ܣܶܦܪܳܐ ܕܡܰܦܩܳܢܳܐ 11
11
1ܘܐܡ݄ܪ ܠܶܗ ܡܳܪܝܳܐ ܠܡܽܘܫܶܐ: ”ܗܶܫ ܡܚܰܝܬܳܐ ܚܪܶܬܳܐ ܓܡܰܝܬܶܐ ܐ̱ܢܳܐ ܥܰܠ ܦܶܪܥܽܘܢ ܘܥܰܠ ܗ̄ܰܡّܶܨܪ̈ܳܝܶܐ. ܘܗܶܕܺܝ ܓ݄ܡܫܰܕܰܪܢܰܢܟ̥ܽܘ ܡܰܗ̄ܪܟܶܐ. ܘܡ݄ܐ ܕ݄ܡܫܰܕܰܪ ܠܺܝ ܠܟ̥ܽܘ، ܟܽܘܠܟ̥ܽܘ ܢܦܰܩܽܘ ܡܰܗ̄ܪܟܶܐ. 2ܘܐܡܰܪ ܩ݄ܕ̱ܡ ܗ̄ܽܘ ܥܰܡܳܐ: ܟܘ̇ܠ ܓܰܒ̥ܪܳܐ ܛܪܳܐ ܐܳܒ݄ܥ ܡܽܗ̄ܘ ܚܰܒ̥ܪܳܐ ܘܟܘ̇ܠ ܐܰܢ̱ܬ̥ܬܳܐ ܡܺܗ̄ܝ ܚܒ̥ܰܪܬ̥ܳܐ (ܘܡܰܝܕܺܝ) ܣܶܦܳܩ̈ܶܐ ܕܣܶܐܡܳܐ ܘܣܶܦܳܩ̈ܶܐ ܕܕܰܗܒ̥ܳܐ.“ 3ܘܡܰܚ݄ܬ ܠܶܗ ܡܳܪܝܳܐ ܪ̈ܰܚܡܶܐ ܒܥܰܝܢ̈ܶܐ ܕܰܡّܶܨܪ̈ܳܝܶܐ ܥܰܠ ܗ̄ܽܘ ܥܰܡܳܐ. ܘܡܽܘܫܶܐ ܣܬܶܝ ܓܰܒ̥ܪܳܐ ܡܝܰܩܪܳܐ ܗ̄ܘܰܐ ܓ̥ܰܠܰܒܶܐ ܒܺܗ̄ܝ ܐܰܪܥܳܐ ܕܰܡّܶܨܪ̈ܳܝܶܐ ܒܥܰܝܢ̈ܶܐ ܕܰܓܪ̈ܶܝܥܶܐ ܕܦܶܪܥܽܘܢ ܘ݄ܒܥܰܝܢ̈ܶܐ ܕܽܗ̄ܘ ܥܰܡܳܐ.
4ܘܐܡ݄ܪ ܠܶܗ ܡܽܘܫܶܐ: ”ܗܰܘܟ̥ܰܐ ܟܳܐܡ݄ܪ ܡܳܪܝܳܐ: ܒܦܰܠܓܶܗ ܕܠܰܠܝܳܐ ܓܢܳܦܰܩ ܐ̱ܢܳܐ ܒܓܰܘܰܗ ܕܡܶܨܪܶܝܢ. 5ܘܓ݄ܕܡܰܝܬ̥ܺܝ ܟܽܘܠّܶܗ ܗ̄ܰܒّܽܘܟ̥ܪ̈ܶܐ ܕܺܗ̄ܝ ܐܰܪܥܳܐ ܕܡܶܨܪܶܝܢ، ܡܽܗ̄ܘ ܒܽܘܟ̥ܪܳܐ ܕܦܶܪܥܽܘܢ ܕܟܳܝܳܬܽܒ̥ ܥܰܠ ܗ̄ܽܘ ܟܽܘܪܣܝܰܝܕ̥ܶܗ ܗ݄ܠ ܠܽܗ̄ܘ ܒܽܘܟ̥ܪܳܐ ܕܺܗ̄ܝ ܓܪܰܥܬܳܐ ܕܟ݄ܬܝܳܐ ܒܺܗ̄ܝ ܪܰܚܝܳܐ. ܘܟܽܘܠّܶܗ ܗ̄ܰܒّܽܘܟ̥ܪ̈ܶܐ ܕܰܚّܰܝ̈ܘܳܬ̥ܳܐ. 6ܘ݄ܓܕܳܗ̄ܘܶܐ ܒܰܟ̥ܝܳܐ ܡܰܪ̱ܺܝܪܳܐ ܒܺܗ̄ܝ ܐܰܪܥܳܐ ܕܡܶܨܪܶܝܢ ܕܐܟ̥݄ܕܘܳܬ̥ܶܗ ܠܰܐ ܗ̄ܘܺܝ ܘܐܟ̥݄ܕܘܳܬ̥ܶܗ ܠ݄ܐ ܟܳܗ̄ܘܶܐ. 7ܘܡܶܢ̱ ܕܒܶܝ ܐܺܝܣܪܳܐܶܝܠ ܘܠܳܐ ܟܰܠܒܳܐ ܓܡܰܟܽܒّ̥ܶܗ ܒܠܶܫܳܢܶܗ، ܘܠܳܐ ܢܳܫܳܐ ܘܠܳܐ ܚܰܝܽܘܬ̥ܳܐ، ܠܰܫܰܢ ܕܳܐܕ̥ܥܺܝܬܽܘ ܕܡܳܪܝܳܐ ܟܦܳܪ݄ܫ ܒܰܝܢ ܗ̄ܰܡّܶܨܪ̈ܳܝܶܐ ܘܒܰܝܢ ܕܒܶܝ ܐܺܝܣܪܳܐܶܝܠ. 8ܘ݄ܓܢܳܚܬܺܝ ܟܽܘܠّܶܗ ܗ̄ܰܓܪ̈ܶܝܥܰܝܕ̥ܳܟ̥ ܠܓܰܒܺܝ ܘܣܳܓ̥ܕܺܝ ܠܺܝ ܘ݄ܐܡّܺܪ̱ܝ ܠܺܝ: ܢܦܰܩ ܗܰܬ ܘܽܗ̄ܘ ܥܰܡܰܢܳܐ ܟܽܘܠܶܗ ܕܰܐܥܡܳܟ̥. ܘܗܶܕܺܝ ܓܢܳܦܰܩ ܐ̱ܢܳܐ.“ ܘܢܰܦ݄ܩ ܡܽܘܫܶܐ ܡܶܢ̱ ܩܽܘܕ̱ܡܶܗ ܕܦܶܪܥܽܘܢ ܒܪܽܘܓ̥ܙܳܐ ܪܰܒܳܐ.
9ܘܐܡ݄ܪ ܠܶܗ ܡܳܪܝܳܐ ܠܡܽܘܫܶܐ: ”ܠ݄ܐ ܓܫܳܡܰܥܟ̥ܽܘ ܦܶܪܥܽܘܢ ܥܰܠ ܕ݄ܓܡܰܙ݄ܕ ܐ̱ܢܳܐ ܗ̄ܰܬّܰܚ̈ܽܘܝܳܬ̥ܰܝܕ̥ܺܝ (ܗ̄ܰܬّܶܕ݄ܡܪ̈ܳܬ̥ܰܝܕ̥ܺܝ) ܒܺܗ̄ܝ ܐܰܪܥܳܐ ܕܡܶܨܪܶܝܢ.“ 10ܘܡܽܘܫܶܐ ܘܰܐܗܪܽܘܢ ܣ݄ܡّܶܗ ܗ̄ܰܬّܰܚ̈ܽܘܝܳܬ̥ܰܢܺܝ ܩ݄ܕ̱ܡ ܦܶܪܥܽܘܢ. ܘܡܰܩܫܶܐ ܠܶܗ ܡܳܪܝܳܐ ܠܶܒܶܗ ܕܦܶܪܥܽܘܢ، ܘܠܳܐ ܡܫܰܕܰܪ ܠܶܗ ܗ̄ܰܢ ܐܰܒܢ̈ܶܐ ܕܺܐܝܣܪܳܐܶܝܠ ܡܺܗ̄ܝ ܐܰܪܥܰܝܕ̥ܶܗ.
Currently Selected:
ܣܶܦܪܳܐ ܕܡܰܦܩܳܢܳܐ 11: ܟܬܒܐ
Highlight
Share
Copy
Want to have your highlights saved across all your devices? Sign up or sign in
Suryoyo Bible © 2024 Aramaic Bible Translation
ܣܶܦܪܳܐ ܕܡܰܦܩܳܢܳܐ 11
11
1ܘܐܡ݄ܪ ܠܶܗ ܡܳܪܝܳܐ ܠܡܽܘܫܶܐ: ”ܗܶܫ ܡܚܰܝܬܳܐ ܚܪܶܬܳܐ ܓܡܰܝܬܶܐ ܐ̱ܢܳܐ ܥܰܠ ܦܶܪܥܽܘܢ ܘܥܰܠ ܗ̄ܰܡّܶܨܪ̈ܳܝܶܐ. ܘܗܶܕܺܝ ܓ݄ܡܫܰܕܰܪܢܰܢܟ̥ܽܘ ܡܰܗ̄ܪܟܶܐ. ܘܡ݄ܐ ܕ݄ܡܫܰܕܰܪ ܠܺܝ ܠܟ̥ܽܘ، ܟܽܘܠܟ̥ܽܘ ܢܦܰܩܽܘ ܡܰܗ̄ܪܟܶܐ. 2ܘܐܡܰܪ ܩ݄ܕ̱ܡ ܗ̄ܽܘ ܥܰܡܳܐ: ܟܘ̇ܠ ܓܰܒ̥ܪܳܐ ܛܪܳܐ ܐܳܒ݄ܥ ܡܽܗ̄ܘ ܚܰܒ̥ܪܳܐ ܘܟܘ̇ܠ ܐܰܢ̱ܬ̥ܬܳܐ ܡܺܗ̄ܝ ܚܒ̥ܰܪܬ̥ܳܐ (ܘܡܰܝܕܺܝ) ܣܶܦܳܩ̈ܶܐ ܕܣܶܐܡܳܐ ܘܣܶܦܳܩ̈ܶܐ ܕܕܰܗܒ̥ܳܐ.“ 3ܘܡܰܚ݄ܬ ܠܶܗ ܡܳܪܝܳܐ ܪ̈ܰܚܡܶܐ ܒܥܰܝܢ̈ܶܐ ܕܰܡّܶܨܪ̈ܳܝܶܐ ܥܰܠ ܗ̄ܽܘ ܥܰܡܳܐ. ܘܡܽܘܫܶܐ ܣܬܶܝ ܓܰܒ̥ܪܳܐ ܡܝܰܩܪܳܐ ܗ̄ܘܰܐ ܓ̥ܰܠܰܒܶܐ ܒܺܗ̄ܝ ܐܰܪܥܳܐ ܕܰܡّܶܨܪ̈ܳܝܶܐ ܒܥܰܝܢ̈ܶܐ ܕܰܓܪ̈ܶܝܥܶܐ ܕܦܶܪܥܽܘܢ ܘ݄ܒܥܰܝܢ̈ܶܐ ܕܽܗ̄ܘ ܥܰܡܳܐ.
4ܘܐܡ݄ܪ ܠܶܗ ܡܽܘܫܶܐ: ”ܗܰܘܟ̥ܰܐ ܟܳܐܡ݄ܪ ܡܳܪܝܳܐ: ܒܦܰܠܓܶܗ ܕܠܰܠܝܳܐ ܓܢܳܦܰܩ ܐ̱ܢܳܐ ܒܓܰܘܰܗ ܕܡܶܨܪܶܝܢ. 5ܘܓ݄ܕܡܰܝܬ̥ܺܝ ܟܽܘܠّܶܗ ܗ̄ܰܒّܽܘܟ̥ܪ̈ܶܐ ܕܺܗ̄ܝ ܐܰܪܥܳܐ ܕܡܶܨܪܶܝܢ، ܡܽܗ̄ܘ ܒܽܘܟ̥ܪܳܐ ܕܦܶܪܥܽܘܢ ܕܟܳܝܳܬܽܒ̥ ܥܰܠ ܗ̄ܽܘ ܟܽܘܪܣܝܰܝܕ̥ܶܗ ܗ݄ܠ ܠܽܗ̄ܘ ܒܽܘܟ̥ܪܳܐ ܕܺܗ̄ܝ ܓܪܰܥܬܳܐ ܕܟ݄ܬܝܳܐ ܒܺܗ̄ܝ ܪܰܚܝܳܐ. ܘܟܽܘܠّܶܗ ܗ̄ܰܒّܽܘܟ̥ܪ̈ܶܐ ܕܰܚّܰܝ̈ܘܳܬ̥ܳܐ. 6ܘ݄ܓܕܳܗ̄ܘܶܐ ܒܰܟ̥ܝܳܐ ܡܰܪ̱ܺܝܪܳܐ ܒܺܗ̄ܝ ܐܰܪܥܳܐ ܕܡܶܨܪܶܝܢ ܕܐܟ̥݄ܕܘܳܬ̥ܶܗ ܠܰܐ ܗ̄ܘܺܝ ܘܐܟ̥݄ܕܘܳܬ̥ܶܗ ܠ݄ܐ ܟܳܗ̄ܘܶܐ. 7ܘܡܶܢ̱ ܕܒܶܝ ܐܺܝܣܪܳܐܶܝܠ ܘܠܳܐ ܟܰܠܒܳܐ ܓܡܰܟܽܒّ̥ܶܗ ܒܠܶܫܳܢܶܗ، ܘܠܳܐ ܢܳܫܳܐ ܘܠܳܐ ܚܰܝܽܘܬ̥ܳܐ، ܠܰܫܰܢ ܕܳܐܕ̥ܥܺܝܬܽܘ ܕܡܳܪܝܳܐ ܟܦܳܪ݄ܫ ܒܰܝܢ ܗ̄ܰܡّܶܨܪ̈ܳܝܶܐ ܘܒܰܝܢ ܕܒܶܝ ܐܺܝܣܪܳܐܶܝܠ. 8ܘ݄ܓܢܳܚܬܺܝ ܟܽܘܠّܶܗ ܗ̄ܰܓܪ̈ܶܝܥܰܝܕ̥ܳܟ̥ ܠܓܰܒܺܝ ܘܣܳܓ̥ܕܺܝ ܠܺܝ ܘ݄ܐܡّܺܪ̱ܝ ܠܺܝ: ܢܦܰܩ ܗܰܬ ܘܽܗ̄ܘ ܥܰܡܰܢܳܐ ܟܽܘܠܶܗ ܕܰܐܥܡܳܟ̥. ܘܗܶܕܺܝ ܓܢܳܦܰܩ ܐ̱ܢܳܐ.“ ܘܢܰܦ݄ܩ ܡܽܘܫܶܐ ܡܶܢ̱ ܩܽܘܕ̱ܡܶܗ ܕܦܶܪܥܽܘܢ ܒܪܽܘܓ̥ܙܳܐ ܪܰܒܳܐ.
9ܘܐܡ݄ܪ ܠܶܗ ܡܳܪܝܳܐ ܠܡܽܘܫܶܐ: ”ܠ݄ܐ ܓܫܳܡܰܥܟ̥ܽܘ ܦܶܪܥܽܘܢ ܥܰܠ ܕ݄ܓܡܰܙ݄ܕ ܐ̱ܢܳܐ ܗ̄ܰܬّܰܚ̈ܽܘܝܳܬ̥ܰܝܕ̥ܺܝ (ܗ̄ܰܬّܶܕ݄ܡܪ̈ܳܬ̥ܰܝܕ̥ܺܝ) ܒܺܗ̄ܝ ܐܰܪܥܳܐ ܕܡܶܨܪܶܝܢ.“ 10ܘܡܽܘܫܶܐ ܘܰܐܗܪܽܘܢ ܣ݄ܡّܶܗ ܗ̄ܰܬّܰܚ̈ܽܘܝܳܬ̥ܰܢܺܝ ܩ݄ܕ̱ܡ ܦܶܪܥܽܘܢ. ܘܡܰܩܫܶܐ ܠܶܗ ܡܳܪܝܳܐ ܠܶܒܶܗ ܕܦܶܪܥܽܘܢ، ܘܠܳܐ ܡܫܰܕܰܪ ܠܶܗ ܗ̄ܰܢ ܐܰܒܢ̈ܶܐ ܕܺܐܝܣܪܳܐܶܝܠ ܡܺܗ̄ܝ ܐܰܪܥܰܝܕ̥ܶܗ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Suryoyo Bible © 2024 Aramaic Bible Translation