ᓲᓗᒨᓂᐅᑉ ᐅᖃᓪᓚᖕᓂᖏᑦ 30
30
ᐊᒡᒍᕆᐅᑉ ᓯᓚᑐᓂᖓ
1ᐊᒍᕆᐅᑉ ᐅᖃᐅᓯᖏᑦ ᔮᑭᐅᑉ ᒫᓴᒥᐅᑕᐅᑉ ᐃᕐᓂᖓᑕ,
ᐊᖑᑦ ᐃᒫᒃ ᐅᖃᕐᐳᖅ: “ᑕᖃᕗᖓ ᒎᑏ,
ᑕᖃᕗᖓ ᒎᑏ, ᖃᓄᖅ ᓵᓚᖃᕈᓐᓇᕐᐳᖓ?”
2ᓇᓗᖏᓐᓇᒪ ᓯᓔᓗᐊᒧᑦ ᐃᓅᔪᒃᓴᐅᖏᓐᓇᒪ.
ᐃᓅᓪᓗ ᖃᐅᔨᒪᓂᖓᑐᑦ ᖃᐅᔨᒪᓇᖓ.
3ᓯᓚᑐᓂᕐᒥᒃ ᐃᓕᑦᓯᓚᐅᖏᓐᓇᒪ,
ᖃᐅᔨᒪᓇᖓᓗ ᑖᑦᓱᒥᖓ ᐃᑦᔪᕐᓁᑦᑐᒥᒃ.
4ᑭᓇ ᕿᓚᓕᐊᓚᐅᕐᓯᒪᕚ ᐊᒻᒪ ᐅᑎᕐᒥᓗᓂ ᓄᓇᒧᑦ?
ᑭᓇ ᐊᓄᕆᒥᒃ ᐊᒡᒐᖕᒥᓄᑦ ᑎᒎᖅᑬᔪᓐᓇᕐᐹ?
ᑭᓇ ᐃᒥᕐᒥᒃ ᐊᓐᓄᕌᒥᓄᑦ ᕿᓚᒃᓱᐃᓯᒪᕚ?
ᑭᓇ ᑲᑎᑦᓯᓯᒪᕙ ᐃᒪᕐᔪᐊᕐᒥᒃ ᐊᓐᓄᕌᒥᓄᑦ?
ᑭᓇ ᐋᖅᑭᒃᓯᓯᒪᕙ ᓄᓇᕐᔪᐊᑉ ᑭᒡᓕᖏᓐᓂᒃ?
ᑭᓇᒥᒃ ᐊᑎᖃᕐᐸ, ᐃᕐᓂᖓᓗ ᑭᓇᐅᕙ?
5ᒎᑎᐅᑉ ᐅᖃᐅᓯᖏᑦ ᓇᓗᓁᕐᓗᑎᒃ ᑕᒪᕐᒥᒃ ᓱᓕᕗᑦ;
ᓴᐴᓗᑕᒃᓴᐅᕗᓪᓗ ᑖᑦᓱᒥᖓ ᑕᑎᖃᕐᑐᓄᑦ ᑕᒤᓐᓄᑦ.
6ᐅᖃᐅᓯᖏᓐᓂ ᐅᖃᕐᓯᒪᖏᑦᑐᒥᒃ ᐃᓚᓯᓂᐊᕐᓇᒃ,
ᑖᑦᓱᒧᖓ ᓱᐊᒃᑕᐅᖁᓇᒃ, ᓴᒡᓗᓲᒥᒡᓗ ᑍᔭᐅᓕᖁᓇᒃ.
ᓱᓕ ᐅᖃᓪᓚᖕᓃᑦ
7ᒪᕐᕉᖕᓂᒃ ᕿᓄᕕᒋᕙᒋᑦ; ᕿᐱᓗᒃᑍᓕᓐᖓ ᑖᒃᑯᓂᖓ ᑐᖁᖅᑳᕐᑎᓐᓇᖓ:
8ᓱᓕᖏᓐᓂᖅ ᓴᒡᓗᓂᕐᓗ ᐅᕙᓐᓂᑦ ᐲᕐᓗᒋᑦ ᐅᖓᓯᒃᑎᒃᑭᑦ;
ᐊᔪᕐᓴᓕᕐᑎᓐᓂᐊᕐᓇᖓ ᐊᒃᓱᐃᓕᑎᓐᓂᐊᕐᓇᖓᓗ;
ᓂᕆᑎᓐᖓᓕ ᓂᕿᒥᒃ ᐱᔭᕆᐊᖃᕐᑕᓐᓂᒃ,
9ᐊᕿᐊᑦᑐᓗᐊᕈᒪ ᐃᓕᖕᓂᒃ ᐃᒃᐱᒍᓱᒍᓐᓃᖁᓇᖓ,
ᐅᖃᓕᖁᓇᖓᓗ, “ᑭᓇ ᐊᑕᓂᐅᕙ?”
ᐅᕝᕙᓗ ᐊᔪᕐᓴᓗᐊᓕᕈᒪ ᑎᒡᓕᖃᑦᑕᓕᖁᓇᖓ,
ᒎᑎᒪᓗ ᐊᑎᖓᓂᒃ ᐊᑐᕐᓂᕐᓗᓕᖁᓇᖓ.
10ᐱᔨ ᓴᒡᓗᑦᔪᑎᒋᑦᑍᓕᒍᒃ ᐊᖓᔪᖅᑳᖓᓄᑦ,
ᑖᑦᓱᒧᖓ ᐅᖃᕐᓂᕐᓘᑦᔭᐅᓕᕈᕕᑦ, ᐸᓯᔭᒃᓴᓐᖑᕐᑎᑕᐅᖁᓇᒃ.
11ᐃᓄᒃᑕᖃᕐᐳᖅ ᐊᑖᑕᒥᖕᓂᒃ ᐃᓱᒪᓂᕐᓗᒡᕕᖃᕐᑐᓂᒃ,
ᐊᓈᓇᒥᖕᓂᒡᓗ ᓮᒻᒪᕐᑎᑦᓯᖏᑦᑐᓂᒃ.
12ᐃᓄᖃᕆᕗᖅ ᐃᒻᒥᖕᓂᒃ ᐸᓯᔭᒃᓴᐅᓂᖃᕋᓱᒋᖏᑦᑐᓂᒃ,
ᓴᓗᒤᓐᓂᕐᒥᖕᓂᑦ ᓴᓗᒻᒪᕐᑕᐅᓚᐅᕐᓯᒪᖏᑦᑐᓂᒃ.
13ᐃᓄᖃᕆᕗᖅ ᐃᒻᒥᖕᓂᒃ ᐱᐅᓇᓱᒋᔪᓂᒃ!
ᖁᓚᐅᑦᓯᖓᓪᓗᑎᒃ ᐊᓯᒥᖕᓂᒃ ᑕᑯᓐᓇᒻᒪᕆᒃᐸᒃᑐᓂᒃ!
14ᐃᓄᖃᕆᕗᖅ ᑭᒍᑎᖃᕐᑐᓂᒃ ᓴᕕᒡᔪᐊᑎᑐᑦ,
ᑭᒍᑎᖏᑦ ᓴᕕᒃᑎᑑᕐᑐᓂᒃ,
ᐊᔪᕐᓴᕐᑐᓂᒃ ᐄᖅᑲᕐᑐᑎᑐᑦ ᓄᖒᑦᓯᓇᓱᐊᕐᐸᒃᑐᓂᒃ ᓄᓇᒥ ᐃᓅᔪᓂᒃ,
ᐱᖃᖏᑦᑐᓂᒃ ᐃᓄᐃᑦ ᐊᑯᕐᖓᓐᓂᑦ.
15ᐊᐅᖕᒥᒃ ᒥᓪᓗᐊᓲᖅ ᓖᑦᓰ ᐸᓂᖃᕐᐳᖅ ᒪᕐᕉᖕᓂᒃ:
“ᕾᑦᓯᒋᑦ, ᕾᑦᓯᒋᑦ.” ᑖᒃᑯᐊᒃ ᓂᓪᓕᐊᕘᒃ.
ᐱᖓᓲᕗᑦ ᓈᒻᒪᒃᓯᓚᐅᕐᓯᒪᖏᑦᑐᑦ;
ᓯᑕᒪᖓᓪᓗ ᐅᖃᓚᐅᕐᓯᒪᖏᑦᑐᖅ, “ᓈᒻᒪᒃᓯᕗᖅ”;
16ᑐᖁᖓᔪᑦ ᐃᓂᖓ, ᐊᕐᓇᖅ ᕿᑐᕐᖏᓱᐃᑦᑐᖅ,
ᓄᓇ ᐸᓂᕐᑐᖅ ᐃᒥᕈᒃᑐᖅ,
ᐃᑯᒪᓗ ᐅᖃᓚᐅᕐᓯᒪᓇᓂ, “ᓈᒻᒪᒃᓯᕗᖅ.”
17ᐃᔨ ᐊᑖᑕᒥᓂᒃ ᒥᑕᐅᑎᖃᕐᐸᒃᑐᖅ,
ᐊᓈᓇᒥᓂᒡᓗ ᓈᓚᒍᒪᓇᓂ ᓱᐊᖓᕙᒃᑐᖅ,
ᑐᓗᒐᕐᓄᑦ ᓇᕐᓴᒦᑦᑐᓄᑦ ᐃᔩᕐᑕᐅᔪᒫᕐᐳᖅ,
ᑎᖕᒥᐊᓄᓪᓗ ᑎᒥᕕᓂᕐᑐᕐᑎᓄᑦ ᓂᕆᔭᐅᔪᒫᕐᐳᖅ.
18ᐱᖓᓲᒋᕗᑦ ᐅᕙᓐᓄᑦ ᑲᒪᓇᓗᐊᕐᑐᑦ,
ᓯᑕᒪᖓᓪᓗ ᑐᑭᓯᔪᓐᓇᓐᖏᑕᕋ;
19ᓇᒃᑐᕋᓖᑦ ᓯᓚᒃᑯᑦ ᖃᖓᑕᖃᑦᑕᕐᓂᖏᑦ,
ᖁᒡᓗᒋᐊᑦ ᕾᕐᑐᓂ ᐃᓂᖃᓲᖑᓂᖏᑦ,
ᐅᒥᐊᕐᔪᐊᑦ ᐃᒪᕕᒃᑯᑦ ᐃᖏᕐᕋᓲᖑᓂᖏᑦ,
ᐊᖑᑎᐅᓪᓗ ᐊᕐᓇᒥ ᐱᖃᑎᖃᓚᐅᕐᓯᒪᖏᑦᑐᒦᓐᓂᖓ.
20ᐃᒫᒃ ᐱᐅᓯᖃᕐᐳᖅ ᐊᕐᓇᖅ ᐊᓯᓐᓂᐊᕐᑐᖅ:
ᓂᕆᓚᐅᕐᓗᓂ, ᖃᓂᓂ ᐊᓪᓚᕐᑎᕇᕋᒥᐅᒃ,
ᐅᖃᕐᐳᖅ, “ᑕᒻᒪᓚᐅᖏᑦᑐᖓ.”
21ᓄᓇ ᐱᖓᓲᓕᖅᑲᖓᔪᒥᒃ ᓴᔪᒃᐱᓗᓲᖑᕗᖅ;
ᓯᑕᒪᖓᓐᓄᓪᓕ ᐊᓂᒡᒎᑎᔪᓐᓇᓐᖏᓚᖅ:
22ᓯᐊᓛᕆᔭᐅᔪᖅ ᐊᖓᔪᖅᑳᕐᔪᐊᖑᕐᐸᑦ,
ᓯᓔᑦᑐᖅ ᓂᕆᔪᒪᔭᓕᒫᒥᓄᑦ ᐊᕿᐊᑦᑐᕐᐸᑦ;
23ᐊᕐᓇᖅ ᓇᒡᓕᒋᔭᐅᖏᑦᑐᖅ ᐂᑉᐸᕐᑖᕐᐸᑦ,
ᐊᕐᓇᖅ ᐱᔨᒋᔭᐅᓚᐅᕐᑐᖅ ᐊᖓᔪᖅᑳᒥᓂᒃ ᐃᓇᖐᒃᐸᑦ.
24ᓯᑕᒪᐅᕗᑦ ᓄᓇᕐᔪᐊᕐᒥ ᒥᑭᓐᓂᕐᐸᐅᔪᑦ,
ᑖᒃᑯᐊᓕ ᓯᓚᑐᔪᒻᒪᕆᐊᓘᕗᑦ:
25ᐋᓯᕙᐅᔮᕐᑐᑦ ᖁᐱᕐᕈᐃᑦ ᓴᓐᖏᔫᖏᑦᑐᑦ,
ᑕᒪᒃᑯᐊ ᐊᐅᔭᐅᓂᖓᓂ ᓂᕿᒃᓴᒥᖕᓂᒃ ᑲᑎᕐᓱᐃᓲᖑᕗᑦ.
26ᕾᕐᑐᒥᐅᑍᑦ ᐹᑦᔪᕇᑦ ᓴᓐᖏᔫᖏᒻᒥᔪᑦ,
ᐃᓂᒃᓴᓕᐅᓲᖑᕗᑦ ᐊᖏᕐᕋᒃᓴᒥᖕᓂᒃ ᕾᕐᑐᓂ;
27ᐱᒡᓕᕐᑕᐅᔮᕐᑐᑦ ᐊᖓᔪᖅᑳᕐᔪᐊᖃᓐᖏᓚᑦ,
ᑲᑎᓐᖓᑦᓯᐊᕐᓗᑎᒡᓕ ᑕᒪᕐᒥᒃ ᐊᑕᐅᑦᓯᒃᑯᑦ ᐃᖏᕐᕋᓲᖑᕗᑦ;
28ᓕᓴᕐᑦᒥᒃ ᐊᑎᓖᑦ ᐊᒡᒐᖕᓄᑦ ᑎᒍᒥᐊᕈᓐᓇᕐᑕᑎᑦ,
ᑖᒃᑯᐊ ᐊᖓᔪᖅᑳᕐᔪᐊᑦ ᐃᒡᓗᖏᓐᓃᓲᖑᒋᕗᑦ.
29ᐱᖓᓲᕗᑦ ᓈᖏᑦ ᐊᒃᑐᐊᓪᓗᑎᒃ ᐱᓱᒃᐸᒃᑐᑦ;
ᓯᑕᒪᖓᓪᓕ ᓈᖓ ᐊᒃᑐᐊᓇᓂ ᐱᓱᓪᓚᕆᓲᖑᕗᖅ:
30ᓛᔧᑦ, ᐆᒪᔫᖃᑎᓕᒫᒥᖕᓂᑦ ᓴᓐᖏᓂᕐᐸᐅᕗᑦ
ᓇᓪᓕᐊᓐᓂᒡᓘᓐᓃᑦ ᐃᕐᓯᒋᔭᖃᕋᑎᒃ;
31ᐊᕿᒡᒋᐅᔧᑦ ᐊᖑᑎᕕᐊᖏᑦ, ᒎᑦᓰᓪᓗ ᐊᖑᓴᓪᓗᖏᑦ
ᐊᖓᔪᖅᑳᕐᔪᐊᕐᓗ ᐱᓱᒃᑐᖅ ᐃᓄᖁᑎᒥ ᓵᖏᑎᒍᑦ.
32ᓯᓔᕐᕈᕐᑐᕐᓯᒪᒍᕕᑦ, ᐃᓕᖕᓂᒃ ᐊᖏᒡᓕᑎᕐᓗᑎᑦ,
ᐅᕝᕙᓗ ᐱᐅᖏᑦᑐᒥᒃ ᐃᓱᒪᓕᐅᕐᓯᒪᓚᐅᕐᓂᕈᕕᑦ,
ᖃᓃᑦ ᐊᒡᒐᖕᓄᑦ ᒪᑐᒍᒃ.
33ᐃᒻᒧᒃ ᐊᐅᓚᑎᒻᒪᕆᒍᕕᐅᒃ ᑭᓂᕐᓯᓲᖑᖕᒪᑦ,
ᕿᖎᑦ ᓇᕿᒃᑯᕕᐅᒃ ᐊᐅᓕᕈᓐᓇᕐᒪᑦ,
ᓂᓐᖓᒃᓮᒍᕕᓪᓗ ᐊᑭᕋᕐᑑᑎᓂᕐᒧᑦ ᑎᑭᑕᐅᒐᔭᕐᐳᑎᑦ.
Currently Selected:
ᓲᓗᒨᓂᐅᑉ ᐅᖃᓪᓚᖕᓂᖏᑦ 30: EAIB
Highlight
Share
Compare
Copy
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.
ᓲᓗᒨᓂᐅᑉ ᐅᖃᓪᓚᖕᓂᖏᑦ 30
30
ᐊᒡᒍᕆᐅᑉ ᓯᓚᑐᓂᖓ
1ᐊᒍᕆᐅᑉ ᐅᖃᐅᓯᖏᑦ ᔮᑭᐅᑉ ᒫᓴᒥᐅᑕᐅᑉ ᐃᕐᓂᖓᑕ,
ᐊᖑᑦ ᐃᒫᒃ ᐅᖃᕐᐳᖅ: “ᑕᖃᕗᖓ ᒎᑏ,
ᑕᖃᕗᖓ ᒎᑏ, ᖃᓄᖅ ᓵᓚᖃᕈᓐᓇᕐᐳᖓ?”
2ᓇᓗᖏᓐᓇᒪ ᓯᓔᓗᐊᒧᑦ ᐃᓅᔪᒃᓴᐅᖏᓐᓇᒪ.
ᐃᓅᓪᓗ ᖃᐅᔨᒪᓂᖓᑐᑦ ᖃᐅᔨᒪᓇᖓ.
3ᓯᓚᑐᓂᕐᒥᒃ ᐃᓕᑦᓯᓚᐅᖏᓐᓇᒪ,
ᖃᐅᔨᒪᓇᖓᓗ ᑖᑦᓱᒥᖓ ᐃᑦᔪᕐᓁᑦᑐᒥᒃ.
4ᑭᓇ ᕿᓚᓕᐊᓚᐅᕐᓯᒪᕚ ᐊᒻᒪ ᐅᑎᕐᒥᓗᓂ ᓄᓇᒧᑦ?
ᑭᓇ ᐊᓄᕆᒥᒃ ᐊᒡᒐᖕᒥᓄᑦ ᑎᒎᖅᑬᔪᓐᓇᕐᐹ?
ᑭᓇ ᐃᒥᕐᒥᒃ ᐊᓐᓄᕌᒥᓄᑦ ᕿᓚᒃᓱᐃᓯᒪᕚ?
ᑭᓇ ᑲᑎᑦᓯᓯᒪᕙ ᐃᒪᕐᔪᐊᕐᒥᒃ ᐊᓐᓄᕌᒥᓄᑦ?
ᑭᓇ ᐋᖅᑭᒃᓯᓯᒪᕙ ᓄᓇᕐᔪᐊᑉ ᑭᒡᓕᖏᓐᓂᒃ?
ᑭᓇᒥᒃ ᐊᑎᖃᕐᐸ, ᐃᕐᓂᖓᓗ ᑭᓇᐅᕙ?
5ᒎᑎᐅᑉ ᐅᖃᐅᓯᖏᑦ ᓇᓗᓁᕐᓗᑎᒃ ᑕᒪᕐᒥᒃ ᓱᓕᕗᑦ;
ᓴᐴᓗᑕᒃᓴᐅᕗᓪᓗ ᑖᑦᓱᒥᖓ ᑕᑎᖃᕐᑐᓄᑦ ᑕᒤᓐᓄᑦ.
6ᐅᖃᐅᓯᖏᓐᓂ ᐅᖃᕐᓯᒪᖏᑦᑐᒥᒃ ᐃᓚᓯᓂᐊᕐᓇᒃ,
ᑖᑦᓱᒧᖓ ᓱᐊᒃᑕᐅᖁᓇᒃ, ᓴᒡᓗᓲᒥᒡᓗ ᑍᔭᐅᓕᖁᓇᒃ.
ᓱᓕ ᐅᖃᓪᓚᖕᓃᑦ
7ᒪᕐᕉᖕᓂᒃ ᕿᓄᕕᒋᕙᒋᑦ; ᕿᐱᓗᒃᑍᓕᓐᖓ ᑖᒃᑯᓂᖓ ᑐᖁᖅᑳᕐᑎᓐᓇᖓ:
8ᓱᓕᖏᓐᓂᖅ ᓴᒡᓗᓂᕐᓗ ᐅᕙᓐᓂᑦ ᐲᕐᓗᒋᑦ ᐅᖓᓯᒃᑎᒃᑭᑦ;
ᐊᔪᕐᓴᓕᕐᑎᓐᓂᐊᕐᓇᖓ ᐊᒃᓱᐃᓕᑎᓐᓂᐊᕐᓇᖓᓗ;
ᓂᕆᑎᓐᖓᓕ ᓂᕿᒥᒃ ᐱᔭᕆᐊᖃᕐᑕᓐᓂᒃ,
9ᐊᕿᐊᑦᑐᓗᐊᕈᒪ ᐃᓕᖕᓂᒃ ᐃᒃᐱᒍᓱᒍᓐᓃᖁᓇᖓ,
ᐅᖃᓕᖁᓇᖓᓗ, “ᑭᓇ ᐊᑕᓂᐅᕙ?”
ᐅᕝᕙᓗ ᐊᔪᕐᓴᓗᐊᓕᕈᒪ ᑎᒡᓕᖃᑦᑕᓕᖁᓇᖓ,
ᒎᑎᒪᓗ ᐊᑎᖓᓂᒃ ᐊᑐᕐᓂᕐᓗᓕᖁᓇᖓ.
10ᐱᔨ ᓴᒡᓗᑦᔪᑎᒋᑦᑍᓕᒍᒃ ᐊᖓᔪᖅᑳᖓᓄᑦ,
ᑖᑦᓱᒧᖓ ᐅᖃᕐᓂᕐᓘᑦᔭᐅᓕᕈᕕᑦ, ᐸᓯᔭᒃᓴᓐᖑᕐᑎᑕᐅᖁᓇᒃ.
11ᐃᓄᒃᑕᖃᕐᐳᖅ ᐊᑖᑕᒥᖕᓂᒃ ᐃᓱᒪᓂᕐᓗᒡᕕᖃᕐᑐᓂᒃ,
ᐊᓈᓇᒥᖕᓂᒡᓗ ᓮᒻᒪᕐᑎᑦᓯᖏᑦᑐᓂᒃ.
12ᐃᓄᖃᕆᕗᖅ ᐃᒻᒥᖕᓂᒃ ᐸᓯᔭᒃᓴᐅᓂᖃᕋᓱᒋᖏᑦᑐᓂᒃ,
ᓴᓗᒤᓐᓂᕐᒥᖕᓂᑦ ᓴᓗᒻᒪᕐᑕᐅᓚᐅᕐᓯᒪᖏᑦᑐᓂᒃ.
13ᐃᓄᖃᕆᕗᖅ ᐃᒻᒥᖕᓂᒃ ᐱᐅᓇᓱᒋᔪᓂᒃ!
ᖁᓚᐅᑦᓯᖓᓪᓗᑎᒃ ᐊᓯᒥᖕᓂᒃ ᑕᑯᓐᓇᒻᒪᕆᒃᐸᒃᑐᓂᒃ!
14ᐃᓄᖃᕆᕗᖅ ᑭᒍᑎᖃᕐᑐᓂᒃ ᓴᕕᒡᔪᐊᑎᑐᑦ,
ᑭᒍᑎᖏᑦ ᓴᕕᒃᑎᑑᕐᑐᓂᒃ,
ᐊᔪᕐᓴᕐᑐᓂᒃ ᐄᖅᑲᕐᑐᑎᑐᑦ ᓄᖒᑦᓯᓇᓱᐊᕐᐸᒃᑐᓂᒃ ᓄᓇᒥ ᐃᓅᔪᓂᒃ,
ᐱᖃᖏᑦᑐᓂᒃ ᐃᓄᐃᑦ ᐊᑯᕐᖓᓐᓂᑦ.
15ᐊᐅᖕᒥᒃ ᒥᓪᓗᐊᓲᖅ ᓖᑦᓰ ᐸᓂᖃᕐᐳᖅ ᒪᕐᕉᖕᓂᒃ:
“ᕾᑦᓯᒋᑦ, ᕾᑦᓯᒋᑦ.” ᑖᒃᑯᐊᒃ ᓂᓪᓕᐊᕘᒃ.
ᐱᖓᓲᕗᑦ ᓈᒻᒪᒃᓯᓚᐅᕐᓯᒪᖏᑦᑐᑦ;
ᓯᑕᒪᖓᓪᓗ ᐅᖃᓚᐅᕐᓯᒪᖏᑦᑐᖅ, “ᓈᒻᒪᒃᓯᕗᖅ”;
16ᑐᖁᖓᔪᑦ ᐃᓂᖓ, ᐊᕐᓇᖅ ᕿᑐᕐᖏᓱᐃᑦᑐᖅ,
ᓄᓇ ᐸᓂᕐᑐᖅ ᐃᒥᕈᒃᑐᖅ,
ᐃᑯᒪᓗ ᐅᖃᓚᐅᕐᓯᒪᓇᓂ, “ᓈᒻᒪᒃᓯᕗᖅ.”
17ᐃᔨ ᐊᑖᑕᒥᓂᒃ ᒥᑕᐅᑎᖃᕐᐸᒃᑐᖅ,
ᐊᓈᓇᒥᓂᒡᓗ ᓈᓚᒍᒪᓇᓂ ᓱᐊᖓᕙᒃᑐᖅ,
ᑐᓗᒐᕐᓄᑦ ᓇᕐᓴᒦᑦᑐᓄᑦ ᐃᔩᕐᑕᐅᔪᒫᕐᐳᖅ,
ᑎᖕᒥᐊᓄᓪᓗ ᑎᒥᕕᓂᕐᑐᕐᑎᓄᑦ ᓂᕆᔭᐅᔪᒫᕐᐳᖅ.
18ᐱᖓᓲᒋᕗᑦ ᐅᕙᓐᓄᑦ ᑲᒪᓇᓗᐊᕐᑐᑦ,
ᓯᑕᒪᖓᓪᓗ ᑐᑭᓯᔪᓐᓇᓐᖏᑕᕋ;
19ᓇᒃᑐᕋᓖᑦ ᓯᓚᒃᑯᑦ ᖃᖓᑕᖃᑦᑕᕐᓂᖏᑦ,
ᖁᒡᓗᒋᐊᑦ ᕾᕐᑐᓂ ᐃᓂᖃᓲᖑᓂᖏᑦ,
ᐅᒥᐊᕐᔪᐊᑦ ᐃᒪᕕᒃᑯᑦ ᐃᖏᕐᕋᓲᖑᓂᖏᑦ,
ᐊᖑᑎᐅᓪᓗ ᐊᕐᓇᒥ ᐱᖃᑎᖃᓚᐅᕐᓯᒪᖏᑦᑐᒦᓐᓂᖓ.
20ᐃᒫᒃ ᐱᐅᓯᖃᕐᐳᖅ ᐊᕐᓇᖅ ᐊᓯᓐᓂᐊᕐᑐᖅ:
ᓂᕆᓚᐅᕐᓗᓂ, ᖃᓂᓂ ᐊᓪᓚᕐᑎᕇᕋᒥᐅᒃ,
ᐅᖃᕐᐳᖅ, “ᑕᒻᒪᓚᐅᖏᑦᑐᖓ.”
21ᓄᓇ ᐱᖓᓲᓕᖅᑲᖓᔪᒥᒃ ᓴᔪᒃᐱᓗᓲᖑᕗᖅ;
ᓯᑕᒪᖓᓐᓄᓪᓕ ᐊᓂᒡᒎᑎᔪᓐᓇᓐᖏᓚᖅ:
22ᓯᐊᓛᕆᔭᐅᔪᖅ ᐊᖓᔪᖅᑳᕐᔪᐊᖑᕐᐸᑦ,
ᓯᓔᑦᑐᖅ ᓂᕆᔪᒪᔭᓕᒫᒥᓄᑦ ᐊᕿᐊᑦᑐᕐᐸᑦ;
23ᐊᕐᓇᖅ ᓇᒡᓕᒋᔭᐅᖏᑦᑐᖅ ᐂᑉᐸᕐᑖᕐᐸᑦ,
ᐊᕐᓇᖅ ᐱᔨᒋᔭᐅᓚᐅᕐᑐᖅ ᐊᖓᔪᖅᑳᒥᓂᒃ ᐃᓇᖐᒃᐸᑦ.
24ᓯᑕᒪᐅᕗᑦ ᓄᓇᕐᔪᐊᕐᒥ ᒥᑭᓐᓂᕐᐸᐅᔪᑦ,
ᑖᒃᑯᐊᓕ ᓯᓚᑐᔪᒻᒪᕆᐊᓘᕗᑦ:
25ᐋᓯᕙᐅᔮᕐᑐᑦ ᖁᐱᕐᕈᐃᑦ ᓴᓐᖏᔫᖏᑦᑐᑦ,
ᑕᒪᒃᑯᐊ ᐊᐅᔭᐅᓂᖓᓂ ᓂᕿᒃᓴᒥᖕᓂᒃ ᑲᑎᕐᓱᐃᓲᖑᕗᑦ.
26ᕾᕐᑐᒥᐅᑍᑦ ᐹᑦᔪᕇᑦ ᓴᓐᖏᔫᖏᒻᒥᔪᑦ,
ᐃᓂᒃᓴᓕᐅᓲᖑᕗᑦ ᐊᖏᕐᕋᒃᓴᒥᖕᓂᒃ ᕾᕐᑐᓂ;
27ᐱᒡᓕᕐᑕᐅᔮᕐᑐᑦ ᐊᖓᔪᖅᑳᕐᔪᐊᖃᓐᖏᓚᑦ,
ᑲᑎᓐᖓᑦᓯᐊᕐᓗᑎᒡᓕ ᑕᒪᕐᒥᒃ ᐊᑕᐅᑦᓯᒃᑯᑦ ᐃᖏᕐᕋᓲᖑᕗᑦ;
28ᓕᓴᕐᑦᒥᒃ ᐊᑎᓖᑦ ᐊᒡᒐᖕᓄᑦ ᑎᒍᒥᐊᕈᓐᓇᕐᑕᑎᑦ,
ᑖᒃᑯᐊ ᐊᖓᔪᖅᑳᕐᔪᐊᑦ ᐃᒡᓗᖏᓐᓃᓲᖑᒋᕗᑦ.
29ᐱᖓᓲᕗᑦ ᓈᖏᑦ ᐊᒃᑐᐊᓪᓗᑎᒃ ᐱᓱᒃᐸᒃᑐᑦ;
ᓯᑕᒪᖓᓪᓕ ᓈᖓ ᐊᒃᑐᐊᓇᓂ ᐱᓱᓪᓚᕆᓲᖑᕗᖅ:
30ᓛᔧᑦ, ᐆᒪᔫᖃᑎᓕᒫᒥᖕᓂᑦ ᓴᓐᖏᓂᕐᐸᐅᕗᑦ
ᓇᓪᓕᐊᓐᓂᒡᓘᓐᓃᑦ ᐃᕐᓯᒋᔭᖃᕋᑎᒃ;
31ᐊᕿᒡᒋᐅᔧᑦ ᐊᖑᑎᕕᐊᖏᑦ, ᒎᑦᓰᓪᓗ ᐊᖑᓴᓪᓗᖏᑦ
ᐊᖓᔪᖅᑳᕐᔪᐊᕐᓗ ᐱᓱᒃᑐᖅ ᐃᓄᖁᑎᒥ ᓵᖏᑎᒍᑦ.
32ᓯᓔᕐᕈᕐᑐᕐᓯᒪᒍᕕᑦ, ᐃᓕᖕᓂᒃ ᐊᖏᒡᓕᑎᕐᓗᑎᑦ,
ᐅᕝᕙᓗ ᐱᐅᖏᑦᑐᒥᒃ ᐃᓱᒪᓕᐅᕐᓯᒪᓚᐅᕐᓂᕈᕕᑦ,
ᖃᓃᑦ ᐊᒡᒐᖕᓄᑦ ᒪᑐᒍᒃ.
33ᐃᒻᒧᒃ ᐊᐅᓚᑎᒻᒪᕆᒍᕕᐅᒃ ᑭᓂᕐᓯᓲᖑᖕᒪᑦ,
ᕿᖎᑦ ᓇᕿᒃᑯᕕᐅᒃ ᐊᐅᓕᕈᓐᓇᕐᒪᑦ,
ᓂᓐᖓᒃᓮᒍᕕᓪᓗ ᐊᑭᕋᕐᑑᑎᓂᕐᒧᑦ ᑎᑭᑕᐅᒐᔭᕐᐳᑎᑦ.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.