ܣܶܦܪܳܐ ܕܡܰܦܩܳܢܳܐ 18
18
1ܘܫܰܡ݄ܥ ܝܰܬ̥ܪܽܘܢ، ܗ̄ܽܘ ܟܽܘܡܪܳܐ ܕܡܶܕܝܰܢ، ܗ̄ܽܘ ܚܶܡܝܳܢܳܐ ܕܡܽܘܫܶܐ، ܟܘ̇ܠ ܡܶܕܶܐ ܕܣ݄ܡ ܠܶܗ ܐܰܠܳܗܳܐ ܠܡܽܘܫܶܐ ܘܠܺܐܝܣܪܳܐܶܝܠ ܗ̄ܽܘ ܥܰܡܰܝܕ̥ܶܗ، ܕܡܰܘܦܰܩ ܠܶܗ ܡܳܪܝܳܐ ܗ̄ܰܢ ܐܰܒܢ̈ܶܐ ܕܺܐܝܣܪܳܐܶܝܠ ܡܶܢ̱ ܡܶܨܪܶܝܢ. 2ܘܡܰܘܒܶܠ ܠܶܗ ܝܰܬ̥ܪܽܘܢ ܗ̄ܽܘ ܚܶܡܝܳܢܳܐ ܕܡܽܘܫܶܐ ܠܨܶܦܽܘܪܰܐ ܗ̄ܺܝ ܒܰܪܬ̥ܰܝܕ̥ܶܗ، ܗ̄ܺܝ ܐܰܢ̱ܬ̥ܬܳܐ ܕܡܽܘܫܶܐ، ܒ݄ܬ̥݄ܪ ܕܛܳܪܝܳܐ ܠܶܗ، 3ܘܠܰܬܪܶܝ ܐܰܒܢ̈ܰܝܕ̥ܶܗ، ܕ݄ܐܫܡܶܗ ܕܚܰܕ̱ ܓܶܪܫܽܘܢ (ܢܽܘܟ̥ܪܳܝܳܐ)، ܥܰܠ ܕܐܡ݄ܪ ܠܶܗ: ”ܢܽܘܟ̥ܪܳܝܳܐ ܗܰܘܺܝ ܐ̱ܢܳܐ ܒܰܐܪܥܳܐ ܢܽܘܟ̥ܪܰܝܬܳܐ،“ 4ܘ݄ܐܫܡܶܗ ܕܽܗ̄ܘ ܚܪܶܢܳܐ ܐܶܠܺܝܥܳܙܳܪ، ”ܡܺܐܝܕ̥ܶܗ ܕܰܐܠܳܗܳܐ ܕܰܒّܰܒܳܢ̈ܰܝܕ̥ܺܝ ܡܥܰܕܰܪ ܠܶܗ ܠܺܝ ܘ݄ܡܦܰܨܶܐ ܠܶܗ ܠܺܝ ܡܽܗ̄ܘ ܣܰܝܦܳܐ ܕܦܶܪܥܽܘܢ.“ 5ܘܰܐܬ̥ܺܝ ܝܰܬ̥ܪܽܘܢ ܗ̄ܽܘ ܚܶܡܝܳܢܳܐ ܕܡܽܘܫܶܐ ܘܰܗ̄ܢ ܐܰܒܢ̈ܰܝܕ̥ܶܗ ܘܺܗ̄ܝ ܐܰܢ̱ܬ̥ܬܰܝܕ̥ܶܗ ܠܓܰܒ ܡܽܘܫܶܐ ܠܽܗ̄ܘ ܡܰܕ̥݄ܒܪܳܐ ܕܟ݄ܬ ܗ̄ܘܰܐ ܬܰܡܳܐ، ܠܽܗ̄ܘ ܛܽܘܪܳܐ ܕܰܐܠܳܗܳܐ. 6ܘܐܡܺܝܪ ܠܡܽܘܫܶܐ: ”ܟܰܐܠܶܗ ܚܶܡܝܳܢܳܟ̥ ܝܰܬ̥ܪܽܘܢ ܐܰܬ̥ܺܝ ܠܣܺܝܕܳܟ̥، ܘܰܐܥܡܶܗ ܗ̄ܺܝ ܐܰܢ̱ܬ̥ܬܰܝܕ̥ܳܟ̥ ܘܰܬܪܶܝ ܐܰܒܢ̈ܰܝܕ̥ܳܟ̥.“ 7ܘܢܰܦ݄ܩ ܡܽܘܫܶܐ ܠܩܰܕ̱ܡܽܘܬ̥ܶܗ ܕܽܗ̄ܘ ܚܶܡܝܳܢܳܐ، ܘ݄ܣܓ̥݄ܕ ܠܶܗ ܠܶܗ ܘ݄ܢܫ݄ܩ ܠܶܗ. ܘ݄ܡܫܰܐܶܠّܶܗ ܒ݄ܫܠܳܡܳܐ ܕ݄ܚܕ̥ܳܕ̥̈ܶܐ. ܘܥܰܒܺܝܪܺܝ ܠܽܗ̄ܘ ܡܰܫܟܢܳܐ.
8ܘ݄ܫܓ̥ܺܝܠ ܡܽܘܫܶܐ ܠܽܗ̄ܘ ܚܶܡܝܳܢܳܐ ܟܘ̇ܠ ܡܶܕܶܐ ܕܣ݄ܡ ܠܶܗ ܡܳܪܝܳܐ ܠܦܶܪܥܽܘܢ ܘܠܰܡّܶܨܪ̈ܳܝܶܐ، ܥܰܠ ܗ̄ܺܝ ܨܒܽܘܬ̥ܳܐ ܕܰܗ̄ܢ ܐܰܒܢ̈ܶܐ ܕܺܐܝܣܪܳܐܶܝܠ ܘܟܘ̇ܠ ܒܛܳܠܳܐ ܕܒܰܛܺܝܠܺܝ ܒܽܗ̄ܘ ܕܰܪܒܳܐ، ܘܡܳܪܝܳܐ ܦܪܺܝܩܺܝ ܠܶܗ. 9ܘ݄ܦܨܺܝܚ ܝܰܬ̥ܪܽܘܢ ܥܰܠ ܟܽܘܠّܶܗ ܗ̄ܰܛّܳܒ̥̈ܳܬ̥ܳܐ ܕܣ݄ܡ ܠܶܗ ܡܳܪܝܳܐ ܠܺܐܝܣܪܳܐܶܝܠ، ܘ݄ܦܪܺܝܩܺܝ ܠܶܗ ܡܺܗ̄ܝ ܐܺܝܕ̥ܶܗ ܕܰܡّܶܨܪ̈ܳܝܶܐ ܘܡܺܗ̄ܝ ܐܺܝܕ̥ܶܗ ܕܦܶܪܥܽܘܢ. 10ܘܐܡ݄ܪ ܠܶܗ ܝܰܬܪܽܘܢ: ”ܒܪܺܝܟ̥ܳܐ ܝܳܐ ܡܳܪܝܳܐ ܕ݄ܦܪ݄ܩ ܠܶܗ ܠܟ̥ܽܘ ܡܺܗ̄ܝ ܐܺܝܕ̥ܶܗ ܕܰܡّܶܨܪ̈ܳܝܶܐ ܘܡܺܗ̄ܝ ܐܺܝܕ̥ܶܗ ܕܦܶܪܥܽܘܢ، ܕ݄ܦܪ݄ܩ ܠܶܗ ܗ̄ܽܘ ܥܰܡܰܝܕ̥ܶܗ ܡܶܢ̱ ܬܰܚܬܶܗ ܐܺܝܕ̥ܶܗ ܕܰܡّܶܨܪ̈ܳܝܶܐ. 11ܐܳܥܕܳܐ ܐܰܕ̥݄ܥ ܐ̱ܢܳܐ ܕܪܰܒ ܝܳܐ ܡܳܪܝܳܐ ܡܶܢ̱ ܟܽܘܠّܶܗ ܗ̄ܰܢ ܐܰܠܳܗ̈ܶܐ، ܥܰܠ ܗ̄ܽܘ ܚܫܳܒ̥ܳܐ (ܒܺܝܫܳܐ) ܕ݄ܚܫܽܒّ̥ܶܗ ܐܰܥܠܰܝّܶܗ.“ 12ܘ݄ܡܩܰܪܰܒ̥ ܠܶܗ ܝܰܬ̥ܪܽܘܢ ܗ̄ܽܘ ܚܶܡܝܳܢܳܐ ܕܡܽܘܫܶܐ ܝܰܩܕ̈ܶܐ ܟܰܡܺܝ̈ܠܶܐ، ܘܕܶܒܚ̈ܶܐ ܠܡܳܪܝܳܐ. ܘܰܐܬ̥ܺܝ ܐܰܗܪܽܘܢ ܘܟܽܘܠّܶܗ ܗ̄ܰܣّܳܒ̥̈ܶܐ ܕܰܗ̄ܢ ܐܰܒܢ̈ܶܐ ܕܺܐܝܣܪܳܐܶܝܠ ܕܳܐܟ̥ܠܺܝ ܠܰܚܡܳܐ ܥܰܡ ܗ̄ܽܘ ܚܶܡܝܳܢܳܐ ܕܡܽܘܫܶܐ ܩ݄ܕ̱ܡ ܐܰܠܳܗܳܐ.
13ܘܗܰܘܺܝ ܒ݄ܬ̥݄ܪ ܝܰܘܡܳܐ، ܘܝܰܬܽܒ̥ ܡܽܘܫܶܐ ܕܕܳܝ݄ܢ ܠܽܗ̄ܘ ܥܰܡܳܐ. ܘܩܰܝܡܺܝ ܗ̄ܘܰܘ̱ ܗ̄ܽܘ ܥܰܡܳܐ ܠܥ݄ܠ ܡܶܢ̱ ܡܽܘܫܶܐ ܡܶܢ̱ ܨܰܦܪܳܐ ܠ݄ܓܢܰܝܬܶܗ ܕܝܰܘܡܳܐ. 14ܘ݄ܚܙܶܐ ܠܶܗ ܗ̄ܽܘ ܚܶܡܝܳܢܳܐ ܕܡܽܘܫܶܐ ܟܘ̇ܠ ܡܶܕܶܐ ܕܟܳܣܳܝ݄ܡ ܠܽܗ̄ܘ ܥܰܡܳܐ. ܘܐܡ݄ܪ ܠܶܗ ܠܶܗ: ”ܡ݄ܢܝܳܐ ܗܰܢܳܐ ܕ݄ܟܣܰܝܡܰܬ ܠܽܗ̄ܘ ܥܰܡܳܐ؟ ܠܡ݄ܢ ܟܳܝ݄ܬܒ̥ܰܬ ܒܶܠܚܽܘܕ̥ܳܟ̥، ܘܟܽܘܠܶܗ ܗ̄ܽܘ ܥܰܡܳܐ ܟܳܩܳܝ݄ܡ ܠܥ݄ܠ ܡܶܢܳܟ̥ ܡܶܢ̱ ܨܰܦܪܳܐ ܠ݄ܓܢܰܝܬܶܗ ܕܝܰܘܡܳܐ؟“ 15ܘܐܡ݄ܪ ܠܶܗ ܡܽܘܫܶܐ ܠܽܗ̄ܘ ܚܶܡܝܳܢܳܐ: ”ܟܳܐܬ̥݄ܢ ܠܣܺܝܕܺܝ ܗ̄ܽܘ ܥܰܡܳܐ ܕ݄ܡܫܰܐܶܠ ܡܶܠܬ̥ܳܐ ܡܰܢ̱ ܐܠܳܗܳܐ. 16ܘܺܗ̄ܝ ܢܰܩܠܐ ܕܳܗ̄ܘܰܠّܶܗ ܫܽܘܐܳܠܳܐ ܟܳܐܬ̥݄ܢ ܠܣܺܝܕܺܝ. ܘܕܳܝܰܢ ܐ̱ܢܳܐ ܒܰܝܢ ܚܰܕ̱ ܘܠܽܗ̄ܘ ܚܰܒ̥ܪܳܐ، ܘܡܰܚܘܶܢܰܢّܶܗ ܗ̄ܰܦّܽܘܩܕ̈ܳܢܶܐ ܕܰܐܠܳܗܳܐ ܘܰܗ̄ܢ ܢܳܡܽܘܣ̈ܰܝܕ̥ܶܗ.“ 17ܘܐܡ݄ܪ ܠܶܗ ܗ̄ܽܘ ܚܶܡܝܳܢܳܐ ܠܡܽܘܫܶܐ: ”ܠܳܐ ܫܰܦܺܝܪܳܐ ܟܳܣܰܝܡܰܬ. 18ܒܛܳܠܳܐ ܓܒܳܛܠܰܬ ܗܰܬ ܘܽܗ̄ܘ ܥܰܡܰܢܳܐ ܟܽܘܠܶܗ ܕܰܐܥܡܳܟ̥، ܡܺܐܝܕ̥ܶܗ ܕܝܰܩ݄ܪ ܡܶܢܳܟ̥ ܝܳܐ ܗ̄ܽܘ ܡܰܐܡܪܰܢܳܐ، ܘܠܰܝܒܳܟ̥ ܕܣܰܝܡܰܬ ܠܶܗ ܒܶܠܚܽܘܕ̥ܳܟ̥. 19ܐܳܥܕܳܐ ܫܡܰܥ ܠܽܗ̄ܘ ܡܰܐܡܪܰܝܕ̥ܺܝ، ܘ݄ܓܕܳܗ̄ܒܶܢܳܟ̥ ܡܰܕ̥ܥܳܐ. ܘ݄ܓܕܳܗ̄ܘܶܐ ܐܰܠܳܗܳܐ ܐܰܥܡܳܟ̥. ܗܘܰܝ ܗܰܬ ܡܰܠܦܳܢܳܐ ܠܽܗ̄ܘ ܥܰܡܳܐ ܡܶܢ̱ ܐܰܠܳܗܳܐ، ܘܡܰܥܒܰܪ ܗ̄ܰܡّܰܐܡܪ̈ܰܬّ̥ܶܗ ܩ݄ܕ̱ܡ ܐܰܠܳܗܳܐ. 20ܘ݄ܓܡܰܢ݄ܗܪܰܬ ܗܰܘܢܰܝّܶܗ ܕܢܳܛܪܺܝ ܗ̄ܰܦّܽܘܩܕ̈ܳܢܶܐ ܘܰܗ̄ܢ ܢܳܡܽܘܣ̈ܶܐ، ܘ݄ܓܡܰܚܘܰܬّܶܗ ܗ̄ܽܘ ܕܰܪܒܳܐ ܕ݄ܐܙّ݄ܢ ܐܶܒܶܗ، ܘܰܥܒܳܕ̥̈ܶܐ ܕܣܰܝܡ݄ܢّܶܗ. 21ܘܗܰܬ ܓܚܳܙܰܬ (ܘ݄ܡܢܰܩܰܬ) ܡܶܢ̱ ܟܽܘܠܶܗ ܗ̄ܽܘ ܥܰܡܳܐ ܓܰܒ̥ܪ̈ܶܐ ܒܚܰܝܠܳܐ ܕܟܳܙܰܝܥܺܝ ܡܶܢ̱ ܐܰܠܳܗܳܐ، ܓܰܒ̥ܪ̈ܶܐ ܫܰܪܺܝܪ̈ܶܐ ܕܠܳܐ ܓܪܳܚܡܺܝ ܗ̄ܽܘ ܫܽܘܚܕܳܐ ܘܽܗ̄ܘ ܢܶܟ̥ܠܳܐ. ܘܡܰܩ݄ܡ ܐܰܥܠܰܝّܶܗ ܪ̈ܺܝܫܳܢܶܐ ܕܰܐܠܦ̈ܶܐ ܘܪ̈ܺܝܫܳܢܶܐ ܕܡܰܐܘ̈ܳܬ̥ܳܐ ܘܪ̈ܺܝܫܳܢܶܐ ܕܚܰܡܫܺܝ ܘܪ̈ܺܝܫܳܢܶܐ ܕܥܰܣܪܳܐ. 22ܘ݄ܓܕܳܗ̄ܘ݄ܢ ܕܰܝܳܢ̈ܶܐ ܠܽܗ̄ܘ ܥܰܡܳܐ ܒܟܘ̇ܠ ܙܰܒܢܳܐ. ܘܺܗ̄ܝ ܢܰܩܠܐ ܕܳܗ̄ܘܶܐ ܫܽܘܐܳܠܳܐ ܪܰܒܳܐ ܛܪܳܐ ܐܳܬ̥݄ܢ ܠܣܺܝܕܳܟ̥. ܘܟܘ̇ܠ ܫܽܘܐܳܠܳܐ ܙܥܽܘܪܳܐ ܛܪܳܐ ܗ݄ܢّܶܝ ܕܰܝܢܺܝ. ܘܡܰܢܚ݄ܬ ܛܰܥܢܳܐ ܡܶܢܳܟ̥، ܘܗ݄ܢّܶܝ ܛܪܳܐ ܛܳܥܢܺܝ ܐܰܥܡܳܟ̥. 23ܘ݄ܕܣܰܝܡܰܬ ܗ̄ܽܘ ܡܰܐܡܪܰܢܳܐ، ܐܰܠܳܗܳܐ ܓܕܳܗ̄ܒܶܐ ܠܳܟ̥ ܦܽܘܩܕܳܢܳܐ، ܘ݄ܓܡܳܛܶܐ ܒܺܐܝܕ̥ܳܟ̥ ܕܩܰܝܡܰܬ. ܘܽܗ̄ܘ ܥܰܡܰܢܳܐ ܣܬܶܝ ܟܽܘܠܶܗ ܟܘ̇ܠ ܚܰܕ̱ ܠܽܗ̄ܘ ܒܰܝܬܰܝܕ̥ܶܗ ܓܕ݄ܐܙّܶܗ ܒ݄ܫܠܳܡܳܐ.“
24ܘܫܰܡ݄ܥ ܡܽܘܫܶܐ ܗ̄ܽܘ ܡܰܐܡܪܳܐ ܕܽܗ̄ܘ ܚܶܡܝܳܢܳܐ. ܘܣ݄ܡ ܠܶܗ ܟܘ̇ܠ ܡܶܕܶܐ ܕܐܡ݄ܪ ܠܶܗ ܠܶܗ. 25ܘ݄ܓܒܶܐ ܠܶܗ (ܡܢܰܩܶܐ ܠܶܗ) ܡܽܘܫܶܐ ܓܰܒ̥ܪ̈ܶܐ ܒܚܰܝܠܳܐ ܡܶܢ̱ ܟܽܘܠܶܗ ܐܺܝܣܪܳܐܶܝܠ، ܘܡܰܩܺܝܡܺܝ ܠܶܗ ܪ̈ܺܝܫܳܢܶܐ ܥܰܠ ܗ̄ܽܘ ܥܰܡܳܐ: ܪ̈ܺܝܫܳܢܶܐ ܕܰܐܠܦ̈ܶܐ ܘܪ̈ܺܝܫܳܢܶܐ ܕܡܰܐܘ̈ܳܬ̥ܳܐ ܘܪ̈ܺܝܫܳܢܶܐ ܕܚܰܡܫܺܝ ܘܪ̈ܺܝܫܳܢܶܐ ܕܥܰܣܪܳܐ. 26ܘܕܰܝܢܺܝ ܗ̄ܘܰܘ̱ ܠܽܗ̄ܘ ܥܰܡܳܐ ܒܟܘ̇ܠ ܙܰܒܢܳܐ. ܘܽܗ̄ܘ ܫܽܘܐܳܠܳܐ ܪܰܒܳܐ ܡܰܝܬ݄ܢ ܗ̄ܘܰܝ ܠܶܗ ܠܓܰܒ ܡܽܘܫܶܐ. ܘܽܗ̄ܘ ܫܽܘܐܳܠܳܐ ܙܥܽܘܪܳܐ ܗ݄ܢّܶܝ ܕܰܝܢܺܝ ܗ̄ܘܰܘ̱. 27ܘ݄ܡܫܰܕܰܪ ܠܶܗ ܡܽܘܫܶܐ ܠܽܗ̄ܘ ܚܶܡܝܳܢܰܝܕ̥ܶܗ، ܘܰܐܙّܶܗ ܠܺܗ̄ܝ ܐܰܪܥܰܝܕ̥ܶܗ.
Currently Selected:
ܣܶܦܪܳܐ ܕܡܰܦܩܳܢܳܐ 18: ܟܬܒܐ
Highlight
Share
Copy
Want to have your highlights saved across all your devices? Sign up or sign in
Suryoyo Bible © 2024 Aramaic Bible Translation
ܣܶܦܪܳܐ ܕܡܰܦܩܳܢܳܐ 18
18
1ܘܫܰܡ݄ܥ ܝܰܬ̥ܪܽܘܢ، ܗ̄ܽܘ ܟܽܘܡܪܳܐ ܕܡܶܕܝܰܢ، ܗ̄ܽܘ ܚܶܡܝܳܢܳܐ ܕܡܽܘܫܶܐ، ܟܘ̇ܠ ܡܶܕܶܐ ܕܣ݄ܡ ܠܶܗ ܐܰܠܳܗܳܐ ܠܡܽܘܫܶܐ ܘܠܺܐܝܣܪܳܐܶܝܠ ܗ̄ܽܘ ܥܰܡܰܝܕ̥ܶܗ، ܕܡܰܘܦܰܩ ܠܶܗ ܡܳܪܝܳܐ ܗ̄ܰܢ ܐܰܒܢ̈ܶܐ ܕܺܐܝܣܪܳܐܶܝܠ ܡܶܢ̱ ܡܶܨܪܶܝܢ. 2ܘܡܰܘܒܶܠ ܠܶܗ ܝܰܬ̥ܪܽܘܢ ܗ̄ܽܘ ܚܶܡܝܳܢܳܐ ܕܡܽܘܫܶܐ ܠܨܶܦܽܘܪܰܐ ܗ̄ܺܝ ܒܰܪܬ̥ܰܝܕ̥ܶܗ، ܗ̄ܺܝ ܐܰܢ̱ܬ̥ܬܳܐ ܕܡܽܘܫܶܐ، ܒ݄ܬ̥݄ܪ ܕܛܳܪܝܳܐ ܠܶܗ، 3ܘܠܰܬܪܶܝ ܐܰܒܢ̈ܰܝܕ̥ܶܗ، ܕ݄ܐܫܡܶܗ ܕܚܰܕ̱ ܓܶܪܫܽܘܢ (ܢܽܘܟ̥ܪܳܝܳܐ)، ܥܰܠ ܕܐܡ݄ܪ ܠܶܗ: ”ܢܽܘܟ̥ܪܳܝܳܐ ܗܰܘܺܝ ܐ̱ܢܳܐ ܒܰܐܪܥܳܐ ܢܽܘܟ̥ܪܰܝܬܳܐ،“ 4ܘ݄ܐܫܡܶܗ ܕܽܗ̄ܘ ܚܪܶܢܳܐ ܐܶܠܺܝܥܳܙܳܪ، ”ܡܺܐܝܕ̥ܶܗ ܕܰܐܠܳܗܳܐ ܕܰܒّܰܒܳܢ̈ܰܝܕ̥ܺܝ ܡܥܰܕܰܪ ܠܶܗ ܠܺܝ ܘ݄ܡܦܰܨܶܐ ܠܶܗ ܠܺܝ ܡܽܗ̄ܘ ܣܰܝܦܳܐ ܕܦܶܪܥܽܘܢ.“ 5ܘܰܐܬ̥ܺܝ ܝܰܬ̥ܪܽܘܢ ܗ̄ܽܘ ܚܶܡܝܳܢܳܐ ܕܡܽܘܫܶܐ ܘܰܗ̄ܢ ܐܰܒܢ̈ܰܝܕ̥ܶܗ ܘܺܗ̄ܝ ܐܰܢ̱ܬ̥ܬܰܝܕ̥ܶܗ ܠܓܰܒ ܡܽܘܫܶܐ ܠܽܗ̄ܘ ܡܰܕ̥݄ܒܪܳܐ ܕܟ݄ܬ ܗ̄ܘܰܐ ܬܰܡܳܐ، ܠܽܗ̄ܘ ܛܽܘܪܳܐ ܕܰܐܠܳܗܳܐ. 6ܘܐܡܺܝܪ ܠܡܽܘܫܶܐ: ”ܟܰܐܠܶܗ ܚܶܡܝܳܢܳܟ̥ ܝܰܬ̥ܪܽܘܢ ܐܰܬ̥ܺܝ ܠܣܺܝܕܳܟ̥، ܘܰܐܥܡܶܗ ܗ̄ܺܝ ܐܰܢ̱ܬ̥ܬܰܝܕ̥ܳܟ̥ ܘܰܬܪܶܝ ܐܰܒܢ̈ܰܝܕ̥ܳܟ̥.“ 7ܘܢܰܦ݄ܩ ܡܽܘܫܶܐ ܠܩܰܕ̱ܡܽܘܬ̥ܶܗ ܕܽܗ̄ܘ ܚܶܡܝܳܢܳܐ، ܘ݄ܣܓ̥݄ܕ ܠܶܗ ܠܶܗ ܘ݄ܢܫ݄ܩ ܠܶܗ. ܘ݄ܡܫܰܐܶܠّܶܗ ܒ݄ܫܠܳܡܳܐ ܕ݄ܚܕ̥ܳܕ̥̈ܶܐ. ܘܥܰܒܺܝܪܺܝ ܠܽܗ̄ܘ ܡܰܫܟܢܳܐ.
8ܘ݄ܫܓ̥ܺܝܠ ܡܽܘܫܶܐ ܠܽܗ̄ܘ ܚܶܡܝܳܢܳܐ ܟܘ̇ܠ ܡܶܕܶܐ ܕܣ݄ܡ ܠܶܗ ܡܳܪܝܳܐ ܠܦܶܪܥܽܘܢ ܘܠܰܡّܶܨܪ̈ܳܝܶܐ، ܥܰܠ ܗ̄ܺܝ ܨܒܽܘܬ̥ܳܐ ܕܰܗ̄ܢ ܐܰܒܢ̈ܶܐ ܕܺܐܝܣܪܳܐܶܝܠ ܘܟܘ̇ܠ ܒܛܳܠܳܐ ܕܒܰܛܺܝܠܺܝ ܒܽܗ̄ܘ ܕܰܪܒܳܐ، ܘܡܳܪܝܳܐ ܦܪܺܝܩܺܝ ܠܶܗ. 9ܘ݄ܦܨܺܝܚ ܝܰܬ̥ܪܽܘܢ ܥܰܠ ܟܽܘܠّܶܗ ܗ̄ܰܛّܳܒ̥̈ܳܬ̥ܳܐ ܕܣ݄ܡ ܠܶܗ ܡܳܪܝܳܐ ܠܺܐܝܣܪܳܐܶܝܠ، ܘ݄ܦܪܺܝܩܺܝ ܠܶܗ ܡܺܗ̄ܝ ܐܺܝܕ̥ܶܗ ܕܰܡّܶܨܪ̈ܳܝܶܐ ܘܡܺܗ̄ܝ ܐܺܝܕ̥ܶܗ ܕܦܶܪܥܽܘܢ. 10ܘܐܡ݄ܪ ܠܶܗ ܝܰܬܪܽܘܢ: ”ܒܪܺܝܟ̥ܳܐ ܝܳܐ ܡܳܪܝܳܐ ܕ݄ܦܪ݄ܩ ܠܶܗ ܠܟ̥ܽܘ ܡܺܗ̄ܝ ܐܺܝܕ̥ܶܗ ܕܰܡّܶܨܪ̈ܳܝܶܐ ܘܡܺܗ̄ܝ ܐܺܝܕ̥ܶܗ ܕܦܶܪܥܽܘܢ، ܕ݄ܦܪ݄ܩ ܠܶܗ ܗ̄ܽܘ ܥܰܡܰܝܕ̥ܶܗ ܡܶܢ̱ ܬܰܚܬܶܗ ܐܺܝܕ̥ܶܗ ܕܰܡّܶܨܪ̈ܳܝܶܐ. 11ܐܳܥܕܳܐ ܐܰܕ̥݄ܥ ܐ̱ܢܳܐ ܕܪܰܒ ܝܳܐ ܡܳܪܝܳܐ ܡܶܢ̱ ܟܽܘܠّܶܗ ܗ̄ܰܢ ܐܰܠܳܗ̈ܶܐ، ܥܰܠ ܗ̄ܽܘ ܚܫܳܒ̥ܳܐ (ܒܺܝܫܳܐ) ܕ݄ܚܫܽܒّ̥ܶܗ ܐܰܥܠܰܝّܶܗ.“ 12ܘ݄ܡܩܰܪܰܒ̥ ܠܶܗ ܝܰܬ̥ܪܽܘܢ ܗ̄ܽܘ ܚܶܡܝܳܢܳܐ ܕܡܽܘܫܶܐ ܝܰܩܕ̈ܶܐ ܟܰܡܺܝ̈ܠܶܐ، ܘܕܶܒܚ̈ܶܐ ܠܡܳܪܝܳܐ. ܘܰܐܬ̥ܺܝ ܐܰܗܪܽܘܢ ܘܟܽܘܠّܶܗ ܗ̄ܰܣّܳܒ̥̈ܶܐ ܕܰܗ̄ܢ ܐܰܒܢ̈ܶܐ ܕܺܐܝܣܪܳܐܶܝܠ ܕܳܐܟ̥ܠܺܝ ܠܰܚܡܳܐ ܥܰܡ ܗ̄ܽܘ ܚܶܡܝܳܢܳܐ ܕܡܽܘܫܶܐ ܩ݄ܕ̱ܡ ܐܰܠܳܗܳܐ.
13ܘܗܰܘܺܝ ܒ݄ܬ̥݄ܪ ܝܰܘܡܳܐ، ܘܝܰܬܽܒ̥ ܡܽܘܫܶܐ ܕܕܳܝ݄ܢ ܠܽܗ̄ܘ ܥܰܡܳܐ. ܘܩܰܝܡܺܝ ܗ̄ܘܰܘ̱ ܗ̄ܽܘ ܥܰܡܳܐ ܠܥ݄ܠ ܡܶܢ̱ ܡܽܘܫܶܐ ܡܶܢ̱ ܨܰܦܪܳܐ ܠ݄ܓܢܰܝܬܶܗ ܕܝܰܘܡܳܐ. 14ܘ݄ܚܙܶܐ ܠܶܗ ܗ̄ܽܘ ܚܶܡܝܳܢܳܐ ܕܡܽܘܫܶܐ ܟܘ̇ܠ ܡܶܕܶܐ ܕܟܳܣܳܝ݄ܡ ܠܽܗ̄ܘ ܥܰܡܳܐ. ܘܐܡ݄ܪ ܠܶܗ ܠܶܗ: ”ܡ݄ܢܝܳܐ ܗܰܢܳܐ ܕ݄ܟܣܰܝܡܰܬ ܠܽܗ̄ܘ ܥܰܡܳܐ؟ ܠܡ݄ܢ ܟܳܝ݄ܬܒ̥ܰܬ ܒܶܠܚܽܘܕ̥ܳܟ̥، ܘܟܽܘܠܶܗ ܗ̄ܽܘ ܥܰܡܳܐ ܟܳܩܳܝ݄ܡ ܠܥ݄ܠ ܡܶܢܳܟ̥ ܡܶܢ̱ ܨܰܦܪܳܐ ܠ݄ܓܢܰܝܬܶܗ ܕܝܰܘܡܳܐ؟“ 15ܘܐܡ݄ܪ ܠܶܗ ܡܽܘܫܶܐ ܠܽܗ̄ܘ ܚܶܡܝܳܢܳܐ: ”ܟܳܐܬ̥݄ܢ ܠܣܺܝܕܺܝ ܗ̄ܽܘ ܥܰܡܳܐ ܕ݄ܡܫܰܐܶܠ ܡܶܠܬ̥ܳܐ ܡܰܢ̱ ܐܠܳܗܳܐ. 16ܘܺܗ̄ܝ ܢܰܩܠܐ ܕܳܗ̄ܘܰܠّܶܗ ܫܽܘܐܳܠܳܐ ܟܳܐܬ̥݄ܢ ܠܣܺܝܕܺܝ. ܘܕܳܝܰܢ ܐ̱ܢܳܐ ܒܰܝܢ ܚܰܕ̱ ܘܠܽܗ̄ܘ ܚܰܒ̥ܪܳܐ، ܘܡܰܚܘܶܢܰܢّܶܗ ܗ̄ܰܦّܽܘܩܕ̈ܳܢܶܐ ܕܰܐܠܳܗܳܐ ܘܰܗ̄ܢ ܢܳܡܽܘܣ̈ܰܝܕ̥ܶܗ.“ 17ܘܐܡ݄ܪ ܠܶܗ ܗ̄ܽܘ ܚܶܡܝܳܢܳܐ ܠܡܽܘܫܶܐ: ”ܠܳܐ ܫܰܦܺܝܪܳܐ ܟܳܣܰܝܡܰܬ. 18ܒܛܳܠܳܐ ܓܒܳܛܠܰܬ ܗܰܬ ܘܽܗ̄ܘ ܥܰܡܰܢܳܐ ܟܽܘܠܶܗ ܕܰܐܥܡܳܟ̥، ܡܺܐܝܕ̥ܶܗ ܕܝܰܩ݄ܪ ܡܶܢܳܟ̥ ܝܳܐ ܗ̄ܽܘ ܡܰܐܡܪܰܢܳܐ، ܘܠܰܝܒܳܟ̥ ܕܣܰܝܡܰܬ ܠܶܗ ܒܶܠܚܽܘܕ̥ܳܟ̥. 19ܐܳܥܕܳܐ ܫܡܰܥ ܠܽܗ̄ܘ ܡܰܐܡܪܰܝܕ̥ܺܝ، ܘ݄ܓܕܳܗ̄ܒܶܢܳܟ̥ ܡܰܕ̥ܥܳܐ. ܘ݄ܓܕܳܗ̄ܘܶܐ ܐܰܠܳܗܳܐ ܐܰܥܡܳܟ̥. ܗܘܰܝ ܗܰܬ ܡܰܠܦܳܢܳܐ ܠܽܗ̄ܘ ܥܰܡܳܐ ܡܶܢ̱ ܐܰܠܳܗܳܐ، ܘܡܰܥܒܰܪ ܗ̄ܰܡّܰܐܡܪ̈ܰܬّ̥ܶܗ ܩ݄ܕ̱ܡ ܐܰܠܳܗܳܐ. 20ܘ݄ܓܡܰܢ݄ܗܪܰܬ ܗܰܘܢܰܝّܶܗ ܕܢܳܛܪܺܝ ܗ̄ܰܦّܽܘܩܕ̈ܳܢܶܐ ܘܰܗ̄ܢ ܢܳܡܽܘܣ̈ܶܐ، ܘ݄ܓܡܰܚܘܰܬّܶܗ ܗ̄ܽܘ ܕܰܪܒܳܐ ܕ݄ܐܙّ݄ܢ ܐܶܒܶܗ، ܘܰܥܒܳܕ̥̈ܶܐ ܕܣܰܝܡ݄ܢّܶܗ. 21ܘܗܰܬ ܓܚܳܙܰܬ (ܘ݄ܡܢܰܩܰܬ) ܡܶܢ̱ ܟܽܘܠܶܗ ܗ̄ܽܘ ܥܰܡܳܐ ܓܰܒ̥ܪ̈ܶܐ ܒܚܰܝܠܳܐ ܕܟܳܙܰܝܥܺܝ ܡܶܢ̱ ܐܰܠܳܗܳܐ، ܓܰܒ̥ܪ̈ܶܐ ܫܰܪܺܝܪ̈ܶܐ ܕܠܳܐ ܓܪܳܚܡܺܝ ܗ̄ܽܘ ܫܽܘܚܕܳܐ ܘܽܗ̄ܘ ܢܶܟ̥ܠܳܐ. ܘܡܰܩ݄ܡ ܐܰܥܠܰܝّܶܗ ܪ̈ܺܝܫܳܢܶܐ ܕܰܐܠܦ̈ܶܐ ܘܪ̈ܺܝܫܳܢܶܐ ܕܡܰܐܘ̈ܳܬ̥ܳܐ ܘܪ̈ܺܝܫܳܢܶܐ ܕܚܰܡܫܺܝ ܘܪ̈ܺܝܫܳܢܶܐ ܕܥܰܣܪܳܐ. 22ܘ݄ܓܕܳܗ̄ܘ݄ܢ ܕܰܝܳܢ̈ܶܐ ܠܽܗ̄ܘ ܥܰܡܳܐ ܒܟܘ̇ܠ ܙܰܒܢܳܐ. ܘܺܗ̄ܝ ܢܰܩܠܐ ܕܳܗ̄ܘܶܐ ܫܽܘܐܳܠܳܐ ܪܰܒܳܐ ܛܪܳܐ ܐܳܬ̥݄ܢ ܠܣܺܝܕܳܟ̥. ܘܟܘ̇ܠ ܫܽܘܐܳܠܳܐ ܙܥܽܘܪܳܐ ܛܪܳܐ ܗ݄ܢّܶܝ ܕܰܝܢܺܝ. ܘܡܰܢܚ݄ܬ ܛܰܥܢܳܐ ܡܶܢܳܟ̥، ܘܗ݄ܢّܶܝ ܛܪܳܐ ܛܳܥܢܺܝ ܐܰܥܡܳܟ̥. 23ܘ݄ܕܣܰܝܡܰܬ ܗ̄ܽܘ ܡܰܐܡܪܰܢܳܐ، ܐܰܠܳܗܳܐ ܓܕܳܗ̄ܒܶܐ ܠܳܟ̥ ܦܽܘܩܕܳܢܳܐ، ܘ݄ܓܡܳܛܶܐ ܒܺܐܝܕ̥ܳܟ̥ ܕܩܰܝܡܰܬ. ܘܽܗ̄ܘ ܥܰܡܰܢܳܐ ܣܬܶܝ ܟܽܘܠܶܗ ܟܘ̇ܠ ܚܰܕ̱ ܠܽܗ̄ܘ ܒܰܝܬܰܝܕ̥ܶܗ ܓܕ݄ܐܙّܶܗ ܒ݄ܫܠܳܡܳܐ.“
24ܘܫܰܡ݄ܥ ܡܽܘܫܶܐ ܗ̄ܽܘ ܡܰܐܡܪܳܐ ܕܽܗ̄ܘ ܚܶܡܝܳܢܳܐ. ܘܣ݄ܡ ܠܶܗ ܟܘ̇ܠ ܡܶܕܶܐ ܕܐܡ݄ܪ ܠܶܗ ܠܶܗ. 25ܘ݄ܓܒܶܐ ܠܶܗ (ܡܢܰܩܶܐ ܠܶܗ) ܡܽܘܫܶܐ ܓܰܒ̥ܪ̈ܶܐ ܒܚܰܝܠܳܐ ܡܶܢ̱ ܟܽܘܠܶܗ ܐܺܝܣܪܳܐܶܝܠ، ܘܡܰܩܺܝܡܺܝ ܠܶܗ ܪ̈ܺܝܫܳܢܶܐ ܥܰܠ ܗ̄ܽܘ ܥܰܡܳܐ: ܪ̈ܺܝܫܳܢܶܐ ܕܰܐܠܦ̈ܶܐ ܘܪ̈ܺܝܫܳܢܶܐ ܕܡܰܐܘ̈ܳܬ̥ܳܐ ܘܪ̈ܺܝܫܳܢܶܐ ܕܚܰܡܫܺܝ ܘܪ̈ܺܝܫܳܢܶܐ ܕܥܰܣܪܳܐ. 26ܘܕܰܝܢܺܝ ܗ̄ܘܰܘ̱ ܠܽܗ̄ܘ ܥܰܡܳܐ ܒܟܘ̇ܠ ܙܰܒܢܳܐ. ܘܽܗ̄ܘ ܫܽܘܐܳܠܳܐ ܪܰܒܳܐ ܡܰܝܬ݄ܢ ܗ̄ܘܰܝ ܠܶܗ ܠܓܰܒ ܡܽܘܫܶܐ. ܘܽܗ̄ܘ ܫܽܘܐܳܠܳܐ ܙܥܽܘܪܳܐ ܗ݄ܢّܶܝ ܕܰܝܢܺܝ ܗ̄ܘܰܘ̱. 27ܘ݄ܡܫܰܕܰܪ ܠܶܗ ܡܽܘܫܶܐ ܠܽܗ̄ܘ ܚܶܡܝܳܢܰܝܕ̥ܶܗ، ܘܰܐܙّܶܗ ܠܺܗ̄ܝ ܐܰܪܥܰܝܕ̥ܶܗ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Suryoyo Bible © 2024 Aramaic Bible Translation