ܣܶܦܪܳܐ ܕܡܰܦܩܳܢܳܐ 22
22
1”ܘܺܗ̄ܝ ܢܰܩܠܐ ܕܓܳܢܽܒ̥ ܓܰܒ̥ܪܳܐ ܚܰܕ̱ ܬܰܘܪܳܐ ܐܰܘ ܥܘܳܢܳܐ ܘܢܳܚܰܪّܶܗ ܐܰܘ ܡܙܰܒܰܢّܶܗ، ܚܰܡܫܳܐ ܬܰܘܪ̈ܶܐ ܓܕܳܗ̄ܒܶܐ ܡܕܰܪܒܶܗ ܕܬܰܘܪܳܐ ܘܰܐܪܒܰܥ ܥܘܳܢ̈ܶܐ ܡܶܢ̱ ܚܠܳܦ ܕ݄ܥܘܳܢܳܐ. 2ܘܶܐܢ ܡ݄ܚܙܶܐ ܗ̄ܽܘ ܓܰܢܳܒ̥ܳܐ ܟܰܐܠܶܗ ܓܬܳܒ̥݄ܪ ܘܥܳܒ݄ܪ، ܘܡ݄ܡܚܶܐ ܘܡܳܝ݄ܬ̥، ܠܰܝ̱ܬ ܠܶܗ ܢܩܰܡܬܳܐ ܡܶܢ̱ ܚܠܳܦ ܐܰܕ̥ܡܶܗ. 3ܘܶܐܢ ܣܰܠܺܝܩܳܐ ܐܰܥܠܶܗ ܗ̄ܺܝ ܫܶܡܫܳܐ ܟ݄ܬ ܠܶܗ ܢܩܰܡܬܳܐ، ܘܳܗ̄ܒܶܐ ܡܶܢ̱ ܚܠܳܦ ܕܽܗ̄ܘ ܡܶܕܶܐ ܕ݄ܓܢܽܒ̥ ܠܶܗ. ܘܶܐܢ ܠܰܝ̱ܬ ܠܶܗ ܡܺܝܙܰܒ݄ܢ ܒܽܗ̄ܘ ܓܢܳܒ̥ܰܝܕ̥ܶܗ. 4ܘܶܐܢ ܚܙܳܝܳܐ ܡ݄ܚܙܶܐ ܒܺܐܝܕ̥ܶܗ ܗ̄ܽܘ ܓܢܳܒ̥ܳܐ، ܡܶܢ̱ ܬܰܘܪܳܐ ܐܰܘ ܚܡܳܪܳܐ ܗ݄ܠ ܥܘܳܢܳܐ ܘܗ݄ܢّܶܝ ܚܰܝ̈ܶܐ، ܚܰܕ̱ ܒܰܬܪܶܝ ܓܕܳܗ̄ܒܶܐ.
5”ܘܺܗ̄ܝ ܢܰܩܠܐ ܕܢܳܫܳܐ ܡܰܪܥܶܐ ܒܚܰܩܠܳܐ ܐܰܘ ܒܟܰܪܡܳܐ، ܘܡܰܪܦܶܐ ܗ̄ܰܥܘܳܢ̈ܰܝܕ̥ܶܗ ܕܪܳܥ݄ܢ ܒܚܰܩܠܳܐ ܚܪܶܬܳܐ، ܡܽܗ̄ܘ ܛܳܒ̥ܳܐ ܕܺܗ̄ܝ ܚܰܩܠܰܝܕ̥ܶܗ ܘܡܽܗ̄ܘ ܛܳܒ̥ܳܐ ܕܽܗ̄ܘ ܟܰܪܡܰܝܕ̥ܶܗ ܓܕܳܗ̄ܒܶܐ. 6ܘܺܗ̄ܝ ܢܰܩܠܐ ܕܢܳܦܩܳܐ ܢܽܘܪܳܐ ܘܩܰܝܬ̥ܳܐ ܒܟܽܘܒ̈ܶܐ، ܘܕܳܐܟ̥ܠܳܐ ܗ̄ܰܓܕܺܝܫ̈ܶܐ ܘܰܩّܺܝܡ̈ܶܐ ܐܰܘ ܗ̄ܺܝ ܚܰܩܠܳܐ، ܡܰܗܒ̥ܳܐ ܓܕܳܗ̄ܒܶܐ ܡܰܢ ܕܡܰܘܩܰܕ̥ ܠܶܗ ܗ̄ܽܘ ܝܰܩܕ̥ܳܢܳܐ. 7ܘܺܗ̄ܝ ܢܰܩܠܐ ܕܢܳܫܳܐ ܗ̄ܳܒܶܐ ܠܚܰܒ̥ܪܶܗ ܣܶܐܡܳܐ ܐܰܘ ܣܶܦܳܩ̈ܶܐ ܕܡ݄ܢܛܳܪܺܝ، ܘܡ݄ܓܢܳܒ̥ܺܝ ܡܽܗ̄ܘ ܒܰܝܬܳܐ ܕܽܗ̄ܘ ܚܰܒ̥ܪܳܐ، ܐܶܢ ܡ݄ܚܙܶܐ ܗ̄ܽܘ ܓܰܢܳܒ̥ܳܐ ܗ̄ܳܒܶܐ ܬܪܶܝ ܡܶܢ̱ ܚܠܳܦ ܕܚܰܕ̱. 8ܘܶܐܢ ܠܳܐ ܡ݄ܚܙܶܐ ܗ̄ܽܘ ܓܰܢܳܒ̥ܳܐ، ܛܪܳܐ ܗ̄ܽܘ ܡܳܪܳܐ ܕܽܗ̄ܘ ܒܰܝܬܳܐ ܡܩܰܕ݄ܡ ܠܓܰܒ ܗ̄ܰܕّܰܝܳܢ̈ܶܐ ܕܠܳܐ ܓ݄ܫ ܠܶܗ ܐܺܝܕ̥ܶܗ ܒܽܗ̄ܘ ܩܰܢܝܳܢܳܐ ܕܚܰܒ̥ܪܶܗ.
9”ܥܰܠ ܟܘ̇ܠ ܡܶܕܶܐ ܕܚܰܛܺܝ، ܥܰܠ ܬܰܘܪܳܐ ܘܥܰܠ ܚܡܳܪܳܐ ܘܥܰܠ ܦܰܪܳܐ ܘܥܰܠ ܠܒܽܘܫܳܐ ܘܥܰܠ ܟܘ̇ܠ ܡܶܕܶܐ ܡܣܰܟܪܳܐ ܕܳܐܡ݄ܪ: ܗܰܢܳܐ ܝܳܐ. ܩ݄ܕ̱ܡ ܗ̄ܰܕّܰܝܳܢ̈ܶܐ ܡܺܝܬܰܘܡܪܺܝ ܗ̄ܰܡّܰܐܡܪ̈ܶܐ ܕܰܬܪܶܝ، ܘ݄ܠܡܰܢ ܓܕܰܝܢܺܝ ܗ̄ܰܕّܰܝܳܢ̈ܶܐ ܓܕܳܗ̄ܒܶܐ ܬܪܶܝ ܡܶܢ̱ ܚܠܳܦ ܚܰܕ̱ ܠܽܗ̄ܘ ܚܰܒ̥ܪܰܝܕ̥ܶܗ. 10ܘܺܗ̄ܝ ܢܰܩܠܐ ܕܳܗ̄ܒܶܐ ܢܳܫܳܐ ܠܚܰܒ̥ܪܶܗ ܚܡܳܪܳܐ ܐܰܘ ܬܰܘܪܳܐ ܐܰܘ ܦܰܪܳܐ ܐܰܘ ܐܰܝܢܰܐ ܚܰܝܽܘܬ̥ܳܐ ܕܢܳܛ݄ܪ ܠܶܗ، ܘܡܳܝ݄ܬ̥ ܐܰܘ ܡ݄ܬܒ̥݄ܪ ܐܰܘ ܡ݄ܓܢܽܒ̥، ܘܢܳܫܳܐ ܠܳܐ ܚܙܶܐ ܠܶܗ، 11ܝܺܡܳܝܳܐ ܕܡܳܪܝܳܐ ܛܪܳܐ ܗܳܘܶܐ ܒܰܝܢܶܗ ܠܰܬܪܶܝ، ܕܠܳܐ ܡܰܚ݄ܬ ܠܶܗ ܐܺܝܕ̥ܶܗ ܒܽܗ̄ܘ ܩܰܢܝܳܢܳܐ ܕܽܗ̄ܘ ܚܰܒ̥ܪܳܐ، ܘܡܰܩܒ݄ܠ ܗ̄ܽܘ ܡܳܪܳܐ ܕܽܗ̄ܘ ܩܰܢܝܳܢܳܐ ܗ̄ܽܘ ܝܺܡܳܝܳܐ، ܘܠ݄ܐ ܟܳܗ̄ܒܶܐ ܡܶܕܶܐ. 12ܘܶܐܢ ܓܢܳܒ̥ܳܐ ܓܢܺܝܽܒ̥ ܡܶܢܶܗ ܠܳܙ݄ܡ ܗ̄ܳܒܶܐ ܠܽܗ̄ܘ ܡܳܪܳܐ ܕܽܗ̄ܘ ܩܰܢܝܳܢܳܐ ܡܶܢ̱ ܚܠܳܦܶܗ. 13ܘܶܐܢ ܬܒ̥ܳܪܳܐ ܬܒ̥ܺܝܪ (ܐܟ̥ܳܠܳܐ ܐܟ̥ܺܝܠ ܡܶܢ̱ ܚܰܝܽܘܬ̥ܳܐ)، ܘܡܰܝܬܶܐ ܗ̄ܺܝ ܣܳܗܕܽܘܬ̥ܳܐ ܕܽܗ̄ܘ ܬܒ̥ܺܝܪܳܐ ܠ݄ܐ ܟܳܗ̄ܒܶܐ ܡܶܕܶܐ. 14ܘܺܗ̄ܝ ܢܰܩܠܐ ܕܢܳܫܳܐ ܐܳܒ݄ܥ ܡܽܗ̄ܘ ܚܰܒ̥ܪܳܐ ܚܰܝܽܘܬ̥ܳܐ ܘܡ݄ܬܒ̥݄ܪ ܐܰܘ ܡܳܝ݄ܬ̥، ܘܽܗ̄ܘ ܡܳܪܳܐ ܠܳܐ ܗ̄ܘܶܐ ܐܰܥܡܶܗ، ܛܪܳܐ ܗ̄ܒܶܐ ܡܶܢ̱ ܚܠܳܦܶܗ. 15ܘܶܐܢ ܗ̄ܽܘ ܡܳܪܳܐ (ܕܺܗ̄ܝ ܚܰܝܽܘܬ̥ܳܐ) ܐܰܥܡܶܗ ܝܳܐ ܠ݄ܐ ܟܳܗ̄ܒܶܐ. ܘܶܐܢ ܐܰܓ̥ܺܝܪܳܐ ܝܳܐ، ܕܺܝܢ ܒܽܗ̄ܘ ܐܰܓ̥ܪܰܝܕ̥ܶܗ.
16”ܘܺܗ̄ܝ ܢܰܩܠܐ ܕܓܰܒ̥ܪܳܐ ܣܳܝ݄ܡ ܢܶܟ̥ܠܳܐ ܥܰܡ ܒܰܪܬ̥ܳܐ (ܒܬ̥ܽܘܠܬܳܐ) ܕܠܰܐ ܗ̄ܘܝܳܐ ܢܟ̥ܺܝܪܰܝܬܳܐ، ܘܕܳܡ݄ܟ̥ ܐܰܥܡܰܗ، ܡܝܳܕܳܐ ܡܳܝܰܕ ܠܶܗ ܝܳܐ ܐܰܢ̱ܬ̥ܬܳܐ. 17ܘ݄ܕܠܳܐ ܐܒ݄ܥ ܗ̄ܽܘ ܒܰܒܳܐ ܕܳܗ̄ܒܶܐ ܠܶܗ ܝܳܐ، ܟܶܣܦܳܐ ܓܕܳܗ̄ܒܶܐ ܐܟ̥ ܕܽܗ̄ܘ ܡܰܗܪܳܐ (ܢܰܩܕܳܐ) ܕ݄ܒܬ̥ܽܘܠܬܳܐ.
18”ܗ̄ܺܝ ܚܰܪܳܫܬܳܐ ܛܪܳܐ ܠܳܐ ܦܰܝܫܳܐ ܒܰܚّܰܝ̈ܶܐ. 19ܟܘ̇ܠ ܡܰܢ ܕܕܳܡ݄ܟ̥ ܥܰܡ ܚܰܝܽܘܬ̥ܳܐ ܩܰܛܠܳܐ ܓܡ݄ܩܛ݄ܠ. 20ܡܰܢ ܕܕܳܒ݄ܚ ܠܰܨّܰܠܡ̈ܶܐ ܓܡܺܝܣܰܟ݄ܪ (ܓܡܳܝ݄ܬ̥)، ܐܶܠܳܐ ܠܡܳܪܝܳܐ ܒܶܠܚܽܘܕ̥ܶܗ. 21ܠܳܐ ܡܰܟܺܝܒ̥ܺܝܬܽܘ ܠܰܗ̄ܢ ܢܽܘܟ̥ܪ̈ܳܝܶܐ (ܕ݄ܟܝ݄ܬܒ̥ܺܝ ܒܰܝܢܳܬ̥ܰܝܟ̥ܽܘ) ܘܠܳܐ ܡܰܥܺܝܩܺܝܬܽܘ ܐܰܥܠܰܝّܶܗ، ܡܺܐܝܕ̥ܶܗ ܕܢܽܘܟ̥ܪ̈ܳܝܶܐ ܗ̄ܘܰܝܬܽܘ ܒܺܗ̄ܝ ܐܰܪܥܳܐ ܕܡܶܨܪܶܝܢ. 22ܘ݄ܠܟܽܘܠّܶܗ ܗ̄ܰܢ ܐܰܪ̈ܡܠܳܬ̥ܳܐ ܘܰܝّܰܬܽܘܡ̈ܶܐ ܠܳܐ ܡܰܟܺܝܒ̥ܺܝܬܽܘ. 23ܘܶܐܢ ܡܰܟܺܝܒ̥ܺܝܬܽܘܢّܶܗ ܘ݄ܡܨܰܠ݄ܢ ܩܽܘܕ̱ܡܺܝ، ܫܡܳܥܳܐ ܓܫܳܡܰܥ ܐ̱ܢܳܐ ܗ̄ܺܝ ܨܠܽܘܬ̥ܰܬّ̥ܶܗ. 24ܘ݄ܓܡܺܝܚ݄ܨ ܗ̄ܽܘ ܪܽܘܓ̥ܙܰܝܕ̥ܺܝ ܘܩܳܛܰܠܢܰܢܟ̥ܽܘ ܒܽܗ̄ܘ ܣܰܝܦܳܐ. ܘ݄ܓܕܳܗ̄ܘ݄ܢ ܗ̄ܰܢ ܢܶܫ̈ܰܬ̥ܟ̥ܽܘ ܐܰܪ̈ܡܠܳܬ̥ܳܐ، ܘܰܗ̄ܢ ܐܰܒܢ̈ܰܬ̥ܟ̥ܽܘ ܝܰܬܽܘܡ̈ܶܐ.
25”ܘܶܐܢ ܕܳܗ̄ܒܰܬ ܙܽܘܙ̈ܶܐ ܒܕܰܝܢܳܐ ܠܽܗ̄ܘ ܡ݄ܣܟܶܢܳܐ ܕܽܗ̄ܘ ܥܰܡܰܝܕ̥ܺܝ ܕܟ݄ܬܝܳܐ ܐܰܥܡܳܟ̥، ܠܳܐ ܗ̄ܘܰܬ ܠܶܗ ܐܟ̥ ܕܡܳܪܳܐ ܕܕܰܝܢܳܐ، ܘܠܳܐ ܡܰܝܕܰܬ ܡܶܢܶܗ ܪܶܒܺܝܬ̥ܳܐ. 26ܘܶܐܢ ܡ݄ܕ ܠܳܟ̥ ܪܰܗܒܽܘܢܳܐ ܗ̄ܽܘ ܠܒܽܘܫܳܐ ܕܽܗ̄ܘ ܚܰܒ̥ܪܰܝܕ̥ܳܟ̥، ܠܰܐܦ ܓܢܰܝܬܶܗ ܕܝܰܘܡܳܐ ܗܰܒ̥ ܠܶܗ ܝܳܐ. 27ܥܰܠ ܕܗܺܝّܶܗ ܝܳܐ ܗ̄ܽܘ ܠܒܽܘܫܰܝܕ̥ܶܗ ܒܶܠܚܽܘܕ̥ܶܗ، ܘܗܺܝّܶܗ ܝܳܐ ܕܟܳܡܟܰܣܶܐ ܗ̄ܽܘ ܓܽܘܫܡܰܝܕ̥ܶܗ، ܒܡ݄ܢ ܓܕܳܡ݄ܟ̥؟ ܘܶܐܢ ܕ݄ܡܨܰܠܶܐ ܩܽܘܕ̱ܡܺܝ، ܓܫܳܡܰܥ ܐ̱ܢܳܐ ܠܶܗ ܥܰܠ ܕܟ݄ܬ ܐ̱ܢܳܐ ܡܪܰܚܡܳܢܳܐ.
28”ܠܽܗ̄ܘ ܕܰܝܳܢܳܐ ܠܳܐ ܡܨܰܥܪܰܬ ܘܠܽܗ̄ܘ ܪܺܝܫܳܐ ܕܽܗ̄ܘ ܥܰܡܰܝܕ̥ܳܟ̥ ܠܳܐ ܠܰܝܛܰܬ 29ܠܺܗ̄ܝ ܒܰܟ̥ܪܽܘܬ̥ܳܐ ܕܰܦّܺܐܪ̈ܶܐ ܕܺܗ̄ܝ ܐܰܕܪܰܝܕ̥ܳܟ̥ ܘܰܡّܰܥܰܨܪ̈ܳܬ̥ܰܝܕ̥ܳܟ̥ ܠܳܐ ܡܥܰܘܩܰܬ. ܗ̄ܰܒّܽܘܟ̥ܪ̈ܶܐ ܕܰܗ̄ܢ ܐܰܒܢ̈ܰܝܕ̥ܳܟ̥ ܓܕܳܗ̄ܒܰܬ ܠܺܝ. 30ܘܗܰܘܟ̥ܰܐ ܓܣܰܝܡܰܬ ܠܰܬّܰܘܪ̈ܰܝܕ̥ܳܟ̥ ܘܠܰܥܘܳܢ̈ܰܝܕ̥ܳܟ̥. ܫܰܒ̥ܥܳܐ ܝܰܘܡ̈ܶܐ ܟܦܳܝ݄ܫ ܥܰܡ ܗ̄ܺܝ ܐܶܡܳܐ، ܘܒܽܗ̄ܘ ܝܰܘܡܳܐ ܕܰܬܡܰܢܝܳܐ ܕܳܗ̄ܒܰܬ ܠܺܝ ܝܳܐ. 31ܘܢܳܫ̈ܶܐ ܡܩܰܕ̈ܫܶܐ ܓܕܳܗ̄ܘܺܝܬܽܘ ܠܺܝ، ܘܒܰܣܪܳܐ ܢܬܺܝܫܳܐ ܡܺܗ̄ܝ ܚܰܝܽܘܬ̥ܳܐ ܚܰܝܬ̥ܳܐ ܠ݄ܐ ܐܟ̥ܠܺܝܬܽܘ، ܠܰܟّܰܠܒ̈ܶܐ ܡܚܰܠܩܺܝܬܽܘ ܠܶܗ.“
Currently Selected:
ܣܶܦܪܳܐ ܕܡܰܦܩܳܢܳܐ 22: ܟܬܒܐ
Highlight
Share
Copy
Want to have your highlights saved across all your devices? Sign up or sign in
Suryoyo Bible © 2024 Aramaic Bible Translation
ܣܶܦܪܳܐ ܕܡܰܦܩܳܢܳܐ 22
22
1”ܘܺܗ̄ܝ ܢܰܩܠܐ ܕܓܳܢܽܒ̥ ܓܰܒ̥ܪܳܐ ܚܰܕ̱ ܬܰܘܪܳܐ ܐܰܘ ܥܘܳܢܳܐ ܘܢܳܚܰܪّܶܗ ܐܰܘ ܡܙܰܒܰܢّܶܗ، ܚܰܡܫܳܐ ܬܰܘܪ̈ܶܐ ܓܕܳܗ̄ܒܶܐ ܡܕܰܪܒܶܗ ܕܬܰܘܪܳܐ ܘܰܐܪܒܰܥ ܥܘܳܢ̈ܶܐ ܡܶܢ̱ ܚܠܳܦ ܕ݄ܥܘܳܢܳܐ. 2ܘܶܐܢ ܡ݄ܚܙܶܐ ܗ̄ܽܘ ܓܰܢܳܒ̥ܳܐ ܟܰܐܠܶܗ ܓܬܳܒ̥݄ܪ ܘܥܳܒ݄ܪ، ܘܡ݄ܡܚܶܐ ܘܡܳܝ݄ܬ̥، ܠܰܝ̱ܬ ܠܶܗ ܢܩܰܡܬܳܐ ܡܶܢ̱ ܚܠܳܦ ܐܰܕ̥ܡܶܗ. 3ܘܶܐܢ ܣܰܠܺܝܩܳܐ ܐܰܥܠܶܗ ܗ̄ܺܝ ܫܶܡܫܳܐ ܟ݄ܬ ܠܶܗ ܢܩܰܡܬܳܐ، ܘܳܗ̄ܒܶܐ ܡܶܢ̱ ܚܠܳܦ ܕܽܗ̄ܘ ܡܶܕܶܐ ܕ݄ܓܢܽܒ̥ ܠܶܗ. ܘܶܐܢ ܠܰܝ̱ܬ ܠܶܗ ܡܺܝܙܰܒ݄ܢ ܒܽܗ̄ܘ ܓܢܳܒ̥ܰܝܕ̥ܶܗ. 4ܘܶܐܢ ܚܙܳܝܳܐ ܡ݄ܚܙܶܐ ܒܺܐܝܕ̥ܶܗ ܗ̄ܽܘ ܓܢܳܒ̥ܳܐ، ܡܶܢ̱ ܬܰܘܪܳܐ ܐܰܘ ܚܡܳܪܳܐ ܗ݄ܠ ܥܘܳܢܳܐ ܘܗ݄ܢّܶܝ ܚܰܝ̈ܶܐ، ܚܰܕ̱ ܒܰܬܪܶܝ ܓܕܳܗ̄ܒܶܐ.
5”ܘܺܗ̄ܝ ܢܰܩܠܐ ܕܢܳܫܳܐ ܡܰܪܥܶܐ ܒܚܰܩܠܳܐ ܐܰܘ ܒܟܰܪܡܳܐ، ܘܡܰܪܦܶܐ ܗ̄ܰܥܘܳܢ̈ܰܝܕ̥ܶܗ ܕܪܳܥ݄ܢ ܒܚܰܩܠܳܐ ܚܪܶܬܳܐ، ܡܽܗ̄ܘ ܛܳܒ̥ܳܐ ܕܺܗ̄ܝ ܚܰܩܠܰܝܕ̥ܶܗ ܘܡܽܗ̄ܘ ܛܳܒ̥ܳܐ ܕܽܗ̄ܘ ܟܰܪܡܰܝܕ̥ܶܗ ܓܕܳܗ̄ܒܶܐ. 6ܘܺܗ̄ܝ ܢܰܩܠܐ ܕܢܳܦܩܳܐ ܢܽܘܪܳܐ ܘܩܰܝܬ̥ܳܐ ܒܟܽܘܒ̈ܶܐ، ܘܕܳܐܟ̥ܠܳܐ ܗ̄ܰܓܕܺܝܫ̈ܶܐ ܘܰܩّܺܝܡ̈ܶܐ ܐܰܘ ܗ̄ܺܝ ܚܰܩܠܳܐ، ܡܰܗܒ̥ܳܐ ܓܕܳܗ̄ܒܶܐ ܡܰܢ ܕܡܰܘܩܰܕ̥ ܠܶܗ ܗ̄ܽܘ ܝܰܩܕ̥ܳܢܳܐ. 7ܘܺܗ̄ܝ ܢܰܩܠܐ ܕܢܳܫܳܐ ܗ̄ܳܒܶܐ ܠܚܰܒ̥ܪܶܗ ܣܶܐܡܳܐ ܐܰܘ ܣܶܦܳܩ̈ܶܐ ܕܡ݄ܢܛܳܪܺܝ، ܘܡ݄ܓܢܳܒ̥ܺܝ ܡܽܗ̄ܘ ܒܰܝܬܳܐ ܕܽܗ̄ܘ ܚܰܒ̥ܪܳܐ، ܐܶܢ ܡ݄ܚܙܶܐ ܗ̄ܽܘ ܓܰܢܳܒ̥ܳܐ ܗ̄ܳܒܶܐ ܬܪܶܝ ܡܶܢ̱ ܚܠܳܦ ܕܚܰܕ̱. 8ܘܶܐܢ ܠܳܐ ܡ݄ܚܙܶܐ ܗ̄ܽܘ ܓܰܢܳܒ̥ܳܐ، ܛܪܳܐ ܗ̄ܽܘ ܡܳܪܳܐ ܕܽܗ̄ܘ ܒܰܝܬܳܐ ܡܩܰܕ݄ܡ ܠܓܰܒ ܗ̄ܰܕّܰܝܳܢ̈ܶܐ ܕܠܳܐ ܓ݄ܫ ܠܶܗ ܐܺܝܕ̥ܶܗ ܒܽܗ̄ܘ ܩܰܢܝܳܢܳܐ ܕܚܰܒ̥ܪܶܗ.
9”ܥܰܠ ܟܘ̇ܠ ܡܶܕܶܐ ܕܚܰܛܺܝ، ܥܰܠ ܬܰܘܪܳܐ ܘܥܰܠ ܚܡܳܪܳܐ ܘܥܰܠ ܦܰܪܳܐ ܘܥܰܠ ܠܒܽܘܫܳܐ ܘܥܰܠ ܟܘ̇ܠ ܡܶܕܶܐ ܡܣܰܟܪܳܐ ܕܳܐܡ݄ܪ: ܗܰܢܳܐ ܝܳܐ. ܩ݄ܕ̱ܡ ܗ̄ܰܕّܰܝܳܢ̈ܶܐ ܡܺܝܬܰܘܡܪܺܝ ܗ̄ܰܡّܰܐܡܪ̈ܶܐ ܕܰܬܪܶܝ، ܘ݄ܠܡܰܢ ܓܕܰܝܢܺܝ ܗ̄ܰܕّܰܝܳܢ̈ܶܐ ܓܕܳܗ̄ܒܶܐ ܬܪܶܝ ܡܶܢ̱ ܚܠܳܦ ܚܰܕ̱ ܠܽܗ̄ܘ ܚܰܒ̥ܪܰܝܕ̥ܶܗ. 10ܘܺܗ̄ܝ ܢܰܩܠܐ ܕܳܗ̄ܒܶܐ ܢܳܫܳܐ ܠܚܰܒ̥ܪܶܗ ܚܡܳܪܳܐ ܐܰܘ ܬܰܘܪܳܐ ܐܰܘ ܦܰܪܳܐ ܐܰܘ ܐܰܝܢܰܐ ܚܰܝܽܘܬ̥ܳܐ ܕܢܳܛ݄ܪ ܠܶܗ، ܘܡܳܝ݄ܬ̥ ܐܰܘ ܡ݄ܬܒ̥݄ܪ ܐܰܘ ܡ݄ܓܢܽܒ̥، ܘܢܳܫܳܐ ܠܳܐ ܚܙܶܐ ܠܶܗ، 11ܝܺܡܳܝܳܐ ܕܡܳܪܝܳܐ ܛܪܳܐ ܗܳܘܶܐ ܒܰܝܢܶܗ ܠܰܬܪܶܝ، ܕܠܳܐ ܡܰܚ݄ܬ ܠܶܗ ܐܺܝܕ̥ܶܗ ܒܽܗ̄ܘ ܩܰܢܝܳܢܳܐ ܕܽܗ̄ܘ ܚܰܒ̥ܪܳܐ، ܘܡܰܩܒ݄ܠ ܗ̄ܽܘ ܡܳܪܳܐ ܕܽܗ̄ܘ ܩܰܢܝܳܢܳܐ ܗ̄ܽܘ ܝܺܡܳܝܳܐ، ܘܠ݄ܐ ܟܳܗ̄ܒܶܐ ܡܶܕܶܐ. 12ܘܶܐܢ ܓܢܳܒ̥ܳܐ ܓܢܺܝܽܒ̥ ܡܶܢܶܗ ܠܳܙ݄ܡ ܗ̄ܳܒܶܐ ܠܽܗ̄ܘ ܡܳܪܳܐ ܕܽܗ̄ܘ ܩܰܢܝܳܢܳܐ ܡܶܢ̱ ܚܠܳܦܶܗ. 13ܘܶܐܢ ܬܒ̥ܳܪܳܐ ܬܒ̥ܺܝܪ (ܐܟ̥ܳܠܳܐ ܐܟ̥ܺܝܠ ܡܶܢ̱ ܚܰܝܽܘܬ̥ܳܐ)، ܘܡܰܝܬܶܐ ܗ̄ܺܝ ܣܳܗܕܽܘܬ̥ܳܐ ܕܽܗ̄ܘ ܬܒ̥ܺܝܪܳܐ ܠ݄ܐ ܟܳܗ̄ܒܶܐ ܡܶܕܶܐ. 14ܘܺܗ̄ܝ ܢܰܩܠܐ ܕܢܳܫܳܐ ܐܳܒ݄ܥ ܡܽܗ̄ܘ ܚܰܒ̥ܪܳܐ ܚܰܝܽܘܬ̥ܳܐ ܘܡ݄ܬܒ̥݄ܪ ܐܰܘ ܡܳܝ݄ܬ̥، ܘܽܗ̄ܘ ܡܳܪܳܐ ܠܳܐ ܗ̄ܘܶܐ ܐܰܥܡܶܗ، ܛܪܳܐ ܗ̄ܒܶܐ ܡܶܢ̱ ܚܠܳܦܶܗ. 15ܘܶܐܢ ܗ̄ܽܘ ܡܳܪܳܐ (ܕܺܗ̄ܝ ܚܰܝܽܘܬ̥ܳܐ) ܐܰܥܡܶܗ ܝܳܐ ܠ݄ܐ ܟܳܗ̄ܒܶܐ. ܘܶܐܢ ܐܰܓ̥ܺܝܪܳܐ ܝܳܐ، ܕܺܝܢ ܒܽܗ̄ܘ ܐܰܓ̥ܪܰܝܕ̥ܶܗ.
16”ܘܺܗ̄ܝ ܢܰܩܠܐ ܕܓܰܒ̥ܪܳܐ ܣܳܝ݄ܡ ܢܶܟ̥ܠܳܐ ܥܰܡ ܒܰܪܬ̥ܳܐ (ܒܬ̥ܽܘܠܬܳܐ) ܕܠܰܐ ܗ̄ܘܝܳܐ ܢܟ̥ܺܝܪܰܝܬܳܐ، ܘܕܳܡ݄ܟ̥ ܐܰܥܡܰܗ، ܡܝܳܕܳܐ ܡܳܝܰܕ ܠܶܗ ܝܳܐ ܐܰܢ̱ܬ̥ܬܳܐ. 17ܘ݄ܕܠܳܐ ܐܒ݄ܥ ܗ̄ܽܘ ܒܰܒܳܐ ܕܳܗ̄ܒܶܐ ܠܶܗ ܝܳܐ، ܟܶܣܦܳܐ ܓܕܳܗ̄ܒܶܐ ܐܟ̥ ܕܽܗ̄ܘ ܡܰܗܪܳܐ (ܢܰܩܕܳܐ) ܕ݄ܒܬ̥ܽܘܠܬܳܐ.
18”ܗ̄ܺܝ ܚܰܪܳܫܬܳܐ ܛܪܳܐ ܠܳܐ ܦܰܝܫܳܐ ܒܰܚّܰܝ̈ܶܐ. 19ܟܘ̇ܠ ܡܰܢ ܕܕܳܡ݄ܟ̥ ܥܰܡ ܚܰܝܽܘܬ̥ܳܐ ܩܰܛܠܳܐ ܓܡ݄ܩܛ݄ܠ. 20ܡܰܢ ܕܕܳܒ݄ܚ ܠܰܨّܰܠܡ̈ܶܐ ܓܡܺܝܣܰܟ݄ܪ (ܓܡܳܝ݄ܬ̥)، ܐܶܠܳܐ ܠܡܳܪܝܳܐ ܒܶܠܚܽܘܕ̥ܶܗ. 21ܠܳܐ ܡܰܟܺܝܒ̥ܺܝܬܽܘ ܠܰܗ̄ܢ ܢܽܘܟ̥ܪ̈ܳܝܶܐ (ܕ݄ܟܝ݄ܬܒ̥ܺܝ ܒܰܝܢܳܬ̥ܰܝܟ̥ܽܘ) ܘܠܳܐ ܡܰܥܺܝܩܺܝܬܽܘ ܐܰܥܠܰܝّܶܗ، ܡܺܐܝܕ̥ܶܗ ܕܢܽܘܟ̥ܪ̈ܳܝܶܐ ܗ̄ܘܰܝܬܽܘ ܒܺܗ̄ܝ ܐܰܪܥܳܐ ܕܡܶܨܪܶܝܢ. 22ܘ݄ܠܟܽܘܠّܶܗ ܗ̄ܰܢ ܐܰܪ̈ܡܠܳܬ̥ܳܐ ܘܰܝّܰܬܽܘܡ̈ܶܐ ܠܳܐ ܡܰܟܺܝܒ̥ܺܝܬܽܘ. 23ܘܶܐܢ ܡܰܟܺܝܒ̥ܺܝܬܽܘܢّܶܗ ܘ݄ܡܨܰܠ݄ܢ ܩܽܘܕ̱ܡܺܝ، ܫܡܳܥܳܐ ܓܫܳܡܰܥ ܐ̱ܢܳܐ ܗ̄ܺܝ ܨܠܽܘܬ̥ܰܬّ̥ܶܗ. 24ܘ݄ܓܡܺܝܚ݄ܨ ܗ̄ܽܘ ܪܽܘܓ̥ܙܰܝܕ̥ܺܝ ܘܩܳܛܰܠܢܰܢܟ̥ܽܘ ܒܽܗ̄ܘ ܣܰܝܦܳܐ. ܘ݄ܓܕܳܗ̄ܘ݄ܢ ܗ̄ܰܢ ܢܶܫ̈ܰܬ̥ܟ̥ܽܘ ܐܰܪ̈ܡܠܳܬ̥ܳܐ، ܘܰܗ̄ܢ ܐܰܒܢ̈ܰܬ̥ܟ̥ܽܘ ܝܰܬܽܘܡ̈ܶܐ.
25”ܘܶܐܢ ܕܳܗ̄ܒܰܬ ܙܽܘܙ̈ܶܐ ܒܕܰܝܢܳܐ ܠܽܗ̄ܘ ܡ݄ܣܟܶܢܳܐ ܕܽܗ̄ܘ ܥܰܡܰܝܕ̥ܺܝ ܕܟ݄ܬܝܳܐ ܐܰܥܡܳܟ̥، ܠܳܐ ܗ̄ܘܰܬ ܠܶܗ ܐܟ̥ ܕܡܳܪܳܐ ܕܕܰܝܢܳܐ، ܘܠܳܐ ܡܰܝܕܰܬ ܡܶܢܶܗ ܪܶܒܺܝܬ̥ܳܐ. 26ܘܶܐܢ ܡ݄ܕ ܠܳܟ̥ ܪܰܗܒܽܘܢܳܐ ܗ̄ܽܘ ܠܒܽܘܫܳܐ ܕܽܗ̄ܘ ܚܰܒ̥ܪܰܝܕ̥ܳܟ̥، ܠܰܐܦ ܓܢܰܝܬܶܗ ܕܝܰܘܡܳܐ ܗܰܒ̥ ܠܶܗ ܝܳܐ. 27ܥܰܠ ܕܗܺܝّܶܗ ܝܳܐ ܗ̄ܽܘ ܠܒܽܘܫܰܝܕ̥ܶܗ ܒܶܠܚܽܘܕ̥ܶܗ، ܘܗܺܝّܶܗ ܝܳܐ ܕܟܳܡܟܰܣܶܐ ܗ̄ܽܘ ܓܽܘܫܡܰܝܕ̥ܶܗ، ܒܡ݄ܢ ܓܕܳܡ݄ܟ̥؟ ܘܶܐܢ ܕ݄ܡܨܰܠܶܐ ܩܽܘܕ̱ܡܺܝ، ܓܫܳܡܰܥ ܐ̱ܢܳܐ ܠܶܗ ܥܰܠ ܕܟ݄ܬ ܐ̱ܢܳܐ ܡܪܰܚܡܳܢܳܐ.
28”ܠܽܗ̄ܘ ܕܰܝܳܢܳܐ ܠܳܐ ܡܨܰܥܪܰܬ ܘܠܽܗ̄ܘ ܪܺܝܫܳܐ ܕܽܗ̄ܘ ܥܰܡܰܝܕ̥ܳܟ̥ ܠܳܐ ܠܰܝܛܰܬ 29ܠܺܗ̄ܝ ܒܰܟ̥ܪܽܘܬ̥ܳܐ ܕܰܦّܺܐܪ̈ܶܐ ܕܺܗ̄ܝ ܐܰܕܪܰܝܕ̥ܳܟ̥ ܘܰܡّܰܥܰܨܪ̈ܳܬ̥ܰܝܕ̥ܳܟ̥ ܠܳܐ ܡܥܰܘܩܰܬ. ܗ̄ܰܒّܽܘܟ̥ܪ̈ܶܐ ܕܰܗ̄ܢ ܐܰܒܢ̈ܰܝܕ̥ܳܟ̥ ܓܕܳܗ̄ܒܰܬ ܠܺܝ. 30ܘܗܰܘܟ̥ܰܐ ܓܣܰܝܡܰܬ ܠܰܬّܰܘܪ̈ܰܝܕ̥ܳܟ̥ ܘܠܰܥܘܳܢ̈ܰܝܕ̥ܳܟ̥. ܫܰܒ̥ܥܳܐ ܝܰܘܡ̈ܶܐ ܟܦܳܝ݄ܫ ܥܰܡ ܗ̄ܺܝ ܐܶܡܳܐ، ܘܒܽܗ̄ܘ ܝܰܘܡܳܐ ܕܰܬܡܰܢܝܳܐ ܕܳܗ̄ܒܰܬ ܠܺܝ ܝܳܐ. 31ܘܢܳܫ̈ܶܐ ܡܩܰܕ̈ܫܶܐ ܓܕܳܗ̄ܘܺܝܬܽܘ ܠܺܝ، ܘܒܰܣܪܳܐ ܢܬܺܝܫܳܐ ܡܺܗ̄ܝ ܚܰܝܽܘܬ̥ܳܐ ܚܰܝܬ̥ܳܐ ܠ݄ܐ ܐܟ̥ܠܺܝܬܽܘ، ܠܰܟّܰܠܒ̈ܶܐ ܡܚܰܠܩܺܝܬܽܘ ܠܶܗ.“
Currently Selected:
:
Highlight
Share
Copy
Want to have your highlights saved across all your devices? Sign up or sign in
Suryoyo Bible © 2024 Aramaic Bible Translation