Lʉka 24
24
Kiʉka kʉng’wa Yesʉ
Matayo 28:1-10; Maliko 16:1-8; Yohana 20:1-10
1Lʉhikʉ nʉla ng’wandyo nʉla wiki, daʉ maniambwa, asʉngʉ awa akalongola kʉkɨbɨɨla azeahoile manyunkɨɨlyo ayo naɨamanoneeye. 2Nɨ apika pa kɨbɨɨla akahanga igwe naɨ lɨkiɨɨigwe pakɨbɨɨla lɨpingɨlitɨgwe kʉlɨ. 3Naɨ ingɨla mʉkatɨ akɨbɨɨla, shanga akaʉona ʉmʉimba wang’wi Isekʉlʉ Yesʉ. 4Naɨ akɨlɨ akʉkʉɨlwa ikani ɨlɨ, itungo ʉdu, antʉ abɨɨlɨ atugae ngʉo akʉmɨlɨgɨnta anga impɨto, akimɨka pakupɨ nɨenso. 5Asʉngʉ awa akogopa, akatunia ɨmiho nʉkʉtugama pihɨ. Papo gwa antʉ awa akaaɨla, “Nɨkɨ mʉkʉmduma mʉntʉ nɨmʉpanga mʉantʉ nɨakule? 6Wɨmʉtilɨ apa, wiʉka. Kɨmbʉki ayo naɨ ʉmʉtambʉɨe naɨ mʉkolɨ ʉko kʉ Galilaya. 7Apo naɨ ʉtambʉe ‘Ʉnene Ng’waa Mʉntʉ ntakɨwe mpumigwe kʉantʉ nɨabɨ, nɨantʉ awa nɨabɨ akononteele mʉmʉsalaba nʉlʉhikʉ nʉlakataatʉ kiʉka.”’
8Papo asʉngʉ awa akakɨmbʉka inkani yang’wa Yesʉ, 9naɨ atulya kʉpuma kʉkɨbɨɨla, akaaganʉɨla ɨitʉmi awo nɨikʉmi na ʉng’wɨ nɨantʉ aʉya ɨhi ɨmakani nanso ɨhi. 10Asʉngʉ awa naɨ aganʉe inkani izi kʉ itʉmi, ingɨ aɨ Malia mʉnya kʉ Magidala nʉ Yoana nʉ Malia nyinya wang’wa Yakobo, palʉng’wɨ nɨasʉngʉ aʉya naɨendanilye kʉkɨbɨɨla. 11Ingɨ itʉmi nɨanso akahʉɨɨla nkani izi asʉngʉ naɨ aganʉe, akaiona nkani yaʉteele. 12Nɨitɨ ga Petelo akaʉka, akamanka ntambo kʉkɨbɨɨla. Naɨ wapika akatuna wakʉnɨɨle mʉkɨbɨɨla, akamɨona shanda du ikoeganile papo. Akatʉlya kito kʉnʉ waze ʉkʉɨwe nkani izi niipumɨe.
Yesʉ ʉkʉigeela antʉ abɨɨlɨ mʉ nzɨla a kʉ Emau
Maliko 16:12-13
13Lʉhikʉ lʉlo lʉʉlo antʉ abɨɨlɨ mʉitʉmɨ ang’wa Yesʉ akatula alongoe kʉ kɨsalɨ kɨng’wɨ nɨkʉniino kitangwa Emau, ʉkʉli wakwe anga kilomita ikʉmi na ɨng’wɨ kʉpumɨɨla kʉ Yelusalemu. 14Akazitambʉlya makani ɨhi naɨ apumɨe. 15Naɨ akitambʉɨla nʉkigombasɨɨlya nkani nianso, Yesʉ akigela akakʉɨlania nɨenso. 16Akamʉona kʉmiho ao, nɨitɨga shanga akahuma kʉmʉmanya kɨna ng’wenso. 17Yesʉ akaakolya, “Makani kɨɨ aya nɨmʉkitambʉɨla kʉnʉ mʉkʉgenda?” Antʉ awa akimɨka akakɨlaga ihɨtwɨ, akahininaala kʉʉkia. 18Mʉntʉ ʉng’wɨ, linalakwe Kileopa, akamʉsʉkɨɨlya, “Itɨɨ, ʉewe wing’wene nʉimʉzɨɨla mʉnʉ mu Yelusalemu nɨshanga umalingɨle ɨmakani napumɨe mahikʉ yaya mʉnʉ mu Yelusalemu?”
19Yesʉ akaakolya, “Makani kɨɨ nanso?”
Antʉ awa akamʉsʉkɨɨlya, “Makani naza amuhangɨle ʉ Yesʉ nʉa kʉ Nazaleti. Ingɨ aza mʉmanga wang’wi Itunda aza ʉkete ʉhumi ʉkʉlʉ nʉakitʉma makʉlʉ nʉkʉmanyisa pantongeela ang’wi Itunda nintongeela aantʉ ɨhi. 20Akulu ipolyo niatemi itu akalamula kumaja nʉ kʉmʉbulaga. 21Ʉsese ingɨ aza kusumbɨɨye kɨna nʉanso yuyo ʉkʉaponya Aisilaeli. Kukɨla nanso ɨhi, lelo akɨla mahikʉ ataatʉ ɨmakani naya napumiɨlɨla. 22Nihangɨ, asʉngʉ nɨang’wi akʉtinʉla. Dau maniambwa ɨlelo azaendile kʉkɨbɨɨla, 23shanga auona umʉimba wakwe. Atʉlya alʉnga kɨna apumiwe nia Malaɨka aatambʉɨla kɨna Yesʉ wainaa mʉpanga. 24Ang’wi itu azaendile kʉkɨbɨɨla ende iloeela makani ayo iasʉngʉ niamatambue, nʉanso ingɨ shanga amʉona.”
25Sʉnga ʉ Yesʉ akaatambʉɨla, “Ʉnyenye mɨapʉngʉ itɨ ni nkolo yanyu ingɨ nkakʉ kʉnsoko shanga mʉhʉɨɨe aya ɨhi naɨatambʉwe nɨamanga ang’wi Itunda? 26Itɨɨ, ʉ Kilisito shanga aza ʉtakɨwene kagigwa, nɨitɨ wingɨle mʉʉkulu akwe?” 27Yesʉ akaalɨngasa ʉandɨkwa wɨhɨ nʉa Nkani Nza nʉʉtambʉe ɨmakani akwe, kandɨɨlya ʉ Musa nianyakidagu ɨhi.
28Naɨ akihumbeela ɨkɨsalɨ iko naɨ alongoe, Yesʉ akitendisa kɨna ʉkʉ kɨlɨnkania nʉ mʉhɨnzo, 29ingɨ nɨanso akamʉpepeelya azelʉnga, “Saga palʉng’wɨ nʉsese, kusoko wainiila, nʉʉtikʉ wapikaa.” Ʉʉgwa akingɨla mʉkɨsalɨ akikiɨ palʉng’wɨ nɨenso. 30Naɨ wikiɨ kʉlya indya palʉng’wɨ nɨenso, akaʉhola umukate, akamʉlʉmba Itunda, akauega, akainkɨɨlya. 31Itungo lɨlo lɨɨlo miho ao akapɨtya, akamʉlinga, nʉanso ingɨ akalimansɨɨla pakatɨ ao. 32Ʉʉgwa akatʉlitambʉɨla, “Itɨɨ, inkolo yitu shanga aza yɨkʉpɨta kʉʉlowa apo naza ʉkʉʉlɨngasa Ʉandɨkwa nʉa Nkani Nza naza kʉkolɨ mʉnzɨla?”
33Itungo lɨlo lɨɨlo akahega, akatʉlya kʉ Yelusalemu. Kʉng’wanso akaahanga ɨitʉmɨ awo ni ikʉmi na ʉng’wɨ nawo ɨhi naɨ ɨpalʉng’wɨ nɨenso 34akalʉnga, “Kʉlʉ kʉʉlʉ Isekʉlʉ wiʉka, ʉmigee ʉ Simoni.”
35Sʉnga, ahʉɨɨlɨ nɨabɨɨlɨ akaapikilya nkani yɨhi naɨ aiine mʉnzɨla, niitɨ naɨ amʉlingɨle naɨ ʉkʉʉega ʉmʉkate.
Yesʉ ʉkigela kʉ amanyisigwa akwe
Matayo 28:16-20; Maliko 16:14-18; Yohana 20:19-23; Ntendo 1:6-8
36Naɨ akɨlɨ akitambʉlya inkani nianso, Yesʉ akimɨka pakatɨ ao, akaaɨla, “Ʉgila minyomo utule nʉ nyenye.”
37Akalunguala akingɨilwa nʉwoa akasɨganɨɨlya kɨna aonaa mintunga. 38Ingɨ ʉ Yesʉ akaatambʉɨla, “Kʉnɨkɨ mʉkʉlʉnguala? Hai kamʉkete mitumbo mʉnkolo yanyu? 39Gozi mɨkono ane ni mɨgʉlʉ ane, nɨ nene. Mambangi muone, kʉnsoko mʉtumbʉka izaa mʉgila anga mʉɨlɨ ang’wɨ makʉpa anga nimʉkumona ʉnene.
40Naɨ wakondya kʉtambʉla itɨ, akaalagɨɨla mɨkono nɨ mɨgʉlʉ akwe. 41Naɨ akɨlɨ kʉhʉɨɨla kɨna ng’wenso, kʉnsoko aʉlowa nʉ ʉkʉɨlwa naɨ akete, akaakolya, “Mʉketene ɨkɨntʉ kakʉlya” 42Akamʉpa ng’waa nsamaki nɨasile. 43Akahola, akalya, ɨhi aze amʉloeeye.
44Sʉnga akaatambʉɨla, “Yaya makani naɨ nʉmʉtambʉɨe matungo naɨ kɨpalʉng’wɨ nʉnyenye, kɨna aɨ atakɨwe akondanɨɨle ɨhi naɨ andɨkilwe mʉmalagɨɨlyo ang’wa Musa nʉ mʉmbugulu niya amanga ang’wi Itunda nʉ mʉ Zabʉli.”
45Sʉnga akahumya mʉmahala ao ahume kʉʉlinga ʉandɨkwa wang’wi Itunda. 46Akaaila, “Yandɨkilwe mʉandɨkwa wang’wi Itunda, kɨna ʉ Kilisito ʉkʉkaga nʉkʉsha nʉ lʉhikʉ nʉla kataatʉ ʉkiʉka, 47nɨ kɨna itakɨwe, kʉ lina lakwe, antʉ andʉgʉ yɨhi, akʉtanantɨligwa kɨna ɨantʉ atakɨwe kila itʉnʉ nʉ kʉlekelwa ɨmɨlandʉ ao, kandɨɨlya kʉ Yelusalemu. 48Ʉnyenye ingɨ mɨakʉiɨlɨ amakani nanso. 49Ʉnene kumulagiɨlɨlya ʉyo Tataane naɨʉlapile, ingɨ ikii mʉnʉ mʉkɨsalɨ ipikɨɨle nimʉkʉpegwa ʉhumi nʉʉpembeeye kilunde.”
Kʉholwa kʉng’wa Yesʉ
Maliko 16:19-20; Ntendo 1:9-11
50Sʉnga Yesʉ akaatongeela itʉmi akwe kʉpuma kʉnzi akɨsalɨ ka Betania, Akahumbula imɨkono akwe migʉlya, akaakembeta. 51Yesʉ naɨ ʉkʉakembeta, akaholwa, nʉkʉaleka, akalongola kilunde. 52Sunga akamʉkʉlya ng’wenso, akasʉka kʉ Yelusalemu aze iloile ikʉlʉ. 53Matungo ɨhi aɨikiɨ Mʉnyʉmba ang’wi Itunda azemukʉlya Itunda.
Currently Selected:
Lʉka 24: IBV
Highlight
Share
Copy
Want to have your highlights saved across all your devices? Sign up or sign in
The New Testament in Isanzu @The Word for The World International and Isanzu Language translation. All rights reserved
Lʉka 24
24
Kiʉka kʉng’wa Yesʉ
Matayo 28:1-10; Maliko 16:1-8; Yohana 20:1-10
1Lʉhikʉ nʉla ng’wandyo nʉla wiki, daʉ maniambwa, asʉngʉ awa akalongola kʉkɨbɨɨla azeahoile manyunkɨɨlyo ayo naɨamanoneeye. 2Nɨ apika pa kɨbɨɨla akahanga igwe naɨ lɨkiɨɨigwe pakɨbɨɨla lɨpingɨlitɨgwe kʉlɨ. 3Naɨ ingɨla mʉkatɨ akɨbɨɨla, shanga akaʉona ʉmʉimba wang’wi Isekʉlʉ Yesʉ. 4Naɨ akɨlɨ akʉkʉɨlwa ikani ɨlɨ, itungo ʉdu, antʉ abɨɨlɨ atugae ngʉo akʉmɨlɨgɨnta anga impɨto, akimɨka pakupɨ nɨenso. 5Asʉngʉ awa akogopa, akatunia ɨmiho nʉkʉtugama pihɨ. Papo gwa antʉ awa akaaɨla, “Nɨkɨ mʉkʉmduma mʉntʉ nɨmʉpanga mʉantʉ nɨakule? 6Wɨmʉtilɨ apa, wiʉka. Kɨmbʉki ayo naɨ ʉmʉtambʉɨe naɨ mʉkolɨ ʉko kʉ Galilaya. 7Apo naɨ ʉtambʉe ‘Ʉnene Ng’waa Mʉntʉ ntakɨwe mpumigwe kʉantʉ nɨabɨ, nɨantʉ awa nɨabɨ akononteele mʉmʉsalaba nʉlʉhikʉ nʉlakataatʉ kiʉka.”’
8Papo asʉngʉ awa akakɨmbʉka inkani yang’wa Yesʉ, 9naɨ atulya kʉpuma kʉkɨbɨɨla, akaaganʉɨla ɨitʉmi awo nɨikʉmi na ʉng’wɨ nɨantʉ aʉya ɨhi ɨmakani nanso ɨhi. 10Asʉngʉ awa naɨ aganʉe inkani izi kʉ itʉmi, ingɨ aɨ Malia mʉnya kʉ Magidala nʉ Yoana nʉ Malia nyinya wang’wa Yakobo, palʉng’wɨ nɨasʉngʉ aʉya naɨendanilye kʉkɨbɨɨla. 11Ingɨ itʉmi nɨanso akahʉɨɨla nkani izi asʉngʉ naɨ aganʉe, akaiona nkani yaʉteele. 12Nɨitɨ ga Petelo akaʉka, akamanka ntambo kʉkɨbɨɨla. Naɨ wapika akatuna wakʉnɨɨle mʉkɨbɨɨla, akamɨona shanda du ikoeganile papo. Akatʉlya kito kʉnʉ waze ʉkʉɨwe nkani izi niipumɨe.
Yesʉ ʉkʉigeela antʉ abɨɨlɨ mʉ nzɨla a kʉ Emau
Maliko 16:12-13
13Lʉhikʉ lʉlo lʉʉlo antʉ abɨɨlɨ mʉitʉmɨ ang’wa Yesʉ akatula alongoe kʉ kɨsalɨ kɨng’wɨ nɨkʉniino kitangwa Emau, ʉkʉli wakwe anga kilomita ikʉmi na ɨng’wɨ kʉpumɨɨla kʉ Yelusalemu. 14Akazitambʉlya makani ɨhi naɨ apumɨe. 15Naɨ akitambʉɨla nʉkigombasɨɨlya nkani nianso, Yesʉ akigela akakʉɨlania nɨenso. 16Akamʉona kʉmiho ao, nɨitɨga shanga akahuma kʉmʉmanya kɨna ng’wenso. 17Yesʉ akaakolya, “Makani kɨɨ aya nɨmʉkitambʉɨla kʉnʉ mʉkʉgenda?” Antʉ awa akimɨka akakɨlaga ihɨtwɨ, akahininaala kʉʉkia. 18Mʉntʉ ʉng’wɨ, linalakwe Kileopa, akamʉsʉkɨɨlya, “Itɨɨ, ʉewe wing’wene nʉimʉzɨɨla mʉnʉ mu Yelusalemu nɨshanga umalingɨle ɨmakani napumɨe mahikʉ yaya mʉnʉ mu Yelusalemu?”
19Yesʉ akaakolya, “Makani kɨɨ nanso?”
Antʉ awa akamʉsʉkɨɨlya, “Makani naza amuhangɨle ʉ Yesʉ nʉa kʉ Nazaleti. Ingɨ aza mʉmanga wang’wi Itunda aza ʉkete ʉhumi ʉkʉlʉ nʉakitʉma makʉlʉ nʉkʉmanyisa pantongeela ang’wi Itunda nintongeela aantʉ ɨhi. 20Akulu ipolyo niatemi itu akalamula kumaja nʉ kʉmʉbulaga. 21Ʉsese ingɨ aza kusumbɨɨye kɨna nʉanso yuyo ʉkʉaponya Aisilaeli. Kukɨla nanso ɨhi, lelo akɨla mahikʉ ataatʉ ɨmakani naya napumiɨlɨla. 22Nihangɨ, asʉngʉ nɨang’wi akʉtinʉla. Dau maniambwa ɨlelo azaendile kʉkɨbɨɨla, 23shanga auona umʉimba wakwe. Atʉlya alʉnga kɨna apumiwe nia Malaɨka aatambʉɨla kɨna Yesʉ wainaa mʉpanga. 24Ang’wi itu azaendile kʉkɨbɨɨla ende iloeela makani ayo iasʉngʉ niamatambue, nʉanso ingɨ shanga amʉona.”
25Sʉnga ʉ Yesʉ akaatambʉɨla, “Ʉnyenye mɨapʉngʉ itɨ ni nkolo yanyu ingɨ nkakʉ kʉnsoko shanga mʉhʉɨɨe aya ɨhi naɨatambʉwe nɨamanga ang’wi Itunda? 26Itɨɨ, ʉ Kilisito shanga aza ʉtakɨwene kagigwa, nɨitɨ wingɨle mʉʉkulu akwe?” 27Yesʉ akaalɨngasa ʉandɨkwa wɨhɨ nʉa Nkani Nza nʉʉtambʉe ɨmakani akwe, kandɨɨlya ʉ Musa nianyakidagu ɨhi.
28Naɨ akihumbeela ɨkɨsalɨ iko naɨ alongoe, Yesʉ akitendisa kɨna ʉkʉ kɨlɨnkania nʉ mʉhɨnzo, 29ingɨ nɨanso akamʉpepeelya azelʉnga, “Saga palʉng’wɨ nʉsese, kusoko wainiila, nʉʉtikʉ wapikaa.” Ʉʉgwa akingɨla mʉkɨsalɨ akikiɨ palʉng’wɨ nɨenso. 30Naɨ wikiɨ kʉlya indya palʉng’wɨ nɨenso, akaʉhola umukate, akamʉlʉmba Itunda, akauega, akainkɨɨlya. 31Itungo lɨlo lɨɨlo miho ao akapɨtya, akamʉlinga, nʉanso ingɨ akalimansɨɨla pakatɨ ao. 32Ʉʉgwa akatʉlitambʉɨla, “Itɨɨ, inkolo yitu shanga aza yɨkʉpɨta kʉʉlowa apo naza ʉkʉʉlɨngasa Ʉandɨkwa nʉa Nkani Nza naza kʉkolɨ mʉnzɨla?”
33Itungo lɨlo lɨɨlo akahega, akatʉlya kʉ Yelusalemu. Kʉng’wanso akaahanga ɨitʉmɨ awo ni ikʉmi na ʉng’wɨ nawo ɨhi naɨ ɨpalʉng’wɨ nɨenso 34akalʉnga, “Kʉlʉ kʉʉlʉ Isekʉlʉ wiʉka, ʉmigee ʉ Simoni.”
35Sʉnga, ahʉɨɨlɨ nɨabɨɨlɨ akaapikilya nkani yɨhi naɨ aiine mʉnzɨla, niitɨ naɨ amʉlingɨle naɨ ʉkʉʉega ʉmʉkate.
Yesʉ ʉkigela kʉ amanyisigwa akwe
Matayo 28:16-20; Maliko 16:14-18; Yohana 20:19-23; Ntendo 1:6-8
36Naɨ akɨlɨ akitambʉlya inkani nianso, Yesʉ akimɨka pakatɨ ao, akaaɨla, “Ʉgila minyomo utule nʉ nyenye.”
37Akalunguala akingɨilwa nʉwoa akasɨganɨɨlya kɨna aonaa mintunga. 38Ingɨ ʉ Yesʉ akaatambʉɨla, “Kʉnɨkɨ mʉkʉlʉnguala? Hai kamʉkete mitumbo mʉnkolo yanyu? 39Gozi mɨkono ane ni mɨgʉlʉ ane, nɨ nene. Mambangi muone, kʉnsoko mʉtumbʉka izaa mʉgila anga mʉɨlɨ ang’wɨ makʉpa anga nimʉkumona ʉnene.
40Naɨ wakondya kʉtambʉla itɨ, akaalagɨɨla mɨkono nɨ mɨgʉlʉ akwe. 41Naɨ akɨlɨ kʉhʉɨɨla kɨna ng’wenso, kʉnsoko aʉlowa nʉ ʉkʉɨlwa naɨ akete, akaakolya, “Mʉketene ɨkɨntʉ kakʉlya” 42Akamʉpa ng’waa nsamaki nɨasile. 43Akahola, akalya, ɨhi aze amʉloeeye.
44Sʉnga akaatambʉɨla, “Yaya makani naɨ nʉmʉtambʉɨe matungo naɨ kɨpalʉng’wɨ nʉnyenye, kɨna aɨ atakɨwe akondanɨɨle ɨhi naɨ andɨkilwe mʉmalagɨɨlyo ang’wa Musa nʉ mʉmbugulu niya amanga ang’wi Itunda nʉ mʉ Zabʉli.”
45Sʉnga akahumya mʉmahala ao ahume kʉʉlinga ʉandɨkwa wang’wi Itunda. 46Akaaila, “Yandɨkilwe mʉandɨkwa wang’wi Itunda, kɨna ʉ Kilisito ʉkʉkaga nʉkʉsha nʉ lʉhikʉ nʉla kataatʉ ʉkiʉka, 47nɨ kɨna itakɨwe, kʉ lina lakwe, antʉ andʉgʉ yɨhi, akʉtanantɨligwa kɨna ɨantʉ atakɨwe kila itʉnʉ nʉ kʉlekelwa ɨmɨlandʉ ao, kandɨɨlya kʉ Yelusalemu. 48Ʉnyenye ingɨ mɨakʉiɨlɨ amakani nanso. 49Ʉnene kumulagiɨlɨlya ʉyo Tataane naɨʉlapile, ingɨ ikii mʉnʉ mʉkɨsalɨ ipikɨɨle nimʉkʉpegwa ʉhumi nʉʉpembeeye kilunde.”
Kʉholwa kʉng’wa Yesʉ
Maliko 16:19-20; Ntendo 1:9-11
50Sʉnga Yesʉ akaatongeela itʉmi akwe kʉpuma kʉnzi akɨsalɨ ka Betania, Akahumbula imɨkono akwe migʉlya, akaakembeta. 51Yesʉ naɨ ʉkʉakembeta, akaholwa, nʉkʉaleka, akalongola kilunde. 52Sunga akamʉkʉlya ng’wenso, akasʉka kʉ Yelusalemu aze iloile ikʉlʉ. 53Matungo ɨhi aɨikiɨ Mʉnyʉmba ang’wi Itunda azemukʉlya Itunda.
Currently Selected:
:
Highlight
Share
Copy
Want to have your highlights saved across all your devices? Sign up or sign in
The New Testament in Isanzu @The Word for The World International and Isanzu Language translation. All rights reserved