ᒨᓯᓯ ᓯᑕᒪᖏᑦ 32
32
ᑭᖑᕚᖑᖃᑎᒌᑦ ᓄᓇᑖᕐᓂᖓᑦ ᔪᐊᕐᑕᓂᐅᑉ ᑕᓕᕐᐱᐊᓂ
ᒨᓯᓯ ᑕᓪᓕᒪᖏᑦ 3:12-22
1ᕉᐱᓂᐅᑉ ᑭᖑᕚᖏᑦ ᒑᑦᓗ ᑭᖑᕚᖏᑦ ᐅᓄᕐᑐᕐᔪᐊᓂᒃ ᐆᒪᔪᖁᑎᖃᓚᐅᕐᐳᑦ; ᓄᓁᑦ ᐊᑎᖃᕐᑐᑦ ᔧᔨᕆᒥᒃ ᒋᓕᐊᑎᒥᒡᓗ ᐆᒪᔪᖁᑎᓄᑦ ᓈᒻᒪᑦᓯᐊᕐᒪᑕ, 2ᕉᐱᓂᐅᑉ ᑭᖑᕚᖏᑦ ᒑᑦᓗ ᑭᖑᕚᖏᑦ ᒨᓯᓯᒧᑦ, ᐃᓕᓯᕆᒧᓪᓗ ᑐᓂᕐᕈᓯᕐᑎᑦᓯᔨᒧᑦ, ᐃᓴᕆᐊᓕᒥᐅᓪᓗ ᓯᕗᓕᕐᑎᖏᓐᓄᑦ, ᕾᕗᑦ ᐅᖃᕐᓗᑎᒃ, 3“ᐊᑕᕌᑎ, ᑎᐴᓂᓗ, ᔧᔨᕆᓗ, ᓂᒻᕌᓗ, ᕼᐃᓴᐸᓂᓗ, ᐃᓕᐊᓕᓗ, ᓯᐹᒥᓗ, ᓂᐴᓗ, ᐱᐆᓂᓗ, 4ᓄᓁᑦ ᐊᑕᓂᐅᑉ ᓵᓚᒋᓚᐅᕐᑕᖏᑦ ᐃᓴᕆᐊᓕᒥᐅᑦ ᓵᖏᓐᓂ, ᑖᒃᑯᐊ ᐆᒪᔪᖁᑎᓄᑦ ᐱᐅᔫᖕᒪᑕ, ᐱᔨᑎᓪᓗ ᐅᑯᐊ ᐆᒪᔪᖁᑎᓕᐊᓘᓪᓘᑎᒃ.” 5ᑍᒤᒻᒪᑦ ᐅᖃᕐᐳᑦ, “ᐃᓕᑦᓯᓐᓄᑦ ᖁᕕᐊᒋᔭᐅᒍᑦᑕ, ᓄᓇ ᑕᒪᓐᓇ ᐱᔨᖕᓄᑦ ᑐᓂᓚᐅᕐᓯᐅᒃ ᐱᑖᕆᓂᐊᕋᑦᑎᒍ. ᔪᐊᕐᑕᓂᐅᓪᓗ ᐊᑭᐊᓅᕈᓐᓃᕐᓗᑕ.”
6ᒨᓯᓯᓗ ᐅᖃᕐᐳᖅ ᒑᑦ ᑭᖑᕚᖏᓐᓄᑦ ᕉᐱᓂᐅᓪᓗ ᑭᖑᕚᖏᓐᓄᑦ: “ᖃᑕᓐᖑᑎᓯ ᐅᓇᑕᕆᐊᕋᔭᕐᐹᑦ ᐃᓕᑦᓯ ᑕᒫᓃᑐᐃᓐᓇᕐᑎᓪᓗᓰ? 7ᒫᓐᓇᓕ ᓱᖕᒪᑦ ᐃᓴᕆᐊᓕᒥᐅᑦ ᓴᐱᓕᕐᑎᓐᓇᓱᐊᕐᐱᓯᐅᒃ ᐃᑳᖁᓇᒋᑦ ᓄᓇᒧᑦ ᐊᑕᓂᐅᑉ ᑐᓂᔪᒪᔭᖓᓄᑦ? 8#ᒨᓯᓯ ᓯᑕᒪᖏᑦ 13:17-33.ᓯᕗᓕᓯ ᑍᑦᓱᒪᓂ ᑎᓕᓚᐅᕋᒃᑭᑦ ᓄᓇᒥ ᑲᑎᓯ-ᐸᕐᓂᐊᒥᑦ ᓄᓇᒥᒃ ᕿᒥᕐᕈᔭᕐᑐᓚᐅᕐᐳᑦ. 9ᓇᕐᓴᒧᓪᓗ ᐃᔅᑯᓪᒧᑦ ᑎᑭᓐᓇᒥᒃ ᓄᓇ ᑕᑯᓚᐅᕐᐹᑦ, ᓴᐱᓕᕐᑎᑦᓯᓚᐅᕐᐳᓪᓕ ᐃᓴᕆᐊᓕᒥᐅᓂᒃ, ᐅᐸᒍᓐᓃᕐᓗᒍᓗ ᓄᓇ ᐊᑕᓂᐅᑉ ᑖᒃᑯᓄᖓ ᑐᓂᓚᐅᕐᑕᖓ. 10#ᒨᓯᓯ ᓯᑕᒪᖏᑦ 14:26-35.ᑍᑦᓱᒪᓂ ᐊᑕᓂᖅ ᓂᓐᖓᓚᐅᕐᐳᖅ, ᐅᖃᕐᓗᓂ, 11‘ᓱᓕᓪᓗᖓ, ᐄᑦᔨᑉᑎᒥᑦ ᐊᐅᓪᓚᓚᐅᕐᑐᓕᒫᑦ, ᐊᕐᕌᒍᖃᕐᑐᑦ 20ᓂᒃ ᐅᖓᑖᓄᑦ ᑎᑭᓪᓗᒍ, ᑕᑯᓂᐊᓐᖏᓚᑦ ᓄᓇᒥᒃ ᐊᖏᕈᑎᒋᓚᐅᕐᑕᓐᓂᒃ ᐂᑉᕋᕼᐋᒻᒧᑦ, ᐂᓴᑭᒧᓪᓗ, ᔧᑯᒧᓪᓗ, ᐊᑕᖏᕐᑐᒥᒃ ᐅᕙᓐᓂᒃ ᒪᓕᓚᐅᖏᒻᒪᑕ, 12ᑭᓯᒥ ᑬᓚᐱ ᔨᐳᓂᐊᐅᑉ ᐃᕐᓂᖓ, ᑭᓂᔧᑎᐅᔪᖅ, ᐊᒻᒪᓗ ᔮᓱᐊ ᓈᓂᐅᑉ ᐃᕐᓂᖓ, ᑖᒃᑯᐊᒃ ᐊᑕᖏᕐᑐᒥᒃ ᒪᓕᓚᐅᕐᒪᑎᒃ ᐊᑕᓂᕐᒥᒃ.’ 13ᑍᒤᒻᒪᑦ ᐊᑕᓂᖅ ᓂᓐᖓᐅᒪᓕᓚᐅᕐᐳᖅ ᐃᓴᕆᐊᓕᒥᐅᓄᑦ, ᐃᖏᕐᕋᑎᓚᐅᕐᐰᑦ ᐃᓄᖃᖏᑦᑐᒥ ᐊᕐᕌᒍᓂᒃ 40ᓂᒃ, ᑭᖑᕚᖑᖃᑎᒌᑦ ᐊᑕᓂᐅᑉ ᓵᖓᓂ ᐱᐅᖏᑦᑐᓕᓚᐅᕐᑐᑦ ᓄᖑᓚᐅᖏᓐᓂᖏᓐᓂ. 14ᑕᑯᒋᑦ, ᓯᕗᓕᕕᓂᑦᓯᓐᓂᒃ ᒪᓕᓕᕐᑐᓯ, ᐃᓄᐃᑦ ᐊᔪᕐᑐᓕᔪᑦ, ᐊᖏᒡᓕᑎᑦᓯᒃᑲᓐᓂᕐᓗᓯ ᐊᑕᓂᐅᑉ ᓂᓐᖓᐅᒪᓂᖓᓂᒃ ᐃᓴᕆᐊᓕᒥᐅᓄᑦ. 15ᒪᓕᒍᓐᓁᕐᒥᒍᑦᓯᐅᒃ, ᑕᕝᕙ ᐃᓄᖃᖏᑦᑐᒥ ᐃᖏᕐᕋᑎᒃᑲᓐᓂᕐᓂᐊᕆᕚᓯ, ᐃᓄᐃᓪᓗ ᐅᑯᐊ ᑖᕙᓂ ᑐᖁᑐᐃᓐᓇᕐᓂᐊᕐᓗᑎᒃ.”
16ᑖᒃᑯᐊ ᒨᓯᓯᒧᑦ ᖃᒡᓕᒋᐊᕐᓗᑎᒃ ᐅᖃᕐᐳᑦ: “ᑕᒫᓂ ᓰᐱᒃᑯᕕᖕᓂᒃ ᓴᓇᓂᐊᕐᐳᒍᑦ ᐆᒪᔪᖁᑎᑦᑎᓐᓄᑦ, ᐃᒡᓗᒐᓴᒡᔪᐊᓕᐅᕐᓗᑕᓗ ᕿᑐᕐᖓᑦᑎᓐᓄᑦ, 17ᐅᕙᒍᓪᓕ ᐅᓇᑕᐅᑎᓂᒃ ᐊᑐᕐᓂᐊᕐᐳᒍᑦ ᐸᕐᓇᒃᓯᒪᓗᑕ, ᐃᓴᕆᐊᓕᒥᐅᑦ ᐃᓚᒋᓗᒋᑦ ᐃᓂᒃᓴᖏᓐᓄᑦ ᑎᑭᓚᐅᖏᓐᓂᖏᓐᓂ; ᕿᑐᕐᖓᕗᓪᓕ ᐃᒡᓗᒐᓴᖕᓂ ᐊᕙᓗᓕᐅᕐᓯᒪᔪᓂ ᐃᓂᖃᕐᓂᐊᕐᐳᑦ ᑖᒫᓂᕐᒥᐅᑦ ᐱᓪᓗᒋᑦ. 18ᐊᖏᕐᕋᑦᑎᓐᓄᑦ ᐅᑎᕐᓂᐊᓐᖏᓚᒍᑦ ᐃᓴᕆᐊᓕᒥᐅᓕᒫᑦᓯᐊᑦ ᓄᓇᑖᕆᓂᐊᕐᑕᒥᖕᓂᒃ ᐱᓚᐅᖏᓐᓂᖏᓐᓂ. 19ᓄᓇᑖᖃᑎᒋᓂᐊᖏᓐᓇᑦᑎᒍ ᔪᐊᕐᑕᓂᐅᑉ ᐊᑭᐊᓂ ᐅᖓᑖᓂᓘᓐᓃᑦ, ᓄᓇᑖᕆᔭᒃᓴᕗᑦ ᑕᒫᓃᒻᒪᑦ ᔪᐊᕐᑕᓂᐅᑉ ᑕᓕᕐᐱᖓᓂ.”
20ᒨᓯᓯᐅᑉ ᐅᖃᐅᑎᕔᑦ: “ᑍᒤᓕᐅᕈᑦᓯ, ᐅᓇᑕᕐᓂᕐᒧᓪᓗ ᐸᕐᓇᒡᓗᓯ ᐊᑕᓂᐅᑉ ᓵᖓᓂ, 21ᐅᓇᑕᕐᑐᒃᓴᖁᑎᓯᓗ ᔪᐊᕐᑕᓂᒥᒃ ᐃᑳᖃᑕᐅᓗᑎᒃ ᐊᑕᓂᐅᑉ ᓵᖓᓂ ᐊᑭᕋᒥᓂᒃ ᓱᓕ ᐊᐅᓪᓚᕐᑎᑦᓯᓚᐅᕐᑎᓐᓇᒍ ᓵᒥᓂᑦ, 22ᓄᓇ ᓵᓚᖃᐅᑕᐅᓯᒪᓕᕐᐸᑦ ᐊᑕᓂᐅᑉ ᓵᖓᓂ, ᑭᖑᓂᖓᒍᑦ ᐅᑎᕈᓐᓇᓕᕐᓗᓯ ᐊᑕᓂᐅᑉ ᐃᓴᕆᐊᓕᒥᐅᓪᓗ ᓵᖓᓂ ᐸᓯᔭᒃᓴᐅᓂᐊᓐᖏᓚᓯ; ᑕᕝᕙ ᓄᓇ ᓄᓇᖁᑎᑖᕆᔪᓐᓇᕐᓂᐊᕐᐸᓯ ᐊᑕᓂᐅᑉ ᓵᖓᓂ. 23ᑍᒤᓕᐅᖏᒃᑯᑦᓯᓕ, ᖃᐅᔨᒪᓕᕆᑦᓯ ᐊᔪᕐᑐᓕᓂᐊᕋᑦᓯ ᐊᑕᓂᕐᒧᑦ; ᐃᖅᑲᐅᒪᓕᕆᑦᓯᓗ ᐊᔪᕐᑐᓕᓂᐅᑉ ᑕᕝᕙ ᓇᓗᓁᕐᓂᐊᕐᒪᓯ. 24ᐃᒡᓗᒐᓴᒡᔪᐊᓕᐅᕆᑦᓯ ᕿᑐᕐᖓᑦᓯᓐᓄᑦ ᓮᐱᒃᑯᕕᓕᐅᕐᓗᓯᓗ, ᐅᖃᐅᓯᕆᓯᒪᔭᓕᒫᑦᓯᓐᓂᒡᓗ ᑲᔪᓯᑎᑦᓯᓗᓯ.”
25ᑕᕝᕙ ᒑᑎᐅᑉ ᑭᖑᕚᖏᑦ ᕉᐱᓂᐅᓪᓗ ᑭᖑᕚᖏᑦ ᒨᓯᓯᒧᑦ ᐅᖃᕐᐳᑦ, ᐃᒫᒃ: “ᐱᔨᑎᑦ ᐊᖓᔪᖅᑳᒥ ᐱᓂᐊᕐᑕᐅᖁᔭᖏᓐᓂᒃ ᒪᓕᖕᓂᐊᕐᐳᑦ. 26ᕿᑐᕐᖓᕗᑦ ᓄᓕᐊᕗᓪᓗ, ᓰᐱᖁᑎᕗᓪᓗ ᐃᒻᒧᒃᓯᐅᒐᖁᑎᕗᓪᓗ ᐃᓂᖃᕐᓂᐊᕐᐳᑦ ᐃᒡᓗᒐᓴᒡᔪᐊᓂ ᒋᓕᐊᑎᒥ; 27ᐱᔨᑎᓪᓕ ᐃᑳᖃᑕᐅᓂᐊᕐᐳᑦ, ᐊᖑᑎᓕᒫᑦ ᐅᓇᑕᐅᑎᓂᒃ ᓇᒃᓴᕐᓗᑎᒃ, ᐊᑕᓂᐅᑉ ᓵᖓᓂ ᐅᓇᑕᕐᓂᕐᒧᑦ ᐊᑐᐃᓐᓇᐅᓗᑎᒃ ᐊᖓᔪᖅᑳᑦᑕ ᐅᖃᐅᓯᖏᑦ ᒪᓕᒡᓗᒋᑦ.”
28 #
ᔮᓱᐊ 1:12-15. ᒨᓯᓯᓗ ᐱᖁᔨᓕᕐᐳᖅ ᑖᒃᑯᐊ ᑍᒤᓕᐅᖁᓪᓗᒋᑦ ᑐᓂᕐᕈᓯᕐᑎᑦᓯᔨᑦ ᐊᖓᔪᖅᑳᖓᑦ ᐃᓕᓯᕆ ᐅᖃᐅᑎᓪᓗᒍ, ᔮᓱᐊᓗ ᓈᓂᐅᑉ ᐃᕐᓂᖓ, ᑭᖑᕚᖑᖃᑎᒌᓪᓗ ᐃᓴᕆᐊᓕᒥᐅᑦ ᐊᖓᔪᖅᑳᓕᒫᖏᑦ ᐅᖃᐅᑎᒋᓪᓗᒋᑦ. 29ᒨᓯᓯᐅᓪᓗ ᐅᖃᐅᑎᕔᑦ: “ᒑᑎᐅᑉ ᑭᖑᕚᖏᑦ ᕉᐱᓂᐅᓪᓗ ᑭᖑᕚᖏᑦ ᔪᐊᕐᑕᓂᐅᑉ ᐊᑭᐊᓄᑦ ᐃᑳᖃᑎᒋᒍᑦᓯᒋᒃ, ᐊᖑᑎᓕᒫᑦ ᐅᓇᑕᕐᓂᕐᒧᑦ ᐅᐸᓗᖎᕐᓯᒪᓗᑎᒃ ᐊᑕᓂᐅᑉ ᓵᖓᓂ, ᓄᓇᒥᒃ ᓇᔪᕐᑕᑦᓯᓐᓂᒃ ᓵᓚᖃᕈᑦᓯ, ᑖᒃᑯᐊ ᓄᓇᒥᒃ ᒋᓕᐊᑎᒥᒃ ᓄᓇᖁᑎᑖᕐᑎᑦᓴᕆᐊᖃᕐᐸᓯ. 30ᐅᓇᑕᐅᑎᓂᒡᓕ ᓇᒃᓴᖏᑉᐸᑕ ᐃᓚᒋᓗᓯᓗ ᐃᑳᖃᑕᐅᖏᑉᐸᑕ, ᑕᕝᕙ ᑬᓇᓂᒥ ᓄᓇᑖᖃᑎᒋᔭᕆᐊᖃᕐᐸᓯ.”
31ᒑᑎᐅᓪᓕ ᑭᖑᕚᖏᑦ ᕉᐱᓂᐅᓪᓗ ᑭᖑᕚᖏᑦ ᑭᐅᓪᓗᑎᒃ ᐅᖃᕐᐳᑦ: “ᓲᕐᓗ ᐊᑕᓂᐅᑉ ᐱᔨᑎᑦ ᐅᖃᐅᑎᓚᐅᕐᒪᒋᑦ, ᑍᒤᓕᐅᕈᒪᕗᒍᑦ. 32ᐃᑳᖃᑕᐅᔪᒪᕗᒍᑦ ᐅᓇᑕᐅᑎᓂᒃ ᓇᒃᓴᕐᓗᑕ ᐊᑕᓂᐅᑉ ᓵᖓᓂ ᑬᓇᓂᐅᑉ ᓄᓇᖓᓄᑦ, ᑭᓯᐊᓂᓕ ᓄᓇᑖᕆᔪᒪᔭᕗᑦ ᑲᔪᓯᖁᕙᕗᑦ ᔪᐊᕐᑕᓂᐅᑉ ᐊᑭᐊᓃᑦᑐᖅ.”
33ᑍᒤᒻᒪᑦ ᒑᑎᐅᑉ ᑭᖑᕚᖏᑦ, ᕉᐱᓂᐅᓪᓗ ᑭᖑᕚᖏᑦ ᒫᓇᓯᐅᓪᓗ ᔫᓯᐱᐅᑉ ᐃᕐᓂᖓᑕ ᑭᖑᕚᖏᑕ ᐊᕝᕙᖏᑦ, ᒨᓯᓯᐅᑉ ᑐᓂᓯᕕᒋᕔᑦ ᐊᒧᕅᑎᑦ ᐊᖓᔪᖅᑳᕐᔪᐊᕕᓂᖓᑦᑕ ᓮᕼᐆᓂᐅᑉ ᐊᖓᔪᖅᑲᐅᕕᕕᓂᖓᓂᒃ, ᐹᓴᓂᒥᐅᓪᓗ ᐊᖓᔪᖅᑳᕐᔪᐊᕕᓂᖓᑦᑕ ᐋᒡ ᐊᖓᔪᖅᑲᐅᕕᕕᓂᖓᓂᒃ, ᐃᒡᓗᒐᓴᒡᔪᐊᖏᓐᓂᒃ ᓄᓇᐅᑉ ᐃᓱᖏᑕ ᓇᓗᓁᕐᓯᒪᓂᖏᑦ ᑎᑭᓪᓗᒋᑦ, ᐃᒡᓗᒐᓴᒡᔪᐊᓂᒡᓗ ᓄᓇᐅᑉ ᓯᓚᑖᓃᑦᑐᓂᒃ. 34ᒑᑎᐅᑉ ᑭᖑᕚᖏᑦ ᐃᒡᓗᒐᓴᒡᔪᐊᑦ ᓴᓇᒋᐊᒃᑲᓐᓂᕐᐰᑦ ᓄᓇᓂ ᑎᐴᓂᒥ ᐊᑕᕉᑎᒥᓗ ᐊᕈᐃᕆᒥᓗ, 35ᐊᑕᕌᑎ-ᓲᐹᓐᒥᓗ ᔧᔨᕆᒥᓗ ᔪᒡᐱᕼᐊᒥᓗ 36ᐱᑦ-ᓂᒻᕋᒥ ᐱᑦ-ᕼᐊᕋᒻᒥᓗ, ᐃᒡᓗᒐᓴᒡᔪᐊᓂ ᐊᕙᓗᕐᔪᐊᓕᐅᕐᐳᑦ, ᓰᐱᒃᑯᕕᓕᐅᕐᓗᑎᒡᓗ. 37ᕉᐱᓂᐅᓪᓗ ᑭᖑᕚᖏᑦ ᐃᒡᓗᒐᓴᒡᔪᐊᑦ ᓴᓇᒋᐊᒃᑲᓐᓂᕐᐰᑦ ᓄᓇᓂ ᕼᐃᓴᐸᓂᒥ ᐃᓕᐊᓕᒥᓗ ᑭᕆᐊᑍᒥᓗ, 38ᓂᐴᒥ ᐰᓕ-ᒥᐅᓂᒥᓗ (ᑖᒃᑯᐊ ᐊᑎᖏᑦ ᐊᓯᓐᖑᕐᑎᑕᐅᓚᐅᕐᑐᑦ) ᓯᑉᒪᒥᒡᓗ; ᐊᑎᕐᑖᕐᑎᑦᓯᓚᐅᕐᐳᑦ ᐃᒡᓗᒐᓴᒡᔪᐊᓂᒃ ᓴᓇᔭᒥᖕᓂᒃ.
39ᒪᑬᕆᐅᑉ ᒫᓇᓯᐅᑉ ᐃᕐᓂᖓᑕ ᑭᖑᕚᖏᑦ ᐂᓚᐅᕐᐳᑦ ᒋᓕᐊᑎᒧᑦ ᓄᓇᑖᕆᓪᓗᒍ, ᐊᐅᓪᓚᕐᑎᓪᓗᒋᓪᓗ ᐊᒧᕅᑎᑦ ᑕᒫᓂ ᓄᓇᖃᓚᐅᕐᑐᑦ. 40ᑍᒫᒃ ᒨᓯᓯᐅᑉ ᒋᓕᐊᑎ ᑐᓂᕚ ᒫᓇᓯᐅᑉ ᐃᕐᓂᖓᑕ ᒪᑬᕆᐅᑉ ᑭᖑᕚᖏᓐᓄᑦ, ᑖᒃᑯᐊ ᑕᒫᓂ ᓄᓇᖃᓕᕐᓗᑎᒃ. 41ᒫᓇᓯᐅᑦᑕᐅᖅ ᐃᕐᓂᖓᑕ ᔧᕆᐅᑉ ᑭᖑᕚᖏᑦ ᑕᒫᓂ ᓄᓇᓖᑦ ᒥᑭᓐᓂᕐᓮᑦ ᓄᓇᑖᕆᕔᑦ, ᐊᑎᖃᕐᑎᓪᓗᒋᓪᓗ ᕼᐆᕕᑎ ᔧᕆᒥᒃ. 42ᓅᐸᑯᑦᑕᐅᖅ ᐃᒡᓗᒐᓮᑦ ᑭᓇᑎᒥᒃ ᐊᑎᓖᑦ ᑎᒍᒋᕔᑦ, ᐊᑦᑎᕐᓗᒋᓗ ᓅᐸᒥᒃ ᓇᖕᒥᓂᖅ ᐊᑎᕐᒥᓂᒃ.
Currently Selected:
ᒨᓯᓯ ᓯᑕᒪᖏᑦ 32: EAIB
Highlight
Copy
Compare
Share
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.
ᒨᓯᓯ ᓯᑕᒪᖏᑦ 32
32
ᑭᖑᕚᖑᖃᑎᒌᑦ ᓄᓇᑖᕐᓂᖓᑦ ᔪᐊᕐᑕᓂᐅᑉ ᑕᓕᕐᐱᐊᓂ
ᒨᓯᓯ ᑕᓪᓕᒪᖏᑦ 3:12-22
1ᕉᐱᓂᐅᑉ ᑭᖑᕚᖏᑦ ᒑᑦᓗ ᑭᖑᕚᖏᑦ ᐅᓄᕐᑐᕐᔪᐊᓂᒃ ᐆᒪᔪᖁᑎᖃᓚᐅᕐᐳᑦ; ᓄᓁᑦ ᐊᑎᖃᕐᑐᑦ ᔧᔨᕆᒥᒃ ᒋᓕᐊᑎᒥᒡᓗ ᐆᒪᔪᖁᑎᓄᑦ ᓈᒻᒪᑦᓯᐊᕐᒪᑕ, 2ᕉᐱᓂᐅᑉ ᑭᖑᕚᖏᑦ ᒑᑦᓗ ᑭᖑᕚᖏᑦ ᒨᓯᓯᒧᑦ, ᐃᓕᓯᕆᒧᓪᓗ ᑐᓂᕐᕈᓯᕐᑎᑦᓯᔨᒧᑦ, ᐃᓴᕆᐊᓕᒥᐅᓪᓗ ᓯᕗᓕᕐᑎᖏᓐᓄᑦ, ᕾᕗᑦ ᐅᖃᕐᓗᑎᒃ, 3“ᐊᑕᕌᑎ, ᑎᐴᓂᓗ, ᔧᔨᕆᓗ, ᓂᒻᕌᓗ, ᕼᐃᓴᐸᓂᓗ, ᐃᓕᐊᓕᓗ, ᓯᐹᒥᓗ, ᓂᐴᓗ, ᐱᐆᓂᓗ, 4ᓄᓁᑦ ᐊᑕᓂᐅᑉ ᓵᓚᒋᓚᐅᕐᑕᖏᑦ ᐃᓴᕆᐊᓕᒥᐅᑦ ᓵᖏᓐᓂ, ᑖᒃᑯᐊ ᐆᒪᔪᖁᑎᓄᑦ ᐱᐅᔫᖕᒪᑕ, ᐱᔨᑎᓪᓗ ᐅᑯᐊ ᐆᒪᔪᖁᑎᓕᐊᓘᓪᓘᑎᒃ.” 5ᑍᒤᒻᒪᑦ ᐅᖃᕐᐳᑦ, “ᐃᓕᑦᓯᓐᓄᑦ ᖁᕕᐊᒋᔭᐅᒍᑦᑕ, ᓄᓇ ᑕᒪᓐᓇ ᐱᔨᖕᓄᑦ ᑐᓂᓚᐅᕐᓯᐅᒃ ᐱᑖᕆᓂᐊᕋᑦᑎᒍ. ᔪᐊᕐᑕᓂᐅᓪᓗ ᐊᑭᐊᓅᕈᓐᓃᕐᓗᑕ.”
6ᒨᓯᓯᓗ ᐅᖃᕐᐳᖅ ᒑᑦ ᑭᖑᕚᖏᓐᓄᑦ ᕉᐱᓂᐅᓪᓗ ᑭᖑᕚᖏᓐᓄᑦ: “ᖃᑕᓐᖑᑎᓯ ᐅᓇᑕᕆᐊᕋᔭᕐᐹᑦ ᐃᓕᑦᓯ ᑕᒫᓃᑐᐃᓐᓇᕐᑎᓪᓗᓰ? 7ᒫᓐᓇᓕ ᓱᖕᒪᑦ ᐃᓴᕆᐊᓕᒥᐅᑦ ᓴᐱᓕᕐᑎᓐᓇᓱᐊᕐᐱᓯᐅᒃ ᐃᑳᖁᓇᒋᑦ ᓄᓇᒧᑦ ᐊᑕᓂᐅᑉ ᑐᓂᔪᒪᔭᖓᓄᑦ? 8#ᒨᓯᓯ ᓯᑕᒪᖏᑦ 13:17-33.ᓯᕗᓕᓯ ᑍᑦᓱᒪᓂ ᑎᓕᓚᐅᕋᒃᑭᑦ ᓄᓇᒥ ᑲᑎᓯ-ᐸᕐᓂᐊᒥᑦ ᓄᓇᒥᒃ ᕿᒥᕐᕈᔭᕐᑐᓚᐅᕐᐳᑦ. 9ᓇᕐᓴᒧᓪᓗ ᐃᔅᑯᓪᒧᑦ ᑎᑭᓐᓇᒥᒃ ᓄᓇ ᑕᑯᓚᐅᕐᐹᑦ, ᓴᐱᓕᕐᑎᑦᓯᓚᐅᕐᐳᓪᓕ ᐃᓴᕆᐊᓕᒥᐅᓂᒃ, ᐅᐸᒍᓐᓃᕐᓗᒍᓗ ᓄᓇ ᐊᑕᓂᐅᑉ ᑖᒃᑯᓄᖓ ᑐᓂᓚᐅᕐᑕᖓ. 10#ᒨᓯᓯ ᓯᑕᒪᖏᑦ 14:26-35.ᑍᑦᓱᒪᓂ ᐊᑕᓂᖅ ᓂᓐᖓᓚᐅᕐᐳᖅ, ᐅᖃᕐᓗᓂ, 11‘ᓱᓕᓪᓗᖓ, ᐄᑦᔨᑉᑎᒥᑦ ᐊᐅᓪᓚᓚᐅᕐᑐᓕᒫᑦ, ᐊᕐᕌᒍᖃᕐᑐᑦ 20ᓂᒃ ᐅᖓᑖᓄᑦ ᑎᑭᓪᓗᒍ, ᑕᑯᓂᐊᓐᖏᓚᑦ ᓄᓇᒥᒃ ᐊᖏᕈᑎᒋᓚᐅᕐᑕᓐᓂᒃ ᐂᑉᕋᕼᐋᒻᒧᑦ, ᐂᓴᑭᒧᓪᓗ, ᔧᑯᒧᓪᓗ, ᐊᑕᖏᕐᑐᒥᒃ ᐅᕙᓐᓂᒃ ᒪᓕᓚᐅᖏᒻᒪᑕ, 12ᑭᓯᒥ ᑬᓚᐱ ᔨᐳᓂᐊᐅᑉ ᐃᕐᓂᖓ, ᑭᓂᔧᑎᐅᔪᖅ, ᐊᒻᒪᓗ ᔮᓱᐊ ᓈᓂᐅᑉ ᐃᕐᓂᖓ, ᑖᒃᑯᐊᒃ ᐊᑕᖏᕐᑐᒥᒃ ᒪᓕᓚᐅᕐᒪᑎᒃ ᐊᑕᓂᕐᒥᒃ.’ 13ᑍᒤᒻᒪᑦ ᐊᑕᓂᖅ ᓂᓐᖓᐅᒪᓕᓚᐅᕐᐳᖅ ᐃᓴᕆᐊᓕᒥᐅᓄᑦ, ᐃᖏᕐᕋᑎᓚᐅᕐᐰᑦ ᐃᓄᖃᖏᑦᑐᒥ ᐊᕐᕌᒍᓂᒃ 40ᓂᒃ, ᑭᖑᕚᖑᖃᑎᒌᑦ ᐊᑕᓂᐅᑉ ᓵᖓᓂ ᐱᐅᖏᑦᑐᓕᓚᐅᕐᑐᑦ ᓄᖑᓚᐅᖏᓐᓂᖏᓐᓂ. 14ᑕᑯᒋᑦ, ᓯᕗᓕᕕᓂᑦᓯᓐᓂᒃ ᒪᓕᓕᕐᑐᓯ, ᐃᓄᐃᑦ ᐊᔪᕐᑐᓕᔪᑦ, ᐊᖏᒡᓕᑎᑦᓯᒃᑲᓐᓂᕐᓗᓯ ᐊᑕᓂᐅᑉ ᓂᓐᖓᐅᒪᓂᖓᓂᒃ ᐃᓴᕆᐊᓕᒥᐅᓄᑦ. 15ᒪᓕᒍᓐᓁᕐᒥᒍᑦᓯᐅᒃ, ᑕᕝᕙ ᐃᓄᖃᖏᑦᑐᒥ ᐃᖏᕐᕋᑎᒃᑲᓐᓂᕐᓂᐊᕆᕚᓯ, ᐃᓄᐃᓪᓗ ᐅᑯᐊ ᑖᕙᓂ ᑐᖁᑐᐃᓐᓇᕐᓂᐊᕐᓗᑎᒃ.”
16ᑖᒃᑯᐊ ᒨᓯᓯᒧᑦ ᖃᒡᓕᒋᐊᕐᓗᑎᒃ ᐅᖃᕐᐳᑦ: “ᑕᒫᓂ ᓰᐱᒃᑯᕕᖕᓂᒃ ᓴᓇᓂᐊᕐᐳᒍᑦ ᐆᒪᔪᖁᑎᑦᑎᓐᓄᑦ, ᐃᒡᓗᒐᓴᒡᔪᐊᓕᐅᕐᓗᑕᓗ ᕿᑐᕐᖓᑦᑎᓐᓄᑦ, 17ᐅᕙᒍᓪᓕ ᐅᓇᑕᐅᑎᓂᒃ ᐊᑐᕐᓂᐊᕐᐳᒍᑦ ᐸᕐᓇᒃᓯᒪᓗᑕ, ᐃᓴᕆᐊᓕᒥᐅᑦ ᐃᓚᒋᓗᒋᑦ ᐃᓂᒃᓴᖏᓐᓄᑦ ᑎᑭᓚᐅᖏᓐᓂᖏᓐᓂ; ᕿᑐᕐᖓᕗᓪᓕ ᐃᒡᓗᒐᓴᖕᓂ ᐊᕙᓗᓕᐅᕐᓯᒪᔪᓂ ᐃᓂᖃᕐᓂᐊᕐᐳᑦ ᑖᒫᓂᕐᒥᐅᑦ ᐱᓪᓗᒋᑦ. 18ᐊᖏᕐᕋᑦᑎᓐᓄᑦ ᐅᑎᕐᓂᐊᓐᖏᓚᒍᑦ ᐃᓴᕆᐊᓕᒥᐅᓕᒫᑦᓯᐊᑦ ᓄᓇᑖᕆᓂᐊᕐᑕᒥᖕᓂᒃ ᐱᓚᐅᖏᓐᓂᖏᓐᓂ. 19ᓄᓇᑖᖃᑎᒋᓂᐊᖏᓐᓇᑦᑎᒍ ᔪᐊᕐᑕᓂᐅᑉ ᐊᑭᐊᓂ ᐅᖓᑖᓂᓘᓐᓃᑦ, ᓄᓇᑖᕆᔭᒃᓴᕗᑦ ᑕᒫᓃᒻᒪᑦ ᔪᐊᕐᑕᓂᐅᑉ ᑕᓕᕐᐱᖓᓂ.”
20ᒨᓯᓯᐅᑉ ᐅᖃᐅᑎᕔᑦ: “ᑍᒤᓕᐅᕈᑦᓯ, ᐅᓇᑕᕐᓂᕐᒧᓪᓗ ᐸᕐᓇᒡᓗᓯ ᐊᑕᓂᐅᑉ ᓵᖓᓂ, 21ᐅᓇᑕᕐᑐᒃᓴᖁᑎᓯᓗ ᔪᐊᕐᑕᓂᒥᒃ ᐃᑳᖃᑕᐅᓗᑎᒃ ᐊᑕᓂᐅᑉ ᓵᖓᓂ ᐊᑭᕋᒥᓂᒃ ᓱᓕ ᐊᐅᓪᓚᕐᑎᑦᓯᓚᐅᕐᑎᓐᓇᒍ ᓵᒥᓂᑦ, 22ᓄᓇ ᓵᓚᖃᐅᑕᐅᓯᒪᓕᕐᐸᑦ ᐊᑕᓂᐅᑉ ᓵᖓᓂ, ᑭᖑᓂᖓᒍᑦ ᐅᑎᕈᓐᓇᓕᕐᓗᓯ ᐊᑕᓂᐅᑉ ᐃᓴᕆᐊᓕᒥᐅᓪᓗ ᓵᖓᓂ ᐸᓯᔭᒃᓴᐅᓂᐊᓐᖏᓚᓯ; ᑕᕝᕙ ᓄᓇ ᓄᓇᖁᑎᑖᕆᔪᓐᓇᕐᓂᐊᕐᐸᓯ ᐊᑕᓂᐅᑉ ᓵᖓᓂ. 23ᑍᒤᓕᐅᖏᒃᑯᑦᓯᓕ, ᖃᐅᔨᒪᓕᕆᑦᓯ ᐊᔪᕐᑐᓕᓂᐊᕋᑦᓯ ᐊᑕᓂᕐᒧᑦ; ᐃᖅᑲᐅᒪᓕᕆᑦᓯᓗ ᐊᔪᕐᑐᓕᓂᐅᑉ ᑕᕝᕙ ᓇᓗᓁᕐᓂᐊᕐᒪᓯ. 24ᐃᒡᓗᒐᓴᒡᔪᐊᓕᐅᕆᑦᓯ ᕿᑐᕐᖓᑦᓯᓐᓄᑦ ᓮᐱᒃᑯᕕᓕᐅᕐᓗᓯᓗ, ᐅᖃᐅᓯᕆᓯᒪᔭᓕᒫᑦᓯᓐᓂᒡᓗ ᑲᔪᓯᑎᑦᓯᓗᓯ.”
25ᑕᕝᕙ ᒑᑎᐅᑉ ᑭᖑᕚᖏᑦ ᕉᐱᓂᐅᓪᓗ ᑭᖑᕚᖏᑦ ᒨᓯᓯᒧᑦ ᐅᖃᕐᐳᑦ, ᐃᒫᒃ: “ᐱᔨᑎᑦ ᐊᖓᔪᖅᑳᒥ ᐱᓂᐊᕐᑕᐅᖁᔭᖏᓐᓂᒃ ᒪᓕᖕᓂᐊᕐᐳᑦ. 26ᕿᑐᕐᖓᕗᑦ ᓄᓕᐊᕗᓪᓗ, ᓰᐱᖁᑎᕗᓪᓗ ᐃᒻᒧᒃᓯᐅᒐᖁᑎᕗᓪᓗ ᐃᓂᖃᕐᓂᐊᕐᐳᑦ ᐃᒡᓗᒐᓴᒡᔪᐊᓂ ᒋᓕᐊᑎᒥ; 27ᐱᔨᑎᓪᓕ ᐃᑳᖃᑕᐅᓂᐊᕐᐳᑦ, ᐊᖑᑎᓕᒫᑦ ᐅᓇᑕᐅᑎᓂᒃ ᓇᒃᓴᕐᓗᑎᒃ, ᐊᑕᓂᐅᑉ ᓵᖓᓂ ᐅᓇᑕᕐᓂᕐᒧᑦ ᐊᑐᐃᓐᓇᐅᓗᑎᒃ ᐊᖓᔪᖅᑳᑦᑕ ᐅᖃᐅᓯᖏᑦ ᒪᓕᒡᓗᒋᑦ.”
28 #
ᔮᓱᐊ 1:12-15. ᒨᓯᓯᓗ ᐱᖁᔨᓕᕐᐳᖅ ᑖᒃᑯᐊ ᑍᒤᓕᐅᖁᓪᓗᒋᑦ ᑐᓂᕐᕈᓯᕐᑎᑦᓯᔨᑦ ᐊᖓᔪᖅᑳᖓᑦ ᐃᓕᓯᕆ ᐅᖃᐅᑎᓪᓗᒍ, ᔮᓱᐊᓗ ᓈᓂᐅᑉ ᐃᕐᓂᖓ, ᑭᖑᕚᖑᖃᑎᒌᓪᓗ ᐃᓴᕆᐊᓕᒥᐅᑦ ᐊᖓᔪᖅᑳᓕᒫᖏᑦ ᐅᖃᐅᑎᒋᓪᓗᒋᑦ. 29ᒨᓯᓯᐅᓪᓗ ᐅᖃᐅᑎᕔᑦ: “ᒑᑎᐅᑉ ᑭᖑᕚᖏᑦ ᕉᐱᓂᐅᓪᓗ ᑭᖑᕚᖏᑦ ᔪᐊᕐᑕᓂᐅᑉ ᐊᑭᐊᓄᑦ ᐃᑳᖃᑎᒋᒍᑦᓯᒋᒃ, ᐊᖑᑎᓕᒫᑦ ᐅᓇᑕᕐᓂᕐᒧᑦ ᐅᐸᓗᖎᕐᓯᒪᓗᑎᒃ ᐊᑕᓂᐅᑉ ᓵᖓᓂ, ᓄᓇᒥᒃ ᓇᔪᕐᑕᑦᓯᓐᓂᒃ ᓵᓚᖃᕈᑦᓯ, ᑖᒃᑯᐊ ᓄᓇᒥᒃ ᒋᓕᐊᑎᒥᒃ ᓄᓇᖁᑎᑖᕐᑎᑦᓴᕆᐊᖃᕐᐸᓯ. 30ᐅᓇᑕᐅᑎᓂᒡᓕ ᓇᒃᓴᖏᑉᐸᑕ ᐃᓚᒋᓗᓯᓗ ᐃᑳᖃᑕᐅᖏᑉᐸᑕ, ᑕᕝᕙ ᑬᓇᓂᒥ ᓄᓇᑖᖃᑎᒋᔭᕆᐊᖃᕐᐸᓯ.”
31ᒑᑎᐅᓪᓕ ᑭᖑᕚᖏᑦ ᕉᐱᓂᐅᓪᓗ ᑭᖑᕚᖏᑦ ᑭᐅᓪᓗᑎᒃ ᐅᖃᕐᐳᑦ: “ᓲᕐᓗ ᐊᑕᓂᐅᑉ ᐱᔨᑎᑦ ᐅᖃᐅᑎᓚᐅᕐᒪᒋᑦ, ᑍᒤᓕᐅᕈᒪᕗᒍᑦ. 32ᐃᑳᖃᑕᐅᔪᒪᕗᒍᑦ ᐅᓇᑕᐅᑎᓂᒃ ᓇᒃᓴᕐᓗᑕ ᐊᑕᓂᐅᑉ ᓵᖓᓂ ᑬᓇᓂᐅᑉ ᓄᓇᖓᓄᑦ, ᑭᓯᐊᓂᓕ ᓄᓇᑖᕆᔪᒪᔭᕗᑦ ᑲᔪᓯᖁᕙᕗᑦ ᔪᐊᕐᑕᓂᐅᑉ ᐊᑭᐊᓃᑦᑐᖅ.”
33ᑍᒤᒻᒪᑦ ᒑᑎᐅᑉ ᑭᖑᕚᖏᑦ, ᕉᐱᓂᐅᓪᓗ ᑭᖑᕚᖏᑦ ᒫᓇᓯᐅᓪᓗ ᔫᓯᐱᐅᑉ ᐃᕐᓂᖓᑕ ᑭᖑᕚᖏᑕ ᐊᕝᕙᖏᑦ, ᒨᓯᓯᐅᑉ ᑐᓂᓯᕕᒋᕔᑦ ᐊᒧᕅᑎᑦ ᐊᖓᔪᖅᑳᕐᔪᐊᕕᓂᖓᑦᑕ ᓮᕼᐆᓂᐅᑉ ᐊᖓᔪᖅᑲᐅᕕᕕᓂᖓᓂᒃ, ᐹᓴᓂᒥᐅᓪᓗ ᐊᖓᔪᖅᑳᕐᔪᐊᕕᓂᖓᑦᑕ ᐋᒡ ᐊᖓᔪᖅᑲᐅᕕᕕᓂᖓᓂᒃ, ᐃᒡᓗᒐᓴᒡᔪᐊᖏᓐᓂᒃ ᓄᓇᐅᑉ ᐃᓱᖏᑕ ᓇᓗᓁᕐᓯᒪᓂᖏᑦ ᑎᑭᓪᓗᒋᑦ, ᐃᒡᓗᒐᓴᒡᔪᐊᓂᒡᓗ ᓄᓇᐅᑉ ᓯᓚᑖᓃᑦᑐᓂᒃ. 34ᒑᑎᐅᑉ ᑭᖑᕚᖏᑦ ᐃᒡᓗᒐᓴᒡᔪᐊᑦ ᓴᓇᒋᐊᒃᑲᓐᓂᕐᐰᑦ ᓄᓇᓂ ᑎᐴᓂᒥ ᐊᑕᕉᑎᒥᓗ ᐊᕈᐃᕆᒥᓗ, 35ᐊᑕᕌᑎ-ᓲᐹᓐᒥᓗ ᔧᔨᕆᒥᓗ ᔪᒡᐱᕼᐊᒥᓗ 36ᐱᑦ-ᓂᒻᕋᒥ ᐱᑦ-ᕼᐊᕋᒻᒥᓗ, ᐃᒡᓗᒐᓴᒡᔪᐊᓂ ᐊᕙᓗᕐᔪᐊᓕᐅᕐᐳᑦ, ᓰᐱᒃᑯᕕᓕᐅᕐᓗᑎᒡᓗ. 37ᕉᐱᓂᐅᓪᓗ ᑭᖑᕚᖏᑦ ᐃᒡᓗᒐᓴᒡᔪᐊᑦ ᓴᓇᒋᐊᒃᑲᓐᓂᕐᐰᑦ ᓄᓇᓂ ᕼᐃᓴᐸᓂᒥ ᐃᓕᐊᓕᒥᓗ ᑭᕆᐊᑍᒥᓗ, 38ᓂᐴᒥ ᐰᓕ-ᒥᐅᓂᒥᓗ (ᑖᒃᑯᐊ ᐊᑎᖏᑦ ᐊᓯᓐᖑᕐᑎᑕᐅᓚᐅᕐᑐᑦ) ᓯᑉᒪᒥᒡᓗ; ᐊᑎᕐᑖᕐᑎᑦᓯᓚᐅᕐᐳᑦ ᐃᒡᓗᒐᓴᒡᔪᐊᓂᒃ ᓴᓇᔭᒥᖕᓂᒃ.
39ᒪᑬᕆᐅᑉ ᒫᓇᓯᐅᑉ ᐃᕐᓂᖓᑕ ᑭᖑᕚᖏᑦ ᐂᓚᐅᕐᐳᑦ ᒋᓕᐊᑎᒧᑦ ᓄᓇᑖᕆᓪᓗᒍ, ᐊᐅᓪᓚᕐᑎᓪᓗᒋᓪᓗ ᐊᒧᕅᑎᑦ ᑕᒫᓂ ᓄᓇᖃᓚᐅᕐᑐᑦ. 40ᑍᒫᒃ ᒨᓯᓯᐅᑉ ᒋᓕᐊᑎ ᑐᓂᕚ ᒫᓇᓯᐅᑉ ᐃᕐᓂᖓᑕ ᒪᑬᕆᐅᑉ ᑭᖑᕚᖏᓐᓄᑦ, ᑖᒃᑯᐊ ᑕᒫᓂ ᓄᓇᖃᓕᕐᓗᑎᒃ. 41ᒫᓇᓯᐅᑦᑕᐅᖅ ᐃᕐᓂᖓᑕ ᔧᕆᐅᑉ ᑭᖑᕚᖏᑦ ᑕᒫᓂ ᓄᓇᓖᑦ ᒥᑭᓐᓂᕐᓮᑦ ᓄᓇᑖᕆᕔᑦ, ᐊᑎᖃᕐᑎᓪᓗᒋᓪᓗ ᕼᐆᕕᑎ ᔧᕆᒥᒃ. 42ᓅᐸᑯᑦᑕᐅᖅ ᐃᒡᓗᒐᓮᑦ ᑭᓇᑎᒥᒃ ᐊᑎᓖᑦ ᑎᒍᒋᕔᑦ, ᐊᑦᑎᕐᓗᒋᓗ ᓅᐸᒥᒃ ᓇᖕᒥᓂᖅ ᐊᑎᕐᒥᓂᒃ.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.