ᔪᐊᓇᓯᐅᑉ ᐊᒡᓚᖏᑦ 1
1
ᐅᖃᐅᓯᖅ ᐃᓅᓯᐅᔪᖅ
1ᐱᒋᐊᕐᖕᓂᕐᖕᒥ ᐅᖃᐅᓯᖅ ᑕᕝᕙᓃᓚᐅᖅᐳᖅ, ᐅᖃᐅᓯᕐᓗ ᒎᑎᒦᓚᐅᖅᐳᖅ, ᐅᖃᐅᓯᕐᓗ ᒎᑎᐅᕗᖅ. 2ᑖᓐᓇ ᐱᒋᐊᕐᖕᓂᕐᖕᒥᑦ ᒎᑎᒦᓚᐅᖅᐳᖅ; 3ᓱᓇᓕᒫᑦᓯᐊᑦ ᑖᑦᓱᒨᓇ ᐱᓐᖑᖅᑎᑕᐅᓚᐅᖅᓯᒪᕗᑦ; ᑖᑦᓱᒪᓗ ᐊᓯᐊᒍᑦ ᐱᓐᖑᖅᑎᑕᐅᓯᒪᔪᖃᓐᖏᓚᖅ ᐱᓐᖑᖅᑎᑕᐅᓯᒪᔪᓂᒃ. 4ᐃᓅᓯᖅ ᑖᑦᓱᒪᓃᓚᐅᖅᐳᖅ, ᐃᓅᓯᕐᓗ ᐃᓄᖕᓄᑦ ᑕᒤᓐᓄᑦ ᖃᐅᒻᒪᖅᑯᑕᐅᓚᐅᖅᐳᖅ. 5ᖃᐅᒪᔪᖅ ᖃᐅᒻᒤᕗᖅ ᑖᖅᑐᒥᒃ, ᑖᖅᑑᓪᓗ ᖃᒥᓚᐅᓐᖏᓛ.
6 #
ᒫᑎᐅᓯ 3:1; ᒫᑯᓯ 1:4; ᓘᑲᓯ 3:1,2. ᒎᑎ ᑎᓕᓯᓚᐅᖅᐳᖅ ᐃᓄᖕᒥᒃ, ᔪᐊᓇᓯᒥᒃ ᐊᑎᓕᖕᒥᒃ, 7ᑖᓐᓇ ᑎᑭᓚᐅᖅᐳᖅ ᐅᖃᐅᓯᖃᕆᐊᖅᑐᕐᓗᓂ, ᖃᐅᒪᔪᒥᒃ ᓇᓗᓁᖅᓯᔭᖅᑐᕐᓗᓂ, ᐃᓘᓐᓇᑎᒃ ᑖᑦᓱᒨᓇ ᐅᒃᐱᓕᖅᑎᑕᐅᖁᓪᓗᒋᑦ. 8ᓇᖕᒥᓂᕐᓕ ᔪᐊᓇᓯ ᖃᐅᒪᔫᓐᖏᓚᖅ, ᑎᑭᓚᐅᖅᐳᕐᓕ ᓇᓗᓁᖅᓯᔭᖅᑐᖅᖢᓂ ᖃᐅᒪᔪᒥᒃ. 9ᓱᓕᔪᒥᒡᓕ ᖃᐅᒪᔫᕗᖅ ᑖᓐᓇ ᓯᓚᕐᔪᐊᕐᖕᒧᑦ ᑎᑭᑦᑐᓕᒫᓂᒃ ᐃᓄᖕᓂᒃ ᖃᐅᒪᒃᓮᔪᖅ.
10ᖃᐅᒪᔪᖅ ᓯᓚᕐᔪᐊᕐᖕᒦᓚᐅᖅᐳᖅ, ᓯᓚᕐᔪᐊᕐᓗ ᑖᑦᓱᒨᓇ ᐱᓐᖑᖅᑎᑕᐅᓯᒪᕗᖅ, ᓯᓚᕐᔪᐊᕐᖕᒥᐅᓪᓕ ᖃᐅᔨᒪᓐᖏᓛᑦ. 11ᓄᓇᒥᓄᑦ ᓇᖕᒥᓂᕐᖕᒥᓄᑦ ᑎᑭᑉᐳᖅ, ᐃᓄᖁᑎᖏᑕᓕ ᓇᖕᒥᓂᖏᑕ ᐃᓚᓕᐅᓐᖏᓛᑦ. 12ᑖᑦᓱᒥᖓᓕ ᐃᓚᓕᐅᕆᔪᓕᒫᑦ, ᐅᒃᐱᓕᕐᓗᑎᒡᓗ ᑖᑦᓱᒪ ᐊᑎᖓᓄᑦ, ᑖᒃᑯᐊ ᕿᑐᕐᖓᑖᕆᔭᐅᔪᓐᓇᖅᓯᑎᑉᐰᑦ ᒎᑎᒧᑦ; 13ᑖᒃᑯᐊ ᐃᕐᖕᓂᐊᖑᕗᑦ, ᐊᖑᒻᒥᑦ ᐱᓇᑎᒃ ᑎᒥᐅᓪᓘᓐᓃᑦ ᐱᔪᒪᔭᖓᓂᑦ, ᐃᓅᓪᓗ ᐱᔪᒪᔭᖓᓂᑦ ᐱᖕᒥᓇᑎᒃ, ᒎᑎᒥᓪᓕ ᐃᕐᖕᓂᐊᖑᕗᑦ.
14ᐅᖃᐅᓯᖅ ᑎᒥᑖᓚᐅᖅᐳᖅ ᐃᓅᖃᑎᒋᓕᓚᐅᖅᐸᕗᓪᓗ, ᓂᖅᑐᕐᖕᓇᕐᖕᓂᕐᔪᐊᖓ ᑕᑯᓚᐅᖅᐸᕗᑦ, ᓂᖅᑐᕐᖕᓇᕐᖕᓂᕐᔪᐊᖅ ᐊᑖᑕᒥᑦ ᐱᓯᒪᔭᖓ ᐃᕐᖕᓂᑐᐊᖑᓂᕐᖕᒥᓄᑦ; ᐱᑦᓯᐊᕐᖕᓂᖓᑕ ᐱᔪᓐᓇᖅᑎᑦᓯᓂᖓᓂᒃ ᓱᓕᑦᓯᐊᕐᖕᓂᕐᖕᒥᒡᓗ ᑕᑕᑦᑐᖅ.
15ᔪᐊᓇᓯᐅᑉ ᓂᐱᖅᑯᖅᑐᓪᓗᓂ ᓇᓗᓁᓚᐅᖅᐹ ᐅᖃᕐᓗᓂ, “ᑖᓐᓇᐅᕗᖅ ᐅᖃᐅᓯᕆᓚᐅᖅᑕᕋ, ‘ᑭᖑᓂᒃᑯᑦ ᕾᓂᐊᖅᐳᖅ ᐅᕙᓐᓂᑦ ᐊᔪᖏᓐᓂᖅᓴᐅᔪᖅ, ᐃᓅᓕᓚᐅᖅᑎᓐᓇᖓ ᐃᓅᓯᒪᔪᖅ.’”
16ᑖᑦᓱᒪ ᐱᑦᑎᐊᕐᖕᓂᖓᑕ ᐱᔪᒃᓇᖅᓯᑎᑎᓂᖓ ᐊᖏᔫᓂᑯᖓᓄᑦ ᓮᒻᒪᖅᑎᑕᐅᓯᒪᔪᒥᒃ ᐃᓅᓯᖃᖅᑎᑉᐹᑎᒍᑦ ᐱᑦᑎᐊᕐᕕᐅᓂᕐᖕᒧᑦ ᓮᒻᒪᖅᑎᑕᐅᕙᓪᓕᐊᖏᓐᓇᕐᓗᑕᓗ. 17ᐱᖁᔭᑦ ᒨᓯᓯᒃᑯᑦ ᑐᓂᔭᐅᓚᐅᖅᐳᑦ; ᐱᑦᓯᐊᕐᕕᐅᓂᕐᓕ ᓱᓕᑦᓯᐊᕐᖕᓂᕐᓗ ᔩᓱᓯ ᙭ᔅᑑᓯᑯᑦ ᐱᕘᒃ. 18ᒎᑎᒥᒃ ᑕᑯᓯᒪᔪᖃᓐᖏᓚᖅ; ᐃᕐᖕᓂᑐᐊᓪᓕ ᐊᑖᑕᐅᑉ ᓴᕐᓕᐊᖅᑕᖓᑕ, ᑖᑦᓱᒪ ᒎᑎ ᖃᐅᔨᔭᐅᑎᑉᐹ.
ᔪᐊᓇᓯ ᐹᑉᑎᑎᕆᔨᐅᑉ ᐊᔪᕆᖅᑐᐃᓂᖓ
ᒫᑎᐅᓯ 3:1-12; ᒫᑯᓯ 1:1-8; ᓘᑲᓯ 3:1-18
19ᔫᑎᑦ ᐊᖓᔪᖅᑳᖏᑦ ᔨᕉᓴᓕᒻᒦᑦᑐᑦ ᑐᓂᕐᕈᓯᖅᑎᑦᓯᔨᓂᒃ ᓕᕔᑎᓂᒡᓗ ᔪᐊᓇᓯᒥᒃ ᐊᐱᕆᔭᖅᑐᖁᔨᕗᑦ, ᐃᒫᒃ “ᑭᓇᐅᕖᑦ?”
20ᔪᐊᓇᓯᓕ ᓴᒡᓗᓇᓂ, ᐃᒻᒥᓂᒃ ᐅᖃᐅᓯᕆᕗᖅ, ᐅᖃᕐᓗᓂ, “᙭ᔅᑑᓯᐅᓐᖏᓚᖓ.”
21 #
ᒪᓚᑬ 4:5;
ᒨᓯᓯ ᑕᓪᓕᒪᖏᑦ 18:15,18. ᑖᒃᑯᐊ ᐊᐱᕆᕚᑦ, “ᑭᓇᐅᒐᕕᓪᓖ? ᐃᓔᑦᔭᐅᕖᑦ?”
ᑭᐅᕗᖅ, “ᑍᓐᓇᐅᓐᖏᓚᖓ.”
“ᓇᓚᐅᑦᑍᔫᕖᑦ?”
ᑭᐅᕔᑦ, “ᐋᒃᑲ.”
22ᑖᒃᑯᐊ ᐅᖃᖅᐳᑦ, “ᑭᓇᐅᕕᑦ? ᑭᐅᓚᐅᖅᑎᒍᑦ ᐅᕙᑦᑎᓐᓂᒃ ᑎᓕᓯᔪᓄᑦ ᐅᖃᕈᓐᓇᖁᓪᓗᑕ. ᖃᓄᖅ ᐃᓕᖕᓂᒃ ᐅᖃᐅᓯᕆᔪᓐᓇᖅᐱᑦ?”
23 #
ᐂᓮᐊᓯ 40:3. ᔪᐊᓇᓯᐅᑉ ᑭᐅᕔᑦ,
“ᑍᓐᓇᐅᕗᖓ, ‘ᓂᐱ ᕾᒐᓛᖅᑐᖅ ᑐᓴᖅᓴᐅᔪᖅ ᐃᓄᖃᖏᑦᑐᒥ;
ᐊᑕᓂᐅᑉ ᐊᖅᑯᑎᒃᓴᖓ ᑐᑭᓕᐊᖅᓯᑎᓯᐅᒃ,’
ᓇᓚᐅᑦᑍᔪᑉ ᐂᓮᐊᓯᐅᑉ ᐅᖃᐅᓯᕆᓯᒪᔭᖓ.”
24ᑖᒃᑯᐊ ᐹᕆᓯᒃᑯᓐᓂᑦ ᑎᓕᔭᐅᓯᒪᓚᐅᖅᐳᑦ, 25ᐊᐱᕆᓕᕆᕗᑦ, “ᓱᖕᒪᓪᓕ ᐹᑉᑎᑦᓯᖃᑦᑕᖅᐲᑦ? ᙭ᔅᑑᓯᐅᓇᒃ, ᐃᓔᑦᔭᐅᓇᒡᓗ, ᓇᓚᐅᑦᑍᔫᓇᒡᓗ.”
26ᔪᐊᓇᓯᐅᑉ ᑭᐅᕔᑦ, “ᐃᒪᕐᖕᒧᑦ ᐹᑉᑎᑦᓯᕗᖓ; ᐊᑯᓐᓇᑦᓯᓐᓂᓕ ᓇᖏᖅᑐᖃᖅᐳᖅ ᖃᐅᔨᒪᓐᖏᑕᑦᓯᓐᓂᒃ, 27ᑖᓐᓇ ᑭᖑᓂᒃᑯᑦ ᕾᓂᐊᖅᑐᖅ, ᓇᓗᖅᑯᑎᕗᖓ ᐊᒡᓛᑦ ᐃᑎᒐᒍᑎᖏᓐᓂᒃ ᓯᖐᑦᔮᖅᓯᔭᕆᐊᒃᓴᖅ.”
28ᑕᒪᓐᓇ ᐱᓂᐊᕐᖕᓂᐅᓚᐅᖅᐳᖅ ᐱᑕᓂᒥ ᑰᑉ ᔪᐊᕐᑕᓂᐅᑉ ᑕᓕᖅᐱᐊᓂ, ᔪᐊᓇᓯᐅᑉ ᐹᑉᑎᓯᕕᖓᓂ.
ᒎᑎᐅᑉ ᓄᕐᕋᐅᔭᖁᑎᖓ
29ᖃᐅᑎᓪᓗᒍ ᔪᐊᓇᓯᐅᑉ ᔩᓱᓯ ᒥᒃᓯᒧᑦ ᕾᓕᖅᑐᖅ ᑕᑯᒐᒥᐅᒃ, ᐅᖃᖅᐳᖅ, “ᑕᑯᒋᑦ, ᑕᕝᕙ ᒎᑎᐅᑉ ᓄᕐᕋᐅᔭᖁᑎᖓ, ᓄᓇᕐᔪᐊᕐᖕᒥᐅᑦ ᐊᔪᕐᖕᓂᖏᓐᓂᒃ ᐲᔧᔪᖅ! 30ᑕᕝᕙ ᐅᖃᐅᓯᕆᓚᐅᖅᑕᕋ ᐅᖃᖅᑎᓪᓗᖓ, ‘ᐊᖑᑦ ᑭᖑᓂᒃᑯᑦ ᕾᓂᐊᖅᐳᖅ ᐅᕙᓐᓂᑦ ᐊᔪᖏᓐᓂᖅᓴᐅᔪᖅ, ᐃᓅᓚᐅᖅᑎᓐᓇᖓ ᐃᓅᓯᒪᒐᒥ.’ 31ᓇᖕᒥᓂᕐᓕ ᖃᐅᔨᒪᓚᐅᓐᖏᓚᕋ; ᑍᒤᒻᒪᑦ ᐃᒪᕐᖕᒧᑦ ᐹᑉᑎᑎᕆᔭᖅᑐᓚᐅᖅᐳᖓ, ᐃᓕᑕᕆᔭᐅᓕᖁᓪᓗᒍ ᐃᓴᕆᐊᓕᒥᐅᓄᑦ.”
32ᔪᐊᓇᓯ ᓇᓗᓁᖅᓯᓚᐅᖅᐳᖅ ᐃᒫᒃ, “ᐊᓂᕐᖕᓂᖅ ᕿᓚᖕᒥᑦ ᐊᖅᑲᖅᑐᖅ ᑕᑯᓚᐅᖅᐸᕋ ᑎᖕᒥᐊᑐᑦ ᑑᕕᑐᑦ, ᑖᑦᓱᒪᓃᓕᕐᓗᓂ. 33ᐅᕙᖓᓕ ᓇᖕᒥᓂᖅ ᖃᐅᔨᒪᓚᐅᓐᖏᓚᕋ; ᑎᓕᔨᒪᓕ ᐃᒪᕐᖕᒧᑦ ᐹᑉᑎᑎᕆᔭᖅᑐᖁᓪᓗᖓ ᐅᖃᐅᑎᓚᐅᖅᐹᖓ, ‘ᐊᖑᒻᒧᑦ ᐊᓂᕐᖕᓂᕐᖕᒥᒃ ᐊᖅᑲᖅᑐᒥᒃ ᑕᑯᒍᕕᑦ ᑕᕝᕙᓃᓕᖅᑐᒥᒃ, ᑖᓐᓇᐅᕗᖅ ᐊᓂᕐᖕᓂᕐᖕᒧᑦ ᐃᑦᔪᕐᖕᓁᑦᑐᒧᑦ ᐹᑉᑎᑎᕆᔨ.’ 34ᐅᕙᖓᓗ ᓇᖕᒥᓂᖅ ᑕᑯᓚᐅᖅᐸᕋ, ᐅᖃᐅᑎᕙᑦᓯ ᑖᓐᓇᐅᕗᖅ ᑕᕝᕙ ᒎᑎᐅᑉ ᐃᕐᖕᓂᖓ.”
ᔩᓱᓯᐅᑉ ᐃᓕᓐᓂᐊᖅᑎᑖᖏᑦ ᓯᕗᓪᓕᖅᐹᑦ
35ᖃᐅᑎᓪᓗᒍ ᔪᐊᓇᓯ ᓇᖏᖃᑎᖃᓚᐅᖅᐳᖅ ᐃᓕᓐᓂᐊᖅᑎᒥᓂᒃ ᒪᕐᕉᖕᓂᒃ; 36ᔩᓱᓯ ᐱᓱᒃᑐᖅ ᑕᑯᓈᕋᒥᐅᒃ, ᐅᖃᖅᐳᖅ, “ᑕᑯᒋᑦ, ᑕᕝᕙ ᒎᑎᐅᑉ ᓄᕐᕋᐅᔭᖁᑎᖓ!”
37ᐃᓕᓐᓂᐊᖅᑎᖏᒃᑕᓕ ᑍᒫᒃ ᐅᖃᖅᑐᖅ ᑐᓴᕋᒥᒃᑯᒃ, ᔩᓱᓯ ᒪᓕᓕᖅᐹᒃ. 38ᔩᓱᓯ ᕿᕕᐊᕋᒥ, ᑕᑯᕗᖅ ᒪᓕᒃᑑᖕᓂᒃ, ᐅᖃᐅᑎᕚᒃ, “ᓱᓇᒥᒃ ᕿᓂᖅᐱᓰᒃ?”
ᑭᐅᕘᒃ, “ᕌᑉᐰ (ᑐᑭᖃᖅᐳᖅ ᐃᓕᓮᔨ), ᓇᓃᖃᑦᑕᖅᐱᑦ?”
39ᔩᓱᓯᐅᑉ ᐅᖃᐅᑎᕚᒃ, “ᕾᓗᓯᒃ ᑕᑯᔭᖅᑐᕆᑦᓯᒃ.” ᑕᕝᕙ ᒪᓕᓕᖅᐹᒃ ᖃᐅᔨᓪᓗᑎᒡᓗ ᓇᓂᒥᐅᑕᐅᖕᒪᖔᑦ; ᐅᓪᓗᒥ ᑕᕝᕙᓂ ᓇᔫᑎᕘᒃ, ᐅᓐᓄᓴᐅᓕᓚᐅᕐᖕᒪᑦ ᐃᒻᒪᖄ 4ᖃᓂᒋᔮᓂ.
40ᑖᒃᑯᐊᒃ ᔪᐊᓇᓯ ᐅᖃᖅᑎᓪᓗᒍ ᑐᓴᓚᐅᖅᑑᒃ, ᔩᓱᓯᒥᒃ ᒪᓕᒃᓴᓚᐅᖅᑐᖅ ᐂᑉᐸᖓ ᐋᓐᑐᕉᖑᕗᖅ ᓮᒨᓂ ᐲᑦᑐᕉᓯᐅᑉ ᓄᑲᖓ. 41ᓯᕗᓪᓕᖅᐹᒥᒃ ᐊᖓᔪᒥᓄᐊᖅᐳᖅ ᓮᒨᓂᒧᑦ, ᐅᖃᐅᑎᓪᓗᒍ, “ᒥᓮᐊ ᓇᓂᕙᕗᑦ.” (ᑐᑭᖃᖅᐳᖅ “᙭ᔅᑑᓯ.”) 42ᐋᓐᑐᕉᑉ ᓮᒨᓂ ᔩᓱᓯᒧᐊᕈᑎᕚ.
ᔩᓱᓯᐅᑉ ᑕᑯᒐᒥᐅᒃ, ᐅᖃᐅᑎᕚ, “ᓮᒨᓂᐅᕖᑦ ᔪᐊᓇᓯᐅᑉ ᐃᕐᖕᓂᖓ? ᓰᐸᓯᒥᒃ ᐊᑎᖃᕐᖕᓂᐊᓕᖅᐳᑎᑦ.” (ᓰᐸᓯ ᑐᑭᖃᖅᐳᖅ ᐲᑦᑐᕉᓯ ᐅᕝᕙᓗ “ᕾᖅᑐᖅ.”)
ᔩᓱᓯᐅᑉ ᕾᖁᔨᓂᖓ ᐱᓕᑉᐴᓯᒥᒃ ᓈᑕᓁᒥᒡᓗ
43ᖃᐅᑎᓪᓗᒍ ᔩᓱᓯ ᒐᓕᓕᐊᒧᐊᕈᒪᓕᖅᐳᖅ. ᑲᑎᓯᒐᒥ ᐱᓕᑉᐴᓯᒥᒃ ᐅᖃᐅᑎᕚ, “ᒪᓕᓐᖓ.” 44ᐱᓕᑉᐴᓯᓕ ᐱᑦᓮᑕᒥᐅᑕᐅᕗᖅ, ᐋᓐᑐᕉᒃᑯᒃ ᐲᑦᑐᕉᓯᒃᑯᒃ ᓄᓇᖓᓂᑦ. 45ᐱᓕᑉᐴᓯᐅᑉ ᓈᑕᓁ ᑲᑎᒐᒥᐅᒃ ᐅᖃᐅᑎᕚ, “ᑲᑎᓯᕗᒍᑦ ᒨᓯᓯᐅᑉ ᐱᖁᔭᖏᓐᓂ ᓇᓚᐅᑦᑍᔪᓪᓗ ᑎᑎᕋᐅᓯᕆᓚᐅᖅᑕᖓᓂᒃ, ᔩᓱᓯ ᓈᓴᕇᑎᒥᐅᒥᒃ, ᔫᓯᐱᐅᑉ ᐃᕐᖕᓂᖓᓂᒃ.”
46ᓈᑕᓁᑉ ᐊᐱᕆᕚ, “ᓈᓴᕇᑎᒥᑦ ᐱᐅᔪᒥᒃ ᓴᖅᑭᑦᑐᖃᕈᓐᓇᖅᐹ?” ᐱᓕᑉᐴᓯᐅᑉ ᑭᐅᕚ, “ᕾᓗᑎᑦ ᑕᑯᔭᖅᑐᕆᑦ.”
47ᔩᓱᓯᐅᓪᓕ ᓈᑕᓁ ᒥᒃᓯᒧᑦ ᕾᓕᖅᑐᖅ ᑕᑯᒐᒥᐅᒃ, ᐅᖃᐅᓯᕆᕚ, “ᑕᑯᒋᑦ, ᑕᕝᕙ ᐃᓴᕆᐊᓕᒥᐅᑕᓪᓚᕆᒃ, ᑖᑦᓱᒪᓂᓗ ᓱᓕᖏᓐᓂᖅᑕᖃᓐᖏᓚᖅ!”
48ᓈᑕᓁᑉ ᐊᐱᕆᕚ, “ᖃᓄᖅ ᖃᐅᔨᒪᕕᖓ?”
ᔩᓱᓯᐅᑉ ᑭᐅᕚ, “ᐱᓕᑉᐴᓯᒧᑦ ᕾᖁᔭᐅᓚᐅᖄᖅᑎᓐᓇᒃ, ᓇᐹᖅᑑᑉ ᐸᐅᕐᖓᓕᒃᓴᐅᑉ ᐊᑖᓂ ᐃᒃᓯᕙᑎᓪᓗᑎᑦ ᑕᑯᓚᐅᖅᐸᒋᑦ.”
49ᓈᑕᓁᑉ ᑭᐅᕚ, “ᕌᑉᐰ, ᒎᑎᐅᑉ ᐃᕐᖕᓂᕆᕚᑎᑦ! ᐃᓴᕆᐊᓕᒥᐅᑦ ᐊᖓᔪᖅᑳᕐᔪᐊᖓᑦ!”
50ᔩᓱᓯᐅᑉ ᑭᐅᕚ, “ᐅᒃᐱᓕᖅᐲᑦ ᐅᖃᖅᑲᐅᓂᕋ ᐱᓪᓗᒍ ᑕᑯᓚᐅᕐᖕᓂᕋᕐᓗᑎᑦ ᓇᐹᖅᑑᑉ ᐸᐅᕐᖓᓕᒃᓴᐅᑉ ᐊᑖᓃᑎᓪᓗᑎᑦ? ᑕᑯᖃᑦᑕᕐᖕᓂᐊᖅᐳᑎᑦ ᑕᒪᑐᒪᓐᖓᑦ ᐊᖏᓂᖅᓴᓂᒃ.” 51#ᒨᓯᓯ ᓯᕗᓪᓖᑦ 28:12.ᐅᖃᐅᑎᓪᓗᒋᓪᓗ, “ᓱᓕᑦᓯᐊᖅᑐᒥᒃ ᐅᖃᐅᑎᕙᑦᓯ, ᕿᓚᒃ ᐊᖕᒪᖅᑐᖅ ᑕᑯᔪᒫᖅᐸᓯ, ᒎᑎᐅᓪᓗ ᐂᖏᓕᖏᑦ ᒪᔪᕋᖅᑐᑦ ᐊᖅᑲᖅᑎᖅᑐᓪᓗ ᐃᓅᑉ ᐃᕐᖕᓂᖓᓄᑦ.”
Currently Selected:
ᔪᐊᓇᓯᐅᑉ ᐊᒡᓚᖏᑦ 1: EAIB
Highlight
Share
Copy
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.