Sang’hano za Wasenga 20
20
Paulo koita kaidi uko Makedonia na Uyunani
1Ija ndwagi ya kuja Efeso viimalile, Paulo kawakema hamwe waja wamtogole Kilisito na kawagela moyo. Amala kawalaga kaita mwanza wa Makedonia. 2Kabita muiisi ija kuno kowagela moyo kwa mbuli nyingi. Labaho kavika Uyunani, 3kuyakalile kwa miezi midatu. Viyakalile koitanda kuita Silia, baho kavimanya kua Wayunani wamkalila chigwena chihile, ivo kalamula kubwela kwa kubitila Makedonia. 4Sopatilo, mwana wa Pilo kulawa Beloya, kailongoza nayo. Ivija kailongoza na Alistaliko na Sekundo kulawa Sesalonike, na Gayo kulawa Delibe na Timoteo na Tukiko na Tilofimo wa Mkoa wa Asia. 5Hao wachilongolela na kuchibeta kuja Tiloa. 6Vichikomeleze lusona lwa migate ija haigeligwe mela, chikwela meli kulawa Filipi, vichikalile mazua matano chiwavika kuja Tiloa. Uko chikala kwa chipindi cha juma dimwe.
Mchikomelezo Paulo kaita uko Tiloa
7Vidivikile zua da mosi da juma, chiiting'hanila kuja ndia ya Mndewa hamwe. Kwa vija Paulo kakala kaitanda kusegela igolo yake, kawaligulila wanhu na kugendelela kulonga nao mbaka chilo chikulu. 8Muing'anda ija ichikalile uko kudigolofa, kukala na vimuli vingi vokwaka. 9Chipindi Paulo viyakalile yogendelela kuligula, mbwanga imwe yokemigwa Yutiko kakala mdidilisha. Yutiko kakala yosonga kukukila mbaka kawasa utulo, na kagwa hasi kulawa kuja kugolofa ya nhatu. Wamdondola kuno yafile.
10Mbali Paulo kahulumuka hasi, kainamila kamuhagata na kulonga, “Sekemgudeme manake yang'hali mgima.” 11Amala Paulo kakwela kaidi kudigolofa, kasola ndia kaja. Kagendelela kulonga nao kwa chipindi chitali mbaka imitondo, amala kasegela. 12Wanhu wamsola ija mbwana mbaka ukae yeli mgima, wakala na utindiwala ng'hani.
Paulo kolawa Tiloa kuita Mileto
13Cheye chikwela meli chilongola kuita Aso kuja chahamsolile Paulo. Ivo viyachilongele kusang'hana, kwavija kalonda kuvika uko kwa kugenda kwa magulu. 14Baho, kachivika uko Aso, chimkweza muimeli chiita Mitilene. 15Kulawa uko chiita mwanza mbaka igolo yake chivika uko Chio. Zua da kaidi, chivika Samo na igolo yake chivika Mileto. 16Paulo kakala kaitanda kugendelela na mwanza uwo kwa meli bila kubitila Efeso ili yalopole kuvika uko Asia. Baho kakala konda kuvika Yelusalemu hima kwa mbuli ya lusona lwa Pentekoste kama ihadahike.
Paulo kowalaga wavele wa Efeso
17Kulawa Mileto Paulo kalagiza usenga kwa wavele wa Efeso ili waiting'hanile. 18Viwaiting'hanile kawalongela, “Movimanya vija vinikalile na mweye mazua gose kulawa zua dija da mosi vinivikile Asia. 19Movimanya vija vinimsang'hanile Mndewa bila kuigoda, kwa mahozi na mbuli ndala zinipatile kwa mbuli ya vigwena va Wayahudi. 20Movimanya kua sidumbile mbe kuwaligulila hazelu na mzing'anda zenu na kuwafunda chochose chija chihamtazeni. 21Niwalongeni mose Wayahudi, ivija na wanhu wa isi, kua mumhindukile Mulungu na kumtogola Mndewa wetu Yesu Kilisito. 22Sambi tegelezeni, niye nihamtegeleza Muhe wa Mulungu, noita Yelusalemu bila kuvimanya gaja gonda ganipate uko.
23Chinimanya niye tu ni kua Muhe wa Mulungu konigangamizila kua vifungo na madununzo vonibeta muichila kae. 24Mbali niye siuona ugima wangu kua chinhu chifaya ng'hani, ila chinilonda nikukomeleza sang'hano yaning'ile Mndewa Yesu, yani sang'hano ya kuligula Usenga Unogile na unovu wa Mulungu.
25“Nibita mmwenu mose kuno noligula ufaume wa Mulungu. Mbali sambi, novimanya kua habule hata imwe mmwenu yonda yanione kaidi.
26Ivo, lelo nowagangamizileni kua kama yahaga imwe mmwenu, niye nabule dakulaumigwa jojose, 27manake niwalongeleni chila chinhu chija Mulungu chiyalonda mweye mchimanye. 28Itiganyeni wenyego, hamwe na wanhu wose mwing'higwe na Mulungu, waja Muhe wa Mulungu kamwikeni mweye muwe walolezi wao. Diloleni goya bumbila da wamtogole Mulungu dija yadipatile kwa damu ya Mwanage. 29Novimanya goya ng'hani kua niye nihasegela, wafunda uvizi weli kama umbwa mwitu wakali wowavamileni, na walibule bazi kwa bumbila ijo. 30Hata kulawa mmwenu wolawila wanhu waja wolonga mbuli za uvwizi ili kuwagiza waja wamtogole Yesu. 31Kwaivo, ikimilileni na sekemuisemwe kua kwa chipindi cha milao midatu, misi na chilo silegele kumkomhokela chila imwe mmwenu kwa mahozi.
32“Vino sambi, noweka mweye muuwimilizi wa Mulungu na usenga wa unovu wake uja uwadahiza kuwagangamiza mwenye na kuweng'ha ganogile gaja Mulungu koweng'ha wanhu wake wose. 33Niye silondile hata mala lumwe mbuli ya sente, hebu zahabu hebu chivalo cha munhu yoyose. 34Mweye wenyego movimanya kua nisang'hana sang'hano kwa makono gangu mwenyego ili kuipatila vinhu vangu na va wayangu. 35Mwagaja gose ganisang'hane nikala nowalagusila, cholondeka kusang'hana kwa kuiyoha, ili kuwataza weli na uzidilwa. Chihaleka kuisemwa mbuli ya Mndewa wetu Yesu mwenyego viyalonga, ‘Kamweda ng'hani yolava kubita yobokela.’”
36Paulo viyakomeleze kugalonga gago na waja wose wafugama mavindi, Paulo kampula Mulungu.
37Wose wakala wolila, na kumlaga Paulo kwa kumhagatila. 38Mbuli iwagelile ng'hani giogio, ukala uja usenga yalongile kua, hawamuona kaidi. Baho wamgala mbaka muingalawa.
Currently Selected:
Sang’hano za Wasenga 20: KBV
Highlight
Share
Copy
Want to have your highlights saved across all your devices? Sign up or sign in
The New Testament in Kami @The Word for The World International and Kami Language translation. All rights reserved.
Sang’hano za Wasenga 20
20
Paulo koita kaidi uko Makedonia na Uyunani
1Ija ndwagi ya kuja Efeso viimalile, Paulo kawakema hamwe waja wamtogole Kilisito na kawagela moyo. Amala kawalaga kaita mwanza wa Makedonia. 2Kabita muiisi ija kuno kowagela moyo kwa mbuli nyingi. Labaho kavika Uyunani, 3kuyakalile kwa miezi midatu. Viyakalile koitanda kuita Silia, baho kavimanya kua Wayunani wamkalila chigwena chihile, ivo kalamula kubwela kwa kubitila Makedonia. 4Sopatilo, mwana wa Pilo kulawa Beloya, kailongoza nayo. Ivija kailongoza na Alistaliko na Sekundo kulawa Sesalonike, na Gayo kulawa Delibe na Timoteo na Tukiko na Tilofimo wa Mkoa wa Asia. 5Hao wachilongolela na kuchibeta kuja Tiloa. 6Vichikomeleze lusona lwa migate ija haigeligwe mela, chikwela meli kulawa Filipi, vichikalile mazua matano chiwavika kuja Tiloa. Uko chikala kwa chipindi cha juma dimwe.
Mchikomelezo Paulo kaita uko Tiloa
7Vidivikile zua da mosi da juma, chiiting'hanila kuja ndia ya Mndewa hamwe. Kwa vija Paulo kakala kaitanda kusegela igolo yake, kawaligulila wanhu na kugendelela kulonga nao mbaka chilo chikulu. 8Muing'anda ija ichikalile uko kudigolofa, kukala na vimuli vingi vokwaka. 9Chipindi Paulo viyakalile yogendelela kuligula, mbwanga imwe yokemigwa Yutiko kakala mdidilisha. Yutiko kakala yosonga kukukila mbaka kawasa utulo, na kagwa hasi kulawa kuja kugolofa ya nhatu. Wamdondola kuno yafile.
10Mbali Paulo kahulumuka hasi, kainamila kamuhagata na kulonga, “Sekemgudeme manake yang'hali mgima.” 11Amala Paulo kakwela kaidi kudigolofa, kasola ndia kaja. Kagendelela kulonga nao kwa chipindi chitali mbaka imitondo, amala kasegela. 12Wanhu wamsola ija mbwana mbaka ukae yeli mgima, wakala na utindiwala ng'hani.
Paulo kolawa Tiloa kuita Mileto
13Cheye chikwela meli chilongola kuita Aso kuja chahamsolile Paulo. Ivo viyachilongele kusang'hana, kwavija kalonda kuvika uko kwa kugenda kwa magulu. 14Baho, kachivika uko Aso, chimkweza muimeli chiita Mitilene. 15Kulawa uko chiita mwanza mbaka igolo yake chivika uko Chio. Zua da kaidi, chivika Samo na igolo yake chivika Mileto. 16Paulo kakala kaitanda kugendelela na mwanza uwo kwa meli bila kubitila Efeso ili yalopole kuvika uko Asia. Baho kakala konda kuvika Yelusalemu hima kwa mbuli ya lusona lwa Pentekoste kama ihadahike.
Paulo kowalaga wavele wa Efeso
17Kulawa Mileto Paulo kalagiza usenga kwa wavele wa Efeso ili waiting'hanile. 18Viwaiting'hanile kawalongela, “Movimanya vija vinikalile na mweye mazua gose kulawa zua dija da mosi vinivikile Asia. 19Movimanya vija vinimsang'hanile Mndewa bila kuigoda, kwa mahozi na mbuli ndala zinipatile kwa mbuli ya vigwena va Wayahudi. 20Movimanya kua sidumbile mbe kuwaligulila hazelu na mzing'anda zenu na kuwafunda chochose chija chihamtazeni. 21Niwalongeni mose Wayahudi, ivija na wanhu wa isi, kua mumhindukile Mulungu na kumtogola Mndewa wetu Yesu Kilisito. 22Sambi tegelezeni, niye nihamtegeleza Muhe wa Mulungu, noita Yelusalemu bila kuvimanya gaja gonda ganipate uko.
23Chinimanya niye tu ni kua Muhe wa Mulungu konigangamizila kua vifungo na madununzo vonibeta muichila kae. 24Mbali niye siuona ugima wangu kua chinhu chifaya ng'hani, ila chinilonda nikukomeleza sang'hano yaning'ile Mndewa Yesu, yani sang'hano ya kuligula Usenga Unogile na unovu wa Mulungu.
25“Nibita mmwenu mose kuno noligula ufaume wa Mulungu. Mbali sambi, novimanya kua habule hata imwe mmwenu yonda yanione kaidi.
26Ivo, lelo nowagangamizileni kua kama yahaga imwe mmwenu, niye nabule dakulaumigwa jojose, 27manake niwalongeleni chila chinhu chija Mulungu chiyalonda mweye mchimanye. 28Itiganyeni wenyego, hamwe na wanhu wose mwing'higwe na Mulungu, waja Muhe wa Mulungu kamwikeni mweye muwe walolezi wao. Diloleni goya bumbila da wamtogole Mulungu dija yadipatile kwa damu ya Mwanage. 29Novimanya goya ng'hani kua niye nihasegela, wafunda uvizi weli kama umbwa mwitu wakali wowavamileni, na walibule bazi kwa bumbila ijo. 30Hata kulawa mmwenu wolawila wanhu waja wolonga mbuli za uvwizi ili kuwagiza waja wamtogole Yesu. 31Kwaivo, ikimilileni na sekemuisemwe kua kwa chipindi cha milao midatu, misi na chilo silegele kumkomhokela chila imwe mmwenu kwa mahozi.
32“Vino sambi, noweka mweye muuwimilizi wa Mulungu na usenga wa unovu wake uja uwadahiza kuwagangamiza mwenye na kuweng'ha ganogile gaja Mulungu koweng'ha wanhu wake wose. 33Niye silondile hata mala lumwe mbuli ya sente, hebu zahabu hebu chivalo cha munhu yoyose. 34Mweye wenyego movimanya kua nisang'hana sang'hano kwa makono gangu mwenyego ili kuipatila vinhu vangu na va wayangu. 35Mwagaja gose ganisang'hane nikala nowalagusila, cholondeka kusang'hana kwa kuiyoha, ili kuwataza weli na uzidilwa. Chihaleka kuisemwa mbuli ya Mndewa wetu Yesu mwenyego viyalonga, ‘Kamweda ng'hani yolava kubita yobokela.’”
36Paulo viyakomeleze kugalonga gago na waja wose wafugama mavindi, Paulo kampula Mulungu.
37Wose wakala wolila, na kumlaga Paulo kwa kumhagatila. 38Mbuli iwagelile ng'hani giogio, ukala uja usenga yalongile kua, hawamuona kaidi. Baho wamgala mbaka muingalawa.
Currently Selected:
:
Highlight
Share
Copy
Want to have your highlights saved across all your devices? Sign up or sign in
The New Testament in Kami @The Word for The World International and Kami Language translation. All rights reserved.