢ ܐܰܒܢ̈ܶܐ ܕܺܐܝܣܪܳܐܶܝܠ ܡܺܗ̄ܝ ܐܰܪܥܰܝܕ̥ܶܗ. 3ܘܳܐܢܳܐ ܓܡܰܩܫܶܐ ܐ̱ܢܳܐ ܠܶܒܶܗ ܕܦܶܪܥܽܘܢ، ܘ݄ܓܡܰܙ݄ܕ ܐ̱ܢܳܐ ܗ̄ܰܢ ܐܳܬ̥ܘ̈ܳܬ̥ܰܝܕ̥ܺܝ ܘܰܬّܶܕ݄ܡܪ̈ܳܬ̥ܰܝܕ̥ܺܝ ܒܺܗ̄ܝ ܐܰܪܥܳܐ ܕܡܶܨܪܶܝܢ. 4ܘܦܶܪܥܽܘܢ ܠ݄ܐ ܓܫܳܡܰܥܟ̥ܽܘ. ܘ݄ܓܡܰܚܰܬ ܐ̱ܢܳܐ ܐܺܝܕ̥ܺܝ ܥܰܠ ܡܶܨܪܶܝܢ ܘܡܰܘܦܰܩ ܐ̱ܢܳܐ ܗ̄ܰܚّܰܝ̈ܠܰܝܕ̥ܺܝ، ܘܽܗ̄ܘ ܥܰܡܰܝܕ̥ܺܝ ܐܰܒܢ̈ܶܐ ܕܺܐܝܣܪܳܐܶܝܠ، ܡܺܗ̄ܝ ܐܰܪܥܳܐ ܕܡܶܨܪܶܝܢ ܒܕܺܝܢ̈ܶܐ ܪ̈ܰܒܶܐ. 5ܘ݄ܓܕ݄ܐܕ̥ܥܺܝ ܗ̄ܰܡّܶܨܪ̈ܳܝܶܐ ܕܳܐܢܳܐ ܐ̱ܢܳܐ ܡܳܪܝܳܐ، ܡ݄ܐ ܕܡܰܥܠܶܐ ܠܺܝ ܐܺܝܕ̥ܺܝ ܥܰܠ ܗ̄ܰܡّܶܨܪ̈ܳܝܶܐ، ܘܡܰܘܦܰܩ ܠܺܝ ܠܰܗ̄ܢ ܐܰܒܢ̈ܶܐ ܕܺܐܝܣܪܳܐܶܝܠ ܡܶܢ̱ ܒܰܝܢܳܬ̥ܰܝّܶܗ.“ 6ܘܣ݄ܡّܶܗ ܡܽܘܫܶܐ ܘܰܐܗܪܽܘܢ ܐܟ̥ ܕܐܡ݄ܪ ܠܰܗ ܠّܶܗ ܡܳܪܝܳܐ، ܗܰܘܟ̥ܰܐ ܣ݄ܡّܶܗ
ܗ̄ܺܝ ܚܰܛܪܳܐ ܕܡܽܘܫܶܐ ܟܳܗ̄ܘܝܳܐ ܟܽܘܪܦܳܐ
7ܘܡܽܘܫܶܐ ܐܰܒܪܶܗ ܕ݄ܬܡܳܢܺܝ ܐ݄ܫܢ̈ܶܐ ܗ̄ܘܰܐ، ܘܰܐܗܪܽܘܢ ܐܰܒܪܶܗ ܕ݄ܬܠ݄ܬ̥ ܘ݄ܬܡܳܢܺܝ ܐ݄ܫܢ̈ܶܐ ܗ̄ܘܰܐ ܗ̄ܺܝ ܢܰܩܠܐ ܕܡ݄ܫܓ̥ܰܠّܶܗ ܥܰܡ ܦܶܪܥܽܘܢ. 8ܘܐܡ݄ܪ ܠܶܗ ܡܳܪܝܳܐ ܠܡܽܘܫܶܐ ܘܠܰܐܗܪܽܘܢ: 9”ܐܶܢ ܐܡ݄ܪ ܠܶܗ ܠܟ̥ܽܘ ܦܶܪܥܽܘܢ ܗܰܒ̥ܽܘ ܠܺܝ ܐܳܬ̥ܳܐ، ܐܡܰܪ ܠܰܐܗܪܽܘܢ: ܡܘ̇ܕ ܗ̄ܺܝ ܚܰܛܪܰܝܕ̥ܳܟ̥ ܘ݄ܡܚܰܠܶܩܰܗ ܩ݄ܕ̱ܡ ܦܶܪܥܽܘܢ، ܘ݄ܓܕܽܗ̄ܘܝܳܐ ܟܽܘܪܦܳܐ.“ 10ܘܰܐܬ̥݄ܢ ܡܽܘܫܶܐ ܘܰܐܗܪܽܘܢ ܠܓܰܒ ܦܶܪܥܽܘܢ، ܘܣ݄ܡّܶܗ ܗܰܘܟ̥ܰܐ، ܐܟ̥ ܕܐܡ݄ܪ ܠܰܗ ܠّܶܗ ܡܳܪܝܳܐ. ܘ݄ܡܚܰܠܰܩ ܠܶܗ ܐܰܗܪܽܘܢ ܗ̄ܺܝ ܚܰܛܪܰܝܕ̥ܶܗ ܩ݄ܕ̱ܡ ܦܶܪܥܽܘܢ ܘܩ݄ܕ̱ܡ ܗ̄ܰܓܪ̈ܶܝܥܰܝܕ̥ܶܗ ܗ̄ܰܚّܺܐܪ̈ܶܐ، ܘܗܰܘܝܳܐ ܟܽܘܪܦܳܐ. 11ܘ݄ܩܪܶܐ ܠܶܗ ܦܶܪܥܽܘܢ ܠܰܚّܰܟܺܝ̈ܡܶܐ ܘܠܰܚّܰܪ̈ܳܫܶܐ، ܘܗܰܢ݄ܟ ܣܬܶܝ ܗ̄ܰܚّܰܪ̈ܳܫܰܢ݄ܟ ܕܡܶܨܪܶܝܢ ܣ݄ܡّܶܗ ܗܰܘܟ̥ܰܐ ܒܰܚّܶܪ̈ܫܰܬّ̥ܶܗ. 12ܘܟܘ̇ܠ ܚܰܕ̱ ܡ݄ܢّܶܗ ܡܚܰܠܰܩ ܠܶܗ ܗ̄ܺܝ ܚܰܛܪܰܝܕ̥ܶܗ ܩ݄ܕ̱ܡ ܦܶܪܥܽܘܢ، ܘܗܰܘ݄ܢ ܟܽܘܪ̈ܦܶܐ. ܘ݄ܒܠ݄ܥ ܠܰܗ ܗ̄ܺܝ ܚܰܛܪܳܐ ܕܰܐܗܪܽܘܢ ܗ̄ܰܚّܰܛܪ̈ܳܬ̥ܰܬّ̥ܶܗ. 13ܘܩܰܫܺܝ ܠܶܒܶܗ ܕܦܶܪܥܽܘܢ ܘܠܳܐ ܡܫܰܕܪܺܝ ܠܶܗ، ܐܟ̥ ܕܐܡ݄ܪ ܠܶܗ ܡܳܪܝܳܐ.
ܗ̄ܽܘ ܚܶܠܳܦܳܐ ܕܰܡّܰܝ̈ܶܐ ܠܽܗ̄ܘ ܐܰܕܡܳܐ
14ܘܐܡ݄ܪ ܠܶܗ ܡܳܪܝܳܐ ܠܡܽܘܫܶܐ: ”ܩܰܫܺܝ ܠܶܒܶܗ ܕܦܶܪܥܽܘܢ ܘܠܰܐ ܐܒ݄ܥ ܕ݄ܡܫܰܕ݄ܪ ܗ̄ܽܘ ܥܰܡܳܐ. 15ܙܳܟ̥ ܠܓܰܒ ܦܶܪܥܽܘܢ ܒܨܰܦܪܳܐ، ܟܰܐܠܶܗ ܓܢܳܦ݄ܩ ܠܰܡّܰܝ̈ܶܐ. ܩܘ̇ܡ ܡܩܰܒ݄ܠ ܕܺܝܕ̥ܶܗ ܥܰܠ ܣܰܦ̊ܬ̥ܶܗ ܕܽܗ̄ܘ ܢܰܗܪܳܐ. ܘܡܘ̇ܕ ܒܺܐܝܕ̥ܳܟ̥ ܗ̄ܺܝ ܚܰܛܪܳܐ ܕܗܰܘܝܳܐ ܟܽܘܪܦܳܐ. 16ܘܐܡܰܪ ܠܶܗ: ܡܳܪܝܳܐ ܐܰܠܳܗܳܐ ܕܰܥّܶܒܪ̈ܳܝܶܐ ܡܫܰܕܰܪ ܠܶܗ ܠܺܝ ܠܓܰܒܳܟ̥ ܘܟܳܐܡ݄ܪ: ܡܫܰܕ݄ܪ ܠܽܗ̄ܘ ܥܰܡܰܝܕ̥ܺܝ ܕܥܳܒܰܕ ܠܺܝ ܒܽܗ̄ܘ ܡܰܕ̥݄ܒܪܳܐ. ܘܟܰܐܠܳܟ̥ ܗ݄ܠ ܐܳܥܕܳܐ ܠ݄ܐ ܓܫܳܡܥܰܬ. 17ܗܰܘܟ̥ܰܐ ܟܳܐܡ݄ܪ ܡܳܪܝܳܐ: ܒܰܗ̄ܬ̥ܶܐ ܓܕ݄ܐܕ̥ܥܰܬ ܕܳܐܢܳܐ ܐ̱ܢܳܐ ܡܳܪܝܳܐ. ܟܰܐܠܶܗ ܟܡܳܚܶܐ ܐ̱ܢܳܐ ܒܺܗ̄ܝ ܚܰܛܪܳܐ ܕܒܺܐܝܕ̥ܺܝ ܥܰܠ ܗ̄ܰܡّܰܝ̈ܶܐ ܕܒܽܗ̄ܘ ܢܰܗܪܳܐ، ܘܓ݄ܕܩܳܠܒܺܝ ܘܗܳܘ݄ܢ ܐܰܕܡܳܐ. 18ܘܰܗ̄ܢ ܢܽܘܢ̈ܶܐ ܕܒܽܗ̄ܘ ܢܰܗܪܳܐ ܓܡܰܝܬ̥ܺܝ، ܘܓ݄ܕܣܳܪܶܐ ܗ̄ܽܘ ܢܰܗܪܳܐ ܘ݄ܓܡܺܝܬܰܥܺܝܩܺܝ ܗ̄ܰܡّܶܨܪ̈ܳܝܶܐ ܡܽܗ̄ܘ ܫܬܳܝܳܐ ܕܰܡّܰܝ̈ܶܐ ܡܽܗ̄ܘ ܢܰܗܪܳܐ.“ 19ܘܐܡ݄ܪ ܠܶܗ ܡܳܪܝܳܐ ܠܡܽܘܫܶܐ: ”ܐܰܡܰܪ ܠܰܐܗܪܽܘܢ: ܡܘ̇ܕ ܗ̄ܺܝ ܚܰܛܪܰܝܕ̥ܳܟ̥ ܘܡܰܥܠܰܝ ܐܺܝܕ̥ܳܟ̥ ܥܰܠ ܗ̄ܰܡّܰܝ̈ܶܐ ܕܰܡّܶܨܪ̈ܳܝܶܐ، ܥܰܠ ܗ̄ܰܢ ܢܰܗܪ̈ܰܬّ̥ܶܗ ܘܥܰܠ ܗ̄ܰܩّܶܒ̈ܝܳܬ̥ܰܬّ̥ܶܗ ܘܥܰܠ ܗ̄ܰܢ ܐܰܪ̈ܓ̥ܰܠܝܳܬ̥ܰܬّ̥ܶܗ ܘܥܰܠ ܗ̄ܰܪّܰܘܡ̈ܶܐ ܕܰܡّܰܝ̈ܰܬّ̥ܶܗ ܘ݄ܓܕܳܗ̄ܘ݄ܢ ܐܰܕܡܳܐ. ܘ݄ܓܕܳܗ̄ܘܶܐ ܐܰܕܡܳܐ ܒܟܽܘܠܰܗ ܗ̄ܺܝ ܐܰܪܥܳܐ ܕܡܶܨܪܶܝܢ، ܘܒܰܩّܰܝܣ̈ܶܐ ܘܒܰܟّܶܐܦ̈ܶܐ.“ 20ܘܣ݄ܡّܶܗ ܗܰܘܟ̥ܰܐ ܡܽܘܫܶܐ ܘܰܐܗܪܽܘܢ، ܐܟ̥ ܕܐܡ݄ܪ ܠܰܗ ܠّܶܗ ܡܳܪܝܳܐ ܘܡܰܥܠܶܐ ܠܶܗ ܐܰܗܪܽܘܢ ܗ̄ܺܝ ܚܰܛܪܳܐ ܕܒܺܐܝܕ̥ܶܗ، ܘ݄ܡܚܶܐ ܠܶܗ ܒܰܡّܰܝ̈ܶܐ ܕܽܗ̄ܘ ܢܰܗܪܳܐ ܩ݄ܕ̱ܡ ܥܰܝܢܶܗ ܕܦܶܪܥܽܘܢ ܘܩ݄ܕ̱ܡ ܥܰܝܢ̈ܶܐ ܕܰܓܪ̈ܶܝܥܰܝܕ̥ܶܗ، ܘܗܰܘ݄ܢ ܟܽܘܠّܶܗ ܗ̄ܰܡّܰܝ̈ܶܐ ܕܽܗ̄ܘ ܢܰܗܪܳܐ ܐܰܕܡܳܐ. 21ܘܰܗ̄ܢ ܢܽܘܢ̈ܶܐ ܕܒܽܗ̄ܘ ܢܰܗܪܳܐ ܡܰܝܺܝܬ̥ܺܝ، ܘܣܰܪܺܝ ܗ̄ܽܘ ܢܰܗܪܳܐ. ܘܠܳܐ ܩܰܕܺܝܪܺܝ ܗ̄ܰܡّܶܨܪ̈ܳܝܶܐ ܕܫܳܬ݄ܢ ܡܰܝ̈ܶܐ ܡܽܗ̄ܘ ܢܰܗܪܳܐ. ܘܗܰܘܺܝ ܐܰܕܡܳܐ ܒܟܽܘܠܰܗ ܗ̄ܺܝ ܐܰܪܥܳܐ ܕܡܶܨܪܶܝܢ. 22ܘܗܰܘܟ̥ܰܐ ܣ݄ܡّܶܗ ܗ̄ܰܚّܰܪ̈ܳܫܶܐ ܕܡܶܨܪܶܝܢ ܒܰܚّܶܪ̈ܫܰܬّ̥ܶܗ. ܘܩܰܫܺܝ ܠܶܒܶܗ ܕܦܶܪܥܽܘܢ، ܘܠܳܐ ܫܰܡ݄ܥّܶܗ ܐܟ̥ ܕܐܡ݄ܪ ܠܶܗ ܡܳܪܝܳܐ.
23ܘܕܰܥ݄ܪ ܦܶܪܥܽܘܢ، ܘܥܰܒ݄ܪ ܠܽܗ̄ܘ ܒܰܝܬܰܝܕ̥ܶܗ. ܘܗܰܬ̥ܶܐ ܠܳܐ ܡܰܝܬܶܐ ܠܶܗ ܠܰܗ ܥܰܠ ܒܳܠܶܗ. 24ܘ݄ܚܦ݄ܪّܶܗ ܟܽܘܠّܶܗ ܗ̄ܰܡّܶܨܪ̈ܳܝܶܐ ܚܶܕ̥ܳܪ ܕܽܗ̄ܘ ܢܰܗܪܳܐ ܕܫܳܬ݄ܢ ܡܰܝ̈ܶܐ، ܡܺܐܝܕ̥ܶܗ ܕܠܳܐ ܩܳܕܪܺܝ ܗ̄ܘܰܘ̱ ܕܫܳܬ݄ܢ ܡܰܢ̱ ܡّܰܝ̈ܶܐ ܕܽܗ̄ܘ ܢܰܗܪܳܐ. 25ܘܟܰܡܺܝܠܺܝ ܫܰܒ̥ܥܳܐ ܝܰܘܡ̈ܶܐ ܒ݄ܬ̥݄ܪ ܕ݄ܡܚܶܐ ܠܶܗ ܡܳܪܝܳܐ ܠܽܗ̄ܘ ܢܰܗܪܳܐ.
26ܘܐܡ݄ܪ ܠܶܗ ܡܳܪܝܳܐ ܠܡܽܘܫܶܐ: ”ܙܳܟ̥ ܓܰܒ ܦܶܪܥܽܘܢ ܘܐܡܰܪ ܠܶܗ: ܗܰܘܟ̥ܰܐ ܟܳܐܡ݄ܪ ܡܳܪܝܳܐ: ܡܫܰܕ݄ܪ ܗ̄ܽܘ ܥܰܡܰܝܕ̥ܺܝ ܕܥܳܒܰܕ ܠܺܝ. 27ܘ݄ܕܠ݄ܐ ܐܒܥܰܬ ܡܫܰܕܪܰܬ، ܟܰܐܠܺܝ ܟܡܳܚܶܐ ܐ̱ܢܳܐ ܠܟܽܘܠܶܗ ܗ̄ܽܘ ܬܚܽܘܡܰܝܕ̥ܳܟ̥ ܒܰܗ̄ܢ ܐܽܘܪ̈ܕܥܶܐ. 28ܘܽܗ̄ܘ ܢܰܗܪܳܐ ܓܡܰܘܦ݄ܩ ܐܽܘܪ̈ܕܥܶܐ، ܘ݄ܓܣܳܠܩܺܝ ܘܥܳܒܪܺܝ ܠܽܗ̄ܘ ܒܰܝܬܰܝܕ̥ܳܟ̥ ܘܠܺܗ̄ܝ ܕܽܘܟܬ̥ܳܐ ܕܽܗ̄ܘ ܕܡܳܟ̥ܰܝܕ̥ܳܟ̥ ܘܠܰܓّܰܠܰܝ̈ܕ̥ܳܟ̥، ܘܒ̈ܰܒّܳܬܶܐ ܕܰܓܪ̈ܶܝܥܰܝܕ̥ܳܟ̥، ܘܒܽܗ̄ܘ ܥܰܡܰܝܕ̥ܳܟ̥، ܘܒܰܬّܰܢܽܘܪ̈ܰܝܕ̥ܳܟ̥ ܘܒܰܠّܰܝܫ̈ܰܝܕ̥ܳܟ̥. 29ܘܶܐܒܳܟ̥ ܘ݄ܒܟܽܘܠܶܗ ܗ̄ܽܘ ܥܰܡܰܝܕ̥ܳܟ̥ ܓܣܳܠܩܺܝ ܐܽܘܪ̈ܕܥܶܐ.“
Currently Selected:
:
Highlight
Share
Copy
Want to have your highlights saved across all your devices? Sign up or sign in
Suryoyo Bible © 2024 Aramaic Bible Translation