ᓲᓗᒨᓂᐅᑉ ᐅᖃᓪᓚᖕᓂᖏᑦ 4
4
ᓯᓚᑐᓂᐅᑉ ᐱᕙᓪᓕᕈᑎᒃᓴᖃᕐᓂᖓ
1ᕿᑐᕐᖓᒃᑳ, ᐊᑖᑕᑦᓯ ᐊᔪᕆᕐᑐᐃᑦᔪᑎᒋᔭᖏᑦ ᓈᓚᒃᓯᐅᒃ,
ᑐᓵᓇᓱᐊᑦᓯᐊᕐᓗᒋᓪᓗ ᖃᐅᔨᓂᐊᕋᕕᑦ ᑐᑭᓯᑎᑕᐅᓂᕐᒥᒃ.
2ᐱᐅᔪᓂᒃ ᐊᑐᒐᒃᓴᓂᒃ ᐊᔪᕆᕐᑐᕋᒃᑭᑦ,
ᑍᒤᒻᒪᑦ ᐊᔪᕆᕐᑐᐃᑦᔪᑎᒋᔭᒃᑲ ᐳᐃᒍᕐᑍᓕᒃᑭᑦ.
3ᐊᑖᑕᒪ ᐃᒡᓗᖓᓂ ᓄᑲᑉᐱᐊᖑᑎᓪᓗᖓ,
ᓇᒡᓕᒋᔭᐅᓚᐅᕐᐳᖓ ᐊᓈᓇᒪ ᕿᑐᕐᖓᑐᐊᕆᑎᓪᓗᓂᖓ.
4ᐊᔪᕆᕐᑐᐊᕆᓪᓗᓂᖓ ᐅᖃᐅᑦᔪᕐᐸᓚᐅᕐᐹᖓ,
“ᐅᖃᐅᓯᕆᔭᒃᑲ ᐆᒻᒪᑎᖕᓂ ᐱᓯᒪᑦᓯᐊᒃᑭᑦ,
ᐱᖁᔭᒃᑲ ᐱᓯᒪᑦᓯᐊᕈᕕᒋᑦ ᑕᕝᕙ ᐃᓅᓂᐊᕐᐳᑎᑦ.
5ᓯᓚᑐᓂᖅ ᐱᒋᒍᒃ, ᑐᑭᓯᑎᑕᐅᓂᕐᓗ,
ᐅᖃᐅᓯᕆᔭᒃᑲ ᐳᐃᒍᕐᑍᓕᓗᒋᑦ ᑐᓄᐃᓐᓇᕐᑍᓕᒃᑭᑦ.
6ᖁᔭᓈᕐᑍᓕᒍᒃ, ᑕᕝᕙ ᐱᓯᒪᔭᐅᑦᓯᐊᕐᓂᐊᕐᐳᑎᑦ ᑖᑦᓱᒧᖓ,
ᓇᒡᓕᒋᓗᒍ ᐱᒋᑦ ᑕᕝᕙ ᓴᐳᑎᓯᒪᓂᐊᕐᐹᑎᑦ.
7ᓯᓚᑦᑐᕐᐸᓪᓕᐊᓂᖅ ᐱᒋᐊᕐᕕᖃᕐᐳᖅ ᓯᓚᑐᓂᕐᒥᒃ ᑎᒍᓯᓂᕐᒥᒃ;
ᖃᓄᐃᑦᑐᑐᐃᓐᓇᓂᒃ ᐱᒐᓗᐊᕈᕕᑦ, ᑐᑭᓯᑎᑕᐅᓂᖅ ᑎᒍᒥᐊᕈᒃ.
8ᓯᓚᑐᓂᖅ ᐊᖏᒡᓕᑎᕈᕕᐅᒃ ᑕᕝᕙ ᖁᕙᕐᑎᓐᓂᐊᕐᐹᑎᑦ,
ᐅᐱᒋᓂᐊᕐᐹᑎᑦ ᐃᕿᒻᒥᓂᐊᕈᕕᐅᒃ.
9ᑖᑦᓱᒪ ᓂᐊᖂᓯᕐᓂᐊᕐᐹᑎᑦ ᑕᑯᒥᓇᕐᑐᕐᔪᐊᕐᒥᒃ,
ᐊᖓᔪᖅᑳᕐᔪᐊᕐᓯᐅᑎᒥᒡᓗ ᓂᐊᖁᕐᒥᐅᑦᓯᕐᓂᐊᕐᐹᑎᑦ.”
10ᐃᕐᓃᒃ, ᓈᓚᒋᑦ, ᐅᖃᓯᕆᔭᒃᑲᓗ ᐃᓚᓕᐅᕐᓗᒋᑦ,
ᐊᕐᕌᒍᓂᒃ ᐅᓄᕐᑐᓂᒃ ᐃᓅᓂᐊᕋᕕᑦ.
11ᐊᔪᕆᕐᑐᓚᐅᕐᐸᒋᑦ ᓯᓚᑦᑐᕐᐸᓪᓕᐊᓇᕐᑐᓂᒃ,
ᑕᓯᐅᓚᐅᕐᐸᒋᑦ ᓈᒻᒪᓈᑦᓯᐊᕐᑐᒃᑯᑦ ᐊᖅᑯᑎᒃᓴᒥᒃ.
12ᐱᓱᓕᕈᕕᑦ ᐊᖅᑯᑎᒋᔭᒃᑯᑦ ᐊᒡᕕᐊᕐᑕᐅᓂᐊᓐᖏᓚᑎᑦ,
ᐅᓪᓚᒃᓯᒍᕕᓪᓗ ᐹᓪᓚᖕᓂᐊᓐᖏᓚᑎᑦ.
13ᐊᔪᕆᕐᑐᕐᑕᐅᑦᔪᑎᒋᔭᑎᑦ ᐱᓯᒪᑦᓯᐊᒃᑭᑦ, ᓴᒃᑯᑦᑍᓕᓗᒋᑦ;
ᑎᒍᒥᐊᕈᒃ ᐃᓅᓯᖃᕈᑎᒋᒐᕕᐅᒃ.
14ᐱᐅᖏᑦᑐᑦ ᐊᖅᑯᓯᓂᖓᓄᑦ ᐃᑎᕐᑍᓕᒋᑦ,
ᐱᐅᖏᑦᑐᓪᓗ ᐊᑐᕐᑕᖓᑦᑎᒍᑦ ᐃᓅᑦᑍᓕᓗᑎᑦ.
15ᐃᓕᖅᑯᓯᖏᑦ ᐊᑐᕐᑍᓕᓗᒋᑦ, ᐊᖅᑯᑎᒋᔭᖓᒎᕐᑍᓕᒋᑦ,
ᐊᑐᕐᑕᖓᑦ ᑐᓄᓪᓗᒍ, ᑲᔪᓯᑐᐃᓐᓇᕆᑦ.
16ᓯᓂᓕᕐᓂᐊᖏᒻᒪᑕ ᐱᐅᖏᑦᑐᒥᒃ ᐊᑑᑎᓚᐅᖅᑳᕋᑎᒃ;
ᓯᓂᒍᒪᓕᕐᓂᐊᓐᖏᓚᓪᓗ ᐃᓄᖕᒥᒃ ᐹᓪᓚᒃᑎᑦᓯᓚᐅᖅᑳᕋᑎᒃ.
17ᓂᕿᖃᕐᒪᑕ ᓂᐊᖂᔭᒥᒃ ᐱᐅᖏᑦᑐᓕᓐᓇᕐᑐᒥᒃ;
ᐸᐅᕐᖎᓪᓗ ᐃᑦᑎᖓᓂᒃ ᐃᒥᕐᐸᒃᓗᑎᒃ ᑲᑉᐱᐊᓱᒃᑎᑦᓯᓂᕐᒥᒃ.
18ᓈᒻᒪᓈᑦᓯᐊᕐᑐᒥ ᐃᓅᔪᑦ ᐊᑐᕐᑕᖓᑦ ᓯᕿᓂᕐᒧᑦ ᓄᐃᕕᐅᓕᕐᑐᑎᑐᑦ ᑍᒤᑉᐳᖅ,
ᖃᐅᒻᒪᒃᑎᑕᐅᕙᓪᓕᐊᕗᖅ ᐅᓪᓗᓪᓗᐊᕈᕐᐸᓪᓕᐊᔪᒧᑦ ᖃᐅᒻᒪᒌᑦᓯᐊᓕᕐᕕᐅᔪᑎᑐᑦ.
19ᐱᐅᖏᑦᑐᓕᔪᓪᓕ ᐊᑐᕐᑕᖓᑦ ᐃᑎᔪᐊᓗᖕᒥᒃ ᑖᕐᑐᐊᓗᒃᑎᑐᑦ ᑍᒤᑉᐳᖅ,
ᖃᐅᔨᒪᔪᓐᓇᓐᖏᓚᓪᓗ ᓱᓇᒧᑦ ᐹᓪᓚᖃᑦᑕᕐᒪᖔᕐᒥᒃ.
20ᐃᕐᓃᒃ, ᐅᖃᐅᓯᒃᑲ ᓈᓚᑦᓯᐊᒃᑭᑦ;
ᓈᓚᑦᓯᐊᕐᓗᒋᓪᓗ ᐅᖃᕐᑕᒃᑲ.
21ᐃᓕᖕᓂᑦ ᐅᖓᓯᒃᓯᑎᑦᑍᓕᒃᑭᑦ, ᐆᒻᒪᒻᒥᐅᑕᕆᑦᓯᐊᕐᓗᒋᑦ ᐱᓯᒪᒃᑭᑦ.
22ᓇᓂᓯᔪᓄᑦ ᐃᓅᓯᒃᓴᐅᖕᒪᑕ,
ᑎᒥᖏᓐᓄᓪᓗ ᐋᖅᑭᒃᑕᐅᑦᔪᑎᒃᓴᐅᓪᓗᑎᒃ.
23ᐆᒻᒪᒻᒥᐅᑕᑎᑦ ᐱᓯᒪᑦᓯᐊᒃᑭᑦ ᐊᔪᐃᓐᓇᕐᓗᑎᑦ,
ᑕᕝᕙᓐᖓᑦ ᐃᓅᓯᖃᕐᓇᕐᑐᖅ ᑰᖕᒪᑦ.
24ᓱᓕᖏᑦᑐᓂᒃ ᐅᖃᐅᓯᖃᕐᑍᓕᒋᑦ,
ᒥᑕᐅᑎᒃᓴᕐᓂᖅ ᐅᐃᕕᕆᒃᓯᓂᕐᓗ ᐃᓕᖕᓂᑦ ᐅᖓᓯᒃᑎᒃᑭᑦ.
25ᐃᔩᒃᑭᒃ ᑐᑭᒧᓪᓗᐊᖅ ᑕᑯᓐᓇᑦᓯᐊᕐᓗᑎᒃ ᐃᓅᒋᑦ,
ᑕᑯᓐᓇᕐᓗᑎᓪᓗ ᑐᑭᒧᑦ ᓯᕗᒧᓪᓗᐊᖅ ᓯᕗᓂᕐᓄᑦ.
26 #
ᐄᑉᕈᐃᓄᑦ 12:13. ᐊᑐᕐᓂᐊᕐᑍᑦ ᐃᓱᒪᒃᓴᕐᓯᐅᕈᑎᒋᑦᓯᐊᕐᓗᒍ ᐱᖃᑦᑕᕆᑦ,
ᑕᕝᕙ ᐊᑐᕐᑕᓕᒫᑎᑦ ᓇᖏᐊᕐᓇᕐᓂᐊᓐᖏᓚᑦ.
27ᓇᓪᓕᐊᓐᓄᑐᐃᓐᓇᖅ ᓴᐅᒥᒧᑦ ᑕᓕᕐᐱᒧᓪᓗ ᓴᖑᑦᑍᓕᓗᑎᑦ;
ᐱᐅᖏᑦᑐᑦ ᐊᖅᑯᑎᖕᓃᑦᑐᑦ ᓴᓂᖅᑯᑉᐸᒡᓗᒋᑦ.
Currently Selected:
ᓲᓗᒨᓂᐅᑉ ᐅᖃᓪᓚᖕᓂᖏᑦ 4: EAIB
Highlight
Share
Compare
Copy
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.
ᓲᓗᒨᓂᐅᑉ ᐅᖃᓪᓚᖕᓂᖏᑦ 4
4
ᓯᓚᑐᓂᐅᑉ ᐱᕙᓪᓕᕈᑎᒃᓴᖃᕐᓂᖓ
1ᕿᑐᕐᖓᒃᑳ, ᐊᑖᑕᑦᓯ ᐊᔪᕆᕐᑐᐃᑦᔪᑎᒋᔭᖏᑦ ᓈᓚᒃᓯᐅᒃ,
ᑐᓵᓇᓱᐊᑦᓯᐊᕐᓗᒋᓪᓗ ᖃᐅᔨᓂᐊᕋᕕᑦ ᑐᑭᓯᑎᑕᐅᓂᕐᒥᒃ.
2ᐱᐅᔪᓂᒃ ᐊᑐᒐᒃᓴᓂᒃ ᐊᔪᕆᕐᑐᕋᒃᑭᑦ,
ᑍᒤᒻᒪᑦ ᐊᔪᕆᕐᑐᐃᑦᔪᑎᒋᔭᒃᑲ ᐳᐃᒍᕐᑍᓕᒃᑭᑦ.
3ᐊᑖᑕᒪ ᐃᒡᓗᖓᓂ ᓄᑲᑉᐱᐊᖑᑎᓪᓗᖓ,
ᓇᒡᓕᒋᔭᐅᓚᐅᕐᐳᖓ ᐊᓈᓇᒪ ᕿᑐᕐᖓᑐᐊᕆᑎᓪᓗᓂᖓ.
4ᐊᔪᕆᕐᑐᐊᕆᓪᓗᓂᖓ ᐅᖃᐅᑦᔪᕐᐸᓚᐅᕐᐹᖓ,
“ᐅᖃᐅᓯᕆᔭᒃᑲ ᐆᒻᒪᑎᖕᓂ ᐱᓯᒪᑦᓯᐊᒃᑭᑦ,
ᐱᖁᔭᒃᑲ ᐱᓯᒪᑦᓯᐊᕈᕕᒋᑦ ᑕᕝᕙ ᐃᓅᓂᐊᕐᐳᑎᑦ.
5ᓯᓚᑐᓂᖅ ᐱᒋᒍᒃ, ᑐᑭᓯᑎᑕᐅᓂᕐᓗ,
ᐅᖃᐅᓯᕆᔭᒃᑲ ᐳᐃᒍᕐᑍᓕᓗᒋᑦ ᑐᓄᐃᓐᓇᕐᑍᓕᒃᑭᑦ.
6ᖁᔭᓈᕐᑍᓕᒍᒃ, ᑕᕝᕙ ᐱᓯᒪᔭᐅᑦᓯᐊᕐᓂᐊᕐᐳᑎᑦ ᑖᑦᓱᒧᖓ,
ᓇᒡᓕᒋᓗᒍ ᐱᒋᑦ ᑕᕝᕙ ᓴᐳᑎᓯᒪᓂᐊᕐᐹᑎᑦ.
7ᓯᓚᑦᑐᕐᐸᓪᓕᐊᓂᖅ ᐱᒋᐊᕐᕕᖃᕐᐳᖅ ᓯᓚᑐᓂᕐᒥᒃ ᑎᒍᓯᓂᕐᒥᒃ;
ᖃᓄᐃᑦᑐᑐᐃᓐᓇᓂᒃ ᐱᒐᓗᐊᕈᕕᑦ, ᑐᑭᓯᑎᑕᐅᓂᖅ ᑎᒍᒥᐊᕈᒃ.
8ᓯᓚᑐᓂᖅ ᐊᖏᒡᓕᑎᕈᕕᐅᒃ ᑕᕝᕙ ᖁᕙᕐᑎᓐᓂᐊᕐᐹᑎᑦ,
ᐅᐱᒋᓂᐊᕐᐹᑎᑦ ᐃᕿᒻᒥᓂᐊᕈᕕᐅᒃ.
9ᑖᑦᓱᒪ ᓂᐊᖂᓯᕐᓂᐊᕐᐹᑎᑦ ᑕᑯᒥᓇᕐᑐᕐᔪᐊᕐᒥᒃ,
ᐊᖓᔪᖅᑳᕐᔪᐊᕐᓯᐅᑎᒥᒡᓗ ᓂᐊᖁᕐᒥᐅᑦᓯᕐᓂᐊᕐᐹᑎᑦ.”
10ᐃᕐᓃᒃ, ᓈᓚᒋᑦ, ᐅᖃᓯᕆᔭᒃᑲᓗ ᐃᓚᓕᐅᕐᓗᒋᑦ,
ᐊᕐᕌᒍᓂᒃ ᐅᓄᕐᑐᓂᒃ ᐃᓅᓂᐊᕋᕕᑦ.
11ᐊᔪᕆᕐᑐᓚᐅᕐᐸᒋᑦ ᓯᓚᑦᑐᕐᐸᓪᓕᐊᓇᕐᑐᓂᒃ,
ᑕᓯᐅᓚᐅᕐᐸᒋᑦ ᓈᒻᒪᓈᑦᓯᐊᕐᑐᒃᑯᑦ ᐊᖅᑯᑎᒃᓴᒥᒃ.
12ᐱᓱᓕᕈᕕᑦ ᐊᖅᑯᑎᒋᔭᒃᑯᑦ ᐊᒡᕕᐊᕐᑕᐅᓂᐊᓐᖏᓚᑎᑦ,
ᐅᓪᓚᒃᓯᒍᕕᓪᓗ ᐹᓪᓚᖕᓂᐊᓐᖏᓚᑎᑦ.
13ᐊᔪᕆᕐᑐᕐᑕᐅᑦᔪᑎᒋᔭᑎᑦ ᐱᓯᒪᑦᓯᐊᒃᑭᑦ, ᓴᒃᑯᑦᑍᓕᓗᒋᑦ;
ᑎᒍᒥᐊᕈᒃ ᐃᓅᓯᖃᕈᑎᒋᒐᕕᐅᒃ.
14ᐱᐅᖏᑦᑐᑦ ᐊᖅᑯᓯᓂᖓᓄᑦ ᐃᑎᕐᑍᓕᒋᑦ,
ᐱᐅᖏᑦᑐᓪᓗ ᐊᑐᕐᑕᖓᑦᑎᒍᑦ ᐃᓅᑦᑍᓕᓗᑎᑦ.
15ᐃᓕᖅᑯᓯᖏᑦ ᐊᑐᕐᑍᓕᓗᒋᑦ, ᐊᖅᑯᑎᒋᔭᖓᒎᕐᑍᓕᒋᑦ,
ᐊᑐᕐᑕᖓᑦ ᑐᓄᓪᓗᒍ, ᑲᔪᓯᑐᐃᓐᓇᕆᑦ.
16ᓯᓂᓕᕐᓂᐊᖏᒻᒪᑕ ᐱᐅᖏᑦᑐᒥᒃ ᐊᑑᑎᓚᐅᖅᑳᕋᑎᒃ;
ᓯᓂᒍᒪᓕᕐᓂᐊᓐᖏᓚᓪᓗ ᐃᓄᖕᒥᒃ ᐹᓪᓚᒃᑎᑦᓯᓚᐅᖅᑳᕋᑎᒃ.
17ᓂᕿᖃᕐᒪᑕ ᓂᐊᖂᔭᒥᒃ ᐱᐅᖏᑦᑐᓕᓐᓇᕐᑐᒥᒃ;
ᐸᐅᕐᖎᓪᓗ ᐃᑦᑎᖓᓂᒃ ᐃᒥᕐᐸᒃᓗᑎᒃ ᑲᑉᐱᐊᓱᒃᑎᑦᓯᓂᕐᒥᒃ.
18ᓈᒻᒪᓈᑦᓯᐊᕐᑐᒥ ᐃᓅᔪᑦ ᐊᑐᕐᑕᖓᑦ ᓯᕿᓂᕐᒧᑦ ᓄᐃᕕᐅᓕᕐᑐᑎᑐᑦ ᑍᒤᑉᐳᖅ,
ᖃᐅᒻᒪᒃᑎᑕᐅᕙᓪᓕᐊᕗᖅ ᐅᓪᓗᓪᓗᐊᕈᕐᐸᓪᓕᐊᔪᒧᑦ ᖃᐅᒻᒪᒌᑦᓯᐊᓕᕐᕕᐅᔪᑎᑐᑦ.
19ᐱᐅᖏᑦᑐᓕᔪᓪᓕ ᐊᑐᕐᑕᖓᑦ ᐃᑎᔪᐊᓗᖕᒥᒃ ᑖᕐᑐᐊᓗᒃᑎᑐᑦ ᑍᒤᑉᐳᖅ,
ᖃᐅᔨᒪᔪᓐᓇᓐᖏᓚᓪᓗ ᓱᓇᒧᑦ ᐹᓪᓚᖃᑦᑕᕐᒪᖔᕐᒥᒃ.
20ᐃᕐᓃᒃ, ᐅᖃᐅᓯᒃᑲ ᓈᓚᑦᓯᐊᒃᑭᑦ;
ᓈᓚᑦᓯᐊᕐᓗᒋᓪᓗ ᐅᖃᕐᑕᒃᑲ.
21ᐃᓕᖕᓂᑦ ᐅᖓᓯᒃᓯᑎᑦᑍᓕᒃᑭᑦ, ᐆᒻᒪᒻᒥᐅᑕᕆᑦᓯᐊᕐᓗᒋᑦ ᐱᓯᒪᒃᑭᑦ.
22ᓇᓂᓯᔪᓄᑦ ᐃᓅᓯᒃᓴᐅᖕᒪᑕ,
ᑎᒥᖏᓐᓄᓪᓗ ᐋᖅᑭᒃᑕᐅᑦᔪᑎᒃᓴᐅᓪᓗᑎᒃ.
23ᐆᒻᒪᒻᒥᐅᑕᑎᑦ ᐱᓯᒪᑦᓯᐊᒃᑭᑦ ᐊᔪᐃᓐᓇᕐᓗᑎᑦ,
ᑕᕝᕙᓐᖓᑦ ᐃᓅᓯᖃᕐᓇᕐᑐᖅ ᑰᖕᒪᑦ.
24ᓱᓕᖏᑦᑐᓂᒃ ᐅᖃᐅᓯᖃᕐᑍᓕᒋᑦ,
ᒥᑕᐅᑎᒃᓴᕐᓂᖅ ᐅᐃᕕᕆᒃᓯᓂᕐᓗ ᐃᓕᖕᓂᑦ ᐅᖓᓯᒃᑎᒃᑭᑦ.
25ᐃᔩᒃᑭᒃ ᑐᑭᒧᓪᓗᐊᖅ ᑕᑯᓐᓇᑦᓯᐊᕐᓗᑎᒃ ᐃᓅᒋᑦ,
ᑕᑯᓐᓇᕐᓗᑎᓪᓗ ᑐᑭᒧᑦ ᓯᕗᒧᓪᓗᐊᖅ ᓯᕗᓂᕐᓄᑦ.
26 #
ᐄᑉᕈᐃᓄᑦ 12:13. ᐊᑐᕐᓂᐊᕐᑍᑦ ᐃᓱᒪᒃᓴᕐᓯᐅᕈᑎᒋᑦᓯᐊᕐᓗᒍ ᐱᖃᑦᑕᕆᑦ,
ᑕᕝᕙ ᐊᑐᕐᑕᓕᒫᑎᑦ ᓇᖏᐊᕐᓇᕐᓂᐊᓐᖏᓚᑦ.
27ᓇᓪᓕᐊᓐᓄᑐᐃᓐᓇᖅ ᓴᐅᒥᒧᑦ ᑕᓕᕐᐱᒧᓪᓗ ᓴᖑᑦᑍᓕᓗᑎᑦ;
ᐱᐅᖏᑦᑐᑦ ᐊᖅᑯᑎᖕᓃᑦᑐᑦ ᓴᓂᖅᑯᑉᐸᒡᓗᒋᑦ.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.