ᓲᓗᒨᓂᐅᑉ ᐅᖃᓪᓚᖕᓂᖏᑦ 28
28
1ᐱᐅᖏᑦᑐᓕᔪᑦ ᕿᒫᕗᑦ ᒪᓕᒃᑕᐅᒐᑎᒃ,
ᐃᓱᐊᕐᑐᓕᔪᑦ ᓯᕘᕋᓐᖏᓚᑦ ᓛᔭᑎᑐᑦ.
2ᓄᓇᖃᕐᑐᑦ ᐱᐅᖏᑦᑐᓕᓂᖏᓐᓄᑦ ᐊᖓᔪᖅᑲᕐᔪᐊᑦ ᐅᓄᕐᑑᓕᕐᐳᑦ;
ᐊᖑᑎᐅᓪᓕ ᑐᑭᓯᒪᓂᖓᓄᑦ ᖃᐅᔨᒪᓂᖓᓄᓪᓗ
ᐋᖅᑭᒃᓯᒪᑦᓯᐊᕐᓂᖅ ᐊᑯᓂ ᑍᒤᓕᖓᓂᐊᕐᐳᖅ.
3ᐊᐅᓚᑦᓯᔨ ᐅᖁᒤᒃᓴᕐᑎᑦᓯᑎᓪᓗᒍ ᐊᔪᕐᓴᕐᑐᓂᒃ
ᐊᑦᔨᖃᕐᐳᖅ ᓯᓚᓗᒃᑎᑐᑦ ᓂᕿᒃᓴᖃᕈᓐᓃᕐᑎᑦᓯᔪᑎᑐᑦ.
4ᐱᖁᔭᓂᒃ ᒪᓕᖏᑦᑐᑦ ᐱᐅᖏᑦᑐᓕᔪᓂᒃ ᓂᕐᑐᐃᕗᑦ,
ᐱᖁᔭᓂᒡᓕ ᒪᓕᑦᓯᐊᕐᑐᑦ ᐅᓇᑕᖃᑎᒋᕚᑦ.
5ᐊᖑᑏᑦ ᐱᐅᖏᑦᑐᓕᔪᑦ ᑐᑭᓯᒪᓐᖏᓚᑦ ᐊᑦᔨᒌᒃᑎᑦᓯᓂᕐᒥᒃ,
ᐊᑕᓂᕐᒥᒡᓕ ᕿᓂᕐᑐᑦ ᑕᒪᑐᒥᖓ ᑐᑭᓯᐅᒪᑦᓯᐊᕐᐳᑦ.
6ᐱᐅᓂᕐᓴᐅᕗᖅ ᐊᔪᕐᓴᕐᑐᖅ ᐅᒃᐱᕐᓇᕐᓗᓂ ᐃᓅᒃᐸᑦ
ᐊᔪᕐᓴᖏᑦᑐᒥᑦ ᐱᓂᐊᕐᓂᖃᕐᓗᓂ ᐱᐅᖏᑦᑐᐊᓗᖕᒥᒃ.
7ᓇᓪᓕᐊᑦ ᐱᖁᔭᒥᒃ ᒪᓕᑦᓯᐊᕐᑐᖅ ᕿᑐᕐᖓᐅᕗᖅ ᓯᓚᑐᔪᖅ,
ᓂᕆᑐᔪᒥᒡᓕ ᐃᓅᖃᑎᓕᒃ ᐊᑖᑕᓂ ᑲᓐᖑᓱᒃᑎᑉᐹ.
8ᑮᓇᐅᔭᓂᒃ ᐊᑐᕐᑐᐊᕐᑕᐅᔪᓂᒃ ᐃᓚᓯᖃᑦᑕᕐᓂᕐᒧᑦ ᐅᓄᕐᓯᕙᓪᓕᐊᑎᑦᓯᔪᖅ
ᑲᑎᕐᓱᐃᕗᖅ ᑖᑦᓱᒧᖓ ᐊᔪᕐᓴᕐᑐᓂᒃ ᐃᓚᑦᓱᒍᓱᒃᑐᓄᑦ.
9ᓯᐅᑎᒥᓂᒃ ᒪᑐᓯᔫᑉ ᐱᖁᔭᓂᒃ ᓈᓚᒍᒪᖏᓪᓗᓂ,
ᑖᑦᓱᒪ ᑐᒃᓯᐊᕐᓂᖓᑦᑕᐅᖅ ᐆᒥᒋᔭᐅᔪᒫᕐᐳᖅ.
10ᓇᓪᓕᐊᑦ ᐃᓱᐊᕐᑐᓕᔪᒥᒃ ᑕᒻᒪᕐᑎᑦᓯᔪᖅ ᐱᐅᖏᑦᑐᒧᑦ,
ᐃᒻᒥᓂᒃ ᐃᑎᕐᓴᓕᐊᒥᓄᑦ ᑲᑕᒍᒫᕐᐳᖅ;
ᐸᓯᔭᒃᓴᐅᖏᑦᑐᓪᓕ ᑭᖑᕐᖑᑦᔨᔪᒫᕐᐳᖅ ᐱᐅᔪᒥᒃ.
11ᐊᒃᓱᐃᑦᑐᖅ ᓯᓚᑐᕗᖅ ᓇᖕᒥᓂᖅ ᑕᑯᓐᓇᕐᑕᒥᒍᑦ,
ᐊᒃᓱᔫᓪᓕ ᑐᑭᓯᐅᒪᓂᖃᕐᑑᑉ ᑖᓐᓇ ᖃᐅᔨᓂᐊᕐᐹ.
12ᐃᓱᐊᕐᑐᓕᔪᖅ ᓵᓚᖃᕐᐸᑦ, ᐱᓐᓇᕐᓇᕐᓂᕐᔪᐊᖃᕐᐳᖅ;
ᐱᐅᖏᑦᑐᓕᔪᕐᓕ ᒪᑭᑉᐸᑦ, ᐃᓄᐃᑦ ᐃᔨᕐᐳᑦ.
13ᐊᔪᕐᓂᕐᒥᓂᒃ ᐃᔨᕐᓯᔪᖅ ᐱᕙᓪᓕᐊᓂᐊᓐᖏᓚᖅ,
ᓇᓪᓕᐊᓪᓕ ᖃᕿᐊᓕᕐᑐᖅ ᐊᔪᕐᓂᕐᒥᒡᓗ ᕿᒤᓗᓂ ᓂᑲᒋᔭᐅᔪᒫᕐᐳᖅ.
14ᖁᕕᐊᓱᑦᓮᓐᓇᕐᐳᖅ ᐊᖑᑦ ᐊᑕᓂᕐᒥᒃ ᓯᕘᕋᔪᖅ,
ᑖᓐᓇᓕ ᐆᒻᒪᑎᒥᓂᒃ ᓯᑎᑎᑦᓯᔪᖅ ᑲᑕᒍᒫᕐᐳᖅ ᐱᕐᕈᓗᐊᕿᓂᕐᒧᑦ.
15ᓛᔭᑎᑐᑦ ᓂᓪᓕᐊᔪᑎᑐᑦ ᓇᓄᕐᑎᑐᓪᓗ ᐅᐸᒃᑐᕐᑐᑎᑐᑦ
ᑍᒤᒃᑭᕗᖅ ᐱᐅᖏᓐᓂᕐᒥ ᐊᐅᓚᑦᓯᔪᖅ ᐃᓄᖕᓄᑦ ᐊᔪᕐᓴᕐᑐᓄᑦ.
16ᐊᐅᓚᑦᓯᔨ ᑐᑭᓯᐅᒪᓂᖃᖏᑦᑐᖅ ᐅᖁᒤᒃᓴᕐᑎᑦᓯᔨᐅᕗᖅ,
ᑖᓐᓇᓕ ᐱᔪᒪᑐᓛᕐᓂᕐᒥᒃ ᐆᒥᓱᒃᑐᖅ ᐃᓅᑯᑖᒍᒫᕐᐳᖅ.
17ᐊᖑᑦ ᐊᓯᒥᓂᒃ ᑐᖁᑦᓯᒃᐸᑦ,
ᑐᖁᑦᓯᔪᖅ ᕿᒫᓕᕐᓕ ᑐᖁᓂᕐᒥᓄᑦ ᑎᑭᓪᓗᓂ;
ᓇᓪᓕᐊᓐᓄᓪᓗ ᐃᑲᔪᕐᑕᐅᔪᒃᓴᐅᓐᖏᓚᖅ.
18ᐸᓯᔭᒃᓴᐅᖏᓪᓗᓂ ᐃᓅᔪᖅ ᓴᐳᑎᔭᐅᔪᒫᕐᐳᖅ,
ᐱᐅᖏᓐᓂᕐᒥᒡᓕ ᐃᓅᔪᖅ ᑲᑕᒃᑎᑕᐅᔪᒫᕐᐳᖅ ᐃᑎᕐᓴᒧᑦ.
19ᓇᓪᓕᐊᑦ ᓄᓇᖁᑎᒥᓂ ᓂᕿᒃᓴᓕᐅᕐᑐᖅ ᓂᕿᒃᓴᖃᑦᓯᐊᕈᒫᕐᐳᖅ,
ᓇᓪᓕᐊᓪᓕ ᓱᓇᒃᓴᐅᖏᑦᑐᒥᒃ ᐱᓇᓱᐊᕐᑐᖅ ᐊᔪᕐᓴᓕᕈᒫᕐᐳᖅ.
20ᐊᖑᑦ ᐅᒃᐱᕐᓇᑦᓯᐊᕐᑐᖅ ᐊᒥᒐᕐᓯᔪᒫᓐᖏᓚᖅ ᓮᒻᒪᕐᑎᑕᐅᓂᕐᒥᒃ,
ᓇᓪᓕᐊᓪᓕ ᑐᐊᕕᕐᓗᓂ ᐊᒃᓱᐃᓕᓇᓱᐊᕐᑐᖅ ᓱᒋᐊᕐᑕᐅᖏᑦᑑᔪᒫᓐᖏᓚᖅ.
21ᐃᓔᓐᓈᕐᑎᑦᓯᓂᕐᒥᒃ ᓴᖅᑭᔮᕐᑎᑦᓯᔪᖅ ᐱᐅᓐᖏᓚᖅ;
ᓂᐊᖂᔭᕐᓕ ᐱᑦᔪᑎᒋᓗᒍ ᐃᓄᒃ ᑕᒻᒪᕈᓐᓇᕐᐳᖅ.
22ᐊᖑᑦ ᑮᓇᐅᔭᒥᒃ ᒥᖕᓂᔪᖅ ᑐᐊᕕᕐᓗᓂ ᐊᒃᓱᐃᓕᓇᓱᐊᕐᐳᖅ,
ᖃᐅᔨᒪᓐᖏᓚᕐᓗ ᐊᔪᕐᓴᕐᓂᕐᒧᑦ ᑎᑭᑕᐅᔪᒫᕐᓂᕐᒥᓂᒃ.
23ᐊᖑᑦ ᐃᓂᕐᑎᕆᔪᖅ ᑭᖑᕐᖓᒍᑦ ᖁᕕᐊᒋᔭᐅᓕᕈᓐᓇᕐᓂᕐᓴᐅᕗᖅ
ᑖᑦᓱᒪᓐᖓᑦ ᖃᓂᑐᐃᓐᓇᕐᒥᒍᖅ ᓂᕐᑐᕐᓇᕐᓯᑎᑦᓯᔪᒥᑦ.
24ᓇᓪᓕᐊᑦ ᐊᑖᑕᒥᓂᑦ ᐊᓈᓇᒥᓂᓪᓘᓐᓃᑦ ᑎᒡᓕᒃᑐᖅ ᐅᖃᕐᓗᓂᓗ,
“ᑕᒪᓐᓇ ᑕᒻᒪᕐᓂᐅᓐᖏᓚᖅ,” ᑖᓐᓇ ᐃᓚᖃᕐᐳᖅ ᐊᖑᒻᒥᒃ ᓱᒃᑯᑎᕆᔨᒥᒃ.
25ᐱᔪᒪᑐᓛᕐᑐᖅ ᐊᑭᕋᕐᑐᓕᕐᑎᑦᓯᕗᖅ,
ᐊᑕᓂᕐᒥᒡᓕ ᑕᑎᖃᕐᑐᖅ ᐱᕙᓪᓕᐊᑦᓯᐊᕈᒫᕐᐳᖅ.
26ᓇᖕᒥᓂᖅ ᐃᓱᒪᒥᓂᒃ ᑕᑎᖃᕐᑐᖅ ᓯᓔᑦᑑᕗᖅ;
ᓯᓚᑐᓂᕐᒥᓕ ᐃᓅᔪᖅ ᓴᐳᑎᔭᐅᔪᒫᕐᐳᖅ.
27ᓇᓪᓕᐊᑦ ᐊᔪᕐᓴᕐᑐᒧᑦ ᑐᓂᓯᔪᖅ ᐊᒥᒐᕐᓯᓕᕐᓂᐊᓐᖏᓚᖅ,
ᓇᓪᓕᐊᓪᓕ ᐃᔨᒥᓂᒃ ᒪᑐᓯᔪᖅ ᐅᓄᕐᑐᓂᒃ ᐃᓱᒪᓂᕐᓗᒡᕕᐅᔪᒫᕐᐳᖅ.
28ᐱᐅᖏᑦᑐᖅ ᒪᑭᑐᐊᕐᒪᑦ, ᐊᖑᑏᑦ ᐃᔨᕐᐳᑦ,
ᑐᖁᑐᐊᕐᒪᑕᓕ, ᐃᓱᐊᕐᑐᑦ ᐅᓄᕐᓯᕗᑦ.
Currently Selected:
ᓲᓗᒨᓂᐅᑉ ᐅᖃᓪᓚᖕᓂᖏᑦ 28: EAIB
Highlight
Share
Compare
Copy
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.
ᓲᓗᒨᓂᐅᑉ ᐅᖃᓪᓚᖕᓂᖏᑦ 28
28
1ᐱᐅᖏᑦᑐᓕᔪᑦ ᕿᒫᕗᑦ ᒪᓕᒃᑕᐅᒐᑎᒃ,
ᐃᓱᐊᕐᑐᓕᔪᑦ ᓯᕘᕋᓐᖏᓚᑦ ᓛᔭᑎᑐᑦ.
2ᓄᓇᖃᕐᑐᑦ ᐱᐅᖏᑦᑐᓕᓂᖏᓐᓄᑦ ᐊᖓᔪᖅᑲᕐᔪᐊᑦ ᐅᓄᕐᑑᓕᕐᐳᑦ;
ᐊᖑᑎᐅᓪᓕ ᑐᑭᓯᒪᓂᖓᓄᑦ ᖃᐅᔨᒪᓂᖓᓄᓪᓗ
ᐋᖅᑭᒃᓯᒪᑦᓯᐊᕐᓂᖅ ᐊᑯᓂ ᑍᒤᓕᖓᓂᐊᕐᐳᖅ.
3ᐊᐅᓚᑦᓯᔨ ᐅᖁᒤᒃᓴᕐᑎᑦᓯᑎᓪᓗᒍ ᐊᔪᕐᓴᕐᑐᓂᒃ
ᐊᑦᔨᖃᕐᐳᖅ ᓯᓚᓗᒃᑎᑐᑦ ᓂᕿᒃᓴᖃᕈᓐᓃᕐᑎᑦᓯᔪᑎᑐᑦ.
4ᐱᖁᔭᓂᒃ ᒪᓕᖏᑦᑐᑦ ᐱᐅᖏᑦᑐᓕᔪᓂᒃ ᓂᕐᑐᐃᕗᑦ,
ᐱᖁᔭᓂᒡᓕ ᒪᓕᑦᓯᐊᕐᑐᑦ ᐅᓇᑕᖃᑎᒋᕚᑦ.
5ᐊᖑᑏᑦ ᐱᐅᖏᑦᑐᓕᔪᑦ ᑐᑭᓯᒪᓐᖏᓚᑦ ᐊᑦᔨᒌᒃᑎᑦᓯᓂᕐᒥᒃ,
ᐊᑕᓂᕐᒥᒡᓕ ᕿᓂᕐᑐᑦ ᑕᒪᑐᒥᖓ ᑐᑭᓯᐅᒪᑦᓯᐊᕐᐳᑦ.
6ᐱᐅᓂᕐᓴᐅᕗᖅ ᐊᔪᕐᓴᕐᑐᖅ ᐅᒃᐱᕐᓇᕐᓗᓂ ᐃᓅᒃᐸᑦ
ᐊᔪᕐᓴᖏᑦᑐᒥᑦ ᐱᓂᐊᕐᓂᖃᕐᓗᓂ ᐱᐅᖏᑦᑐᐊᓗᖕᒥᒃ.
7ᓇᓪᓕᐊᑦ ᐱᖁᔭᒥᒃ ᒪᓕᑦᓯᐊᕐᑐᖅ ᕿᑐᕐᖓᐅᕗᖅ ᓯᓚᑐᔪᖅ,
ᓂᕆᑐᔪᒥᒡᓕ ᐃᓅᖃᑎᓕᒃ ᐊᑖᑕᓂ ᑲᓐᖑᓱᒃᑎᑉᐹ.
8ᑮᓇᐅᔭᓂᒃ ᐊᑐᕐᑐᐊᕐᑕᐅᔪᓂᒃ ᐃᓚᓯᖃᑦᑕᕐᓂᕐᒧᑦ ᐅᓄᕐᓯᕙᓪᓕᐊᑎᑦᓯᔪᖅ
ᑲᑎᕐᓱᐃᕗᖅ ᑖᑦᓱᒧᖓ ᐊᔪᕐᓴᕐᑐᓂᒃ ᐃᓚᑦᓱᒍᓱᒃᑐᓄᑦ.
9ᓯᐅᑎᒥᓂᒃ ᒪᑐᓯᔫᑉ ᐱᖁᔭᓂᒃ ᓈᓚᒍᒪᖏᓪᓗᓂ,
ᑖᑦᓱᒪ ᑐᒃᓯᐊᕐᓂᖓᑦᑕᐅᖅ ᐆᒥᒋᔭᐅᔪᒫᕐᐳᖅ.
10ᓇᓪᓕᐊᑦ ᐃᓱᐊᕐᑐᓕᔪᒥᒃ ᑕᒻᒪᕐᑎᑦᓯᔪᖅ ᐱᐅᖏᑦᑐᒧᑦ,
ᐃᒻᒥᓂᒃ ᐃᑎᕐᓴᓕᐊᒥᓄᑦ ᑲᑕᒍᒫᕐᐳᖅ;
ᐸᓯᔭᒃᓴᐅᖏᑦᑐᓪᓕ ᑭᖑᕐᖑᑦᔨᔪᒫᕐᐳᖅ ᐱᐅᔪᒥᒃ.
11ᐊᒃᓱᐃᑦᑐᖅ ᓯᓚᑐᕗᖅ ᓇᖕᒥᓂᖅ ᑕᑯᓐᓇᕐᑕᒥᒍᑦ,
ᐊᒃᓱᔫᓪᓕ ᑐᑭᓯᐅᒪᓂᖃᕐᑑᑉ ᑖᓐᓇ ᖃᐅᔨᓂᐊᕐᐹ.
12ᐃᓱᐊᕐᑐᓕᔪᖅ ᓵᓚᖃᕐᐸᑦ, ᐱᓐᓇᕐᓇᕐᓂᕐᔪᐊᖃᕐᐳᖅ;
ᐱᐅᖏᑦᑐᓕᔪᕐᓕ ᒪᑭᑉᐸᑦ, ᐃᓄᐃᑦ ᐃᔨᕐᐳᑦ.
13ᐊᔪᕐᓂᕐᒥᓂᒃ ᐃᔨᕐᓯᔪᖅ ᐱᕙᓪᓕᐊᓂᐊᓐᖏᓚᖅ,
ᓇᓪᓕᐊᓪᓕ ᖃᕿᐊᓕᕐᑐᖅ ᐊᔪᕐᓂᕐᒥᒡᓗ ᕿᒤᓗᓂ ᓂᑲᒋᔭᐅᔪᒫᕐᐳᖅ.
14ᖁᕕᐊᓱᑦᓮᓐᓇᕐᐳᖅ ᐊᖑᑦ ᐊᑕᓂᕐᒥᒃ ᓯᕘᕋᔪᖅ,
ᑖᓐᓇᓕ ᐆᒻᒪᑎᒥᓂᒃ ᓯᑎᑎᑦᓯᔪᖅ ᑲᑕᒍᒫᕐᐳᖅ ᐱᕐᕈᓗᐊᕿᓂᕐᒧᑦ.
15ᓛᔭᑎᑐᑦ ᓂᓪᓕᐊᔪᑎᑐᑦ ᓇᓄᕐᑎᑐᓪᓗ ᐅᐸᒃᑐᕐᑐᑎᑐᑦ
ᑍᒤᒃᑭᕗᖅ ᐱᐅᖏᓐᓂᕐᒥ ᐊᐅᓚᑦᓯᔪᖅ ᐃᓄᖕᓄᑦ ᐊᔪᕐᓴᕐᑐᓄᑦ.
16ᐊᐅᓚᑦᓯᔨ ᑐᑭᓯᐅᒪᓂᖃᖏᑦᑐᖅ ᐅᖁᒤᒃᓴᕐᑎᑦᓯᔨᐅᕗᖅ,
ᑖᓐᓇᓕ ᐱᔪᒪᑐᓛᕐᓂᕐᒥᒃ ᐆᒥᓱᒃᑐᖅ ᐃᓅᑯᑖᒍᒫᕐᐳᖅ.
17ᐊᖑᑦ ᐊᓯᒥᓂᒃ ᑐᖁᑦᓯᒃᐸᑦ,
ᑐᖁᑦᓯᔪᖅ ᕿᒫᓕᕐᓕ ᑐᖁᓂᕐᒥᓄᑦ ᑎᑭᓪᓗᓂ;
ᓇᓪᓕᐊᓐᓄᓪᓗ ᐃᑲᔪᕐᑕᐅᔪᒃᓴᐅᓐᖏᓚᖅ.
18ᐸᓯᔭᒃᓴᐅᖏᓪᓗᓂ ᐃᓅᔪᖅ ᓴᐳᑎᔭᐅᔪᒫᕐᐳᖅ,
ᐱᐅᖏᓐᓂᕐᒥᒡᓕ ᐃᓅᔪᖅ ᑲᑕᒃᑎᑕᐅᔪᒫᕐᐳᖅ ᐃᑎᕐᓴᒧᑦ.
19ᓇᓪᓕᐊᑦ ᓄᓇᖁᑎᒥᓂ ᓂᕿᒃᓴᓕᐅᕐᑐᖅ ᓂᕿᒃᓴᖃᑦᓯᐊᕈᒫᕐᐳᖅ,
ᓇᓪᓕᐊᓪᓕ ᓱᓇᒃᓴᐅᖏᑦᑐᒥᒃ ᐱᓇᓱᐊᕐᑐᖅ ᐊᔪᕐᓴᓕᕈᒫᕐᐳᖅ.
20ᐊᖑᑦ ᐅᒃᐱᕐᓇᑦᓯᐊᕐᑐᖅ ᐊᒥᒐᕐᓯᔪᒫᓐᖏᓚᖅ ᓮᒻᒪᕐᑎᑕᐅᓂᕐᒥᒃ,
ᓇᓪᓕᐊᓪᓕ ᑐᐊᕕᕐᓗᓂ ᐊᒃᓱᐃᓕᓇᓱᐊᕐᑐᖅ ᓱᒋᐊᕐᑕᐅᖏᑦᑑᔪᒫᓐᖏᓚᖅ.
21ᐃᓔᓐᓈᕐᑎᑦᓯᓂᕐᒥᒃ ᓴᖅᑭᔮᕐᑎᑦᓯᔪᖅ ᐱᐅᓐᖏᓚᖅ;
ᓂᐊᖂᔭᕐᓕ ᐱᑦᔪᑎᒋᓗᒍ ᐃᓄᒃ ᑕᒻᒪᕈᓐᓇᕐᐳᖅ.
22ᐊᖑᑦ ᑮᓇᐅᔭᒥᒃ ᒥᖕᓂᔪᖅ ᑐᐊᕕᕐᓗᓂ ᐊᒃᓱᐃᓕᓇᓱᐊᕐᐳᖅ,
ᖃᐅᔨᒪᓐᖏᓚᕐᓗ ᐊᔪᕐᓴᕐᓂᕐᒧᑦ ᑎᑭᑕᐅᔪᒫᕐᓂᕐᒥᓂᒃ.
23ᐊᖑᑦ ᐃᓂᕐᑎᕆᔪᖅ ᑭᖑᕐᖓᒍᑦ ᖁᕕᐊᒋᔭᐅᓕᕈᓐᓇᕐᓂᕐᓴᐅᕗᖅ
ᑖᑦᓱᒪᓐᖓᑦ ᖃᓂᑐᐃᓐᓇᕐᒥᒍᖅ ᓂᕐᑐᕐᓇᕐᓯᑎᑦᓯᔪᒥᑦ.
24ᓇᓪᓕᐊᑦ ᐊᑖᑕᒥᓂᑦ ᐊᓈᓇᒥᓂᓪᓘᓐᓃᑦ ᑎᒡᓕᒃᑐᖅ ᐅᖃᕐᓗᓂᓗ,
“ᑕᒪᓐᓇ ᑕᒻᒪᕐᓂᐅᓐᖏᓚᖅ,” ᑖᓐᓇ ᐃᓚᖃᕐᐳᖅ ᐊᖑᒻᒥᒃ ᓱᒃᑯᑎᕆᔨᒥᒃ.
25ᐱᔪᒪᑐᓛᕐᑐᖅ ᐊᑭᕋᕐᑐᓕᕐᑎᑦᓯᕗᖅ,
ᐊᑕᓂᕐᒥᒡᓕ ᑕᑎᖃᕐᑐᖅ ᐱᕙᓪᓕᐊᑦᓯᐊᕈᒫᕐᐳᖅ.
26ᓇᖕᒥᓂᖅ ᐃᓱᒪᒥᓂᒃ ᑕᑎᖃᕐᑐᖅ ᓯᓔᑦᑑᕗᖅ;
ᓯᓚᑐᓂᕐᒥᓕ ᐃᓅᔪᖅ ᓴᐳᑎᔭᐅᔪᒫᕐᐳᖅ.
27ᓇᓪᓕᐊᑦ ᐊᔪᕐᓴᕐᑐᒧᑦ ᑐᓂᓯᔪᖅ ᐊᒥᒐᕐᓯᓕᕐᓂᐊᓐᖏᓚᖅ,
ᓇᓪᓕᐊᓪᓕ ᐃᔨᒥᓂᒃ ᒪᑐᓯᔪᖅ ᐅᓄᕐᑐᓂᒃ ᐃᓱᒪᓂᕐᓗᒡᕕᐅᔪᒫᕐᐳᖅ.
28ᐱᐅᖏᑦᑐᖅ ᒪᑭᑐᐊᕐᒪᑦ, ᐊᖑᑏᑦ ᐃᔨᕐᐳᑦ,
ᑐᖁᑐᐊᕐᒪᑕᓕ, ᐃᓱᐊᕐᑐᑦ ᐅᓄᕐᓯᕗᑦ.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.