ᒨᓯᓯ ᓯᑕᒪᖏᑦ 29
29
ᐊᕐᕌᒍ ᐱᒋᐊᕐᓂᖓᓂ ᑐᓂᕐᕈᑏᑦ
ᒨᓯᓯ ᐱᖓᔪᖏᑦ 23:23-25
1“ᑕᖅᑮᑦ 7ᖓᑦᑕ, ᐅᓪᓗᖓᑕ ᓯᕗᓪᓕᕐᐹᖓᓂ, ᑐᒃᓯᐊᕆᐊᕐᑐᒃᓴᐅᕗᓯ ᐃᑦᔪᕐᓁᑦᑐᒥᒃ ᑍᓗᒍ. ᓴᓇᕙᒃᑕᓯᓐᓂᒃ ᐱᓇᓱᐊᕆᐊᖃᓐᖏᓚᓯ. ᐅᓪᓗᒥ ᑕᕝᕙᓂ ᑎᑦᑐᓚᐅᑎᑦ ᓂᓪᓕᐊᑎᑕᐅᔭᕆᐊᖃᕐᐳᑦ. 2ᑐᓂᕐᕈᓯᕐᓗᓯ ᐃᑯᐊᓚᑎᑕᒃᓴᒥᒃ ᑎᐱᑦᓯᐊᕆᒃᑐᒥᒃ ᐊᑕᓂᕐᒧᑦ: ᐃᒻᒧᒃᓯᐅᒐᕐᒥᒃ ᐊᑕᐅᓯᕐᒥᒃ ᐊᖑᓴᓪᓗᕐᒥᒃ, ᓰᐱᒥᒡᓗ ᐊᖑᓴᓪᓗᕐᒥᒃ ᐊᑕᐅᓯᕐᒥᒃ, 7ᓂᒡᓗ ᓰᐱᐅᑉ ᓄᕐᕋᖏᓐᓂᒃ ᐊᑕᐅᓯᕐᒥᒃ ᐊᕐᕌᒍᖃᕐᑐᓂᒃ, ᓴᓗᒤᓐᓂᖃᖏᑦᑐᓂᒃ. 3ᐃᓚᖃᕐᓗᑎᒃ ᓂᐊᖂᔭᒃᓴᓂᒃ ᓯᖃᓕᑦᓯᐊᕐᓯᒪᔪᓂᒃ ᑐᓂᕐᕈᑎᓂᒃ ᐅᕐᓱᒥᒃ ᐃᓚᓯᒪᔪᓂᒃ: ᐆᒃᑑᑦ 3/10ᐃᕝᕙ ᐃᒻᒧᒃᓯᐅᒐᕐᒧᑦ ᐊᑕᐅᓯᕐᒧᑦ ᐊᑐᓂᑦ, ᐆᒃᑑᑦ 2/10ᐃᕝᕙ ᓰᐱᒧᑦ ᐊᖑᓴᓪᓗᕐᒧᑦ ᐊᑐᓂᑦ, 4ᐆᒃᑑᑦ 1/10ᐃᕝᕙ ᓰᐱᐅᑉ ᓄᕐᕋᖏᓐᓄᑦ 7ᓄᑦ ᐊᑐᓂᑦ; 5ᐃᓚᓗᒋᑦ ᒎᑦᓯᐅᑉ ᓄᕐᕋᖓᓂᒃ ᐊᑕᐅᓯᕐᒥᒃ, ᐊᔪᕐᓂᕐᒥᑦ ᐃᓱᒪᒋᔪᓐᓁᕐᕕᐅᑦᔪᑎᒥᒃ. 6ᐊᓯᐊᑦᑎᒍᑦ ᑐᓂᕐᕈᑎᑦ ᐃᑯᐊᓚᑎᑕᒃᓮᑦ ᓂᐊᖂᔭᒃᓴᓂᒃ ᐃᓚᖃᕐᓗᑎᒃ ᑕᖅᑭᐅᑉ ᐱᒋᐊᓕᕐᓂᖓ ᐱᑦᔪᑎᒋᓗᒍ, ᐃᑯᐊᓪᓚᒃᑕᐅᔭᕆᐊᓖᑦ ᑍᒪᓐᖓᑦ ᑐᓂᕐᕈᑎᒋᓗᒋᑦ ᓂᐊᖂᔭᒃᓮᓪᓗ ᐱᔭᕆᐊᓖᑦ ᐱᖃᓯᐅᑎᓗᒋᑦ, ᕔᓃᓪᓗ ᑐᓂᕐᕈᑕᐅᔭᕆᐊᓖᑦ, ᒪᓕᒐᖏᑦ ᒪᓕᒡᓗᒋᑦ, ᑎᐱᑦᓯᐊᕆᒃᑑᓗᑎᒃ, ᐃᑯᐊᓚᑎᓪᓗᒋᑦ ᑐᓂᕐᕈᑎᒃᓮᑦ ᐊᑕᓂᕐᒧᑦ.”
ᑐᓂᕐᕈᑎᑦ ᐊᔪᕐᓃᑦ ᐃᓱᒪᒋᔪᓐᓁᕐᑕᐅᕕᐊᓂ
ᒨᓯᓯ ᐱᖓᔪᖏᑦ 23:26-32
7 #
ᒨᓯᓯ ᐱᖓᔪᖏᑦ 16:29-34. “ᐅᓪᓗᐃᑦ 10ᖓᓂ ᑕᖅᑮᑦ 7ᖓᓐᓂ, ᑐᒃᓯᐊᕆᐊᕐᓯᒪᔭᕆᐊᖃᕐᐳᓯ ᐃᑦᔪᕐᓁᑦᑐᒥᒃ ᑍᓗᒍ. ᑕᕐᓂᓯ ᑐᓂᔭᕆᐊᖃᕐᐸᓯ; ᓴᓇᕙᒃᑕᑦᓯᓐᓂᒃ ᐱᓇᓱᐊᕆᐊᖃᓐᖏᓚᓯ. 8ᑐᓂᕐᕈᓯᕐᓗᓯ ᐃᑯᐊᓚᑎᑕᒃᓴᒥᒃ ᑎᐱᑦᓯᐊᕆᒃᑐᒥᒃ ᐊᑕᓂᕐᒧᑦ: ᐃᒻᒧᒃᓯᐅᒐᕐᒥᒃ ᐊᑕᐅᓯᕐᒥᒃ ᐊᖑᓴᓪᓗᕐᒥᒃ, ᓰᐱᒥᒡᓗ ᐊᖑᓴᓪᓗᕐᒥᒃ ᐊᑕᐅᓯᕐᒥᒃ, 7ᓂᒡᓗ ᓰᐱᐅᑉ ᓄᕐᕋᖏᓐᓂᒃ ᐊᑕᐅᓯᕐᒥᒃ ᐊᕐᕌᒍᖃᕐᑐᓂᒃ, ᓴᓗᒤᓐᓂᖃᖏᑦᑐᓂᒃ. 9ᐃᓚᖃᕐᓗᑎᒃ ᓂᐊᖂᔭᒃᓴᓂᒃ ᓯᖃᓕᑦᓯᐊᕐᓯᒪᔪᓂᒃ ᑐᓂᕐᕈᑎᓂᒃ ᐅᕐᓱᒥᒃ ᐃᓚᓯᒪᔪᓂᒃ: ᐆᒃᑑᑦ 3/10ᐃᕝᕙ ᐃᒻᒧᒃᓯᐅᒐᕐᒧᑦ ᐊᑕᐅᓯᕐᒧᑦ ᐊᑐᓂᑦ, ᐆᒃᑑᑦ 2/10ᐃᕝᕙ ᓰᐱᒧᑦ ᐊᖑᓴᓪᓗᕐᒧᑦ ᐊᑐᓂᑦ, 10ᐆᒃᑑᑦ 1/10ᐃᕝᕙ ᓰᐱᐅᑉ ᓄᕐᕋᖏᓐᓄᑦ 7ᓄᑦ ᐊᑐᓂᑦ; 11ᐃᓚᓗᒋᑦ ᒎᑦᓯᐅᑉ ᓄᕐᕋᖓᓂᒃ ᐊᑕᐅᓯᕐᒥᒃ, ᐊᔪᕐᓂᕐᒥᑦ ᐃᓱᒪᒋᔪᓐᓁᕐᕕᐅᑦᔪᑎᒥᒃ, ᑐᓂᕐᕈᑕᐅᔭᕆᐊᓖᑦ ᐊᓯᐊᒍᑦ ᐃᑯᐊᓚᑎᑕᒃᓮᑦ ᓂᐊᖂᔭᒃᓮᓪᓗ ᐃᓚᒋᔭᕆᐊᖃᕐᑕᖏᑦ, ᕔᓃᓪᓗ ᑐᓂᕐᕈᑕᐅᔭᕆᐊᓖᑦ ᐃᓚᒋᓗᒋᑦ.”
ᑐᓂᕐᕈᓯᕐᓃᑦ ᑐᐱᕐᓯᒪᓪᓗᑎᒃ ᓇᓪᓕᐅᓐᓂᕐᓯᐅᕐᕕᖕᒥ
ᒨᓯᓯ ᐱᖓᔪᖏᑦ 23:33-44
12 #
ᒨᓯᓯ ᐱᖓᔪᖏᑦ 23:34; ᒨᓯᓯ ᑕᓪᓕᒪᖏᑦ 16:13-15. “ᐅᓪᓗᐃᑦ 15ᖓᓂ ᑕᖅᑮᑦ 7ᖓᓐᓂ, ᑐᒃᓯᐊᕆᐊᕐᓯᒪᔭᕆᐊᖃᕐᐳᓯ ᐃᑦᔪᕐᓁᑦᑐᒥᒃ ᑍᓗᒍ. ᑕᕐᓂᓯ ᑐᓂᔭᕆᐊᖃᕐᐸᓯ; ᓴᓇᕙᒃᑕᓯᓐᓂᒃ ᐱᓇᓱᐊᕆᐊᖃᓐᖏᓚᓯ, ᐊᑕᓂᕐᒧᑦ ᓇᓪᓕᐅᓐᓂᕐᓯᐅᕆᐊᖃᕐᐳᓯ ᐅᓪᓗᓂᒃ 7ᓂᒃ. 13ᑐᓂᕐᕈᓯᕐᓗᓯ ᐃᑯᐊᓚᑎᑕᒃᓴᒥᒃ, ᑎᐱᑦᓯᐊᕆᒃᑐᒥᒃ ᐊᑕᓂᕐᒧᑦ: ᐃᒻᒧᒃᓯᐅᒐᕐᓂᒃ 13ᓂᒃ ᐊᖑᓴᓪᓗᕐᓂᒃ, ᓰᐲᖕᓂᒡᓗ ᐊᖑᓴᓪᓘᖕᓂᒃ ᒪᕐᕉᖕᓂᒃ, 14ᓂᒡᓗ ᓰᐱᐅᑉ ᓄᕐᕋᖏᓐᓂᒃ ᐊᑕᐅᓯᕐᒥᒃ ᐊᕐᕌᒍᖃᕐᑐᓂᒃ, ᓴᓗᒤᓐᓂᖃᖏᑦᑐᓂᒃ. 14ᐃᓚᖃᕐᓗᑎᒃ ᓂᐊᖂᔭᒃᓴᓂᒃ ᓯᖃᓕᑦᓯᐊᕐᓯᒪᔪᓂᒃ ᑐᓂᕐᕈᑎᓂᒃ ᐅᕐᓱᒥᒃ ᐃᓚᓯᒪᔪᓂᒃ: ᐆᒃᑑᑦ 3/10ᐃᕝᕙ ᐃᒻᒧᒃᓯᐅᒐᕐᓄᑦ 13ᓄᑦ ᐊᑐᓂᑦ, ᐆᒃᑑᑦ 2/10ᐃᕝᕙ ᓰᐱᓄᑦ ᐊᖑᓴᓪᓗᕐᓄᑦ ᐊᑐᓂᑦ, 15ᐆᒃᑑᑦ 1/10ᐃᕝᕙ ᓰᐱᐅᑉ ᓄᕐᕋᖏᓐᓄᑦ 14ᓄᑦ ᐊᑐᓂᑦ; 16ᐃᓚᓗᒋᑦ ᒎᑦᓯᐅᑉ ᓄᕐᕋᖓᓂᒃ ᐊᑕᐅᓯᕐᒥᒃ, ᐊᔪᕐᓂᕐᒥᑦ ᐃᓱᒪᒋᔪᓐᓁᕐᕕᐅᑦᔪᑎᒥᒃ, ᑐᓂᕐᕈᑕᐅᔭᕆᐊᓖᑦ ᐊᓯᐊᒍᑦ ᐃᑯᐊᓚᑎᑕᒃᓮᑦ ᓂᐊᖂᔭᒃᓮᓪᓗ ᐃᓚᒋᔭᕆᐊᖃᕐᑕᖏᑦ, ᕔᓃᓪᓗ ᑐᓂᕐᕈᑕᐅᔭᕆᐊᓖᑦ ᐃᓚᒋᓗᒋᑦ.
17“ᐅᓪᓗᐃᑦ ᐂᑉᐸᖓᓂ, ᑐᓂᕐᕈᓯᕆᐊᖃᕐᐳᓯ ᐃᒻᒧᒃᓯᐅᒐᕐᓂᒃ ᐊᖑᓴᓪᓗᕐᓂᒃ 12ᓂᒃ, ᓰᐲᖕᓂᒡᓗ ᐊᖑᓴᓪᓘᖕᓂᒃ ᒪᕐᕉᖕᓂᒃ, 14ᓂᒡᓗ ᓰᐱᐅᑉ ᓄᕐᕋᖏᓐᓂᒃ ᐊᑕᐅᓯᕐᒥᒃ ᐊᕐᕌᒍᖃᕐᑐᓂᒃ, ᓴᓗᒤᓐᓂᖃᖏᑦᑐᓂᒃ. 18ᐃᓚᖃᕐᓗᑎᒃ ᓂᐊᖂᔭᒃᓴᓂᒃ ᕔᓂᓂᒡᓗ ᐃᓚᒋᔭᕆᐊᖃᕐᑕᖏᓐᓂᒃ: ᐃᒻᒧᒃᓯᐅᒐᕐᓄᑦ ᐊᑐᓂᑦ, ᓰᐱᓄᑦ ᐊᖑᓴᓪᓗᕐᓄᑦ ᐊᑐᓂᑦ, ᓰᐱᐅᓪᓗ ᓄᕐᕋᖏᓐᓄᑦ, ᐅᓄᕐᓂᖏᑦ ᒪᓕᒡᓗᒋᑦ, ᒪᓕᒐᖅ ᒪᓕᒡᓗᒍ; 19ᐃᓚᓗᒋᑦ ᒎᑦᓯᐅᑉ ᓄᕐᕋᖓᓂᒃ ᐊᑕᐅᓯᕐᒥᒃ, ᐊᔪᕐᓂᕐᒥᑦ ᐃᓱᒪᒋᔪᓐᓁᕐᕕᐅᑦᔪᑎᒥᒃ, ᑐᓂᕐᕈᑕᐅᔭᕆᐊᓖᑦ ᐊᓯᐊᒍᑦ ᐃᑯᐊᓚᑎᑕᒃᓮᑦ ᓂᐊᖂᔭᒃᓮᓪᓗ ᐃᓚᒋᔭᕆᐊᖃᕐᑕᖏᑦ, ᕔᓃᓪᓗ ᑐᓂᕐᕈᑕᐅᔭᕆᐊᓖᑦ ᐃᓚᒋᓗᒋᑦ.
20“ᐅᓪᓗᐃᑦ ᐱᖓᔪᐊᓐᓂ, ᑐᓂᕐᕈᓯᕆᐊᖃᕐᐳᓯ ᐃᒻᒧᒃᓯᐅᒐᕐᓂᒃ 11ᓂᒃ ᐊᖑᓴᓪᓗᕐᓂᒃ, ᓰᐲᖕᓂᒡᓗ ᐊᖑᓴᓪᓘᖕᓂᒃ ᒪᕐᕉᖕᓂᒃ, 14ᓂᒡᓗ ᓰᐱᐅᑉ ᓄᕐᕋᖏᓐᓂᒃ ᐊᑕᐅᓯᕐᒥᒃ ᐊᕐᕌᒍᖃᕐᑐᓂᒃ, ᓴᓗᒤᓐᓂᖃᖏᑦᑐᓂᒃ. 21ᐃᓚᖃᕐᓗᑎᒃ ᓂᐊᖂᔭᒃᓴᓂᒃ ᕔᓂᓂᒡᓗ ᐃᓚᒋᔭᕆᐊᖃᕐᑕᖏᓐᓂᒃ: ᐃᒻᒧᒃᓯᐅᒐᕐᓄᑦ ᐊᑐᓂᑦ, ᓰᐱᓄᑦ ᐊᖑᓴᓪᓗᕐᓄᑦ ᐊᑐᓂᑦ, ᓰᐱᐅᓪᓗ ᓄᕐᕋᖏᓐᓄᑦ, ᐅᓄᕐᓂᖏᑦ ᒪᓕᒡᓗᒋᑦ, ᒪᓕᒐᖅ ᒪᓕᒡᓗᒍ; 22ᐃᓚᓗᒋᑦ ᒎᑦᓯᒥᒃ ᐊᑕᐅᓯᕐᒥᒃ, ᐊᔪᕐᓂᕐᒥᑦ ᐃᓱᒪᒋᔪᓐᓁᕐᕕᐅᑦᔪᑎᒥᒃ, ᑐᓂᕐᕈᑕᐅᔭᕆᐊᓖᑦ ᐊᓯᐊᒍᑦ ᐃᑯᐊᓚᑎᑕᒃᓮᑦ ᓂᐊᖂᔭᒃᓮᓪᓗ ᐃᓚᒋᔭᕆᐊᖃᕐᑕᖏᑦ, ᕔᓃᓪᓗ ᑐᓂᕐᕈᑕᐅᔭᕆᐊᓖᑦ ᐃᓚᒋᓗᒋᑦ.
23“ᐅᓪᓗᐃᑦ ᓯᑕᒪᖓᓐᓂ, ᑐᓂᕐᕈᓯᕆᐊᖃᕐᐳᓯ ᐃᒻᒧᒃᓯᐅᒐᕐᓂᒃ 11ᓂᒃ ᐊᖑᓴᓪᓗᕐᓂᒃ, ᓰᐲᓂᒡᓗ ᐊᖑᓴᓪᓘᖕᓂᒃ ᒪᕐᕉᖕᓂᒃ, 14ᓂᒡᓗ ᓰᐱᐅᑉ ᓄᕐᕋᖏᓐᓂᒃ ᐊᑕᐅᓯᕐᒥᒃ ᐊᕐᕌᒍᖃᕐᑐᓂᒃ, ᓴᓗᒤᓐᓂᖃᖏᑦᑐᓂᒃ. 24ᐃᓚᖃᕐᓗᑎᒃ ᓂᐊᖂᔭᒃᓴᓂᒃ ᕔᓂᓂᒡᓗ ᐃᓚᒋᔭᕆᐊᖃᕐᑕᖏᓐᓂᒃ: ᐃᒻᒧᒃᓯᐅᒐᕐᓄᑦ ᐊᑐᓂᑦ, ᓰᐱᓄᑦ ᐊᖑᓴᓪᓗᕐᓄᑦ ᐊᑐᓂᑦ, ᓰᐱᐅᓪᓗ ᓄᕐᕋᖏᓐᓄᑦ, ᐅᓄᕐᓂᖏᑦ ᒪᓕᒡᓗᒋᑦ, ᒪᓕᒐᖅ ᒪᓕᒡᓗᒍ; 25ᐃᓚᓗᒋᑦ ᒎᑦᓯᒥᒃ ᐊᑕᐅᓯᕐᒥᒃ, ᐊᔪᕐᓂᕐᒥᑦ ᐃᓱᒪᒋᔪᓐᓁᕐᕕᐅᑦᔪᑎᒥᒃ, ᑐᓂᕐᕈᑕᐅᔭᕆᐊᓖᑦ ᐊᓯᐊᒍᑦ ᐃᑯᐊᓚᑎᑕᒃᓮᑦ ᓂᐊᖂᔭᒃᓮᓪᓗ ᐃᓚᒋᔭᕆᐊᖃᕐᑕᖏᑦ, ᕔᓃᓪᓗ ᑐᓂᕐᕈᑕᐅᔭᕆᐊᓖᑦ ᐃᓚᒋᓗᒋᑦ.
26“ᐅᓪᓗᐃᑦ ᑕᓪᓕᒪᖓᓐᓂ, ᑐᓂᕐᕈᓯᕆᐊᖃᕐᐳᓯ ᐃᒻᒧᒃᓯᐅᒐᕐᓂᒃ 9ᓂᒃ ᐊᖑᓴᓪᓗᕐᓂᒃ, ᓰᐲᓂᒡᓗ ᐊᖑᓴᓪᓘᖕᓂᒃ ᒪᕐᕉᖕᓂᒃ, 14ᓂᒡᓗ ᓰᐱᐅᑉ ᓄᕐᕋᖏᓐᓂᒃ ᐊᑕᐅᓯᕐᒥᒃ ᐊᕐᕌᒍᖃᕐᑐᓂᒃ, ᓴᓗᒤᓐᓂᖃᖏᑦᑐᓂᒃ. 27ᐃᓚᖃᕐᓗᑎᒃ ᓂᐊᖂᔭᒃᓴᓂᒃ ᕔᓂᓂᒡᓗ ᐃᓚᒋᔭᕆᐊᖃᕐᑕᖏᓐᓂᒃ: ᐃᒻᒧᒃᓯᐅᒐᕐᓄᑦ ᐊᑐᓂᑦ, ᓰᐱᓄᑦ ᐊᖑᓴᓪᓗᕐᓄᑦ ᐊᑐᓂᑦ, ᓰᐱᐅᓪᓗ ᓄᕐᕋᖏᓐᓄᑦ, ᐅᓄᕐᓂᖏᑦ ᒪᓕᒡᓗᒋᑦ, ᒪᓕᒐᖅ ᒪᓕᒡᓗᒍ; 28ᐃᓚᓗᒋᑦ ᒎᑦᓯᒥᒃ ᐊᑕᐅᓯᕐᒥᒃ, ᐊᔪᕐᓂᕐᒥᑦ ᐃᓱᒪᒋᔪᓐᓁᕐᕕᐅᑦᔪᑎᒥᒃ, ᑐᓂᕐᕈᑕᐅᔭᕆᐊᓖᑦ ᐊᓯᐊᒍᑦ ᐃᑯᐊᓚᑎᑕᒃᓮᑦ ᓂᐊᖂᔭᒃᓮᓪᓗ ᐃᓚᒋᔭᕆᐊᖃᕐᑕᖏᑦ, ᕔᓃᓪᓗ ᑐᓂᕐᕈᑕᐅᔭᕆᐊᓖᑦ ᐃᓚᒋᓗᒋᑦ.
29“ᐅᓪᓗᐃᑦ 6ᖓᓐᓂ, ᑐᓂᕐᕈᓯᕆᐊᖃᕐᐳᓯ ᐃᒻᒧᒃᓯᐅᒐᕐᓂᒃ 8ᓂᒃ ᐊᖑᓴᓪᓗᕐᓂᒃ, ᓰᐲᓂᒡᓗ ᐊᖑᓴᓪᓘᖕᓂᒃ ᒪᕐᕉᖕᓂᒃ, 14ᓂᒡᓗ ᓰᐱᐅᑉ ᓄᕐᕋᖏᓐᓂᒃ ᐊᑕᐅᓯᕐᒥᒃ ᐊᕐᕌᒍᖃᕐᑐᓂᒃ, ᓴᓗᒤᓐᓂᖃᖏᑦᑐᓂᒃ. 30ᐃᓚᖃᕐᓗᑎᒃ ᓂᐊᖂᔭᒃᓴᓂᒃ ᕔᓂᓂᒡᓗ ᐃᓚᒋᔭᕆᐊᖃᕐᑕᖏᓐᓂᒃ: ᐃᒻᒧᒃᓯᐅᒐᕐᓄᑦ ᐊᑐᓂᑦ, ᓰᐱᓄᑦ ᐊᖑᓴᓪᓗᕐᓄᑦ ᐊᑐᓂᑦ, ᐅᓄᕐᓂᖏᑦ ᒪᓕᒡᓗᒋᑦ, ᒪᓕᒐᖅ ᒪᓕᒡᓗᒍ; 31ᐃᓚᓗᒋᑦ ᒎᑦᓯᒥᒃ ᐊᑕᐅᓯᕐᒥᒃ, ᐊᔪᕐᓂᕐᒥᑦ ᐃᓱᒪᒋᔪᓐᓁᕐᕕᐅᑦᔪᑎᒥᒃ, ᑐᓂᕐᕈᑕᐅᔭᕆᐊᓖᑦ ᐊᓯᐊᒍᑦ ᐃᑯᐊᓚᑎᑕᒃᓮᑦ ᓂᐊᖂᔭᒃᓮᓪᓗ ᐃᓚᒋᔭᕆᐊᖃᕐᑕᖏᑦ, ᕔᓃᓪᓗ ᑐᓂᕐᕈᑕᐅᔭᕆᐊᓖᑦ ᐃᓚᒋᓗᒋᑦ.
32“ᐅᓪᓗᐃᑦ 7ᖓᓐᓂ, ᑐᓂᕐᕈᓯᕆᐊᖃᕐᐳᓯ ᐃᒻᒧᒃᓯᐅᒐᕐᓂᒃ 7ᓂᒃ ᐊᖑᓴᓪᓗᕐᓂᒃ, ᓰᐲᓂᒡᓗ ᐊᖑᓴᓪᓘᖕᓂᒃ ᒪᕐᕉᖕᓂᒃ, 14ᓂᒡᓗ ᓰᐱᐅᑉ ᓄᕐᕋᖏᓐᓂᒃ ᐊᑕᐅᓯᕐᒥᒃ ᐊᕐᕌᒍᖃᕐᑐᓂᒃ, ᓴᓗᒤᓐᓂᖃᖏᑦᑐᓂᒃ. 33ᐃᓚᖃᕐᓗᑎᒃ ᓂᐊᖂᔭᒃᓴᓂᒃ ᕔᓂᓂᒡᓗ ᐃᓚᒋᔭᕆᐊᖃᕐᑕᖏᓐᓂᒃ: ᐃᒻᒧᒃᓯᐅᒐᕐᓄᑦ ᐊᑐᓂᑦ, ᓰᐱᓄᑦ ᐊᖑᓴᓪᓗᕐᓄᑦ ᐊᑐᓂᑦ, ᐅᓄᕐᓂᖏᑦ ᒪᓕᒡᓗᒋᑦ, ᒪᓕᒐᖅ ᒪᓕᒡᓗᒍ; 34ᐃᓚᓗᒋᑦ ᒎᑦᓯᒥᒃ ᐊᑕᐅᓯᕐᒥᒃ, ᐊᔪᕐᓂᕐᒥᑦ ᐃᓱᒪᒋᔪᓐᓁᕐᕕᐅᑦᔪᑎᒥᒃ, ᑐᓂᕐᕈᑕᐅᔭᕆᐊᓖᑦ ᐊᓯᐊᒍᑦ ᐃᑯᐊᓚᑎᑕᒃᓮᑦ ᓂᐊᖂᔭᒃᓮᓪᓗ ᐃᓚᒋᔭᕆᐊᖃᕐᑕᖏᑦ, ᕔᓃᓪᓗ ᑐᓂᕐᕈᑕᐅᔭᕆᐊᓖᑦ ᐃᓚᒋᓗᒋᑦ.
35“ᐅᓪᓗᐃᑦ 8ᖓᓂ ᐃᑦᔪᕐᓁᑦᑐᒥᒃ ᑲᑎᒪᔭᕆᐊᖃᕐᐳᓯ. ᓴᓇᕙᒃᑕᑦᓯᓐᓂᒃ ᐱᓇᓱᐊᕆᐊᖃᓐᖏᓚᓯ. 36ᑐᓂᕐᕈᓯᕐᓗᓯ ᐃᑯᐊᓚᑎᑕᒃᓴᒥᒃ ᑎᐱᑦᓯᐊᕆᒃᑐᒥᒃ ᐊᑕᓂᕐᒧᑦ: ᐃᒻᒧᒃᓯᐅᒐᕐᒥᒃ ᐊᑕᐅᓯᕐᒥᒃ ᐊᖑᓴᓪᓗᕐᒥᒃ, ᓰᐱᒥᒡᓗ ᐊᖑᓴᓪᓗᕐᒥᒃ ᐊᑕᐅᓯᕐᒥᒃ, 7ᓂᒡᓗ ᓰᐱᐅᑉ ᓄᕐᕋᖏᓐᓂᒃ ᐊᑕᐅᓯᕐᒥᒃ ᐊᕐᕌᒍᖃᕐᑐᓂᒃ, ᓴᓗᒤᓐᓂᖃᖏᑦᑐᓂᒃ. 37ᐃᓚᖃᕐᓗᑎᒃ ᓂᐊᖂᔭᒃᓴᓂᒃ ᕔᓂᓂᒡᓗ ᐃᓚᒋᔭᕆᐊᖃᕐᑕᖏᓐᓂᒃ: ᐃᒻᒧᒃᓯᐅᒐᕐᓄᑦ ᐊᑐᓂᑦ, ᓰᐱᓄᑦ ᐊᖑᓴᓪᓗᕐᓄᑦ ᐊᑐᓂᑦ, ᓰᐱᐅᓪᓗ ᓄᕐᕋᖏᓐᓄᑦ, ᐅᓄᕐᓂᖏᑦ ᒪᓕᒡᓗᒋᑦ, ᒪᓕᒐᖅ ᒪᓕᒡᓗᒍ; 38ᐃᓚᓗᒋᑦ ᒎᑦᓯᒥᒃ ᐊᑕᐅᓯᕐᒥᒃ, ᐊᔪᕐᓂᕐᒥᑦ ᐃᓱᒪᒋᔪᓐᓁᕐᕕᐅᑦᔪᑎᒥᒃ, ᑐᓂᕐᕈᑕᐅᔭᕆᐊᓖᑦ ᐊᓯᐊᒍᑦ ᐃᑯᐊᓚᑎᑕᒃᓮᑦ ᓂᐊᖂᔭᒃᓮᓪᓗ ᐃᓚᒋᔭᕆᐊᖃᕐᑕᖏᑦ, ᕔᓃᓪᓗ ᑐᓂᕐᕈᑕᐅᔭᕆᐊᓖᑦ ᐃᓚᒋᓗᒋᑦ.
39“ᑖᒃᑯᐊ ᐊᑕᓂᕐᒧᑦ ᑐᓂᕐᕈᑎᒋᔭᕆᐊᖃᕐᐸᓯ ᓇᓪᓕᐅᓐᓂᕐᓯᐅᕐᓃᑦ ᓇᓪᓕᐅᑎᔭᕌᖓᑕ, ᐊᖏᕈᑎᖃᕐᓂᕐᒧᑦ ᑐᓂᕐᕈᑏᑦ ᐊᒻᒪᓗ ᑐᓂᕐᕈᓯᕆᐊᖃᕐᓂᕐᒧᑦ ᑐᓂᕐᕈᑎᑦ ᐊᓯᐊᑦᑎᒍᑦ ᑐᓂᕐᕈᑎᒋᓗᓯᐅᒃ ᐃᑯᐊᓚᑎᑕᒃᓴᐅᓗᑎᒃ ᓂᐊᖂᔭᒃᓴᓪᓗ ᑐᓂᕐᕈᑕᐅᓂᖏᓐᓂ, ᕔᓃᓪᓗ ᑐᓂᕐᕈᑕᐅᓂᖏᓐᓂ ᓮᒪᓂᖃᕐᓂᕐᒧᓪᓗ ᑐᓂᕐᕈᑎᑦᓯᓐᓂ.”
40ᒨᓯᓯᐅᑉ ᐃᓴᕆᐊᓕᒥᐅᑦ ᐅᖃᕆᐊᖃᕐᑕᓕᒫᒥᓂᒃ ᐅᖃᕐᕕᒋᕔᑦ, ᐊᑕᓂᐅᑉ ᒨᓯᓯ ᑍᒫᒃ ᐱᖁᓚᐅᕐᒪᒍ.
Currently Selected:
ᒨᓯᓯ ᓯᑕᒪᖏᑦ 29: EAIB
Highlight
Copy
Compare
Share
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.
ᒨᓯᓯ ᓯᑕᒪᖏᑦ 29
29
ᐊᕐᕌᒍ ᐱᒋᐊᕐᓂᖓᓂ ᑐᓂᕐᕈᑏᑦ
ᒨᓯᓯ ᐱᖓᔪᖏᑦ 23:23-25
1“ᑕᖅᑮᑦ 7ᖓᑦᑕ, ᐅᓪᓗᖓᑕ ᓯᕗᓪᓕᕐᐹᖓᓂ, ᑐᒃᓯᐊᕆᐊᕐᑐᒃᓴᐅᕗᓯ ᐃᑦᔪᕐᓁᑦᑐᒥᒃ ᑍᓗᒍ. ᓴᓇᕙᒃᑕᓯᓐᓂᒃ ᐱᓇᓱᐊᕆᐊᖃᓐᖏᓚᓯ. ᐅᓪᓗᒥ ᑕᕝᕙᓂ ᑎᑦᑐᓚᐅᑎᑦ ᓂᓪᓕᐊᑎᑕᐅᔭᕆᐊᖃᕐᐳᑦ. 2ᑐᓂᕐᕈᓯᕐᓗᓯ ᐃᑯᐊᓚᑎᑕᒃᓴᒥᒃ ᑎᐱᑦᓯᐊᕆᒃᑐᒥᒃ ᐊᑕᓂᕐᒧᑦ: ᐃᒻᒧᒃᓯᐅᒐᕐᒥᒃ ᐊᑕᐅᓯᕐᒥᒃ ᐊᖑᓴᓪᓗᕐᒥᒃ, ᓰᐱᒥᒡᓗ ᐊᖑᓴᓪᓗᕐᒥᒃ ᐊᑕᐅᓯᕐᒥᒃ, 7ᓂᒡᓗ ᓰᐱᐅᑉ ᓄᕐᕋᖏᓐᓂᒃ ᐊᑕᐅᓯᕐᒥᒃ ᐊᕐᕌᒍᖃᕐᑐᓂᒃ, ᓴᓗᒤᓐᓂᖃᖏᑦᑐᓂᒃ. 3ᐃᓚᖃᕐᓗᑎᒃ ᓂᐊᖂᔭᒃᓴᓂᒃ ᓯᖃᓕᑦᓯᐊᕐᓯᒪᔪᓂᒃ ᑐᓂᕐᕈᑎᓂᒃ ᐅᕐᓱᒥᒃ ᐃᓚᓯᒪᔪᓂᒃ: ᐆᒃᑑᑦ 3/10ᐃᕝᕙ ᐃᒻᒧᒃᓯᐅᒐᕐᒧᑦ ᐊᑕᐅᓯᕐᒧᑦ ᐊᑐᓂᑦ, ᐆᒃᑑᑦ 2/10ᐃᕝᕙ ᓰᐱᒧᑦ ᐊᖑᓴᓪᓗᕐᒧᑦ ᐊᑐᓂᑦ, 4ᐆᒃᑑᑦ 1/10ᐃᕝᕙ ᓰᐱᐅᑉ ᓄᕐᕋᖏᓐᓄᑦ 7ᓄᑦ ᐊᑐᓂᑦ; 5ᐃᓚᓗᒋᑦ ᒎᑦᓯᐅᑉ ᓄᕐᕋᖓᓂᒃ ᐊᑕᐅᓯᕐᒥᒃ, ᐊᔪᕐᓂᕐᒥᑦ ᐃᓱᒪᒋᔪᓐᓁᕐᕕᐅᑦᔪᑎᒥᒃ. 6ᐊᓯᐊᑦᑎᒍᑦ ᑐᓂᕐᕈᑎᑦ ᐃᑯᐊᓚᑎᑕᒃᓮᑦ ᓂᐊᖂᔭᒃᓴᓂᒃ ᐃᓚᖃᕐᓗᑎᒃ ᑕᖅᑭᐅᑉ ᐱᒋᐊᓕᕐᓂᖓ ᐱᑦᔪᑎᒋᓗᒍ, ᐃᑯᐊᓪᓚᒃᑕᐅᔭᕆᐊᓖᑦ ᑍᒪᓐᖓᑦ ᑐᓂᕐᕈᑎᒋᓗᒋᑦ ᓂᐊᖂᔭᒃᓮᓪᓗ ᐱᔭᕆᐊᓖᑦ ᐱᖃᓯᐅᑎᓗᒋᑦ, ᕔᓃᓪᓗ ᑐᓂᕐᕈᑕᐅᔭᕆᐊᓖᑦ, ᒪᓕᒐᖏᑦ ᒪᓕᒡᓗᒋᑦ, ᑎᐱᑦᓯᐊᕆᒃᑑᓗᑎᒃ, ᐃᑯᐊᓚᑎᓪᓗᒋᑦ ᑐᓂᕐᕈᑎᒃᓮᑦ ᐊᑕᓂᕐᒧᑦ.”
ᑐᓂᕐᕈᑎᑦ ᐊᔪᕐᓃᑦ ᐃᓱᒪᒋᔪᓐᓁᕐᑕᐅᕕᐊᓂ
ᒨᓯᓯ ᐱᖓᔪᖏᑦ 23:26-32
7 #
ᒨᓯᓯ ᐱᖓᔪᖏᑦ 16:29-34. “ᐅᓪᓗᐃᑦ 10ᖓᓂ ᑕᖅᑮᑦ 7ᖓᓐᓂ, ᑐᒃᓯᐊᕆᐊᕐᓯᒪᔭᕆᐊᖃᕐᐳᓯ ᐃᑦᔪᕐᓁᑦᑐᒥᒃ ᑍᓗᒍ. ᑕᕐᓂᓯ ᑐᓂᔭᕆᐊᖃᕐᐸᓯ; ᓴᓇᕙᒃᑕᑦᓯᓐᓂᒃ ᐱᓇᓱᐊᕆᐊᖃᓐᖏᓚᓯ. 8ᑐᓂᕐᕈᓯᕐᓗᓯ ᐃᑯᐊᓚᑎᑕᒃᓴᒥᒃ ᑎᐱᑦᓯᐊᕆᒃᑐᒥᒃ ᐊᑕᓂᕐᒧᑦ: ᐃᒻᒧᒃᓯᐅᒐᕐᒥᒃ ᐊᑕᐅᓯᕐᒥᒃ ᐊᖑᓴᓪᓗᕐᒥᒃ, ᓰᐱᒥᒡᓗ ᐊᖑᓴᓪᓗᕐᒥᒃ ᐊᑕᐅᓯᕐᒥᒃ, 7ᓂᒡᓗ ᓰᐱᐅᑉ ᓄᕐᕋᖏᓐᓂᒃ ᐊᑕᐅᓯᕐᒥᒃ ᐊᕐᕌᒍᖃᕐᑐᓂᒃ, ᓴᓗᒤᓐᓂᖃᖏᑦᑐᓂᒃ. 9ᐃᓚᖃᕐᓗᑎᒃ ᓂᐊᖂᔭᒃᓴᓂᒃ ᓯᖃᓕᑦᓯᐊᕐᓯᒪᔪᓂᒃ ᑐᓂᕐᕈᑎᓂᒃ ᐅᕐᓱᒥᒃ ᐃᓚᓯᒪᔪᓂᒃ: ᐆᒃᑑᑦ 3/10ᐃᕝᕙ ᐃᒻᒧᒃᓯᐅᒐᕐᒧᑦ ᐊᑕᐅᓯᕐᒧᑦ ᐊᑐᓂᑦ, ᐆᒃᑑᑦ 2/10ᐃᕝᕙ ᓰᐱᒧᑦ ᐊᖑᓴᓪᓗᕐᒧᑦ ᐊᑐᓂᑦ, 10ᐆᒃᑑᑦ 1/10ᐃᕝᕙ ᓰᐱᐅᑉ ᓄᕐᕋᖏᓐᓄᑦ 7ᓄᑦ ᐊᑐᓂᑦ; 11ᐃᓚᓗᒋᑦ ᒎᑦᓯᐅᑉ ᓄᕐᕋᖓᓂᒃ ᐊᑕᐅᓯᕐᒥᒃ, ᐊᔪᕐᓂᕐᒥᑦ ᐃᓱᒪᒋᔪᓐᓁᕐᕕᐅᑦᔪᑎᒥᒃ, ᑐᓂᕐᕈᑕᐅᔭᕆᐊᓖᑦ ᐊᓯᐊᒍᑦ ᐃᑯᐊᓚᑎᑕᒃᓮᑦ ᓂᐊᖂᔭᒃᓮᓪᓗ ᐃᓚᒋᔭᕆᐊᖃᕐᑕᖏᑦ, ᕔᓃᓪᓗ ᑐᓂᕐᕈᑕᐅᔭᕆᐊᓖᑦ ᐃᓚᒋᓗᒋᑦ.”
ᑐᓂᕐᕈᓯᕐᓃᑦ ᑐᐱᕐᓯᒪᓪᓗᑎᒃ ᓇᓪᓕᐅᓐᓂᕐᓯᐅᕐᕕᖕᒥ
ᒨᓯᓯ ᐱᖓᔪᖏᑦ 23:33-44
12 #
ᒨᓯᓯ ᐱᖓᔪᖏᑦ 23:34; ᒨᓯᓯ ᑕᓪᓕᒪᖏᑦ 16:13-15. “ᐅᓪᓗᐃᑦ 15ᖓᓂ ᑕᖅᑮᑦ 7ᖓᓐᓂ, ᑐᒃᓯᐊᕆᐊᕐᓯᒪᔭᕆᐊᖃᕐᐳᓯ ᐃᑦᔪᕐᓁᑦᑐᒥᒃ ᑍᓗᒍ. ᑕᕐᓂᓯ ᑐᓂᔭᕆᐊᖃᕐᐸᓯ; ᓴᓇᕙᒃᑕᓯᓐᓂᒃ ᐱᓇᓱᐊᕆᐊᖃᓐᖏᓚᓯ, ᐊᑕᓂᕐᒧᑦ ᓇᓪᓕᐅᓐᓂᕐᓯᐅᕆᐊᖃᕐᐳᓯ ᐅᓪᓗᓂᒃ 7ᓂᒃ. 13ᑐᓂᕐᕈᓯᕐᓗᓯ ᐃᑯᐊᓚᑎᑕᒃᓴᒥᒃ, ᑎᐱᑦᓯᐊᕆᒃᑐᒥᒃ ᐊᑕᓂᕐᒧᑦ: ᐃᒻᒧᒃᓯᐅᒐᕐᓂᒃ 13ᓂᒃ ᐊᖑᓴᓪᓗᕐᓂᒃ, ᓰᐲᖕᓂᒡᓗ ᐊᖑᓴᓪᓘᖕᓂᒃ ᒪᕐᕉᖕᓂᒃ, 14ᓂᒡᓗ ᓰᐱᐅᑉ ᓄᕐᕋᖏᓐᓂᒃ ᐊᑕᐅᓯᕐᒥᒃ ᐊᕐᕌᒍᖃᕐᑐᓂᒃ, ᓴᓗᒤᓐᓂᖃᖏᑦᑐᓂᒃ. 14ᐃᓚᖃᕐᓗᑎᒃ ᓂᐊᖂᔭᒃᓴᓂᒃ ᓯᖃᓕᑦᓯᐊᕐᓯᒪᔪᓂᒃ ᑐᓂᕐᕈᑎᓂᒃ ᐅᕐᓱᒥᒃ ᐃᓚᓯᒪᔪᓂᒃ: ᐆᒃᑑᑦ 3/10ᐃᕝᕙ ᐃᒻᒧᒃᓯᐅᒐᕐᓄᑦ 13ᓄᑦ ᐊᑐᓂᑦ, ᐆᒃᑑᑦ 2/10ᐃᕝᕙ ᓰᐱᓄᑦ ᐊᖑᓴᓪᓗᕐᓄᑦ ᐊᑐᓂᑦ, 15ᐆᒃᑑᑦ 1/10ᐃᕝᕙ ᓰᐱᐅᑉ ᓄᕐᕋᖏᓐᓄᑦ 14ᓄᑦ ᐊᑐᓂᑦ; 16ᐃᓚᓗᒋᑦ ᒎᑦᓯᐅᑉ ᓄᕐᕋᖓᓂᒃ ᐊᑕᐅᓯᕐᒥᒃ, ᐊᔪᕐᓂᕐᒥᑦ ᐃᓱᒪᒋᔪᓐᓁᕐᕕᐅᑦᔪᑎᒥᒃ, ᑐᓂᕐᕈᑕᐅᔭᕆᐊᓖᑦ ᐊᓯᐊᒍᑦ ᐃᑯᐊᓚᑎᑕᒃᓮᑦ ᓂᐊᖂᔭᒃᓮᓪᓗ ᐃᓚᒋᔭᕆᐊᖃᕐᑕᖏᑦ, ᕔᓃᓪᓗ ᑐᓂᕐᕈᑕᐅᔭᕆᐊᓖᑦ ᐃᓚᒋᓗᒋᑦ.
17“ᐅᓪᓗᐃᑦ ᐂᑉᐸᖓᓂ, ᑐᓂᕐᕈᓯᕆᐊᖃᕐᐳᓯ ᐃᒻᒧᒃᓯᐅᒐᕐᓂᒃ ᐊᖑᓴᓪᓗᕐᓂᒃ 12ᓂᒃ, ᓰᐲᖕᓂᒡᓗ ᐊᖑᓴᓪᓘᖕᓂᒃ ᒪᕐᕉᖕᓂᒃ, 14ᓂᒡᓗ ᓰᐱᐅᑉ ᓄᕐᕋᖏᓐᓂᒃ ᐊᑕᐅᓯᕐᒥᒃ ᐊᕐᕌᒍᖃᕐᑐᓂᒃ, ᓴᓗᒤᓐᓂᖃᖏᑦᑐᓂᒃ. 18ᐃᓚᖃᕐᓗᑎᒃ ᓂᐊᖂᔭᒃᓴᓂᒃ ᕔᓂᓂᒡᓗ ᐃᓚᒋᔭᕆᐊᖃᕐᑕᖏᓐᓂᒃ: ᐃᒻᒧᒃᓯᐅᒐᕐᓄᑦ ᐊᑐᓂᑦ, ᓰᐱᓄᑦ ᐊᖑᓴᓪᓗᕐᓄᑦ ᐊᑐᓂᑦ, ᓰᐱᐅᓪᓗ ᓄᕐᕋᖏᓐᓄᑦ, ᐅᓄᕐᓂᖏᑦ ᒪᓕᒡᓗᒋᑦ, ᒪᓕᒐᖅ ᒪᓕᒡᓗᒍ; 19ᐃᓚᓗᒋᑦ ᒎᑦᓯᐅᑉ ᓄᕐᕋᖓᓂᒃ ᐊᑕᐅᓯᕐᒥᒃ, ᐊᔪᕐᓂᕐᒥᑦ ᐃᓱᒪᒋᔪᓐᓁᕐᕕᐅᑦᔪᑎᒥᒃ, ᑐᓂᕐᕈᑕᐅᔭᕆᐊᓖᑦ ᐊᓯᐊᒍᑦ ᐃᑯᐊᓚᑎᑕᒃᓮᑦ ᓂᐊᖂᔭᒃᓮᓪᓗ ᐃᓚᒋᔭᕆᐊᖃᕐᑕᖏᑦ, ᕔᓃᓪᓗ ᑐᓂᕐᕈᑕᐅᔭᕆᐊᓖᑦ ᐃᓚᒋᓗᒋᑦ.
20“ᐅᓪᓗᐃᑦ ᐱᖓᔪᐊᓐᓂ, ᑐᓂᕐᕈᓯᕆᐊᖃᕐᐳᓯ ᐃᒻᒧᒃᓯᐅᒐᕐᓂᒃ 11ᓂᒃ ᐊᖑᓴᓪᓗᕐᓂᒃ, ᓰᐲᖕᓂᒡᓗ ᐊᖑᓴᓪᓘᖕᓂᒃ ᒪᕐᕉᖕᓂᒃ, 14ᓂᒡᓗ ᓰᐱᐅᑉ ᓄᕐᕋᖏᓐᓂᒃ ᐊᑕᐅᓯᕐᒥᒃ ᐊᕐᕌᒍᖃᕐᑐᓂᒃ, ᓴᓗᒤᓐᓂᖃᖏᑦᑐᓂᒃ. 21ᐃᓚᖃᕐᓗᑎᒃ ᓂᐊᖂᔭᒃᓴᓂᒃ ᕔᓂᓂᒡᓗ ᐃᓚᒋᔭᕆᐊᖃᕐᑕᖏᓐᓂᒃ: ᐃᒻᒧᒃᓯᐅᒐᕐᓄᑦ ᐊᑐᓂᑦ, ᓰᐱᓄᑦ ᐊᖑᓴᓪᓗᕐᓄᑦ ᐊᑐᓂᑦ, ᓰᐱᐅᓪᓗ ᓄᕐᕋᖏᓐᓄᑦ, ᐅᓄᕐᓂᖏᑦ ᒪᓕᒡᓗᒋᑦ, ᒪᓕᒐᖅ ᒪᓕᒡᓗᒍ; 22ᐃᓚᓗᒋᑦ ᒎᑦᓯᒥᒃ ᐊᑕᐅᓯᕐᒥᒃ, ᐊᔪᕐᓂᕐᒥᑦ ᐃᓱᒪᒋᔪᓐᓁᕐᕕᐅᑦᔪᑎᒥᒃ, ᑐᓂᕐᕈᑕᐅᔭᕆᐊᓖᑦ ᐊᓯᐊᒍᑦ ᐃᑯᐊᓚᑎᑕᒃᓮᑦ ᓂᐊᖂᔭᒃᓮᓪᓗ ᐃᓚᒋᔭᕆᐊᖃᕐᑕᖏᑦ, ᕔᓃᓪᓗ ᑐᓂᕐᕈᑕᐅᔭᕆᐊᓖᑦ ᐃᓚᒋᓗᒋᑦ.
23“ᐅᓪᓗᐃᑦ ᓯᑕᒪᖓᓐᓂ, ᑐᓂᕐᕈᓯᕆᐊᖃᕐᐳᓯ ᐃᒻᒧᒃᓯᐅᒐᕐᓂᒃ 11ᓂᒃ ᐊᖑᓴᓪᓗᕐᓂᒃ, ᓰᐲᓂᒡᓗ ᐊᖑᓴᓪᓘᖕᓂᒃ ᒪᕐᕉᖕᓂᒃ, 14ᓂᒡᓗ ᓰᐱᐅᑉ ᓄᕐᕋᖏᓐᓂᒃ ᐊᑕᐅᓯᕐᒥᒃ ᐊᕐᕌᒍᖃᕐᑐᓂᒃ, ᓴᓗᒤᓐᓂᖃᖏᑦᑐᓂᒃ. 24ᐃᓚᖃᕐᓗᑎᒃ ᓂᐊᖂᔭᒃᓴᓂᒃ ᕔᓂᓂᒡᓗ ᐃᓚᒋᔭᕆᐊᖃᕐᑕᖏᓐᓂᒃ: ᐃᒻᒧᒃᓯᐅᒐᕐᓄᑦ ᐊᑐᓂᑦ, ᓰᐱᓄᑦ ᐊᖑᓴᓪᓗᕐᓄᑦ ᐊᑐᓂᑦ, ᓰᐱᐅᓪᓗ ᓄᕐᕋᖏᓐᓄᑦ, ᐅᓄᕐᓂᖏᑦ ᒪᓕᒡᓗᒋᑦ, ᒪᓕᒐᖅ ᒪᓕᒡᓗᒍ; 25ᐃᓚᓗᒋᑦ ᒎᑦᓯᒥᒃ ᐊᑕᐅᓯᕐᒥᒃ, ᐊᔪᕐᓂᕐᒥᑦ ᐃᓱᒪᒋᔪᓐᓁᕐᕕᐅᑦᔪᑎᒥᒃ, ᑐᓂᕐᕈᑕᐅᔭᕆᐊᓖᑦ ᐊᓯᐊᒍᑦ ᐃᑯᐊᓚᑎᑕᒃᓮᑦ ᓂᐊᖂᔭᒃᓮᓪᓗ ᐃᓚᒋᔭᕆᐊᖃᕐᑕᖏᑦ, ᕔᓃᓪᓗ ᑐᓂᕐᕈᑕᐅᔭᕆᐊᓖᑦ ᐃᓚᒋᓗᒋᑦ.
26“ᐅᓪᓗᐃᑦ ᑕᓪᓕᒪᖓᓐᓂ, ᑐᓂᕐᕈᓯᕆᐊᖃᕐᐳᓯ ᐃᒻᒧᒃᓯᐅᒐᕐᓂᒃ 9ᓂᒃ ᐊᖑᓴᓪᓗᕐᓂᒃ, ᓰᐲᓂᒡᓗ ᐊᖑᓴᓪᓘᖕᓂᒃ ᒪᕐᕉᖕᓂᒃ, 14ᓂᒡᓗ ᓰᐱᐅᑉ ᓄᕐᕋᖏᓐᓂᒃ ᐊᑕᐅᓯᕐᒥᒃ ᐊᕐᕌᒍᖃᕐᑐᓂᒃ, ᓴᓗᒤᓐᓂᖃᖏᑦᑐᓂᒃ. 27ᐃᓚᖃᕐᓗᑎᒃ ᓂᐊᖂᔭᒃᓴᓂᒃ ᕔᓂᓂᒡᓗ ᐃᓚᒋᔭᕆᐊᖃᕐᑕᖏᓐᓂᒃ: ᐃᒻᒧᒃᓯᐅᒐᕐᓄᑦ ᐊᑐᓂᑦ, ᓰᐱᓄᑦ ᐊᖑᓴᓪᓗᕐᓄᑦ ᐊᑐᓂᑦ, ᓰᐱᐅᓪᓗ ᓄᕐᕋᖏᓐᓄᑦ, ᐅᓄᕐᓂᖏᑦ ᒪᓕᒡᓗᒋᑦ, ᒪᓕᒐᖅ ᒪᓕᒡᓗᒍ; 28ᐃᓚᓗᒋᑦ ᒎᑦᓯᒥᒃ ᐊᑕᐅᓯᕐᒥᒃ, ᐊᔪᕐᓂᕐᒥᑦ ᐃᓱᒪᒋᔪᓐᓁᕐᕕᐅᑦᔪᑎᒥᒃ, ᑐᓂᕐᕈᑕᐅᔭᕆᐊᓖᑦ ᐊᓯᐊᒍᑦ ᐃᑯᐊᓚᑎᑕᒃᓮᑦ ᓂᐊᖂᔭᒃᓮᓪᓗ ᐃᓚᒋᔭᕆᐊᖃᕐᑕᖏᑦ, ᕔᓃᓪᓗ ᑐᓂᕐᕈᑕᐅᔭᕆᐊᓖᑦ ᐃᓚᒋᓗᒋᑦ.
29“ᐅᓪᓗᐃᑦ 6ᖓᓐᓂ, ᑐᓂᕐᕈᓯᕆᐊᖃᕐᐳᓯ ᐃᒻᒧᒃᓯᐅᒐᕐᓂᒃ 8ᓂᒃ ᐊᖑᓴᓪᓗᕐᓂᒃ, ᓰᐲᓂᒡᓗ ᐊᖑᓴᓪᓘᖕᓂᒃ ᒪᕐᕉᖕᓂᒃ, 14ᓂᒡᓗ ᓰᐱᐅᑉ ᓄᕐᕋᖏᓐᓂᒃ ᐊᑕᐅᓯᕐᒥᒃ ᐊᕐᕌᒍᖃᕐᑐᓂᒃ, ᓴᓗᒤᓐᓂᖃᖏᑦᑐᓂᒃ. 30ᐃᓚᖃᕐᓗᑎᒃ ᓂᐊᖂᔭᒃᓴᓂᒃ ᕔᓂᓂᒡᓗ ᐃᓚᒋᔭᕆᐊᖃᕐᑕᖏᓐᓂᒃ: ᐃᒻᒧᒃᓯᐅᒐᕐᓄᑦ ᐊᑐᓂᑦ, ᓰᐱᓄᑦ ᐊᖑᓴᓪᓗᕐᓄᑦ ᐊᑐᓂᑦ, ᐅᓄᕐᓂᖏᑦ ᒪᓕᒡᓗᒋᑦ, ᒪᓕᒐᖅ ᒪᓕᒡᓗᒍ; 31ᐃᓚᓗᒋᑦ ᒎᑦᓯᒥᒃ ᐊᑕᐅᓯᕐᒥᒃ, ᐊᔪᕐᓂᕐᒥᑦ ᐃᓱᒪᒋᔪᓐᓁᕐᕕᐅᑦᔪᑎᒥᒃ, ᑐᓂᕐᕈᑕᐅᔭᕆᐊᓖᑦ ᐊᓯᐊᒍᑦ ᐃᑯᐊᓚᑎᑕᒃᓮᑦ ᓂᐊᖂᔭᒃᓮᓪᓗ ᐃᓚᒋᔭᕆᐊᖃᕐᑕᖏᑦ, ᕔᓃᓪᓗ ᑐᓂᕐᕈᑕᐅᔭᕆᐊᓖᑦ ᐃᓚᒋᓗᒋᑦ.
32“ᐅᓪᓗᐃᑦ 7ᖓᓐᓂ, ᑐᓂᕐᕈᓯᕆᐊᖃᕐᐳᓯ ᐃᒻᒧᒃᓯᐅᒐᕐᓂᒃ 7ᓂᒃ ᐊᖑᓴᓪᓗᕐᓂᒃ, ᓰᐲᓂᒡᓗ ᐊᖑᓴᓪᓘᖕᓂᒃ ᒪᕐᕉᖕᓂᒃ, 14ᓂᒡᓗ ᓰᐱᐅᑉ ᓄᕐᕋᖏᓐᓂᒃ ᐊᑕᐅᓯᕐᒥᒃ ᐊᕐᕌᒍᖃᕐᑐᓂᒃ, ᓴᓗᒤᓐᓂᖃᖏᑦᑐᓂᒃ. 33ᐃᓚᖃᕐᓗᑎᒃ ᓂᐊᖂᔭᒃᓴᓂᒃ ᕔᓂᓂᒡᓗ ᐃᓚᒋᔭᕆᐊᖃᕐᑕᖏᓐᓂᒃ: ᐃᒻᒧᒃᓯᐅᒐᕐᓄᑦ ᐊᑐᓂᑦ, ᓰᐱᓄᑦ ᐊᖑᓴᓪᓗᕐᓄᑦ ᐊᑐᓂᑦ, ᐅᓄᕐᓂᖏᑦ ᒪᓕᒡᓗᒋᑦ, ᒪᓕᒐᖅ ᒪᓕᒡᓗᒍ; 34ᐃᓚᓗᒋᑦ ᒎᑦᓯᒥᒃ ᐊᑕᐅᓯᕐᒥᒃ, ᐊᔪᕐᓂᕐᒥᑦ ᐃᓱᒪᒋᔪᓐᓁᕐᕕᐅᑦᔪᑎᒥᒃ, ᑐᓂᕐᕈᑕᐅᔭᕆᐊᓖᑦ ᐊᓯᐊᒍᑦ ᐃᑯᐊᓚᑎᑕᒃᓮᑦ ᓂᐊᖂᔭᒃᓮᓪᓗ ᐃᓚᒋᔭᕆᐊᖃᕐᑕᖏᑦ, ᕔᓃᓪᓗ ᑐᓂᕐᕈᑕᐅᔭᕆᐊᓖᑦ ᐃᓚᒋᓗᒋᑦ.
35“ᐅᓪᓗᐃᑦ 8ᖓᓂ ᐃᑦᔪᕐᓁᑦᑐᒥᒃ ᑲᑎᒪᔭᕆᐊᖃᕐᐳᓯ. ᓴᓇᕙᒃᑕᑦᓯᓐᓂᒃ ᐱᓇᓱᐊᕆᐊᖃᓐᖏᓚᓯ. 36ᑐᓂᕐᕈᓯᕐᓗᓯ ᐃᑯᐊᓚᑎᑕᒃᓴᒥᒃ ᑎᐱᑦᓯᐊᕆᒃᑐᒥᒃ ᐊᑕᓂᕐᒧᑦ: ᐃᒻᒧᒃᓯᐅᒐᕐᒥᒃ ᐊᑕᐅᓯᕐᒥᒃ ᐊᖑᓴᓪᓗᕐᒥᒃ, ᓰᐱᒥᒡᓗ ᐊᖑᓴᓪᓗᕐᒥᒃ ᐊᑕᐅᓯᕐᒥᒃ, 7ᓂᒡᓗ ᓰᐱᐅᑉ ᓄᕐᕋᖏᓐᓂᒃ ᐊᑕᐅᓯᕐᒥᒃ ᐊᕐᕌᒍᖃᕐᑐᓂᒃ, ᓴᓗᒤᓐᓂᖃᖏᑦᑐᓂᒃ. 37ᐃᓚᖃᕐᓗᑎᒃ ᓂᐊᖂᔭᒃᓴᓂᒃ ᕔᓂᓂᒡᓗ ᐃᓚᒋᔭᕆᐊᖃᕐᑕᖏᓐᓂᒃ: ᐃᒻᒧᒃᓯᐅᒐᕐᓄᑦ ᐊᑐᓂᑦ, ᓰᐱᓄᑦ ᐊᖑᓴᓪᓗᕐᓄᑦ ᐊᑐᓂᑦ, ᓰᐱᐅᓪᓗ ᓄᕐᕋᖏᓐᓄᑦ, ᐅᓄᕐᓂᖏᑦ ᒪᓕᒡᓗᒋᑦ, ᒪᓕᒐᖅ ᒪᓕᒡᓗᒍ; 38ᐃᓚᓗᒋᑦ ᒎᑦᓯᒥᒃ ᐊᑕᐅᓯᕐᒥᒃ, ᐊᔪᕐᓂᕐᒥᑦ ᐃᓱᒪᒋᔪᓐᓁᕐᕕᐅᑦᔪᑎᒥᒃ, ᑐᓂᕐᕈᑕᐅᔭᕆᐊᓖᑦ ᐊᓯᐊᒍᑦ ᐃᑯᐊᓚᑎᑕᒃᓮᑦ ᓂᐊᖂᔭᒃᓮᓪᓗ ᐃᓚᒋᔭᕆᐊᖃᕐᑕᖏᑦ, ᕔᓃᓪᓗ ᑐᓂᕐᕈᑕᐅᔭᕆᐊᓖᑦ ᐃᓚᒋᓗᒋᑦ.
39“ᑖᒃᑯᐊ ᐊᑕᓂᕐᒧᑦ ᑐᓂᕐᕈᑎᒋᔭᕆᐊᖃᕐᐸᓯ ᓇᓪᓕᐅᓐᓂᕐᓯᐅᕐᓃᑦ ᓇᓪᓕᐅᑎᔭᕌᖓᑕ, ᐊᖏᕈᑎᖃᕐᓂᕐᒧᑦ ᑐᓂᕐᕈᑏᑦ ᐊᒻᒪᓗ ᑐᓂᕐᕈᓯᕆᐊᖃᕐᓂᕐᒧᑦ ᑐᓂᕐᕈᑎᑦ ᐊᓯᐊᑦᑎᒍᑦ ᑐᓂᕐᕈᑎᒋᓗᓯᐅᒃ ᐃᑯᐊᓚᑎᑕᒃᓴᐅᓗᑎᒃ ᓂᐊᖂᔭᒃᓴᓪᓗ ᑐᓂᕐᕈᑕᐅᓂᖏᓐᓂ, ᕔᓃᓪᓗ ᑐᓂᕐᕈᑕᐅᓂᖏᓐᓂ ᓮᒪᓂᖃᕐᓂᕐᒧᓪᓗ ᑐᓂᕐᕈᑎᑦᓯᓐᓂ.”
40ᒨᓯᓯᐅᑉ ᐃᓴᕆᐊᓕᒥᐅᑦ ᐅᖃᕆᐊᖃᕐᑕᓕᒫᒥᓂᒃ ᐅᖃᕐᕕᒋᕔᑦ, ᐊᑕᓂᐅᑉ ᒨᓯᓯ ᑍᒫᒃ ᐱᖁᓚᐅᕐᒪᒍ.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.