ܥܒܳܕ̥̈ܶܐ ܕܰܫܠܺܝܚ̈ܶܐ 18
18
ܦܰܘܠܳܘܣ ܒܩܳܘܪܺܢܬ̥ܳܘܣ
1ܘܺܗ̄ܝ ܢܰܩܠܐ ܕܢܰܦ݄ܩ ܦܰܘܠܳܘܣ ܡܶܢ̱ ܐܰܬ̥ܺܢܳܘܣ، ܐܰܬ̥ܺܝ ܠܩܳܘܪܺܢܬ̥ܳܘܣ. 2ܘܬܰܡܳܐ ܚܙܶܐ ܠܶܗ ܚܰܕ̱ ܓܰܒ̥ܪܳܐ ܝܽܘܕ̥ܳܝܳܐ ܕ݄ܐܫܡܶܗ ܐܰܩܶܠܳܘܣ ܕܟ݄ܬ ܗ̄ܘܰܐ ܡܽܗ̄ܘ ܐܰܬ̥ܪܳܐ ܕܦܳ̊ܢܛܳܘܣ، ܒܽܗ̄ܘ ܙܰܒܢܰܘܳܐ ܐܰܬ̥ܺܝ ܗ̄ܘܰܐ ܗܺܝّܶܗ ܘܺܗ̄ܝ ܐܰܢ̱ܬ̥ܬܰܝܕ̥ܶܗ ܦܪܺܝܣܩܺܠܰܐ ܡܶܢ̱ ܐܺܝܛܰܠܺܝܰܐ، ܥܰܠ ܕܽܗ̄ܘ ܡܰܠܟܳܐ ܩܠܰܘܕܺܝܳܘܣ ܗܽܒ̥ ܗ̄ܘܰܝ ܠܶܗ ܠܶܗ ܦܽܘܩܕܳܢܳܐ ܕܡܰܘܦܩܺܝ ܗ̄ܰܝّܽܘܕ̥̈ܳܝܶܐ ܟܽܘܠّܶܗ ܡܶܢ̱ ܪܗ̄ܽܘܡܺܝ. ܘ݄ܡܩܰܕܰܡ ܠܶܗ ܠܣܺܝܕܰܝّܶܗ. 3ܘܡܺܐܝܕ̥ܶܗ ܕܥܳܒ̥ܰܕ ܗ̄ܘܰܐ ܥܰܝܢ ܗ̄ܽܘ ܥܒ̥ܳܕܰܬّ̥ܶܗ، ܢܰܚ݄ܬ ܓܰܒܰܝّܶܗ، ܘܫܳܓ̥ܰܠ ܗ̄ܘܰܐ ܐܰܥܡܰܝّܶܗ، ܘܒܽܗ̄ܘ ܥܒ̥ܳܕܰܬّ̥ܶܗ ܣܰܝܡܺܝ ܗ̄ܘܰܘ̱ ܣܰܪ̈ܓܶܐ. 4ܘܡ݄ܫܓ̥ܰܠ ܗ̄ܘܰܐ ܒܺܗ̄ܝ ܟ̥ܢܽܘܫܬܳܐ ܒܟܽܘܠ ܫܰܒܬ̥ܳܐ ܥܰܡ ܗ̄ܰܝّܽܘܕ̥̈ܳܝܶܐ ܘܰܚّܰܢ̈ܦܶܐ ܘܡܰܩܒܠܺܝ ܗ̄ܘܰܘ̱ ܠܺܗ̄ܝ ܡܶܠܬ̥ܰܝܕ̥ܶܗ. 5ܘܺܗ̄ܝ ܢܰܩܠܐ ܕܰܐܬ̥݄ܢ ܫܺܝܠܳܐ ܘܛܺܝܡܳܬ̥ܶܐܳܘܣ ܡܶܢ̱ ܡܰܩܶܕܳܘܢܺܝܰܐ، ܦܰܘܠܳܘܣ ܠܒܺܝܟܳܐ ܗ̄ܘܰܐ ܒܺܗ̄ܝ ܡܶܠܬ̥ܳܐ، ܡܺܐܝܕ̥ܶܗ ܕܰܝّܽܘܕ̥̈ܳܝܶܐ ܩܰܝܡܺܝ ܗ̄ܘܰܘ̱ ܡܩܰܒ݄ܠ ܕܺܝܕ̥ܶܗ ܘ݄ܡܓܰܕܦܺܝ ܗ̄ܘܰܘ̱ ܗ̄ܺܝ ܢܰܩܠܐ ܕܣܳܗܰܕ ܗ̄ܘܰܐ ܠّܶܗ ܕܝܶܫܽܘܥ ܗܺܝّܶܗ ܝܳܐ ܡܫܺܝܚܳܐ. 6ܘ݄ܢܦ݄ܨ ܠܶܗ ܗ̄ܰܠܒܽܘܫ̈ܰܝܕ̥ܶܗ ܘܐܡ݄ܪ ܠܰܗ ܠّܶܗ: ”{ܗ̄ܽܘ ܐܰܕܡܰܬ̥ܟ̥ܽܘ ܥܰܠ ܪ̈ܺܝܫܰܝܟ̥ܽܘ}. ܡܶܢ̱ ܐܳܥܕܳܐ ܡܒܰܪܝܳܐ ܐ̱ܢܳܐ، ܘܰܐܙܳܠܳܐ ܐ̱ܢܳܐ ܓܰܒ ܗ̄ܰܥّܰܡ̈ܶܐ.“ 7ܘܢܰܦ݄ܩ ܡܶܢ̱ ܬܰܡܳܐ ܘܥܰܒ݄ܪ ܠܽܗ̄ܘ ܒܰܝܬܳܐ ܕܚܰܕ̱ ܓܰܒ̥ܪܳܐ ܕ݄ܐܫܡܶܗ ܛܺܛܳܘܣ، ܐܰܝܢܰܐ ܕܙܳܝܰܥ ܗ̄ܘܰܐ ܡܰܢ̱ ܐܠܳܗܳܐ، ܘܽܗ̄ܘ ܒܰܝܬܰܝܕ̥ܶܗ ܡܰܛܺܝ ܗ̄ܘܰܐ ܠܺܗ̄ܝ ܟ̥ܢܽܘܫܬܳܐ. 8ܘܽܗ̄ܘ ܪܺܝܫܳܐ ܕܺܗ̄ܝ ܟ̥ܢܽܘܫܬܳܐ، ܟܪܺܝܣܦܳܘܣ، ܡܗܰܝܡܰܢ ܗ̄ܘܰܝ ܠܶܗ ܒܡܳܪܰܢ، ܗܺܝّܶܗ ܘܟܽܘܠّܶܗ ܗ̄ܰܢ ܢܳܫ̈ܶܐ ܕܽܗ̄ܘ ܒܰܝܬܰܝܕ̥ܶܗ، ܘܓ̥ܰܠܰܒܶܐ ܩܳܘܪ̈ܺܢܬ̥ܳܝܶܐ ܫ݄ܡܥܺܝ ܗ̄ܘܰܘ̱ ܘ݄ܡܗܰܝܡܢܺܝ ܗ̄ܘܰܘ̱ ܒܰܐܠܳܗܳܐ ܘܥܳܡܕܺܝ ܗ̄ܘܰܘ̱.
9ܘܡܳܪܝܳܐ ܐܡ݄ܪ ܠܶܗ ܠܦܰܘܠܳܘܣ ܒܽܗ̄ܘ ܚܶܙܘܳܐ {ܒܠܰܠܝܳܐ}: ”ܠܳܐ ܙܰܝܥ݄ܬ! ܡ݄ܫܓ̥݄ܠ ܘܠܳܐ ܟܳܠܰܬ. 10ܡܺܐܝܕ̥ܶܗ ܕܳܐܢܳܐ ܐܰܥܡܳܟ̥ ܐ̱ܢܳܐ، ܘܢܳܫܳܐ ܠܰܝܒܶܗ ܡܰܟܽܒ̥ ܠܳܟ̥. ܘܥܰܡܳܐ ܓ̥ܰܠܰܒܶܐ ܟ݄ܬ ܠܺܝ ܒܺܗ̄ܝ ܡܕ̥ܺܝܢ̱ܬܰܬ̥ܶܐ.“ 11ܘܝܰܬܽܒ̥ ܒܩܳܘܪܺܢܬ̥ܳܘܣ ܫܰܢ̱ܬܳܐ ܘܦܰܠܓܶܗ، ܘܡܰܘܠܰܦ ܗ̄ܘܰܐ ܠّܶܗ ܗ̄ܺܝ ܡܶܠܬ̥ܳܐ ܕܰܐܠܳܗܳܐ.
ܗ̄ܽܘ ܫܰܠܺܝܛܳܐ ܟܰܫܺܝܪܳܐ
12ܘܺܗ̄ܝ ܢܰܩܠܐ ܕܗܰܘܺܝ ܓܰܐܠܺܝܳܘܢ ܫܰܠܺܝܛܳܐ ܥܰܠ ܐܰܟ̥ܰܐܝܰܐ، ܗ̄ܰܝّܽܘܕ̥̈ܳܝܶܐ ܠܰܬܺܝܡܺܝ ܠ݄ܚܕ̥ܳܕ̥̈ܶܐ ܥܰܠ ܦܰܘܠܳܘܣ ܘܡܰܝܬܰܠّܶܗ ܩ݄ܕ̱ܡ ܗ̄ܽܘ ܟܽܘܪܣܝܳܐ ܕܽܗ̄ܘ ܒܶܝܬ̥ ܕܺܝܢܳܐ، 13ܘܐܡ݄ܪّܶܗ: ”ܗܰܢܳܐ ܠܰܪܒ̥ܰܠ ܡܽܗ̄ܘ ܢܳܡܽܘܣܳܐ ܟܛܳܪܶܐ ܗ̄ܰܢ ܢܳܫ̈ܶܐ ܡܗܰܝܡܢܺܝ ܘܗܳܘ݄ܢ ܙܰܝܳܥ̈ܶܐ ܡܰܢ̱ ܐܠܳܗܳܐ.“ 14ܘܺܗ̄ܝ ܢܰܩܠܐ ܕܰܐܒ݄ܥ ܦܰܘܠܳܘܣ ܕܦܳܬ݄ܚ ܦܶܡܶܗ، ܓܰܐܠܺܝܳܘܢ ܐܡ݄ܪ ܠܶܗ ܠܰܝّܽܘܕ̥̈ܳܝܶܐ: ”ܕܳܗ̄ܘܶܐ ܗ̄ܘܰܐ ܥܰܠ ܡܶܕܶܐ ܒܺܝܫܳܐ ܐܰܘ ܢܟ̥ܺܝܠܳܐ ܐܰܘ ܡܥܰܢܬܳܐ ܟܡܰܫܟܺܝܬܽܘ، ܝܰܐ ܝܽܘܕ̥̈ܳܝܶܐ، ܠܳܙܰܡ ܗ̄ܘܰܐ ܕܡܰܩܒܰܠ ܐ̱ܢܳܐ ܠܟ̥ܽܘ، 15ܐܶܠܳܐ ܕܳܗ̄ܘ݄ܢ ܫ̈ܽܘܐܳܠܶܐ ܥܰܠ ܡ̈ܶܠܶܐ ܐܰܘ ܐ݄ܫܡܳܢ̈ܶܐ ܐܰܘ ܥܰܠ ܗ̄ܽܘ ܢܳܡܽܘܣܰܬ̥ܟ̥ܽܘ، ܗܰܬܽܘ ܒܰܝܢܳܬ̥ܰܝܟ̥ܽܘ ܟ݄ܐܕ̥ܥܺܝܬܽܘ (ܗ̄ܽܘ ܫܽܘܓ̥ܠܰܬ̥ܟ̥ܽܘ)، ܘܳܐܢܳܐ ܠܳܐ ܟܳܐܒܰܥ ܐ̱ܢܳܐ ܕܳܗ̄ܘܶܐ ܐ̱ܢܳܐ ܕܰܝܳܢܳܐ ܕܰܡّܶܕ̈ܳܢܰܢܺܝ.“ 16ܘ݄ܛܪܺܝܕܺܝ ܠܶܗ ܡܽܗ̄ܘ ܟܽܘܪܣܝܰܝܕ̥ܶܗ (ܕܽܗ̄ܘ ܒܶܝܬ̥ ܕܺܝܢܳܐ). 17ܘܟܽܘܠّܶܗ ܗ̄ܰܚّܰܢ̈ܦܶܐ ܙܒ݄ܛّܶܗ ܣܳܘܣܬܶܢܺܣ ܗ̄ܽܘ ܩܰܫܳܐ ܕܺܗ̄ܝ ܟ̥ܢܽܘܫܬܳܐ، ܘܡܳܚ݄ܢ ܗ̄ܘܰܝ ܠܶܗ ܩ݄ܕ̱ܡ ܗ̄ܽܘ ܟܽܘܪܣܝܳܐ (ܕܽܗ̄ܘ ܒܶܝܬ̥ ܕܺܝܢܳܐ)، ܘܓܰܐܠܺܝܳܘܢ ܠ݄ܐ ܚܳܪܰܒ̥ ܗ̄ܘܰܝ ܠܶܗ ܡܰܗ̄ܢܺܝ.
ܦܰܘܠܳܘܣ ܟܕܳܥ݄ܪ ܠܰܐܢܛܺܝܳܟ̥ܺܝܰܐ
18ܘܒ݄ܬ̥݄ܪ ܕܦܰܝ݄ܫ ܦܰܘܠܳܘܣ ܓ̥ܰܠܰܒܶܐ ܝܰܘܡ̈ܶܐ ܬܰܡܳܐ، ܗܽܒ̥ ܠܶܗ ܫܠܳܡܳܐ ܠܰܗ̄ܢ ܐܰܚ̈ܽܘܢܳܢܶܐ ܘܰܐܙّܶܗ ܒܽܗ̄ܘ ܝܰܡܳܐ ܕ݄ܐܙّܶܗ ܠܣܽܘܪܺܝܰܐ. ܘܰܐܬ̥݄ܢ ܐܰܥܡܶܗ ܦܪܺܝܣܩܺܠܰܐ ܘܰܐܩܶܠܳܘܣ، ܘܒܽܗ̄ܘ ܐܰܬ̥ܪܳܐ ܕܩܰܢܟ̥ܪܶܐܘܳܣ ܩ݄ܨ ܠܶܗ ܣܰܥܪܶܗ ܥܰܠ ܕ݄ܢܕ̥݄ܪ ܗ̄ܘܰܝ ܠܶܗ ܢܶܕ̥ܪܳܐ. 19ܘܡܰܛ݄ܢ ܠܶܐܦܶܣܳܘܣ، ܘܦܰܘܠܳܘܣ ܥܰܒ݄ܪ ܠܺܗ̄ܝ ܟ̥ܢܽܘܫܬܳܐ ܘܡ݄ܫܓ̥ܰܠ ܗ̄ܘܰܐ ܥܰܡ ܗ̄ܰܝّܽܘܕ̥̈ܳܝܶܐ. 20ܘܰܐܒܺܝܥܺܝ ܡܶܢܶܗ ܕܦܳܝ݄ܫ ܓܰܒܰܝّܶܗ ܙ݄ܕ، ܐܶܠܳܐ ܠܳܐ ܡܰܩܒܶܠ ܠܶܗ. 21ܘܐܡ݄ܪ ܠܶܗ: ”ܟܳܐܒܰܥ ܠܺܝ ܕܣܳܝܰܡ ܐ̱ܢܳܐ ܗ̄ܽܘ ܥܶܐܕ̥ܳܐ ܕܳܐܬ̥ܶܐ ܒܽܐܘܪܶܫܠܶܡ ܒܟܽܘܠ ܙܰܒܢܳܐ. ܘܕܰܐܠܳܗܳܐ ܨܳܒܶܐ، ܢܰܩܠܐ ܚܪܶܬܳܐ ܓܕܳܥܰܪ ܐ̱ܢܳܐ ܓܰܒܰܝܟ̥ܽܘ.“ ܘ݄ܛܪܶܐ ܠܶܗ ܠܰܐܩܶܠܳܘܣ ܘܠ݄ܦܪܺܝܣܩܺܠܰܐ ܒܶܐܦܶܣܳܘܣ. 22ܘܗܺܝّܶܗ ܐܰܙّܶܗ ܒܽܗ̄ܘ ܝܰܡܳܐ ܘܰܐܬ̥ܺܝ ܠܩܶܣܰܪܺܝܰܐ، ܘܣܰܠ݄ܩ ܘ݄ܡܫܰܐܶܠ ܠܶܗ ܒܽܗ̄ܘ ܫܠܳܡܳܐ ܕܰܗ̄ܢ ܐܰܒܢ̈ܶܐ ܕܺܗ̄ܝ ܥܺܕ̱ܬܳܐ، ܘܰܐܙّܶܗ ܠܰܐܢܛܺܝܳܟ̥ܺܝܰܐ.
ܗ̄ܽܘ ܡܰܐܙܠܳܐ ܕܰܬܠܳܬ̥ܳܐ ܠܺܗ̄ܝ ܣܒܰܪܬ̥ܳܐ
ܐܰܦ̊ܳܠܳܘ ܟܝܳܠ݄ܦ ܘܡܰܘܠ݄ܦ
23ܘܒ݄ܬ̥݄ܪ ܕܦܰܝ݄ܫ ܬܰܡܳܐ ܝܰܘܡ̈ܶܐ ܝܕ̥̈ܺܝܥܶܐ، ܢܰܦ݄ܩ ܟܰܪ݄ܟ̥ ܕܽܘܟܬ̥ܳܐ ܕܽܘܟܬ̥ܳܐ ܒܽܗ̄ܘ ܐܰܬ̥ܪܳܐ ܕܓܰܠܰܛܺܝܰܐ ܘܕ݄ܦܪܽܘܓ̥ܺܝܰܐ، ܘܳܗ̄ܒܶܐ ܗ̄ܘܰܐ ܚܰܝܠܳܐ ܘܠܽܘܒܳܒܳܐ ܠܟܘ̇ܠّܶܗ ܗ̄ܰܬّܰܠܡܺܝܕ̥̈ܶܐ. 24ܘܚܰܕ̱ ܓܰܒ̥ܪܳܐ ܐ݄ܫܡܶܗ ܐܰܦܳ̊ܠܳܘ، ܝܽܘܕ̥ܳܝܳܐ ܒܽܗ̄ܘ ܫܶܪܫܳܐ ܡܶܢ̱ ܐܰܠܶܟܣܰܢܕܪܺܝܰܐ، ܐܰܬ̥ܺܝ ܗ̄ܘܰܐ ܠܶܐܦܶܣܳܘܣ؛ ܗܰܢܳܐ ܝܰܠܺܝܦܳܐ ܗ̄ܘܰܐ ܒܺܗ̄ܝ ܡܶܠܬ̥ܳܐ ܘܩܰܪܳܝܳܐ ܒܰܟܬ̥ܳܒ̥̈ܶܐ. 25ܗܰܢܳܐ ܗܰܘܺܝ ܗ̄ܘܰܐ ܬܰܠܡܺܝܕ̥ܳܐ ܠܽܗ̄ܘ ܕܰܪܒܳܐ ܕܡܳܪܝܳܐ. ܘܪܰܬ̥ܺܝܚܳܐ ܗ̄ܘܰܐ ܒܺܗ̄ܝ ܪܽܘܚܳܐ، ܘܡ݄ܫܓ̥ܰܠ ܗ̄ܘܰܐ ܘܡܰܘܠܰܦ ܗ̄ܘܰܐ ܝܽܘܠܦܳܢܳܐ ܟܰܡܺܝܠܳܐ ܥܰܠ ܝܶܫܽܘܥ، ܐܶܠܳܐ ܗ̄ܺܝ ܡܰܥܡܽܘܕ̥ܺܝܬ̥ܳܐ ܕܝܽܘܚܰܢܳܢ ܒܶܠܚܽܘܕ̥ܰܗ ܐܳܕ̥ܰܥ ܗ̄ܘܰܐ. 26ܘ݄ܡܫܰܪܶܐ ܠܶܗ ܒܓܰܠܝܳܐ ܟܳܡ݄ܫܓ̥݄ܠ ܒܺܗ̄ܝ ܟ̥ܢܽܘܫܬܳܐ. ܘܺܗ̄ܝ ܢܰܩܠܐ ܕܫܰܡܺܝܥܺܝ ܠܶܗ ܐܰܩܶܠܳܘܣ ܘ݄ܦܪܺܝܣܩܺܠܰܐ، ܡܰܝܬܰܠّܶܗ ܠܽܗ̄ܘ ܒܰܝܬܰܬّ̥ܶܗ، ܘܡܰܚܘܰܠّܰܗ ܠܶܗ ܗ̄ܽܘ ܕܰܪܒܳܐ ܕܡܳܪܝܳܐ ܥܰܠ ܟܰܡܺܝܠܳܐ. 27ܘܺܗ̄ܝ ܢܰܩܠܐ ܕܰܐܒ݄ܥ ܕ݄ܐܙّܶܗ ܠܰܐܟ̥ܰܐܝܰܐ، ܗ̄ܰܢ ܐܰܚ̈ܽܘܢܳܢܶܐ ܡܠܰܒܰܒّܶܗ، ܘ݄ܟܬ̥ܽܒّ̥ܶܗ ܠܰܬّܰܠܡܺܝܕ̥̈ܶܐ ܕܡܰܩܒܠܺܝ ܠܶܗ. ܘܺܗ̄ܝ ܢܰܩܠܐ ܕܰܐܙّܶܗ ܡܥܰܕܰܪ ܠܶܗ ܓ̥ܰܠܰܒܶܐ ܒܺܗ̄ܝ ܛܰܝܒܽܘܬ̥ܳܐ ܠܟܘ̇ܠّܶܗ ܗ̄ܰܡܗܰܝܡܢ̈ܶܐ، 28ܡܺܐܝܕ̥ܶܗ ܕ݄ܒܚܺܝܨܳܐ ܚܺܝܨܳܐ ܕܳܪܰܫ ܗ̄ܘܰܐ ܡܩܰܒ݄ܠ ܕܰܝّܽܘܕ̥̈ܳܝܶܐ ܩ݄ܕ̱ܡ ܗ̄ܰܢ ܢܳܫ̈ܶܐ، ܘܡܰܚܘܶܐ ܗ̄ܘܰܐ ܡܰܢ̱ ܟܬ̥ܳܒ̥̈ܶܐ ܥܰܠ ܝܶܫܽܘܥ ܕܟ݄ܬ ܝܳܐ ܡܫܺܝܚܳܐ.
Currently Selected:
ܥܒܳܕ̥̈ܶܐ ܕܰܫܠܺܝܚ̈ܶܐ 18: ܟܬܒܐ
Highlight
Share
Copy
Want to have your highlights saved across all your devices? Sign up or sign in
Suryoyo Bible © 2024 Aramaic Bible Translation
ܥܒܳܕ̥̈ܶܐ ܕܰܫܠܺܝܚ̈ܶܐ 18
18
ܦܰܘܠܳܘܣ ܒܩܳܘܪܺܢܬ̥ܳܘܣ
1ܘܺܗ̄ܝ ܢܰܩܠܐ ܕܢܰܦ݄ܩ ܦܰܘܠܳܘܣ ܡܶܢ̱ ܐܰܬ̥ܺܢܳܘܣ، ܐܰܬ̥ܺܝ ܠܩܳܘܪܺܢܬ̥ܳܘܣ. 2ܘܬܰܡܳܐ ܚܙܶܐ ܠܶܗ ܚܰܕ̱ ܓܰܒ̥ܪܳܐ ܝܽܘܕ̥ܳܝܳܐ ܕ݄ܐܫܡܶܗ ܐܰܩܶܠܳܘܣ ܕܟ݄ܬ ܗ̄ܘܰܐ ܡܽܗ̄ܘ ܐܰܬ̥ܪܳܐ ܕܦܳ̊ܢܛܳܘܣ، ܒܽܗ̄ܘ ܙܰܒܢܰܘܳܐ ܐܰܬ̥ܺܝ ܗ̄ܘܰܐ ܗܺܝّܶܗ ܘܺܗ̄ܝ ܐܰܢ̱ܬ̥ܬܰܝܕ̥ܶܗ ܦܪܺܝܣܩܺܠܰܐ ܡܶܢ̱ ܐܺܝܛܰܠܺܝܰܐ، ܥܰܠ ܕܽܗ̄ܘ ܡܰܠܟܳܐ ܩܠܰܘܕܺܝܳܘܣ ܗܽܒ̥ ܗ̄ܘܰܝ ܠܶܗ ܠܶܗ ܦܽܘܩܕܳܢܳܐ ܕܡܰܘܦܩܺܝ ܗ̄ܰܝّܽܘܕ̥̈ܳܝܶܐ ܟܽܘܠّܶܗ ܡܶܢ̱ ܪܗ̄ܽܘܡܺܝ. ܘ݄ܡܩܰܕܰܡ ܠܶܗ ܠܣܺܝܕܰܝّܶܗ. 3ܘܡܺܐܝܕ̥ܶܗ ܕܥܳܒ̥ܰܕ ܗ̄ܘܰܐ ܥܰܝܢ ܗ̄ܽܘ ܥܒ̥ܳܕܰܬّ̥ܶܗ، ܢܰܚ݄ܬ ܓܰܒܰܝّܶܗ، ܘܫܳܓ̥ܰܠ ܗ̄ܘܰܐ ܐܰܥܡܰܝّܶܗ، ܘܒܽܗ̄ܘ ܥܒ̥ܳܕܰܬّ̥ܶܗ ܣܰܝܡܺܝ ܗ̄ܘܰܘ̱ ܣܰܪ̈ܓܶܐ. 4ܘܡ݄ܫܓ̥ܰܠ ܗ̄ܘܰܐ ܒܺܗ̄ܝ ܟ̥ܢܽܘܫܬܳܐ ܒܟܽܘܠ ܫܰܒܬ̥ܳܐ ܥܰܡ ܗ̄ܰܝّܽܘܕ̥̈ܳܝܶܐ ܘܰܚّܰܢ̈ܦܶܐ ܘܡܰܩܒܠܺܝ ܗ̄ܘܰܘ̱ ܠܺܗ̄ܝ ܡܶܠܬ̥ܰܝܕ̥ܶܗ. 5ܘܺܗ̄ܝ ܢܰܩܠܐ ܕܰܐܬ̥݄ܢ ܫܺܝܠܳܐ ܘܛܺܝܡܳܬ̥ܶܐܳܘܣ ܡܶܢ̱ ܡܰܩܶܕܳܘܢܺܝܰܐ، ܦܰܘܠܳܘܣ ܠܒܺܝܟܳܐ ܗ̄ܘܰܐ ܒܺܗ̄ܝ ܡܶܠܬ̥ܳܐ، ܡܺܐܝܕ̥ܶܗ ܕܰܝّܽܘܕ̥̈ܳܝܶܐ ܩܰܝܡܺܝ ܗ̄ܘܰܘ̱ ܡܩܰܒ݄ܠ ܕܺܝܕ̥ܶܗ ܘ݄ܡܓܰܕܦܺܝ ܗ̄ܘܰܘ̱ ܗ̄ܺܝ ܢܰܩܠܐ ܕܣܳܗܰܕ ܗ̄ܘܰܐ ܠّܶܗ ܕܝܶܫܽܘܥ ܗܺܝّܶܗ ܝܳܐ ܡܫܺܝܚܳܐ. 6ܘ݄ܢܦ݄ܨ ܠܶܗ ܗ̄ܰܠܒܽܘܫ̈ܰܝܕ̥ܶܗ ܘܐܡ݄ܪ ܠܰܗ ܠّܶܗ: ”{ܗ̄ܽܘ ܐܰܕܡܰܬ̥ܟ̥ܽܘ ܥܰܠ ܪ̈ܺܝܫܰܝܟ̥ܽܘ}. ܡܶܢ̱ ܐܳܥܕܳܐ ܡܒܰܪܝܳܐ ܐ̱ܢܳܐ، ܘܰܐܙܳܠܳܐ ܐ̱ܢܳܐ ܓܰܒ ܗ̄ܰܥّܰܡ̈ܶܐ.“ 7ܘܢܰܦ݄ܩ ܡܶܢ̱ ܬܰܡܳܐ ܘܥܰܒ݄ܪ ܠܽܗ̄ܘ ܒܰܝܬܳܐ ܕܚܰܕ̱ ܓܰܒ̥ܪܳܐ ܕ݄ܐܫܡܶܗ ܛܺܛܳܘܣ، ܐܰܝܢܰܐ ܕܙܳܝܰܥ ܗ̄ܘܰܐ ܡܰܢ̱ ܐܠܳܗܳܐ، ܘܽܗ̄ܘ ܒܰܝܬܰܝܕ̥ܶܗ ܡܰܛܺܝ ܗ̄ܘܰܐ ܠܺܗ̄ܝ ܟ̥ܢܽܘܫܬܳܐ. 8ܘܽܗ̄ܘ ܪܺܝܫܳܐ ܕܺܗ̄ܝ ܟ̥ܢܽܘܫܬܳܐ، ܟܪܺܝܣܦܳܘܣ، ܡܗܰܝܡܰܢ ܗ̄ܘܰܝ ܠܶܗ ܒܡܳܪܰܢ، ܗܺܝّܶܗ ܘܟܽܘܠّܶܗ ܗ̄ܰܢ ܢܳܫ̈ܶܐ ܕܽܗ̄ܘ ܒܰܝܬܰܝܕ̥ܶܗ، ܘܓ̥ܰܠܰܒܶܐ ܩܳܘܪ̈ܺܢܬ̥ܳܝܶܐ ܫ݄ܡܥܺܝ ܗ̄ܘܰܘ̱ ܘ݄ܡܗܰܝܡܢܺܝ ܗ̄ܘܰܘ̱ ܒܰܐܠܳܗܳܐ ܘܥܳܡܕܺܝ ܗ̄ܘܰܘ̱.
9ܘܡܳܪܝܳܐ ܐܡ݄ܪ ܠܶܗ ܠܦܰܘܠܳܘܣ ܒܽܗ̄ܘ ܚܶܙܘܳܐ {ܒܠܰܠܝܳܐ}: ”ܠܳܐ ܙܰܝܥ݄ܬ! ܡ݄ܫܓ̥݄ܠ ܘܠܳܐ ܟܳܠܰܬ. 10ܡܺܐܝܕ̥ܶܗ ܕܳܐܢܳܐ ܐܰܥܡܳܟ̥ ܐ̱ܢܳܐ، ܘܢܳܫܳܐ ܠܰܝܒܶܗ ܡܰܟܽܒ̥ ܠܳܟ̥. ܘܥܰܡܳܐ ܓ̥ܰܠܰܒܶܐ ܟ݄ܬ ܠܺܝ ܒܺܗ̄ܝ ܡܕ̥ܺܝܢ̱ܬܰܬ̥ܶܐ.“ 11ܘܝܰܬܽܒ̥ ܒܩܳܘܪܺܢܬ̥ܳܘܣ ܫܰܢ̱ܬܳܐ ܘܦܰܠܓܶܗ، ܘܡܰܘܠܰܦ ܗ̄ܘܰܐ ܠّܶܗ ܗ̄ܺܝ ܡܶܠܬ̥ܳܐ ܕܰܐܠܳܗܳܐ.
ܗ̄ܽܘ ܫܰܠܺܝܛܳܐ ܟܰܫܺܝܪܳܐ
12ܘܺܗ̄ܝ ܢܰܩܠܐ ܕܗܰܘܺܝ ܓܰܐܠܺܝܳܘܢ ܫܰܠܺܝܛܳܐ ܥܰܠ ܐܰܟ̥ܰܐܝܰܐ، ܗ̄ܰܝّܽܘܕ̥̈ܳܝܶܐ ܠܰܬܺܝܡܺܝ ܠ݄ܚܕ̥ܳܕ̥̈ܶܐ ܥܰܠ ܦܰܘܠܳܘܣ ܘܡܰܝܬܰܠّܶܗ ܩ݄ܕ̱ܡ ܗ̄ܽܘ ܟܽܘܪܣܝܳܐ ܕܽܗ̄ܘ ܒܶܝܬ̥ ܕܺܝܢܳܐ، 13ܘܐܡ݄ܪّܶܗ: ”ܗܰܢܳܐ ܠܰܪܒ̥ܰܠ ܡܽܗ̄ܘ ܢܳܡܽܘܣܳܐ ܟܛܳܪܶܐ ܗ̄ܰܢ ܢܳܫ̈ܶܐ ܡܗܰܝܡܢܺܝ ܘܗܳܘ݄ܢ ܙܰܝܳܥ̈ܶܐ ܡܰܢ̱ ܐܠܳܗܳܐ.“ 14ܘܺܗ̄ܝ ܢܰܩܠܐ ܕܰܐܒ݄ܥ ܦܰܘܠܳܘܣ ܕܦܳܬ݄ܚ ܦܶܡܶܗ، ܓܰܐܠܺܝܳܘܢ ܐܡ݄ܪ ܠܶܗ ܠܰܝّܽܘܕ̥̈ܳܝܶܐ: ”ܕܳܗ̄ܘܶܐ ܗ̄ܘܰܐ ܥܰܠ ܡܶܕܶܐ ܒܺܝܫܳܐ ܐܰܘ ܢܟ̥ܺܝܠܳܐ ܐܰܘ ܡܥܰܢܬܳܐ ܟܡܰܫܟܺܝܬܽܘ، ܝܰܐ ܝܽܘܕ̥̈ܳܝܶܐ، ܠܳܙܰܡ ܗ̄ܘܰܐ ܕܡܰܩܒܰܠ ܐ̱ܢܳܐ ܠܟ̥ܽܘ، 15ܐܶܠܳܐ ܕܳܗ̄ܘ݄ܢ ܫ̈ܽܘܐܳܠܶܐ ܥܰܠ ܡ̈ܶܠܶܐ ܐܰܘ ܐ݄ܫܡܳܢ̈ܶܐ ܐܰܘ ܥܰܠ ܗ̄ܽܘ ܢܳܡܽܘܣܰܬ̥ܟ̥ܽܘ، ܗܰܬܽܘ ܒܰܝܢܳܬ̥ܰܝܟ̥ܽܘ ܟ݄ܐܕ̥ܥܺܝܬܽܘ (ܗ̄ܽܘ ܫܽܘܓ̥ܠܰܬ̥ܟ̥ܽܘ)، ܘܳܐܢܳܐ ܠܳܐ ܟܳܐܒܰܥ ܐ̱ܢܳܐ ܕܳܗ̄ܘܶܐ ܐ̱ܢܳܐ ܕܰܝܳܢܳܐ ܕܰܡّܶܕ̈ܳܢܰܢܺܝ.“ 16ܘ݄ܛܪܺܝܕܺܝ ܠܶܗ ܡܽܗ̄ܘ ܟܽܘܪܣܝܰܝܕ̥ܶܗ (ܕܽܗ̄ܘ ܒܶܝܬ̥ ܕܺܝܢܳܐ). 17ܘܟܽܘܠّܶܗ ܗ̄ܰܚّܰܢ̈ܦܶܐ ܙܒ݄ܛّܶܗ ܣܳܘܣܬܶܢܺܣ ܗ̄ܽܘ ܩܰܫܳܐ ܕܺܗ̄ܝ ܟ̥ܢܽܘܫܬܳܐ، ܘܡܳܚ݄ܢ ܗ̄ܘܰܝ ܠܶܗ ܩ݄ܕ̱ܡ ܗ̄ܽܘ ܟܽܘܪܣܝܳܐ (ܕܽܗ̄ܘ ܒܶܝܬ̥ ܕܺܝܢܳܐ)، ܘܓܰܐܠܺܝܳܘܢ ܠ݄ܐ ܚܳܪܰܒ̥ ܗ̄ܘܰܝ ܠܶܗ ܡܰܗ̄ܢܺܝ.
ܦܰܘܠܳܘܣ ܟܕܳܥ݄ܪ ܠܰܐܢܛܺܝܳܟ̥ܺܝܰܐ
18ܘܒ݄ܬ̥݄ܪ ܕܦܰܝ݄ܫ ܦܰܘܠܳܘܣ ܓ̥ܰܠܰܒܶܐ ܝܰܘܡ̈ܶܐ ܬܰܡܳܐ، ܗܽܒ̥ ܠܶܗ ܫܠܳܡܳܐ ܠܰܗ̄ܢ ܐܰܚ̈ܽܘܢܳܢܶܐ ܘܰܐܙّܶܗ ܒܽܗ̄ܘ ܝܰܡܳܐ ܕ݄ܐܙّܶܗ ܠܣܽܘܪܺܝܰܐ. ܘܰܐܬ̥݄ܢ ܐܰܥܡܶܗ ܦܪܺܝܣܩܺܠܰܐ ܘܰܐܩܶܠܳܘܣ، ܘܒܽܗ̄ܘ ܐܰܬ̥ܪܳܐ ܕܩܰܢܟ̥ܪܶܐܘܳܣ ܩ݄ܨ ܠܶܗ ܣܰܥܪܶܗ ܥܰܠ ܕ݄ܢܕ̥݄ܪ ܗ̄ܘܰܝ ܠܶܗ ܢܶܕ̥ܪܳܐ. 19ܘܡܰܛ݄ܢ ܠܶܐܦܶܣܳܘܣ، ܘܦܰܘܠܳܘܣ ܥܰܒ݄ܪ ܠܺܗ̄ܝ ܟ̥ܢܽܘܫܬܳܐ ܘܡ݄ܫܓ̥ܰܠ ܗ̄ܘܰܐ ܥܰܡ ܗ̄ܰܝّܽܘܕ̥̈ܳܝܶܐ. 20ܘܰܐܒܺܝܥܺܝ ܡܶܢܶܗ ܕܦܳܝ݄ܫ ܓܰܒܰܝّܶܗ ܙ݄ܕ، ܐܶܠܳܐ ܠܳܐ ܡܰܩܒܶܠ ܠܶܗ. 21ܘܐܡ݄ܪ ܠܶܗ: ”ܟܳܐܒܰܥ ܠܺܝ ܕܣܳܝܰܡ ܐ̱ܢܳܐ ܗ̄ܽܘ ܥܶܐܕ̥ܳܐ ܕܳܐܬ̥ܶܐ ܒܽܐܘܪܶܫܠܶܡ ܒܟܽܘܠ ܙܰܒܢܳܐ. ܘܕܰܐܠܳܗܳܐ ܨܳܒܶܐ، ܢܰܩܠܐ ܚܪܶܬܳܐ ܓܕܳܥܰܪ ܐ̱ܢܳܐ ܓܰܒܰܝܟ̥ܽܘ.“ ܘ݄ܛܪܶܐ ܠܶܗ ܠܰܐܩܶܠܳܘܣ ܘܠ݄ܦܪܺܝܣܩܺܠܰܐ ܒܶܐܦܶܣܳܘܣ. 22ܘܗܺܝّܶܗ ܐܰܙّܶܗ ܒܽܗ̄ܘ ܝܰܡܳܐ ܘܰܐܬ̥ܺܝ ܠܩܶܣܰܪܺܝܰܐ، ܘܣܰܠ݄ܩ ܘ݄ܡܫܰܐܶܠ ܠܶܗ ܒܽܗ̄ܘ ܫܠܳܡܳܐ ܕܰܗ̄ܢ ܐܰܒܢ̈ܶܐ ܕܺܗ̄ܝ ܥܺܕ̱ܬܳܐ، ܘܰܐܙّܶܗ ܠܰܐܢܛܺܝܳܟ̥ܺܝܰܐ.
ܗ̄ܽܘ ܡܰܐܙܠܳܐ ܕܰܬܠܳܬ̥ܳܐ ܠܺܗ̄ܝ ܣܒܰܪܬ̥ܳܐ
ܐܰܦ̊ܳܠܳܘ ܟܝܳܠ݄ܦ ܘܡܰܘܠ݄ܦ
23ܘܒ݄ܬ̥݄ܪ ܕܦܰܝ݄ܫ ܬܰܡܳܐ ܝܰܘܡ̈ܶܐ ܝܕ̥̈ܺܝܥܶܐ، ܢܰܦ݄ܩ ܟܰܪ݄ܟ̥ ܕܽܘܟܬ̥ܳܐ ܕܽܘܟܬ̥ܳܐ ܒܽܗ̄ܘ ܐܰܬ̥ܪܳܐ ܕܓܰܠܰܛܺܝܰܐ ܘܕ݄ܦܪܽܘܓ̥ܺܝܰܐ، ܘܳܗ̄ܒܶܐ ܗ̄ܘܰܐ ܚܰܝܠܳܐ ܘܠܽܘܒܳܒܳܐ ܠܟܘ̇ܠّܶܗ ܗ̄ܰܬّܰܠܡܺܝܕ̥̈ܶܐ. 24ܘܚܰܕ̱ ܓܰܒ̥ܪܳܐ ܐ݄ܫܡܶܗ ܐܰܦܳ̊ܠܳܘ، ܝܽܘܕ̥ܳܝܳܐ ܒܽܗ̄ܘ ܫܶܪܫܳܐ ܡܶܢ̱ ܐܰܠܶܟܣܰܢܕܪܺܝܰܐ، ܐܰܬ̥ܺܝ ܗ̄ܘܰܐ ܠܶܐܦܶܣܳܘܣ؛ ܗܰܢܳܐ ܝܰܠܺܝܦܳܐ ܗ̄ܘܰܐ ܒܺܗ̄ܝ ܡܶܠܬ̥ܳܐ ܘܩܰܪܳܝܳܐ ܒܰܟܬ̥ܳܒ̥̈ܶܐ. 25ܗܰܢܳܐ ܗܰܘܺܝ ܗ̄ܘܰܐ ܬܰܠܡܺܝܕ̥ܳܐ ܠܽܗ̄ܘ ܕܰܪܒܳܐ ܕܡܳܪܝܳܐ. ܘܪܰܬ̥ܺܝܚܳܐ ܗ̄ܘܰܐ ܒܺܗ̄ܝ ܪܽܘܚܳܐ، ܘܡ݄ܫܓ̥ܰܠ ܗ̄ܘܰܐ ܘܡܰܘܠܰܦ ܗ̄ܘܰܐ ܝܽܘܠܦܳܢܳܐ ܟܰܡܺܝܠܳܐ ܥܰܠ ܝܶܫܽܘܥ، ܐܶܠܳܐ ܗ̄ܺܝ ܡܰܥܡܽܘܕ̥ܺܝܬ̥ܳܐ ܕܝܽܘܚܰܢܳܢ ܒܶܠܚܽܘܕ̥ܰܗ ܐܳܕ̥ܰܥ ܗ̄ܘܰܐ. 26ܘ݄ܡܫܰܪܶܐ ܠܶܗ ܒܓܰܠܝܳܐ ܟܳܡ݄ܫܓ̥݄ܠ ܒܺܗ̄ܝ ܟ̥ܢܽܘܫܬܳܐ. ܘܺܗ̄ܝ ܢܰܩܠܐ ܕܫܰܡܺܝܥܺܝ ܠܶܗ ܐܰܩܶܠܳܘܣ ܘ݄ܦܪܺܝܣܩܺܠܰܐ، ܡܰܝܬܰܠّܶܗ ܠܽܗ̄ܘ ܒܰܝܬܰܬّ̥ܶܗ، ܘܡܰܚܘܰܠّܰܗ ܠܶܗ ܗ̄ܽܘ ܕܰܪܒܳܐ ܕܡܳܪܝܳܐ ܥܰܠ ܟܰܡܺܝܠܳܐ. 27ܘܺܗ̄ܝ ܢܰܩܠܐ ܕܰܐܒ݄ܥ ܕ݄ܐܙّܶܗ ܠܰܐܟ̥ܰܐܝܰܐ، ܗ̄ܰܢ ܐܰܚ̈ܽܘܢܳܢܶܐ ܡܠܰܒܰܒّܶܗ، ܘ݄ܟܬ̥ܽܒّ̥ܶܗ ܠܰܬّܰܠܡܺܝܕ̥̈ܶܐ ܕܡܰܩܒܠܺܝ ܠܶܗ. ܘܺܗ̄ܝ ܢܰܩܠܐ ܕܰܐܙّܶܗ ܡܥܰܕܰܪ ܠܶܗ ܓ̥ܰܠܰܒܶܐ ܒܺܗ̄ܝ ܛܰܝܒܽܘܬ̥ܳܐ ܠܟܘ̇ܠّܶܗ ܗ̄ܰܡܗܰܝܡܢ̈ܶܐ، 28ܡܺܐܝܕ̥ܶܗ ܕ݄ܒܚܺܝܨܳܐ ܚܺܝܨܳܐ ܕܳܪܰܫ ܗ̄ܘܰܐ ܡܩܰܒ݄ܠ ܕܰܝّܽܘܕ̥̈ܳܝܶܐ ܩ݄ܕ̱ܡ ܗ̄ܰܢ ܢܳܫ̈ܶܐ، ܘܡܰܚܘܶܐ ܗ̄ܘܰܐ ܡܰܢ̱ ܟܬ̥ܳܒ̥̈ܶܐ ܥܰܠ ܝܶܫܽܘܥ ܕܟ݄ܬ ܝܳܐ ܡܫܺܝܚܳܐ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Suryoyo Bible © 2024 Aramaic Bible Translation