ܣܶܦܪܳܐ ܕܡܰܦܩܳܢܳܐ 16
16
1ܘܡܰܛܥܰܢّܶܗ ܡܶܢ̱ ܐܳܠܝܡ. ܘܺܗ̄ܝ ܟ̥ܢܽܘܫܬܳܐ ܟܽܘܠܰܗ ܕܰܗ̄ܢ ܐܰܒܢ̈ܶܐ ܕܺܐܝܣܪܳܐܶܝܠ ܐܰܬ̥݄ܢ ܠܽܗ̄ܘ ܡܰܕ̥݄ܒܪܳܐ ܕܣܺܝܢ، ܕܟ݄ܬ ܝܳܐ ܒܰܝܢ ܐܳܠܝܡ ܘܒܰܝܢ ܣܺܝܢܰܝ، ܒܚܰܡܫܰܥܣܰܪ ܒܽܗ̄ܘ ܝܰܪܚܳܐ ܕܰܬܪܶܝ ܒܽܗ̄ܘ ܙܰܒܢܳܐ ܕܢܰܦܺܝܩܺܝ ܐܶܒܶܗ ܗ̄ܰܢ ܐܰܒܢ̈ܶܐ ܕܺܐܝܣܪܳܐܶܝܠ ܡܶܢ̱ ܡܶܨܪܶܝܢ. 2ܘܟܽܘܠܰܗ ܗ̄ܺܝ ܟ̥ܢܽܘܫܬܳܐ ܕܰܗ̄ܢ ܐܰܒܢ̈ܶܐ ܕܺܐܝܣܪܳܐܶܝܠ ܡܛܰܪܛܰܡّܶܗ ܥܰܠ ܡܽܘܫܶܐ ܘܥܰܠ ܐܰܗܪܽܘܢ ܒܽܗ̄ܘ ܡܰܕ̥݄ܒܪܳܐ. 3ܘܐܡ݄ܪّܰܢّܶܗ ܗ̄ܰܢ ܐܰܒܢ̈ܶܐ ܕܺܐܝܣܪܳܐܶܝܠ: ”ܐܳܒܥܺܝ ܗ̄ܘܰܝܢܰܐ ܕܡܰܝܬ̥ܺܝܢܰܐ ܒܺܐܝܕ̥ܶܗ ܕܡܳܪܝܳܐ ܒܺܗ̄ܝ ܐܰܪܥܳܐ ܕܡܶܨܪܶܝܢ ܘܰܐܚܢܰܐ ܝܰܬܺܝܒ̥̈ܶܐ ܓܰܒ ܗ̄ܰܩّܰܩܒ̥̈ܶܐ ܕܽܗ̄ܘ ܒܰܣܪܳܐ ܘܳܐܟ̥ܠܺܝ ܗ̄ܘܰܝܢܰܐ ܠܰܚܡܳܐ ܘܣܰܒ̥ܥܺܝ ܗ̄ܘܰܝܢܰܐ. ܐܶܠܳܐ ܡܰܘܦܰܩܟ̥ܽܘ ܠܰܢ ܠܽܗ̄ܘ ܡܰܕ̥݄ܒܪܰܢܳܐ ܕܡܰܡܺܝܬ̥ܺܝܬܽܘ ܟܽܘܠܰܗ ܗ̄ܺܝ ܟ̥ܢܽܘܫܬܳܐ ܕܰܗ̄ܢ ܐܰܒܢ̈ܶܐ ܕܺܐܝܣܪܳܐܶܝܠ ܡܽܗ̄ܘ ܟܰܦܢܳܐ؟“
4ܘܐܡ݄ܪ ܠܶܗ ܡܳܪܝܳܐ ܠܡܽܘܫܶܐ: ”ܟܰܐܠܺܝ ܓܡܰܡܛܰܪ ܐ̱ܢܳܐ ܐܰܠܟ̥ܽܘ ܠܰܚܡܳܐ ܡܺܗ̄ܝ ܫܡܰܝܳܐ. ܘ݄ܛܪܳܐ ܢܳܦ݄ܩ ܗ̄ܽܘ ܥܰܡܳܐ ܘܠܳܩ݄ܛ ܗ̄ܽܘ ܡܽܐܘܟܠܳܐ ܟܘ̇ܠ ܝܰܘܡܳܐ ܒܽܗ̄ܘ ܝܰܘܡܰܝܕ̥ܶܗ، ܠܰܫܰܢ ܡܢܰܣܶܢܰܢّܶܗ ܘܚܳܙܶܐ ܐ̱ܢܳܐ ܐܶܢ ܓ݄ܡܗܰܠܟ̥ܺܝ ܒܰܗ̄ܢ ܢܳܡܽܘܣ̈ܰܝܕ̥ܺܝ ܐܰܘ ܠܳܐ. 5ܘܒܽܗ̄ܘ ܝܰܘܡܳܐ ܕܰܗ̄ܢ ܐ݄ܫܬܳܐ، ܛܪܳܐ ܡܰܠܬܡܺܝ ܠܰܬܪܶܝ ܝܰܘܡ̈ܶܐ، ܙ݄ܕ ܡܽܗ̄ܘ ܡܶܕܶܐ ܕܡܰܠܬܡܺܝ ܒܟܘ̇ܠ ܝܰܘܡܳܐ.“ 6ܘܐܡ݄ܪّܶܗ ܡܽܘܫܶܐ ܘܰܐܗܪܽܘܢ ܠܟܽܘܠّܶܗ ܗ̄ܰܢ ܐܰܒܢ̈ܶܐ ܕܺܐܝܣܪܳܐܶܝܠ: ”ܒ݄ܓܢܰܝܬܶܗ ܕܝܰܘܡܳܐ ܓܕ݄ܐܕ̥ܥܺܝܬܽܘ ܕܡܳܪܝܳܐ ܡܰܘܦܰܩ ܠܶܗ ܠܟ̥ܽܘ ܡܶܢ̱ ܡܶܨܪܶܝܢ. 7ܘ݄ܒܨܰܦܪܳܐ ܓܚܳܙܺܝܬܽܘ ܗ̄ܽܘ ܫܽܘܒܚܳܐ ܕܡܳܪܝܳܐ ܥܰܠ ܕ݄ܫܡܺܝܥ ܗ̄ܽܘ ܛܽܘܪܛܳܡܰܬ̥ܟ̥ܽܘ ܩ݄ܕ̱ܡ ܡܳܪܝܳܐ. ܘܰܐܚܢܰܐ ܡܰܢ ܐܰܚܢܰܐ ܕܟܳܡܛܰܪܛܡܺܝܬܽܘ ܐܰܥܠܰܢ؟“ 8ܘܐܡ݄ܪ ܠܰܗ ܠّܶܗ ܡܽܘܫܶܐ: ”ܡ݄ܐ ܕܗܽܒ̥ ܠܶܗ ܠܟ̥ܽܘ ܡܳܪܝܳܐ ܒܰܣܪܳܐ ܠܽܗ̄ܘ ܡܽܐܘܟܠܳܐ ܒ݄ܓܢܰܝܬܶܗ ܕܝܰܘܡܳܐ، ܘ݄ܒܨܰܦܪܳܐ ܠܰܚܡܳܐ ܕܣܰܒ̥ܥܺܝܬܽܘ، ܡܺܐܝܕ̥ܶܗ ܕܡܳܪܝܳܐ ܫܰܡ݄ܥ ܗ̄ܽܘ ܛܽܘܪܛܳܡܰܬ̥ܟ̥ܽܘ ܕܟܳܡܛܰܪܛܡܺܝܬܽܘ ܐܰܥܠܶܗ. ܘܰܐܚܢܰܐ ܡܰܢ ܐܰܚܢܰܐ؟ ܠܳܐ ܐܰܥܠܰܢ ܟ݄ܡܛܰܪܛܡܺܝܬܽܘ ܐܶܠܳܐ ܥܰܠ ܡܳܪܝܳܐ.“ 9ܘܐܡ݄ܪ ܠܶܗ ܡܽܘܫܶܐ ܠܰܐܗܪܽܘܢ: ”ܐܰܡܰܪ ܠܺܗ̄ܝ ܟ̥ܢܽܘܫܬܳܐ ܕܰܗ̄ܢ ܐܰܒܢ̈ܶܐ ܕܺܐܝܣܪܳܐܶܝܠ ܟܽܘܠܰܗ: ܡܩܰܪܶܒ̥ܽܘ ܩ݄ܕ̱ܡ ܡܳܪܝܳܐ ܥܰܠ ܕܫܰܡ݄ܥ ܡܳܪܝܳܐ ܗ̄ܽܘ ܛܽܘܪܛܳܡܰܬ̥ܟ̥ܽܘ.“ 10ܘܗܰܘܺܝ ܗ̄ܺܝ ܢܰܩܠܐ ܕܐܡ݄ܪ ܠܶܗ ܐܰܗܪܽܘܢ ܠܟܽܘܠܰܗ ܗ̄ܺܝ ܟ̥ܢܽܘܫܬܳܐ ܕܰܗ̄ܢ ܐܰܒܢ̈ܶܐ ܕܺܐܝܣܪܳܐܶܝܠ، ܗܽܒّ̥ܶܗ ܦܳܬ̥ܰܝّܶܗ ܠܽܗ̄ܘ ܡܰܕ̥݄ܒܪܳܐ، ܘܟܰܐܠܶܗ ܗ̄ܽܘ ܫܽܘܒܚܳܐ ܕܡܳܪܝܳܐ ܚܙܶܐ ܒܽܗ̄ܘ ܥܰܝܡܳܐ. 11ܘܐܡ݄ܪ ܠܶܗ ܡܳܪܝܳܐ ܠܡܽܘܫܶܐ: 12”ܫܰܡ݄ܥ ܐ̱ܢܳܐ ܗ̄ܽܘ ܛܽܘܪܛܳܡܳܐ ܕܰܗ̄ܢ ܐܰܒܢ̈ܶܐ ܕܺܐܝܣܪܳܐܶܝܠ. ܐܰܡܰܪّܶܗ: ܒ݄ܓܢܰܝܬܶܗ ܕܝܰܘܡܳܐ، ܓܕܳܐܟ̥ܠܺܝܬܽܘ ܒܰܣܪܳܐ، ܘ݄ܒܨܰܦܪܳܐ ܓܣܰܒ̥ܥܺܝܬܽܘ ܠܰܚܡܳܐ، ܘ݄ܓܕ݄ܐܕ̥ܥܺܝܬܽܘ ܕܳܐܢܳܐ ܐ̱ܢܳܐ ܡܳܪܝܳܐ ܐܰܠܳܗܰܬ̥ܟ̥ܽܘ.“
13ܘܓܰܢܺܝ ܗ̄ܽܘ ܝܰܘܡܳܐ، ܘܣܰܠ݄ܩ ܗ̄ܽܘ ܛܰܝܪܳܐ ܕܣܰܠܘܰܝ ܘ݄ܡܟܰܣܶܐ ܠܶܗ ܗ̄ܺܝ ܡܰܫܪܺܝܬ̥ܳܐ. ܘ݄ܒܨܰܦܪܳܐ، ܗܳܘܶܐ ܗ̄ܘܰܐ ܢܚܳܬܳܐ ܕܛܰܠܳܐ ܠܚܶܕ̥ܳܪ ܕܺܗ̄ܝ ܡܰܫܪܺܝܬ̥ܳܐ. 14ܘܣܰܠ݄ܩ ܗ̄ܽܘ ܛܰܠܳܐ، ܘܗܰܘܺܝ ܥܰܠ ܦܳܬ̥ܶܗ ܕܽܗ̄ܘ ܡܰܕ̥݄ܒܪܳܐ ܡܶܕܶܐ ܪܰܩܺܝܩܳܐ ܕܟܳܡ݄ܩܠ݄ܦ ܘ݄ܓܪܺܝܫ ܐܟ̥ ܕܽܗ̄ܘ ܓܠܺܝܕ̥ܳܐ ܥܰܠ ܗ̄ܺܝ ܐܰܪܥܳܐ. 15ܘ݄ܚܙܰܠّܶܗ ܗ̄ܰܢ ܐܰܒܢ̈ܶܐ ܕܺܐܝܣܪܳܐܶܝܠ ܘܐܡ݄ܪّܶܗ ܚܰܕ̱ ܠܽܗ̄ܘ ܐܰܚܽܘܢܳܐ ”ܡ݄ܢܝܳܐ“ (ܡܰܢܢܳܐ)، ܥܰܠ ܕܠܳܐ ܐܕ̥ܥܺܝ ܗ̄ܘܰܘ̱ ܡ݄ܢܝܳܐ. ܐܡ݄ܪ ܠܰܗ ܠّܶܗ ܡܽܘܫܶܐ: ”ܗܰܢܳܐ ܝܳܐ ܗ̄ܽܘ ܠܰܚܡܳܐ ܕܗܽܒ̥ ܠܶܗ ܠܟ̥ܽܘ ܝܳܐ ܡܳܪܝܳܐ ܕܳܐܟ̥ܠܺܝܬܽܘ. 16ܘܗܰܢܳܐ ܝܳܐ ܗ̄ܽܘ ܡܰܐܡܪܳܐ ܕ݄ܦܩ݄ܕ ܠܶܗ ܡܳܪܝܳܐ: ܠܩܰܛܽܘ ܡܶܢܶܗ، ܟܘ̇ܠ ܚܰܕ̱ ܒܽܗ̄ܘ ܟܰܝܠܳܐ ܕܽܗ̄ܘ ܡܽܐܘܟܠܰܝܕ̥ܶܗ، ܚܰܕ̱ ܟܰܝܠܳܐ ܠܟܘ̇ܠ ܚܰܕ̱، ܥܰܠ ܗ̄ܽܘ ܡܶܢܝܳܢܳܐ ܕܰܗ̄ܢ ܢܰܦܫ̈ܳܬ̥ܰܬ̥ܟ̥ܽܘ، ܠܟܘ̇ܠ ܚܰܕ̱ ܠܰܐܝܢܰܐ ܕܟ݄ܬܢܶܝ ܒܽܗ̄ܘ ܡܰܫܟܢܰܝܕ̥ܶܗ ܓܡܰܝܕܺܝܬܽܘ.“
17ܘܗܰܘܟ̥ܰܐ ܣ݄ܡّܶܗ ܗ̄ܰܢ ܐܰܒܢ̈ܶܐ ܕܺܐܝܣܪܳܐܶܝܠ ܘ݄ܠܩ݄ܛّܶܗ (ܘܡܰܠܬܰܡّܶܗ). ܟܺܝܬ ܡܰܢ ܕ݄ܠܩ݄ܛ ܠܶܗ ܙ݄ܕ ܘܟܺܝܬ ܡܰܢ ܕ݄ܠܩ݄ܛ ܠܶܗ ܢܳܩ݄ܨ. 18ܘܡܰܟ݄ܠّܶܗ ܒܽܗ̄ܘ ܟܰܝܠܳܐ، ܘܠܳܐ ܡܰܙ݄ܕّܶܗ ܗܰܢܺܝ ܕܡ݄ܕّܶܗ ܙ݄ܕ، ܘܗܰܢܺܝ ܕܡ݄ܕّܶܗ ܢܳܩ݄ܨ ܠܳܐ ܢܰܩ݄ܨ ܐܰܥܠܰܝّܶܗ. ܟܘ̇ܠ ܚܰܕ̱ ܒܽܗ̄ܘ ܟܰܝܠܳܐ ܕܽܗ̄ܘ ܡܽܐܘܟܠܰܝܕ̥ܶܗ ܡ݄ܕّܶܗ.
19ܐܡ݄ܪ ܠܰܗ ܠّܶܗ ܡܽܘܫܶܐ: ”ܢܳܫܳܐ ܠܳܐ ܡܰܙ݄ܕ ܡܶܢܶܗ ܠܨܰܦܪܳܐ.“ 20ܘܠܳܐ ܫܰܡܺܝܥܺܝ ܠܡܽܘܫܶܐ. ܘܗ݄ܢ ܡܰܢ̱ ܓّܰܒ̥ܪ̈ܶܐ ܡܰܙ݄ܕّܶܗ ܠܨܰܦܪܳܐ، ܘ݄ܡܠܶܐ ܬܠܰܘܥ̈ܶܐ ܘܣܰܪܺܝ. ܘ݄ܪܓ̥ܺܝܙ ܐܰܥܠܰܝّܶܗ ܡܽܘܫܶܐ. 21ܘܠܳܩܛܺܝ ܗ̄ܘܰܝ ܠܶܗ ܨܰܦܪܳܐ ܒܨܰܦܪܳܐ. ܟܘ̇ܠ ܚܰܕ̱ ܐܟ̥ ܕܽܗ̄ܘ ܟܰܝܠܳܐ ܕܽܗ̄ܘ ܡܽܐܘܟܠܰܝܕ̥ܶܗ. ܘܡ݄ܐ ܕܫܳܚܢܳܐ ܗ̄ܘܰܐ ܗ̄ܺܝ ܫܶܡܫܳܐ، ܦܳܫܰܪ ܗ̄ܘܰܐ.
22ܘܗܰܘܺܝ ܒܽܗ̄ܘ ܝܰܘܡܳܐ ܕܰܗ̄ܢ ܐ݄ܫܬܳܐ، ܠܩ݄ܛّܶܗ ܠܰܚܡܳܐ ܟܘ̇ܠ ܚܰܕ̱ ܬܪܶܝ. ܬܪܶܝ ܟܰܝ̈ܠܶܐ ܠܟܘ̇ܠ ܚܰܕ̱. ܘܰܐܬ̥݄ܢ ܟܽܘܠّܶܗ ܗ̄ܰܣّܳܒ̥̈ܶܐ ܕܺܗ̄ܝ ܟ̥ܢܽܘܫܬܳܐ. ܘܡܰܚܘܰܠّܶܗ ܠܡܽܘܫܶܐ. 23ܘܐܡ݄ܪ ܠܰܗ ܠّܶܗ ܡܽܘܫܶܐ: ”ܗܰܢܳܐ ܝܳܐ ܕܐܡ݄ܪ ܠܶܗ ܡܳܪܝܳܐ: ܗ̄ܺܝ ܫܰܒܬ̥ܳܐ ܢܝܳܚܬܳܐ ܝܳܐ، ܩܽܘܕܫܳܐ ܠܡܳܪܝܳܐ ܝܳܐ ܪܰܡܚ݄ܠ. ܗ̄ܽܘ ܠܰܚܡܳܐ ܕ݄ܟܣܰܝܡܺܝܬܽܘ ܣܽܘܡܽܘ، ܘܽܗ̄ܘ ܒܰܫّܳܠܳܐ ܕ݄ܡܒܰܫܠܺܝܬܽܘ ܡܒܰܫܶܠܽܘ، ܘܽܗ̄ܘ ܡܶܕܶܐ ܕܙܳܝ݄ܕ ܢܛܰܪܽܘ ܠܶܗ ܐܰܠܟ̥ܽܘ ܩܰܪ̱ܺܝܪܳܐ ܠܨܰܦܪܳܐ.“ 24ܘ݄ܛܪܰܠّܶܗ ܡܶܢܶܗ ܠܨܰܦܪܳܐ ܐܟ̥ ܕ݄ܡܦܰܩܕܺܝ ܠܶܗ ܡܽܘܫܶܐ، ܘܠܳܐ ܣܰܪܺܝ ܘܠܰܐ ܗ̄ܘܺܝ ܬܠܰܘܥ̈ܶܐ ܐܶܒܶܗ. 25ܐܡ݄ܪ ܠܰܗ ܠّܶܗ ܡܽܘܫܶܐ: ”ܐܰܟ̥ܽܘܠܽܘ ܠܶܗ ܐܰܕܝܰܘܡܰܐ، ܡܺܐܝܕ̥ܶܗ ܕܰܐܕܝܰܘܡܰܐ ܫܰܒܬ̥ܳܐ ܝܳܐ ܠܡܳܪܝܳܐ. ܐܰܕܝܰܘܡܰܐ ܠ݄ܐ ܓܚܳܙܺܝܬܽܘ ܠܶܗ ܒܺܗ̄ܝ ܚܰܩܠܳܐ. 26ܐ݄ܫܬܳܐ ܝܰܘܡ̈ܶܐ ܟܠܳܩܛܺܝܬܽܘ ܠܶܗ. ܘܽܗ̄ܘ ܝܰܘܡܳܐ ܕܰܫّܰܒ̥ܥܳܐ ܫܰܒܬ̥ܳܐ ܝܳܐ ܠ݄ܐ ܟܳܗ̄ܘܶܐ ܐܶܒܰܗ.“
27ܘܗܰܘܺܝ ܒܽܗ̄ܘ ܝܰܘܡܳܐ ܕܰܫّܰܒ̥ܥܳܐ، ܢܰܦܺܝܩܺܝ ܗ݄ܢ ܡܽܗ̄ܘ ܥܰܡܳܐ ܕܠܳܩܛܺܝ ܘܠܳܐ ܚܙܰܠّܶܗ. 28ܘܐܡ݄ܪ ܠܶܗ ܡܳܪܝܳܐ ܠܡܽܘܫܶܐ: ”ܗ݄ܠ ܠܶܐܡܰܐ ܠ݄ܐ ܟ݄ܐܒܥܺܝܬܽܘ ܕܢܳܛܪܺܝܬܽܘ ܗ̄ܰܦّܽܘܩܕ̈ܳܢܰܝܕ̥ܺܝ ܘܰܗ̄ܢ ܢܳܡܽܘܣ̈ܰܝܕ̥ܺܝ. 29ܚܙܰܝܽܘ ܕܡܳܪܝܳܐ ܗܽܒ̥ ܠܶܗ ܠܟ̥ܽܘ ܗ̄ܺܝ ܫܰܒܬ̥ܳܐ، ܡܰܗ̄ܘܟ̥ܰܐ ܟܳܗ̄ܒܰܠܟ̥ܽܘ ܡܳܪܝܳܐ ܒܽܗ̄ܘ ܝܰܘܡܳܐ ܕܰܗ̄ܢ ܐ݄ܫܬܳܐ ܠܰܚܡܳܐ ܠܰܬܪܶܝ ܝܰܘܡ̈ܶܐ. ܝܺܬܰܒ̥ܽܘ ܟܘ̇ܠ ܚܰܕ̱ ܒܺܗ̄ܝ ܕܽܘܟܬ̥ܰܝܕ̥ܶܗ، ܘܢܳܫܳܐ ܠܳܐ ܢܳܦ݄ܩ ܡܽܗ̄ܘ ܬܰܪܥܳܐ ܕܽܗ̄ܘ ܒܰܝܬܰܝܕ̥ܶܗ ܒܽܗ̄ܘ ܝܰܘܡܳܐ ܕܰܫّܰܒ̥ܥܳܐ.“ 30ܘ݄ܬ̥ܢܺܝܚ ܗ̄ܽܘ ܥܰܡܳܐ ܒܽܗ̄ܘ ܝܰܘܡܳܐ ܕܰܫّܰܒ̥ܥܳܐ. 31ܘ݄ܩܪܰܠّܶܗ ܗ̄ܰܢ ܐܰܒܢ̈ܶܐ ܕܺܐܝܣܪܳܐܶܝܠ ܐ݄ܫܡܶܗ ”ܡܰܢܢܳܐ“. ܘܗܺܝّܶܗ ܐܟ̥ ܕܽܗ̄ܘ ܙܰܪܥܳܐ ܕܟ݄ܣܒܰܪܬܳܐ ܝܳܐ، ܚܶܘܳܪܳܐ ܘܛܰܥܡܶܗ ܐܟ̥ ܕܽܗ̄ܘ ܕܰܒ̥ܫܳܐ ܝܳܐ.
32ܘܐܡ݄ܪ ܠܶܗ ܡܽܘܫܶܐ: ”ܗܰܢܳܐ ܝܳܐ ܗ̄ܽܘ ܦܽܘܩܕܳܢܳܐ ܕܐܡ݄ܪ ܠܶܗ ܡܳܪܝܳܐ: ܟܰܝܠܳܐ ܡܶܢܶܗ ܛܪܳܐ ܡ݄ܢܛ݄ܪ ܠܰܕّܳܪ̈ܰܬ̥ܟ̥ܽܘ (ܠܽܗ̄ܘ ܙܰܪܥܰܬ̥ܟ̥ܽܘ) ܠܰܫܰܢ ܕܚܳܙ݄ܢ ܗ̄ܽܘ ܠܰܚܡܳܐ ܕܡܰܘܟܶܠ ܠܺܝ ܠܟ̥ܽܘ ܒܽܗ̄ܘ ܡܰܕ̥݄ܒܪܳܐ ܗ̄ܺܝ ܢܰܩܠܐ ܕܡܰܘܦܰܩ ܠܺܝ ܠܟ̥ܽܘ ܡܶܢ̱ ܡܶܨܪܶܝܢ.“ 33ܘܐܡ݄ܪ ܠܶܗ ܡܽܘܫܶܐ ܠܰܐܗܪܽܘܢ: ”ܡܘ̇ܕ ܣܶܦܳܩܳܐ ܘܡܰܚ݄ܬ ܐܶܒܶܗ ܟܰܝܠܳܐ ܕܡܰܢܢܳܐ ܘܡܰܚܶܬܶܗ ܩ݄ܕ̱ܡ ܡܳܪܝܳܐ ܕܡ݄ܢܛ݄ܪ ܠܰܕّܳܪ̈ܰܬ̥ܟ̥ܽܘ، 34ܐܟ̥ ܕܽܗ̄ܘ ܦܽܘܩܕܳܢܳܐ ܕܡܳܪܝܳܐ ܕܗܽܒ̥ ܠܶܗ ܠܺܝ.“ ܘܡܰܚ݄ܬ ܠܶܗ ܐܰܗܪܽܘܢ ܠܺܗ̄ܝ ܣܳܗܕܽܘܬ̥ܳܐ ܕܡ݄ܢܛ݄ܪ. 35ܘܰܗ̄ܢ ܐܰܒܢ̈ܶܐ ܕܺܐܝܣܪܳܐܶܝܠ ܐܰܟ̥݄ܠّܶܗ ܡܰܢܢܳܐ ܐܰܪܒܥܺܝ ܐ݄ܫܢ̈ܶܐ ܗ݄ܠ ܕܡܰܛ݄ܢ ܠܺܗ̄ܝ ܐܰܪܥܳܐ ܥܰܡ݄ܪܬܳܐ. ܡܰܢܢܳܐ ܐܰܟ̥݄ܠّܶܗ ܗ݄ܠ ܕܡܰܛ݄ܢ ܠܽܗ̄ܘ ܓܰܒܳܐ ܕܺܗ̄ܝ ܐܰܪܥܳܐ ܕ݄ܟܢܰܥܢ. 36ܘܽܗ̄ܘ ܟܰܝܠܳܐ ܚܰܕ̱ ܡܶܢ̱ ܥܰܣܪܳܐ ܟܳܗ̄ܘܶܐ ܕܽܗ̄ܘ ܣܰܠܳܐ.
Currently Selected:
ܣܶܦܪܳܐ ܕܡܰܦܩܳܢܳܐ 16: ܟܬܒܐ
Highlight
Share
Copy
Want to have your highlights saved across all your devices? Sign up or sign in
Suryoyo Bible © 2024 Aramaic Bible Translation
ܣܶܦܪܳܐ ܕܡܰܦܩܳܢܳܐ 16
16
1ܘܡܰܛܥܰܢّܶܗ ܡܶܢ̱ ܐܳܠܝܡ. ܘܺܗ̄ܝ ܟ̥ܢܽܘܫܬܳܐ ܟܽܘܠܰܗ ܕܰܗ̄ܢ ܐܰܒܢ̈ܶܐ ܕܺܐܝܣܪܳܐܶܝܠ ܐܰܬ̥݄ܢ ܠܽܗ̄ܘ ܡܰܕ̥݄ܒܪܳܐ ܕܣܺܝܢ، ܕܟ݄ܬ ܝܳܐ ܒܰܝܢ ܐܳܠܝܡ ܘܒܰܝܢ ܣܺܝܢܰܝ، ܒܚܰܡܫܰܥܣܰܪ ܒܽܗ̄ܘ ܝܰܪܚܳܐ ܕܰܬܪܶܝ ܒܽܗ̄ܘ ܙܰܒܢܳܐ ܕܢܰܦܺܝܩܺܝ ܐܶܒܶܗ ܗ̄ܰܢ ܐܰܒܢ̈ܶܐ ܕܺܐܝܣܪܳܐܶܝܠ ܡܶܢ̱ ܡܶܨܪܶܝܢ. 2ܘܟܽܘܠܰܗ ܗ̄ܺܝ ܟ̥ܢܽܘܫܬܳܐ ܕܰܗ̄ܢ ܐܰܒܢ̈ܶܐ ܕܺܐܝܣܪܳܐܶܝܠ ܡܛܰܪܛܰܡّܶܗ ܥܰܠ ܡܽܘܫܶܐ ܘܥܰܠ ܐܰܗܪܽܘܢ ܒܽܗ̄ܘ ܡܰܕ̥݄ܒܪܳܐ. 3ܘܐܡ݄ܪّܰܢّܶܗ ܗ̄ܰܢ ܐܰܒܢ̈ܶܐ ܕܺܐܝܣܪܳܐܶܝܠ: ”ܐܳܒܥܺܝ ܗ̄ܘܰܝܢܰܐ ܕܡܰܝܬ̥ܺܝܢܰܐ ܒܺܐܝܕ̥ܶܗ ܕܡܳܪܝܳܐ ܒܺܗ̄ܝ ܐܰܪܥܳܐ ܕܡܶܨܪܶܝܢ ܘܰܐܚܢܰܐ ܝܰܬܺܝܒ̥̈ܶܐ ܓܰܒ ܗ̄ܰܩّܰܩܒ̥̈ܶܐ ܕܽܗ̄ܘ ܒܰܣܪܳܐ ܘܳܐܟ̥ܠܺܝ ܗ̄ܘܰܝܢܰܐ ܠܰܚܡܳܐ ܘܣܰܒ̥ܥܺܝ ܗ̄ܘܰܝܢܰܐ. ܐܶܠܳܐ ܡܰܘܦܰܩܟ̥ܽܘ ܠܰܢ ܠܽܗ̄ܘ ܡܰܕ̥݄ܒܪܰܢܳܐ ܕܡܰܡܺܝܬ̥ܺܝܬܽܘ ܟܽܘܠܰܗ ܗ̄ܺܝ ܟ̥ܢܽܘܫܬܳܐ ܕܰܗ̄ܢ ܐܰܒܢ̈ܶܐ ܕܺܐܝܣܪܳܐܶܝܠ ܡܽܗ̄ܘ ܟܰܦܢܳܐ؟“
4ܘܐܡ݄ܪ ܠܶܗ ܡܳܪܝܳܐ ܠܡܽܘܫܶܐ: ”ܟܰܐܠܺܝ ܓܡܰܡܛܰܪ ܐ̱ܢܳܐ ܐܰܠܟ̥ܽܘ ܠܰܚܡܳܐ ܡܺܗ̄ܝ ܫܡܰܝܳܐ. ܘ݄ܛܪܳܐ ܢܳܦ݄ܩ ܗ̄ܽܘ ܥܰܡܳܐ ܘܠܳܩ݄ܛ ܗ̄ܽܘ ܡܽܐܘܟܠܳܐ ܟܘ̇ܠ ܝܰܘܡܳܐ ܒܽܗ̄ܘ ܝܰܘܡܰܝܕ̥ܶܗ، ܠܰܫܰܢ ܡܢܰܣܶܢܰܢّܶܗ ܘܚܳܙܶܐ ܐ̱ܢܳܐ ܐܶܢ ܓ݄ܡܗܰܠܟ̥ܺܝ ܒܰܗ̄ܢ ܢܳܡܽܘܣ̈ܰܝܕ̥ܺܝ ܐܰܘ ܠܳܐ. 5ܘܒܽܗ̄ܘ ܝܰܘܡܳܐ ܕܰܗ̄ܢ ܐ݄ܫܬܳܐ، ܛܪܳܐ ܡܰܠܬܡܺܝ ܠܰܬܪܶܝ ܝܰܘܡ̈ܶܐ، ܙ݄ܕ ܡܽܗ̄ܘ ܡܶܕܶܐ ܕܡܰܠܬܡܺܝ ܒܟܘ̇ܠ ܝܰܘܡܳܐ.“ 6ܘܐܡ݄ܪّܶܗ ܡܽܘܫܶܐ ܘܰܐܗܪܽܘܢ ܠܟܽܘܠّܶܗ ܗ̄ܰܢ ܐܰܒܢ̈ܶܐ ܕܺܐܝܣܪܳܐܶܝܠ: ”ܒ݄ܓܢܰܝܬܶܗ ܕܝܰܘܡܳܐ ܓܕ݄ܐܕ̥ܥܺܝܬܽܘ ܕܡܳܪܝܳܐ ܡܰܘܦܰܩ ܠܶܗ ܠܟ̥ܽܘ ܡܶܢ̱ ܡܶܨܪܶܝܢ. 7ܘ݄ܒܨܰܦܪܳܐ ܓܚܳܙܺܝܬܽܘ ܗ̄ܽܘ ܫܽܘܒܚܳܐ ܕܡܳܪܝܳܐ ܥܰܠ ܕ݄ܫܡܺܝܥ ܗ̄ܽܘ ܛܽܘܪܛܳܡܰܬ̥ܟ̥ܽܘ ܩ݄ܕ̱ܡ ܡܳܪܝܳܐ. ܘܰܐܚܢܰܐ ܡܰܢ ܐܰܚܢܰܐ ܕܟܳܡܛܰܪܛܡܺܝܬܽܘ ܐܰܥܠܰܢ؟“ 8ܘܐܡ݄ܪ ܠܰܗ ܠّܶܗ ܡܽܘܫܶܐ: ”ܡ݄ܐ ܕܗܽܒ̥ ܠܶܗ ܠܟ̥ܽܘ ܡܳܪܝܳܐ ܒܰܣܪܳܐ ܠܽܗ̄ܘ ܡܽܐܘܟܠܳܐ ܒ݄ܓܢܰܝܬܶܗ ܕܝܰܘܡܳܐ، ܘ݄ܒܨܰܦܪܳܐ ܠܰܚܡܳܐ ܕܣܰܒ̥ܥܺܝܬܽܘ، ܡܺܐܝܕ̥ܶܗ ܕܡܳܪܝܳܐ ܫܰܡ݄ܥ ܗ̄ܽܘ ܛܽܘܪܛܳܡܰܬ̥ܟ̥ܽܘ ܕܟܳܡܛܰܪܛܡܺܝܬܽܘ ܐܰܥܠܶܗ. ܘܰܐܚܢܰܐ ܡܰܢ ܐܰܚܢܰܐ؟ ܠܳܐ ܐܰܥܠܰܢ ܟ݄ܡܛܰܪܛܡܺܝܬܽܘ ܐܶܠܳܐ ܥܰܠ ܡܳܪܝܳܐ.“ 9ܘܐܡ݄ܪ ܠܶܗ ܡܽܘܫܶܐ ܠܰܐܗܪܽܘܢ: ”ܐܰܡܰܪ ܠܺܗ̄ܝ ܟ̥ܢܽܘܫܬܳܐ ܕܰܗ̄ܢ ܐܰܒܢ̈ܶܐ ܕܺܐܝܣܪܳܐܶܝܠ ܟܽܘܠܰܗ: ܡܩܰܪܶܒ̥ܽܘ ܩ݄ܕ̱ܡ ܡܳܪܝܳܐ ܥܰܠ ܕܫܰܡ݄ܥ ܡܳܪܝܳܐ ܗ̄ܽܘ ܛܽܘܪܛܳܡܰܬ̥ܟ̥ܽܘ.“ 10ܘܗܰܘܺܝ ܗ̄ܺܝ ܢܰܩܠܐ ܕܐܡ݄ܪ ܠܶܗ ܐܰܗܪܽܘܢ ܠܟܽܘܠܰܗ ܗ̄ܺܝ ܟ̥ܢܽܘܫܬܳܐ ܕܰܗ̄ܢ ܐܰܒܢ̈ܶܐ ܕܺܐܝܣܪܳܐܶܝܠ، ܗܽܒّ̥ܶܗ ܦܳܬ̥ܰܝّܶܗ ܠܽܗ̄ܘ ܡܰܕ̥݄ܒܪܳܐ، ܘܟܰܐܠܶܗ ܗ̄ܽܘ ܫܽܘܒܚܳܐ ܕܡܳܪܝܳܐ ܚܙܶܐ ܒܽܗ̄ܘ ܥܰܝܡܳܐ. 11ܘܐܡ݄ܪ ܠܶܗ ܡܳܪܝܳܐ ܠܡܽܘܫܶܐ: 12”ܫܰܡ݄ܥ ܐ̱ܢܳܐ ܗ̄ܽܘ ܛܽܘܪܛܳܡܳܐ ܕܰܗ̄ܢ ܐܰܒܢ̈ܶܐ ܕܺܐܝܣܪܳܐܶܝܠ. ܐܰܡܰܪّܶܗ: ܒ݄ܓܢܰܝܬܶܗ ܕܝܰܘܡܳܐ، ܓܕܳܐܟ̥ܠܺܝܬܽܘ ܒܰܣܪܳܐ، ܘ݄ܒܨܰܦܪܳܐ ܓܣܰܒ̥ܥܺܝܬܽܘ ܠܰܚܡܳܐ، ܘ݄ܓܕ݄ܐܕ̥ܥܺܝܬܽܘ ܕܳܐܢܳܐ ܐ̱ܢܳܐ ܡܳܪܝܳܐ ܐܰܠܳܗܰܬ̥ܟ̥ܽܘ.“
13ܘܓܰܢܺܝ ܗ̄ܽܘ ܝܰܘܡܳܐ، ܘܣܰܠ݄ܩ ܗ̄ܽܘ ܛܰܝܪܳܐ ܕܣܰܠܘܰܝ ܘ݄ܡܟܰܣܶܐ ܠܶܗ ܗ̄ܺܝ ܡܰܫܪܺܝܬ̥ܳܐ. ܘ݄ܒܨܰܦܪܳܐ، ܗܳܘܶܐ ܗ̄ܘܰܐ ܢܚܳܬܳܐ ܕܛܰܠܳܐ ܠܚܶܕ̥ܳܪ ܕܺܗ̄ܝ ܡܰܫܪܺܝܬ̥ܳܐ. 14ܘܣܰܠ݄ܩ ܗ̄ܽܘ ܛܰܠܳܐ، ܘܗܰܘܺܝ ܥܰܠ ܦܳܬ̥ܶܗ ܕܽܗ̄ܘ ܡܰܕ̥݄ܒܪܳܐ ܡܶܕܶܐ ܪܰܩܺܝܩܳܐ ܕܟܳܡ݄ܩܠ݄ܦ ܘ݄ܓܪܺܝܫ ܐܟ̥ ܕܽܗ̄ܘ ܓܠܺܝܕ̥ܳܐ ܥܰܠ ܗ̄ܺܝ ܐܰܪܥܳܐ. 15ܘ݄ܚܙܰܠّܶܗ ܗ̄ܰܢ ܐܰܒܢ̈ܶܐ ܕܺܐܝܣܪܳܐܶܝܠ ܘܐܡ݄ܪّܶܗ ܚܰܕ̱ ܠܽܗ̄ܘ ܐܰܚܽܘܢܳܐ ”ܡ݄ܢܝܳܐ“ (ܡܰܢܢܳܐ)، ܥܰܠ ܕܠܳܐ ܐܕ̥ܥܺܝ ܗ̄ܘܰܘ̱ ܡ݄ܢܝܳܐ. ܐܡ݄ܪ ܠܰܗ ܠّܶܗ ܡܽܘܫܶܐ: ”ܗܰܢܳܐ ܝܳܐ ܗ̄ܽܘ ܠܰܚܡܳܐ ܕܗܽܒ̥ ܠܶܗ ܠܟ̥ܽܘ ܝܳܐ ܡܳܪܝܳܐ ܕܳܐܟ̥ܠܺܝܬܽܘ. 16ܘܗܰܢܳܐ ܝܳܐ ܗ̄ܽܘ ܡܰܐܡܪܳܐ ܕ݄ܦܩ݄ܕ ܠܶܗ ܡܳܪܝܳܐ: ܠܩܰܛܽܘ ܡܶܢܶܗ، ܟܘ̇ܠ ܚܰܕ̱ ܒܽܗ̄ܘ ܟܰܝܠܳܐ ܕܽܗ̄ܘ ܡܽܐܘܟܠܰܝܕ̥ܶܗ، ܚܰܕ̱ ܟܰܝܠܳܐ ܠܟܘ̇ܠ ܚܰܕ̱، ܥܰܠ ܗ̄ܽܘ ܡܶܢܝܳܢܳܐ ܕܰܗ̄ܢ ܢܰܦܫ̈ܳܬ̥ܰܬ̥ܟ̥ܽܘ، ܠܟܘ̇ܠ ܚܰܕ̱ ܠܰܐܝܢܰܐ ܕܟ݄ܬܢܶܝ ܒܽܗ̄ܘ ܡܰܫܟܢܰܝܕ̥ܶܗ ܓܡܰܝܕܺܝܬܽܘ.“
17ܘܗܰܘܟ̥ܰܐ ܣ݄ܡّܶܗ ܗ̄ܰܢ ܐܰܒܢ̈ܶܐ ܕܺܐܝܣܪܳܐܶܝܠ ܘ݄ܠܩ݄ܛّܶܗ (ܘܡܰܠܬܰܡّܶܗ). ܟܺܝܬ ܡܰܢ ܕ݄ܠܩ݄ܛ ܠܶܗ ܙ݄ܕ ܘܟܺܝܬ ܡܰܢ ܕ݄ܠܩ݄ܛ ܠܶܗ ܢܳܩ݄ܨ. 18ܘܡܰܟ݄ܠّܶܗ ܒܽܗ̄ܘ ܟܰܝܠܳܐ، ܘܠܳܐ ܡܰܙ݄ܕّܶܗ ܗܰܢܺܝ ܕܡ݄ܕّܶܗ ܙ݄ܕ، ܘܗܰܢܺܝ ܕܡ݄ܕّܶܗ ܢܳܩ݄ܨ ܠܳܐ ܢܰܩ݄ܨ ܐܰܥܠܰܝّܶܗ. ܟܘ̇ܠ ܚܰܕ̱ ܒܽܗ̄ܘ ܟܰܝܠܳܐ ܕܽܗ̄ܘ ܡܽܐܘܟܠܰܝܕ̥ܶܗ ܡ݄ܕّܶܗ.
19ܐܡ݄ܪ ܠܰܗ ܠّܶܗ ܡܽܘܫܶܐ: ”ܢܳܫܳܐ ܠܳܐ ܡܰܙ݄ܕ ܡܶܢܶܗ ܠܨܰܦܪܳܐ.“ 20ܘܠܳܐ ܫܰܡܺܝܥܺܝ ܠܡܽܘܫܶܐ. ܘܗ݄ܢ ܡܰܢ̱ ܓّܰܒ̥ܪ̈ܶܐ ܡܰܙ݄ܕّܶܗ ܠܨܰܦܪܳܐ، ܘ݄ܡܠܶܐ ܬܠܰܘܥ̈ܶܐ ܘܣܰܪܺܝ. ܘ݄ܪܓ̥ܺܝܙ ܐܰܥܠܰܝّܶܗ ܡܽܘܫܶܐ. 21ܘܠܳܩܛܺܝ ܗ̄ܘܰܝ ܠܶܗ ܨܰܦܪܳܐ ܒܨܰܦܪܳܐ. ܟܘ̇ܠ ܚܰܕ̱ ܐܟ̥ ܕܽܗ̄ܘ ܟܰܝܠܳܐ ܕܽܗ̄ܘ ܡܽܐܘܟܠܰܝܕ̥ܶܗ. ܘܡ݄ܐ ܕܫܳܚܢܳܐ ܗ̄ܘܰܐ ܗ̄ܺܝ ܫܶܡܫܳܐ، ܦܳܫܰܪ ܗ̄ܘܰܐ.
22ܘܗܰܘܺܝ ܒܽܗ̄ܘ ܝܰܘܡܳܐ ܕܰܗ̄ܢ ܐ݄ܫܬܳܐ، ܠܩ݄ܛّܶܗ ܠܰܚܡܳܐ ܟܘ̇ܠ ܚܰܕ̱ ܬܪܶܝ. ܬܪܶܝ ܟܰܝ̈ܠܶܐ ܠܟܘ̇ܠ ܚܰܕ̱. ܘܰܐܬ̥݄ܢ ܟܽܘܠّܶܗ ܗ̄ܰܣّܳܒ̥̈ܶܐ ܕܺܗ̄ܝ ܟ̥ܢܽܘܫܬܳܐ. ܘܡܰܚܘܰܠّܶܗ ܠܡܽܘܫܶܐ. 23ܘܐܡ݄ܪ ܠܰܗ ܠّܶܗ ܡܽܘܫܶܐ: ”ܗܰܢܳܐ ܝܳܐ ܕܐܡ݄ܪ ܠܶܗ ܡܳܪܝܳܐ: ܗ̄ܺܝ ܫܰܒܬ̥ܳܐ ܢܝܳܚܬܳܐ ܝܳܐ، ܩܽܘܕܫܳܐ ܠܡܳܪܝܳܐ ܝܳܐ ܪܰܡܚ݄ܠ. ܗ̄ܽܘ ܠܰܚܡܳܐ ܕ݄ܟܣܰܝܡܺܝܬܽܘ ܣܽܘܡܽܘ، ܘܽܗ̄ܘ ܒܰܫّܳܠܳܐ ܕ݄ܡܒܰܫܠܺܝܬܽܘ ܡܒܰܫܶܠܽܘ، ܘܽܗ̄ܘ ܡܶܕܶܐ ܕܙܳܝ݄ܕ ܢܛܰܪܽܘ ܠܶܗ ܐܰܠܟ̥ܽܘ ܩܰܪ̱ܺܝܪܳܐ ܠܨܰܦܪܳܐ.“ 24ܘ݄ܛܪܰܠّܶܗ ܡܶܢܶܗ ܠܨܰܦܪܳܐ ܐܟ̥ ܕ݄ܡܦܰܩܕܺܝ ܠܶܗ ܡܽܘܫܶܐ، ܘܠܳܐ ܣܰܪܺܝ ܘܠܰܐ ܗ̄ܘܺܝ ܬܠܰܘܥ̈ܶܐ ܐܶܒܶܗ. 25ܐܡ݄ܪ ܠܰܗ ܠّܶܗ ܡܽܘܫܶܐ: ”ܐܰܟ̥ܽܘܠܽܘ ܠܶܗ ܐܰܕܝܰܘܡܰܐ، ܡܺܐܝܕ̥ܶܗ ܕܰܐܕܝܰܘܡܰܐ ܫܰܒܬ̥ܳܐ ܝܳܐ ܠܡܳܪܝܳܐ. ܐܰܕܝܰܘܡܰܐ ܠ݄ܐ ܓܚܳܙܺܝܬܽܘ ܠܶܗ ܒܺܗ̄ܝ ܚܰܩܠܳܐ. 26ܐ݄ܫܬܳܐ ܝܰܘܡ̈ܶܐ ܟܠܳܩܛܺܝܬܽܘ ܠܶܗ. ܘܽܗ̄ܘ ܝܰܘܡܳܐ ܕܰܫّܰܒ̥ܥܳܐ ܫܰܒܬ̥ܳܐ ܝܳܐ ܠ݄ܐ ܟܳܗ̄ܘܶܐ ܐܶܒܰܗ.“
27ܘܗܰܘܺܝ ܒܽܗ̄ܘ ܝܰܘܡܳܐ ܕܰܫّܰܒ̥ܥܳܐ، ܢܰܦܺܝܩܺܝ ܗ݄ܢ ܡܽܗ̄ܘ ܥܰܡܳܐ ܕܠܳܩܛܺܝ ܘܠܳܐ ܚܙܰܠّܶܗ. 28ܘܐܡ݄ܪ ܠܶܗ ܡܳܪܝܳܐ ܠܡܽܘܫܶܐ: ”ܗ݄ܠ ܠܶܐܡܰܐ ܠ݄ܐ ܟ݄ܐܒܥܺܝܬܽܘ ܕܢܳܛܪܺܝܬܽܘ ܗ̄ܰܦّܽܘܩܕ̈ܳܢܰܝܕ̥ܺܝ ܘܰܗ̄ܢ ܢܳܡܽܘܣ̈ܰܝܕ̥ܺܝ. 29ܚܙܰܝܽܘ ܕܡܳܪܝܳܐ ܗܽܒ̥ ܠܶܗ ܠܟ̥ܽܘ ܗ̄ܺܝ ܫܰܒܬ̥ܳܐ، ܡܰܗ̄ܘܟ̥ܰܐ ܟܳܗ̄ܒܰܠܟ̥ܽܘ ܡܳܪܝܳܐ ܒܽܗ̄ܘ ܝܰܘܡܳܐ ܕܰܗ̄ܢ ܐ݄ܫܬܳܐ ܠܰܚܡܳܐ ܠܰܬܪܶܝ ܝܰܘܡ̈ܶܐ. ܝܺܬܰܒ̥ܽܘ ܟܘ̇ܠ ܚܰܕ̱ ܒܺܗ̄ܝ ܕܽܘܟܬ̥ܰܝܕ̥ܶܗ، ܘܢܳܫܳܐ ܠܳܐ ܢܳܦ݄ܩ ܡܽܗ̄ܘ ܬܰܪܥܳܐ ܕܽܗ̄ܘ ܒܰܝܬܰܝܕ̥ܶܗ ܒܽܗ̄ܘ ܝܰܘܡܳܐ ܕܰܫّܰܒ̥ܥܳܐ.“ 30ܘ݄ܬ̥ܢܺܝܚ ܗ̄ܽܘ ܥܰܡܳܐ ܒܽܗ̄ܘ ܝܰܘܡܳܐ ܕܰܫّܰܒ̥ܥܳܐ. 31ܘ݄ܩܪܰܠّܶܗ ܗ̄ܰܢ ܐܰܒܢ̈ܶܐ ܕܺܐܝܣܪܳܐܶܝܠ ܐ݄ܫܡܶܗ ”ܡܰܢܢܳܐ“. ܘܗܺܝّܶܗ ܐܟ̥ ܕܽܗ̄ܘ ܙܰܪܥܳܐ ܕܟ݄ܣܒܰܪܬܳܐ ܝܳܐ، ܚܶܘܳܪܳܐ ܘܛܰܥܡܶܗ ܐܟ̥ ܕܽܗ̄ܘ ܕܰܒ̥ܫܳܐ ܝܳܐ.
32ܘܐܡ݄ܪ ܠܶܗ ܡܽܘܫܶܐ: ”ܗܰܢܳܐ ܝܳܐ ܗ̄ܽܘ ܦܽܘܩܕܳܢܳܐ ܕܐܡ݄ܪ ܠܶܗ ܡܳܪܝܳܐ: ܟܰܝܠܳܐ ܡܶܢܶܗ ܛܪܳܐ ܡ݄ܢܛ݄ܪ ܠܰܕّܳܪ̈ܰܬ̥ܟ̥ܽܘ (ܠܽܗ̄ܘ ܙܰܪܥܰܬ̥ܟ̥ܽܘ) ܠܰܫܰܢ ܕܚܳܙ݄ܢ ܗ̄ܽܘ ܠܰܚܡܳܐ ܕܡܰܘܟܶܠ ܠܺܝ ܠܟ̥ܽܘ ܒܽܗ̄ܘ ܡܰܕ̥݄ܒܪܳܐ ܗ̄ܺܝ ܢܰܩܠܐ ܕܡܰܘܦܰܩ ܠܺܝ ܠܟ̥ܽܘ ܡܶܢ̱ ܡܶܨܪܶܝܢ.“ 33ܘܐܡ݄ܪ ܠܶܗ ܡܽܘܫܶܐ ܠܰܐܗܪܽܘܢ: ”ܡܘ̇ܕ ܣܶܦܳܩܳܐ ܘܡܰܚ݄ܬ ܐܶܒܶܗ ܟܰܝܠܳܐ ܕܡܰܢܢܳܐ ܘܡܰܚܶܬܶܗ ܩ݄ܕ̱ܡ ܡܳܪܝܳܐ ܕܡ݄ܢܛ݄ܪ ܠܰܕّܳܪ̈ܰܬ̥ܟ̥ܽܘ، 34ܐܟ̥ ܕܽܗ̄ܘ ܦܽܘܩܕܳܢܳܐ ܕܡܳܪܝܳܐ ܕܗܽܒ̥ ܠܶܗ ܠܺܝ.“ ܘܡܰܚ݄ܬ ܠܶܗ ܐܰܗܪܽܘܢ ܠܺܗ̄ܝ ܣܳܗܕܽܘܬ̥ܳܐ ܕܡ݄ܢܛ݄ܪ. 35ܘܰܗ̄ܢ ܐܰܒܢ̈ܶܐ ܕܺܐܝܣܪܳܐܶܝܠ ܐܰܟ̥݄ܠّܶܗ ܡܰܢܢܳܐ ܐܰܪܒܥܺܝ ܐ݄ܫܢ̈ܶܐ ܗ݄ܠ ܕܡܰܛ݄ܢ ܠܺܗ̄ܝ ܐܰܪܥܳܐ ܥܰܡ݄ܪܬܳܐ. ܡܰܢܢܳܐ ܐܰܟ̥݄ܠّܶܗ ܗ݄ܠ ܕܡܰܛ݄ܢ ܠܽܗ̄ܘ ܓܰܒܳܐ ܕܺܗ̄ܝ ܐܰܪܥܳܐ ܕ݄ܟܢܰܥܢ. 36ܘܽܗ̄ܘ ܟܰܝܠܳܐ ܚܰܕ̱ ܡܶܢ̱ ܥܰܣܪܳܐ ܟܳܗ̄ܘܶܐ ܕܽܗ̄ܘ ܣܰܠܳܐ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Suryoyo Bible © 2024 Aramaic Bible Translation