ܣܶܦܪܳܐ ܕܡܰܦܩܳܢܳܐ 29
29
1”ܘܗܰܘܟ̥ܰܐ ܣܘ̇ܡ ܐܰܠّܶܗ ܘ݄ܡܩܰܕܶܫ݄ܢ ܐܶܠܺܝ ܠܺܗ̄ܝ ܟܳܗܢܽܘܬ̥ܳܐ، ܘܡܘ̇ܕ ܚܰܕ̱ ܬܰܘܪܳܐ ܡܺܗ̄ܝ ܒܰܩܪܳܐ ܘ݄ܬܪܶܝ ܟܰܒܫ̈ܶܐ ܕܠܰܝܬ ܐܰܒّܶܗ ܥܰܝܒܳܐ. 2ܘܠܰܚܡܳܐ ܦܰܛܺܝܪܳܐ ܘܟܽܘܟ̈ܶܐ ܦܰܛܺܝܪ̈ܶܐ ܛܺܝܫ̈ܶܐ ܒܽܗ̄ܘ ܡ݄ܫܚܳܐ، ܘܩܰܪ̈ܨܶܐ ܦܰܛܺܝܪ̈ܶܐ ܛܺܝܫ̈ܶܐ ܒܽܗ̄ܘ ܡ݄ܫܚܳܐ. ܡܽܗ̄ܘ ܣܡܺܝܕ̥ܳܐ ܕܰܚّܶܛ̈ܶܐ ܓܣܰܝܡܰܬّܶܗ. 3ܘܡܰܚܬܰܬّܶܗ ܒܚܰܕ̱ ܣܰܠܳܐ، ܘ݄ܡܩܰܪܒ̥ܰܬّܶܗ ܒܺܗ̄ܝ ܣܰܠܳܐ ܥܰܡ ܗ̄ܽܘ ܬܰܘܪܳܐ ܘܰܬܪܶܝ ܟܰܒܫ̈ܶܐ.
4”ܘܠܰܐܗܪܽܘܢ ܘܠܰܗ̄ܢ ܐܰܒܢ̈ܰܝܕ̥ܶܗ ܡܩܰܪܽܒ̥ ܠܽܗ̄ܘ ܬܰܪܥܳܐ ܕܽܗ̄ܘ ܡܰܫܟܰܢܙܰܒܢܳܐ، ܘܡܰܣܚܶܝ݄ܢ ܒܰܡّܰܝ̈ܶܐ. 5ܘܡܘ̇ܕ ܗ̄ܰܠܒܽܘܫ̈ܶܐ ܘܡܰܠܒ̥݄ܫ ܠܰܐܗܪܽܘܢ ܗ̄ܺܝ ܩܶܡ݄ܣܬܳܐ ܘܽܗ̄ܘ ܫܰܪܒ̥ܳܠܳܐ ܘܺܗ̄ܝ ܡܰܨܢܰܦܬܳܐ ܘܺܗ̄ܝ ܦܶܕ̥ܬܳܐ ܘܺܗ̄ܝ ܦ̊ܰܣܬܳܐ، ܘܡܰܐܣܪܰܬ ܠܶܗ ܒܽܗ̄ܘ ܚܰܨܳܐ ܙܽܘܢܳܪܳܐ ܕܺܗ̄ܝ ܦܶܕ̥ܬܳܐ. 6ܘܡܰܚ݄ܬ ܗ̄ܺܝ ܡܰܨܢܰܦܬܳܐ ܒܪܺܝܫܶܗ، ܘܡܰܚ݄ܬ ܗ̄ܽܘ ܟܠܺܝܠܳܐ ܕܽܗ̄ܘ ܩܽܘܕܫܳܐ ܥܰܠ ܗ̄ܺܝ ܡܰܨܢܰܦܬܳܐ. 7ܘܡܘ̇ܕ ܗ̄ܽܘ ܡ݄ܫܚܳܐ ܕܽܗ̄ܘ ܡܫܳܚܳܐ ܘܒ݄ܙ ܥܰܠ ܪܺܝܫܶܗ ܘ݄ܡܫܰܚܶܗ. 8ܘ݄ܡܩܰܪܽܒ̥ ܠܰܗ̄ܢ ܐܰܒܢ̈ܰܝܕ̥ܶܗ ܘܡܰܠܒ̥ܶܫ݄ܢ ܩܶܡ݄ܣܝ̈ܳܬ̥ܳܐ. 9ܘܡܰܐܣ݄ܪ ܗ̄ܰܚّܰܨ̈ܶܐ ܠܰܐܗܪܽܘܢ ܘܠܰܗ̄ܢ ܐܰܒܢ̈ܰܝܕ̥ܶܗ، ܘܡܰܚ݄ܬ ܓܽܘܒܥ̈ܶܐ ܥܰܠ ܪ̈ܺܝܫܰܝّܶܗ. ܘܕܳܗ̄ܘܝܰܠّܶܗ ܗ̄ܺܝ ܟܳܗܢܽܘܬ̥ܳܐ ܩܝܳܡܳܐ ܠܥܳܠܰܡ. ܘܡܰܣ݄ܪܚܰܬ ܠܰܐܗܪܽܘܢ ܘܠܰܗ̄ܢ ܐܰܒܢ̈ܰܝܕ̥ܶܗ. 10ܘ݄ܡܩܰܪܽܒ̥ ܬܰܘܪܳܐ ܩ݄ܕ̱ܡ ܗ̄ܽܘ ܡܰܫܟܰܢܙܰܒܢܳܐ، ܘ݄ܛܪܳܐ ܡܰܚܬܺܝ ܐܰܗܪܽܘܢ ܘܰܗ̄ܢ ܐܰܒܢ̈ܰܝܕ̥ܶܗ ܐܺܝܕ̥̈ܰܝّܶܗ ܥܰܠ ܪܺܝܫܶܗ ܕܽܗ̄ܘ ܬܰܘܪܳܐ. 11ܘ݄ܢܚܰܪ ܗ̄ܽܘ ܬܰܘܪܳܐ ܩ݄ܕ̱ܡ ܡܳܪܝܳܐ ܒܽܗ̄ܘ ܬܰܪܥܳܐ ܕܽܗ̄ܘ ܡܰܫܟܰܢܙܰܒܢܳܐ. 12ܘܡܘ̇ܕ ܡܶܢ̱ ܐܰܕ̥ܡܶܗ ܕܽܗ̄ܘ ܬܰܘܪܳܐ ܘܡܰܪ݄ܣ ܥܰܠ ܗ̄ܰܩّ݄ܪ̈ܢܰܘܳܬ̥ܳܐ ܕܽܗ̄ܘ ܡܰܕ̥݄ܒܚܳܐ ܒܨܰܒ̥ܥܳܟ̥، ܘܽܗ̄ܘ ܐܰܕܡܳܐ ܟܽܘܠܶܗ ܒܽܘܙܶܗ ܥܰܠ ܗ̄ܰܫܦܽܘ̈ܠܶܐ ܕܽܗ̄ܘ ܡܰܕ̥݄ܒܚܳܐ. 13ܘܡܘ̇ܕ ܟܽܘܠܶܗ ܗ̄ܽܘ ܬܰܪܒܳܐ ܕܥܰܠ ܗ̄ܽܘ ܓܰܘܳܐ، ܘܽܗ̄ܘ ܙܳܝܽܘܕܳܐ ܕܽܗ̄ܘ ܟܰܒܕܳܐ ܘܰܬّܰܪܬܶܝ ܟܽܘܠܝ̈ܳܬ̥ܳܐ ܘܽܗ̄ܘ ܬܰܪܒܰܬّ̥ܶܗ ܘܡܰܣܠ݄ܩ ܠܽܗ̄ܘ ܡܰܕ̥݄ܒܚܳܐ. 14ܘܽܗ̄ܘ ܒܰܣܪܳܐ ܕܽܗ̄ܘ ܬܰܘܪܳܐ ܘܽܗ̄ܘ ܓܰܠܕܰܝܕ̥ܶܗ ܘܺܗ̄ܝ ܦܶܪܬ̥ܰܝܕ̥ܶܗ ܡܰܘܩ݄ܕ̥ ܒܺܗ̄ܝ ܢܽܘܪܳܐ ܠܰܪܒ̥ܰܠ ܡܺܗ̄ܝ ܡܰܫܪܺܝܬ̥ܳܐ. ܚܛܺܝܬ̥ܳܐ ܝܳܐ.
15”ܘܟܰܒܫܳܐ ܚܰܕ̱ ܡܰܝܕܰܬ، ܘ݄ܛܪܳܐ ܡܰܚܬܺܝ ܐܰܗܪܽܘܢ ܘܰܗ̄ܢ ܐܰܒܢ̈ܰܝܕ̥ܶܗ ܐܺܝܕ̥̈ܰܝّܶܗ ܥܰܠ ܪܺܝܫܶܗ ܕܽܗ̄ܘ ܟܰܒܫܳܐ. 16ܘ݄ܢܚܰܪ ܗ̄ܽܘ ܟܰܒܫܳܐ ܘܡܘ̇ܕ ܡܽܗ̄ܘ ܐܰܕܡܰܝܕ̥ܶܗ ܘܡܰܪ݄ܣ ܥܰܠ ܗ̄ܽܘ ܡܰܕ̥݄ܒܚܳܐ ܘ݄ܠܚܶܕ̥ܳܪܶܗ. 17ܘܣܘ̇ܡ ܗ̄ܽܘ ܟܰܒܫܳܐ ܦܰܠܩ̈ܶܐ، ܘܡܰܫ݄ܓ̥ ܓܰܘܶܗ ܘܪ̈ܰܓ̥ܠܳܬ̥ܶܗ ܘܡܰܚܬܰܬّܶܗ ܥܰܠ ܗ̄ܰܦّܰܠܩܰܝܕ̥̈ܶܗ ܘܥܰܠ ܪܺܝܫܶܗ. 18ܘܡܰܣܠܩܰܬ ܟܽܘܠܶܗ ܗ̄ܽܘ ܟܰܒܫܳܐ ܠܽܗ̄ܘ ܡܰܕ̥݄ܒܚܳܐ ܥܠܳܬ̥ܳܐ ܠܡܳܪܝܳܐ، ܠܽܗ̄ܘ ܪܶܝܚܳܐ ܕܽܗ̄ܘ ܢܝܳܚܳܐ ܩܽܘܪܒܳܢܳܐ ܠܡܳܪܝܳܐ.
19”ܘܡܰܝܕܰܬ ܗ̄ܽܘ ܟܰܒܫܳܐ ܕܰܬܪܶܝ، ܘ݄ܛܪܳܐ ܡܰܚܬܺܝ ܐܰܗܪܽܘܢ ܘܰܗ̄ܢ ܐܰܒܢ̈ܰܝܕ̥ܶܗ ܐܺܝܕ̥̈ܰܝّܶܗ ܥܰܠ ܪܺܝܫܳܐ ܕܽܗ̄ܘ ܟܰܒܫܳܐ. 20ܘ݄ܢܚܰܪ ܗ̄ܽܘ ܟܰܒܫܳܐ ܘܡܘ̇ܕ ܡܽܗ̄ܘ ܐܰܕܡܰܝܕ̥ܶܗ ܘܡܰܪ݄ܣ ܥܰܠ ܗ̄ܺܝ ܛܰܪܦܳܐ ܕܺܗ̄ܝ ܐܰܕ̥ܢܳܐ ܕܰܐܗܪܽܘܢ ܕܺܗ̄ܝ ܝܰܡܺܝܢܳܐ ܘܥܰܠ ܗ̄ܰܛّܰܪ̈ܦܶܐ ܕܰܗ̄ܢ ܐܰܕ̥̈ܢܶܐ ܕܰܗ̄ܢ ܐܰܒܢ̈ܰܝܕ̥ܶܗ ܕܺܗ̄ܝ ܝܰܡܺܝܢܳܐ. ܘܥܰܠ ܗ̄ܰܟܪ̈ܰܘܳܬ̥ܳܐ ܕܺܐܝܕ̥̈ܳܬ̥ܰܝّܶܗ ܕܺܗ̄ܝ ܝܰܡܺܝܢܳܐ، ܘܥܰܠ ܗ̄ܰܟܪ̈ܰܘܳܬ̥ܳܐ ܕܪ̈ܰܓ̥ܠܳܬ̥ܰܝّܶܗ ܕܺܗ̄ܝ ܝܰܡܺܝܢܳܐ. ܘܡܰܪ݄ܣ ܐܰܕܡܳܐ ܥܰܠ ܗ̄ܽܘ ܡܰܕ̥݄ܒܚܳܐ ܘ݄ܠܚܶܕ̥ܳܪܶܗ. 21ܘܡܰܝܕܰܬ ܡܽܗ̄ܘ ܐܰܕܡܳܐ ܕܥܰܠ ܗ̄ܽܘ ܡܰܕ̥݄ܒܚܳܐ ܘܡܽܗ̄ܘ ܡ݄ܫܚܳܐ ܕܽܗ̄ܘ ܡܫܳܚܳܐ ܘܡܰܪ݄ܣ ܥܰܠ ܐܰܗܪܽܘܢ ܘܥܰܠ ܗ̄ܰܠܒܽܘܫ̈ܰܝܕ̥ܶܗ ܘܥܰܠ ܗ̄ܰܢ ܐܰܒܢ̈ܰܝܕ̥ܶܗ ܘܥܰܠ ܗ̄ܰܠܒܽܘܫ̈ܶܐ ܕܰܗ̄ܢ ܐܰܒܢ̈ܰܝܕ̥ܶܗ ܐܰܥܡܶܗ، ܘܡܺܝܩܰܕ݄ܫ ܗܺܝّܶܗ ܘܰܠܒܽܘܫ̈ܰܝܕ̥ܶܗ ܘܰܗ̄ܢ ܐܰܒܢ̈ܰܝܕ̥ܶܗ ܘܰܠܒܽܘܫ̈ܶܐ ܕܰܗ̄ܢ ܐܰܒܢ̈ܰܝܕ̥ܶܗ ܐܰܥܡܶܗ.
22”ܘܡܘ̇ܕ ܡܽܗ̄ܘ ܟܰܒܫܳܐ ܗ̄ܽܘ ܬܰܪܒܳܐ ܘܺܗ̄ܝ ܐܶܠܺܝܬ̥ܳܐ ܘܽܗ̄ܘ ܬܰܪܒܳܐ ܕܥܰܠ ܗ̄ܽܘ ܓܰܘܳܐ، ܘܽܗ̄ܘ ܙܳܝܽܘܕܳܐ ܕܽܗ̄ܘ ܟܰܒܕܳܐ ܘܰܬّܰܪܬܶܝ ܟܽܘܠܝ̈ܳܬ̥ܳܐ ܘܽܗ̄ܘ ܬܰܪܒܳܐ ܕܰܐܥܠܰܝّܶܗ، ܘܺܗ̄ܝ ܫܳܩܳܐ ܕܺܗ̄ܝ ܝܰܡܺܝܢܳܐ، ܥܰܠ ܕܟ݄ܬ ܝܳܐ ܟܰܒܫܳܐ ܕܽܗ̄ܘ ܩܽܘܕܫܳܐ، 23ܘ݄ܛܠܰܡܬܳܐ ܚܕ̥ܳܐ ܕܠܰܚܡܳܐ ܘ݄ܚܕ̥ܳܐ ܛܠܰܡܬܳܐ ܕܽܗ̄ܘ ܠܰܚܡܳܐ ܕܽܗ̄ܘ ܡ݄ܫܚܳܐ ܘܕܰܘܩܳܐ ܚܰܕ̱ ܡܺܗ̄ܝ ܣܰܠܳܐ ܕܽܗ̄ܘ ܦܰܛܺܝܪܳܐ ܕܩ݄ܕ̱ܡ ܕܡܳܪܝܳܐ. 24ܘܡܰܚܬܰܬ ܟܽܘܠّܶܗ ܥܰܠ ܐܺܝܕ̥ܶܗ ܕܰܐܗܪܽܘܢ ܘܥܰܠ ܐܺܝܕ̥̈ܳܬ̥ܶܗ ܕܰܗ̄ܢ ܐܰܒܢ̈ܰܝܕ̥ܶܗ، ܘܦܽܘܪܫܳܢܳܐ ܦܳܪܫܰܬّܶܗ ܩ݄ܕ̱ܡ ܡܳܪܝܳܐ. ܩܽܘܪܒܳܢܳܐ ܝܳܐ ܠܡܳܪܝܳܐ. 25ܘܡܰܝܕܰܬ ܡܶܢ̱ ܐܺܝܕ̥̈ܰܝّܶܗ ܘܡܰܣܠܩܰܬ ܗ̄ܽܘ ܨܰܕܪܳܐ ܕܡܽܗ̄ܘ ܟܰܒܫܳܐ ܥܰܠ ܗ̄ܽܘ ܡܰܕ̥݄ܒܚܳܐ ܠܺܗ̄ܝ ܥܠܳܬ̥ܳܐ، ܠܽܗ̄ܘ ܪܶܝܚܳܐ ܕܽܗ̄ܘ ܢܝܳܚܳܐ ܩ݄ܕ̱ܡ ܡܳܪܝܳܐ. ܩܽܘܪܒܳܢܳܐ ܝܳܐ ܠܡܳܪܝܳܐ.
26”ܘܡܰܝܕܰܬ ܗ̄ܽܘ ܨܰܕܪܳܐ ܡܽܗ̄ܘ ܟܰܒܫܳܐ ܕܽܗ̄ܘ ܩܽܘܕܳܫܳܐ ܕܰܐܗܪܽܘܢ، ܘܦܽܘܪܫܳܢܳܐ ܦܳܪܫܰܬ ܠܶܗ ܩ݄ܕ̱ܡ ܡܳܪܝܳܐ، ܘܕܳܗ̄ܘܝܳܐ ܠܳܟ̥ ܝܳܐ ܡܢܳܬ̥ܳܐ. 27ܘ݄ܡܩܰܕ݄ܫ ܗ̄ܽܘ ܨܰܕܪܳܐ ܕܽܗ̄ܘ ܦܽܘܪܫܳܢܳܐ ܘܽܗ̄ܘ ܫܳܩܳܐ ܕܽܗ̄ܘ ܦܽܘܪܫܳܢܳܐ ܕ݄ܦܪܺܝܫܺܝ ܘܡܺܝܕܺܝ ܡܽܗ̄ܘ ܟܰܒܫܳܐ ܕܽܗ̄ܘ ܩܽܘܕܳܫܳܐ (ܫܽܘܡܠܳܝܳܐ) ܕܡܶܢ̱ ܐܰܗܪܽܘܢ ܘܡܰܗ̄ܢ ܗ̄ܰܢ ܐܰܒܢ̈ܰܝܕ̥ܶܗ. 28ܘܕܳܗ̄ܘܝܳܐ ܠܰܐܗܪܽܘܢ ܘܠܰܗ̄ܢ ܐܰܒܢ̈ܰܝܕ̥ܶܗ ܩܝܳܡܳܐ ܠܥܳܠܰܡ ܡܰܗ̄ܢ ܐܰܒܢ̈ܶܐ ܕܺܐܝܣܪܳܐܶܝܠ، ܥܰܠ ܕܟ݄ܬ ܝܳܐ ܦܽܘܪܫܳܢܳܐ ܘܦܽܘܪܫܳܢܳܐ ܓܕܳܗ̄ܘܶܐ ܡܰܗ̄ܢ ܐܰܒܢ̈ܶܐ ܕܺܐܝܣܪܳܐܶܝܠ، ܡܰܢ̱ ܕّܶܒܚ̈ܶܐ ܟܰܡܺܝ̈ܠܶܐ ܕ݄ܡܩܰܪܒ̥ܺܝ، ܦܽܘܪܫܳܢܳܐ ܠܡܳܪܝܳܐ.
29”ܘܰܠܒܽܘܫ̈ܶܐ ܕܽܗ̄ܘ ܩܽܘܕܫܳܐ ܕܰܐܗܪܽܘܢ ܛܪܳܐ ܗܳܘ݄ܢ ܠܰܗ̄ܢ ܐܰܒܢ̈ܰܝܕ̥ܶܗ ܡܶܢ̱ ܒ݄ܬ̥ܪܶܗ. ܠܰܫܰܢ ܕܡܳܫܚܺܝ ܐܰܒّܶܗ ܘܕ݄ܡܫܰܡܠܺܝ ܐܰܒّܶܗ ܐܺܝܕ̥̈ܰܝّܶܗ. 30ܫܰܒ̥ܥܳܐ ܝܰܘܡ̈ܶܐ ܓ݄ܕܠܳܒ̥ܰܫّܶܗ ܗ̄ܽܘ ܟܳܗܢܳܐ ܘܒ݄ܬ̥ܪܶܗ ܣܬܶܝ ܗ̄ܰܢ ܐܰܒܢ̈ܰܝܕ̥ܶܗ، ܕܥܳܒ݄ܪ ܠܽܗ̄ܘ ܡܰܫܟܰܢܙܰܒܢܳܐ ܕ݄ܡܫܰܡ݄ܫ ܒܽܗ̄ܘ ܩܽܘܕܫܳܐ.
31”ܘܽܗ̄ܘ ܟܰܒܫܳܐ ܕܽܗ̄ܘ ܩܽܘܕܳܫܳܐ (ܕܽܗ̄ܘ ܫܽܘܡܠܳܝܳܐ) ܡܰܝܕܰܬ، ܘ݄ܡܒܰܫܠܰܬ ܗ̄ܽܘ ܒܰܣܪܰܝܕ̥ܶܗ ܒܕܽܘܟܬ̥ܳܐ ܡܩܰܕܰܫܬܳܐ. 32ܘܕܳܐܟ̥݄ܠ ܐܰܗܪܽܘܢ ܘܰܗ̄ܢ ܐܰܒܢ̈ܰܝܕ̥ܶܗ ܗ̄ܽܘ ܒܰܣܪܳܐ ܕܽܗ̄ܘ ܟܰܒܫܳܐ ܘܽܗ̄ܘ ܠܰܚܡܳܐ ܕܒܺܗ̄ܝ ܣܰܠܳܐ ܒܽܗ̄ܘ ܬܰܪܥܳܐ ܕܽܗ̄ܘ ܡܰܫܟܰܢܙܰܒܢܳܐ. 33ܘܳܐܟ̥ܠ݄ܢّܶܗ ܗܰܢܺܝ ܕܡܺܝܚܰܣ݄ܢ (ܡܺܗ̄ܝ ܚܛܺܝܬ̥ܰܬّ̥ܶܗ) ܕܡܺܝܫܰܡܠܺܝ ܐܺܝܕ̥̈ܰܝّܶܗ ܘܡܺܝܩܰܕܫܺܝ ܐܰܒّܶܗ. ܘܽܗ̄ܘ ܢܽܘܟ̥ܪܳܝܳܐ ܛܪܳܐ ܠܳܐ ܐܟ̥݄ܠ ܡܺܐܝܕ̥ܶܗ ܕܩܽܘܕܫܳܐ ܢܶܝ. 34ܘܶܐܢ ܕܦܳܝ݄ܫ ܡܽܗ̄ܘ ܒܰܣܪܳܐ ܕܽܗ̄ܘ ܫܽܘܡܠܳܝܳܐ ܘܡܽܗ̄ܘ ܠܰܚܡܳܐ ܗ݄ܠ ܨܰܦܪܳܐ، ܡܰܘܩܶܕ̥ܽܘ ܗ̄ܽܘ ܡܶܕܶܐ ܕܦܰܝ݄ܫ ܒܺܗ̄ܝ ܢܽܘܪܳܐ، ܘܢܳܫܳܐ ܠܳܐ ܐܟ̥݄ܠ ܠܶܗ ܡܺܐܝܕ̥ܶܗ ܕܩܽܘܕܫܳܐ ܢܶܝ. 35ܘܣܘ̇ܡ ܠܰܐܗܪܽܘܢ ܘܠܰܗ̄ܢ ܐܰܒܢ̈ܰܝܕ̥ܶܗ ܗܰܘܟ̥ܰܐ ܐܟ̥ ܕܡܰܩܘܶܐ ܠܺܝ ܐܰܥܠܳܟ̥: ܫܰܒ̥ܥܳܐ ܝܰܘܡ̈ܶܐ ܕ݄ܡܩܰܕܫܰܬ (ܡܫܰܡܠܰܬ) ܐܺܝܕ̥̈ܰܝّܶܗ. 36ܘܽܗ̄ܘ ܬܰܘܪܳܐ ܕܺܗ̄ܝ ܚܛܺܝܬ̥ܳܐ ܣܰܝܡܰܬ ܠܶܗ ܒܽܗ̄ܘ ܝܰܘܡܳܐ ܕܽܗ̄ܘ ܚܽܘܣܳܝܳܐ (ܫܽܘܒܩܳܢܳܐ)، ܘܡܰܪܺܝܣܰܬ ܥܰܠ ܗ̄ܽܘ ܡܰܕ̥݄ܒܚܳܐ ܗ̄ܺܝ ܢܰܩܠܐ ܕܣܰܝܡܰܬ ܚܽܘܣܳܝܳܐ ܐܰܥܠܶܗ، ܘܡܳܫܚܰܬ ܠܶܗ ܠܽܗ̄ܘ ܩܽܘܕܳܫܰܝܕ̥ܶܗ. 37ܫܰܒ̥ܥܳܐ ܝܰܘܡ̈ܶܐ ܣܰܝܡܰܬ ܚܽܘܣܳܝܳܐ ܥܰܠ ܗ̄ܽܘ ܡܰܕ̥݄ܒܚܳܐ ܘ݄ܡܩܰܕܫܰܬ ܠܶܗ. ܘܕܳܗ̄ܘܶܐ ܗ̄ܽܘ ܡܰܕ̥݄ܒܚܳܐ ܩܕܽܘܫ ܩܽܘܕ̈ܫܺܝܢ. ܘܟܘ̇ܠ ܡܰܢ ܕ݄ܡܩܰܪܽܒ̥ ܠܽܗ̄ܘ ܡܰܕ̥݄ܒܚܳܐ ܓܡܺܝܩܰܕ݄ܫ.
38”ܘܗܰܘܟ̥ܰܐ ܣܰܝܡܰܬ ܥܰܠ ܗ̄ܽܘ ܡܰܕ̥݄ܒܚܳܐ، ܦܰܪ̈ܶܐ ܐܰܒܢ̈ܶܐ ܕܫܰܢ̱ܬܳܐ ܬܪܶܝ ܒܰܐܡܺܝܢܽܘܬ̥ܳܐ ܒܚܰܕ̱ ܝܰܘܡܳܐ. 39ܚܰܕ̱ ܦܰܪܳܐ ܣܘ̇ܡ ܒܨܰܦܪܳܐ ܘܦܰܪܳܐ ܚܪܶܢܳܐ ܣܘ̇ܡ ܒ݄ܓܢܰܝܬܶܗ ܕܝܰܘܡܳܐ. 40ܘܥܰܣܪܽܘܢܳܐ ܕܢܰܫܺܝܦܳܐ ܠܺܝܫܳܐ ܒܽܗ̄ܘ ܡ݄ܫܚܳܐ ܥܨܺܝܪܳܐ ܪܽܘܒ̥ܥܶܗ ܕܟܰܝܠܳܐ، ܘܬܶܪܺܝܣܳܐ (ܕܚܰܡܪܳܐ) ܪܽܘܒ̥ܥܶܗ ܕܟܰܝܠܳܐ ܕܚܰܡܪܳܐ ܠܚܰܕ̱ ܦܰܪܳܐ. 41ܘܽܗ̄ܘ ܦܰܪܳܐ ܕܰܬܪܶܝ ܕܣܰܝܡܰܬ ܒ݄ܓܢܰܝܬܶܗ ܕܝܰܘܡܳܐ ܐܟ̥ ܕܽܗ̄ܘ ܩܽܘܪܒܳܢܳܐ ܕܨܰܦܪܳܐ، ܘ݄ܐܟ̥ ܕܽܗ̄ܘ ܬܶܪܺܝܣܰܝܕ̥ܶܗ ܣܰܝܡܰܬ ܠܶܗ ܠܪܶܝܚܳܐ ܕܽܗ̄ܘ ܢܝܳܚܳܐ ܩܽܘܪܒܳܢܳܐ ܠܡܳܪܝܳܐ. 42ܥܠܳܬ̥ܳܐ ܟܘ̇ܠ ܢܰܩܠܐ ܠܰܕّܳܪ̈ܰܬ̥ܟ̥ܽܘ ܒܽܗ̄ܘ ܬܰܪܥܳܐ ܕܽܗ̄ܘ ܡܰܫܟܰܢܙܰܒܢܳܐ ܩ݄ܕ̱ܡ ܡܳܪܝܳܐ ܕ݄ܡܘܰܥܰܕ ܠܶܗ ܠܟ̥ܽܘ ܬܰܡܳܐ ܕܡ݄ܫܓ̥݄ܠ ܐܰܥܡܰܝܟ̥ܽܘ. 43ܘ݄ܓܕܳܐܬ̥ܶܐ ܐ̱ܢܳܐ ܠܽܗ̄ܘ ܘܰܥܕܳܐ ܬܰܡܳܐ ܠܰܗ̄ܢ ܐܰܒܢ̈ܶܐ ܕܺܐܝܣܪܳܐܶܝܠ، ܘܡܺܝܩܰܕܰܫ ܐ̱ܢܳܐ ܒܽܗ̄ܘ ܐܺܝܩܳܪܰܝܕ̥ܺܝ. 44ܘܓ݄ܡܩܰܕܰܫ ܐ̱ܢܳܐ ܗ̄ܽܘ ܡܰܫܟܰܢܙܰܒܢܳܐ ܘܽܗ̄ܘ ܡܰܕ̥݄ܒܚܳܐ، ܘܠܰܐܗܪܽܘܢ ܘܠܰܗ̄ܢ ܐܰܒܢ̈ܰܝܕ̥ܶܗ ܓ݄ܡܩܰܕܰܫ ܐ̱ܢܳܐ ܐܶܠܺܝ ܠܺܗ̄ܝ ܟܳܗܢܽܘܬ̥ܳܐ. 45ܘ݄ܓܫܳܪܶܐ ܐ̱ܢܳܐ (ܢܳܚܰܬ ܐ̱ܢܳܐ) ܒܰܝܢ ܗ̄ܰܢ ܐܰܒܢ̈ܶܐ ܕܺܐܝܣܪܳܐܶܝܠ، ܘ݄ܓܕܳܗ̄ܘܶܢܰܢّܶܗ ܐܰܠܳܗܳܐ. 46ܘ݄ܓܕ݄ܐܕ̥ܥܺܝ ܕܳܐܢܳܐ ܐ̱ܢܳܐ ܡܳܪܝܳܐ ܐܰܠܳܗܰܬّ̥ܶܗ ܕܡܰܘܦܩܺܝ ܠܺܝ ܡܺܗ̄ܝ ܐܰܪܥܳܐ ܕܡܶܨܪܶܝܢ، ܘ݄ܓܫܳܪܶܐ ܐ̱ܢܳܐ ܒܰܝܢܳܬ̥ܰܝّܶܗ. ܐܳܢܳܐ ܐ̱ܢܳܐ ܡܳܪܝܳܐ ܐܰܠܳܗܰܬّ̥ܶܗ.“
Currently Selected:
ܣܶܦܪܳܐ ܕܡܰܦܩܳܢܳܐ 29: ܟܬܒܐ
Highlight
Share
Copy
Want to have your highlights saved across all your devices? Sign up or sign in
Suryoyo Bible © 2024 Aramaic Bible Translation
ܣܶܦܪܳܐ ܕܡܰܦܩܳܢܳܐ 29
29
1”ܘܗܰܘܟ̥ܰܐ ܣܘ̇ܡ ܐܰܠّܶܗ ܘ݄ܡܩܰܕܶܫ݄ܢ ܐܶܠܺܝ ܠܺܗ̄ܝ ܟܳܗܢܽܘܬ̥ܳܐ، ܘܡܘ̇ܕ ܚܰܕ̱ ܬܰܘܪܳܐ ܡܺܗ̄ܝ ܒܰܩܪܳܐ ܘ݄ܬܪܶܝ ܟܰܒܫ̈ܶܐ ܕܠܰܝܬ ܐܰܒّܶܗ ܥܰܝܒܳܐ. 2ܘܠܰܚܡܳܐ ܦܰܛܺܝܪܳܐ ܘܟܽܘܟ̈ܶܐ ܦܰܛܺܝܪ̈ܶܐ ܛܺܝܫ̈ܶܐ ܒܽܗ̄ܘ ܡ݄ܫܚܳܐ، ܘܩܰܪ̈ܨܶܐ ܦܰܛܺܝܪ̈ܶܐ ܛܺܝܫ̈ܶܐ ܒܽܗ̄ܘ ܡ݄ܫܚܳܐ. ܡܽܗ̄ܘ ܣܡܺܝܕ̥ܳܐ ܕܰܚّܶܛ̈ܶܐ ܓܣܰܝܡܰܬّܶܗ. 3ܘܡܰܚܬܰܬّܶܗ ܒܚܰܕ̱ ܣܰܠܳܐ، ܘ݄ܡܩܰܪܒ̥ܰܬّܶܗ ܒܺܗ̄ܝ ܣܰܠܳܐ ܥܰܡ ܗ̄ܽܘ ܬܰܘܪܳܐ ܘܰܬܪܶܝ ܟܰܒܫ̈ܶܐ.
4”ܘܠܰܐܗܪܽܘܢ ܘܠܰܗ̄ܢ ܐܰܒܢ̈ܰܝܕ̥ܶܗ ܡܩܰܪܽܒ̥ ܠܽܗ̄ܘ ܬܰܪܥܳܐ ܕܽܗ̄ܘ ܡܰܫܟܰܢܙܰܒܢܳܐ، ܘܡܰܣܚܶܝ݄ܢ ܒܰܡّܰܝ̈ܶܐ. 5ܘܡܘ̇ܕ ܗ̄ܰܠܒܽܘܫ̈ܶܐ ܘܡܰܠܒ̥݄ܫ ܠܰܐܗܪܽܘܢ ܗ̄ܺܝ ܩܶܡ݄ܣܬܳܐ ܘܽܗ̄ܘ ܫܰܪܒ̥ܳܠܳܐ ܘܺܗ̄ܝ ܡܰܨܢܰܦܬܳܐ ܘܺܗ̄ܝ ܦܶܕ̥ܬܳܐ ܘܺܗ̄ܝ ܦ̊ܰܣܬܳܐ، ܘܡܰܐܣܪܰܬ ܠܶܗ ܒܽܗ̄ܘ ܚܰܨܳܐ ܙܽܘܢܳܪܳܐ ܕܺܗ̄ܝ ܦܶܕ̥ܬܳܐ. 6ܘܡܰܚ݄ܬ ܗ̄ܺܝ ܡܰܨܢܰܦܬܳܐ ܒܪܺܝܫܶܗ، ܘܡܰܚ݄ܬ ܗ̄ܽܘ ܟܠܺܝܠܳܐ ܕܽܗ̄ܘ ܩܽܘܕܫܳܐ ܥܰܠ ܗ̄ܺܝ ܡܰܨܢܰܦܬܳܐ. 7ܘܡܘ̇ܕ ܗ̄ܽܘ ܡ݄ܫܚܳܐ ܕܽܗ̄ܘ ܡܫܳܚܳܐ ܘܒ݄ܙ ܥܰܠ ܪܺܝܫܶܗ ܘ݄ܡܫܰܚܶܗ. 8ܘ݄ܡܩܰܪܽܒ̥ ܠܰܗ̄ܢ ܐܰܒܢ̈ܰܝܕ̥ܶܗ ܘܡܰܠܒ̥ܶܫ݄ܢ ܩܶܡ݄ܣܝ̈ܳܬ̥ܳܐ. 9ܘܡܰܐܣ݄ܪ ܗ̄ܰܚّܰܨ̈ܶܐ ܠܰܐܗܪܽܘܢ ܘܠܰܗ̄ܢ ܐܰܒܢ̈ܰܝܕ̥ܶܗ، ܘܡܰܚ݄ܬ ܓܽܘܒܥ̈ܶܐ ܥܰܠ ܪ̈ܺܝܫܰܝّܶܗ. ܘܕܳܗ̄ܘܝܰܠّܶܗ ܗ̄ܺܝ ܟܳܗܢܽܘܬ̥ܳܐ ܩܝܳܡܳܐ ܠܥܳܠܰܡ. ܘܡܰܣ݄ܪܚܰܬ ܠܰܐܗܪܽܘܢ ܘܠܰܗ̄ܢ ܐܰܒܢ̈ܰܝܕ̥ܶܗ. 10ܘ݄ܡܩܰܪܽܒ̥ ܬܰܘܪܳܐ ܩ݄ܕ̱ܡ ܗ̄ܽܘ ܡܰܫܟܰܢܙܰܒܢܳܐ، ܘ݄ܛܪܳܐ ܡܰܚܬܺܝ ܐܰܗܪܽܘܢ ܘܰܗ̄ܢ ܐܰܒܢ̈ܰܝܕ̥ܶܗ ܐܺܝܕ̥̈ܰܝّܶܗ ܥܰܠ ܪܺܝܫܶܗ ܕܽܗ̄ܘ ܬܰܘܪܳܐ. 11ܘ݄ܢܚܰܪ ܗ̄ܽܘ ܬܰܘܪܳܐ ܩ݄ܕ̱ܡ ܡܳܪܝܳܐ ܒܽܗ̄ܘ ܬܰܪܥܳܐ ܕܽܗ̄ܘ ܡܰܫܟܰܢܙܰܒܢܳܐ. 12ܘܡܘ̇ܕ ܡܶܢ̱ ܐܰܕ̥ܡܶܗ ܕܽܗ̄ܘ ܬܰܘܪܳܐ ܘܡܰܪ݄ܣ ܥܰܠ ܗ̄ܰܩّ݄ܪ̈ܢܰܘܳܬ̥ܳܐ ܕܽܗ̄ܘ ܡܰܕ̥݄ܒܚܳܐ ܒܨܰܒ̥ܥܳܟ̥، ܘܽܗ̄ܘ ܐܰܕܡܳܐ ܟܽܘܠܶܗ ܒܽܘܙܶܗ ܥܰܠ ܗ̄ܰܫܦܽܘ̈ܠܶܐ ܕܽܗ̄ܘ ܡܰܕ̥݄ܒܚܳܐ. 13ܘܡܘ̇ܕ ܟܽܘܠܶܗ ܗ̄ܽܘ ܬܰܪܒܳܐ ܕܥܰܠ ܗ̄ܽܘ ܓܰܘܳܐ، ܘܽܗ̄ܘ ܙܳܝܽܘܕܳܐ ܕܽܗ̄ܘ ܟܰܒܕܳܐ ܘܰܬّܰܪܬܶܝ ܟܽܘܠܝ̈ܳܬ̥ܳܐ ܘܽܗ̄ܘ ܬܰܪܒܰܬّ̥ܶܗ ܘܡܰܣܠ݄ܩ ܠܽܗ̄ܘ ܡܰܕ̥݄ܒܚܳܐ. 14ܘܽܗ̄ܘ ܒܰܣܪܳܐ ܕܽܗ̄ܘ ܬܰܘܪܳܐ ܘܽܗ̄ܘ ܓܰܠܕܰܝܕ̥ܶܗ ܘܺܗ̄ܝ ܦܶܪܬ̥ܰܝܕ̥ܶܗ ܡܰܘܩ݄ܕ̥ ܒܺܗ̄ܝ ܢܽܘܪܳܐ ܠܰܪܒ̥ܰܠ ܡܺܗ̄ܝ ܡܰܫܪܺܝܬ̥ܳܐ. ܚܛܺܝܬ̥ܳܐ ܝܳܐ.
15”ܘܟܰܒܫܳܐ ܚܰܕ̱ ܡܰܝܕܰܬ، ܘ݄ܛܪܳܐ ܡܰܚܬܺܝ ܐܰܗܪܽܘܢ ܘܰܗ̄ܢ ܐܰܒܢ̈ܰܝܕ̥ܶܗ ܐܺܝܕ̥̈ܰܝّܶܗ ܥܰܠ ܪܺܝܫܶܗ ܕܽܗ̄ܘ ܟܰܒܫܳܐ. 16ܘ݄ܢܚܰܪ ܗ̄ܽܘ ܟܰܒܫܳܐ ܘܡܘ̇ܕ ܡܽܗ̄ܘ ܐܰܕܡܰܝܕ̥ܶܗ ܘܡܰܪ݄ܣ ܥܰܠ ܗ̄ܽܘ ܡܰܕ̥݄ܒܚܳܐ ܘ݄ܠܚܶܕ̥ܳܪܶܗ. 17ܘܣܘ̇ܡ ܗ̄ܽܘ ܟܰܒܫܳܐ ܦܰܠܩ̈ܶܐ، ܘܡܰܫ݄ܓ̥ ܓܰܘܶܗ ܘܪ̈ܰܓ̥ܠܳܬ̥ܶܗ ܘܡܰܚܬܰܬّܶܗ ܥܰܠ ܗ̄ܰܦّܰܠܩܰܝܕ̥̈ܶܗ ܘܥܰܠ ܪܺܝܫܶܗ. 18ܘܡܰܣܠܩܰܬ ܟܽܘܠܶܗ ܗ̄ܽܘ ܟܰܒܫܳܐ ܠܽܗ̄ܘ ܡܰܕ̥݄ܒܚܳܐ ܥܠܳܬ̥ܳܐ ܠܡܳܪܝܳܐ، ܠܽܗ̄ܘ ܪܶܝܚܳܐ ܕܽܗ̄ܘ ܢܝܳܚܳܐ ܩܽܘܪܒܳܢܳܐ ܠܡܳܪܝܳܐ.
19”ܘܡܰܝܕܰܬ ܗ̄ܽܘ ܟܰܒܫܳܐ ܕܰܬܪܶܝ، ܘ݄ܛܪܳܐ ܡܰܚܬܺܝ ܐܰܗܪܽܘܢ ܘܰܗ̄ܢ ܐܰܒܢ̈ܰܝܕ̥ܶܗ ܐܺܝܕ̥̈ܰܝّܶܗ ܥܰܠ ܪܺܝܫܳܐ ܕܽܗ̄ܘ ܟܰܒܫܳܐ. 20ܘ݄ܢܚܰܪ ܗ̄ܽܘ ܟܰܒܫܳܐ ܘܡܘ̇ܕ ܡܽܗ̄ܘ ܐܰܕܡܰܝܕ̥ܶܗ ܘܡܰܪ݄ܣ ܥܰܠ ܗ̄ܺܝ ܛܰܪܦܳܐ ܕܺܗ̄ܝ ܐܰܕ̥ܢܳܐ ܕܰܐܗܪܽܘܢ ܕܺܗ̄ܝ ܝܰܡܺܝܢܳܐ ܘܥܰܠ ܗ̄ܰܛّܰܪ̈ܦܶܐ ܕܰܗ̄ܢ ܐܰܕ̥̈ܢܶܐ ܕܰܗ̄ܢ ܐܰܒܢ̈ܰܝܕ̥ܶܗ ܕܺܗ̄ܝ ܝܰܡܺܝܢܳܐ. ܘܥܰܠ ܗ̄ܰܟܪ̈ܰܘܳܬ̥ܳܐ ܕܺܐܝܕ̥̈ܳܬ̥ܰܝّܶܗ ܕܺܗ̄ܝ ܝܰܡܺܝܢܳܐ، ܘܥܰܠ ܗ̄ܰܟܪ̈ܰܘܳܬ̥ܳܐ ܕܪ̈ܰܓ̥ܠܳܬ̥ܰܝّܶܗ ܕܺܗ̄ܝ ܝܰܡܺܝܢܳܐ. ܘܡܰܪ݄ܣ ܐܰܕܡܳܐ ܥܰܠ ܗ̄ܽܘ ܡܰܕ̥݄ܒܚܳܐ ܘ݄ܠܚܶܕ̥ܳܪܶܗ. 21ܘܡܰܝܕܰܬ ܡܽܗ̄ܘ ܐܰܕܡܳܐ ܕܥܰܠ ܗ̄ܽܘ ܡܰܕ̥݄ܒܚܳܐ ܘܡܽܗ̄ܘ ܡ݄ܫܚܳܐ ܕܽܗ̄ܘ ܡܫܳܚܳܐ ܘܡܰܪ݄ܣ ܥܰܠ ܐܰܗܪܽܘܢ ܘܥܰܠ ܗ̄ܰܠܒܽܘܫ̈ܰܝܕ̥ܶܗ ܘܥܰܠ ܗ̄ܰܢ ܐܰܒܢ̈ܰܝܕ̥ܶܗ ܘܥܰܠ ܗ̄ܰܠܒܽܘܫ̈ܶܐ ܕܰܗ̄ܢ ܐܰܒܢ̈ܰܝܕ̥ܶܗ ܐܰܥܡܶܗ، ܘܡܺܝܩܰܕ݄ܫ ܗܺܝّܶܗ ܘܰܠܒܽܘܫ̈ܰܝܕ̥ܶܗ ܘܰܗ̄ܢ ܐܰܒܢ̈ܰܝܕ̥ܶܗ ܘܰܠܒܽܘܫ̈ܶܐ ܕܰܗ̄ܢ ܐܰܒܢ̈ܰܝܕ̥ܶܗ ܐܰܥܡܶܗ.
22”ܘܡܘ̇ܕ ܡܽܗ̄ܘ ܟܰܒܫܳܐ ܗ̄ܽܘ ܬܰܪܒܳܐ ܘܺܗ̄ܝ ܐܶܠܺܝܬ̥ܳܐ ܘܽܗ̄ܘ ܬܰܪܒܳܐ ܕܥܰܠ ܗ̄ܽܘ ܓܰܘܳܐ، ܘܽܗ̄ܘ ܙܳܝܽܘܕܳܐ ܕܽܗ̄ܘ ܟܰܒܕܳܐ ܘܰܬّܰܪܬܶܝ ܟܽܘܠܝ̈ܳܬ̥ܳܐ ܘܽܗ̄ܘ ܬܰܪܒܳܐ ܕܰܐܥܠܰܝّܶܗ، ܘܺܗ̄ܝ ܫܳܩܳܐ ܕܺܗ̄ܝ ܝܰܡܺܝܢܳܐ، ܥܰܠ ܕܟ݄ܬ ܝܳܐ ܟܰܒܫܳܐ ܕܽܗ̄ܘ ܩܽܘܕܫܳܐ، 23ܘ݄ܛܠܰܡܬܳܐ ܚܕ̥ܳܐ ܕܠܰܚܡܳܐ ܘ݄ܚܕ̥ܳܐ ܛܠܰܡܬܳܐ ܕܽܗ̄ܘ ܠܰܚܡܳܐ ܕܽܗ̄ܘ ܡ݄ܫܚܳܐ ܘܕܰܘܩܳܐ ܚܰܕ̱ ܡܺܗ̄ܝ ܣܰܠܳܐ ܕܽܗ̄ܘ ܦܰܛܺܝܪܳܐ ܕܩ݄ܕ̱ܡ ܕܡܳܪܝܳܐ. 24ܘܡܰܚܬܰܬ ܟܽܘܠّܶܗ ܥܰܠ ܐܺܝܕ̥ܶܗ ܕܰܐܗܪܽܘܢ ܘܥܰܠ ܐܺܝܕ̥̈ܳܬ̥ܶܗ ܕܰܗ̄ܢ ܐܰܒܢ̈ܰܝܕ̥ܶܗ، ܘܦܽܘܪܫܳܢܳܐ ܦܳܪܫܰܬّܶܗ ܩ݄ܕ̱ܡ ܡܳܪܝܳܐ. ܩܽܘܪܒܳܢܳܐ ܝܳܐ ܠܡܳܪܝܳܐ. 25ܘܡܰܝܕܰܬ ܡܶܢ̱ ܐܺܝܕ̥̈ܰܝّܶܗ ܘܡܰܣܠܩܰܬ ܗ̄ܽܘ ܨܰܕܪܳܐ ܕܡܽܗ̄ܘ ܟܰܒܫܳܐ ܥܰܠ ܗ̄ܽܘ ܡܰܕ̥݄ܒܚܳܐ ܠܺܗ̄ܝ ܥܠܳܬ̥ܳܐ، ܠܽܗ̄ܘ ܪܶܝܚܳܐ ܕܽܗ̄ܘ ܢܝܳܚܳܐ ܩ݄ܕ̱ܡ ܡܳܪܝܳܐ. ܩܽܘܪܒܳܢܳܐ ܝܳܐ ܠܡܳܪܝܳܐ.
26”ܘܡܰܝܕܰܬ ܗ̄ܽܘ ܨܰܕܪܳܐ ܡܽܗ̄ܘ ܟܰܒܫܳܐ ܕܽܗ̄ܘ ܩܽܘܕܳܫܳܐ ܕܰܐܗܪܽܘܢ، ܘܦܽܘܪܫܳܢܳܐ ܦܳܪܫܰܬ ܠܶܗ ܩ݄ܕ̱ܡ ܡܳܪܝܳܐ، ܘܕܳܗ̄ܘܝܳܐ ܠܳܟ̥ ܝܳܐ ܡܢܳܬ̥ܳܐ. 27ܘ݄ܡܩܰܕ݄ܫ ܗ̄ܽܘ ܨܰܕܪܳܐ ܕܽܗ̄ܘ ܦܽܘܪܫܳܢܳܐ ܘܽܗ̄ܘ ܫܳܩܳܐ ܕܽܗ̄ܘ ܦܽܘܪܫܳܢܳܐ ܕ݄ܦܪܺܝܫܺܝ ܘܡܺܝܕܺܝ ܡܽܗ̄ܘ ܟܰܒܫܳܐ ܕܽܗ̄ܘ ܩܽܘܕܳܫܳܐ (ܫܽܘܡܠܳܝܳܐ) ܕܡܶܢ̱ ܐܰܗܪܽܘܢ ܘܡܰܗ̄ܢ ܗ̄ܰܢ ܐܰܒܢ̈ܰܝܕ̥ܶܗ. 28ܘܕܳܗ̄ܘܝܳܐ ܠܰܐܗܪܽܘܢ ܘܠܰܗ̄ܢ ܐܰܒܢ̈ܰܝܕ̥ܶܗ ܩܝܳܡܳܐ ܠܥܳܠܰܡ ܡܰܗ̄ܢ ܐܰܒܢ̈ܶܐ ܕܺܐܝܣܪܳܐܶܝܠ، ܥܰܠ ܕܟ݄ܬ ܝܳܐ ܦܽܘܪܫܳܢܳܐ ܘܦܽܘܪܫܳܢܳܐ ܓܕܳܗ̄ܘܶܐ ܡܰܗ̄ܢ ܐܰܒܢ̈ܶܐ ܕܺܐܝܣܪܳܐܶܝܠ، ܡܰܢ̱ ܕّܶܒܚ̈ܶܐ ܟܰܡܺܝ̈ܠܶܐ ܕ݄ܡܩܰܪܒ̥ܺܝ، ܦܽܘܪܫܳܢܳܐ ܠܡܳܪܝܳܐ.
29”ܘܰܠܒܽܘܫ̈ܶܐ ܕܽܗ̄ܘ ܩܽܘܕܫܳܐ ܕܰܐܗܪܽܘܢ ܛܪܳܐ ܗܳܘ݄ܢ ܠܰܗ̄ܢ ܐܰܒܢ̈ܰܝܕ̥ܶܗ ܡܶܢ̱ ܒ݄ܬ̥ܪܶܗ. ܠܰܫܰܢ ܕܡܳܫܚܺܝ ܐܰܒّܶܗ ܘܕ݄ܡܫܰܡܠܺܝ ܐܰܒّܶܗ ܐܺܝܕ̥̈ܰܝّܶܗ. 30ܫܰܒ̥ܥܳܐ ܝܰܘܡ̈ܶܐ ܓ݄ܕܠܳܒ̥ܰܫّܶܗ ܗ̄ܽܘ ܟܳܗܢܳܐ ܘܒ݄ܬ̥ܪܶܗ ܣܬܶܝ ܗ̄ܰܢ ܐܰܒܢ̈ܰܝܕ̥ܶܗ، ܕܥܳܒ݄ܪ ܠܽܗ̄ܘ ܡܰܫܟܰܢܙܰܒܢܳܐ ܕ݄ܡܫܰܡ݄ܫ ܒܽܗ̄ܘ ܩܽܘܕܫܳܐ.
31”ܘܽܗ̄ܘ ܟܰܒܫܳܐ ܕܽܗ̄ܘ ܩܽܘܕܳܫܳܐ (ܕܽܗ̄ܘ ܫܽܘܡܠܳܝܳܐ) ܡܰܝܕܰܬ، ܘ݄ܡܒܰܫܠܰܬ ܗ̄ܽܘ ܒܰܣܪܰܝܕ̥ܶܗ ܒܕܽܘܟܬ̥ܳܐ ܡܩܰܕܰܫܬܳܐ. 32ܘܕܳܐܟ̥݄ܠ ܐܰܗܪܽܘܢ ܘܰܗ̄ܢ ܐܰܒܢ̈ܰܝܕ̥ܶܗ ܗ̄ܽܘ ܒܰܣܪܳܐ ܕܽܗ̄ܘ ܟܰܒܫܳܐ ܘܽܗ̄ܘ ܠܰܚܡܳܐ ܕܒܺܗ̄ܝ ܣܰܠܳܐ ܒܽܗ̄ܘ ܬܰܪܥܳܐ ܕܽܗ̄ܘ ܡܰܫܟܰܢܙܰܒܢܳܐ. 33ܘܳܐܟ̥ܠ݄ܢّܶܗ ܗܰܢܺܝ ܕܡܺܝܚܰܣ݄ܢ (ܡܺܗ̄ܝ ܚܛܺܝܬ̥ܰܬّ̥ܶܗ) ܕܡܺܝܫܰܡܠܺܝ ܐܺܝܕ̥̈ܰܝّܶܗ ܘܡܺܝܩܰܕܫܺܝ ܐܰܒّܶܗ. ܘܽܗ̄ܘ ܢܽܘܟ̥ܪܳܝܳܐ ܛܪܳܐ ܠܳܐ ܐܟ̥݄ܠ ܡܺܐܝܕ̥ܶܗ ܕܩܽܘܕܫܳܐ ܢܶܝ. 34ܘܶܐܢ ܕܦܳܝ݄ܫ ܡܽܗ̄ܘ ܒܰܣܪܳܐ ܕܽܗ̄ܘ ܫܽܘܡܠܳܝܳܐ ܘܡܽܗ̄ܘ ܠܰܚܡܳܐ ܗ݄ܠ ܨܰܦܪܳܐ، ܡܰܘܩܶܕ̥ܽܘ ܗ̄ܽܘ ܡܶܕܶܐ ܕܦܰܝ݄ܫ ܒܺܗ̄ܝ ܢܽܘܪܳܐ، ܘܢܳܫܳܐ ܠܳܐ ܐܟ̥݄ܠ ܠܶܗ ܡܺܐܝܕ̥ܶܗ ܕܩܽܘܕܫܳܐ ܢܶܝ. 35ܘܣܘ̇ܡ ܠܰܐܗܪܽܘܢ ܘܠܰܗ̄ܢ ܐܰܒܢ̈ܰܝܕ̥ܶܗ ܗܰܘܟ̥ܰܐ ܐܟ̥ ܕܡܰܩܘܶܐ ܠܺܝ ܐܰܥܠܳܟ̥: ܫܰܒ̥ܥܳܐ ܝܰܘܡ̈ܶܐ ܕ݄ܡܩܰܕܫܰܬ (ܡܫܰܡܠܰܬ) ܐܺܝܕ̥̈ܰܝّܶܗ. 36ܘܽܗ̄ܘ ܬܰܘܪܳܐ ܕܺܗ̄ܝ ܚܛܺܝܬ̥ܳܐ ܣܰܝܡܰܬ ܠܶܗ ܒܽܗ̄ܘ ܝܰܘܡܳܐ ܕܽܗ̄ܘ ܚܽܘܣܳܝܳܐ (ܫܽܘܒܩܳܢܳܐ)، ܘܡܰܪܺܝܣܰܬ ܥܰܠ ܗ̄ܽܘ ܡܰܕ̥݄ܒܚܳܐ ܗ̄ܺܝ ܢܰܩܠܐ ܕܣܰܝܡܰܬ ܚܽܘܣܳܝܳܐ ܐܰܥܠܶܗ، ܘܡܳܫܚܰܬ ܠܶܗ ܠܽܗ̄ܘ ܩܽܘܕܳܫܰܝܕ̥ܶܗ. 37ܫܰܒ̥ܥܳܐ ܝܰܘܡ̈ܶܐ ܣܰܝܡܰܬ ܚܽܘܣܳܝܳܐ ܥܰܠ ܗ̄ܽܘ ܡܰܕ̥݄ܒܚܳܐ ܘ݄ܡܩܰܕܫܰܬ ܠܶܗ. ܘܕܳܗ̄ܘܶܐ ܗ̄ܽܘ ܡܰܕ̥݄ܒܚܳܐ ܩܕܽܘܫ ܩܽܘܕ̈ܫܺܝܢ. ܘܟܘ̇ܠ ܡܰܢ ܕ݄ܡܩܰܪܽܒ̥ ܠܽܗ̄ܘ ܡܰܕ̥݄ܒܚܳܐ ܓܡܺܝܩܰܕ݄ܫ.
38”ܘܗܰܘܟ̥ܰܐ ܣܰܝܡܰܬ ܥܰܠ ܗ̄ܽܘ ܡܰܕ̥݄ܒܚܳܐ، ܦܰܪ̈ܶܐ ܐܰܒܢ̈ܶܐ ܕܫܰܢ̱ܬܳܐ ܬܪܶܝ ܒܰܐܡܺܝܢܽܘܬ̥ܳܐ ܒܚܰܕ̱ ܝܰܘܡܳܐ. 39ܚܰܕ̱ ܦܰܪܳܐ ܣܘ̇ܡ ܒܨܰܦܪܳܐ ܘܦܰܪܳܐ ܚܪܶܢܳܐ ܣܘ̇ܡ ܒ݄ܓܢܰܝܬܶܗ ܕܝܰܘܡܳܐ. 40ܘܥܰܣܪܽܘܢܳܐ ܕܢܰܫܺܝܦܳܐ ܠܺܝܫܳܐ ܒܽܗ̄ܘ ܡ݄ܫܚܳܐ ܥܨܺܝܪܳܐ ܪܽܘܒ̥ܥܶܗ ܕܟܰܝܠܳܐ، ܘܬܶܪܺܝܣܳܐ (ܕܚܰܡܪܳܐ) ܪܽܘܒ̥ܥܶܗ ܕܟܰܝܠܳܐ ܕܚܰܡܪܳܐ ܠܚܰܕ̱ ܦܰܪܳܐ. 41ܘܽܗ̄ܘ ܦܰܪܳܐ ܕܰܬܪܶܝ ܕܣܰܝܡܰܬ ܒ݄ܓܢܰܝܬܶܗ ܕܝܰܘܡܳܐ ܐܟ̥ ܕܽܗ̄ܘ ܩܽܘܪܒܳܢܳܐ ܕܨܰܦܪܳܐ، ܘ݄ܐܟ̥ ܕܽܗ̄ܘ ܬܶܪܺܝܣܰܝܕ̥ܶܗ ܣܰܝܡܰܬ ܠܶܗ ܠܪܶܝܚܳܐ ܕܽܗ̄ܘ ܢܝܳܚܳܐ ܩܽܘܪܒܳܢܳܐ ܠܡܳܪܝܳܐ. 42ܥܠܳܬ̥ܳܐ ܟܘ̇ܠ ܢܰܩܠܐ ܠܰܕّܳܪ̈ܰܬ̥ܟ̥ܽܘ ܒܽܗ̄ܘ ܬܰܪܥܳܐ ܕܽܗ̄ܘ ܡܰܫܟܰܢܙܰܒܢܳܐ ܩ݄ܕ̱ܡ ܡܳܪܝܳܐ ܕ݄ܡܘܰܥܰܕ ܠܶܗ ܠܟ̥ܽܘ ܬܰܡܳܐ ܕܡ݄ܫܓ̥݄ܠ ܐܰܥܡܰܝܟ̥ܽܘ. 43ܘ݄ܓܕܳܐܬ̥ܶܐ ܐ̱ܢܳܐ ܠܽܗ̄ܘ ܘܰܥܕܳܐ ܬܰܡܳܐ ܠܰܗ̄ܢ ܐܰܒܢ̈ܶܐ ܕܺܐܝܣܪܳܐܶܝܠ، ܘܡܺܝܩܰܕܰܫ ܐ̱ܢܳܐ ܒܽܗ̄ܘ ܐܺܝܩܳܪܰܝܕ̥ܺܝ. 44ܘܓ݄ܡܩܰܕܰܫ ܐ̱ܢܳܐ ܗ̄ܽܘ ܡܰܫܟܰܢܙܰܒܢܳܐ ܘܽܗ̄ܘ ܡܰܕ̥݄ܒܚܳܐ، ܘܠܰܐܗܪܽܘܢ ܘܠܰܗ̄ܢ ܐܰܒܢ̈ܰܝܕ̥ܶܗ ܓ݄ܡܩܰܕܰܫ ܐ̱ܢܳܐ ܐܶܠܺܝ ܠܺܗ̄ܝ ܟܳܗܢܽܘܬ̥ܳܐ. 45ܘ݄ܓܫܳܪܶܐ ܐ̱ܢܳܐ (ܢܳܚܰܬ ܐ̱ܢܳܐ) ܒܰܝܢ ܗ̄ܰܢ ܐܰܒܢ̈ܶܐ ܕܺܐܝܣܪܳܐܶܝܠ، ܘ݄ܓܕܳܗ̄ܘܶܢܰܢّܶܗ ܐܰܠܳܗܳܐ. 46ܘ݄ܓܕ݄ܐܕ̥ܥܺܝ ܕܳܐܢܳܐ ܐ̱ܢܳܐ ܡܳܪܝܳܐ ܐܰܠܳܗܰܬّ̥ܶܗ ܕܡܰܘܦܩܺܝ ܠܺܝ ܡܺܗ̄ܝ ܐܰܪܥܳܐ ܕܡܶܨܪܶܝܢ، ܘ݄ܓܫܳܪܶܐ ܐ̱ܢܳܐ ܒܰܝܢܳܬ̥ܰܝّܶܗ. ܐܳܢܳܐ ܐ̱ܢܳܐ ܡܳܪܝܳܐ ܐܰܠܳܗܰܬّ̥ܶܗ.“
Currently Selected:
:
Highlight
Share
Copy
Want to have your highlights saved across all your devices? Sign up or sign in
Suryoyo Bible © 2024 Aramaic Bible Translation