ᕉᑎᐅᑉ ᐅᓂᒃᑲᐅᓯᓂᖓ 3
3
ᕉᑎᐅᑉ ᐅᐃᒃᓴᕐᑖᕐᓂᖓ
1ᑭᖑᓂᖓᒍᑦ ᓁᐅᒥᐅᑉ ᐅᑯᐊᓂ ᕉᑎ ᐅᖃᐅᑎᕚ, “ᐅᐃᒃᓴᕐᓂᒃ ᕿᓂᖁᕕᖔ ᓇᖕᒥᓂᖅ ᐊᖏᕐᕋᖃᑦᓯᐊᓕᕐᓂᐊᕋᕕᑦ? 2ᖃᐅᔨᒪᓚᐅᕈᒃ ᑖᓐᓇ ᐳᐊᓯ, ᐱᓇᓱᐊᕐᑎᖏᓐᓂ ᐊᕐᓇᓂ ᐱᓇᓱᐊᖃᑕᐅᕕᒋᔧᑦ, ᐅᐃᒋᓚᐅᕐᑕᒃᑯᑦ ᐃᓚᒋᒐᑦᑎᒃᑯᒃ. ᒫᓐᓇ ᐅᓐᓄᒃ ᓂᐊᖂᔭᒃᓴᓂᒃ ᓴᓃᔧᓗᓂ ᐃᕖᔧᓂᐊᕐᒪᑦ ᐃᒫᒃ ᐱᖁᕙᒋᑦ: 3ᐅᕐᕙᒡᓗᑎᑦ ᐱᐅᓴᕐᓗᑎᓪᓗ ᐊᓐᓄᕌᑦᓯᐊᖑᓂᕐᐹᓂᒃ ᐊᑎᓗᑎᑦ ᓂᐊᖂᔭᒃᓴᓂᒃ ᐃᕖᔧᕕᖓᓄᐊᕐᓂᐊᕐᐳᑎᑦ; ᖃᐅᔨᑎᑦᑍᓕᓗᒍ ᑕᕝᕙᓃᓐᓂᕐᓂᒃ ᓂᕆᔭᕇᓚᐅᖏᓐᓂᖓᓂ ᐃᒥᕇᓚᐅᖏᓐᓂᖓᓂᓗ. 4ᓇᒧᑦ ᐃᓂᓪᓚᖕᓂᐊᕐᒪᖔᑦ ᖃᐅᔨᒪᓇᓱᐊᕐᓂᐊᕐᐸᑦ, ᓯᓂᓕᕐᐸᓪᓗ ᑭᓗᖓᓄᑦ ᐃᓐᓇᕐᓂᐊᕐᐳᑎᑦ, ᑕᕝᕙᓃᑎᓪᓗᑎᓪᓗ ᖃᐅᔨᒍᓂᑎᑦ ᖃᓄᖅ ᐱᔭᕆᐊᖃᕐᓂᕐᓂᒃ ᐅᖃᐅᑎᓂᐊᕐᐹᑎᑦ.”
5ᕉᑎᓗ ᑭᐅᕗᖅ, “ᐅᕙᓐᓄᑦ ᐅᖃᐅᓯᕆᔭᓕᒫᑎᑦ ᒪᓕᖕᓂᐊᕐᐸᒃᑲ.”
6ᑕᕝᕙ ᕉᑎ ᐳᐊᓯᐅᑉ ᓂᐊᖂᔭᒃᓴᓂᒃ ᐃᕖᔧᕕᖓᓄᐊᕐᐳᖅ ᓴᑭᒥ ᐅᖃᐅᓯᕆᔭᓕᒫᖏᑦ ᒪᓕᒡᓗᒋᑦ. 7ᐳᐊᓯᓕ ᓂᕆᔭᕇᕋᒥ ᐃᒥᕇᕋᒥᓗ ᖁᕕᐊᓱᑦᓯᐊᓕᕐᐳᖅ, ᓂᐊᖂᔭᒃᓮᓪᓗ ᑲᑎᓯᒪᔪᑦ ᐅᖓᓪᓕᕐᐸᖓᓄᑦ ᐃᓂᓪᓚᒃᐳᖅ, ᑕᕝᕙᓂᓗ ᓯᓂᓕᕐᓗᓂ. ᑕᕝᕙ ᕉᑎ ᑐᓵᔭᐅᑦᑍᓕᒪᓪᓗᓂ ᐳᐊᓯᐅᑉ ᑭᓗᐊᓄᑦ ᐃᓐᓇᕐᐳᖅ. 8ᐳᐊᓯᓕ ᐅᓐᓄᐊᖑᑎᓪᓗᒍ ᐃᖅᑯᒻᒪᕐᐳᖅ, ᐃᖏᓐᓇᒥᓗ ᖁᐊᕐᓵᕐᐳᖅ ᑕᑯᓕᕋᒥ ᐊᕐᓇᒥᒃ ᑭᓗᒥᓃᑦᑐᒥᒃ. 9ᐊᐱᕆᕚᓗ, “ᑭᓇᐅᕖᑦ?”
ᕉᑎᓗ ᓇᓗᖁᑎᓪᓗᓂ ᑭᐅᕗᖅ, “ᕉᑎᐅᕗᖓ ᐅᐃᒋᓚᐅᕐᑕᒃᑯᑦ ᐃᓚᒋᒐᒃᑭᑦ, ᐅᕙᓐᓂᒃ ᐰᕆᒃᓯᒋᐊᖃᕋᕕᑦ, ᐅᐃᒋᓚᐅᕐᑕᕋ ᐱᑦᔪᑎᒋᓪᓗᒍ ᐃᓚᒌᓪᓚᕆᒃᐳᒍᒃ.”
10ᐳᐊᓯ ᐅᖃᕐᐳᖅ, “ᑐᒃᓯᐊᕐᐳᖓ ᐊᑕᓂᕐᒧᑦ ᓮᒻᒪᕐᑕᐅᖁᓪᓗᑎᑦ, ᐃᓚᒌᑦ ᐱᐅᓯᕆᔭᕆᐊᖃᕐᑕᖏᓐᓂᒃ ᐃᒃᐱᒍᓱᑦᓯᐊᕐᓂᕐᓂᒃ ᓴᖅᑭᑎᑦᓯᒋᐊᓪᓚᒃᐳᑎᑦ ᒫᓐᓇ, ᓴᑭᖕᓄᑦ ᐱᓂᐊᕐᓂᕆᓚᐅᕐᑕᕐᓂᑦ, ᐊᖑᒻᒥᒃ ᐅᕕᒃᑲᒥᒃ ᖃᓄᐃᑦᑐᑐᐃᓐᓇᕐᒥᒡᓘᓃᑦ ᐅᐃᑖᕋᓱᐊᖏᓐᓃᑦ ᐱᑦᔪᑎᒋᓪᓗᒍ. 11ᐃᓕᕋᓱᒃᑍᓕᒋᑦ ᕉᑏ, ᑕᒪᓐᓇ ᐃᓚᒌᑦ ᐊᑐᕆᐊᖃᕐᑕᖏᓐᓂᒃ ᑲᔪᓯᔪᒪᓃᑦ ᐱᓇᓱᐊᕐᓂᐊᕐᐸᕋ; ᐃᓅᖃᑎᓕᒫᑦᑎᓐᓂᑦ ᖃᐅᔨᒪᔭᐅᓕᕋᕕᑦ ᐃᓄᑦᓯᐊᕙᐅᓂᕐᓂᒃ. 12#ᕉᑎᐅᑉ 2:20.ᐃᓛᒃ ᓱᓕᔪᑎᑦ ᐅᐃᒋᓚᐅᕐᑕᒃᑯᑦ ᐃᓚᒋᒐᕕᖓ, ᐃᓚᒌᓪᓗ ᐱᐅᓯᕆᔭᕆᐊᖃᕐᑕᖏᑎᒍᑦ ᑲᒪᑦᓯᐊᕆᐊᖃᕋᒪ ᐃᓕᖕᓂᒃ, ᑭᓯᐊᓂ ᐅᐃᒋᓚᐅᕐᑕᒃᑯᑦ ᐃᓚᒋᓂᕐᓴᕐᓂᒃ ᐅᕙᓐᓂᑦ ᑕᒫᓃᑦᑐᖃᕐᒥᖕᒪᑦ. 13ᑕᕝᕙᓃᑐᐃᓐᓇᓕᕆᑦ ᒫᓐᓇ ᐅᓐᓄᒃ, ᐅᓪᓚᒃᑯᑦ ᖃᐅᔨᒋᐊᕐᓂᐊᕐᐳᒍᒃ ᑍᓐᓇ ᐃᓚᒋᓂᕐᓴᕆᔧᑦ ᐅᐃᒋᓚᐅᕐᑕᒃᑯᑦ ᑲᔪᓯᔪᒪᖕᒪᖔᑦ ᐃᓕᖕᓄᑦ, ᑲᔪᓯᓂᐊᑐᐊᕐᐸᑦ ᓈᒻᒪᖕᓂᐊᕐᐳᖅ. ᑭᓯᐊᓂᓕ ᑲᔪᓯᔪᓐᓇᖏᑉᐸᑦ, ᐊᑕᓂᖅ ᐃᓅᖕᒪᑦ, ᓱᓕᑦᓯᐊᕐᓗᖓ ᑲᔪᓯᓂᐊᓪᓚᕆᒃᐳᖓ ᒎᑎᐅᑉ ᒎᑎᓪᓚᕆᑐᐊᖑᔫᑉ ᖃᐅᔨᒪᓂᐊᕐᐸᖓ, ᒫᓐᓇᓕ ᑕᕝᕙᓂ ᓯᓂᑐᐃᓐᓇᓕᕆᑦ ᐅᓪᓚᓐᖑᓚᐅᖏᓐᓂᖓᓂ.”
14ᕉᑎᓕ ᐳᐊᓯᐅᑉ ᑭᓗᐊᓂ ᓯᓂᓚᐅᕐᐳᖅ ᐅᓪᓛᓐᖑᓚᐅᖏᓐᓂᖓᓂ, ᒪᑭᓪᓗᓂᓗ ᓱᓕ ᖃᐅᒻᒪᓚᐅᕐᑎᓐᓇᒍ ᐳᐊᓯᐅᑉ ᖃᐅᔨᔭᐅᖁᓚᐅᖏᒻᒪᒍ ᐃᕖᔧᕕᖕᒥ ᐊᕐᓇᒥᒃ ᓯᓂᒃᑐᖃᓚᐅᕐᒪᖔᑦ. 15ᐅᑎᕐᓂᐊᓕᕐᒪᑦ ᐳᐊᓯᐅᑉ ᐅᖃᐅᑎᕚ, “ᐅᓕᑲᐹᑦ ᐃᓯᕕᓚᐅᕈᒃ ᒪᐅᖓ.” ᐃᓯᕕᒻᒪᒍ ᐳᐊᓯᐅᑉ ᓈᕕᑦᓯᕕᒋᕚ ᓂᐊᖂᔭᒃᓴᒥᒃ 50ᐸᐅᒥᒃ ᐅᖁᒤᓐᓂᖃᐸᓗᒃᑐᒥᒃ, ᐃᑲᔪᕐᓗᒍᓗ ᐃᕐᓲᑦᔨᑎᑉᐹ, ᕉᑎᐅᓪᓗ ᑖᓐᓇ ᐃᕐᓱᒡᓗᒍ ᐊᖏᕐᕋᕐᐳᖅ. 16ᐊᖏᕐᕋᕐᒪᑦ ᓴᑭᖓᑕ ᐊᐱᕆᕚ, “ᑖᓐᓇᐅᕖᑦ ᐸᓂᒐ?”
ᑕᕝᕙ ᕉᑎᐅᑉ ᐅᓂᒃᑲᐅᑎᓕᕐᐹ ᑕᒤᓐᓂᒃ ᐳᐊᓯᐅᑉ ᖃᓄᐃᓕᐅᕐᓂᕆᖅᑲᐅᔭᖓᓂᒃ. 17ᐅᖃᕐᓗᓂᓗ, “ᐳᐊᓯᐅᑉ ᐊᖏᕐᕋᐅᑦᔨᖏᓪᓗᖓ ᐊᖏᕐᕋᑐᐃᓐᓇᖁᖅᑲᐅᖏᒻᒪᖓ, ᑍᒫᒃ ᐊᖏᑎᒋᔪᒥᒃ ᐆᒥᖓ ᓂᐊᖂᔭᒃᓴᒥᒃ ᐊᖏᕐᕋᐅᑦᔨᑎᑉᐹᖓ.”
18ᓁᐅᒥᐅᑉ ᑭᐅᕚ, “ᐅᑕᖅᑭᑐᐃᓐᓇᑲᓚᐅᕆᑦ ᖃᓄᖅ ᐱᔪᒪᓂᐊᕐᒪᖔᑦ, ᓇᓗᓇᓐᖏᓚᖅ ᐳᐊᓯ ᓄᖅᑲᐅᑦᔨᑐᐃᓐᓇᑦᔮᔪᓐᓃᕐᑐᖅ ᐅᓪᓗᒥ ᑕᒪᑐᒥᖓ ᐋᖅᑭᒃᓯᓚᐅᖅᑳᕋᓂ.”
Currently Selected:
ᕉᑎᐅᑉ ᐅᓂᒃᑲᐅᓯᓂᖓ 3: EAIB
Highlight
Copy
Compare
Share
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.
ᕉᑎᐅᑉ ᐅᓂᒃᑲᐅᓯᓂᖓ 3
3
ᕉᑎᐅᑉ ᐅᐃᒃᓴᕐᑖᕐᓂᖓ
1ᑭᖑᓂᖓᒍᑦ ᓁᐅᒥᐅᑉ ᐅᑯᐊᓂ ᕉᑎ ᐅᖃᐅᑎᕚ, “ᐅᐃᒃᓴᕐᓂᒃ ᕿᓂᖁᕕᖔ ᓇᖕᒥᓂᖅ ᐊᖏᕐᕋᖃᑦᓯᐊᓕᕐᓂᐊᕋᕕᑦ? 2ᖃᐅᔨᒪᓚᐅᕈᒃ ᑖᓐᓇ ᐳᐊᓯ, ᐱᓇᓱᐊᕐᑎᖏᓐᓂ ᐊᕐᓇᓂ ᐱᓇᓱᐊᖃᑕᐅᕕᒋᔧᑦ, ᐅᐃᒋᓚᐅᕐᑕᒃᑯᑦ ᐃᓚᒋᒐᑦᑎᒃᑯᒃ. ᒫᓐᓇ ᐅᓐᓄᒃ ᓂᐊᖂᔭᒃᓴᓂᒃ ᓴᓃᔧᓗᓂ ᐃᕖᔧᓂᐊᕐᒪᑦ ᐃᒫᒃ ᐱᖁᕙᒋᑦ: 3ᐅᕐᕙᒡᓗᑎᑦ ᐱᐅᓴᕐᓗᑎᓪᓗ ᐊᓐᓄᕌᑦᓯᐊᖑᓂᕐᐹᓂᒃ ᐊᑎᓗᑎᑦ ᓂᐊᖂᔭᒃᓴᓂᒃ ᐃᕖᔧᕕᖓᓄᐊᕐᓂᐊᕐᐳᑎᑦ; ᖃᐅᔨᑎᑦᑍᓕᓗᒍ ᑕᕝᕙᓃᓐᓂᕐᓂᒃ ᓂᕆᔭᕇᓚᐅᖏᓐᓂᖓᓂ ᐃᒥᕇᓚᐅᖏᓐᓂᖓᓂᓗ. 4ᓇᒧᑦ ᐃᓂᓪᓚᖕᓂᐊᕐᒪᖔᑦ ᖃᐅᔨᒪᓇᓱᐊᕐᓂᐊᕐᐸᑦ, ᓯᓂᓕᕐᐸᓪᓗ ᑭᓗᖓᓄᑦ ᐃᓐᓇᕐᓂᐊᕐᐳᑎᑦ, ᑕᕝᕙᓃᑎᓪᓗᑎᓪᓗ ᖃᐅᔨᒍᓂᑎᑦ ᖃᓄᖅ ᐱᔭᕆᐊᖃᕐᓂᕐᓂᒃ ᐅᖃᐅᑎᓂᐊᕐᐹᑎᑦ.”
5ᕉᑎᓗ ᑭᐅᕗᖅ, “ᐅᕙᓐᓄᑦ ᐅᖃᐅᓯᕆᔭᓕᒫᑎᑦ ᒪᓕᖕᓂᐊᕐᐸᒃᑲ.”
6ᑕᕝᕙ ᕉᑎ ᐳᐊᓯᐅᑉ ᓂᐊᖂᔭᒃᓴᓂᒃ ᐃᕖᔧᕕᖓᓄᐊᕐᐳᖅ ᓴᑭᒥ ᐅᖃᐅᓯᕆᔭᓕᒫᖏᑦ ᒪᓕᒡᓗᒋᑦ. 7ᐳᐊᓯᓕ ᓂᕆᔭᕇᕋᒥ ᐃᒥᕇᕋᒥᓗ ᖁᕕᐊᓱᑦᓯᐊᓕᕐᐳᖅ, ᓂᐊᖂᔭᒃᓮᓪᓗ ᑲᑎᓯᒪᔪᑦ ᐅᖓᓪᓕᕐᐸᖓᓄᑦ ᐃᓂᓪᓚᒃᐳᖅ, ᑕᕝᕙᓂᓗ ᓯᓂᓕᕐᓗᓂ. ᑕᕝᕙ ᕉᑎ ᑐᓵᔭᐅᑦᑍᓕᒪᓪᓗᓂ ᐳᐊᓯᐅᑉ ᑭᓗᐊᓄᑦ ᐃᓐᓇᕐᐳᖅ. 8ᐳᐊᓯᓕ ᐅᓐᓄᐊᖑᑎᓪᓗᒍ ᐃᖅᑯᒻᒪᕐᐳᖅ, ᐃᖏᓐᓇᒥᓗ ᖁᐊᕐᓵᕐᐳᖅ ᑕᑯᓕᕋᒥ ᐊᕐᓇᒥᒃ ᑭᓗᒥᓃᑦᑐᒥᒃ. 9ᐊᐱᕆᕚᓗ, “ᑭᓇᐅᕖᑦ?”
ᕉᑎᓗ ᓇᓗᖁᑎᓪᓗᓂ ᑭᐅᕗᖅ, “ᕉᑎᐅᕗᖓ ᐅᐃᒋᓚᐅᕐᑕᒃᑯᑦ ᐃᓚᒋᒐᒃᑭᑦ, ᐅᕙᓐᓂᒃ ᐰᕆᒃᓯᒋᐊᖃᕋᕕᑦ, ᐅᐃᒋᓚᐅᕐᑕᕋ ᐱᑦᔪᑎᒋᓪᓗᒍ ᐃᓚᒌᓪᓚᕆᒃᐳᒍᒃ.”
10ᐳᐊᓯ ᐅᖃᕐᐳᖅ, “ᑐᒃᓯᐊᕐᐳᖓ ᐊᑕᓂᕐᒧᑦ ᓮᒻᒪᕐᑕᐅᖁᓪᓗᑎᑦ, ᐃᓚᒌᑦ ᐱᐅᓯᕆᔭᕆᐊᖃᕐᑕᖏᓐᓂᒃ ᐃᒃᐱᒍᓱᑦᓯᐊᕐᓂᕐᓂᒃ ᓴᖅᑭᑎᑦᓯᒋᐊᓪᓚᒃᐳᑎᑦ ᒫᓐᓇ, ᓴᑭᖕᓄᑦ ᐱᓂᐊᕐᓂᕆᓚᐅᕐᑕᕐᓂᑦ, ᐊᖑᒻᒥᒃ ᐅᕕᒃᑲᒥᒃ ᖃᓄᐃᑦᑐᑐᐃᓐᓇᕐᒥᒡᓘᓃᑦ ᐅᐃᑖᕋᓱᐊᖏᓐᓃᑦ ᐱᑦᔪᑎᒋᓪᓗᒍ. 11ᐃᓕᕋᓱᒃᑍᓕᒋᑦ ᕉᑏ, ᑕᒪᓐᓇ ᐃᓚᒌᑦ ᐊᑐᕆᐊᖃᕐᑕᖏᓐᓂᒃ ᑲᔪᓯᔪᒪᓃᑦ ᐱᓇᓱᐊᕐᓂᐊᕐᐸᕋ; ᐃᓅᖃᑎᓕᒫᑦᑎᓐᓂᑦ ᖃᐅᔨᒪᔭᐅᓕᕋᕕᑦ ᐃᓄᑦᓯᐊᕙᐅᓂᕐᓂᒃ. 12#ᕉᑎᐅᑉ 2:20.ᐃᓛᒃ ᓱᓕᔪᑎᑦ ᐅᐃᒋᓚᐅᕐᑕᒃᑯᑦ ᐃᓚᒋᒐᕕᖓ, ᐃᓚᒌᓪᓗ ᐱᐅᓯᕆᔭᕆᐊᖃᕐᑕᖏᑎᒍᑦ ᑲᒪᑦᓯᐊᕆᐊᖃᕋᒪ ᐃᓕᖕᓂᒃ, ᑭᓯᐊᓂ ᐅᐃᒋᓚᐅᕐᑕᒃᑯᑦ ᐃᓚᒋᓂᕐᓴᕐᓂᒃ ᐅᕙᓐᓂᑦ ᑕᒫᓃᑦᑐᖃᕐᒥᖕᒪᑦ. 13ᑕᕝᕙᓃᑐᐃᓐᓇᓕᕆᑦ ᒫᓐᓇ ᐅᓐᓄᒃ, ᐅᓪᓚᒃᑯᑦ ᖃᐅᔨᒋᐊᕐᓂᐊᕐᐳᒍᒃ ᑍᓐᓇ ᐃᓚᒋᓂᕐᓴᕆᔧᑦ ᐅᐃᒋᓚᐅᕐᑕᒃᑯᑦ ᑲᔪᓯᔪᒪᖕᒪᖔᑦ ᐃᓕᖕᓄᑦ, ᑲᔪᓯᓂᐊᑐᐊᕐᐸᑦ ᓈᒻᒪᖕᓂᐊᕐᐳᖅ. ᑭᓯᐊᓂᓕ ᑲᔪᓯᔪᓐᓇᖏᑉᐸᑦ, ᐊᑕᓂᖅ ᐃᓅᖕᒪᑦ, ᓱᓕᑦᓯᐊᕐᓗᖓ ᑲᔪᓯᓂᐊᓪᓚᕆᒃᐳᖓ ᒎᑎᐅᑉ ᒎᑎᓪᓚᕆᑐᐊᖑᔫᑉ ᖃᐅᔨᒪᓂᐊᕐᐸᖓ, ᒫᓐᓇᓕ ᑕᕝᕙᓂ ᓯᓂᑐᐃᓐᓇᓕᕆᑦ ᐅᓪᓚᓐᖑᓚᐅᖏᓐᓂᖓᓂ.”
14ᕉᑎᓕ ᐳᐊᓯᐅᑉ ᑭᓗᐊᓂ ᓯᓂᓚᐅᕐᐳᖅ ᐅᓪᓛᓐᖑᓚᐅᖏᓐᓂᖓᓂ, ᒪᑭᓪᓗᓂᓗ ᓱᓕ ᖃᐅᒻᒪᓚᐅᕐᑎᓐᓇᒍ ᐳᐊᓯᐅᑉ ᖃᐅᔨᔭᐅᖁᓚᐅᖏᒻᒪᒍ ᐃᕖᔧᕕᖕᒥ ᐊᕐᓇᒥᒃ ᓯᓂᒃᑐᖃᓚᐅᕐᒪᖔᑦ. 15ᐅᑎᕐᓂᐊᓕᕐᒪᑦ ᐳᐊᓯᐅᑉ ᐅᖃᐅᑎᕚ, “ᐅᓕᑲᐹᑦ ᐃᓯᕕᓚᐅᕈᒃ ᒪᐅᖓ.” ᐃᓯᕕᒻᒪᒍ ᐳᐊᓯᐅᑉ ᓈᕕᑦᓯᕕᒋᕚ ᓂᐊᖂᔭᒃᓴᒥᒃ 50ᐸᐅᒥᒃ ᐅᖁᒤᓐᓂᖃᐸᓗᒃᑐᒥᒃ, ᐃᑲᔪᕐᓗᒍᓗ ᐃᕐᓲᑦᔨᑎᑉᐹ, ᕉᑎᐅᓪᓗ ᑖᓐᓇ ᐃᕐᓱᒡᓗᒍ ᐊᖏᕐᕋᕐᐳᖅ. 16ᐊᖏᕐᕋᕐᒪᑦ ᓴᑭᖓᑕ ᐊᐱᕆᕚ, “ᑖᓐᓇᐅᕖᑦ ᐸᓂᒐ?”
ᑕᕝᕙ ᕉᑎᐅᑉ ᐅᓂᒃᑲᐅᑎᓕᕐᐹ ᑕᒤᓐᓂᒃ ᐳᐊᓯᐅᑉ ᖃᓄᐃᓕᐅᕐᓂᕆᖅᑲᐅᔭᖓᓂᒃ. 17ᐅᖃᕐᓗᓂᓗ, “ᐳᐊᓯᐅᑉ ᐊᖏᕐᕋᐅᑦᔨᖏᓪᓗᖓ ᐊᖏᕐᕋᑐᐃᓐᓇᖁᖅᑲᐅᖏᒻᒪᖓ, ᑍᒫᒃ ᐊᖏᑎᒋᔪᒥᒃ ᐆᒥᖓ ᓂᐊᖂᔭᒃᓴᒥᒃ ᐊᖏᕐᕋᐅᑦᔨᑎᑉᐹᖓ.”
18ᓁᐅᒥᐅᑉ ᑭᐅᕚ, “ᐅᑕᖅᑭᑐᐃᓐᓇᑲᓚᐅᕆᑦ ᖃᓄᖅ ᐱᔪᒪᓂᐊᕐᒪᖔᑦ, ᓇᓗᓇᓐᖏᓚᖅ ᐳᐊᓯ ᓄᖅᑲᐅᑦᔨᑐᐃᓐᓇᑦᔮᔪᓐᓃᕐᑐᖅ ᐅᓪᓗᒥ ᑕᒪᑐᒥᖓ ᐋᖅᑭᒃᓯᓚᐅᖅᑳᕋᓂ.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.